معتقل الصحراء الفصل السادس وخمسون 56 - بقلم أم مختار

قراءة ممتعه البارت بدون تصحيح
لا تنسون التصويت و التعليق

#معتقل_الصحراء ٤٧
#بقلم_ام_مختار
#دنيا_غانم

قبل ثلاث ايام
..................
مياسين _ من التعب و البجي نمت بصف صليل
ما فزيت غير على صرخة جاهد وصليل جان گاعد و مدنگ باوعت الجاهد جان حاضن رحمه ويصرخ

جاهد _ بعدددد وراج هواااي رحمة گوووومي
لا تحبيني بس لا ينگطع نفسج من دنيانه
رررررحمة رحمتييييييي

مياسين _ هو مربط ويريد يشيلها بحضنه ما يگدر
وخاصه هيه مربطه بسلاسل حاط راسه على راسها ويصرخ اني لا ارديا اخذتلي حايط وتكرفصت مهما صار بينه بس رحمة جانت جزء من حياتنه وجزء جان سند بوقت و ساعدنه
والكارثة بنتها تحير المن تباوع ومنو يكسر خاطرك

مياسين فز سائد وياي وباوع الصاحبة وگلي لعد مناسك وين

مياسين _خذوها

سائد _وشنووو هاي بقعة الدم
كواوو........ فتحوو ايدي وتعالوووو انيييي واجهوووني انييي مووو زوجتي

مياسين _ جاهد يصيح وسائد يصيح
ذاناتي ظلن يصفرن جسمي كله نمل

صليل _كااافي يا خوي

سائد _بالعكس خلييي خلي يطلع حرگه گلبه
ابجبييي عليها انطوووك وقت تحضنها وتبجي عليها ابجيييي
وليدددددددد والله اذا لزمتتتتك امثل بجثتتتتك والله

صليل _انت هيج راح تظر مناسك اسكت الحددد ما يجيبوها

سائد _ يجيبوها جثه مثل رحمة موووو

صليل_اسسس اسكت كاافي تصيحولهم راح يتمكنون من عدنه بسببكم

جاهد _ شفايفها زرگ اتلمستهن الوجنات الحلوه صار لونهن شاحب والايدي زرگ
درت السائد صارلها هواي من ميته كلها زرگه

سائد _ من الصبح توفت او من امس ما اعرف شگد صارلي نايم بس من مالت راسها علينه من تقربت جان ماكو نفسس

جاهد _ فتحووووووووووو الباب

صليل _فتحوله الباب گلوله شتريددد
همه اكيد سمعو صريخة بس هذا اسلوووب من مليار اسلوب يتعاملون بيي ويانه

جاهد _ دفنوووها ع الاقل زهگتوا روحها اكو رب يحاسبكم بس ع الاقل دفنوهاا اكرام الميت دفنه

سائد _ ووووين زوجتيييي جواددددد
جيبوها وانييي حاسبوني مووو شغلكم وياينه شووو تاركينه

سائد _مد وليد راسه من وره جواد وباوع الجاهد تصيرر ويانه هساا ادفنها

تظل على حطتك موتو بخيست جثتها
وانت الخ تصير ويانه اجيبلك زوجتك ما تصير ظل اصرخ الحد ما تموت
رأساََ صفرت الجاهد و جنت خايف يضعف و يقبل
همه جاي يضغطووون علينه بيهن

وليد _تره شفراتك حافظهن لا تصير هسا فطن

سائد _ اذا بيك خير اگدر على شفراتي

وليد _اني اتعجب عليهم الحد هسا خلگهم طويل وياكم نخلص وننتهي بس مجلبين بيكم شنووو

سائد _ لأن عدهم مصالح ويانه لا تخاف هسا سبوع بالزايد وتنتهي اللعبة ويخلصون علينه و ترجعون الاماكنكم
جر كرسي من بره الغرفه و گعد عليه

وليد _ اني لو الي القرار اخلص عليكم صراحة لأن انتو خطر علينه يجوز تقبلون وتصيرون جواسيس بعدين

سائد _روح للگصاب عدنان وگله بهذا الكلام بلكت تربح الحصانه وهديتك عظم

وليد _ اني الحصانه بذات نفسها

_شوف وليد. خلصت عشررر سنين من هذا العمر الاكشر بالسجن الانت ببي واعرف شنو معناها تصير جلب للدوله انت الوفي الهم وهمه يشمرولك العظممم واكبر دليل الك زهير وكامل وسلام جانوا يطلعون بمهمات اكثر من عدنه
بس احنه نهزمنه وتعاقبو على شي همه ما سوو
وعلى گولتك بواري المي انت فتحتهن عليهم وخليتهم يغرگون

وليد _ههههه لا لا مو هيج غرگت السجن كله تخيل البيبان مسدده وهمه يصرخون مثل النسوان شلون هسا انت تصرخ
يصرخون وهمه يشوفون الماي يرتفع وماكو مهررب الحد گطع النفس

سائد _ الحجي ضايع وياك

وليد _تريد نجيبلك زوجتك مگطعه لوو بدون راس

صليل _صفرتله اني

وليد _هههههههههه

سائد _شنو كاتبلي ربي اني راضي عسا ولعل هاي تخفف عن ذنوبنه عسا ولعل كفاره عن السوينا

وليد _ اذا ربك يسمعك خلي يساعدك

سائد _ههههههه گلتها قبلك وما لگيت روحي الا على اعتاب بيبانه اطلب الرحمة منه
وراضي اليوم بقضائة وقدره اكفر شگد ما تريد
نهايتك اله اذا انت محظوظ تكون ساجد على قبلته وتطلب العفو والمغفره واذا من سيئين الحظ فـ تكون بين ايدي هو صح غفور رحيم
بس شديد العقاب

وليد _ خلي يلزمني وبعدين نتفاهم

سائد _ تجاهلته ورجعت اصيح من كل جوارحي
ردت اسطرهم اسكت لحضات وارجع
تعده اليوم الاول واحنه بغرفه بيها جثه
و مناسك ماكو
و اليوم الثاني كذلك من صياحي ورطعي على الباب نزلو رحمة من السلاسل وربطوني بمكانها وهيه غطوها ببطانيه

وليد _تصيرر ويانه ندفنها ماا تصير تخيس يمك

جاهد _ بسسسس اريد اعرررف شلووون وصلتولنه شلووووون وصلتوووو للنرويج

وليد _افاااا واحنه ثاني اقوه استخبارات بالعالم وداعتك الاول بس همه يحبون يمجدون بأمريكا

سائد _ تناطوو وياهم وخلونه نشوووف منو الاقوه

وليد _ بعد ما نخلص عليك

_سد الباب وطلع

مياسين _الريحة بدت تطلع اباوع للبطانيه احس رحمة كشت ضعفين عن وزنها رغم اليوم ثاني يوم
عيشونه كلشي حتى عذاب القبر شفنا شلون صاير برحمة

سوتها ليلو على روحها بعد ما خلصنه حفاظات وهمه ما يساعدونه ما جان باليد حيله صحتلها تجي يمي سوده عليه تبجي واحنه كلنه مربطين
شفنه ايام سوده مصخمة
نفتح الباب جواد جايب اكل الليلو احنه لا

مياسين _ جيبولها ملابس ع الاقل

_ اسسس ما اريد اسمع حسسس

مياسين فتح ايديا وسمحلي اوكلها
تجاهلني وحجة وي سائد

جواد _شلونك سائد هيج متونس مرتاح

سائد _باوعتله عيني توجهت الاصابيعه جانن ثنين. معناها الامور لا بأس منها اليوم

صليل _ انت شنوووو تريددد وضحلنه موقفك

سائد _ بس حجة ويا صليل هيج سد الباب بسرعة وراح يمعود الحيطان الها ذانات همستها همس

صليل _راح يخبلني شنووو يريد لا هو المساعدنه ولا هو الذابحنه ومخلصنه

_اسسسس اسكتتت هو املنه الوحيد لا تحجي خلي براحته

مياسين _من نگعد الحد ما انام سائد يصيح ما يسكت بس من تنام ليلو يسكت
و جاهد مگابل جثة رحمة
و بس الدموع تنزل
سائد ما قبل ندخل عافه براحته
الحد ما فتحو الباب واجتي مناسك
و وليد حجه الجم كلمة وطلع

مناسك _تجاهلت عيونه شلون اباوعله واگله ما گدرت احتفظ بشي انت تتمنا ما گدرت اقاوم الخوف الي استقر بگلبي

سائد _ليشش طيفي ما يباوعلي

مناسك _نزلت دموعي من وحدهن

سائد _ يا يابه شتعلت روحك سائد تنزل هاي الدموع علمودي لا تبجين يا طيفي هذا قدر رب العالمين علينه

مناسك _تقربت منه وبسته من راسه هذا ثاني طفل يروح النه

سائد _تقربي حتى ابوسج

صليل _ الگاعد على شواطئ المكسيك مو مثلكم

سائد _اسكتيلج شوي صوله

مناسك _باسني وگلي
فدوه الج مدام انتِ بخير اني وولدي فدوه الج
ظل كل ما يشوفني صافنه يگلي فدوه الج اني وولدي

غابو عنه وعدنان ما بين بعد اصلاََ
بس المدعو جواد دائماََ متواجد ووليد فقط وقت الترويع موجود تعذيب بعد ماكو
رحمة خلوها يمنه خمس ايام اول ما وصلت الريحة لا تطاق بس بمرور الساعات ما ظليت احس اي شي شالوها بالبطانيه وطلعو
دفنوها ذبوها ما ندري
خلصت عمرها تايهه
والى يومنا هذا محد يندللها گبر ولا اصلاََ نعرف وين ودوها

دخل جواد جابلنه الاكل وشربنه ماي
و من فتح قيد جاهد ورجع ربط ايدي خله ايدي مقابيله مو مثلنه وره ظهرنه

سائد _من كلبج ايديا اشرلي بصبع واحد
باوعتله وهمستله انتو شگد هنا ما جاوبني خلص شغله وطلع

سائد _بسسبس صوله

صليل _استحي على روحك مرتك يمنه تبسبسيلي شنوو عينك عينك تتحرش بيه

سائد _ههههههه

صليل _فدوه الهاي الضحكة تعاي ابوس هاي الشفايف

سائد _انجب ولك اسمعني بما انو جاهد مو ويانه هسا فاصل لازم نعرف بالليل شيصير لازم واحد من عدنه يظل گاعد بالليل

صليل _جاهده علنت الحداد ولبست السواد

جاهد _ بشرررفك صليل مووو وكتك

صليل _ والله لوو ما صاحبي واگول جروحك جروحي جان سمعتك كلام يطلعك من الفاتحة الناصبها

سائد _عوف جاهد صوله خليج وياي

صليل _ وين اخليني وياك ما مشيره جسمي

مناسك _ شايفين هب النسوم التجي بعد ضيگه نفس هذا صليل احنه بنص الموت وهو يضحك وينكت ولا يهمه ولا مهتم

سائد _ هههههه استغفررالله ولك موو وكتك اسمعني

صليل _ يابه فهما انت نام اني راح اظل گاعد

سائد _سوي روحك نايم اريد نعرف بالليل شنو يصير واهم شي انتبه للاصوات

صليل _سهله

سائد _انتن سون روحجن نايمات يم ليلو وانت هم جاهد انبطح

جاهد _ماكو مهرب منا راح نموت بالسره

صليل _ شلون هسا اعفطله عفطة اطيره بيها
راح نطلع واذكررر كلامي

سائد _بسسس اسكت عن جاهددددد وسوي روحك نايم بشررررفك

_سكتت سكتت يلا

مناسك _الكل سوه روحة نايم سائد خاف ينام انطه خبر الصليل بس الصار كلنه ظلينه گاعدين نفتح الباب جان جواد باوعلنه وطلع بس قفل الباب سمعنه صوت القفل

صليل _ سائده

_گاعد

صليل _ قفل الباب

سائد _اييي سمعت

صليل _من صعد الدرج واضح بس هو حتي من نزل وماكو صوت كلش

سائد _منتبه

مناسك _ظلينه يوم بعد يوم نراقب ماكو تعذيب
بس حابسينه يجوز على امل الولد يقبلون يرحون وياهم ما نعرف بعد
مياسين ظلت دائماََ تصيح جوعانه
وخامله وين ما تلگه رجلين تمد روحها وتنام عليهن وتنام تغفه رغم الوضع الاحنه بي
فزت من النوم سوت حضن وگعدت گبال صليل و حطت ايدها على خدها وصافنه بي

صليل _ها شبيج عيب شنو هل نظرات السوقيه

مياسين _ مشتهيه عرگ سوس صليل مثل الجنه نشربه بشوريا

صليل _ فدوه رحت الامنه حوا يوم النزلت وجابتجن على گلبي محصور حمام صارلي سبع ساعات محد جاي حتى اقضي حاجتي راح اسويها على روحي وهيه تريد عرگ سوس

مياسين _شدعواك هسا اني شنو كلت جاي اكلك مشتهيه ما گتلك جيبلي

صليل _عوزج تگولين جيبلي حتى هسا افك قيودي واكابلج والطم

سائد _ وبعد شنو مشتهيه

مياسين _فراش هيج جبير وانام فد سبوعين

سائد _ باوعت المناسك و بتسمت
وصحتلها تعااي

_هاا حبيبي

_سألي صاحبتج وتأكدي خاف حامل
باوعتله اي والله مثل ما اني جنت انام هيج

_اييي

مناسك _ تقربت من مياسين و گتلها صار شگد ما جايتج الدو....ره

مياسين _اذا نقدرها هسا تقدير حوامل اذن اني عليه اربع اشهر او راح ادخل بالرابع

_جذااابه

_ايي انتِ هنا اجتج ٣ مرات مو صحيح

_ايي

_واني ولا مره

_ليش ما حجيتي

_ما اريد احجي ما اريد صليل يفرح وبعدبن وينقهر مثل سائد
احنه مالنه طلعه منا مناسك صارلنه ٣ اشهرر هنا
على اي لحضه يخلصون علينه

مناسك _......

مياسين _ حتى السائد لا تگولين فدوه

مناسك _ هزيتلها راسي بس اني قررت بعد الصار ما اضم على سائد شي حتى لو يصير هلگدوت احجي بكل تفاصيله تقربت اله وگتله بس گتله هيه ما تريد صليل يعرف علمود لا يصير بيهم شي وينقهر

سائدد_فاهمج ما راح احجي صحيح كلامها

مناسك _ من نسمع وحده حامل لا اردياََ نفرح الا احنه بيومها واحد ظل صافن بوجهه الخ وخاصه مياسه
من اجتي الدو...ره مره ثانيه
ما جان عندي حل غير كصيت قطعه من حجابي
حتى امارس الطبيعه الي خلقني بيها ربي
والا لو
ظل عليهم افيض بدمي وما يهتمون اصلاََ هاي اساليبهم من جنت بالموقف

خف الضوا اليجي من جوه الباب الكل نعس
نمت اني ومياسين يم ليلو و جاهد يم الباب كلش و صليل على يسرتنه و سائد رابطي فوگ روسنه يعني احنه بنص الغرفه خالينه

صليل _نفتح قفل الباب فتحت عيني شويه ما شفت اي شي فتحت عيني اكثر ما لگيت احد بس الباب مسدود بس القفل نفتح دقايق و من فتحت الباب سمعت خرخشة مفاتيح طفرت الجاهد و حطيت ايدي على حلگه وهمست بأذنه المفاتيح شمروهن يم الباب جرهن بهدوء

جاهد _ جريت المفتاح اني الوحيد الي مقيدين ايديه گدامي ما خاليهن وره ظهري

صليل روح السائد افتح ايدي واني راح اظل وره الباب خاف يصير شي

جاهد _ايي اييي

سائد _اسسس بهدوء تحرك

صليل _گاعد

_اييي بهدوء جاهد بهدوء
ظل يگلب بالمفاتيح جانت مجموعة الحد ما طاح بمفتاحي

صليل _فتحنه ايدينه بكل صمت بحيث البنات ظلن نايمات محد فزت
سائد حط ايده على حلگ مناسك وهمسلها
واني كذلك

مناسك _فرج من الله

سائد _اني راح اطلع قبلكم اشوف شنو اكو بالطابق الاول وبعدين اطلعون

جاهد _ ما انتظرتهم ينفذون اني طلعت بكل هدوء احنه شايفين الطابق الاحنه بي بي الحمام وغرفه بصف الغرفه الاحنه بيها فتحت الباب بكل هدوء ماكو شي فتحت باب الحمام ماكو شي
اشرتلهم وراي خليكم وراييي

مناسك _نزل جاهد طابق جانن تلث بيبان فتحهن كلهن اشرلنه ننزل سائد لازم ليلو وظل بالطابق الجنه بي خاف تبجي ع الاقل يظل الصوت بنفس المكان يفكرون انو احنه بالغرفه
الحد ما احنه نتأكد من طابق الارضي وينزل
بالطابق البعده لگينه جنطنه جر جاهد المهمات الي بيهن الجوازات و الكريدت كارت

جاهد _بعد طابق واحد راح انزل اذا تمام نزل البنات وخليك انت الحد ما أأمن تنزل

صليل _تمام

مناسك _هذا الحجي همه كل واحد بيهم لازمله بلوكة لأن ماكو شي غيره الحد ما نزل جاهد وتأكد من الغرف طلع بره واشر النه

صليل _نزلو انتو الجاهد و گلوله طكها ركضه للشارع

مناسك _ نزلنه بهدوء وبس وصلنه الجاهد ركضنه وهو ورانه

صليل _اشرت السائد ينزل
سوه الدرج شبختين طلعنه نركض وايده على حلگ ليلو نرضك هواي ركضنه الحد ما شفنه شارع وسيارات خوت روحنه

سائد _ظلو هنا خليكم هنا اني رايح اشوفلنه سياره

مياسين _اصبر اصبر هذني تراجي ذهب خاف ما يقبل يصعدك گله هذني التراجي الك

سائد _خذيتهن منها وطلعت للشارع وگفلي رجال لابس الزي العربي و اللهجة فلسطينيه

سائد _عمي اني دخيل عندك
اجينه هنا سياحة وحراميه خذو كل فلوسنه واني وعائلتي محد وكفلنه
گلي اصعد صحتلهم السياره صغيره بس بوقتها صغيره جبيره المهم نصعد
گلي وين اودبك گتله النص العاصمه كون بمكان متروس ناس
هو خطيه يباوعلنه برعب حالتنه يرثى لها

جاهد _ فتحت الجنطة الي بيها جوازاتنه و الفلوس الجنه خاليها بالجنطه خاف بالمطار يحتاجون شي هم ماكو بس الكريدت كارت الي بي ١٠٠ الف كرون موجود

سائد _هذا الكارت شغال بكل العالم نوصل ونشوفلنه كابينه ونسحب فلوس

جاهد _والجوازات شلون نطلع منا

سائد _اصبرلي هسا خلي نوصل مكان بي حظ ونحجي
گلت للرجال يوكفني يم اكبر فندق معروف ردت مكان بي ناس مو هيمه مكان نگدر نحس بالامان
خذاني الفندق خمس نجوم باوعتلهم حالتهم مو مال خمس نجوم واني الي فالينتي مشگوگه بعد ما نزعونياها مليار مره بس مياسين ملابسها مرتبه
انطيت للرجال التراجي الذهب وگتله خلينه بالسياره الحد ما تنزل زوجة اخوي تحجزلنه لان تشوف حالتنه
الرجال رد التراجي عليه و گلي خليكم شگد ما تردون اني ذبيتله التراجي و حجيت وي مياسين سمعيني تنزلين تشرحيله الوضع احنه طالعين رحله ونسرقنه اكيد هيج فندق يتعامل بالكارت
تنطي الكارت تحجزين تلث غرف وشرط وحده يم الخ

_تمام
نزلت رغم ملابسي مرتبه بس ريحتنه طالعه من شافني الموظف الواگف بالباب ما قبل ادخل
گتله اني عندي كارت واريد احجز ياله دخلني ومن دخلني دخل وياي حجيت وي الرسبشن الوضع و انطيتها الكردت و الرمز رأساََ بس صارت الفلوس يمهم رحبت بيه بالعرب و الانكليزي و يا اهلا وسهلا
گتله اني عائلتي وياي بس وضعهم يرثى له
دخلونه عن طريق مصعد الجنط گبل للغرف مالتنه

مناسك _من دخلنه للغرف جان نظام الغرفه كارت قفل الباب ودخلنه جمعنه كلنه بغرفه

سائد _ نسبح هسا واني وصليل رايحين نشتري ملابس للكل ونتأكد من عنوان السفاره النرويجية

مناسك _طلعنه منا بأسرع وقت حتى لو باجر يسلمونه الجوازات نحجز ونظل بالمطار

سائد _خلي نشوف شنو يصير هسا بالسفاره النرويجية و الله كريم

مناسك _سبح و لبس قميص جاهد جان ارتب من تشيرته المشگوگ و طلعو
من رجع الضحكة شاكة الحلگ و صليل يدگ اصبع شكوووو

صليل _ الطاغية طاااح امس بغداد يقطت بيد الامريكا

مناسك _جان حلم بالنسبة النه كلنه تعجبنه
معقول هذا يطيح

سائد _لوو ما طايح جان محد طلعنه طلعونه يخافون بعد ماكو حمايه ساندتهم هنا

جاهد _ومنو طلعنه تتوقعون

سائد _جواد ماكو غيره هو الوحيد الجان يأشرلنه

جاهد _ خاف مراقبينه سائد

_خليهم مراقبينه ما يگدرون يسوولنه شي
بعد

مناسك _ثاني يوم سائد طلب من الفندق تكسي تابع الهم ياخذنه للسفاره النرويجية رحنه للسفاره بس وصلنه سائد گل للسايق انتظر لا تروح واني انطيك الدبل دخلنخ للسفاره وگلنالهم جنه طالعين رحله سفاري و نسرقت جنطتنه وبيها كل جوازاتنه
دخلونه للسفير و حجينه القصة بعد ما اتفقنه اكيد بالفندق
خذو معلومات الجواز و الرقم الشخصي مالت الجوازات
وگلولنه بعد سبوعين ياله تستلمون الجوازات
احنه احبطنه بس سائد حمد الله وشكره بعد سبوعين ولا يرفضونه رفض تام
طول الاسبوعين احنه بالفندق وحاطي ع الاخبار الوضع حزين بالعراق
بس احنه فرحانين بسقوط الطغات
الفرهود و الناس الطالعة تركص و الجكليت الي يطشو النسوان كله شفنا وكل الشعب العراقي جان مفكر بعد هاي اللحضه راح يعيشون احلى عيشة
امريكا راح تعيشنه مثلهم واحسن
اخذنه الجوازات حجز سائد ثاني يوم اخذنه تكسي الفندق و طلعنه للمطار ظلينه بالمطار الحد فجر ثاني يوم طلعت رحلتنه من المطار الفرنسا ومن فرنسا لللدنما الكرلن هاغن ومن العاصمة الاوسلو جان الطريق طويل وبي ترانزيت هواي بس هيه اقرب رحله اخذها سائد صح مطمنين بس بعد الصار بينه سائد ما ظل يأمن بأي شخص خاف جان بصيح ما نثق ابني بشر هسا حتى شال بني بشر بس كلمة ما نثق خلاها بقاموسه
٢٤ ساعة احنه بين الطيران و الترانزيت الحد ما وصلنه اوسلو احنه منتهين
گبل من المطار البيتنه كلنه رحنه
من دخلنه للبيت الولد تحاضنو والضحكه ترست البيت سائد شالني ويهوس
صليل يدبج وسائد عاط بي ولك لا يشتكووون علينه

صليل _ ما توقعت نرجع والله ما توقعت نرجع

سائد _ اني هم گلت ما نطلع منها رغم املي بربي جبير بس ع التلث اشهر الحبسونه بيها ايست

مناسك _انت تريد وانا اريد والله يفعل
الكل گال ما يريد

يومين احنه نايمين والله نگعد من النوم ناكل ونصلي وانام يومين كاملات بس جاهد خطيه راح يريد يطمن على زوجة
رجع جاهد يضحك بسخريه وكأنوا
اخر ضربة بعد عدت انهزامات
بعد ما زوجة جانت شبهه ناسيته بالرغم هيه حامل منه و مسويه علاقه وي غيره
سائد گلب الدنيا عليه
گله كل الانت بي منك انت قراراتك واستعجالك هنااا وصلك كتلك همه موووو مثلنه همه ناس الحرية عدهم مالها حدود انت رجال شرقي شجااابك عليها
ظلو يتعركون راد جاهد يطلع گله سائد اذا طلعت اطيح حظك وبعد ما تحجي وياي

جاهد _ دختتت سائد تعبت موو فوگهاا انت تلوم

سائد _اكعد بغرفتك وانجب فووووگ ما محترگ عليك

_عليمن محترك يابه بس تجيب اسوي تحليل للطفل العدها اتأكد بنتي هيه بعدها اخذها و يضربها طوووب

هذا افضل قرار
مناسك _بعد حرب و قرارات
وبعد ما جاهد عزل نفسه بغرفته وي بنته

راحت مياسين تحلل طلعت حامل وعليها ٤ اشهر وسبوعين
بس ابدد ما يبين عليها ع التلث اشهر هاي ظلينه جلد وعظم بحيث بططنها صغيرونه

سوينه الاكل و الكل گاعد ياكل غدا و سائد يسولف شنو لازم نسوي منا وجاي

مياسين طلعت ورقه التحليل وخلتها يم صليل تفضل

صليل _شنو هاي

مياسين _اني حامل

يتبع......