معتقل الصحراء الفصل الثاني وخمسون 52 - بقلم أم مختار

مساء الحب قراءة ممتعه لا تنشون التصويت و التعليقات تره الابلاغات دمرت حسابي

#معتقل_الصحراء ٤٣
#بقلم_ام_مختار
#دنيا_غانم

َمياسين _ لبست تشيرتي واجيت انام يمه فتحلي ذراعه تعااي
خليت راسي على صدرة واني اسمع دگات گلبه
تحبني

صليل _ من خابرني سائد وگلي تعال خفت
خفت خفت اباوعلج واضعف واجي طاير الحضنج ومن دخلت تعمدت اجاهلج الهذا السبب

_اني باوعت بس خفت تسوي بيه مثل ما سوه سائد

_ما اگدر مياسه سائد من الشافه و شخصيته وعزة نفسة اجه بكل غضبه النيزك
بس اني ما اكدر اني بس لمحتج گلبي رجف

مياسين _ باوعتله وضحكت يعني ما تفكر وياي بعزة نفس وكرامات بسته من شفايفه والله اني اعشققققك والله

صليل _اني ما افكررر هيج اني كلي ارخصلج
اني من احب احببب بهذااا

مياسين _يأشر على گلبه

صليل _بس سائد يحب بعقله يعرف يمته يرخي و يمته يشد

_بس نيزك ما تستاهل

_بالعكس نيزك اكثررر وحده تستاهل الي يصيرلها
لأن عافته بوقت حرررج طول الطريق جان يگول اوصل وانومها بحضني ويصير عندي بيت و اولاد و تالي الليل ادخل للبيت واشوفهم ينتظروني
خابت اماله بأول ليله ما نطيتووو مجال يجرررر نفس

مياسين _شلون عرفتو احنه مو هنا يعني گعدتو
و ما لگيتونه لو شلون

.......
عودة بالاحداث

ام سائد _بجت ليلو طولت ببجيتها ماما مناسك گووومي شوفي البنيه
مياااسين يوم شوفو البنيه
بعد ما البنيه فرفحت و مامو استجابه گمت باوعت محد بالغرفه شلتها وسكتتها ورضعتها تعبانه رجليه تون عليه گمت بصعوبه طلعت الغرفة الولد دگيت الباب محد فتحه الي رجعت دگيت الباب طلعلي سائد

سائد _ ها يوم خو ما تأخرت عليج بالگوه سمعت الباب

_لا يوم بس البنات ماكو عبالي يمكم والبنيه تبجي

صليل _ دخل للغرفه ماكو طلع ركض للرسبشن
سأله گله قبل ساعتين طلعن
رجع سائد للغرفة

جاهد _ شوووو رجعت

_البنات نهزمن

صليل _شنوووو دتحجي

_اي و الله مثل مگتلك اني شگتلكم بالطريق كتلكم رحمة راح تنهزم لو لا بس ما توقعت هذنييي الغبيات ويااااها گلت يزعلن يتركن يطلبن طلاك ايييي بس ما توقعت ينهزمننننن

صليل _وووين يعني يرحن

سائد _ الترين ستيشن رحمة سألت على محطة للقطار اليريد يدورهن يروح للمحطة

مياسين _يعني سائد ما دور

. صليل _سائد ما حرك ساكن بالعكس اخذ البنيه وجاب السرنجة و گعد يدرب شوي شوي يرضعها
ريگووول التطلع من حياتيييي بهاي الطريقة ما تسووووه اتعب روحي عليها
ما سأل ولا دور ولا حرك ساكن
الصبح اخذنه و رحنه للمركز خلونه بفندق
وكلشي متوفر جان اني گتله رايح ادور
گلي الله وياك

مياسين _دورت عليه

_رحت المحطة القطار سألت ما انطوني اي معلومة و گالو هذا شي خاص وما مسموح
رجعت للفندق حاااااقد عليج

مياسين _تقربت الحضنه وبسته من صدره كمل

صليل _اكمل الي سويته قبل شوي قصدج مو

مياسين _ههههههه لا لا كمل شنو صار

صليل _ اقل ال ١٥ يوم وطلعتلنه شقه

مياسين _وجاهد شنو سوه

صليل _جاهد من الطريق گله سائد
هاي راح تنهزم انساها وعيش حياتك يا خوي

جاهد _ وداعتك نسيتها من زماااان
من شفتها تباوعلك وتباوع الصليل وما وصلتها لهنا بس الخاطر بنتي گلت باجر تكبر ويجمعهن طريق وتشوف امها مو مثلي نحرمت من الام والابو واجه صياح لعب بيه لعب
اريدها تكبر بيني وبينها
وسائد ما قبل على كلامه بس ما حجة گدامه

مياسين _يعني شلون

_گال باجر من تكبر واحنه بدوله اوربيه قوانين وحرية تتعلم من امها كلشي طايح حظ

مياسين _ من طلعلكم البيت شنو صار

_ خلونه بمدرسة للاجئين جانو ويانه عراقيين هواي وبعدها اجوي اهاليهم لم شمل تعلمنه لغة بسرعة خاصه سائد وعد جاهد يجمعون مبلغ العملية بنته لأن النرويج غاليه كل فكرنه انو العمليه تكلف هواي

مياسين _وانت ما دورت بعد عليه

_لااا گلت مدام بعدتي عني بعد ما ترديني
وخلاص كلمن يروح الحال سبيله افضل
بس الليل ما يخلص الحد ما نار الشوگ تحركني ووتركني رماد

مياسين _اشتاقيتلك من اول ساعة بس ما عرفت ارجع وخفت ارجع

صليل _ ما اريددد اذكر هذيج السنه خلااااص اني بعد ما احمل هذا الفراگ صاحبي قوووي خلي يكمل اني هذا حدي جم يوم من شفت نثيتي ضعفت

مياسين _ گلي ليش ضميت عني موضوع المانع وليش هيجي سويتو

صليل _سائد گال هسا ما نريد جهال لأن هو يعرف يريد يطلع من سوريا فكر اولاََ اذا بجوازات وطياره ووحده حامل ما نگدر نطلع واذا مثل ما صار بينه بالطريق بعد هاي الاصعب وانتِ شفتي بعيونج
گله جاهد احجولهن

سائد _لاا ما يحتاج انتو مو تعرفون تنطون الحبوب السر كملو عليمن مدوخين راسكم بسين وجيم عليمن نوصل هناك وتركو كلشي والي تردو سوو

مياسين _وانت اكيد مشيت وره صاحبك

صليل _ صراحة ما جان الي خلگ تناقشين بهذا الموضوع وتزعلين سنه بحجة ما يريد مني جهال بس لو حاجي افضل ولا هذا الصار كله

مياسين _زعلان مني

_مو بحجم اشتياقي الج الاقوه يفوز

مياسين _اني هم هواي مشتاقتلك

صليل _ شوكت نخلص من هاي المهزله مياسه
اريد بيت يجمعنه وحياة حلوه واطفال كافي والله خلص العمل مطارد ما فاهم شي اريدج واريد سته يشبهوج و اريد غرفة تالي الليل تلمنه

مياسين _ياريت تعال راتبي وراتبك ونثبت عقد الزواج و نطلع بيت وحدنه امنية هاي صارت

صليل _ بس نستقر بأوسلو

_لا ليش راتبي هنا زين

_ما اتوقع يصير نغير مكانه الا بعد سنين محدديها همه

_بس بالزواج يصير اكيد

صليل _خلي يخلص هذا العقد و نسوي عملية ليلو وبعدها نتفق على المكان بس هسا اني اريدج يمي

مياسين _اي وقت تريدني اني موجوده
خلصت ليله من العمر بين الحب و العتاب
و الاشتياق والتفكير بالمستقبل واكيد ما تخلو من قبلات حاره توزعت على ارجاء جسمي
بس اضطر الفجر يطلع الخاطر سائد وحده و ما يريد يخلي وحده يگول تعبان ودعته وراح

صليل _وصلت للشقه فتحت الباب لگيته گاعد
ويدخن هااا بعدك گاعد

_اييي
جنت يم مياسين موو

_ايي عندك اعتراض

سائد _لااا شلي دخل حياتك لو حياتي

صليل _ ادري ضايج وادري انت تعبان بس باوع يا خوي راح ندخل الاربعين واحنه كلشي ماكو بعدنه وهاي الدنيا صعب
اخلصها ابحدي اطك روحيي

سائد _ليش جاي تبرر اني مالي دخل انت حرررر

صليل _اشوفك ضايج

_لااا ما ضايج بس اريد العقد يخلص وارجع اوسلو الايام هنااا صارت طويلة

_يعني ما ناوي ترجع مناسك الك
گام على حيله عدلت تشيرته وگال موضوع نطوه من يوم الطلعت لا ينفتح ولا ارجع افتحة وما مسموح الك تفتحه يمي حتى لووو صاحبتها ضغطت عليك اني وهذيج الانسانه انتهى كلشي بيناتنه

صليل _ براحتك بس انت البارحة گلت يجي يوم وتبقه وحدها وتعض اصابعها ندمممم

سائد _اييي يجي يوم

صليل_واني قربتلك هذا اليوم

سائد _ يعني؟؟

_اني اريد مياسين _بسس مو معناها اسامحها بهاي الطريقه اولاََ خلي اخذها يمي واخليلك هذيج وحدها وبعدين اخذ حقي منهااا بس يمي وگدام عيني

سائد _ سوي الي يعجبك

صليل _ناملك جم ساعة ما بقه شي للدوام

_ما اكدر انام خلي اخوه من التعب وبعدها عود انام

صليل _تردين الوليلج سائده

سائد _هههههههههه گوووم يلا نام تعبان مبين حيلك مهدود

صليل_ اي والله ليله من العمر رايح اسبح وانام

سائد _تمام
......

مناسك _بدلت ورحت الغرفه مياسه دگيت الباب ميااااسه اتأخرتي يلااااا

مياسين _ اهوووووو اريد اروح يم رجلي عمي ما اريد ابقه هنا

مناسك _ههههههههه روحي يابه روحي گليله اقدم يمك لجوء يصير
فتحتلي الباب بهوستها و بشفايفها المورمة ابتسمت من شفتها شكلها جانت ليله ولا بالاحلام

مياسين _ يارب تنعاد يوميا

_ياااا حقيره صلفه صلفه

_هسااا انتِ مو تشجعين الحلال وهو حلالي

_عمي حلالج اني شگلت بس يلا راح نتأخر و باعي الشفتج مورمة لا تخلين اي حمره بس مرطب تره اذا تخلين حمره تصيرين عبالك حمار ماكل رمان

مياسين _امداج وامده تشبيهج
ع سريع ركضت سبحت وبدلت باوعت الشفتي صدگ مورمه خليت بس مرطب وطلعنه

مناسك _ نزلنه من الباص همه اظاهر جانو وره ما نتبهنالهم

صليل _مياستي

مياسين _هاااي وين جنت

_بالباص الباص ياخذكم ياخذنه تعااااي

مناسك _راحتله ركض ابتسمت الهم وگتله صباح الخير وطلعت للشركة سائد ما وكف كمل طريقة ودخل للشركة اني نقهرت بقيت وحدي احس صليل باگ صاحبتي مني هههههه بس فرحتلها هواي مياسه تستاهل صعدت القسمي مجان اكو شغل جانت جايه كمبيوترات وطلبو مني نروح نغلف صعدت يم مياسين نغلف ونسولف ما يحجون المهم تخلص شغلك

مياسين _اليوم راح اطلع وي صليل مو ينشغل بالج

_لاا ما يتشغل بالي طلعي بس لا تتأخزين الباصات ساعة ١٢ توگف انتِ قبلها تعاي اخاف عليج

_لا صليل يجيبني اتأخر اكثر من هيج

_تمام اذا هو يجيبج ما بيها شي
خلصنه الشغل الدنيا ليل هيه طلعت وي صليل واني رحت انتظر الباص هو اكيد موجود
صعد قبلي ماكو مكان كرسي الي هو گعد بقيت لازمه بالباص ويمي ولد هو الباص يتحرك حركتك مو ثابته الولد طخ بيه اعتذر وشوي ابتعد
اني باوعتله هو هم باوعلي اشرلي تعاي
شنووو

سائد _گعددددي هنا

_لا شكرََا ابقه واگفه

سائد _ مالي خلگ احجي اذا عاجبج الطخ روحييي ابقي واكفه الرخيص يبقه رخيص

مناسك _ ضجت هواي من حجايته يعني انييي رخيصه هيج شفتني

سائد _جريتها من ايدها وگعدتها على الكرسي بدون لغوه عفتها ورحت وگفت بمكانها

مناسك _خزر الولد الطخ بيه وخزرني الحمد لله
اذا بس خزره دار وجهه ونزل قبلي بجم موقف واني كملت البيتنه
فتحت الباب وحدي محد وياي ضوجة نعله عله شرفج مياسه والله جنتي ماليه البيت عليه
اكلت شوي وگمت غسلت المواعين
ونمت فزيت للصلاة ماكو مياسين خفت بس لا سوالها صليل شي ركضت للتليفون و خابرت ما ردت رجعت اتصلت جاوبتني بصوت ناعس ها حبيبتي مناسك

مناسك _وووووين انتِ

_بقيت يم صليل

_اي غيرررر تنطيني خبررر متت عبالي سوولج شي

_ههههه لا شسالفة اني يمه ونايمه بحضنه

_نوم الهنا اني راح ابدل واتريگ واطلع للشغل

_تمام اشوفج بالشغل

_سديت الخط خايفه عليها مياسه حنينه ما تستاهل احد يأذيها رغم الصار كله بس مياسه لااا خط احمر بالنسبة الي
.....

مياسين _سبحت وطلعت للغرفه بدلت بطلعتي صار سائد گبالي يدخن بالبلكونه من شافني دار وجهه
خجلت اني شسووووي هنا لووو صليل ياخذلنه شقة بيها مجال بس مووو وي صاحبة واني هناا حسيت الداسوي غلط اني انتظرك جوه صليل

_اييي هسا اجي

سائد _يلا خلصت نطلع

_اييي يلا

سائد _ جان گتلي راح تجيب مياسين عيب اني وياكم جان طلعت

_وين تطلع هيه شهرين ونشوف شنو نسوي بعدها

سائد _ وين ناوي تستقر

_تگلي اني شغلي هنا وراتبي زين احتاريت ابقه هنا لو نرجع الاوسلو

_دثبت هسا عقد الزواج وبعدين قرر

صليل _ والله ناوي السعع گلبها مثل ما سوووت بيه واتركها جم شهر اخليها تشوف الفراگ شيسوووووي

سائد _لااااا هذا التصرف مووو حلو من شوكت نعيش غيرنه العشنا خلاص انت تريدها لم زَوجتك بيت وعيشووو بس عاقبها حتى لا تعيدها وحسسها انت ما واثق بيهااا حتى بكل خطوه تحسبلك الف حساب

صليل _ تدللين يمه

سائد_ههههههه يلا وليدي رجعت خديداتك وردن من جديد

صليل _مو صارلي سنه اني نثيتي ماكوو

_ههههههههه خرب غيرتك

مياسين _نزل ويا بس ما حجة وياي ولا سلم
انتبهت يتعمدون يطلعون من وكت حتى لا الباص الي نجي بي يصادف وياهم
بس الي نرجع بي يكون اخير باص مجبور يصعد بي سائد

گعدت يم صليل وخاله راسي على جتفه ما تشوفلنه شقه وحدنه افضل

_اي خلي اليوم اسال وين اروح وشنو نسوي وبعدها اخذ شقه بسس انتِ اليوم ترجعين وياي

_وين للشقه لا استحي سائد اليوم صار گدامي كلش ضجت وخجلت

_يابه شنووو جديده سائد ويانه مو عشنه بسوريا وهو ويانه

_بس ما جان بينه خلاف احسه ضايج مني

_لا ما ضايج بس هو صار بالگوه يحجي
اليوم نررررجع سوه

_ومناسك خطيه وحدها

_اختاري لو اني لو هيه

_يعني شنو اختار ما تخليني اشوفها

_لااا بس ما تبقين يمها يمي وبس كافي تشوفيها بالدوام

_تمام مو شكال

نزلنه من الباص بقيت انتظرها بالصاله مشتاقتلها

مناسك _هاااي خيانه ههههههه صباح الخير

مياسين _طلعو يجون بالباص القبل باصنه

_براحتهم خلي يسوون الي يردونه

_هسا لأن اني وياهم نجي سوه وتطلع سوه

مناسك _ههههههههه اجه من يمشيهم على مزاجة

_ هههههه اييي ولج مشتاقتلج هواااي

_اني هم يلااا كل وحده الشغلها هههههههه

مناسك _بطلعتي من الشغل شفت حبيب و عائلته سلمت عليه جان ويا اخو اكبر منه بهواي
بقه يباوعلي ما ارتاحيتله ابددد
عكس حبيب كلش محترم سلمت وترخصت گعدت بالموقف انتظر مياسه شافتني من بعيد وركضتلي اشرتلها الشارع

مياسه _ماا خابرتيني اليوم

_گلت راح تروح وي صليل عليمن اخابرها

_شلون عرفتي راح اروح

_اكيددد ترحين بعد شفتي الغوالي من شاف احبابه نسه اصحابه

مياسين _لا تگولين هيج ما نسيتج بس شيسوي گليلي

صليل _السلام عليكم

_وعليكم السلام
الي تسوي ترحين وي زوجج وعيشو حياتكم وتونسو مووو صرعتيني بصليل وربج جابه الج لا تفاركييي بعد

سائد _اسمعها احسهااا تگطع بيه وووصل
طلعت الجگاره ودخنت

صليل _اي يابه سمعي كلام صاحبتج عمي مريتي اني اريدها بعد ما انطيها

مناسك _حلال زلال عليك واني الم ملابسج الج
وتعاي اخذيهن وقت ما تحبين بس صليل فدوه عينك على مياسه صح الصار غلط واني الغلطت اني الطلعت مياسه وياي
الخاطر كلشي صار حلو بيناتنه بهاي السنوات
لا تأذيها انت كلشي صرتلها الاهل والحبيب

_لا تخافين ما نسويلها شي

مناسك _اجه الباص صعدنه هو اخير واحد صعد
گعدت ومياسه يمي بس لا فكرها ولا عيونها يمي عينها على صليل الواكف ويباوعلها عبالك مخطوبين مو مزوجين

من وصلت الموقفهم باستني
تصبحين على خير

_وانتِ من اهله حبيبتي
من نزلو باوعلي سائد من جامه وضحك بأستهزاء درت وجهي وكملت البيتي

مياسين _ثبتت عقد الزواج بالنرويج
وقررنه نسوي حفله صغيره وعزم اصدقائة بأوسلو و جاهد وجهاد الفلسطيني
واني اجيت اخابر مناسك ما قبل

صليل _اذا تعزمين مناسك يعني ماكوووو حفلة

_ليشش؟؟

_لأن اني هيج اريددد

مياسين _انت هيج تريد لو سائد

سائد _عزلي حياتج عني لا دخليني بأي موضوع حتى كل ما الها مشاكلكم تصغر اني مالي دخل في حال اجت مناسك اني ما اجي وانتو احرار انييي لو مناسك

صليل _اكيددد انت

مياسين _وليش مووو مناسك

صليل _ لا تخرررربين فرحتنه

_انت الدتخربهااا اني ما اريد حفله اذا متجي مناسك

صليل _هذا هو ماكوووو حفله اني اسويها وي اصدقائي ويضربج طوب

مياسين _هيججج صارت

_هذااا العندي

مياسين _دخلت جريت الكوت مالتي اريد اطلع
گلي بس اطلعين ما ترجعين

مياسين _انت شدسووووي

صليل _طلعي باب الشقة باجر اجمعج وي اي شيخ هناااا واطلكج والله

مياسين _ يعني يصيررر اصدقائكم كلهم يجوووون بس صاحبتي والوحيده الاعرفها هناااا متجي

_اي يصيررررر

مياسين _ما اريد حفله خلاص روح انت سوي واتركني اني اروح يم مناسك هناك اني وياها نسوي حفله

صليل _ لااا اسوي حفله اني اييي انتِ لااا لو وياي لووو ماكو

مياسين _رفعت التليفون وتصلت بمناسك ابجي واحجي

مناسك _فهميني شوي شوي شبيج

_يريد يسوي حفله النه والخاطر صديقة ما يقبل يعزمج اكله ما اريد حفله اني اسوي وياج حفله بس يگلي ماكووو
اريد اجيج يگلي اطلكج

مناسك _عرفته هذا انتقام صليل
فتحي سبيكر وانطيني صليل

سائد _فتحت سبيكر وانطته الصليل
تركز سمعي يم صوتها

مناسك _السلام عليكم

صليل _وعليكم السلام

مناسك _ قرارك صح لا تخليها تطلع اذا طلعت انيي اكلك طلكها

مياسين _شدتحجين مناسسسك

مناسك _انطيني مجال احجيييي

انت متريدني اجي للحفله هم حقك زواجك وانت حر بس احنه هنا عدنه حسينيه تقبل على حسابي نسويلها حفله ونعزم البنات وبهيج يصير انت سويت وجمعت اصدقائك واني سويتلها حفله وهيه تفرح

صليل _.......

مناسك _قرر والي تريده يصير
مياسه تسمعيني

_اييي

_الي يگوله زوجج تمشين بي اني ما افيدج باجر عگبه هم تصيرلي حياة وما التفت الج عينج على بيتج وزوجج كافي حبي مو صحيح

مياسين _بس هو معاند اني منو الي هنا غيرج

_ميخالف اليگول يصير عمي كلش كلش اني اجيبلح كيكة واسويلج بستراحة العمل حفله بعد شتردين

مياسه _نقهرت عليها هو ما يريدها تجي وهيه وگفت ويا حسيت بصوتها تغيررر ومقهوره بس ما بينتلي ولا الهم

صليل _ ويمته هاااي الحفله

مناسك _انتو يمته حفلتكم

صليل _السبت

مناسك _الاحد بيج حيل مياسه

_اييي بيه

_هذا هو متفقين خويه

_ايي متفقين

مناسك _سديت الخط وتصلت بابو عبد الله
علمود نستئذن منه بخصوص الحسينيه كلش رحب و گلي الملاية عليه والله يسعدهم
يوم السبت اتصلت عليه تبجي ليش انتِ مو يمي واني ابد ما فرحانه و هو كسر فرحتي

مناسك _اني يمج وقت ما تحتاجيني يمج
بس انتِ ضحكي وتونسي وفرحي باجر مسويتلج حفله احلى منها

مياسين _ما زعلانه مووو

مناسك _اليوم اني اسعد وحده بالدنيا كلهااا لأن صاحبتي نجمعت وي حبيبها و راح تعيش كل حياتها بسعاده

_احبج نيزك

_واني اموت عليج يا صديقتي
سديت الخط منها وبجيت جنت اتمنى اكون وياها بس مدام هذا الشي ما يسوي بينها وبين صليل مشاكل اذن اني سعيده الها
رحت جبت الكيك والعصير و المي و اشتريتلها كيكة كامله بيضه وبيها گلوب حمر
و اشتريتلها الهديه حلقه ذهب و الصليل حلقة فضه عليها اسم مياسه وهيه هم ع حلقتها اسمه
عزمت الكل بدون استثناء حتي الايرانين و الافغان اليجون ردتها تفرح ترستلها الحسينيه حتى زوجة حبيب جبتها و الملايه ما قصرت صوتها حلو و قرت بكل حب وهيه لابسه الفستان الابيض وتركص واني لبست فستان رصاصي طويل و فتحت شعري بعد ما بديت اعالجة من الفراغات شوي صار حلو وخاصه ماي النرويج يجنن صار شعري ماي وبي لمعه وحفيت خليت مكياج طلعت حلوه

مياسين _ هاي الحفلة احلى من حفلة امسسس والله

_تونسي لعد
الحد الساعة ١١ احنه نركص بعد ما نكدر اكثر القانون الحد ساعة. ١١ تشكرنه من الملايه والكل راح بس ام زهراء عاوجة حلكها وكلتلها اكوو وحده تزوج واحددد سنييي

مياسه _خلي خشمج بحياتج ومالج دخل بحياته غيرج وهسا رحم الله والدي من زار وخفف يلااا الله وياج

مناسك _هههههه والله حل شدخلها هيه وشلون عرفت

_اني حجيت للبنات اكيد سمعت من وحده الوحده

_هم مدري شلونج عليمن تحجين

_ختولي بكيفي احجي الاريده الله يعين ابو زهراء عليها شكد هو يبين طيب وهيه جنها جلب مسعور

مناسك _ طلعنه ببدلاتنه يلا عيني زوجج ينتظرج بااااي

مياسين _ما تجين ويانه بالسيارة

_لا يابه اريد امشي للموقف بلكي اشوف واحد حلو منا منا نرويجي مكسيسكي كلشي جان واني احجي وياها صاحلي جاهد اظاهر مأجرين سياره

مناسك _السلام عليكم

جاهد _وعليكم السلام عبري الشارع وتعاااي جبتلج ليلو

_صدگ باوعت ع سريع وعبرت انطونييي الحلوه طلعها الي بوستها الحد ما مليت كارينا نزلت سلمت عليه جانت لابسه قصير و الشعر مفتوح ب

جاهد _تعاي ويانه نوصلج

مياسه _لا عيني هيه تريد تروح بالباص تگول اشوفلي حلو منا منا

مناسَك _خزرتها بالله موووو وكتج اني حجيتها الها حتى لا تحس ما اريد اروح وياهم وهيه حجتها كدامهم

صليل _ اطلكي من سائد وروحي دوري واحد منا منا

مناسك _اني حجيتها للشقة وي صديقتي

صليل _هذااا الشقه مووو حلو وانت على ذمة رجال

مناسك _ ما جاوبته ترخصت وعبرت الشارع
للموقف گعدت شوي واجه سائد يتمشه
اذا تريدددد حلو منا لووو منا تره نجيبلج حلووو باجر نتلاكة بهذا العنوان جاي سيدددد واخلصج منييي

مناسك _لزمت ايده انيي حجيت هيج حتى لا تحس مياسين ما اريد اجي وياكم اني ما اريددد غيرك خلاص مووو مافي اخذت حقك

سائد _ اني وياج لووووو تنطبك السما على الارض ما ننجمع لووووو تموتين ويوميا اكتشف انتِ رحمة الثانيه
نبقه على موعدنه باجرر

مناسك _ اني ما اجيييي

سائد _تجين وغصباََ ما عليج

_لاااا ما اجي ومو غصباََ ما عليه اني ما اريد اطلك
خلينه هيج ما تريدني لا تريدني بس لا اطلكني

_ ليشششششش بعد شترردين من سائد تردين تخلصين عليه

_ ما اريد منه شي بس اني احبه وما اگدررر اتخيل روحي مووووو زوجته وموووو اله انيييي ميته بيك والله انت مووو جنت تگلي ليش بارده وياي
انت ليش هسا باردد وياي اني اريدددددك الك وبسسسس

يتبع........
جماعة الوتباد اني جاي اتأخر بالنشر بسبب قطع النت يمنه بأيران قطعون بسبب المظاهرات
وهسا اجه وهسا اجيت انشر