معتقل الصحراء الفصل الخامس وخمسون 55 - بقلم أم مختار

مساء الحب البارت ٤٥٠٠ كلمة
عذروني ما مصحح ولا حتى اللهجة البغدادية متصححة بسبب انقطاع النت اكتب وانشر لأن اخاف يرجعون يقطعو
لا تنسون التصويت و التعليق
قراءة ممتعة

#معتقل_الصحراء ٤٦
#بقلم_ام_مختار
#دنيا_غانم

مناسك _ هذا اخير شي نذكره بعد ما نزلونه و ضربونه وفقدنه الوعي

فتحنه عيونه اباوع من حوالي الكل نايم
گمت اباوع ايديا مربطيها رجليه كذلك بسلاسل
الغرفة عباره عن مترين بمترين ورحمة مربطيها على الحايط گدامنه

سائد _ انتِ ززززينه

_اييي ما بيه شي

سائد _جااااهد صليل مياسين

جاهد _بنتييي وين

سائد يمك يمك لا تخاااف

مناسك _گامو على حيلهم صاح صليل
گله سائد هسا شوي ويجوك احنه بضيافة الوالد ليش مستعجل

صليل _ ووووين نرووووح منهم نطيررر للسما

_مناسك رجعي تذكريلي المن حجيتي مووووضوع ليلو

مناسك _ واحنه جاي نحجي نفتح الباب
عدنان دخل وورا وليد
وليد ابن اخو حبيب

عدنان _الحمد لله على سلامتكم يابه

صليل _الله يسلمك يابه شنوو هاي مشتاقين بس شو الوالد هنااا ليشش مو يم الرئاسة بعز هاي الازمة

عدنان _ نركض وره الفرارية

صليل _خلصتوو عمركم تركضون وره الفراريه الحد ما فريتو امريكا طاحيتلكم جلدددد

وليد _احنه محد يگدرلنه حتى.......

مناسك _كفر ويضحك الرعب بوقتها هد حيلي واني منا حامل سائد عيونه علية ويرجع يباوعلهم ويأشرلي بايده اهدي

جاهد _انت مووو شغلك ويانه اخذنه احنه واترك بنتي و البنات

وليد _ هههههههه يمعود احنه ما عولنه هنوب تگول اتركهم احنه توقعنه بالزايد يجي وياك صليل لو سائد ما توقعنه البقية يجون گلنه نخليهم ورقه ضغط ع الظلو بالنرويج وغصباََ ما عليهم يجون هههههههه بس ما ندري انتو اغبياء الدرجة اجيتو كلكم بدون ما اتعبونه

وبعد ما جمعناكم تتوقع نترك نقطة ضعفكم

سائد _المطلوب من ظلتنه هنا شنووو

عدنان _ ترجعون تحت طوووعنه واليتنفس نفسس واحد بدون علمنه نگطع هذا النفس الابد الابدين

عدنان _ هاي زوجتك مووو

صليل _ حجيك خلي وياي احجي عني وعن المهمات النسوان طلعهن من الموضوع لو النسوان تحن للنسوان

مناسك _ دفره وليد على فجة صرخت مياسين
راد يدنالها وليد زحف سائد وصار گدامها نسووي الي تريده عوف البنات بدون طك ونسوي الي تريده

مياسه _ صليل فدوه حاجيني الله لا يوووفقك الله يااااخذك يا عدنان

سائد _سكتتتتتي سدي حلكج

صليل _لا تخافين ما بيه شي احنه متعاودين على هل سوالف

مناسك _ فتحو الجهاز مالت الكهرباء قرب السلكين جدحن

وليد _بيمن تحبوون نبلش برحمة بمياسين بمناسك والا ليلووووو

جاهد _قسم بذات الله لووو تقربت البنتي بلَهلگدوووت اطلع برووووحك وحق ربك الخلقك

سائد _هدوء شباب اهدأ جاهد صليل كذلك
باوعت الوليد انت بيمن حاب تبلش

_يعجبني هدؤك انت ختار

سائد_اذا اختار اكيد اني اول واحد فـ اترك الخيار الك

_شرايك بمناسك تعجبني البنيه

سائد _ عدنه قانون يحقلنه نشيل التعذيب عن الي نريده واني اشيل التعذيب عنها

وليد _مااا انصحك اذا انت متعامل وي زلم الوكر فـ هذول لا شيء يمي اني اطلعها الروحك وحق ربكم التصلوله

سائد _مو شكال اني بدالها

عدنان _صعده

سائد _اباوعلها ظلت ترجف ابويه انتِ دوري وجهج احنه هذا الشي متعودين عليه

_الله يخليك لا تسويله شي احنه ما اذيناكم تركناكم و رحنه فدوه ابوس ايدك

سائد _اششششش مناسك دوري وجهج وسكتيييي

مناسك _ راح يمووووتك

_سكتييييي مناسك ودوووووري

مناسك _ ما اتمنا العدووي الشفنا ولا اگدر احجيلكم شنو شعور تشوف شخص تحبه يعذبوو كدامك
نزعه التشيرت جاب الموس ومشاه على صدره بفتحات صغيره وكأنوا صدره بقه بي مجال للتعذيب وللتشريح
حبيبي بي طبع ما يصرخ يكتم و يووون
الموس يمشي بكل هدوء وحبيبي يون
من وجع روحة
جاب الكهرب و حطاه و سائد صررررخ من كل گلبه
ظليت اشيل روحي وادگها بالگاع وخررررر عنه فدووووه وخررررررر

جاهد _ تعال الي اني اني اشيله عن سائد

مناسك _خويت تعبت رغم ظهري الهم
بس صرخاته ترست مسامعي
تركوووووو الله يخليكم تركوووو
شنووو سوالكم فدوووووه تركووو سائدددددد

سائد _اصمع حسها بس الوجع الوجع ما يخليني ارد نتل نتل تعرفون شنوو نتل يعني يشل الجسم كله من تركني بس جريت نفس
همستلها ما بيه شي كل قوه صوت بقت عندي حجيت بيها

مناسك _ گلولونه شنوو تردون وتركووونه فدوووه اتركه اترررركه

سائد _ اسسس

صليل _اهددددي مناسك اهدددي لا تخافين خلاص تركوو
احنه جنه مضطرين نكون هادئين اساليبهم نعرفها من نتأثر بزيدون وبأحبابنه يضربون الگلب

وليد _والله سباعي مقاوم سائد
هههههههه بس شرايك هسا نشيلك من الكرسي و نحط زوجتك

مناسك _ سكنت من گال هيج ما جنت خايفه على روحي بس خفت على جنيني
لأن مستحيل اقاوم تعذيبهم وما اسقط

سائد _لااا انيي انييي كمل انت مووو تگول اني اسلمك جثه سلمنييي جثه وعود من يطلع اخررنفس بيه انت بعد حررر احيج واجرر النفس بالگوه
مناسك _التفت وباوعتله مسنح على الكرسي

وليد _لاااا هسا استراحة الك هسا اجه دور ابن العمده لا تخاف موصين عليك

مناسك _ من يجر واحد من عدنه يدوس علينه الغرفه صغيره وهو يتعمد يدوس
راد يجر صليل دفع صليل روحة وگله اني اگوم
بالگوه گام مربط بس ما انطاها الهم بالساهل

مياسين _ مووو يصير نغير اني انيييي بداله
فدوووه انييي حطوووني بداله

صليل_ اسسس لا تسمعلها هاي

جاهد _اهددددي مياسين اهدددي

تقربت البنتي وعيني على امها الي الحد هسا ورغم الصريخ ما گعدت من الغيبوبه الي مدخليها بيها اظاهر ماكله كتله قبل لا نجي
يفزز صوت صرخات الاحباب
و يلجم گلب تعود على اللجمات
صليل حاول يقاوم بس هذاا نتل
مو لعب جهال صرخ صليل
ما تركو الحد ما نغمه عليه
ذبه من الكرسي وطلع وسمعنه قفلة الباب

مناسك _سائددد تسمعني

سائد _اييي اسمعك بصعوبه وبعدها الشحنات بجسمي باوعتلها لا تخافين احنه هذا الشي متعودين عليه

_ راح نموووت هنااا سائد

_الطلعنه من صحراء العراق و من گبر علوش ومن دوووول يطلعنه من هاي المحنه سمعيني هسا

مناسك _همسلي موضوع الطفل ما يدرون بي بس يدرون راح يخلوج بمكاني لوو شما يصير ما تحجين سمعتيني

_اييي

_اذا صدگ تحبيني كلشي تشوفي تسكتين لأن اني هذا كله ما يهمني بس من يجروج ويگعدوج على الكرسي هنا معناها مووووتي

_لا تخاف ما احجي والله

_عفيه

جاهد _ كله بسببي احنه هسااا هنا عماني بكلامه وجبت بنتي وجبتكم للموووت
اثر عليه بموضوه بنتي ما ردتها تعيش بأثر
وهسا ما ادري اذا راح تعيش لو لا

سائد _ وانت شلك شغللل همه مخططين الهذا كله

مناسك _ بس بسببي اني

_شلون؟؟

_حجيتله من رحنه للحسينيه ومن حجيت للمره ومن خابرتني زوجة حبيب و من انطتني الرقم و گتله اني عبالي المراه الثانيه هيه المتصله بجاهد واخوها هو الي تواصل ويا والله

سائد _ حتى لووو ما صاير هذا كله جان جرجرونه بأي طريقه تربيت بسجونهم اعرفهم ما يصعب عليهم شي ابسط شي سمعتي شنو گال
جان لزم مجموعه وضغط على الباقين

مناسك _.....

سائد _ طبعاََ احنه لو حاجين واحد للثاني الي صار جان ما گدرولنه بس ما اگدر الوم مناسك لأن اني الضميت بالاول وهيه حامل مو مال بذيج اللحضه
اجي اذب الصوج بيها التزمنه الصمت المعتاد
همه يشنون حرب بارده انت ما يصير تتنرفز اي غلط بسيط منك يخلصون عليك
گعدت رحمة تصيح مي

مناسك _فتحت رحمة عيونها من شافتنه ضحكت بتعب

جاهد _ تفترين وتلفين الدنيا كلها ومرجعج يمنه

رحمة _ اليدخل ناركم ما يطلع منها غيررر رماد

سائد _ شلون جابوج هنا

رحمة _ما ادري

مياسه _جذااابه هيه الي سلمتنه اذا ما طلعتي انتِ وره هذا كله ما اطللللع مياسين

رحمة _ مثل ما جابوج جابوني

سائد _شلون جابوج احجيلي

رحمة _هاي بنيتي جاهد كبرت وصارت تخبل مثل امها

جاهد _ بس ادعي ربي من تكبر ما تاخذ طباع امها
اذا ظلي عمر بعد افني عمري بتربيتها اعلمها شنووو معنى تربيه

رحمة _ ابويه هم خلص عمره يعلم بينه
بس احنه مو خوش ناس

جاهد _همزين تعترفين

سائد _هسااا گليلنه شلون اجيتي هناا عوفو التربيه لا هسا اجيب ساستكم كلهاااا
.......

رحمة _ ندگ الباب فتحته جان المترجم حبيب وويا شاب اسمه وليد
گالو مسوين تعداد اسماء بالكنيسة للاجئين ولازم كل مترجم يجيب اسماء اللاجئين الي ترجملهم
انطيت اسمي الهم و هاي كل السالفة

مناسك _ وسويتي علاقه وي وليد مووو

رحمة _هذا الشي ما يخصج

سائد _ باوعت المناسك شنو تقصدين

مياسين _من رجعنه من الحسينيه تذكر انت جنت ملتهي وي صليل تسولفون وهيه تعدت ولازمه أيد بأيد وي هذا العذبك وعذب صليل
بس احنه ماحجبنه خفنه ترحولهم وتتعاركون وياهم علمود صاحبك وتصير مشكله واحنه الي نطيح بيها وتصير بسجلنه الاسود

جاهد _ الحرام تغلغل بيج صعب اتركي بعددد

رحمة _ما يخصك هذا الشي ما ببني وبينك شي يربطنه بنتك ويمك

سائد _ما يخصنه بس حجيلي شلون صار هذا الارتباط

رحمة _ ظل يلحگني بالبدايه جان يگول صدفه وبعدين من صارت بيناتنه علاقه گلي اني من شفتج وي عمي حبيتج و ظليت اراقبج حتى تصيرين الي

سائد _و يمته اجيتي هنا وشلون اجيتي

_وليد گلي نروح سفره وهو حجزلي على حسابه
واني اجيت ويا بس وصلنه المطار صعدنه السياره ضربني على راسي ولگيت روحي هنا وصارلي هنا يومين

جاهد _ تركتي بنتج الخاطر الزلم

رحمة _انييي بعد السوا بيه صدام كرهتكم كلكم و ما ظليت وي زلمه الا الخاطر مصلحة مثل ما ظليت وياك الخاطر اطلع
هم ظليت ويا الخاطر فلوسه بسس
اني حب وهاي السوالف ملغيه من قامووووسي

جاهد _ برافووووو جان صفكتلج بس عذريني ايديه مربطيهااا

سائد _هم حجيتيله عنه

مناسك _سكتت شوي ورجعت باوعتلنه جان اغلب الوقت يسأل عنكم واني احجيله
بس ما جان ببالي اوصلكم اله هسا ياله نتبهت والله

سائد _بعد احنه وصلنه ببالج مو بالج صادونه

مياسين _ حقيررره ولا وگف بعينج شي

رحمة _شنووو سويتي انتِ اني الرحتلج على علوووش ورجلي جانت سگط انييي الي طلعتكم من بساتين الناصريه واني واني جنت اضحي بروحي صح حتى اوصل للاريده بس هم جنت افدي بروحي الكم

مناسك _هيه تحجي وجاهد مدنگ بس يتفاعل بتعابير وجهه من تحجي
بجت ليلو و تگله بابا عم

جاهد _وليدددددددد
عدنااااااان تعالووووو الي اني عذبوووووني اذوني موتوني حرررررگوووووني بس بنتي جوووووووعانه
تعالوووووو گطعووووني وصل بس بنتي لا تجوعوها هسا يا روح ابوج هسا لو اعرف اكص من جسمي واوكلج اسويها بس اصبريلي يا بعد ابوج

مناسك _الظاهر احنه بمكان طبقات لأن سمعنه رجليهم على الدرج والمكان يرتج
نفتح الباب جان جواد

جاهد _سووولي الي تردو بس بنتييي وكلوووها

جواد _وبنتك شتاكل بالله

_بالجنطه الي لونها وردي كل غراضها جيبهن الي

جواد _وتشرررط

_يابه ما اشرط انت جيبلي الي تريده بس جيبلي السرنجة و الحليب اهم شي والباقي ما اريده

جواد _ شلونك سائد

سائد _باوعتله بوجودكم بخيرر بعز الخير

صليل _اخخخ

مياسين _ها حبيبي

صليل _مووو بعز الخير لااا....... ام الخير

سائد _انتبهتله من حجة وياي اشرلي بأصابيعها العلى الحايط برقم تلاثه احنه عدنه رقم تلاثه معناها خطر
يعني احنه الجاينه اسوأ

جواد _گلولي سائد ذكي بس طلعت اغبى واحد بيهم

سائد _ صح كلامك طلعت اغبى واحد بيهم
عيني على ايده وبالي بالسياره من طبطب عليه جان يقصدها يعني بس شلحگ اني جنت صاعد بالسياره اصلاََ همه كلهم صاعدين يعني انزل روحي اركض بيهم شسوووي ما سعفني لا الموقف و لا الوقت واني وياي ٥ غيري
طلع غاب بالنص ساعة وبهاي النص ساعة جاهد يصرخ علمود بنته الموتت روحها من البجي
جاب السرنجة و الحليب وفتح قيد جاهد لماها الصدره بواسها وحطها بحضنه يرضعها سكتت وهيه تشرب الحليب

جاهد _ ورمن العيون من البجي يا نفس جاهد

مناسك احنه بهاي الاحداث جنة بسنة ٢٠٠٣
بين ما امريكا متوعدة للدوله بالقتل
جنه احنه نتعذب على ايديهم رغم ضيق الخناق
الي عليهم بس ما زالو يدورون علينه
شنو مستفادين وليش وخاصه بهذا الوقت معقول همه اهم من الديمرون بي هاي الاسأله جانت بلب عقولنه ليشش شنو الاستفاده من عدنه
ساعات مرت بدون اكل ولا شرب وخوف
يدخلون بس ينطون بنت جاهد اكل وهذا الجان مهم بس احنه بدون اكل وتحت تعذيبهم ماكو انسان يقاوووم احنه مو خارقين خاصه احنه البنات بسرعة طحنه
فتح وليد الباب
رحمة گلتله اريد مي

وليد _تردين اتفل بحلگج

مناسك_ هذا جان الاضرب من الجماعة بعدد

صليل _تعرف الضابط شجاع؟؟؟

وليد _سامع بهذا الاسم ليشش تريدني اجيبه الك

صليل _انت قتلت زوجة تعرفه

ورليد _ اني قاتل الي يعجبك اروح اذكر روح من الف روح زهقتها

صليل_ هم صح

وليد _ سائد الدولة محتاجتك تگووووم وياي وتنسه الخربطة الداخل بيها لوو نخلص المهمة الجايين عليها

سائد _والله لوو تگطعوووووني وصل
يا مزبلتكم ما اررجعلهاااااا

وليد _وانت صليل

صليل _ اليگول سائد قومة احنه نگووووله والله لوووو تطرونه الف وصله ما نرررررجع المزبلتكم وربي يمكن امررريكا منكم وما تخلي الكم ذكرر

وليد _هههههههه احنه راح نظل ذكر مرعب على كل الناس حتى الاجيال الي ما شافتنه

سائد _ اي صحيح حتى يلعنون بيكم ههههههه

وليد _وانت جاهد

جاهد _سمعت الرد اتوقع

_حتى لو خذينه بنتك

جاهد_ بنتي موو اغلى من الناس النحرگ گلوبهم بولدهم سووي الي تريده

سائد _ يحجي ودمعته نزلت بس احنه فعلاََ جنه الخاسر عليمن بعد ندخل روحنه بمعمعة اكبرر

وليد _راح اتركم تفكرون

سائد _ بس تضيع وقت خلص علينه وروحو سندوها للدولة عليمن متعب روحك بينه
طلع بدون ما يجاوبني
هنا جانو يردون يجندون اكبر عدد ممكن
مثل ما طلعو السججناء عفو عام
حتى المجرمين رادوهم علمود يسندون الدوله بس
حسب رأيي اني الناس جانت متهالكة حتى الي قاوم امريكا گال اني غلطان شدسووي خلي اطيح الطغات ونخلصصص

مناسك _الحد ثاني يوم محد اجالنه
وسائد عينه عليه شافني خويت
تقرب مني ونزل راسه البطني جوعانين ادرري بس اذا راح اگلهم راح يركزون عليج كورقة ضغط مجبور اسكتتتت

مناسك. _ لا ما جوعانه منو اله نفس ياكل بس عطشااانه. ارييد مي احس جوفي ومعدتي ناررر
رجع حط راسه على راسي كله منيييي لو تاركج لو خالج بهاي السنه مبتعده وما راجعلج طوول العمر جان هسااا مو وياي

مناسك _ كله بأمر الله هذا كله مقدر ومكتوب

سائد _ ونعم بالله راضين الف الحمد لله والشكر على كل حال قاووومي انتِ ووليدي قاووومو الخاطر سائد

_مقاومين احنه اقوياء مثل ابونه
بتسملي يدري بيه داحجي بس حتى اريح گلبه شوي والا اني طحت حتى جسمي ظليت ما اگدر اسنده
دخل جواد حط يم كل واحد صحن بي شوربه عدس بيها ذبان و صمونه الصمونه الحجر مالت الحصار

جواد بالسره منو اول واحد نفتح ايده

سائد _ مدام بالسره معناها خايفين من عدنه
ومعناها الموجودين بالمكان كله مو اكثر من عدنه
افتح ايد البنات اول

مياسين _اجه يفتح ايديا بعدت روح افتح ايد مناسك اني وراها

مناسك _فتح ايديا اني طحت

سائد _مناسككككك

_وياك وياك ما بيه شي گمت سندت روحي و گمت بعدت الذبان بأيدي

صليل _ ولا تلعب روحج هذا بصل مگلي زياده اكلي اكلي الف عافيه

مناسك _هههه الصمونه ما تنگطع اجر بيها متنجر

سائد _غطيها بالشوربه واكليها تصير ترفه

_ايي هو راح اسوي هيج
غطيتها وظليت اكل من لا جاره
حسيت راح اذب شكو بمعدتي تركت الاكل بس سائد گلي ضمي وراج كلشي يصير عندج شي تاكلي
ضميته وظل بالسره يفتح ايدينه ويشربنه ماي
ويوكل البقية

ظلينه سبوع على كعدتنه هاي بدون تعذيب بعد الاسبوع ندفر الباب وصرخت ليلو

وليد _رجعتلكم يابه اكيد مشتاقيلي

مناسك _جر ليلو و صليل رغم مربطين رجليه مد رجليه وطكا و طيحة

صليل _اتررررك الطفله وخلي شغلك ويانه خنيث

مناسك _هيه طاحت هم توجعت وظلت تبجي وجاهد سوده عليه تخبل على بنته تقربلها زحف يسكت بيها ويلاعبها رغم الصياح الي يمنه
جاب عصا و طاح الصليل دگ دگ صريخ و ضرب
احنه انتهينه هناك من گد البجي بعد ماكو دموع ظلينه نبجي صريخ مياسين تحاول تتقرب منه تريد تحمي بس ما يفيد الضرب يلوح الاثنين ما ترك صليل الا وهو مدمه تدمه

جواد _ خلاااص كافي

وليد _اريد اعلمه مره لخ شلون يمد رجله

صليل _افتح ايديا وعلمني والله لأدفنك هناااا
كو.... ساق.... سرسري

مناسك _مابقت مسبه ما گالها بالقلم العريض
راد بس يفتح ايدي وليد ما سواها تفل صليل عليه وگله جبان

وليد _ هاا رحمة شلونج

رحمة _حقيررررر

_بما انو حقير تعااي وصل السره الج صارلج جم يوم مرتاحة لو حبيب الگلب يشيل عنج

مناسك _ ليلو صعدت فوگ صدر ابوها ودارها عكس امها من ضربو رحمة وصخرت غمض عيونه و شد على ايدي

سگطها من الضرب وهو يحاول يضغط على جاهد علمود يدافعلها بس جاهد ما ساعدها
من خلص بالعصا على راسها ضربها هيه طاحت بعد

سائد _ صاحبي بعده يحبها بعد گلبه يمها بس عزة النفس فوگ كلشييي ما دافعلها بس خلصت روحة الحد ما طاحت رحمة ووخر منها وليد

مناسك _ لزم العصا وتقربلي
سائد رأساََ گله انييي انييي عوووفها

وليد _بكيفي انييي مو انت تقررر

سائد _ السلاسل الي على ايدينه عبالك من نار حرگتني حرگ وهيه ما راضيه تنفتح

جواد _يابه الباشا اجه يريدك

مناسك _ضربني برجله على ظهري و گلي راجعلج

سائد _ فتحوووووو ايديا و الله لا اسكطك عدنانننننن الكو.... اذا الزمك اشكك شك مستقووووي على نسوان بيك خيررر طلعهن واخذننننني انييي

مناسك _ظل يصرخ من كل گلبه بس ضربوني
بس ماكو اي استجابه واحنه كلنه مربطين

صليل _ احنه و الراحة خطان لا يلتقيان
بعدني ما جررريت نفس بعدني ما ارتاحيت من بعد سنه فراگ اجاني عدنان وسلمنه روحنه بكل سهوله

مناسك _نفتح الباب جان جواد من يوگف جواد جان يمد نص جسمه على حافه الحايط

جواد _ فعلاََ سلمتونه نفسكم بكل سهوله
زلم الدوله لان متجرده من كل محبيها ما توگع بس انتووو وگعتو وعلى وجهكم بسبب حبكم

سائد _اشرلي بأصابيعه تلاثه معناها احنه ما زلنه بخطرر

جواد _ جنه نتوقع نلزم جاهد وسائد
انت و جاهد هذا جان المتوقع و الرجحنا بس انتو اجيتو كلكم ههههههه بدون تعب

سائد_ خفنه اتعبون اجينه كلنه عليمن تفكرون وتخططون

جواد _انت بكل الحالات جاي
لأن انت ما تترك صحبانك بأيدينه فـ انت الاسهل جم مره عمي صياح گلك انسه الحبببب
انسه شي اسمه احببب شوف الحب وين وصلك

سائد _ لأن اني انسان مو مثل عمك صياح خنزيررر

جواد _ خطية اليوم ما موجود حتى يتلذذ بيك

مناسك _سد الباب وسائد ظل يباوع للولد بشنو شادين ايديهم بس الكل بسلاسل و قفاله وحتى الرجلين
گامت رحمة الخشم يخر دم
و من گامت گحت ومن گحت طلع دم

سائد _ اسلم روحي واطلعون انتوو

جاهد _اذا تسويها اشك حلكك كلنه نموت ونخلص بعد شنوووو

مناسك _ لا تسوي هيج ولا تفكر هيج ربك فوگ الراس ويشوف كلشي

سائد _ تعبت ما اعرررف شنو اسووووي

مناسك _ لو نموت هنا لو نطلع قابل الهن ثالث اكيد لا

وكلشي ديصير امر من الله والحمد لله مو انت هيج گلت

سائد _ احنه الحد هسا بعز الخطرر

صليل _همستله يعني شفت اصابع جواد

سائد _ايي مأشر على تلاثه

جاهد _ حتى لو بالنار احنه مربطينه بسلاسل وباوع السلسله شگدها ما تگدر تحرر صبع

سائد _ اصبرولي بالله شوي يمعووووووودين

مناسك _شدسوي

صليل _ شتريد منهم

سائد _ ياااااابه اريدددد اروح للحمام

جواد _ شتريد شكووو تصيح

_اريد اروح للحمام

جواد _جريته وحطيت السلاح على رگبته گوووم
ادخل للحمام

مناسك _خذا طفر حتى وگع ورجع شاله
خطيه سائد جان متأمل يفتح ايدي او رجليه

سائد _احنه بمكان صحراوي اكو شبابيك مفتوحة ومبين كلشي گدامي ما بيها جام يمكن عماره بس هيكل ظاله
باوعت من درج احنه طابق ثالث او رابع
دخلني بالغرفه الي بصف غرفتنه وخله الباب مفتوح

جواد _يلاا

_شلون انزل بنطروني
كلي امل يفتح ايدي بس هيهات
هو نزعني وگعدني خلصت حاجتي رجع ربطلي البنطرون وجرني ماكو مهرب منا صعب اذا احنه هيج مربطينه گتله انتو ليش راكضين علينه مو ظلو بس بمعتقلنه تلاثه
واني سمعت اكو الف معتقل مثل حالتنه ليشش بس احنه هيج دسوون بينه

جواد _قصدك زهير و سلام وكامل

_اييي

_مساكين انت جنيت عليهم ماتو وراحو سيسو

سائد _ تكتلون
بينه وتردون ولائنه الكم

جواد _انت الجنيت عليهم بطلعتك

سائد _ ذبحتوووهم مووو

جواد _لا احنه ما نذبح احنه ناس طيبه

سائد _رجع طبطب عليه تلث مرات و گعدني
باوعلي وسد الباب وطلع بس لووو اعرف شتريد جان ارتاح گلبي
لا راضي يساعدني وجاي يأشرلي شنووو معناها

رحمة _ ماما ليلوو تعاي

جاهد _ هههههههههههههههههههه ماما ليلو
بيج بخت مربط جان گمت كصيتو للسانج هذااا

رحمة _ فدوه خليني اشوفها

مناسك _من ظلت تحجي رحمة حرف يطلع وحرف لااا وخشمها ظل يصب دم

سائد _ عمووو ليلو اللؤلؤ مالتنه
باوعتلي تعاي اجتلي تركض قربتها الرحمة راحتلها

مناسك _ليلو مدت ايدها على رحمة وگتلها واوه
باست ايدها وبجت

جاهد _ اني ما راح اتخبل من طكهم وتعذيبهم راح اتخبل منج انتِ جذابه ام الف وجهه

رحمة _ ماكووو ام ما تحب اطفالها بس
بس... بس

مناسك _ظلت الكلمات تنعاد ظلت ما تركز شنو تحجي

رجمة _بسس اني ادري هيه يمك زينه

جاهد _ربطيلج جملة واحجي وياي

سائد _بدون حجي خلي البنيه تشوف بتها وخلاص يا خووي

جاهد _ خلي تشوفها باجر تذكرها امي عافتني وراحت جوه الزلم تدور فلوس

رحمة _ والهذا السبب اني ما خذيتها ما خذيتها....
ما اخذتها

سائد _اشرت الجاهد براسي يسكت عنها

رحمة _اني ما كرهتك بس ما ما حبيت.... ك
اني بعد الصار بيه كرهت كر ه ت شي اسمه حب

جاهد _والدليل جان عينج على صحباني

رحمة _ لا ان... ي مو عيني عليهم بس خفت انت اطلعني من حياتك وما ما تسفرني وياك وياك

سائد _اسكتتتت يا خووي اسكت لحد يحجي بتج يمج خلاص اهدوو خزرت جاهد

مناسك _باوعتله خايفه عليها اشرلي على راسها
تقربت منه شنوو

_هاي صار عدها نزيف داخلي اذا ما خاب ظني

_شلون عرفت

_مجاي يوكف خشمها
و ظلت ما تعرف تحجي وتغمض بعيونها
هاي اعرض النزيف جانو يدرسونه بالكلية العسكرية عن هاي الشغلات بس ما متأكد

_خلي نصحيلهم

_قابل يسوولها شي مستحيل همه يردون يخلصون علينه خليها تشبع من بتها

مناسك _ ظليت اباوعلها شلون تتقرب تبوس بتها وليلو تگلا واو
تقصد الدم العليها اجت تبوسها گحت وطلع دم
صار على ايد ليلو راحت الابوها تبجي

ليلو _وجخ (وصخ)

جاهد _مسحي بقميصي باباتي

_مسحت ايدها بقميص ابوها وگعدت بحضنه وهو يبوس براسها و يسولفلها شلون راح يسويلها العمليه وشلون راح تنجح وتعيش و تصير دكتوره وتعالجة من الضغط والسكر والولد ويا دخلو

سائد _ باجر اروحلها مريض و تگلي ادفعلي فلوس قبل لا اعالجك هااا ولج ام فليس اني الج

جاهد _هم حجيت عنها وهم لزگت التهمه ببنتي

مناسك _ نفتح الباب رجع عم السكوت
جان عدنان

عدنان _ جرولي صليل وجيبو

سائد _رأساََ صفرتله

مياسين _عووووفو

مناسك _جرو واخذو الولد ما حركو ساكن
وووين خذوو

سائد _ بالاول مغريات بعدها اذا ما تجاوب تعذيب قابل شراح يسووله

مياسين _ بهذا البرود تحجيها

سائد _گومي لطمي ودكي و شلعي راسج و صرخي وهم ما يتغير شي.
احنه لازم نظم طاقتنه للجاي لأن همه كل ما الهم يرفعون التعذيب

.........

عدنان_ شلونك يابه شخبارك مشتاقلك

صليل _تشتاقلك العافيه حجي انت شلونك الحجية شلونها ان شاء الله زينين

_بخير اذا انت صرت عاقل

صليل _ اكثر من هيج اصير عاقل شحلاتني گاعد عبالك طالب صف اول

عدنان _ امك مشتاقتلك هواي

صليل _ انت ومرتك تمضر.....
جرني من راسي وليد ورفع وجهي اله

وليد _احترممم روحك من تحجي

صليل _تفلت بوجهه رگع راسي بالطاوله

عدنام _اهدأ وليد بعدنه احنه ناس طيبه وما نحب نأذي ولدنه

صليل _ الخبال واصل عندك درجة مو طبيعية

عدنان _ شرايك ببيت هنا باليعجبك نشتري الك
و سياره وترجع ويانه بشرررط تترك الشرذمه الي وياك

صليل _ ونسوان هم ونعيش حياتنه هااا
تقربت منه باوع عدنان لووو تحط الكون كله بأيدي مقابل اترك الي بالغرفه ماااا اتركهم
هاي اساليبك قديمة اطلعلنه بالاصلي ابدي بالتعذيب عروض ومغريات بعد ما تفيد

عدنان _ تره مياسين ما تفيدك هسا طكه طكتين تبيعك

صليل _......

عدنان _ والله لو هسا اگلها ذبحي صليل تذبحك بدون تردد

صليل _.....
جنت اسكت لأن هاي اختبار يردون يشوفون رد فعلنه شنوو نسوي من يحجون على اقرب الاشخاص النه حتى يوصلون المبتغاهم عن طريقهم

عدنان _ زين بيت وسياره و مياسين وارجع ويانه الدوله بأمس الحاجة الكم

صليل _الدوله نبنت على جتافنه شگد ٢٣ سنه صارلكم لو يتروالي انتو بأمس الحاجة النه
عمي لا اريد بيتك ولا سيارتك ولا احددد كااافي ما شبعتووو من عدنه جددو مو ما خليتو عقل براسنه من التعذيب ملووو غيروووو

عدنان _ اريدكم تبلعووو سنونه

صليل _اذا انييي ابنك وسويت بيه هيج خوووواتي شسووويتلهننن

_بالعكس عاشن احسن منك زوجتهن للرئاسة

_الرئاسة جانت تطلع ع تلفزيون بنسوانهم بس ما تغيرن معناها بعتتتت خواتي الاجل مصالحك مووو لعنة الله عليكككك عدنان

عدنان _سمعتوو شنو گلتلكم ابدووو

سائد _ سمعنه صريخ صليل
ومياسين تقربت للباب تصرخ تريدهم يرجعو الها

مناسك _فدوه كافي
ظلت تدفر بالباب بكل ما استطاعت
تريدهم يجيبو الها بس هيهات ناس بدون گلب ناس مجرده من كلشي
ساعه اكثر ورجعو صليل منتهي منتهييييي
وجرو جاهد
باوعت السائد هنوب انت مووو

سائد _ بتسمتلها ليش خايفه احنه هاي الشغلات متعودين عليها همه ما يردون يذبحونه لو يردون جان خلصو علينه اول ما لزمونه بس همه هسا محتاجينه بس تعذيب ندخل لا تخافين

مناسك _ يصبرني وهو تعذيبهم عباره عن زهق للروح
لو يكتلوهم اهووون والله

مياسين _ قربت راسي اله وبست فدوووه گوووم افتح عيونك وجهه كله مدمم حتى من حاجبه طالع دم بست خده صليل گووووم فدوه لا تخليني وحديييي

سائد _جاي تسمعين دگات گلبه

_اييي

_الحمد لله

مناسك _ رجعو جاهد اخس من صليل وقفل الباب
جريت نفس سائد تقرب الجاهد حط راسه على گلبه تنفس براحه
وظل يمه
ليلو من شافت ابوها گعدت يمه تبجي صاحلها سائد تجي يمي ظل يلاعبها و يبوس بيها تضحكله وترجع تباوع الابوها سنه وكم شهر ما تفقه شي بس تعرف هذا واوه على گولتها
جاعت اشرلها على طاسه مالته شالتها بس طاحت كلها ما تعرف تاكل وصخت نفسها اكلت الي گدرت تاكله و راحت يم ابوها نامت

ساعات ورحمة مال راسها الجهتنه صاحلها سائد ما ردت تقرب منها باوعلي

_شنووو

_ ماكو شي

دخل وليد وشغل الكهرب داس على جاهد وتعده
الولد گعدو بس ما يحجون مورم كل جسمهم ما بيهم لا حجي ولا بعد طك

سائد _دوري وجهج مناسك

مناسك _ ما يحتاج خليني اتعود

سائد _دوري وجهج الخاطررري

_درت وجهي تفل على سائد وشاله گعده على الكرسي بالبدايه يوون وبعدين يصرخ

خله جواد ينتل بيه واجالي جراني من حجابي ولزم شعررري و دارني اله

منزعي و يهتززز بكل قوه بي على الكرسي
حسيت بحروره بين افخاذي باوعت فضت بالدم

من شاف الدم رأساََ ترك راسي
وجواد وخر من سائد

جواد _انتِ حااااامل؟؟

مناسك _اني اسمع صوته بس فصلت اريد اوصل السائد بس ما بيه الوجع موتني بظهري و بطني مغص موووتني

وليد _هاااي دتنزف

مياسين _ وخرووو عنها وخروو مناسك حاجيني

مناسك _ احس تطبطب على خدي بس ما اسمع اي واحد منهم

مياسين _نغمى عليها ركض المدعو جواد
دقايق واجه عدنان

عدنان _شيلوووها

مياسين _خذوها وطلعو

الحوالي كلهم طايحين صليل الشبهه ميت رحمة الي ما تحركت جاهد الي مورم من فوگ ليجوه
ما عرفت المن اروح لو ابجي عليمن گعدت يم صليل شنوو احجي احس حلگي تخيط بس دموعي تواسيني بذيج اللحضة

صليل _لا تخافين ما بيه شي
بس دغدغوني زياده وتعبت من ضحك

_ظليت ابجي واضحك گوووم فدوه گومو سوولنه حل راح يموتونه
گام بصعوبه وخله راسه على جتفي وهو يون
الولد شلونهم

_ما ادررري

_تقربلهم يحجي وياهم جاهد رد بس سائد لا
مناسك وووين وهذا الدم شنو

_اتوقع مناسك سقطت
عينه صارت على صاحبة

........
مناسك _ فتحت عيوني واني اسمع هوستهم
اصوات هواااي منوميني على الارض
حاولت اگوم ما گدرت

اجتي مره جبيره بالعمر يعني بالخمسه وستين سنه وگفت على راسي باوعتلها زين جانت لابسه تنوره قصيره لونها قهوائي و قميص وستره حجاب ماكو وحاطه ايديها وحده باللخ
گلتلي وقف النزيف لا تخافين

مناسك _وطفلي

_سقطتي

مناسك _غمضت عيوني وهو الاجه بين عيوني
رجعوووني يم زوجي ع الاقل خلوووني اموت يمه

_لا تخافين اليوم يرجعوج

_صارلي شگد هنا

_اليوم ثاني يوم

مناسك _ ستغربت ما حسيت بأي شي ولا اذكر اي شي
منو انتِ؟؟

_مو مهم منووو اني بسس اذا تردين اطلعين منا عقلييي زوجج وخلي يجي ويانه وكلكم اطلعووون بأمان

_ما جاوبتها ما تدري يهون عليه موته ولا يمها يظل ع الاقل يم ربي بيد رحيمة على البشررريه موو بأيد تلطخت بدم شعب كاااامل
غمضت عيوني وما جاوبتها رغم سألتني هواي
بس ولا جاوبتها

الحد ما اجوي وخذوني لبسوني علاگه براسي وبرگبتي سلسل ومن گمت صرخت من الوجع وجع بظهري متصل بمثانتي من صرخت دفرني على ظهري وطحت على وجهي
اسمع المدعو جواد يگله موو هيج راح تموت

_خلييي تولي

_احنه نريدهم وبهاي الطريقة ما راح نگدر نرجعهم النه على كيفك
صعدوني للسياره دكت بيه السياره قرابه الساعتين اقل شوي
نزلوني و شالو العلاگه عني طبعاََ العلاگه مو مسدوده بس ملبسينياها حتى ما ختنگت
جانت عماره بنص صحراء ما اعرف شنو هذا المكان بس جانت عباره عن جبال من رمل رمل احمر اصفر ما اعرف شلون اوصفه
بس عبالك مكان اثار شلون الاهرام هيج شي
من صعدوني الدرج اول طابق وسمعت صوت سائد يصررررخ

جواد _ما سكت

وليد _صررررع راسي دصعدهاا لا اروح اذبحه والله سطررر راسي سطررر

مناسك _ فتح باب الغرفه الريحة تموووووووت
قطعت النفس من شميت الريحة
شافني وهمه رابط بمكان رحمة
رحمة الجانت مغطيها ببطانيه وجاهد يمها مدنگ عليها

سائد _ شلووووونج انتِ زينه احجيلي بااااوعيلي لااا تباوعين الغيري شلونج وليدي وليدددي شلووونه

مناسك _ باوعت المياسين ورجعت باوعتله زينه اني زينه لا تخاف

سائد _وهذا الدم وابنييي

وليد _ يااا ابن بهذا الزلگ ولك انت ما توووب بسبب هاي السا.... انت هنااااا انتووو الجنتو بمعتقل الصحراء همزين طمينه البقو منكم
عاررر انتو ع دوله يولو
ابشرررك زهير وكامل و سلام خليتهم يسبحون بالمي
مثل البطوط ربك وكيلك
شايف الكاكات الجوه بالسراديب ولو ما اتوقع شايفين شغلتهن و خليتهم يسيسوون
وابنك هم سيس هههههههههههه
وهاا نسيت واول ضحية منكم هم سيست
ربك يرحمهاجانت خوش رحمة
جانت خووش تنزع هههههههههههههههه
يلاا رحمة ونترحم عليهاااا

مناسك باوعت المياسين
اشرتلي براسها ايي
تقربت منها گلتلي
رحمة ماتت

يتبع........
الهذا السبب جنت اگول لا تحجون عن رحمة ربي يرحمه برحمة الواسعه بنات اسمها صبا بنت عفاف دعولها بالرحمة رغم الي صار خلو اخير بارتات دعاء ورحمة الصبا