رواية معتقل الصحراء الفصل الثامن والعشرون 28 - بقلم الكاتبه أم مختار

مساء الحب
بعد ساعة اسوي بث بگروبي الي ما موجود بالگروب خلي يراسلني خاص ادزله الرابط وتعالو نتونس بالبث
البارت ٣٤٠٠ كلمة ومستحيل تكتب بارت اقل من ٣٠٠٠ فـ لا تگولون البارت قصير.
قراءة ممتعة مقدماََ لا تنسون التصويت والتعليق
#معتقل_الصحراء
#بقلم_ام_مختار
#دنيا_غانم

مناسك _ليش مو امك قبلها
جاوبني بخشونه

_امييي لازم من تروح اكو احد هناك يداريها وجاهد ما يعرف فـ رحمة هيه الافضل

مناسك _ طريقة كلامه حسستني جاي يگلي انتِ مو مال واحد يعتمد عليج هيج حسيت
بس ما هتميت فعلاََ انا انسانه هاي قدرتي مو انسانه نبها او شجاعة قوتي الله انطانياها على گدي

بالليل گعد يسولف وي صليل متونس وفرحان بوصول جاهد
رحمة مسحت عبايتها لان ما نگدر  نغسل ونشر ماكو مكان
ورجلها التوجعها لفتها بجورابين

_تبقه رجلج هيج توجعج

رحمة _اوصل السوريا ونعالجها هناك هسا مو وكت رجلي

مياسين _همستلها بس اريد اعرف شجاااي تسوين

رحمة _مثل ما انتو تسوون ليش انتو ما تردون تعبرون؟

_لا كلنه اريد نعبر

_اي لعد ليش مستغربه مني

_بس مو مثل لهفتج

_لااا اكثر هم بس انتو باردين انا احب استمتع بردود فعلي

مياسين _حجت هيج ونامت
نامت مثل اهل الكهف  اني لو باجر اريد اسافر وبهذا الطريق يمكن عيوني سبوع ليگدام تعتزل النوم اما هيه نامت الصبح گعدت تريگت و گالت اني جاهزه

سائد _هاي الفلوس ما تسلميهن الا وانتِ يم جاهد سمعتي

رحمة _ادري

سائد_من تدخلين السوريا شتگليله

_اگله المكان الي تفق وياك زوجي بي هناك تنزلني
اسمه مكتب الشايب مو

_عفيه اني نسيته وانتِ لا

_مو امس انت كلت

سائد _ايي سباعيه ناس ذكيه بسرعه تفهم

مناسك _حجاها وباوعلي
ههههههه درت وجهي عنه
مثلك يا ابو الكلية  وتاليك سجن عشر سنين
ما عرفت اطلع روحك منه
حجيت هذا الكلام بداخلي بعدين كلت ما يحتاج اتنرفز وارجع اسوي مشكله خلي يحجي الي يريده
قابل الحجي بفلوس لو يقلل مني
ثرثره مجاناََ

نامت رحمة بالتابوت اني هيج سميته وهيه كلتله يلااا

علوش _هههههههه اول مره اشوف وحده قويه عادتاََ النسوان يبجن

رحمة _اني غير عن النسوان حرك
انطلقت وجتازيت الناصريه وفعلاََ جان شعور حلو ابدد ما خفت وولا توترت بالعكس حسيت المكان مريح واصوات السيارات جانت بمثابة موسيقى هادئة هناك وتوقفت السيارة هنا حسيت بخوف شوي فكرت نلزمنه
من فتح الباب مالت التابوت تنفست براحة

علوش_اكل وشرب يلا

_انطاني لفه و ماي ووگف يم باب السياره حتى ما باوع او حجة كلمة
اكلت وگلت يلا خلي نكمل الطريق

_يلا

_اجتازينه المحافظات  بسهوله خاصة المحافظات الاخيره الي عبرنه بيها شلون جنت اعرف من الوقفات او الاصوات

اخير اكل الي جان بمسافة عن الحدود
باوعلي وگلي ما خايفه مو

_لا لا

_سباعية يلا بس نعبر الحدود العراقية الباقي سهل

رحمة _ ان شاء الله
تحركت السياره هناك وخفت سرعة السيارة  طبيعي تعرف وكفت
اسمع اصوات ناس هواي
اكيد هذولي واكفين ع الحدود هم ينتظرون  يعبرون بس وضعهم افضل من وضعي
مو مهم شلون نعبر المهم نعبر هذا الجان عقلي الباطن مركز عليه

ساعة ساعتين بهذا الحدود نفتح التابوت

_الحمد لله على سلامتج خويه صرتي بسوريا

_صدددددك عليك الله

_اي و الله

_هلهلت بدون ما احس
هو ضحك عليه

علوش _اول  مره اسافر بهيج رحلة ميسرة  الحمد لله
وهسا  خويه زوجج ينتظرج يم المكتب ننطلق

_يلا اخذني الزوجي
تحركت سيارته حماس  ما ينوصف
شعور تغلغل بعروگ روحي
سعاده غامرره جنت اخذ كل نفس اطول من الثاني اباوع الكلشي موجود بهذا البلد كل صخره تعديت عليها باوعتلها

دخلنه ريف دمشق هو السايق گال
وصلنه يم المكتب جان يروح ويجي شفته من بعيد

جاهد _ يا الله الف الحمد لله ركضتلها وصلتيلييييي واخيررراَ شتعلت روحي بهاي الساعات

_اسم الله عليك ههههههه وصلتلك 

علوش _هاي اول الامانات يابه

_رحم الله والديك
انطتني الفلوس انطيتهن العلوش وگلته
بعد انت تعرف هنا تلكاني يوميا

_ادري لا ينشغل بالك
باذن الله اجيبهم الك وزوجتك سباعيه ولا خافت

جاهد _هاااي اللبوه بعد

_ههههههه
رحمة _هسا وين نروح

_اليوم نبقه بالشارع ههههه بس اجرت شقه

_وين اجرت

_بمنطقة اسمها الحجيرة هنا قريبه تبعد شارعين عن السيده

رحمة _ وين السيده تصير اريد اروح ازور

_ لزمت جتافها ودرتها هاي كدامج

رحمة _خلي نروح نزور

_اي اي نروح هسا بس گليلي  شنو نگول

_اكيد من تدخل حاطين الزياره دعاء صوره بعد حسب تعال لا تخاف تره الائمة للكل

_هههههه ما خايف
دخلنه زرنه جان المكان يبث بالروح الطمأنينة
ريحة المكان، الناس، اللهجة العراقية، كلشي حلو
زارت رحمة واجتي

رحمة _شلون كدرت تأجر بدون اوراق

_اووو كلش سهل كتله اني مهزوم من العراق ودخلت بدون اوراق اصلاََ حتي ما قبل نسوي اوراق گال قعود هون وربك بيسهل
ولا عبالج بس اني داخل بدون اوراق نص العراقيين داخلين تهريب

_هههههه  بعد عراقين بس خوش ضابط اللهجة السورية

_ لج اللهجة تجنن

_والسوريات خو ما جننونك

_لا  بس انتِ جننتيني و طيرتي العقلي

_ لا تتقرب تره ريحتنه صارت لا تطاق

_ههههه اني سبحت بالحسينيه تگدرين  ادخلين حمامات السيده بس حدنه لليل تنغلق

رحمة _ميخالف هسا المهم وصلنه مو مهم وين نبقه ولا مهم السبح هههههه

_هسا تعاي اوكلج وبعدين روحي للحرم ارتاحي

_منيلك فلوس

_او اشتغلت هنا كمت اشيل غراض الناس وينطوني القاسمة الله

_و الايجار

_حجيت   للرجال وضعي كتله تاخذ مني يومي الحد ما يجون اخوتي ما اعترض واساهل وياي
هماتين كلش طيبين السوريين

_الحمد لله يعني راح نتراح

_ان شاء الله

_اكلنه بوقتها من مطعم عراقي ودخلت رحمة للحرم واني بقيت انتظر اذا اجه احداشيل جنطة  اجتي  عائلة
عراقية من شلت غراضهم كلولي ما تعرف احد هنا يسوي جاي عراقي
كتلهم هاي گهوه يمكم عراقيه كلشي بيها وهاي المطاعم هم بيها جاي
واني احجي وياهم خطرتلي فكره
ليش ما اني اشتري قوري واسوي الجاي وافتر  على سوگ العراقيين هو طويل وجبير  مو الا يم الگهوه ابيع 
وفعلاََ اخذت الفلوس منهم ورحت اشتريت قوري ترسته ماي من الحرم والله الحد هسا اذكر
وجانت اكو ساحة قريبه للحرم العراقيين يوكفون سياراتهم بيها الي تجي وترجع للعراق جان اكو رجال يگعد ويشغل نار بتنكه استأذنت منه اسوي القوري ما حجة اصلاََ سويتها ورحت جبت الستكاين ورتبت كلشي بعد
وكمت  افتر ع المحلات اشترو
بس الجاي برد رجعت حميته و وبقيت افتر  جان اكو طفل دائماََ يراقب ببداية الشارع ستغربت هذا وين يباوع ويراقب منو
ما خليت بالي يمه كملت شغلي و حصلت اكثر من ما احصل من الناس بس هم بقيت اشيل للناس جنطهم واخذ الي همه ينطونيا بس ما اكلهم مثلاََ اريد  اكثر او اقل معتمد على الكريم ومدت ايده
قبل لا ينسد الحرم رحتلها جبتها وكعدنه  بالسوگ
بس اليوم تحملي باجر نروح للشقه

_حلوه الشقه

_اي مرتبه بعماره اول ما دخلين   للشقة الهول و بيها تلث غرف ومشتملات و هم بلكونه بيها  حمام

_شگد حلو اكو بلكونه

_اي

_الحمد لله

_نامي على رجلي ارتاحي ادري بيج تعبانه

_ميخالف يهون التعب المهم وصلت

_منو الي راح يجي وراج

_سائد گال امه

_ شوكت تخلص هاي الايام وننجمع هنا كلنه

رحمة _اشتاقيتلهم

جاهد _وداعتج احس راعي جلاب  ومضيع جلابه

_ههههههههه والله لو يسمعون

_لا و الله الحقراء صارو كل حياتي عبالك نسواني 

رحمة _هههههههه صرت اغار منهم

جاهد _لميتها الحضني بس مو قوي لأن اكو جم نفر بالسوگ وكتلها انتِ كل حياتي.....

........
مناسك _ رجع علوش و الحمد لله رحمة عبرت
وطلعت ام سائد بعدها
هنا سائد تخبل خاصه وهيه تعبانه كلشش حتى كامت بالگوه تحجي بس ما نكدر نجيبلها علاج او ناخذها دكتور  تخبل بهاي الجم يوم وبطلعتها زاد اكثر سألتهم
تاكلون

سائد _اكلووو انتو اني ما اريد

صليل _توصل لا تخاف

_اخاف تتعب بالطريق بعدني ما لحگت اتهنى بيها و لا اصلاََ عارف شلون اعوض الراح

_لا تخاف الكل يوصل و الكل يرتاح مو عبرو والحمد لله امان

_ادري حظي يسويها ويبعدني عنها

مياسين _لا تخاف ما عليها شي هسا يرجع علوش وهم يطمنك

سائد _ياررب

.....
جاهد _ طلعنه ثاني يوم للشقه صاحبها گال من امس فرغوها اصحابها جانت مؤثثة اثاث بسيط كاونتر مطبخ طباخ ثلاجة و بنكات ومفروشه كلها

رحمه خلي نغسلها وننكث الفراش شنو رئيك

_ بس اني ما اكدر اساعدج

_ خوش  روح لا تخاف اني اخلص كلشي

جاهد _تمام يلا ديري بالج علي روحج وهاي جم فلس خليهن يمج بس ديري بالج عليهن وتعاي وراي  سدي  الباب

_تمام

رجعت بالليل هلكان بين السوگ وبين حمل الجنط لكيتها مسويه الشقه تلمع و محضره اكل وريحة البيت تخبل

_طلعتي؟

_اي ما بتعدت اكو محلات  جوه  العماره  اشتريت شغلات بسيطه وسويت

_ عاشت ايديج يلا تعاي ناكل

_يلا

_واني اكل سألتني
صدگ تحبني جاهد

_اموووت عليج وانتِ؟

_احبك

_اكتفت بهاي الكلمة و كملت اكلها
رجعت كلتلي تخيل حياتك بدوني

_مره حنضل، ما اريد اتخيل شبيج تحجين هيج

_لا هيج اساله بس اريد اسولف وياك

_لا  تسألين هيج وعاشت ايديج الاكل طيب

_بالعافيه

ثاني يوم الصبح استلمنه ام سائد گبل اخذتها للشقه جانت طابق ثاني خطيه بالگوه صعدت
وهذا النسيت اعمل حسابه
خليناها بالغرفه ترتاح خطيه من التعب نامت بسرعة
حتى ما كدرنه نطمن على البقية

.....
سائد _هسا منوو

صليل _مياسين لو مناسك

مناسك _ طلعي انتِ قبلي

مياسين _ متفقين ما اكول لا ههههه بس مو تتأخرون عليه بسرعه بسرعه حتى يوصلني صليل

سائد _يوصلج لا تخافين
من رادت تصعد بالسياره حضنته وباسته
واني اعصابي  من يمها تحترك درتلها هيه باوعتلي ودنگت صوج كلبي التعلق بوحده جافه
هيه مو بس وياي هيه حتى حجي ماا  تحجي ع كد السؤال او الشي الي تريد تحجي حتى اغلب ردودها ب امم، اي، لا، يمكن
طلعت مياسين و هيه خافت تغيرت معالم وجهه ههههههه عبالها جانت مياسين حاميتها مني

صليل _ شوفو ولكم كل واحد منكم يكعد بجهة مريتي وراحت ولاحني  الجفاف كلش اطيح حظكم اذا سويتو شي حتى نظرات ممنوووع

سائد _ هههههههه صدگ ضحكتني
لا تخاف النفسيه لو ثالثنه الشيطان هم الشيطان ينصدم من برودها

مناسك _ والله انت روح امشي وره الشيطان اني
اريد امشي وره ربي سهله

سائد _واصلين السوريا لو لا ساعتها اذا شفتي سائد يباوعلج بسسس يباوعلج تفلي بخلقته

_لا تباوع

صليل _ شنو رويسيه امداكم وانتِ عيني حج شبيج تعلمي من صاحباتج

_اني متعلمة ما يحتاج اتعلم انا ما ادخلت بيكم انتو ليشش مدخلين بيه هااا

صليل _اهوووو كبرتها ام صماخ

سائد _اسكت عنها ختولي

مناسك _ خلي اولي موو تره اذا ما تريد اجي وياااكم ما اطلع وهم الدوله ما تدور عليه انيي تدور عليكم انتوو

سائد _ خوش عرفنه سدي حلكج

_ شوف اسلوبك وياي قبل ما تحجي على سلوبي سمعت الولد گالو للبنات سدي حلگج

_من انتي تحجين عدل و  تطفين ناري ساعتها اعاملج عدددل

_ استغفر الله تره احنه مووو مزوجين
لا الشرع ولا القانون و لا حتى المجتمع يرضى بهيج تصرفات

سائد_ فهمنه موو يوميا تعيديهن

_ما جاوبته مستفز مستفزززز واني مالي خلگ
طول هاي الفتره ابد ما حتكيت بي
بس طلعت جبت اكل خبز وطماطه هو هذا العشنه عليه ارجع اكصصهن الهم  و انتهت لا باوعلي ولا حجة وياي
وصلت مياسين ووصل دوري هسا اني الي لازم اطلع
الخوف تملك مني

سائد _الباج وينه

_عندي

_بس توصلين سوريا تسلمي الجاهد خاف يحتاج
يخليكم بفد مكان  ولازم اوراق وخلي يكلهم اخويه يومين ويجي

_تمام

_بس تمام

_ايي بس تمام قابل شگول بعد

سائد _  هذا  هو تمام باوعت العلوش وگتله وصلها السوريا وذبها بجولهم

مناسك _باوعتله  ما باوعلي

صليل _هههههه يضحك وياك خويه تسلمها للاهل

علوش _ان شاء الله

علوش _يلاا خويه اسد الباب؟

مناسك _ايي

_لا تخاف عليها ما تموت بعد لو تهرب وياها واحد هم يكفي المكان لأن هيه مخلصه

مناسك _ استغفر الله
نمت بالتابوت و سد الباب و تحركت السيارة
سمحت لدموعي تنزل هواي اذاني بكلامة
حتى من القهر جسمي كام يرجف خليت ايدي على حلگي و كتمت شهگتي خيولي واذا حجة
كدرت ادور على ظهري من درت ضحكت ما جذب
يكفيج المكان غرفه وتتحركين بي
اي شسوي اني هاي بنيتي ما داكدر  اسمن او هو بالاصل وين الاكل حتى واحد ياكل ويسمن
ساعات ونزلني
اكلت وشربت و كمل طريقة الولد
وصلنه للحدود هنا العبايه ذبيتها على وجهي من الخوف مدري منو كلي انتِ نعامه
اذا خفتي بس اضمين وجهج بعد محد يشوفج
بس ساعتها من الخوف الاني بي حتى عقلي  طار مني تحركت السياره هناك ووكفت
يارب سترررك

_سمعت طكطكه يمي احس بوجههي حنفيه مو عرگ من الخوف

علوش _الحمد لله على سلامتج احنه بالاراضي السورية

_يا يابه ههههههه يمه متت بدمي

_لا سباعية انتِ هسا وين اوديج؟
.............

صليل _مو ضايج منها شبيك ما كعدت من طلعت الهسا

_ضجت منها مو اكرها والله احتركت اعصابي من طلعت الهسا نزعت روحي واخذتها وياها

_ولك انت منتهي

_وما تحس بيه شالفايده

_شوي شوي مثل مياسين

_والله هاي شكلها مو مثل احد

صليل _ نمت علي رجله وتحسست رجله تخيلني مناسك

_انت اذا احضنك تطلع من كل حضني هذيج لاااا تضيع تضيع بحضني هيه ضاعت بگلبي قبل حضني

_هاااا ولك يعني حاضنها

_ هه انااا الي حصت الاسدد مو بس الحضن

_يعني شنو

_يعني  وياها مثل اي ثنين مزوجين اول يوم اجتلي صارت ملكيييي انيي

_يعني مو جذب هيه جانت باكر

_لااا مو جذب

_ هذا هو لعد  ابقه بذكريات ذاك الاسبوع

_ههههههههههه

_مو اسبوع يمكن مرتين او تلاثه تقربتلها
ومره وحده حضنتها من بعد هاي اهوسه كلها

_وين

_بالبستان وداعتك غصب

صليل _عيني سأوده اليوم الجفاف طافح

سائد _ولك تمنيتها تباوعلي وتبتسم ما اريد شي ولك هيه حتي ما تباوعلي

_تباوع تباوع منا ورايح انت بوجهه اربعه وعشرين ساعة وين تولي مضطره تباوع الهاي الخلقة النكسة

_ شتگول وصلت لو لا

_ايي وصلت

_الله يسمع منك
ثاني يوم بالليل وصل علوش هااا بشر

_ههههه مو كلت ذبها بالجول  ذبيتها

سائد_لا  بشرفك وصلتها الجاهد

_كتلها هسا وين ترديني اوديج
بجت وكلتلي عليك الله وديني الاهلي
عبالها راح اخطفها ههههههه عمي انتو فلممم
شلون نجمعتو

_ههههههه اي مرتي جبانه

صليل _عليك الحسين ابو راس الحار زوجتي  شسوت من طلعت

علوش _العباس ابو راس الحار كامت ما تعرف تحجي

_خاب من كون رحتلهم ثنينهم فدوه بس حجيلي

_لا سباعيات الاثنين الطلعن بالبدايه سباعيات
بس هاي فد نوب الله يساعدك

سائد _ هسا المهم وصلت
.....

َمناسك _دخلت سوريا ومن كلي وين تردين ترحين بجيت عبالي راح ياخذني يهيم بيه
رغم الولد سألني كتله عليك الله وديني الاهلي كام يضحك عليه وصلنه هناك لكيت الكل ينتطرني
البنات و ام سائد وجاهد
اخذوني للشقه والبنات حضنني وفرحانات بجيتي طمنتهم علي الولد

جاهد _صاحباتج واجنج بقيت بس اني وحيد

_اي الحمد لله وصلن
ويوم الالك

_يلا اخليجن اني راح اطلع

مناسك _گعدن  بحضني عبالك صار سنين ما شايفاتني وخرررن عاب هذا الحال

مياسين _صلول شلونه

_زييين

ام سائد _ووليدي

_كلش تمام لا ينشغل بالج
هسا كم يوم ويصير يمج

رحمة _اني هسا راح اطلع كلشي يمكم بنات ومياسين صارت تعرف العملة  امس بالليل كعدتها وخبصتها موووو مياسه

مياسين _اي و الله حفظت وسجلت يمي بالورقه والقلم

مناسك _وين رايحة

رحمة _ ياا ما تدرين كمت اشتغل

مناسك _جذاابه بهاي السرعة

_كعدتنه ما منها فايده لازم نعين البقية الحد ما يوصلون طلعت ودورت لگيت محل عراقي نهاية شارع التين يبيع فضة وگال اريد عامله

مناسك _لبست البنطرون و القميص و الحجاب و طلعت
هاي شنوو شنو هاي الاناقه

_ولج وينها الاناقه يوميا البسهن  حتى خاسن عليه الحد ما يصير عندي فلوس و اطلع اشتري

_حبيبتي الله يوفقج انتِ سباعية ما ينخاف عليج

مياسين _طلعت رحمة سويت المناسك اكل كلت شوي وشبعت كامت ورجعت گعدت شبيج

_الا اكل هاي الطاوه كلهااا

ام سائد _هههههه لويش

_ابنج يصنف عليه وقهررررني الله لا يقهررر عبد مسلم

_يا انتِ تنقهرين من سائد و الله وليدي حنين بس شوفي ضايج وطلع الضوجة بيج

_ايي برريله ابنج بعد

مياسين _گعدت تاكل بالگوه بس سباعية كملتها كلها
من خلصت و گامت غسلت كامت تشكي من وجع بطنها
ههههههههه هسا انتِ مجبوره؟؟

_ايي هذاك الضخم ما اريده يضحك عليه

مياسين _ههههههههههه
.......

سائد قبل لا يوصل علوش حسينه اكو حركة بالمنطقة هو المكان الجنة  بي غرفه صغيره و بنهايتها كسره بيها الطباخ و حنفيه مي الشباك صغير نفتحه حتى يجينه هوا مد راسه صليل شاف الامن يفتر بالمنطقه
رأساََ دخل

_امن

سائد_ معقول عرفو مكانه

_رجعت باوعت شفتهم يدخلون للبيوت
هذولي جاي يفتشون البيوت

سائد  _اذن احنه نلكفنه
خلي نطلع نگدر

_اي بس لازم نطلع عكس دخلتنه

_ايي نطلع لبس صليل الزي العربي
وطلع قبلي يامنلي  المنطقه

صليل _اطلع وخليني بظهرك خلي اني اغطي عليك

_تمام

_طلعت وهو وراي يمشي ويأمرني ما التفت
بعدنه مسافه عن المنطقه
وطكيناها ركض للخرابه الاخذنه الها علوش ما لگينه احد هناك تطمنه شوي

صليل _الجلاب وضعهم افضل من وضعنه

_خلصت ان شاء الله مدام همه كلهم طلعو الباقي سهل

_هسا  شلون نتواصل وي علوش

_خلي يهدأ الوضع وباجر الصبح اني اروحله

_تمام و گله  اني هنا بعد اني الاخير

سائد _ نجذب عليكم من نگول نمنه النوم ما زار هدب عينه
الصبح من فجرية الله صليل نايم خليته وطلعت العلوش بس دگيت الباب طلعلي هو بفالينته و الشورت
وين صرتو ظل بالي يمكم وعلي

_رحم الله والديك ضجنه من البيت ورحنه للخرابه

_ههههههه خوش طلعه هاي

_ها مستعد اليوم لو لا

علوش _اكيد علي الموعد بس اكلي لگمه نطلع

_متفقين تلگاني بالخرابه تگدر تجي

_اي  اي اگدر

_رجعت  للخرابة  لگيته  گاعد ينتظرني وين رحت گلت راح بدون ما يودعني

_شلون اكدر

_شسويت

_هسا شوي ويجي علوش

_ننتظره باوع من توصل طمن مياسين موو تخوفوها انعل والديكم والله

_لا تخاف ما نخوفها
انتظرت علوش يجي فتحلنه باب التابوت على گولت الجبانه
يلاا خويه صليل انطلق

صليل _شنهووووو

_اصعد ووصل سلامي للبقيه

_مو اني الاخير

_لا لا اطلع قبلي ما اگدر  اطلع وانتو وراي ادري اموت من التفكير قبل لا اوصل

صليل _مو بأيدج گلب والده

سائد _هههههههههه

صليل _ اجيت اصعد ما هانت عليه ام سائد هسا اكيد تنتظره
عليك الله انت اطلع گبلي  امك خطيه

_روح يا خووويه روحححح

_تحاضنت ويا وتوادعت دير بالك على روحك

_هانت كلها يومين وننجمع

_ان شاء الله مودع بالله يا خوووي

_الله وياك

صليل _هاي  جانت اصعب لحظات شايف من واحد يفديك بروحة هيج سوه وخاصه الامن يفتر بالمكان الاحنه بي انشغل بالي يمه الخوف يمه مو من الطريق وصلت السوريا بس دخلت گلت العلوش تلگا بالخرابه واني راح تلگاني بالمكان المحدده اخوي حتى قبل لا اوصل يمهم وصيت على سائد

_ان شاء الله

_علي امانه بيدك يا علي

علوش _  ان شاء الله كلنه بيد الامام علي عينه علينه داحي الباب

صليل _يا علي نطقتها من كل گلب ادري ال بيت الرسول ما يردون سائل

......
مناسك _ وصل صليل قبل سائد تعجبنه جنه كلنه منتظرين سائد لان جانت الخطه صليل الاخير مياسين شهگت من دخل للشقه وشافته ركضتله حضنته

رحمة _ تحجي عليه وشوفيها

مناسك _غلسي غلسي بقت على هاي انتن عبرتن القارات بالبربكة  ههههههههههه

رحمة _نزووول عليج منين جبتيها هاي

ام سائد _يوم لعد وليدي وين

_لا تخافين خاله كلنه تمام بس سائد ما قبل اطلع بالاخير گال اطلع واني اجي وراكم

ام سائد _ يحفظكم الله يمه الحمد لله على سلامتك مدام وصلت وليدي يوصل

مناسك _ هيه فرحانه بشوفتهم بس هيه جانت منتظره سائد حسيتها طول اليوم مقهوره وحقها تعبت من الفراگ اخذ صياح منهم اجمل سنين العمر ما بقت عدها طاقه الهاي الايام
و تملكنه الخوف من صليل گال يدورون عليهم بس هيه ما عرفت كمنه واحدنه ياكل بنفسه
بيومها ما نمت ما اعرف اذا خوف عليه او شنو اسمي بس ما كدرت انام كل ما الهي روحي بشغله الگه  روحي صافنه واعض بأصابيعي وافكر بي اذا لزمو اذا صارله شي اذا واذا
ثاني يوم جاهد طلع واخذ ويا صليل
الي طول الليل سطرو راسي هو ومياسين يسولفون بالبلكونه
احنة الحد هسا محد طلع او فرح بجيته  خاصه وجاهد وحده يتشغل حتى يدبر فلوس
ورحمة تطلع وما ترجع الا بالليل وي جاهد من شغلها واحنه بالبيت بالنه يم الي يردون يعبرون الحدود بعدنه ما مفتهمين شي من هاي الحرية
بعدنه احنه وراحت البال نلعب ختيلان
يوم وصول سائد بدلو  الولد  حتى يرحون يجيبو ام سائد ما قبلت كلتلهم اخذوني

جاهد _ما بيج حيل تنزلين الدرج

ام سائد _ لا بيه بس اخذني

جاهد _بدلي مناسك وتعاي ويانه تساعدين ام سائد

_اي هسا
بدلت ع سريع وطلعت وياهم  نزلنه الدرج على كيفنه
بقينه ننتظر يم المكتب تعدت الساعة الي كلنه وصلنه بيها
حنه اذا خفنه ما نبين بس گلب والده
كامت تباوع من الجهتين وتعدت الساعه وصارت ساعتين وسائد ما بين ولا السايق
لحظات ما نتمناها العدو والمصيبة الاكبر الام كامت تبجي و الولد نخبصو ما يعرفون شيسوون

صليل  _گتللله اطلع قبلي عندددد ابو راس يابسسس

جاهد _هسا يجون على كيفكم يابة

مناسك _گامت  ام سائد وگلتلي گوومي اخذيني للسيده زينب

مناسك _ اي يلا

ام سائد _اني  داخله ازور و ارجع واني ادري اخت الحسين ما تردني

مناسك _ دخلنه وهيه من الباب بجت بجي
بجت النسوان كلها الموجودات
لزمت الشباج وتبجي من گلبها اني زرت بست الضريح
وندعيت السائد  يوصل بالسلامة
هيه بقت بالربع ساعة تبجي ولازمة الشباك الناس ازدحام بس محد وخرها يجاوزوها ويعبرون
وامهاتنه العراقيات يكلولها ما تردج ام عون ان شاء الله

طلعنه الولد وحدهم
رجعت  باوعت للسيده وگعدت بمكانها

جاهد _يجوز تأخرو بالطلعة هو گال اني مرات
اتأخر مناسك اخذي ام سائد وبس يجي نرجع للشقة

ام سائد _اني ما اتحررك

_يوم روحي باعي تره هاي الحجيره منا تبين روحي ارتاحي واذا اجه والله بسرعة اني اجيبه الج

مناسك _قنعوها واجتي وياي باوعت الجاهد اني ما اندل ارجع

صليل _اني رايح وياهم

_روح

جاهد _بقيت انتظر وماكو اني خايف اكثر منهم بس لازم اسكت اذا كلنه نخوف بعض نموت رواحنه وخاصه اني راسي راح ينفجر

صليل _وصلتهم ورجعت ع سريع هااا

_ماكوو

صليل _بس لا لزموو

جاهد _اذا لزمو اني ارجع للعراق وي علوش و انت ابقه يم البنات

صليل _اني  ارجع وانت تبقه
بقينه نتعازم
ومحد منه  اشتغله شي بقينه بمكانه الحد الليل
خفت الرجل و اني وجاهد نحوس

جاهد _ارجع برد گلب ام سائد واني ابات هنا

_دير بالك على روحك

_ان شاء الله

مناسك _ بعد ما اجه صليل نامت هيه جفي وهيه نايمه دموعها تنزل نشوفهن شكينه بيها نايمه بس من صحنالها ما ردت

رحمة _عوفوها خليها هسا شوي وتعمق بنومها

_تركناها وطلعنه كلها نامت بس اني ما كدرت انام قلقانه والقلق تمكن مني الحد صلاة   الفجر صليتها وما اذكر شلون غفيت على السجاده 

فزيت على صوت جاهد وهو يگعد بأم سائد

_گومييي  خاله اجه وليدددج گوووومي

فتحت عيوني وگمت  باوعت جان گاعد يبين تعبان انطو ماي وام سائد  من شافته گعدتله وحضنته وهيه تبجي وهو بس يختض جسمه

بعد ما شوي ستوعب روحة بالمكان گام وتحاضن وياهم وهمه طايرين بييي طيرااان
كلنه فرحنه بجيته بس اني ما باوعلي اصلاََ

حتى من گتله الحمد لله على سلامتك
جاوب وهو منطيني ظهرا

سائد_تسلمين

يتبع.....