معتقل الصحراء الفصل الثامن وخمسون 58 - بقلم أم مختار

صباح الحب اعتذر ع تأخير
البارت ٤٦٠٠ كلمة
قراءة ممتعة ولا تنسون التصويت والتعليق

#معتقل_الصحراء ٤٩
#بقلم_ام_مختار
#دنيا_غانم

مناسك _ظلت صافنه بوجهنه من ذكرنه اسم رحمة البنيه طويله واحلى من رحمة بس الشبهه مو طبيعي بينها وبين رحمة يعني مستحيل واحد شايف رحمة وما ينصدم من شبهه
بس من حجت كل الشبهه اختلف رحمة صوتها عالي هاي صوتها ناصي وهادئة كلششش
گالت لا اني مو رحمة منو حضرتكم

مياسين _العفو شبهناج بصديقة النه اني المترجمة ام الياس الدزوني الج وهاي صديقتي ام عمر هم مترجمة وياي

بتول _اهلاََ وسهلاََ تفضلو

مياسين _بس دخلت ودخل وياي المحقق
وظل يحجي وياي التفتت ناحيتها وگتلها يگول شنو اسمج

_اسمي بتول

مناسك _ اني گمت اريد اكلها امشييي نطلع
بس نفتح باب الحمام بنيه خرسه متحجي تأشرلها وهيه تحرك بأيديها اعتذرت وگامت الاختها شوي ورجعت مبتسمه سألتها شبيها البنيه

_متعرف تستعمل حمامهم علمتها

_اي عادي خطيه شصيرلج وشبيها

_اختي، خرسه متحجي

مناسك _ عيني راحت المياسين

مياسين _بده يسأل واني اسألها
يگول جايين وحدكم

_ايي بس اني واختي

_يگول شنو سبب جيتكم للنرويج

_اني معنفه من قبل اهلي اني واختي واخذتها ونهزمت بيها

مناسك _ لطمت على فخذي راح انجلط

مياسين _اشرتلها هدئي
انطتني اسمها الثلاثي نفسه هو اسم عائلة رحمة
الحد ما خلص اسئلته احنه خلصت روحنه
طلع المحقق واني ومياسين ظلينه يمها اختهن الثالثه تخبل سلمت علينه بالاشاير طبعاََ بتول گلتلنه
و حضنتنه واسلوبها يخبل

مياسين_ تردين شي محتاجة شي

_اني عندي فلوس بس احتاج شخص يساعدني اختي عدها صرع و لازم مثل هاي الادوية تاخذ
لأن اذا اجتلها النوبه كلش تتأذه وساعتها لازم مستشفى

مياسين _ارتاحو اليوم وباجر اني اجي واخذج اشتريلج الي تردي

بتول _ياريت والله وشكرََا الكم

مناسك_ مكدرت اسكت وكتلها تعرفين بنيه اسمها رحمة
صفنت بوجهيي وهزت براسها وگالت لا

مياسين _ولا مر عليج هذا الاسم

_لا

مياسين _ نعتذر احنه مشبيهن يلا مناسك تصبحين على خير

_وانتو من اهل الخير

مناسك _طلعنه هيه سدت الباب بسرعة

مياسين _هاااي اختها مستحيل تقبل غلط

مناسك _اي اختها بس هيه ما حابه تحجي ولا قبلت تذكر اختها احنه شلنه دخل

_خطية بعدها ما ناسيه عملتها وشفتي ليش مهزومة

_بس رحمة گالت ابوي جان كلش زين ويانه

_ما ندري يجوز بعد السوته رحمة قسه عليهن

_يجوز كلشي ببها هاي الدنيا
اخذنه الباص ورجعنه البيت صليل قررنه نحجي للولد بدون ميعرف جاهد
ترخصنه منهم جانت زينب نايمه وسائد
گعد يمها يتلمس خدها باباتي زينب زنوبه يلا گومي راح نروح

_نعسانه بابا

_ميخالف باباتي انام ابيتنه

صليل _عوفها يم ناز

_لاباجر مدرسة لازم تجي ويانه

مناسك _گعدها بكل حب وهدوء وحضنها ويمشي بيها
عمر من يمه گال اييي احنه ولد البط الاسود

_هاي اميرتي و انت صاحب العرش
ماكو كل فرق بس غير هيه نايمه مبيها حتى تمشي

مناسك _ ظل يتحاور ويا و يضحك
اجرنه تكسي لأن ماكو بعد باصات
وطلعنه للبيت حط زينب بغرفتها و طلب من عمر ما يسهر هواي حدك ساعه بالزايد

_حاضر بابا

سائد _ دخلت لكيتها تنزع ملابسها قبل جانت تستحي من كلشي هسا لااا صار كلشي عادي

مناسك _اكو موضوع كلشش مهم ضروري احجي وياك

_اذا مستعجله لا تلبسين ملابس تعاي هيج

_هههههههه موو ولدك صارو بطولك بطل
وكف گدامي لزمني من خصري و قربني اله
وگال

_من تصيرين انتِ بطولي ابطل

_هههههههههههههههه

سائد _فدوه الهاي الضحكة

_فدوه الك حبيبي هسا بس ابدل اجي روح لفراشك.

_لا تبدلين تعاي هيج

_لا عيب يلا صير حباب
بدلت ع سريع ورحت يمه

سائد _شكو

_اليوم من طلعنه اني و مناسك نترجم

سائد _جان حزبي مووو صخام بوجهك يا صليل

_ههههههه هسا صليل شدخله

_لعد شكوو احجي

_جانت اخت رحمة

_يا رحمة؟؟؟

_رحمة ام ليلو

_گمت على حيلي هاي شلون بالله
وضحيلي

_حجيتله السالفة الحجتها رحمة بالسجن المياسين
سالفة بتول وزواجها واختها الخرسه

سائد _استغفر الله شگول الله يرحمها برحمة الواسعه

مناسك _ بتول هواي تشبه رحمة بس الاختلاف الطول والبشره و الصوت والا الباقي كله رحمة

_جاهد اذا عرف يتخبل

_الهذا السبب اجيت اكلك

_لا تحجون وحاولو تحولوها على غير مترجم
مالنه خلك وجع راس

_سهله بس خطيه هيه واختها وحدهن جايات

_ليش؟

_تگول اهلي معنفينه

_الله يستر عليهن مناسك ميخالف حتى لو وي اختها سدولي هذا الموضوع جاهد اذا عرف راح يتأذه وخاصه الشبه الجاي تحجين عنه
وصاحبي بروحة متعوب مو مال نجيبله وجع بعد

مناسك _ بس صاحبك عايش وحده

_ايي واذا

_ لو نخلي يشوفها يجوز يتزوجها

_ومنو كلج هيه ما متزوجة مناسك مصخمة شبيج
شيتزوج لا تخبليني

_وين ادري هيج اني شفت خطية جاهد لازم يستقر البنات كبرن وباجر هم يزوجن يعيش وحده قابل؟؟

_خلي يعيش وحده افضل ولا نجيبله رحمة ثانيه
لا تخليني احجي البنيه ماتت وحرام علينه

_بالعكس هاي تبين كلش هادئة وعكس رحمة وحجيتلك رحمة شنو سوت بيها

_هم رحمة من اجت للمعتقل هادئة وصوتها ما ينسمع شبيج انتِ النسوان ما ينحزرن موو انتِ جبتج من ١٠٠ دولة و طفرتي مني سنه

_ها ها حولت عليه شوووو

_ لوعتي كلبي بهاي السنه وما انساها الججج

_تعال اشبعك بوس وتنسه

_ماكو شي اقوه من البوس

_لا ماكو صير خوش وليد

_وهل يصح الثبات امام حضرتك

_قيس ابن الملوح بطل سوالفك توك تعيرني

_هههههههه تعاي

_وين اجي

_نامي على صديري

_ههههههه تقربت الحضنه باسني من شحمة اذني و همس يا طيف مُر و مر ومرمره الگلبي

_هههههههه
گعدت الصبح متأخره لگيت الجهال طالعين للمدارس و هو گاعد ياكل لفه اليوم راحت عليه نومه

_مو شكال ريگت الجهال وطلعو واني هم رايح للكمب

_شنو تريگو

_سويتلهم بيض سلگ وزينب كسرته و عمر سوه جاي

_ههههههه عاشت ايديكم وانت شدتاكل

_لفة جبن اذا تنطيني حلاوه ياريت اكسر الملوحة شوي

_فتحت باب الثلاجة ماكو حبيبي حلاوه

_ليشش تجذبين مناسسسك ليش تجذبين

_شبيك لويش اجذب شصاير ليش معصب
تقرب باسني من شفايفي مووو هاي حلاوه

_بطل بطل حلاوه هسا بس تعصب تنزل جدنه السابع عشرر

_ هههههههه غير شوي هيج وشوي هيج

_راضين عمي راضين اكل لفته سويتله كوب جاي وطلع
اتصلت عليه مياسين گلتلي راح اروح البتول علمود اختها تجين وياي

_سائد يگول هذا الموضوع لا تفتحو ولا ترحون ولا تجون

_صليل گال بالعكس خلي نجمعها وي جاهد هلبت الله يستقر

_گلت السائد هيج مقبل

مياسين _احجي ويا ورجعيلي خبر اذا مقبل اني رايحة وحدي

_تمام
سديت الخط منها واتصلت بي وگتله اروح
تحسر وگلي

_ مناسك حاولي تجمعينه ببتول

_شلون اجمعك

_هذا ساقط صليل يگول خلي يشوفها جاهد ونشوف شنو يصير

_ يمته تريد تشوفوها

_اليوم روحو وگعدو وياها وسولفو وخليها ترتاح الكم وباجر عزميها بفد مكان واحنه نجيكم بحجة اطلع الولد ونجيكم

_تمام
بلدت وطلعت وي مياسين للفندق
لگيناها مغيره غرفتها وصلونه الها من شافتنه ضاجت

مياسين _اجينه علمود دوا اختج

_ ساعدني ولد سوري يحجي انكليزي شكراََ الكم

مناسك _ هلو شلونج يا حلوه حجيت واشرت الاختها من شافتنه اجتي وحضنتنه وسلمت

مياسين _بتول تكدرين تجين ويانه ننزل جوه نسولف نتعرف احنه هم مثلج ما عدنه احد هنا تره
حسينها ضايجة وما حابه تحجي ويانه بس احنه لحينه قبلت البنيه
احنه نحجي وياها ونسولف وصوتنه جايب التايهه و هيه من تحجي احنه الي بصفها بالگوه نسمعها
مناسك رغم صوتها ناصي بس مو مثلها

مياسين _ ليش ختاريتي النرويج

_والله اني كلشي ما اعرف اكو عائلة عراقية رايحين الالمانيا و گالو عنصرين و طلعو للنرويج واني طلعت وياهم

_شلون گدرتي تنهزمين

_سويتلي جواز و سويت الاختي ونهزمت الاربيل ومن اربيل طلعت بر

_ والدج الجان يعنفكم
اذا الاسأله تزعجج لا تسولفين

_لا عادي ما بقه شي يأذيني ويزعجني
لا والدي وين اكو منه الله يرحمة مات من زمان
والدتي خلتنه خدامات للجناين و الطاب والطالع يضرب ويهين بينه

_ليش

_بسبب غلطه احد افراد اسرتي ارتكبها

_هاا الله يسامحة

بتول _ههههه الله يسامحة

مناسك _تحسرت خطيه
سألتها مزوجة انتِ

_لا ما مزوجة يعني مطلقه

مياسين _واختج شنو اسمها

_وجدان لا هم ما مزوجة محد يقبل يزوجها على هاي الحاله وحتى لو اجوي يخطبون امي متنطينه

_لويش

_تريدنه نظل خدم

_الله يسامحها

_اي الله يسامحها

مناسك _ من تحجي عن امها مقهوره مبينه
هسا لا تضوجين ولا تنقهرين باجر اريد نعزمج تجين ويانه نتونس و نعرفج على نروج ونعلمج شكم شغله ونروح كهوه كلشش حلوه

بتول _لا وين اجي ووياي وجدان حبيبتي عذريني والله ما اكدر

مياسين _عوفي وجدان علينه والله تتونسين ونسه مو طبيعيه اطلعين من الضوجة الانتِ بيها

_والله مالي خلگ اطلع

مناسك _ والله راح تتونسين لو خايفه من عدنه

_لا مو هيج بس ما احب اطلع اني

_هههههههه لا لا نطلع شوي
وطبعاََ هيه ما رضت بس احنه مثل الصمغ لزكنه على البنيه ما تركناها الحد ما قبلت
احسها كرهتنه كره مصاير كتلها باجر العصر موعدنه هزت براسها احنه تركناها ورجعنه

مياسين _ شفتي صوتها مو مثلي اجوعر

_هههههه اني هم جنت هيج احجي بس اليصير عنده جهال لا اردياََ حباله الصوتيه تتنشط

_ههههه اي و الله خاصه صليل وولده

_ الله يخليهم الج ولج ذولي فلم تفرجي وتونسي

_ امس يكلهم انطوني فلوس على گعدتكم ويانه
يكلوله ماليش
يكلهم ايجار ناز و الياس ظلو يهزون ايديهم
ودخلو غرفهم مشرشحنه وي هل جهال

_شيسوي بالايجار

_يضحك عليهم وهمه فاهمين سوالفه

_هههههههههههه
رجعت للبيت سويت غدا و من رجعو وحجيت السائد اتصل بجاهد وصليل وكلهم باجر العصر عازمكم بالكوفي الي نروحله دائماََ بالسنتر مدام البنات يردن يطلعن

جاهد _ بس الولد نطلع

_لااا جيب البنات وياك اني راح اجيب عمر وزينب

_صليل واني هم اجيبهم

جاهد _تمام

ساذد _لبسو ارقى ما عدكم باجر السنتر يعج بالشگرات

جاهد _لا شگرات ولا حمرات قفلنه احنه

صليل _ اي اشوفك باجر ان شاء الله

جاهد _ههههههههه

مناسك _سد الخط منهم وحط عمر على يمينه وزينب على يساره ويسولفلهم وساعة يبوس ايدها وساعة يبوس راسه
وهمه فرحانين بهذا الحب كلش احسهم صارو مايعين من وره دلاله الزايد

عمر _بابا هم حبيت قبل ماما لو بس ماما

سائد _ما اذكر والله

مناسك _باوعتله صفح وكتله علينه سيدي القائد وميار شسميها
رأساََ خزرني

_اوو حصره نحجي شي يخزر ويحجي ويزعل
ما رد على كلامي ظل يسولف وياهم الحد ما دخلنه غرفتنه لزمني حيل من جتفي

_انييي جم مره كلت المااااضي ما ينذكررر مدام الجهاللل

_ايي انسه مرات اترك ايدي دتعورني

_ بطلي سوالفج هااااي ما اريد يعرررفون شي

_تمام تمام
خلص من عصبيته باس زندي مو قصدي

_حفظتهن يوميا تعصب و تگول اسف موو قصدي

_ اذا انتِ ما تتحمليني منو يتحملني

_ متحملتك بعد شسوي الفاس ووكع بالراسس

سائد _ غلطان هذا الفاس لازم يوكع على هل شفايف

مناسك _ واستمر سائد ياكل بعقلي حلاوه واذا عصب نهج من البيت اني والجهال يظل يسب ويشتم الاولين والاخرين هناك وصاح تعالو يمي ويظل يحضن ويبوس ويتغزل

ثاني يوم العصر اني و مياسين رحنه البتول وخذيناها رحنه افترينه وطلعنه للمقهى اتصلت بسائد كتله احنه بالمقهى

سائد _ يلا يابه تونسو الجهال خلي نروح نشربلنه شي

جاهد _ يلا باباتي

ليا _ تشربونه كفشتينو

جاهد _اشربج كفشتينو بس مو اليوم السبت مسموح

_ قابلين يا سيد جاهد

جاهد _الحمد لله من قابلين يلا كدامي

مناسك _عيني صارت على مصعد المقهى هيه طابق الرابع من شفتهم بالمصعد عيني صارت على بتول وعلى جاهد
اجوي يشولفون ويضحكون واني من بعيد صحتلهم

سائد _هااي شنو شسوون هنا

اجيت وي البنات نتونس احجي وعيوني على جاهد الحاير بليا
گامت بتول سلمت عليهم ووجدان هماتين

جاهد _ تعاااي بابا ليا تعاي سلمو على خالاتكم
السلام عليك...... م

بتول _وعليكم السلام

جاهد _شنو اسم حضرتج

بتول _ليش؟؟

جاهد _اعتذر من حضرتج بس شبهتج بأنسانه جنت اعرفها

بتول _اسمي بتول

_ اتشرفنه يلا بابا احنه نروح نحجزلنه طاوله

مناسك _ الوجه نعقج وضاج جاهد وراح وهو كل شوي يلتفت الها
ترخص سائد وصليل

مياسين _ هذا المدبدب زوجي
وهذا الطويل ابو عظلات هذا زوج ام عمر
وهذاك الثالث اللابس قميص اسود
هذا زوج صديقتنه توفت الله يرحمها وهذني بناته الجبيره ليلو من زوجة الي توفت والثانيه من نرويجية
زوجة هم جانت صديقتنه اسمها رحمة
رأساََ دارت الهم

بتول _يعني هاي البنيه الجبيره بنت رحمة اقصد يعني بنت هذا الرجال

_اي بنت رحمة وجاهد هذا اسمه جاهد
وزوجة رحمة وانطيتها الاسم الثلاثي الرحمة

بتول _ اني ادري الشنو دتلمحين
اني صحيح جان عندي اخت اسمها رحمة بس ما اعرف اذا هاي الي تقصدوها لو لا وصراحة ما اريد اعرف اذا هيه او لا
لأن اخير شي يهمني بهاي الدنيا هاي الانسانه

مناسك _گمت وگتلها لأن خذت زوجج منج
خطيه خجلت ودنگت
باوعتلي و العيون مغورگه بالدموع
صدگي لااا مو لأن خذته انب اخير همي الزلم
بس هيه تركتني بيددد امي
امي الما رحمتني لا اني ولا هاي المريضه وهسا
اني اترخص اخذت وجدان و نزلت ما اعرف وين اروح ولا اندل المكان الجنت بي نزلن وراي البنات
تعاي نوصلج

بتول _ بس ما تفتحون وياي هذا الموضوع اذا تفتحو وياي ما اروح وياكم

_ما نفتحة وياج وعد تعاي
رحنه وياها للفندق وصلنها ورجعنه للبيت
اجه سائد ضايج كتلكمممم نبعدها محد سمع الكلام هذا اليسمع كلام صليل طول الكعده ضايج ومعصب اني كتلكم شوفتها غلططط محد صدكني

مناسك _احنه اريده يطلع من هاااي الوحده ويزوج صاحبك لزك لو رحمة لو هاي النرويجية لووو يصوم طول العمرر هاي شلون

_هو يحب رحمة بس مو معناها يزوج اختها او انسانه تشبهها هووو يخجل يعترف بحبها النه واحنه اقرب الناس هنوب جايبيله وحده نسخة منها

مناسك _.....

سائد _ يابه عوفو البنيه بحالها هو كلش ضايج وحتى سبهه وكارهه كره مصاير
من راد يروح گال ابعد البنات عن هاي الانسانه

_ليشش

_ما گال ليش بس هيج گال

مناسك _نبعد شعدنه تدللون وصدگ بعدنه لا رحنالها ولا شفناها شهرين بحالهن
صارت حفلة بالحسينيه وكلنه رحنه
هناك شفناها هيه ووجدان وهاي اول مره نشوفها
سلمنه عليها وگعدنه بعيد ساعتين. خابر سائد نرجع لأن الجهال ظلو بالبيت بطلعتنه هيه طلعت
وجدان اجتي علينه سلمت مشافتنه بالحسينيه خطيه و حضنتنه تخبل هاي البنيه

بتول _ تگول مشتاقتلكم

و_احنه هم مشتاقيلج يا عيني
حاجتها بالحركات

جاهد _يابه احترررركت روحة اليجي بعد المواليدكم مدري حفلاتكم ايديه طاحت من تصفك

مناسك _هههههههه منو كلك تصفك جان صفرت

صليل _اجيت اسويها بس عيب من سيد علي

مياسين _زين هم طلعت تستحي من واحد

سائد _ همستلها هاي مو بتول

مناسك _اييي

سائد _ شجابها هنا

_ما ادري هاي اول مره نشوفها هنا احنه
وكفنه كلنه بالموقف الموقف ياخذنه للسنتر هنوب من سنتر موقف للبيت

جاهد _عيني عليها سبحان الشبهه بينهن
هاي مو البنيه نفسها الشفناكم وياها بالمقهى

مياسين _اييي
حاط ايدي بجيوبه وراح سلم المسافه قريبه ونسمع الحجي

جاهد _ من الاخير تعرفين بنيه اسمها رحمة.

بتول _ لا، وما اريد اعرف شخص بهذا الاسم و ياريت هذا الموضوع ما ينفتح وياي مره لخ
اتوقع اتفقنه ام عمر موو

مناسك _ عذرينه جاهد ما يعرف انتِ اخت رحمة

جاهد _ وما اريد اعرررف وليش معصبه نرفزج اسمهااا مثلاََ

_فوگ ما تصور

مناسك _هو صوته جهوري و يحجي بشده وهيه كلشي ما نسمع منها حتى ما تسوي واهس للحجي

جاهد _ليشش مرعوبه منها حتى اسمها راعبج

بتول _ شتقصددد

جاهد _ تعرفين شقصددد بسببج نهززززمت رحمة وطاحت بيد واحد نكسسس شيوعييي
وين زوجها الخذيتي منها ما اشووووفه وياج شنووو مثل ما بدلها بيج بدلج بغيرر وحده مووو

مناسك _ صدمة اني ومياسين وحده تباوع بوجهه الخ شنوو نحجي شنو نگول نگله الجاي تحجي غلططط

سائد _يمعود شبيك

جاهد _ فوگ شينه كوات عينه فوگ ما هيه البهذلتها هسا متريد اسمها ينذكررر

بتول _ جريت ايد وجدان وصعدت الباص

مناسك _ طول الطريق هو يجدح هناك ويصيح دنعل ابوها لابو الجابها وهيه ويانه بالباص
سائد تهستر علينه عبالك اني الجايبتها ولا جن امس حجيتله القصة واكف وي صاحبة

صليل _يمعود مووو هيج كاافي

جاهد _شوووفتها يهززز سكوووني
اريد اروح انعل والديها فوگ ما بهذلتها هسااا جايه متريد اسمها ينذكر

سائد _ اهدددي الناس تباوعلنه

مناسك _يحجي ويصفك بأيدي و سكوت هاي السنين كلها راح يفجره بوجهه هاي الانسانه

مياسين _بس الديحجي غلط

مناسك _سكتي هسا لا تصير مصيبه بالباص

مياسين _ وكف الباص ونزلنه من نزلت ظل يسب ويغلط بصوت عالي حتى الحكومة السابقه جابها
تخبل بس جابت طارري رحمة
هيه البنيه ما ردت ولا حجت ويا اخذت اختها ووكفت بعيد عن الموقف

مياسين _ابو ليلو

جاهد _ها خويه

_تره الدتحجي مو صحيح

صليل _شنو المو صحيح انتِ الثانية

مياسين _ رحمة هيه الي خذت زوج بتول
مو بتول الي خذت زوج رحمة
باوعلي بكرهه وگلي

_وانتِ شعرفج

_رحمة بالسجن حجتلنه من جنه بالينابيع

حتى اسأل مناسك

مياسين _ايي صحيح
خطيه تركنه وراح مشي
بس حجينه ويا

سائد _وصل البنات و تعال البيت جاهد اووكف يا معود

صليل _ رحمة گلتله اني صار بيه هذا لأن اختي باكت زوجي وامي دمرتني ونهزمت وطحت بيد صدام الشيوعي

مياسين _لا رحمة بنفسها حجتلنه وگالت اني خذيته الزوج اختي هيه واختها جانن يحبنه بس هو خطب اختها وهيه مخرب بيناتهم وطلكها
ورحمة نهزمت ويا

صليل _ الله يرحمها شگووول بعد

مياسين _الله يرحمها

مياسين _رجعت للبيت سائد ما بين خابرته ما جاوبني دزلي مسج اليوم ما اجي
نامو الجهال واني ظليت سهرانه بغرفتي گمت صليت صلاة الفجر و قريت شوي قرأن ونمت
وقت المنهبه بس ساعة وحده عندي نمتها وگعدت للجهال طلعتهم للدوام ورجعت داريد انام اتصل سائد

_ها حبيبي صباح الخير

_صباح النور طلعو عمر وزينب طلعو

_ايي

_لبسي وتعاي البيت جاهد

_هسا دقايق كمت ع سريع خفت من گلي تعاي البيت جاهد اتصلت مياسين گلتلي يردوني ابيت جاهد
كتلها اني هماتين
بدلت ع سريع وطلعت
وصلت هناك لكيت مياسه قبلي واصله

جاهد _ اريدجن تحجلي كلشي

مناسك _احجي ام الياس

مياسين _بديت احجي من يوم الوزعو ثواب الى اخير حدث اعرفه

جاهد _هذا كلشي

_ايي كلشي

_بتول وين ساكنه

مناسك _ما اعرف

_شلون اكدر اوصللها

_ما نعرف اخير مره شفناها يوم بالمقهى وامس

جاهد _ تكدرين تتصلين بزوجة سيد علي و تسأليها اكيد احد الاصدقاء عازمها ويعرفون

_تدلل

جاهد _هسا

سائد _ياا هسه غير هسا الناس نايمه

مناسك _بس تصير بالعشره اتصل عليهم تدلل

جاهد _ هسا گومو يلا روحو لبيوتكم بعد شنو ظلتكم يمي دوختوني من امس

صليل _امس طول الليل اركصلك بخصري المشكوك و هسا تطردني طلعت نذل مثل سائده

سائد _خصرج المشكوك هههههههههههه

صليل _همه يكولون مشكوك مدري ممشوك مدري شنو

مياسين _الممشوق يابو التشاريب

صليل _اي و هذا الخصر احنه هذا الخصر ما نشوفه بس بالتلفزيون يااا مرت ابو التشاريب

مياسين _باوعتله صفح

سائد _ انت تريد تنطرد من الببت اسكت عن مياسين وخلينه بجاهد شنو ناوي تسوي جاهد

_قابل شسوي اريد احجي وياها

صليل _ يريد يعيد امجاد السجن خطيه صارله سنين محروم

سائد _استحييي على وجهج صوله يمنه النسوااان لا تفسد اخلاقهن

صليل _ ولجن بعدجن الهسا ما متفسقه اخلاقجن واني موجود

سائد _ههههههههه

مناسك _ما كدرت اهديك مع الاسف

صليل_ انتِ من هربتي طحتي من عيني اكلج صدك ما ناويات تعيدنها

مياسين _لا بعد مالك مفر من مياسه على كلبك طول العمر

صليل _ هيه فرصه وراحت علينه

مناسك _ ههههههههههه كلش راحت عليكم
ما قبل سائد نروح وبس صارت بالعشره جاهد گلي اتصلي
اتصلت بزوجة السيد علي وگلتلي ما اعرفها خلي اسأل البنات واردلج خبر كتلها كلش مستعجله ياريت هسا تسألين
خطيه المره ما قصرت ساعه وخابرتني گلتلي بيتهم يم بيت ام سعود
اتصلت بام سعود گلتلي يا بتول هاي ورده اكيد اعرف رقمها هسا ادزه الج

مناسك _ دزتلي الرقم وانطيته الجاهد

جاهد _ ما قصرتي

_لا ولو تدلل
حضرنه الغدا مالتهم ورجعنه للبيت ع سريع سويت غدا للجهال
وسائد كاعد بالصاله و يهز برجله شكووو

_بالي يم جاهد گال راح اخابرها البتول

_ايي وليش بالك يمه

_اخاف يصير شي وبعدين كلنه نتندم

_لا گول يا الله

_ونعم بالله
......

جاهد_ ظليت اباوع للرقم اتصل لا ما اتصل
ما جان قالقني بالموضوع كله بس الشبه فتحت باب الكنتور وطلعت صورتها ذبج الله بطريقي بس انتِ ما ردتيني
وهسا افترت الدنيا و جابت اختج اليي
حتى اكشف اخرر شي جنتي مسويه روحج بي مظلومة دمرتيني ورحتي ليشششش

....
بتول _ عالم جديد بيت بارد
ماكو اطفال تصارخ ولا نسوان اخوتي يعيطن
و لا امي التصيحلي بتول البايره
و لا اخوتي اليصيحون بتول الفاهيه
ماكو بس اني ووجدان ومسكينه هاي الوجدان حتى صوت ماكوو
صافنه بالشمعه الفاتحتها وفززني صوت التليفون باوعت رقم غريب بس نرويجي فتحت الخط و َسكتت

جاهد _السلام عليكم

بتول _وعليكم السلام منو حضرتك

_اني جاهد ابو ليلو

_وشنو رايد؟؟

_ عندج وقت احجي وياج لو متكدرين

_ما اتوقع بيني وبينك حجي

جاهد _اني اعتذر ع صار و حاب اشوفج واحجي وياج

بتول _ اعتذارك مقبول بس اني ما اكدر اطلع

_ليش

_بصفتك شنو اطلع وياك و ليش اطلع وياك خلاص اعتذرت واني قبلت الاعتذار واذا عندك شي حاب تكوله كوله ع تليفون

_اني ما جنت ادري السالفة بالعكس امس البنات كللي

بتول _ مدام عرفت الله وياك

جاهد _ الله وياج
سديت الخط منها وحذفت الرقم
وتندمت اصلاََ خابرت

سائد _ليش تندمت بالعكس غلطت بحقها ورحت تعتذر

_ مو مال اعتذار هذني

سائد _سويت العليك انت

جاهد _ اصبلكم جاااي وياي

صليل _ ما تجيبلنه بطل منكر و نسرسح بي

سائدد_ مو جهالك بالغرفه شوي احترم حالك

صليل _سائده انطيني بوسه يا بعد طولي

سائد _ انطيك الاربعه واربعين تريد

_هههههههههههه صبيلنه جاي جاهده صبيلنه واذا اكو كيك منا سالفة منا هم حطهن ينسني سوالف المطلقات ملاتج

جاهد _هههههه

ليا _عمو صليل ما تحن علينه و تحاجي جاهده وبلكت تقبل نروح وياكم باجر عطله واريد نتونس وي ناز وزينب

صليل _ولج كوا.... خلي البنيات يرحن وياي

جاهد _ووووين يرحن هااا ولج بت النرويجية شكيتي

ليا _لا والله شلي دخل اصلاََ عمو صليل هو جلب بيه كتله بابا خطيه ما نخلي وحده كال غصباََ ما عليجن ترحن وياي

سائد _ وانا اشهددد
شمرتلي بوسه من بعيد ضحكت حتى بالبوس تشبهك سبحان الخلقك

صليل _تربات اخلاقي هاي

سائ. _الله يعينك يا جاهد

جاهد _محد تروح شنوو كل سبوع ترحن باجر عطله ووقت جمعتنه نروح كلنه ونرجع كلنه

سائد _ لا خطية خلي يرحن يم بيت صليل واني ادز زينب يمهن وباجر اني اخذهن ابيتي

جاهد _اضوج وحدي

ليلو _بابا حباب خلي نروح البيت عمو صليل
عطله واريد نتونس وي البنات

جاهد _وتعوفني وحدي اهون عليجن

ليا _ايي اقصد يعني نريد نتونس

جاهد _ اكلك ليش ما تاخذها تربيها انت

الياس _لا عمي احنه اريد ليلو نربيها اني اربيها عدنه صليل ما ناقصنه صليل ثاني

صليل _لا يا ابن الكو..... ما تريدد صليل ثانيي

جاهد _ ابنك موو راحة حاط عينه على بتي ولك

صليل _الك الشرف جاهده

جاهد _ بس اني اطلب مهر ثگيل

الياس _ خلي اتخرج وتدلل ليلو

_لااا السالفة تخوف ولك صليل ابنك مخطط هم

صليل _بويه وين شهر العسل تريده

الياس _وين ما تريده هيه

جاهد _كوووم اخذ ابنك واطلع من بيتي

سائد _همه يتمازحون وماخذين الموضوع للضحك بس الياس من جان يحجي رغم صغر سنه بس بهمه يحجي عووف الولد يختار الي يريدها

جاهد _ هم اشوفهن متزوجات ومرتاحات
هاي امنية حياتي

سائد _ليش لاا مو برمشة عين صارو بطولنه هسا الرمشه الثاني...

صليل _احنه نموت نعله على روحة اليرمش بعد

سائد _ههههههههههههههه شلون بيك انت تظل زعطوط

صليل _الاخر يوم بعمري

ليا _هسا شنوو نروح لو لا عموو صليل

صليل _وغصباََ ما على شوارب ابوج

جاهد _روحن يا نذلات مووو سند انتن

ليلو _يوم واحد بس والله

جاهد _روحو باباتي روحو

صليل _ بدلو يلاا خلي نروح

زينب _بابا اروح وياهم عادي؟

_اي بابا روحيي

الياس _ خلي عمر يجي يمنه

سائد _انت وعمر تعالو بيتنه خلي البنات هناك ياخذن راحتهن وانتو يمي تاخذون راحتكم
باوعتله ضاج رفعت حاجبي هااا شگلت

_نروح وياك نروووح
سائد _من ردنه نطلع صليل طكها طك بوجهه جاهد
انت معول على بنات باجر يزوجن ويعوفنك
اربط ديل وي بتول اذا بيك خير

ديل (ربط)

جاهد _شجاي تحجي انت روح روح

سائد _صوله شقصدددج من هذا الحجي

صليل _قصدي اعيد امجاد صديقنه مووو
راح يجيم اذا ظل بدون زواج
خلي يگعد وي روحة ويفكر بلكت الله تفرج ويزوج

سائد _ ما اتوقع يسويها جاهد

صليل _ احنه نحط الفكره براسه ونترك الباقي عليه

سائد _ والله ياريت خطيه هسا ظل ابحده لو يمه مره تونسه

صليل _ هو جان يگدر يزوج بس طلع من رحمة طاح بكارينه من سيء الى اسوأ

_هذا حظة بعد

مناسك _ باجر العزيمه معناها سائد يترس البيت مسواك يريد يوكل اصدقائة بيوم واحد كل الاكلات العراقية
قرر باجر نسوي بامية
و قرر نسوي دولمة ولكم عمير الياس تعالوووو

عمر _ها يوم

_اخذ هذا السلگ غسله زين وحطليا بماي حار وجيبه
وانت ولك اگعد سويلي هاي الباميه

سائد _ عوفو الشغل وروحو تونسو روحووو

عمر _اظل تحجي ام عمر شيسكتها

_اخذ ابن عمك وروح اني اساعدها

مناسك _اذا ما اساعدني اسوي اضراب

_ اساعدج اساعدج لا تخافين

مناسك _ غسلي السلك وجابه الي بجدر فارغ
لعد وين الماي الحار

سائد نسيته وتعبت

_امداني اي والله سائد جان خليت الوليدات يعاونوني

_يابه لا اضوجين هسا بس ارتاح احطله ماي حار

_شكرََا اني رايحة اخلي مي حار
سويت الشغل وحدي البامية جمدتها و اللحم حضرته و الدولمة لفيتها وجمدتها
و يريد باجر سلطه ام رمان ويريد اسويله جاي و ترمز گهوه وجاب حلويات اشكال والوان
وشتراله نرگيله بالبلكونه هو والولد يدخنون

الصبح گعدت دخلت للمطبخ نصدمت تركت المطبخ يلمع لكيته مكلوب كلاب هاي شنوو

سائد _امس الولد جاعو بالليل وطبخو

_شطبخو بس لا جدر دولمة

_هههههه لا سولهم بيض

_بيض ومطلعين كل مواعين المطبخ صخام بوجهج يا مناسك ظليت اعيط بيهم وهمه نايمين تالي نقهرت عليهم و سكتت نظفت المطبخ وركبت الغدا من وكت حتى بعدين ما احير بطلبات سائد والطبخ
اجوي يمنه شنو سوالف شنو ضحك صليل بعد وحطلك بطن واضحك
وره الغدا اتصلو بجاهد يردو مترجم خطيه طلع بسرعة
ساعتين تلاثه رجع يمنه
وهو يحجي عن هاي العائة عنده ٦ اولاد و خطيه مبيوكة فلوسه بهنكاريه ووضعه برثى له
وهو شلون فقير يكسرون الخاطر

سائد _ وشسووله

_حطو بالفندق و الحمد لله الامور تمام

_الحمد لله

مياسين _اني هم قبل يومين عائلة من البصره خطيه شصاير بيهم متبهذلين ومضيعين الطريق وصلو جنايز بالكوه يتحركون

جاهد _هذولي خطيه من بغداد

مناسك _من وين من بغداد

_كالو من الكماليه

مناسك _ گلبي دك مليار دكة بالثانيه ما اكدر احجي سائد يكلب الدنيا اذا عرف
كعدت وسكتت انتظرت جاهد يرجع البيته واني اروح واحجي ويا بلكت يعرفون اهلي ياررب

مياسين _اهددي راح تموتين

_لو يلطعون يعرفون اهلي اطيرر من الفرح

_يارررب

جاهد _يلا ياااابه ع البيت

مناسك _خليهم اليوم يمنه وباجر يجونك

جاهد _لا والله طكت روحي امس ابحدي مسويات حس بالبيت

ليلو _ يلا ليا خطيه بابا

ليا _اي اي هياتني جاية

جاهد _هياتها اليشوفج يكول عايشه بنص بغداد

مناسك _غيرر لهجتك لويش حاط نكرك بنكرها

_بس جهالنه ملبكين العراقيين المولودين هنا رب مال فهاوه

سائد _ههههههه هاي تربات صليل لا تخاااف

صليل _امشي بويه امشي اسم الله منكرصين من اسم صليل

سائد _ليلو دتلبس الكوت مالتها الياس كلها لبسي مالته الطربوش يطلع احلى عليج وهم الجو بارد

جاهد _ اي بويه دفو روحكم

سائد باوعتله وابتسمت هو هم ابتسملي
هو اصغرر منها بس سوالفه تخبل يغار او يخاف عليها وهيه هادئة تمتثل الكل الاوامر
ذكرتني بمناسك قبل من جانت هادئة
ههههههه هسا صارت نسر
........

جاهد بس دخلت للبيت دك التليفون رقم غريب الوو

بتول _فدووه خويه ساعدنيي اختي طاحت وما اعرررف شنو يكلولي

جاهد _اهدي اهدددي انتِ بتول موو

_ايي فدوه حاجيهم ما اعرف احد غيرك بس حاجيهم هاي فتحت سبيكر

جاهد _حجيت وياهم يردون يعرفون شنو نوبات الصرع عدها
وصارلها شگد بالنوبه سألتها ورجعت جاوبتهم وتشكرت مني

_ بأي مستوصف انتو
انطتني عنوان المستوصف
بابا اني طالع ساعة وارجع قفلو الباب وكعدو تمام

ليلو _ سدي الباب ليا حاضر بابا

جاهد _ دخلت للمستوصف جانت كاعده وشابكه ابديها ببعض

السلاك عليكم
_وعليكم السلام رحم الله والديك تعبتك وياي

_لا ولو شنو سويت قابل اني

_ تسلم ما قصرت

_خطيه شنو نوباتها

هيه عدها نوبات صرع توتريه من تتوتر حيل تتأذه ودتلعب بالتليفون وخسرت و توترت وعصبت وراسأََ طاحت

_الحمد لله هسا عدت سلامات

_اي هسا شوي وراح يرخصونه

_الحمد لله انتظركم تخلصون و اوديكمم للبيت

_لا هذا هو خويه ما يحتاج والله ما قصرت

_لا ما يصير انتو نسوان ابحدكم اوصلكم وارجع البيتي

بتول _ ليلو شلونها

_الحمد لله زينه

بتول _اذا اكلك جيبها النه تقبل

جاهد _ تدللين اجيبها الكم

بتول _بس لا تكلها اني خالتها بس جيبها

_اجيبها سهله اكلها صديقه النه وحابين يتعرفون عليج

_اي ياريت نشوفها

بتول _ خذانه وطلعنه للبيت وصلنه تشكرت منه

جاهد _اكدر احجي وياج شوي

بتول _تفضل

_ ممكن اعرف ليش انتو هنا ابحدكم

بتول _هيه السالفة طويله بس مختصرها نهزمنه من جبروت امي علينه

_احجيلي شنو صار وياكم

بتول _ بالاول گلي شلون توفت رحمة

_بالطريق واحنه جايين تهريب ماتت بهنكاريه من التعذيب

بتول _الله يرحمها ووين دفنتوها

_ السلطات الهنگاريه هيه الدفنتها ما اعرف وين
اني تركوني بس هيه ما قبلو ينطونياها همه من يمهم دفنوها

_وشلون جانت علاقتك بيها حلوه

_اي هواي حلوه

_خليها لعد اظل حلوه ما يحتاج افتح جروح قديمه تأذيني وتخرب الذكريات الحلوه عليك

_لا احجيي ما اضوج احجيلي اريد اعرف

_ مدام تريد تعرف تدلل اني من طلكني صدام ورجعت ماما هواي اذتني بحجة اني ما حافظت على بيتي وما عرفت اصرف و طفله كدرت تهجم بيتج

_بالطفله يقصدون رحمة

بتول _عيني على باب الشقه وارجع اباوعله
ايي يقصدون رحمة

_ما حجيتيلي شلون اطلكتي

_انت تعرف بعد مو حجولك ميحتاج نذكر هسا كلشي

_كمليلي

_اي اثر الاذيه والطك هجيت وي الناس خذيت اختي وهجيت

_ ليش كل شوي تباوعين هنا وهناك شكوو

بتول _ اني هواي ممنونه منك بس بعد ما اكدر اظل واكفه ما اعرف اوكف وي ناس غرب استصعبها

_روحي الله وياج تصبحين على خير

بتول عفته ودخلت
.......

مناسك ثاني يوم من صبح كلت السائد اتصلو بيه علمود الترجمة راح اروح
اخذت الباص وطلعت البيت جاهد هو خطيه من شافني خاف صايرر شي؟؟

_لا فدوه بس اجيتك بطلب ولا تردني

_امريني خويه الروح ترخصلج

_سالمة روحك انت امس مترجم الناس من الكماليه فدوه وديني الهم اريدد ولو خبر واحد عن اهلي

جاهد _غالي والطلب رخيص هسا بس ابدل ونطلع

مناسك _انتظرته بالباب هو بدل وطلعنه
فدوه جاهد ما اريد سائد يعرف اذا عرف يكلب الدنيا

_تدللين

مناسك _ وصلنه للفندق ورحنالهم دكينه الباب بعدهم نايمين كلش خجلت
بس المراه رحبت بينه بعد عراقيين اهل الضيافه
رحبت بيه كتلها اني جاية بموضوع مهم
اني من الكماليه هم واهلي هناك واني صار سنين ما متواصله وي اهلي وما اعرفلهم رقم
اجيتكم على امل تعرفوهم
الرجال گلي منو اهلج بيت منو

_بيت ابو حنين
ابويه اسمه حميد عنده ٧ بنات
انطيته العنوان مالت اهلي
المره كالت يااااا انتِ بت هاله

مناسك_ اييي فدوه العينج امييي اسمها هاله صحيح

يتبع......