معتقل الصحراء الفصل الحادي وخمسون 51 - بقلم أم مختار

#معتقل_الصحراء ٤٢
#بقلم_ام_مختار
#دنيا_غانم

مناسك _انداريتله وعثرت برجليه ووگعت

سائد _خااايفه؟؟؟ ما اتوووقع تخافين

مناسك _ گمت وگتله خليني احجيلك وبعدين انت قرر شتريد تسوي بيه سووي

سائد _اييي ليش لا اسمعج شعنددددي

مناسك _جراني من ايدي و گلي دگي الجرس واذا طلعتي صوت او گتيلها لا تفتحين الباب اكسرررررج هنااا ولو تطلع حكومة النرويج كلها وراي هم ما يفكووووج منيييي

مناسك _ دگيت الجرس

مياسين _منووو

مناسك _اني فتحيلي الباب

مياسين _فتحت الباب هو رأساََ دفره ومن ايدها وشمرها للارض من شفته شهگت وتراجعت ليورا
لحيته طولانه شكله متعوب لابس اسود بأسود شعره هم طولان
رفع موبايله و خابر گله تعال وسد الخط
گعد على القنفه بحذائة طلع الجكاره ورثها ودخن احجيلي شنووو ردتي تحجين
بقت تشرحله مياسين الصار كله من طلعنه وتيهنه الفندق و ندمنه واجينه نرجع ما عرفنه وخفنه يذبحونه ورحمة ضحكت علينه كلشي حجتله
حتى موضوع مانع الحمل ومن سمعتهم ومن اني شفهم وسمعتهم كله حجته تريد بس تبرر الفعل وهيه تحجي ندگ الجرس گام سائد فتحة دخل صليل
ما باوووعلي ولا دارلي بس خله عينه على سائد ومناسك
سائد الي جفلني من صوت الطراك الضربه المناسك على اثره خر خشمها وحلگها دم

سائد _انتِ موووو تحجين بالدين وهذاا الكف لأن
طلعتي بدون علم زوجج

مياسين _لزم راسها ورگعه بكل قوه يملك بالحايط و گلها هاااي حتى عقلج الماكو يرجعلج عقلج الغاب و صدگتي الساقطه رحمة
رحمة التركت بتهااااا وذبتها عليج
رحمة الغدرت برجاللللل طلعها من حلگ الموت
رحمة الباوعت الزلمم صديقاتها
رجع عاد الكره وكل قووووته رگع راسها بالحايط خشمها زاد بالدم اجيت ادخل
صاح صليل ما انصحج حتى لا يصير بيج مثل ما جاي يصير بيها بقيت واگفه بمكاني مووو خوف بس هيه اشرتلي لا تجين

سائد _وهااااي لأن انيييي جبتج من اخررررر الدنيا ونكرتيني وبعززززز تعبي واحتياجي الجججج رحتييي
ولأن انطيت روحييي الخاطرر تعيشين طووول الطريق اضحي برووووحي الخاطر اوصلج
وانتِ شنووو سويتي انطيتي بيه والمن الرحمة
يلاا صليل خلص شغلنه هناااا

مياسين _من راد يطلع باوعلها وگلها خااااف تفكرين ولو واحد بالمية لحيتي طالت عليج وعلى فراكج هههه وداعتج لحظه ما مريتي على هل بال بس ماطالت الا لفراگ امييي وطلع وسد الباب

مياسين _ركضت قفلت الباب و ركضتلها الخشم بقه ينقط رفعت راسها انطيها ثلج اشرتلي بس غسليلي وجهي كامت ما تگدر تحجي
تقيأت خفت عليها خلي نروح للمستشفى

_لاااا لاا هسا اصير زينه بس غسليلي وجهي مداشوف بعيني

مياسين _ بالگوه تحجي وكلماتها مو واضحة عسااا ايده كسرررر الحقيرررر ما اريددددكم شنوووو لزگتوووو

مناسك_ اريدد ماي فدوه شربيني

مياسين _انطيها الكلاص ما شافت وين ايديه تلمست واخذته سألتها شبيج

جاي اشوف مغوش لزميني وگعديني مياسين مداشووووف

مناسك _كلشي ما كميت اشوووف عيني اليسره اشوف بيها اليمنه الضربني عليها ما اشوف بيها غير غواش
نومتني مياسين على القنفة ورفعت رجليه

_ترحين للمستشفى

_لا لا خليني هنا

_اشتكي عليه وطيحي حظة

_سمعتييي شنو گال
گال لفراگ اميي يعني شنو يقصد يقصد خالتي ماتت؟؟

مياسين _ ايي سمعت هيج اظاهر

مناسك _ شفتي شصايررر بي

مياسين _هسا اسبج واسبه دبااااعي شسوه بيج وانت تفكرين بييي

_استااااهل انييي استاهل ليشششش عفته

مياسين _ خل يوللللي شيريد يسوووي خلي يسوي هسا خلي نشوووف عيونج شبيهن امشي اخذج للمستشفى

_لا ما يحتاج بسبب ضربت راسي هسا بس انام اصير زينه
غطتني مياسين وطفتلي الضوا وغمضت عيوني تخيلت شكله ضعفان هو هواي ضعفان مو مثل ما تركته رغم التعب التعبنا بس مو مثل ما شفته حيل متعوب ولحيته ووشعره وملابسة و عيونه الحزن ماليهن
ما يريدني بعد سائد وحقه لأن اني السويته مووو شويه
من الوجع ما طولت نمت بسرعة

مياسين _بقيت كل شوي اروح اطمن عليها وجهه ورم كله الجهه اليمنه صارت عاليه وصار لونها ازرگ اني من قوه الضربه فزيت وهو ايده جبيره ومتعلمين على هاااي الامور
غطيتها وتركتها وقت الصلاة ما گامت مناسك انشغل بالي يمها كمت اباوع للغطا اذا جاي تتنفس لو لا
الحمد لله ما بيها شي توضيت وصليت لميت مصلايتي وبقيت گاعده بمكاني واني اذكر الداهيه الثاني حتى مااا حجه وياي كلمة ولا باوعلي عسا لا حجة يضربه طوب قابل ميته عليه
الصبح بدلت وگعدتها عينها اليمنه ما فتحتها بس اليسره دشووفين

_اييي بس الصفحة الثانيه مداحس بيها

_لازم ترحين للمستشفى هم تطمنين هم تاخذين ورقه من المستشفى علمود الشغل

_ ايي اخذيني من ترجعين

_ليش مو هسا

_ما بيه تعبانه

_اني حضرتلج الريوگ اكلي وهاي حبوب شربيهن يسكنن الالم

_ تمام يلا روحي راح يجي الباص وتتأخرين

_متأكده اروح واعوفج

_اييي روحي باعي اذا سألوج شنو صار گولي وكعت ونضربت براسها

_تمام
عفتها وطلعت اخذت الباص للسنتر
نزلت من الباص دخلت گبل اخذت المصعد دخلت
جايه وجبه نغلفها ويدزوها خلصت بوقت استراحتي رحت للمدير حجيتله الي صار و گتله اني اوديها متكدر تمشي
هو يحقلها ٣ ايام تغيب وبعدها لازم عذر
ما حجة شي بالعكس دعالها اخذت اكلي و طلعت للاستراحة هو شلون الكافية بس احنه نجيب اكلنه وهم اكو اكل هنا اذا تريد تشتري
دخلت خليت اكلي جنت اسوي بيتنجان گلي بتيته او لفة جبن وفواكه حسب خلگي گعدت اكل
دخلو زملاء مناسك ووراهم سائد وصليل اني گمت هذولي بس لا جايين يسوون وياي مشاكل
گعدو وطلعو اكلهم استغربت
الولد يسألني شلون مناسك
جاوبته زينه

_وصلي سلامنه الها
مثل بالعراق يتحمدولها و يدعولها گعدو همه هم ياكلون اكلت ع سريع وطلعت هذوله شيسوون هنا شوكت اشتغلو شفت جهاد الفسطيني سألني على مناسك
ليش امس راحت بدون ما تگول
گتله تعبت واليوم مريضه
سألته الولد الفوگ اذا تعرفهم
گلي قصدج العراقيين سائد وصليل

_ايي
گال همه الي راح يشتغلون ويانه بالسجون

_تشكرت منه وصعدت الشغلي هنااا السالفة يعني همه اكيد من جايين يشتغلون شايفينه وعرفو مكانه اتصلت ب مناسك جاوبتني

_هاا شلونج

_احسن هسا اني رايحة للمستوصف

_بيج

_ايي لا تخافين شربت حبوب وصرت زينه

_تمام طمنيني خوش

_اوكي
سديت الخط بدلت و حاولت قدر المستطاع اضم وجهي طلعت للمستوصف هناك بالسره حتى لو تنزف دم هم بالسره وهمه شلون فاهين
الحد ما اجه الدور متت من التعب دخلت ما انطاني اصلاََ اي شي همه يشخصون الحاله على الكتاب يقرا و يگلي هيج بيج كتبلي ايبوكس
وبراسيت اكثر من هيج ماكو
البراسيت هو نفسه البراسيتول
و الايبوكس عندي جبتهن على مود اذا خلص عدنه لأن الادويه بوصفه طبيب هنا
الاستفاديت منه كتبلي اذن من الشغل اخذته وطلعت للدوام صعدت للمدير من شافوني كلهم اجوي الي تشكرت منهم وطمنتهم دخلت للمدير
بعد السلام انطيته الورقه وانطاني ٣ ايام فوگ الايام الي مسموح يصيرن ٦ ايام اني جان بيه اشتغل وحتى الورم ما هامني بس احس نفسيتي تعبانه كلش صعدت المياسين طمنتها

مياسين _ردت اكلج صليل وسائد هنا يشتغلون همه الي اخذو شغله السجن

_ايي ما تشوفين عرفو مكانه

_ايي مناسك لا تصادمين وي سائد

_لا تخافين هو ما راح يصادم وياي

مياسين _اني العلية گتلج تره يطردوج والنظره الماخذيها عنج وعن النجاح القدمتي بهاي الفتره كله يروح

_ادررري بوستها وطلعت اخذت المصعد ونزلت طلعت داريد اروح للموقف صاحلي جهاد درت لگيتهم ويا

جهاد _الحمد لله على سلامتك

_الله يسلمك شكرََا
سائد گله احنه رايحين للموقف خلص حجيك و تعال

جهاد _تمام

مناسك _بقه يطمن عليه و يأمني اذا احتاج شي
اگله
هو مزوج بس هو اظاهر هذا طبعة يحب يسولف تشكرت منه وطلعت للمحطة همه جانو واكفين صرت على صفحة اجه الباص صعدت همه ما صعدو
خليت الكارت و گعدت بمكاني
ما التفت بس بقيت اني هناك يمه يم سائد

مياسين _رجعت للبيت بس دخلت سالتني اذا شفتهم

_ايي شفتهم ليش تسألين

_شنو رد فعل صليل

_يباوع من جوه ليجوه عباله اني اشوف بس بعيوني

مناسك _لعد بشنو تشوفين

مياسين _اشوفه بگليبي مناسك يباوعلي والله بس من اباوعله يتعمد يصد عني

مناسك _شنو ناويه تسوين

_اريد اروح للسوگ اشتريلي ملابس حلوه نغري ابو النثايه بلكت يجي للدرب

_هههههههههههه

_تتوقعين يجي للدرب

_والله ما ادري شكلج هو سهل بس سائد الصعب
سائد يجوز يگله ختولي بعد

_لا سائد ما يسوي هيج هو صح يقوم بكل الامور بس ما يخرب على احد والدليل جاهد ورحمة ابد ما ادخل رغم يعرفون شنو هيه

مياسين _على طاري يعرفون ولج طلعو يعرفون هيه عينها جانت عليهم

مناسك _هيه كلها تعرف بس اني المطفيه

_حشاج انتِ طيبة گلب گليلي اليوم شلونج

_زينه شوي اكو وجع براسي بس ينحمل

_ما تشتكين عليه

_اشتكي عليه؟؟ لا ما اگدررر مسموحله خلي يضرب اذا هذا الشي يريحة اني قابله
غلطت واستاهل انضرب

_شنووو حيوان حتى الحيوان ما ينضرررب

_ اني السويته صعب وشفتي شصايررر بي
محد بقه السائد لا ام ولا اني

_ اي ميخالف بس ما يحقله هيج يسوي دباعي جهرتج صرتي جنج جلب

_ههههههههههه التعبير عندج مو طبيعي
هسا مقهوره عليه لو تغلطين عليه بت ابو الديوجة

مياسين _اخخخ ابو الديوجة يباوعلي خطف انييي اله

_ما شمرتيله بوسه بالجو

_لا ثگيل هو و هندامه يخبل الحقيرررر

_ههههههههه التعبيررررر

_ولج ينكرط صليل يلمع من فوگ ليجوه يغري اكبر وحده

مناسك _هههههههه مخيله على رجلها

مياسين _سؤال ديني نيزك بما انو هو زوجي يحقلي اطلبه بيت طاعة

مناسك _مياسين گووومي جيبيلي براسيت راسي راح ينفجر احسن ما يطلبوني للمحكمة بتهمة قتل المدعوه مياسين

_شبيج ما تحجين يصير لو لا

_ايي يصير وهم يصير العصمة بأيدج دمشي من يمي مياسين امشي
بقيت ال ٦ ايام بالبيت وكل ما تجي مياسين ادخلها تحقيق شفتيهم وشلونه وشنو يسوي يحجي وي وحده بالشركة حجيلي كلشيي فدوه

مياسين _ايي شفتهم بكل مكان اشوفهم
حتى بالمصعد قابلتهم
ويسولفون وي الكل وي البنات والولد عادي
شلونهم والله شكلهم زينين بدونه

مياسين_ باعي خف الورم

_ايي هواي

_موو باجر لازم اداوم

_ايي يلا نروح سوه مو تردينه خلي نرجعهم النه

مناسك _ صعببب

_اهووووو دائماََ
تسديها بوجهه عباد الله

مناسك _ما سديتها انتِ جربي شنو بيها
باعي مياسين اريد احجي وي صليل تتوقعين يقبل يحجي وياي

_ليش شتردين منه

مناسك _اريد اطمن على سائد امه شنو صارلها صدگ توفت لو شنو صاير و ليلو

_احجي ويا وشوفي

_باجر نروح ونشوف شنو يصير
نمت من وكت وگعدت من وكت لبست بنطرون كابوي و القميص طويل ابيض وحجابي بيجي و حذائي هم بيجي وخليت مكياج خفيف شلت جنطتي و طلعت اركض لا يفوتني الباص و صدگ فاتنه بسبب العروس مياسين ما خلت شي ما لبسته بس الجلبه حلوه ومهتمه بروحها
كلللله منج راح الباص

_هسا ٤٥ دقيقة ويجي

_هسا شوفي شيسوي المدير
بقينه نتتظر الباص اخذنا وطلعنه للشغل
دخلنه ركض هيه صعدت الشغلها واني المكاني
رأساََ اجوي مانويل و التشيكي ونزلنه للشغل اخذونه الشقة يابه تموووت والاثاث يموت
بس دخلو ضاجو واسمعهم يحجون رئيس قسمنه قبل لا يسلمنه المفتاح هو يدخل للشقة ياخذ منها كلشي وبعدين يسلمنه المفتاح
اني ما جنت مهتمة اخذ هيج شغلات بسيطة مو مثلهم كلشي ياخذون
وههو مسموح كل واحد بكيفه عسا ما ياخذ الشقه كلها مالهم دخل خلصت شغلي ورجعت للدوام صعدت المياسين گالت بعد ساعة

_اهوووووو

_وعلووو روحي انتظريني نروح سوه ضوجة وحدي

_ايي خوش انتظرج نازله جوه
هاي المره من نزلت متعمده داريد اشوفه ما شفته اليوم كلش بس بقيت افتر بالمكان ما شفتهم الظاهر مخلصين شغل وطالعين

مياسين _خلصصصت يلا

شفتيهم اليوم

_لاا حتى بالاستراحة ماكو اليوم

_على حظي

مياسين _حظج حلو باعي ناحية موقف الباص بس شوي شوي لا ينتبهولج

مناسك _صارلي ساعة جوه گاعده داريد اشوفهم طلعو بره گاعدين

مياسين _نروح لو ننتظر هنا الباص

مناسك _ لا امشي نروح داريد احجي وي صليل
تقدمت مياسين همه واحد يسولف وي الخ هو طلع الجگاره وورث سائد مجان يدخن
التجاهل مووو طبيعي من ناحيته عباللك اني شبح لا شافني ولا لمحني
حاولت اصيح الصليل بس ابد ما تجرأت

مياسين _ حجيت بصوت شوي عالي ترحين ناكل بمطعم وبعدين نروح للشقه

مناسك _وياي

_لعد وي امي ايي وياج

مناسك_ شكوو

_نروح ناكل جوعانه

_اني هم خويت من الجوع ناكل لفات روبيان

_ايي

_لعد عوفي الباص خلي نتمشه الساحة السمج
رحنه تمشينه اشترينه لفات ورجعنه ما لگيناهم وصلنه للبيت واكلنه ونمت بسررررعة
الصبح من رحت للدوام انتظرت صليل ماكو
ما جان عندي شغل خلوني اودي عكازه و كرسي للناس الكبار بالعمر ورجعت افتر من قسم القسم
وقت الاستراحة نزلت القسمهم اريد احجي وي صليل بدخلتي همه يردون يطلعون
السلام عليكم
محد جاوبني،،صليل فدوه اگدر احجي وياك؟؟
سائد لا التفت ولا وكف على صفحة كمل طريقة وطلع من القسم كله بس صليل وكفلي

صليل_ گولي

_خالتي شلونها زينه مووو

صليل _ ام سائد توفت قبل ست اشهر

مناسك _ خرست اني جنت متأكدة بس عقلي كذبني بس من سمعتها منهم ما عرفت احجي كلمة
وهو شلونه

صليل _دشوفي موو سائد ما بقت بي روحي عايش بس حتى الندم ياكله بسبب السويتي

_والله نضحك عليه ادري غلط بس اني ردت ارجع وما عرفت المكان

صليل _بعد ما يفيدج شي سائد وتعرفي انتِ

مناسك _وليلو شلونها زينه

_ايي زينه

_الف الحمد لله شنو وضعها دتعرفولها

صليل _ ايي زوجة جاهد ما مقصر وياها تحبها هواي ومهتمه بيها واخذوها للدكتور وغيرو السرنجة كامو ينطوها سرنجة خاصه بحالتها

_ما سوولها العمليه ليش

_زوجته مقبلت گلتله نجمع فلوس ونسويها ببلد قوي بالاطباء النرويج مو اقوياء ويخوفون بالطب

_اگدر اشوفها جاهد يخليني

_انطيج رقمه واحجي ويا يجوز يقبل

مناسك _ انطيني الرقم فدوه
اخذت الرقم منه وراح طلعت ورا المياسين لگيتها بالاستراحة وياهم تاكل وعينها على الجامه وتخابر وتضحك رفعت حاحبي هاي ويامن هلگد تحجي دكيت على الطاوله وگعدت ويامن
گلتله هههه حبيبتي نحجي غير وقت الله وياج انتبهت من نزلت التليفون التليفون كله مطفي
خليي نطلع منا

_ليشش

_گومي افضل اريد احجي وياج
طلعتها لأن مو حلو هو ما طايقني واني گاعده بوجهه

مياسين _شكوو

_ام سائد توفت حجيت وي صليل وگللي

_خطيه الله يرحمها
وليلو

_لا زينه جاهد تزوج وزوجة دتعتني بيها

_هذا كله صار بسنه

_ايي ليش ميصير مو احنه شفنه حياتنه و درسنه وشغلنه وحصلنه على لجوء قابل همه يبقون حاطين ايدهم على خدهم ينتظرون مناسك ومياسين كلها تكمل حياتها

مياسين _ولج بس لا همه هم يزوجون

مناسك _ سائد حزنان على امه من تعدي سنه يسويها

مياسين _لا شبيج تحجين هيج يحبج هو بس ضايج من فعلتنه

_والله ما جن اكو حب لو مريت بمكان حتى عيونه ما تجي عليه متجاهلني تمام

مياسين _حقه

_وصليل؟؟

_اشوفه يباوع و من يتعده يحط عينه بعيني بس مو اكثر

_صدگ جنتي تخابرين منو

_محد اجذب عليهم بس اريد اغيضه مطفيه التليفون واحجي

_هههههههه بطلي سوالفج تره همه مو اغبياء

_ ادري مو اغبياء بس اريد اجذب انتباهه

مناسك _واستمرينه بهاي الزوبعه
تواصلت وي جاهد من عرفني اني مناسك ما سد الخط بوجهي بس حسيت بي ضايج مني
اني ما راح اطول بس ردت اطمن على ليلو

جاهد _ زينه

_فدوه جاهد خليني اشوفها

_ اني عطله الاسبوع جاي الكرستيان وتعاي شوفيها

_رحم الله والديك شكرََا
كلش فرحت من قبل اشوفها بقينه اني ومياسين ننتظر يوم يوم حتى نشوفها هيه اكثر وحده هلكتني بهاي السنه وبالتفكير بيها
لو مهما صاير بينه وبين الولد لازم ما نطلع الخاطر هاي الطفله وخاصه هيه وضعها خاص
بقيت اتواصل ويا و گلي اليوم بالسنتر احنه موجودين تگدرين تجين
اتفقنه على مطعم نروحله
اشترينالها هدايه اني و مياسين
لعاب و دبدوب على شكل ارنب وفستان قدرنا تقدير الها وشكالات كلشي جبنالها
مياسين اخرتنه يلااااا ولج

مياسين _حلوه؟؟

_تخبلين شنو لبستي وي هذا البنطرون

_باعي كيمون وفوگه هذا القميص طويل

مناسك _لابسه بنطرون عريض وبدي كيمون برتقالي و قميص ابيض والعقد الجبته الها حلو بي حجر ملون وما سدته للقميص لا تريد تراوي خصرها الصليل و لفت حجابها وطلعنه بدون كوت ولا اي شي يدفيها
ما بردانه

_راح اموت بس اريد يشوفني هيج

_صدگين تحجين جان لبستي و من نوصل نزعي ويشوفج

_لا لا ما اريد يگول نازعته حتى تراويني هيج اتحمل يلا

مناسك _ اني لبست فستان طويل اسود وحجاب اسود عيب بعد ما عرفنه بالمره ماتت نلبس الوان
وصلنه للمطعم اتصلت بي گال طلعنه بالساحة الورا رحنه للساحة لگيتهم كلهم هناك بس هو واكف على صفحة يدخن ركضنه الليلو
ليلووووو
هيه باوعتلنه يمه عيني للبنات ركضنالها حضناها وبسناها من كل مكان هيه بجت نسيتيني اللولو مالتنه نساني مياسين

مياسين _لا هيه بنيتنه ما تنسينه
اخذتها من مناسك وفتريت بيها كامت تضحك طلعنه العابها نست جاهد بكبره

مياسين _السلام عليكم انتبهت زوجة جاهد مو عربيه شگره وما ردت عليه بالعربي بالنرويجي سلمت عليها وانطيتهم باقي الهدايه

جاهد _عليمن كلفتي نفسج

_لا شلون هاي ليلو هاي بنتي اني
صاح سائد من بعيد

سائد _ خلصنه المسرحية نگدر نروح لو اروح وحدي

مناسك _لا خلاص خلصنه احنه رايحين ما يحتاج
اتعب روحك يلا مياسين

مياسين _ياااا مسرحية استاذ سائد مسرحية حبوب المانع و ضحكم علينه لووو خيانتكم النه وانتو تدعوووون الحب من تحجي احجي الالك والعليك

مناسك _خلاااص مياسين خلي نروح مجايين نسوي مشاكل اجينه نشوف ليلو وخلاص

صليل _من تشكين بشي تعااااي وواجهي لا تبقين تخنسين و تغدرررررين

مياسين _الاعرفه من تردون تسون شي ما يخصكم بس الكم تجووون وتحجون ما تخنسون وتغدروووون

مناسك _خلااااص

مياسين _لااا مو خلاص ما يحجي علينه وهو ما يعرف شنووو سوه اني بنفسي سمعتكم وانتو تتفقون علينه تنطيها حبوب المانع المناسك
وهيه هم بسوريا قبل لا نزوج سمعتكم وشافتك وانت تقاسم الحبوب بيناتكم بوقت جنت انت متكدر تتقربلها واني يمها انام المننننن بعدددد الحبوب

سائد _ اكثرررر قرار اتخذته واني على صواااب الحمد لله ما جبنه العار النفسنه وصرتن انتن امهات الاطفالنه

مناسك _نزلت دموعي ودفعت مياسين خلاااص
امشي و ما اريد اسمع كلمة وحده هو حررر واحنه احرارر

سائد _عفيه سمعي كلام صديقتج وروحي احسن ما بالكلام امسح بكرامتجن الارض

مياسين _ تركت لعبة ليلو على المسطبه باوعت الصليل هو بقه مركز بنظري يلا مناسك

مناسك _ سلمت على البنيه وبست ليلو ورجعنه للبيت

مياسين _ما ادري على شنووو شايف روحة

مناسك _ سدي موضوع سائد خليج ب صليل افضل ركزي شلون ترجعي الج وعوفي سائد

_يحجي علينه ونسكت

_شنو جديده رحمة غطتنه بالخيس وسكتنه نكمل نسكت مياسين احنه السوينا ما يجي شي يم السوو وبسبب فعلتنه سقط حقنه والا جنه نگدر نواجه وناخذ حقنه من عيونهم وبدل ما احنه هسا اريد نرجعهم النه جان همه شيركضون النه ويطلبون رضانه بس رحمة لعبت بينه لعب وصرنه احنه نلبس ونعدل حتى يرجعون يحنون علينه
عفتها ودخلت للغرفة شكوووو شي بالغرفة كسرته ما جني هلكدوتني لا خليت المرايه لا ميزز مليييت واني انهان واسكتتتتتتت تعبتتتت خلاص خلي ينهي البينه وبيني انييي ما اريددده
خلي يطلكني ويروح يسووووي الي يريده
يومين عطله مياسين تحتار شنو تشتري اني قررت البس الاسود احتراماََ للمرأة بس ويضربه طوب اذا ميريدني اني هم ما اريدددده غلط بحقي شگددددد و جانو يلومني الي هسا محد يلووومه كلها واگفه ويا

الثنين الصبح بدلت و طلعت اكره اول يوم دوام احس جسمي ما مستعد للشغل دخلت دست دگمة المصعد لگيتهم كدامي عفت المصعد وصعدت درج اذا هو يريد يجاهل فـ احنه اهل الهذا التجاهل
بدلت وطلعت للشغل خلصنه الشقه كلها ورجعت بدلت وخابرت مياسه تجين لو اولي

مياسين _لا لا روحي اني مو بالشغل

_لعد وين؟؟

_ طالعة بعدين احجي وياج بااي

مناسك _سدت الخط بوجهي يا حيوانه
طلعت من الشركة جوعانه رحت اكل لفة روبيان
هيه تصير مقابيل الشركة هيج نمشي مسافة وگفت انتظر سراي وگفت ورا سائد ضحكت بصوت ناصي
بكل مكان كام يطلعلي مثل الكابوس
من دار وشافني ضحك بدون ما يباوع وراح اخذت اللفة ورجعت للباص گعدت اكل بالموقف ميته جووع بس على الريوگ
رجعت للبيت مياسين ماكو خابرتها ما ترد دزيتلها مسج شدسووووين انتِ

_لا ينشغل بالج اجي واحجيلج تركت تليفون دخلت اسبح وگعدت اباوع تلفزيون ندگ الباب خفت گلت منوو بالعربي

جاهد _ انييي جاهد
ع سريع لبست ثوبي و حجابي وفتحت الباب جان هو وزوجة و ليلو من شفتها اخذتها رأساََ فدوه للبنات اروح اني تفضلو تفضلو

جاهد _من اجيتي تشوفين ليلو احنه جنه طالعين نتعشا والولد وياي ما گتلهم انتِ جايه الحد ما وصلتي ما ردت تصير مشكله بس صارت
و گلنه نجيبلج ليلو تتونسين وياها

_شكرََا اي و الله مشتاقتلها هواي ما شبعت منها
شلونها هيه ما مأذيتكم بسبب حالتها

_لاا و كارينا دتعاملها بلطف و زينه وياها

_مبروك ربي يسعدك ويحفظلك بنوتك ومرتك

جاهد _الله يبارك بيج

مناسك _صبيتلهم عصير و ماي و گعدنه نسولف والعب وي ليلو الي گعدت بحضني بعد ما قبلت تروحلهم

جاهد _ استغلي الفرصه مناسك مدام سائد بكرستيان عندج اقل الشهرين ويرجع الاوسلو

مناسك _ خلي يرجع اصلاََ افضل نطلك اني تعبت من كل المرينه بي

_ سائد مدمر مو مال تركي من توفت امه الهسا هو عزل نفسه بس الجگاره صديقته حتى احنه ابتعد عنه

_هو ما يريدني ولا راح ينطي فرصة واني ما بيه اقاوم

_قاووومي تره ام سائد على فراش الموت وتوصي بيج و تگله لا تتركها وهيه امانه يمك والامانة ما تنخان واتوقع ام سائد خلصت الفتره العايشتها ويانه وهيه توصيج بيييي

_اي صحيح

_حاولي ويا اني راجع باجر الفجر الاوسلو
ديري بالج عليه

_ان شاء الله بقه يحجيلي شلون تعرف على كارينا
جانت ويا بالشغل بمطعم يشتغل ومنعجب بيها وهيه هم وصار الزواج الخلاف الوحيد بينهم الحرية العدها و الغيررره عند الرجل العراقي من ضمن الحديث دعيتلهم الله يرزقهم بطفل
طلعت هيه حامل وعليها شهرين نصدمت
الف الف مبروووك

جاهد _الله يبارك بيج ويوم الالكم

مناسك _.....
بقو يمي لليل وراحو بطلعتهم دخلت مياسين و الوجهه كله ضاحك مستبشر شكووووو وين جنتي الساعة راح تصير ب ١٢ وووين رحتي كل هذا الوقت

مياسين _جاهد شيسوي هنا

_جابولي ليلو تونسنه سوه هسا حجيلي ووووين جنتي

مياسين _ طلعت فتريت شبيج

_فتريتي مياسين گلتي ارجع واحجيييي يلا احجي

_ماكو شي والله هيج فتريت و اشتريت ملابس ورجعت

_خلص الراتب على الملابس

_خيخلص اريددد اشتري عشت حياتي بدشداشة السجن المعفنه خليني اعيش

_عيشي عيني عيشي بقيت للساعة وحده سهرانه ومياسين تحووووس و احسها تريد تحجي بس متردده
هنا وگلتلي اريد اكلج شي

_گولييي

_بس فدوه لا تعارضين

_گوووولي عرفت وراج مصيبة

مياسين _اريد اجيب واحد للبيت
لطمت على وجهه بكل قوتها وصاحت صخاااام

مناسك _صرررررتي مثل رحمة مياسين ندخل زلم غرررررب البيتنه

_لا ولج وووين رحتي اقصد صليل صليل

_يمه الله ياخذ بليسج موتيني والله گلبي صار برجليه ابتسمتلها وشدخلني جيبي مدام حلال شكو بيها نشجع الحلال احنه

_يعني ما عندج شكال

_لاا جيبي وروحي سبحي وبدلي اني راح احضرلج جم شغله و ارتبلج الغرفة بعد شتردين

مياسين _ما حبيتج من فراغ يا بت ام مناسك

مناسك _باستني وطارررت للغرفه اني حالي حال اي عراقية احب اجمع هاي العلب و القارورات جانت قارورة منكر جبتها من الشقق الي اشتغلت بيهن بس غسلتها زين و وخليت بيها الهم عصير حلوه هيه و خليتلهم ككو و نساتل و هاي السوالف رتبت غرفتها و كنست وعطرت دخلت هيه تمشط ولبست تراك شسورت شعرها وخلت مكياج حارت شنو سوت
غرفتي مقابيل غرفتها اخذت فراشي ورحت للغرفة الجانت بيها رحمة حسيتها عيب اسمع حديثهم خاصه وبيوت النرويج خشب كلشي تسمع لو واحد ينوص هم ينسمع شوي بعدت عنهم

مياسين _وين رايحة

الغرفة رحمة افضل
باستني من بعيد وگعدت تنتظره

مياسين _ ندگ الجرس عدلت روحي وفتحت الباب واگف هو بطوله واناقته وقميصه و سترته بأيده وجايبلي ورد

صليل _تفضلي

_تقربت اخذت الورد وبسته ودخلته

صليل _اشرتلها وين مناسك

_نايمه

_هااا ما گالت شي من گتيلها

_لا بللعكس هيه حضرت هاي السوالف كلها

_ما تروح السائد وحده بالشقه

_مستحيل تسويها نيزك
سديت الباب و باوعتله اسمعني و بعدين اعتب اني ادري السويته غلط واني اريدك الك بس الخوف و عدم المعرفه ما خلتني ارجع بس اني اريدك الك صليل انت كل حياتي اريد اكمل حياتي وياك غلطت و اريدك تسامحني

صليل _مو وكت عتاب هسااا

مياسين _تقرب مني وطبع بوووسه على شفايفي وگلي تعاي نحل مشكله حبوب المانع الموتتج
واريددد تووووم ذب قميصه وتقربلي

وما الفراق الا حبال تخنق عنقي
اقتربي وبشفاهك اقطعي تلك الحبال

يتبع.......