رواية معتقل الصحراء الفصل الثلاثون 30 - بقلم الكاتبه أم مختار

مساء الجمال يا حلوين
اليوم البارت من وكت
قراءة ممتعة لا تنسون التصويت و التعليق

#معتقل_الصحراء ٢٩
#بقلم_ام_مختار
#دنيا_غانم

#بقلم_أم_مختار
#دنيا_غانم

عودة بالاحداث

علوش _يلاا نتحرك

سائد _نتوكل على الله
طلعنه بوقتها جتازينه عدت محافظات
نزلني اكل وشربت ماي
الامور جانت كلش زينه وتمام دخلنه للرطبة
انطاني اكل وشرب وانتبه اكو سيارات حكومية دتعبر

علوش _ ما نعبر هسا لأن مدام اكو حكومة هسا ينخلون السيارات نخل

_شنو نسوي

_ انزل من سياره ادخل بالصحراء هاي
وساعتين وتعال خاف يشوفوني واكف يگلولي شعندك ويشكون

_نزلت ومشيت مسافه طويلة وظليت تقديري الساعتين رجعت گال الحدود مخبوصه خبص من سأل گلوله روكان جاي يعبر
انا من سمعت اسم روكان گلت رحنه بيها
گتله خليني اليوم ما اعبر باجر  نعبر
رجعنه للمدينة وظلينه بالسياره
الاخ من نازل للمحل يشتري داك سوالف وي ابو المحل وگايله اني اهرب بانزين طالع ابو المحل من الامن منو گله من طلع من المحل الولد الجان موجود بالمحل گله يابه حرك السياره طارر طار مو بس حرك
وگال لازم هسا اعبر و الا للصبح مو بس يلزمونه وداعتك يفتتحون بينه مقبره جماعية
حطني بالتابوت على گولتج وطلعنه بالحدود  الدنيا مگلوبه گلااب اسمع الهوسه كلها
واني احجي وياها بعدت ايدي من ايدها هيه رأساََ مسحت ايدها

_هاي ثاني مره انتبهلج ليش تمسحين ايدج من الزمج

_كملي شنو صار واني اكلك

_ يطول علوش السيارات كلها نخلوها نخل بحيث حتي من جوه باوعو الا سيارتي من فتشها ع سريع حتى جواتها ما باوع

مناسك _ امك دخلت للسيده زينب بجت بجي ما صاير عليك واهل البيت ما يردون سائل تره

سائد _ونعم منهم
المهم عبرنه السوريا وهو خاف يدخل دمشق
گال اني راح اروح يم اصدقاء الي هنا بمسافه يبعدون لا اظل وياي  خاف يخبرون عليه ويدخلون السوريا يجبوني وتنلزم وياي انت كمل طريقك

_خلصت الطريق كله مشي

_شوي امشي وشوي اركض وشوي انهزم بس اشوفلي سياره مالت أمن انهزم
ارجع اكمل طريقي انتهيت واني مناك ميت جوع طاقه صفرت لو لا رحمة الله و الرجال الجان داخل من الحدود العراقية دليمي جان اكلت تبن
خطيه هو وصلني يم مكتب الشايب وجاهد هناك لكيته وانتِ بعد تعرفين وصلت النفس ما بيه اجره من التعب

_الحمد لله على سلامتك

_الله يسلمج

_هسا گليلي لويش تمسحين ايدج

_بس ما تزعل

_لاا

_اني ما احب احد يلزمني
هسا تگلي و الصار بالسجن
هم ما احب بس جانو يجبروني
بس اذا اني اذا اكدر اوگف هذا الشي اي ما اقبل حتى ما اقبل تلمس ايدي احس جسمي كله يرفض هيج اكش مو انت بيك شي اني اني بيه شيي

سائد _لا تبررين خلاص سوي مثل ما تحبين واني بعد لا الزمج ولا احضنج ولا حتى اضايقج هيج زين

_ياريت

_يلا گومي نامي لا اظلين هنا

_خليني هنا اليوم

_بكيفج بس اني راح انام بالصاله وقت ما تعبين تعاي يم امي نامي

_لويش بالصاله تنام؟

_اريد اسويلج كلشي تحبي واني هم اريد اصلح حالي اني ما اريد الحرام اريدج انتِ اريد الله يوفقني ويجمعنه بحلاله
بس اني ما داكدر اصبرر اقنع روحي تصبر بس اشوفج اضعفف

_ تحسرت كلامه حلو بس اني ما اعرف ما جاي اكدر اتقبل شايفين من تكذبون كذبه وعقلكم يظل يصارحكم كذاب انت كذاب لا انت كذاااب
هيج اني مجاي اكدر اجاوز هو شنو جان

سائد _وين رحتي

_وياك

_ اذا سألت وگالو يصير نتزوج تزوجيني

_ما ادري

_تره والله اني ما اريد الحرام
بس اني روحي تتراكض عليج
اريد اخليج بين ثناية گلبي واطبك صدري عليج اضمج اضمممج تفهميني شنووو اضمج
من تجاهليني اصيرر ناررر كبره
ومن ما تباوعلي تطلع روحي
وكلامج الجاف هاي حكاية ثانيه

_شگد تحبني

_اكثر من روحي لأن واحنه ننهزم ما جان ببالي اني اطلع لو لا
جان كل همي   انتِ توصلين وترتاحين

_ اذا انت كلامك صحيح
خلينه نطوي الماضي كله ونبدي صفحة جديده
ما راح اگول صحيفة اعمال جديده لأن هذا الشي يم رب العالمين
بس خلي نبدي بداية وي ربنه حلوه
وهو يتلطف بينه

_ساعديني علميني شنوو اسوي مو عيب تعلميني اني اطلب منج

_لازم اهم شي الصلاة
و لازم من نصلي نعرف شنو بعد هذا العمل غلط
تره حتى لزمة الايد  حرام و اي شي بي انجراف حرام
اني ما اريد اطبق الدين عليك بس هاي حقيقة اني مداجيبه من راسي
حاتم جان يحجيلي كلشي

سائد _ويلي ربيي ولج لا تجيبين طاريه الله يرحمة بس لا تجيبين طاررريه ليشش تشعليني انتِ متعمده

_نسيت  نسيت خلاص

_لا تجيبين طارري اي رجال على السانج بس انيي

_امم

_رايح انام گعديني للصلاة

_متفقين

_احبج يا طيف مُر ومَر لكن تعلگ بروحي

_بتسمتله شكرََا

سائد _سعيكم مشكور وذنبكم مغفور ولج شكرََا شنووو

مناسك_ لعد شگول

_گليلي اني هم احبك حتى لو جذب بس اريد اسمعها منج

_ احبكم كليتكم انتو عائلتي

_اروح انام احسلي ذيل الشسمة حطو بقالب وما نعدل

مناسك _عافني وطلع اضحك عليه رجعت رجيت راسي على الجام شنوو مكتبولج بعدد

الحد الصلاة صوت الاذان واضح كلشش من السيده ما نبعد عن السيدة شي بس شارعين بينه وبين السيده يفصل ميدان الحجيره
عباره عن ميدان كبير بي صورة حافظ الاسد لازم تللث اطفال وعلى كل طفل علم بلده العراق وفلسطين ويمكن الثالث لو سوريا لو لبنان ما اذكر بس اذكر هاي التفاصيل
گمت فتحت الباب و طلعت للحمام
لگيته نايم ومتغطي بالعبايه
سائددد

_نعمم
_صلاة تريد تصلي

_اي اي هسا گايم

_گام توضى و صاح الله أكبر و صله اني هماتين دخلت للغرفة وصليت وي ام سائد

ام سائد _ زعلانه عليج بس حقج

_ليش زعلانه عليه

_لأن اذيتي ابني بكلامج
بس حقج لأن صدك حقج
اني اذيت ناس هوااي بس في سبيل احمي سائد
ادري يعني شنوو ابن اعرف يعني شنو امومة ما الومج اذا تعلقتي بقطعة لحم تحسيها بالگلب نزرعت

مناسك _ لزمت ايديها ابوس ايديج اريد انسه  لا تزعلين عليه
بس باعيلهم وباوعيلي الحرام داس بينه الحد ما لاح اخررر عظم بينه
احنه البنات تمارس ويانه ابشششع الرذائل
وهمه المارسوها
ترديني احبه لازم اطلعه ويطلعني من الحرام الصار  واحد ينتشل الخ من ماضي ينخر بالعظم
انا مستحيل اتقبل سائد اذا يظل هيج
فـ اريده ينصلح

ام سائد _سباعية اني وياج
اني صح ادافعلة بس اني ما اريده يظل بهاي المهزلة

مناسك _نمت بيومها براحة الغرفة النه و ما دخل ابد بس القهرني  ام سائد كل شوي تگوم تباوعله وترجع فتحتله شباك الصالة ورجعت بعدها طلعت شافته ورجعت عبالك طفل

بس ما حجيت وياها ما اريد انقهر واگله تعال يمنه خلي هناك
كعدنه الظهر  لبست حجابي و طلعنه سويتلي  الريوگ جاهد لگينا طالع و صليل كذلك

سائد _اني رايح ادورلي على شغل ادعولي

مناسك _ سألته بصوت ناصي صليت

سائد _اي باعي السجاده بصفي قبلج صليت

_عفيه الله يخليك الي
حجيتها بحماس وما نتبهتلها

سائد _شنووو؟

_والله حجيتها بحماس
بس هم الله يخليك الي

سائد_ ويخليج الي يابه اطلع اطلع لا اتهور و انا صاير خوش وليد

مناسك _فتح الباب وصار جاهدو وصليل بوجهة النفس بالگوه يجرو الامن ملاحگنه
من گال الامن ملاحگنه شصار بحالي
ام سائد تخربطت

سائد _اخذ صليل وطلعوو روحو الغير مكان
يوووم استغفررر الله يوووم

جاهد _وووين نتركك

مناسك _انت روححح سائد اني ومياسين  ناخذها هسا هسا يم السيدة مستشفى روحووووو

جاهد _هاي الفلوس اخذوها يلااا

مناسك _نزلو خطيه
اني لبست عبايتي وطلعنه بأم سائد المره جسمها كله ورم  بلحضات حتى راسها ما بيها حيل تشيله

جانت اكو مستشفى  يم السيدة لو اسمها الامام الخميني لو بهمن ما اذكر بس هيج شي دخلنه للمستشفى الدكاتره ما قصرو وياها
طلع مرتفع عدها السكر و عرفو هيه سابقاََ مصابة بجلطة ووضعها كلش تأزم

مياسين _الامن شلون اجوووي على جاهد مدافهم

مناسك _ولا انا شلون عرفو بيهم

مياسين _ اني رايحة الرحمة اشوف تكدر اساعدنه تنطيني فلوس خاف ما يكفي التكاليف

مناسك _ روحي اني هنا تندلين محلها

_لا

_لعد شلون ترحين

_هيه گالت اني ببداية السوگ مالت العراقيين اروح واشوف

_روحي  بس فدوه لا تتأخزين يظل بالي وهماتين اخاف
طلعت مياسين و اني وحدي كعدت اخاف يتملكني الخوف بسرعة وهذا الشي كلش غلط
طمنونه على ام سائد وضعها هسا احسن بس انطونه روشيته لازم نجيب العلاج الها
رجعت مياسين وياها رحمة

رحمة _شنوو صار

مناسك _اجه جاهد وصليل يگولون الامن يدور علينه طاحت ام سائد وهمه طلعو من الشقه
وما اعرف اكثر من هذا

رحمة _ وين راحو

_والله ما اعرف

رحمة _ هنا الدخولية  شبهه مجانا لا تخافون
بس الادويه نشوف الولد همه يشتروهن اني فلست والله

مناسك _ اي صليل حاهد يجيبوهن هسا خلي نشوف المصيبة الاحنه بيها طلعنه من البلد كله ولحگونه

رحمة _لا تتوقعين يعوفونه بس شلون عرفو مكانه

_وين اعرف

رحمة _ گالو نگدر نطلعها لو لا

_يگول ننتظر الدكتور يقرر

رحمة _تمام هاي كل الفلوس العندي اني راجعه للمحل اي شي يصير طمنوني

مناسك _روحي روحي
گعدنه الحد المغرب و بعدين رخصوها و طلبو منه نهتم بيها
رحعنه للشقه بالگوه صعدناها نصعد كل ربع ساعه باية
وخطيه هيه بس تحجي بسائد وتدعي على صياح
دخلناها للغرفة واحنه بالصاله گعدنه وحده تباوع للخ هم نرجع للمطارده

مياسين _شنوو يردون من عدنه

مناسك _ما يردونه احنه يردوهم همه

مياسين _ لعنة الله عليهم
ندگ الجرس جانت رحمة

رحمة _هاا شصار

_ماكو شي

_ما اجوي الولد

_لا

رحمة _ ننتظرهم ونشوف شصاير

مناسك _ بس عم الهدوء بالشارع ندگ الجرس
رحمة صاحت منو

سائد _اني انيي

رحمة _خوفتونه عليكم وووين صرتو

سائد _امييي شلونها

مناسك_ الحمد لله زينه

سائد _شصار عليها خذيتوها لا شگالو

_اي خذيناها مرتفع السكر ووضعها كلش تعبان َلازم نجيب هذا العلاج

رحمة _ وانتو شنو صار وياكم

سائد _احنه هايمين بالشوارع ما نعرف شنو نسوي

رحمة _هو شنو صار

سائد _يگول جاهد.....

مناسك _ظل يحجي شنو صار وي جاهد الحد ما طلعو من البيت

رجمة _ صدگ عووود هذا الطفل يحطوو ببداية السوگ لأن يبيعون ممنوعات بالسوگ حتى يلحگون ينهزمون مياسين من اجيتي عليه موو شفتي يركض  ويصيح امن

_ايي صحيح

سائد _شرحيلي شوي شوي يعني شنوو

رحمة _بالسوگ مو يجون اجانب وسياحة بعد انت  تدري
السوريين خطية  شيسون يجيبون اجهزه اجنبيه او جكاير او اي شي الدولة السورية ما تقبل بي
يخلون طفل ببوايه السسوگ اذا اجوي الامن يركضلهم يكلهم وينطونه مبلغ حتي ما يلزموهم و ياخذون غراضهم

سائد _متأكدة

رحمة_ هياته من رحنه  اني و مياسين للمستشفى جان يصيح امن سألوها

سائد _يعني موو علينه

رحمة _تعالو باجر وياي وشوفو اذا مدصدگون

مناسك _ رد الدم بوجهنه من هيج گالت

سائد _رايح اجيبهم واجي  نشوف نفسه هذا الي تقصدي

مياسين _اكيد نفسه والا هو شعرفه بجاهد هذا وضعه والامن يدورون علينه

رحمة _وبعدين الامن مو بس بالعراق حتى سوريه  نظامها امن لو انتو نسيتو

سائد _استغفر الله والله الخوف متربع بگلوبنه من وراهم احتركت روحهم مثل ما حرگونه واحنه عايشين

مناسك _طلع سائد يجيب الولد

ومن رجع اطابق كلام رحمة و جاهد

جاهد _اني هاي اول مره اشوفه

رحمة_لان  انت كله تشتغل بنهاية السوگ متوصل يم الفنادق و المحلات
يوميا تقريباََ هيج ويجي الامن اليركض هذا ابن ابو و اليكضو يدممونه بالشارع

جاهد _والله ملتهي بالشغل لا منتبه ولا شايفهم
ومن شفته يركض وجاي عليه صار بالي يم الولد گلت لا يلزموهم و نرجع للظلم ركضتلهم

صليل _عدنان درجال ما لحگك بالركض الميدان مالت الحجيرة  ما عبره طارر جاهد حتى يجي السائد

سائد _ ولك والله عساك لا جيت موتتني بمكاني

جاهد _ لو منهزم بروحي وعايفكم يدكون عليكم

مناسك _رجعو يضحكون وطمنو ام سائد المره خطيه بسرعه تحسنت من عرفت ابنها مو بخطر سائد _خلووني اصلي صلاة المغرب والعشا الحد هسا ما صليت

مناسك _ توضى وفرشت السجاده وبده يصلي
دخلنه احنه الغرفنه هناك و مياسين اجتي دگت الباب تستقبلوني  يمكم.

مناسك _يا هلا بس شصاير

مياسين _ اني ما اريد انام يم صليل اريد اصير مثلج عود اذا هو سباعي خلي يعقد عليه

مناسك _تعاي الحضني هههههه سباعية تعاي نسوي عليهم حصار

ام سائد _يمه صرتن تخوفن

مياسين _اني اليوم يقنت احنه شنو نزرع نحصد
ومدام نزرع حرام فـ الخوف ما راح يتركنه

مناسك _حضنتها عفيه

ام سائد _ الله يهدينه كلنه

مناسك _ وصليل خو مضايج

_خلي يضوج براحته هو ما يدري شصار بيه اليوم عليه

مناسك _ الله يحفظة الج
ونجرت مياسين وياي هنا حسيت براحة اكثر
اكو شي صحيح جاي يصير احنه بدينه نقوه
والحلو الفجر من كمت اصلي لگيت سائد جاي يفرش مصلايته بدون ما اجي واكعده وامه من شافته فد فرحت باوعتلي وباستني من بعيد
حسيت روحي سباعية هنا تكمن قوتي

صليل _ وجهت وجهي حتى ادعي عليج يا منيسك

مناسك _ههههه لويش

_خذيتني مني محبوبتي

مياسين _شدخلها مناسك اني هيج اريد
يلا صلي صلي خلي الله يوفقك ويوفقني كافي اليوم طلعتو منها مثل الشعره من العجين
وبدل ما راح نخلصها امن و يركضون ورانه الله ولدنه من جديد كاافي حتى عيب من الله هو
يطلعنه من اهوال افعالنه واحنه غارگين بالغلط

مناسك _ يمه فدوه للسان

جاهد_ ولج رحيمة بس لا يضحكون عليج و تصيرين من فريقهم

رحمة _اني وياك ما اتركك

مناسك _كل واحد حر احنه هنا احرار
محد ما عنده غلط بس الله ميزنه عن كل مخلوقاته لان نميز الغلط والحليم تكفيه الاشاره

مياسين _يلاا تعاي نصلي عوفي رحمه براحتها

سائد _خلصت صلاك باوعت الصليل تستقبلني بغرفتك

صليل _ تعال  ع الاقل احضنك ولا يصيبني جفاف

سائد _اذا تدنالي انعل والديك

صليل _ لا اخاف مناسك تگول حرام

سائد _هههههههه
نمت يم سائد شغلنه البنكه شوي واجه جاهد
هااا ولك بس لا الداعية الاسلامية قنعت رحمة

جاهد _لااا بس اجيت يمكم

صليل _حسينه جاهد ضايج بس هو ما حجه خلينا براحته

سائد _ صدگ ما تردون تزوجون وتستقرون

صليل _جاهد تحسر
والله اني اريد بس شلون نسويها

سائد _ خلينه نشوف طريقة نسأل نشوف الشرع شنو يگول وبعدها نتخذ قرار

صليل _ياريت بسرعة نسأل سالفة انت وجاهد تنامون يمي ما تصرفلي اخاف اتهور بالليل وتلكوني ابوس بلحاياكم

سائد _اييعععع لعبت روحي

مناسك _الصبح انطيت السائد الروشيته

صليل _اطلع اني اجيبها

سائد _ لا لا اني اريد اروح عندي هم شغلله ضروري اسويها بس انطيني الفلوس

صليل _مياسين _جيبي المحفظه

مياسين _ عيب ادخل غرفتك

صليل _ ما يمي نعال جان   شمرته عليج  ولجن  استخفيتن فد نوب

مناسك _هههههه ولج مو هيج لو طخة لو طلع مخة
دخلت اني اجبتله المحفظة وانطيتها الى
سلمها السائد بدون ما يفتحها ولا يكله لا تصرف احلى شي بيهم صداقتهم

جاهد طلع وحسينا كلنه ضايج سألنه رحمة ما جاوبت بدلت وطلعت

رجع  سائد انطيناها الادويه
وهو طلع يگول ادورلي علي شغل
استمر الوضع بالبيت مستتب
وسائد شايف مصور  وگايله علمني
و جاي يتعلم ويا يگول الناس هواي تصور يم السيده

سائد _فدوه مناسك جيبيلي بنطروني اريد اطلع

رحمة _ مناسك سائدد يصيحلج

مناسك _تعديت من يم مياسين اريد ادخل البنيه صافنه برحمة جريت البنطرون اكو شي يخرخش بجيبه طلعته جانت دوا تلث اشرطه بس ما عرفت مالت شنو رجعته المكانه وانطيته البنطرون
باوعت المياسين ما زالت صافنه برحمة ومتخصره
شبيج

مياسين _لا ماكو شي

مناسك _ رجع سائد من شغله بأيده كاميرا يريد يدرب

سائد _شرايكم اخذلكم صور

مناسك _ايي ايي احب الصور

سائد _خلونه اليوم نطلع و اصورلكم ادرب بيكم

مناسك _رحمة جانت واكفه  بباب الغرفه
اجه جاهد و حضنها

جاهد _اخذلنه هيج صوره بشرفك

مناسك _جانت صوره عفويه ضحكنه عليها
بعدها گال حمستوني  كعدو كليتكم خلوني اخذلكم صور
كعدنه على الارض وجاهد وصليل يسون حركات واني والبنات ورانه كصلنه صور

سائد _بس يرجع صليل من الگهوه نطلع نروح للقصر الاموي و السوگ الحميدية ونگص صور

مناسك _اريد مليار صوره

سائد _ من عيوني

مناسك _ شكرََا

جاهد  _ خيلى ممنون بس عوزج تكولين هيج

مناسك _ههههههه شنو يعني هاي 

جاهد _هاي بالفارسي جزيل الشكر هواي شكرََا شكرََا جزيلاََ بكيفج ختاري وحده منهم كل ما اشيل جنطهم وصاحلي خيلى ممنون خيلى متشكرم

مناسك _خيلي منمون

جاهد _هههههه لا ولج ممنون

مناسك _ظلينه نضحك ونسولف على ممنون ومنمون
من رجع صليل من الگهوه بس دخل گال اجمعوو

سائدد_بس لا مصيبة لخ

_لا بس يگولون جاي يطلعون ناس بجوازات شبيهة الاوربا

سائد _يعني شلون

_العامل الجان قبلي هسا واصل للسويد
يكولون مسويله جواز اوكراني مدري سلوفاني
وطالع بي للسويد

سائد _وبشگد هذا الجواز

_والله بعدني كلشي ما اعرف لازم نسال واذا هذا الشي صحيح عمي انا ادفع فلوس جوازي وجواز مياسين ونطلع شعدنه ظالين  بهاي الحرب النفسيه

سائد _طبعاََ كلنه نطلع

مناسك _ انفتحلنه من السما باب
الكل فرح بهذا الخبر والكل ظل يحلم احلام ورديه
و الكل يحلم يوصل هناك ونخلص من الخوف كلش

حتى من طلعنه  هاي المره غير الفرح باين علينه و ساذد ما قصر اخذ هواي  صور النه 
من رجعنه جانت ام سائد كلش تعبانه بس دخلنه اتقيأت ع الزوليه الي بالصالة
ركضلها هو لزم راسها خذاها للحمام غسل وجهه

سائد _انتِ زينه

ام سائد _ايي لا يظل بالك بس تعبت من السياره ودخت

سائد _مو شكال تذكرين اني شلون جنت ادوخ يابه وتحضرين وياج علاكة من نصعد بالتكسي  لو الباص

_هههههه بعدك تذكر

_اي طبعاََ شلون انسه
فدوه مناسك بس فرشي فراشها
. مناسك _ساعدته وهو حطها على الفراش باسها من راسها وكل شوي يگلها شلون صرتي
وهيه تطمنه ظل كاعد يمها الحد ما
غمضت عيونها طلع سرفن ردنه يريد هو يغسل الزوليه

رحمة _احنه  احنه نغسلها انت اخذ صحبانك وارتاحو  واني هسا  اغسلها يمعود

سائد _ بيكم

مناسك _ايي لا تهتم

مياسين _ استمع المناسك لا تهتم البنيه تغسلها قابل شيرادلها

سائد _تجون  نطلع نكعد عل الدرج  بين ما يخلصن البنات غسل

_يلا نگعد  شعدنه هيج والله وتجي راما واكحل عيوني بشوفتهن

مياسين _كون ربي بدل ما تكحلهن تفكسهن ويظل اعمى واني ادلي دربه

مناسك _ههههههههههه هو نصدم من دعواتها طلع وهو صامت
مسحنه الزوليه وبعدها شلناها للبلكونه غسلنه بس البقعة الي توصخت و شريناها ومسحنه  الصالة بعد فد نوب

رحمة _اني نازلة اصيحلهم

مياسين _ليش انتِ؟ ارتاحي تعبانه نخاف عليج
مناسك انتِ نزلي صيحيهم خطية هسا سائد يفرح من يشوفج

مناسك _ من تحجي مياسين تصر بكلامها صايره غريبه هاي
لبست حجابي وعبايتي وطلعت نزلت الدرج
اسمع صوت  سائد جاي يسولفون وكفت اسمعهم

صليل _اذا طلعنه معدلل بعد محد يكدر يوصللنه

سائد _ بس اكيد يردون فلووس هواي على الجواز واحنه وضعنه على كدنه

صليل _خلي نعرف بالاول شگد  يجوز مو هواي يجوز نكدر نأمن المبلغ 

جاهد _ يرادلنه كرررف شغل

سائد _ هسا اوكفولي شوي اخذوا  هذا الحبوب اني ما ادري انتو شنو وضعكم بس هذا حبوب مانع حمل مثل ما جنتو تعرفون تنطوهن بدون ما يحسن رجعو كررو العمليه

يتبع......

_