رواية معتقل الصحراء الفصل الحادي وثلاثون 31 - بقلم الكاتبه أم مختار

مساء الحب
البارت ٣٢٤٠ كلمة
لا تنسون التصويت و التعليقات
راح نوصل نص مليون 😍😍

#معتقل_الصحراء ٣١
#بقلم_ام_مختار
#دنيا_غانم

سائد_ قبل لا تنصدمين ولا تضوجين ولا تألفين ولا تفكرين
هيه حفله ورحنه بس نباوع الله يشهد
كاعدين على طاولات نباوع  للمطرب والراقصات اكثر من هيج ماكو خلاص انتهى

مناسك _ انت كلت خلاص انتهى
عج  المكان بالهوسة والصياح يمكن كل العماره سمعت اني ما حجيت ولا كلمة اصلاََ اني الشاك و لگه دليل عفت هاي الهوسه كلها ودخلت للغرفه هو وراي 

سائد _احجييي وياي لا تبقين هيج بارده ومجاهله كل المواقف الي مرينه بيهااا ساكته ما مليتي من السكوت بس تحرگيني بيييه  جاي اكلج ما سويت شي رحت حفلة حالي حال الناس بس باوعت شنوو حتى هاي حرام

مناسك _ احجيي شگول؟؟ اني شدخلني

ام سائد _يوم على كيفك

سائد _شدخلج؟ والبداية الجديدة الجاي نبديها

مناسك _الي نتقرب بيها الرب العالمين؟
راحت الله وياها لان اليتقرب الرب العالمين ما يروح حفلات وراقصات

_ تره ما سويت شي اني رحت اباوع

مناسك _اذا متأكد ما مسوي شي ليش جاي تبررلي

_لأن ادري بيج راح تفكرين غلط وما تحجين حتى تفهمين مني

_ روح وين ما تريد اني مالي دخل بيك

سائد _ يطبچ طوووب هيج زييين
اطلعيني عن طوررررري ياله ترتاحين
فاهيه

مناسك _ ولا جاوبت ولا حجيت گعدت بالغرفه وبقيت اسمع للهوسة البره خاصه مياسين گطعت روحها تگطع اسمع صوت صريخها والبجي

مياسين _ ياااا حب تحجييي عنه
يوميا تسوي الاضرب وتجي تگلي انتِ الاحبها انتِ عشقي انتِ وانتِ وتالي ما تالي حفلااااات صارت

صليل _يابه ما كلت اغتصبت الراقصه
كلت الطشو عليها فلوس حتى مووو انا الطاش هيه حفلة ورحنه نباوع حتي النظر  ممنوع انطيج عيوني خليهن يمج

مياسين _لااا تحجي بالحب وانت عيونك نكسات
و تفكيرك بس بالنسوان

_احجي عدلل مياسين لا اجيبج بطراك اعوووج حلكج خليني احجي ويااج بأدب لا اطلعيننن ابن السجووون احسلج

مياسين _على گولتك شترجة من ابن السجووون انت موو صوجك صوجي اني الذبيت روحي عليك

صليل _ بكل هدوء دخلت للغرفة و جريت بنطروني لبسته وهميت اريد اطلع

_اطلللع جبان ما تواجهني
من گلت جبان خليت ايدي على حلگي

صليل _اني لو جبان جان هسااا احنه بردهت الكسورر بس اني ما ناسي رجولتي وتحتم عليه ما امد ايدي عليج السانج كصي لأن راح يطلع من حلكج حجيتها و ركعت الباب وراي

رحمة _ اووي شگد  مغثه اروح انام احسلي

جاهد _........

مياسين _ فرشت فراشي ونمت نقهرت بوقتها احس نار بصدري ليش هيج يسوي اذا يحبني ليش يوميا نسوان وضحك وختامها حفلات

ام سائد _ واحنه فرحانين نگول تغيرو

مناسك _ ما يتغيرون هذول

ام سائد _ الادبسزية كتلهم ازوجو اذا هيج ميتين بالنسوان بسس اخخ منهم الحرام مثل الگنگري بعد صعب واحد يستأصله منهم
احتركت روححححك صيااح ضيعتهم الله يضيعك بعالم البرزخ كون

مناسك _ ام سائد ما نامت بقت يم مياسين تواسيها
مياسين صدگ السان ومرحة بس هواي حساسه
وتحبه حبته من كل گلبها يمكن لأن ما عرفت الحب بحياتها لا ام ماكو  ولا اب بي خير والبيبي تركتها بالسجون
حسته هو صار كلشي الها

ما رجعو الحد ما أذن الاذان گمنه نصلي ونفتح الباب دخلو تلاثتهم

ام سائد _هااا وين رحتو الراما لو الغير وحده دو الحفلاتكم لو للرقصات گواكم الله بعد عيني

سائد _ يوم يعني انتِ من كل عقلج واكفه وياهنن عمي احنه ما سوووينه شي انتو ليش ما مصدكين حفله ورحنه نباوع يعني محد يروح حفلات والاعداد الشفناها منوو
حتى عوائل جايه

ام سائد _ لا تحجي وياي انيي الادافعلك واكول ابني خطيه ينصلح وديري بالج عليه يا مناسك
والله حقها ما تهتملك مرمرتني ومرمرتها يااا جبيرررنه باوع الشيب ترس راسسسك
استحي اخجل ع العمر الوصلتله المثلك هسا بعد ما الله طلعه من قبضه الموت يخلص حياته بيدين الله يطلب الرحمة

مناسك _رزاله بردت گلوبنه والحلو هو ما يگدر يرد عليها بس واكف ومدنگ
دخلت توضيت و صلينه
حضنت مياسين وام سائد هماتين اجت يمنه و نمنه للصبح فزينه على صوتهم وهمه يهمون يردون يطلعون للشغل
وسائد يصيح الامة طلعتله
شتريد

سائد _بست راسها اميمتي لا تزعلين عليه
والله اني ما جنت ادري هذا الموضوع هيج يغثج
جان ما سويته بس رحنه نتونس و شوي نغير جو وداعتج غير بطل الماي ما طلبنه وغير النظر ما سوينه وداعت من زرع حبج بگلبي فطره

ام سائد _ يوم اني من احجي احجي الخاطركم انت وهذا المسربت الثاني

صليل _اني؟

_لعد منووو جاهد خطيه المسكين كل الهدوء بس انتوو ساس البله

جاهد _لا و الله خاله مو كل الهدوء بس محد يغار عليه تشوفيني بس اراقب 

رحمة _ ليش اغار ادري بيك ترجعلي اني

صليل _كفووو  انتِ ذكية

ام سائد _انجب ابو السان فالت كل المصايب من وراك وانت ولك سائد اطيح حظك اذا ثاني مره عدتها
وانت ولك جويهد هاي الانت  الشاطر الذكي الما خليت اخوتك بعازه الفلوس و احنه بعدنه ما واصلين السوريا هيج يصير بيكم

جاهد _حقج علينه يوم

صليل _مره ثانيه ان شاء الله اذا رحنه انتبه للساني تدللين

سائد _ لا تزعلين بعد ما تتكرر و الله

ام سائد _راضو البنات هم خطيه مياسين امس طول الليل تبجي

سائد _ بس مياسين؟

_ايي هذيج تضم وتحرك بروحها  ما تشوفها راح تخلص

سائد _و الله ما اتوقع يلا خلي نطلع يابه اتأخرنه
اليوم لا تسون اكل راح اجيب وياي اكل

رحمة _ فدوه جاهد جيبلنه وياك فراولة  كلش مشتهيه

_تدللين

مناسك _ رحمة لبست وطلعت الشغلها
واحنه گمنه للبيت رتبنه و گعدنه
رجعو كل واحد جايبله شي 
الصفيحة و الكبب السوريه
و المسبحة و الفليفله

مياسين _تعاي خلي نسوي شي

_شنو

_تعاي نفرش وناكل كل الاكل و نضحك ونسولف نغثهم مغثه مثل ما امس سوو بينه

مناسك _طاوعتها اريد ابرد كلبها فرشنه وسوينه سراحية لبن و جبنة  الماي و كصصنه زلاطه و الخبز وگعدنه

رحمة _ما اتأخرت موو

مياسين _ لا لا تعااي يابه الاكل شگد طيب يلوك النه

مناسك _ اكلي الصفيحة هواي طيبه

مياسين _ السورين مبدعين بالاكل،، لحد من وراهم يسوي اكل

مناسك _ كون بعد هذا الاكل موطه وكون متروسه ترس يابه نبرد على كلبنه

صليل _بالعافيه صاحبي ان شاء عوافي  على معدتك

سائد _الله يعافيك بس على كيفك لا تبالغ

مياسين _ شرايجن من نخلص نطلع نروح ناكل موطه هاا رحيمة اللئيمة

رحمة _اييي نطلع شعدنه نتونس

صليل _ واحنه هنا شنو زلم لو كراص......

مناسك _ جنت اشرب اللبن من حجه طلع من خشمي

مياسين _ انت ابو النسوان ورجاءََ لا تدخل من نحجي احنه

صليل _ اكلي اكلي من فلوسي ونكريني

مناسك _شرايكم هماتين  من نروح  السوگ الحميديه  اشتري ملابس انتو اشتريتو واني بقيت

رحمة _ بس اذا مني الفلوس ما عندي  مخلصه

مناسك _لا مو منج امداج انتِ وفلوسج
اني عندي كم  فلس اشتري ببهن

مياسين _واني هماتين انطيج عوفي رحيمة العريمة (العرمة)

رحمة _ فدوه جاهد انطيني هاي الكبة المشويه

جاهد _تفضلي

رحمة _ يا يابه شگد طيبه حبيبي ما تنطيني فلوس  اروح اشتري اني هماتين

جاهد _ يمج المحفظه واخذي الي تردي بس ع كيفج حتى نلحگ

مياسين _واحنه نحجي ندگ الباب طلع سائد
شوي وصاح  الجاهد
غابو بالنص ساعة ورجعو ضايجين

ام سائد _شكو

_ العماره امس مشتكين علينه يم ابو الشقة  بسبب الصياح

_وشنو يريد؟

_يگول اذا تكررت الحاله اطلعون من الشقه اجت حجايه من وره سالفة ما تسوه

ام سائد _اعتذر منه وگله صار سوء فهم امس

سائد _گتله

_هذا هو شنو محد يصير ببيته صايح من گعدنه الحد هسا ما فاتحين حلكنه احنه

جاهد _كتله هو هم الرجال ما حجة شي بس لازم يحذرنه يابه هنوب تعاركو صامت

مناسك _لمينه السفره وكلمن دخل الغرفته
شوي واجتي رحمة مبدله

يلا گومن نطلع

مناسك _تجين ويانه خاله نمشي على كيفنه

ام سائد _اي طلعني ضايجة

مناسك _بدلنه وطلعنه
سائد من باب الشقه صاح الامه
شوي واجتي يلا خلي نروح
وصلنه سوگ الحميدية   اشتريت ملابس اشتريت بنطرون و عجبني  قميص  طويل هم لونه اسود
و اعترضت مياسين

مياسين _يعني انتِ عجوز

مناسك _مو هو احلى لون

_لا لا باعي هذا القميص لونه ابيض وبنفسجي يخبل عليج

_ لا فدوه اخجل هذا الون مو مناسب

_شگد عمرج مناسك؟

_ ٢٣ سنه

_شنو المو مناسب لعد بعدج ولج انتِ طفله اني اكبر منج واشتري احمر واخضر وانتِ دافنه روحج شبيج

مناسك _يمكن اذا اكلج كلشي باهت بعيني تكليلي شدعوه بس ماكو واهس

مياسين _احنه طلعنه من حلگ الموووت لازم هسا احنه اصحاب الواهس
وبعدين انتِ غافله و ساده عيونج عن كلشي
صحيح همه الولد غلطو بس ما معناها اتركين سائد تره كلها ادور عليه

مناسك _ عوفي سائد فدوه تعاي اخذ القميص التردي مو شكال

_وهذا البنطرون هماتين ما اريده

_لعد

_تعاي بدلته الها  ببنطرون ابيض و اشتريتلها حجاب
مورد بس ورد بنفسجي فاتح ووردي حجاب مثل مالت الايرانين اريد الفه علي وجهه يطلع كلش حلو خاصه وهيه حلوه معانيها حلوه بس مبهذله نفسها بنفسها

رحمة _كلش حلوات

مناسك _بس خلصت فلوس مياسين

مياسين _شسالفة هسا اني شنطيتج مو كلها جاي تساعد الكل واني قابل شسوي بيهن اخذهن من صليل هيج بس اجمع

_شكرََا بس يصير عندي ارجعهن

ام سائد _ تفضلي مناسك

_شنو هاي

_هاي فلوس من سائد مدام كملتي كلشي اشتري ثوب للبيت وحذاء

_ما اريد خاله

_امي اخذيهن ليش يرحن الغير شي

مياسين _جيبيهن خاله مالج شغل بيها هاي الكئيبة النفسيه ام بوز متر
اشتريتلها حذاء يرهم وي ملابسها تعمدت ما اختارلها ملابس كلش عريضه هيه ضعيفه وتلبس عريض ضايع كل جمالها اريد اخبل سائد
لازم شوي نغير من   نفسيتها التعبانه
رجعنه للبيت واحنه فاتحين الجام و خايفين على ام سائد ومن وصلنه ما صعدنه راساََ خليناها ترتاح خطيه المراه ويانه ويانه تريد تونسنه و احنه نخاف عليها بس دخلت دخلت ذبيت غراض مناسك بالغرفه وهيه هم دخلتها ورحت للولد دكيت الباب

صليل _ فوت

سائد _ صاير شي

مياسين _لا بس اذا تردون تثبتون حسن نيتكم طلعونه احنه النسوان نحب نطلع

صليل _ على المشي الهسا مشيتنه بسوگ الحميديه اني منجن ارجع زحوف بس نسوان منين تلزمهن يزلكن مثل السمجة

مياسين _ من دكيت اصبع بالحفله ما تعب اصبعك شوده عليه ابو النسوان

صليل _ عوفج من النسوان وگليلي وين تردين اطلعين

_اي مكان نمشي بي حلو ومرتب يلبق بينه احنه

صليل _ شرايكم ناخذهم للمزه يجنن وكله سفارات وفد شي  راقي وهم ناخذجن تبلعن بوضه

_شتو هاي بوضه

_موطه موطه انتن مال بوضه

مياسين _ احنه مال حفلات ودك ورگص

_اهووووووو

سائد _ نحضر روحنه ونطلع يابه شعدنه نغيرجن نحبل نجيب

مياسين _اي عفيه احنه هماتين رايحين نسبح  ونبدل
طرت المناسك كومي راح نطلع

مناسك _يمه رجليه بعد ما بيه

_لا لا بيج كووومي عجوز البين كووومي

_وين رايحين

_الولد  راح ياخذونه المكان حلو

مناسك _ما اطلع روحو وحدكم

. مياسين _ فتحت علاكة حذائها وكتلها اكطعه عليج اذا ما تكومين

ام سائد _گومي  يوم تونسي شبيج ومالج دخل بسائد

. مناسك _وانتِ؟

ام سائد _اني شعليه اني هنا ابقه راح انام تونسي امي لا تفكرين بأحد ايام تعبج منو فكر بيج

مياسين _اي و الله خاله
ركضنه نسبح طبعاََ كل واحد وحده مو مثل السجون جنه نسبح جماعي

دخلتها للغرفه لبستها فالينتي و حماله صدر بارزه 

مناسك _هاي لويش

_انچبي  وصبري
رجعت لبستها بجامه و كتلها لبسي هسا القميص و البنطرون

مناسك _هيج اطلع يمه لا لا مستحيل

مياسين _رحمة ما تنلام من تباوع السائد
انتِ مو مال واحد يحترمج

مناسك _شنووو كلتي!!

. مياسين _ باوعتلها شنو كلت ما ادري

_شنو رحمة تباوع السائد
واحنه نحجي دخلت رحمة
باوعت المياسين واشرتلي اسكت
بس طلعت تقربت منها شدتحجين انتِ؟؟

مياسين _مثل ما سمعتييي رحمة عينها على سائد البنيه تريد تضمن مكانها وانتِ غبيه

مناسك _ مستحيل رحمة تسوي هيج

مياسين _ ليشش هيه موو غدرت بأختها انتِ منووو حتى ما تسويها بيج فد نعال مثلاََ
لازم احجي وياج هيج لأن انتِ مطفيه وصعب تلكفيها بسرعة

مناسك _ روحو انتو طلعو اني ما اطلع

مياسين _جريتها من ايدها قبلللللي تطلعين لا حلكج اشكه الج خاف رحمة اعدلها انتِ اعوجج كووومي وتعلمي من كيد النسوان شوي لا تبقين َمطفيه سطرتها بجف خطيه دمعت
هاي الخاطر خدج يصير احمر تكرصين الثاني لو اجيبج بكف لخ

ام سائد _يا ولج مياسين تخبلتي

مياسين _اي اي تخبلت يلاااا بسرعة

مناسك _ وخرري عني مياسين ما اروح

مياسين _ لزكتها بالحايط وكعت الخدها تكرص ورم مو صار احمر

رحمة _شدسوين

_اكرص خدودها اساليب قديمه العهد نتعلمها على ايادي وهابيه

رحمة _ههههه لا عيني سمعي الاساليب الجديدة  عندي قلم حمره هسا اجيبه وخلو منه وعندي كحله تردون

_شو ما نشوفج تخلين

_جاهد ما يقبل من اروح للمحل اخلي و قبل لا اجي امسح

مياسين _شو من اجيتلج للمحل ما انتبهت

_اجيتي ترجفين وخايفه الولد يركضون وراهم الامن و ام سائد وكعت واحنه خايفين ونخاف المستشفى  تريد فلوس وين تشوفين بوقتها

مياسين _باوعت المناسك وبايدي غميتها

مناسك _انطيني اريد اخلي

مياسين _اني اخليلج

مناسك _ من سمعت كلام مياسين  ما اعرف بشنو حسيت نقهرت ايي وبنفس الوقت انتظرت غلط من سائد اذا هو صدگ يگول اني ما مسوي شي و اني احبج خلي اشوفه  رحمة. راح توكعه بشباكها اريد اشوف شنوو يسوي
باوعت الروحي بالمراية حبيت شكلي حلو بحياتي ما شفت شكلي هيج   حلوه بس الكحل وجع عيني لأن جان حجري سمعت صوت الباب

مياسين _شنو طلعو وعافونه

رحمة _لا بس نزلو جوه ينتظرونه

مياسين _رحمة جانت لابسه فستان طويل
اول مره نشوفه عليها بس كلش حلو
مناسك بقت تباوعلها من فوگ ليجوا

مياسين _يلا

مناسك _ احس طلعتنه بس مغثه لو نبقه احسن

_ و الله انتِ المغثه و يلااا لا تعبيني هواي تخليني اعيد واني مالي خلگ

مناسك _باوعت  الام سائد اشرتلي ابتسمي
طلعت واني گلبي يوجعني تاره اگول خيولي وتاره احس كلبي يوجعني

سائد _كلمة تغث ما اريد خاصه انت صليل احجي عدل و سوالفك خليها بيها خير
صليل _يعني اذا اشوف حلوه شسوي

سائد _مجاي اشاقه بشرررفك

_فهمت اغض البصر هيج زين
استغفر الله مدري شلون يغضون بصرهم

جاهد _بس حجي نزلن

سائد _ لبست قميص سمائي وبنطرون بيجي خاكي  وخال ايدي بجيوبي  وواكف انتظرها ما متأمل منها شي حلو  بس مهما يصير بيناتنه  گلبي يدورها  و يريدها
نزلن البنات وهيه وراهن وخرت مياسين وهيه دنگت ابتسمت وجريت نفس
تقربت منها تردين تخبليني فوگ ما اني مخبل

مناسك _.....

سائد _رفعي شوي وجهج داريد اشوف هاي العيون

مناسك _تره البنات غصبوني اجي وهمه غصبوني هيج البس اني ما اريد اجي

سائد _هههههه لا تخافين ما اگول هيه تريد تلفت انتباهي

مناسك _ اي هيج فكر احسن

_امشي  وياج  لو اصير گدامكم

_بكيفك

سائد _بدون ما احجي تقدمت قبلهم
هيه جافه حتى ردها نتر ما تترك مجال تخليني احاول منه وبردودها تنرفزني

مناسك  _ الشوارع جانت حلوه ضحكت مياسين وي صليل ونكرتهم جانت احلى
تجاهلت رحمة كلشش بين المصدگه وبين الناكره
معقول  هيج تسوي احنه من نجمعنه ماكمنه نحس  روحنه غربه لااا بالعكس احنه صرنه اهل مياسين تخاف عليه مثل الي يخاف علي اخو
واني هماتين
ام سائد كلنه تصيحلنه يوم
الولد كلش حلوين بأسلوبهم ويانه واضحوكين بس رحمة ما اعرف احس كلشي تشوش يمي
كلشي نسيت عنها

صليل _ ها سائده وحيده سوده عليه

سائد _ شحجينه

_مو نقهرت عليج اجي امشي وياج

سائد _ما يحتاج ماشي وي ملاكم اجسام

صليل _ اكلج عيني نيزك ما تنقهرين على هذا الوليد تره خوش وليد هو

رحمة _هههههههه نيزك ما يهمه احد اوي عيني قهرتني سائد

مناسك _ باوعتلي مياسين
رأساََ گلت اني گتله تعال يمي بس هو زعلان مني
وما قبل يجي

سائد _ وگفت ودرت عليها شنوو!!

مناسك _مو گتلك تعال يمي وانت زعلان

سائد _ انعل ابو الزعل تقربت منها الكحل بعينها يخبل وشفايفها مدري شنو خالتلهن
رضيت خلاص الزعل بطريق واني بطريق

مناسك _ همستله خلي نمشي سوه

سائد _الي الشرف

مناسك _ ليش هيج جاي تسوي

سائد _ بالاول لا تباوعلي  وتحجين  اذوب بهاي العيون اني،،،
و هيا  احجيلي  شنو سويت

_ليش جاي تكسر وتجبر

سائد _ والله من رحت للحفلة ما سويت شي
بس نباوع رحت وي الشباب ضايج نتونس شوي نغير من نفسيتنه

مناسك _بس هاي

_وداعتج بس هاي

مناسك _......

سائد _ تزوجيني حجيتها بصوت عالي

رحمة _عليك الله عوف هسا زواجك جيبولي فراوله جاهد جيبلي فراوله

مياسين _  جيبولها سم احمر
اشترالها سائد علبه كامت تاكل بالشارع جنه بنهاية شارع المزه محل شلون راقي يبيع فواكة صارت مقابيلنه وجه بوجه سيارات عاليه  سود

سائد _ جاهد اخذووو البنات وطلعوو من شارع

جاهد _شكو

سائد _هذا روكان بالسياره
عفتهم بظهري و ركضت هو يريدني اني ما راح يلحگهم وهو يعرفني بس اني ما يعرف الولد

مناسك _هو ركض  ودارت السيارات عليه  ركضنه و  صليل ركض وراهم

جاهد _رجعووو للبيت

مناسك _ ركضنه و رحمة وكفت تتقياء
كل الي بأحشائها اتقيأته العيون صارت حمرررر
و هيه كلها كامت  ترجف

مناسك. _ خلي نركض لا يرجعولنه  احنه
ركضنه جرتنه  مياسين بين الدرابين الضيگه ضيعنه احنه وين
وكفت مياسين تبجي

مناسك _شبيج

_خاااف يكتلهم خااف يسويلهم شي

مناسك _ كولي يا الله هساا يرجعون  شبيج

رحمة _ مدام روكان عرف مكانها بعد ماكوو راحة

مياسين _كللله منيي  اني كتلهم خلونه نطلع

مناسك _ والله هسا يجون تعاي گعدي هنا ماكوو شي شبيج طلعنه من صياح وربعه ما نطلع من روكان
كعدتها شوي و بعدها اجرنه تكسي للبيت
ما صعدنه خفنه على ام سائد

رحمة _اني كلش تعبانه مداكدر ابقه كاعده هنا

مياسين _ صعدددي انتِ من يمته يهمج احد

رحمة _بدت مياسين بحجيها

مياسين_ قابل اني اجذب تتمنين جاهد يمووت اصلاََ

رحمة _شنو هذا الحجيي بالله

مياسين _موو انتِ الخاله عينج على سائد وصليل لوو يتروالي بس خايفه مني مركزه وي سائد اكثر

رحمة _ شووو انتِ ما تستحين شنو خاله عيني عليهممم

مياسين _ لا عيني والله انتِ الي ما تستحين ولجج جاهددد خالج ببطن عينه وانتِ وحده بايعه ومخلصه

رحمة _ منوووو الشايلني بعيونه بياع الجايييي تره اني عايشه بشغلييي وبعدين انييي حره اسوووي الاريده واذا انتِ خايفه على صليلج بعدي ولو اشك خايفه عليه خايفه منه يغدررج

مناسك _ جريت مياسين كااافي

رحمة _ ايي عفيه سمعي كلام صديقتج وكاافي لغوه

مناسك _لأن ان لم تستحي افعل ما  شئت

رحمة _ اوو شوف منوو تحجييي الخانسه الساكته

مناسك _ همشتها مياسين  بباب العماره بعدتهن وكتلهن انطونه انذارر تردوون يطردونه من العماره
واحنه بهذااا الوضع

رحمة _كليلها لا تدخل بيه

مناسك_ صعديي رحمة

رحمة _ايي رايحة

مناسك _اذا  سألتج ام سائد كليلها اني تعبت ورجعت وهمه جاي يتمشون يم العماره
صعدت بدون ما تجاوبني

مياسين _ ليششش ما كفختيها وخليتيها تصحه على زمانها

مناسك _ بس اريد اعرف اني شنوو مسويه بدنيتي وشفت ارذل ناسهااا احنه هسااا بمثابة خوااات وهمه مو بس خوان همه واحد يمووت على الثاني وهاي راح تهدمهم بسوالفهاااا
ولج اذكرر اول يوم اجت هلكدوتها وطابكه رجليهاا كلت سوده عليه شمسوووين بيهاا

مياسين _ اني گلتها،،، كلنه نستاهل السجون بس انتِ لا
وهاي ما تعرف هو الطبع الي بالبدن ما يغيره غير الجفن بيبي هيج جانت تگول لازم تاخذ شي مو الها ولج هيه غدرررت بأختها واخذت زوجها 
ما ترديها تغدررر بينه

مناسك _ هذا الموضوع ينسد اذا سمع بي جاهد يتخبل
وتصير مصيبه

مياسين _هسا خلي يردون ويدللون

مناسك _تعبنه واحنه ننتظر صعدنه وكلنالها طلعو للسيده يتونسون يجون بعد شوي
بس هيه شكت اكو شي
وگال انتو دضمون عليه
بس احنه اصرينه على كلامنه
گعدت بالصاله ننتظر وشفت البنطرون الي لگيته بالحمام و  بي شريط الحبوب ناقص هواي سألت مياسين هذا البنطرون المن

مياسين _الصليل ليش

_لا هيج ماكو شي

صفنت بمياسين شلون هيه خايفه عليه وهو جاي يخونها مياسين جميله هواي صاحبة وجهه دائري وبيضه شفايفها عيونها خشمها كلشي بيها حلو حتى جسمها بنية  مرتبة جنها لعابه واسلوبها بحث اخرر
ما جان بأيدي غير السكوت
شگلها الانسان الي تحبي و الي يگلي احبج عدهم حبوب مانع حمل
سكتت وگلت كلمن عقله براسه يعرف خلاصه
و سائد بقت يمه هو حرر راح اتركه هو ورحمة
اريد اشوف يضعف گدام اغوائها لو مثل ما يگول احبج
اني وجاهد نوگف بعينه لو لااا
طلعت رحمة من الغرفة خلت اكل وگعدت تاكل بالمطبخ

مياسين _جلب لو يتعده من شارع وواحد يأذي ابجي على حاله مو الانسان الخال صورتي  على طلبه  ما تعرفين شصارله ميت عايش اخذو لزمووو  ولاا هنوب  يصيحلها  رحمتي
والله انتِ نقمته وكسررررت گلبه

مناسك _مالج دخل انتِ منه الها يجازون

مياسين _ وهو كذلك انتظرة  اشوفه شلون يذبحها بأيدي ومو مأسوف عليها

مناسك _ بقينه ند اني ومياسين اني اهدي بيها وهيه ميته  من تصرفات رحمة
َتلوم بيه ليش بارده اني وما كتلتها

الصبح رجعو وضعهم يرثى له

مياسين _شنو صار

صليل _ روكان شاف سائد وعرف كلنه بسوريا بعد ما يترك سوريا هاي اذا ما وصل خبر للجماعة

مناسك _وشنو الحل

سائد _ لازم نطلع من سوريا بأقرب وقت

مناسك _ وين نروح

سائد _نرجع الابو الحسن ونشوف حل ويا ينزلنه من السعر  نشتغل بشي افضل من الشغل الاحنه ببي

رحمة _ ماكو غير الملاهي الي تجيب الفلوس
و بيع الممنوعات اني بالسوگ واسمعهم يحجون

مناسك _ كرمينه بسكوووتج نطلع من حرام ادخليهم بحررام لخ

رحمة _ شدعوه هيج مستشرفات تره انتن
شبعت السجون بيجن هسا جايات اطبقن هل جم كلمه علينه

مناسك _ اني بعدني ما رديت وما اشوف الا مياسين خلته وداست ابطنها
جرها صليل من فوگاها

_تخبلتي انتِ وبعدين شنووو هذا الحجي
جاهد شنووو الفلم

مناسك _ صارت هوسة و كلها تصايح
هناك وعم السكون
من شفنه ثوب رحمة ملطخ بالدم

يتبع......