معتقل الصحراء الفصل التاسع وخمسون 59 - بقلم أم مختار

مساء الحب واعتذر ع تأخير لكن هسا خلصت من البارت.
البارت ١٦ الف كلمة
وشكرََا الكم القصة وصلت مليون مشاهدة واليوم مع اخر حلقة من قصتنه
قراءة ممتعة

#معتقل_الصحراء ٥٠ والاخيرررر
#بقلم_ام_مختار
#دنيا_غانم

المراه _يااا خاله شلونج شلون صحتج بس انتِ منو اني شايفه هناء وسهاد وهدير ولارا انتِ منو منهن

_اني مناسك

_ياااااا مناسك شلون مناسك يمه اسم الله الرحمن مناسك مو ماتت وشبعت موت

مناسك _ هسا خاله عوفيني من قصتي اكو طريقة اوصل بيها الاهلي

الوجال _اني اخوتي بالكماليه بس خلي نستقر واتصل عليهم فيس بوك و يودون التليفون الاهلج

مناسك _عدهم فيس بوك؟

_اي

مناسك _ انطيني حساب اي واحد و منهم وهسا اتصل ادري انتو تعبانين وانا هم بتكم وتعبانه صار سنين لا شايفه امي ولا خواتي ولا اعرف شي عنهم ابوس ايديكم ورجليكم تساعدوني والله احس كلبي راح يوكف

_لا بويه تدللين كتبي يمج حساب اخوي حسوني العراقي بالعربي

مناسك _طلعت التليفون ارجف اريد بس الزمه ماكو

جاهد _خلي تليفونج اني من يمي نسويله بحث سائد لوو عرف يكلب الدنيا

_اي اي صحيح كلامك اي فدوه ابحث

جاهد _بحثت وانطيته للزلمة يدور حساب اخو
لگه صورته گال هذاا

مناسك _فدوه هسا راسله جاهد

جاهد _تدللين بس يلا خلي نروح مدام عرفنالهم حساب

مناسك _تشكرت منهم و المراه خطيه مصدومة شلون اني بعدني عايشه
حضنتها وتشكرت منها وطلعت
فدوه جاهد هنا راسله هنا خابره حتى اذا يريد فلوس ادزله بس خلي يوصلني بأمي

_ايي تدللين هسا ارسله

مناسك _رجليه ما شالني ولا عرفت امشي ولا اكدرر اتحرك كعدت على درجات الفندق بعدد ما بيه والله
جاهد _تعاي نكعد على صفحة ونراسله

مناسك _ظلينه بالنص ساعة ننتطر رده وما رد علينه

جاهد _خلي نرجع للبيت واذا رد اني اكله يوصلني بأهلج واجيلج للبيت

مناسك _ تعال يمنه اليوم فدوه ما بيه اصبر
عليك الله

_تدللين اجيب البنات واجيلكم هسا خليني اوصلج

مناسك _ وصلني للبيت وراح وخذه روحي ويا
هسا يرد بعد شوي يرد ما سويت اي شي كاعدة وانتظر خبر من جاهد
الجهال جانو ماكو اتصلت بيهم گالو بابا خابرنه وگال روحو البيت عمو صليل وبالليل اجي عليكم
اني هم كلت بعد احسن

اجه سائد مغضب وضايج وما حجة ولا كلمة ذب ملابسه سبح و گعد على القنفه حاط رجل على رجل اييي وين رحتي اليوم

_ما رحت مكان

سائد _ هاا تمام بما انو انتِ ما رحتي اليوم خلي نسأل ظلج ونگله اليوم بالفندق انت وجاهد شسوووووووون

مناسك _فزيت من صرخته
ها اي اي هسا اذكرت رحنه اليوم العائلة نترجملها

سائد _ ويستوجب ثنينكم

مناسك _ لا هيج صدفة

سائد _اني الحد هسااا ساكت مناسك
اذا اكوم تعرفين شسووووي
احجيلي الصار احسن ما هسا اتخبل عليج واجيب ابوج وامج والعشيره كلها اجيبها واحرررركها

مناسك _ رحت للعائلة الي اجوي من بغداد الكماليه

سائد _انييي ادرررري رحتي للعائلة ليشش رحتي

_علمود اهلي اريد اسمع شي عن اهلي اريد اعرف اخبارهم انت حارمني من كلشييي ليش حلال حرام

سائد _منو همه اهلج الكو.... الي ما سألو عنج
منووو همه اهلج جاووووبيني الباعوج الواحد مخلص
منو هممممه

مناسك _ سائد وعصب جاب امي وابويه و عشيرتي بالاخير گال اليوم ما اظلين بالبيت رايح انييي طالع اذا ارجع والكاااج بالبيت احركج

_يعني انت حلال من شفت امك و حضنتها و موتت روحك عليها بس اني اهلي حراام

سائد _لا تلوصين بالحجي لا اجي الوصه الحلكج

_اييي هذا انت هذاا سائد الحقيقي
هذاك الي يغازل ويسوي هذاااك انت تبتكره

سائد _ دنعل ابوج لابو سائد ع سررررريع لمي ملابسج وتكسحي من البيت

مناسك _ ما اريد حتى الملابس لفيت ربطتي و هميت اريد اططلع

_وووووين موليه

_وانت بشنووو يهمك

_نجبي كعدي بغرفتج ماكووو اطلعين

_لا ما اكعدددد خوووش
اجاني طاير اني رأساََ حميت وجهي كلت نضربت

سائد _استغفر الله طبي للغرفه اختفييي من وجهيييي

_بكل هدوء دخلت للغرفه وقفلتها واني اعتب على جاهد لويش گله اني مو گتله ميحجي شوي وندگ الباب
جاهد جان ما كدرت اظل بالغرفه طلعت

سائد _ يعني تاخذ زوجتي من وراي وتوديها الهذو ل الناس ليش

جاهد _ بابا ليلو وليا روحو للغرفه
و خلوني احجي وي عمكم
،،، هاا شصاير وشبيك واذا راحتلهم البنيه تريد تعرف اخبار اهلها

_وشصخم بأخبارهم مثلاََ همه كفو جان كلت اي و الله مثلاََ همه ينشد بيهم الظهر جان كلت خوووش
بس موو ناس..... استغفر الله

حاهد _ سد حلكك واحجي عدل مرتك تسمع انت من تعصب اظل ما تشوف كدامك ولا تلزم هذا اللسان الزفرر

سائد _ هذولي الناس بعد ما اريدد توصلولهم

مناسك _جاهد تجاهل كلامه و كعد على القنفة يلعب بتليفون شوي وفتح سبكير تليفون سمعت الاتصال

جاهد _الو السلام عليكم اخ حسن

_وعليكم السلام

جاهد _ خويه اني من طرف اخوك انطاني رقمك و گلي انت تكدر توصلني بعائلة ابو حنين الرجال اسمه حميد يمكم بالكماليه تعرفه

_اي عمي اني كتلك قبل شوي هسا بس ارجع من الشغل اروحلهم

مناسك _خطيه رادني اسمع المكالمه

جاهد _اريدك بأقرب وقت تروحلهم وشنو تريد ادزلك حتى فلوس بس المهم توصلني بيهم

_لا عمي شنو فلوس مدام طمنتني على اخوي هاي تسوه الدنيا وما بيها
اني بس اخلص شغلي اروحلهم

مناسك _جاهد يحجي وسائد يخزر واني واكفه بباب الغرفة كلبي يطك طبول
يمتى يخلص شغل واسمع صوت امي يمتى

سائد _هساااا ارتاحيتو

مناسك _اييي ارتاحينه

سائد _انتِ سكتي

جاهد _ هسا احترمني اني الجايلك و متعني البيتك

_انت وافقت زوجتي على شي اني مقابل بي ومااا كتلي

جاهد _ درت على مناسك وانتِ شبيج حجيتي

_يااا والله ولا حجيت واني اكول ليش جاهد حجة

جاهد _انييي احجي شبيه تخبلت دفرت سائد انت شلون عرفت

سائد _اني دازيني اترجم قابل وووين اترجممم بالصين هوو بقه مكان غيرر الفندق الانتووو بي

مناسك _اني اريد اطمن على اهلي هذا الشي من حقي

سائد ادور حقوق ام ثنين وعشرين رجل

مناسك _ بس خلي اوصل لهلي الا ارجع للعراق وبعد ما تشوفني

سائد _ تسويهااا مو فلتي سنه

جاهد _ هسا ياله حسيت احنه كبرنه

سائد _ليش يعني شنو تقصد

_صارلك ساعة اداهر مره شجاك

سائد _ مو ما اريدها تزعل وتدخل وبعد ما تحاجيني اداهرها احسن ما تسكت

مناسك _هاا هسا صرت هادء و رجعت تفكر شلون اصالحهااا

سائد _ انتِ مضحكه شسويلج

مناسك _ اصبرليي بس اسمع صوت امي اذا ماا اهج واروحلها

سائد _اشوووف عود

َمناسك _اني جنت الهي روحي بمداهره الوقت صار عليه بالقطاره الساعة بمثابة سنه
والولد تأخر خابرت مياسين تجي يمي ما اكدر بعد صبري خلص خطية جابت الجهال واجتي

سائد _بابا عمر اخذ الشله التعبانه وطلعو تونسو فترو ما اربدكم ترجعون الحد ما اني اتصل عليك

_حاضر بابا يلااا يابه افررراج

مياسين _ اهدي هسا شوي ويتصل

مناسك _ راح اموت اريد اسمع صوت امي قبل ما اموت
واني احجي وياها صاحلي سائد طرت للصاله

جاهد _ديدگ باب اهلج

_عليك الله ياا رب يارررب
لبست حجابي وكتله خلي يفتح كاميرا

سائد _ وتريد كاميرا بت حميد

مناسك _ ما رديت عليه ولا فكرت بأحد بوقتها جاهد فاتح سبيكر

حسن _السلام عليكم خاله ام حنين

ام مناسك _ هلا يمه

_خاله اجالكم اتصال من الاهل يردون يحجون وياكم

ام مناسك _الاهل منو الاهل ما عندي احد اني

مناسك _ عرفت صوتها لووو الف سنه تبتعد عني ما انسه ترنيمة صوتها انييي يوم انيي مناسك هيه مسمعتني من صيحت بعلو حسيي الولد اظاهر مفاتح سبيكر

سائد اهدي

مناسك _مدتسمعني فدوة خوويه انطيها التليفون افتح الكاميرا الها يووم اني مناسك ولج يووم جاوبيني

حسن _ هاي بنتج على الخط تفضلي

مناسك _ لزمت التليفون بالمگلوب بست الشاشه يوووم فدوه لزمي عدل اني اني مناسك يووم

هاله _يا يمه يا مناسك يا حنين يا يمه يا ساره يا يمه

مناسك _عدللها التليفون من شافتني شهكت

مناسك _عرفتيني لو لااا

_يا يمه يا حنين يا يمه مناسك يمه صدك تحجون لو تضحكون عليه يمه مسك يوم انتِ وين شلون انتِ جاي تخابريني

سائد _نستنه كلنه ولازمه التليفون وتبوس بي و تبجي تقربت الها حضنتها السلام عليكم يوم

_وعليكم السلام يمه

سائد _اني زوج مناسك يوم هاي بنيتج وياج

هاله _يا دموع امج شلون عايشه بنيتي يمه كلولي
يمه مسك والله هاي انتِ كلبي ما يغلطط بس شلووون يوم

مناسك _ هسا عوفيني شلون عايشه خليني اشوووفج زين اوكفي بمكان بي ضوه يوم
اسمع يمها صوت بنات وصوت ولد يحجي خذه التليفون منها وهيه تكله اصبرلي يوم

_السلام عليكم منو حضرتكم

سائد _وعليكم السلام وياك ابو عمر زوج بنت هاي المره انت منو

_اني ابنها مهدي

مناسك _ يمه يا بعد حيلي صار عندي اخووو
ما جن اول مره اشوفه لاا عبالك اعرفه سنين عمري كلها
اتلمسهم من شاشه اني اختك اني مناسك اني وحده من خواتك بس انت مشايفني

هاله _ولك يوم خليني احجي وياها يوم مناسك فدوه الصوتج اجولنه وكلولنه صار حريق بالسجن بقسمهم وماتت بتكم و جابولنه جثتج ودفنتها يا يمه والله دفنتها وكل ما اكدر اروحلج يمه مسكي شلون هيج والله عقلي مديقبلها

سائد _استغفر الله ربي واتوب اليك

مناسك _ يوم هذا الشي مو صحيح اني موجوده وهياتني اذا متصدكين احجيلج وين جنتي تضمين اختي هدير و لارا حتى ياكلن البسكت وجدتي الجانت تعيرج لأن مجيبين الولد و اني وخواتي من نظل بالليل بالساحة وحدنه و تنورج الخبز الجان وره البيت

هاله _لا تحجين يا بعد امج اني عرفتج مسكي والله عرفتج بس شفتج عرفتج بس يوم عقلي راح يوووكف شلون عايشة شلون طلعتي من سجن وين رحتي حجيلي يا بعد امك

_يوووم اريد نحجي وياها

مناسك _سمعت صوت وحده من البنات فدوه يوم خليهن يجن يحجن وياي

هاله _تعالو يوم تعالو
هاي اختج هدير

مناسك _وكفت كدام الكاميرا بتسمت و گالت ما تغيرتي ماما مناسك

_ههههههههههههه يا بعد الماما انتِ هدير صحيح

_ايي اني هدير

لارا _وخرري شو وخرري شونج سوكة العبيطة

_هههههههههههه هسا صرت زينه انتِ لارا موو

_ايي اني محسوبتج لارا

مناسك _يحجن ويشاقن وكأنوا ماكو سنين فراگ ولا اكو افه بعدت بيناتنه يحجون وياي وكأنوا اتصال عادي بين اي بنيه وامها وخواتها

هاله _ يوم مسك شلون طلعتي احجيلي

سائد _بالعفو العام طلعت

_يا يا بعد امج صدقة للرحمن يوم العفو العام اني رحت للمكبره ابجي على كبر البنيه الجابوها النه يا يمه

مهدي _لويش ما اجيتي للبيت

سائد _باوعتلها لأن جنه مزوجين و ما نسيت اي نست عنوانكم وخذيتها وطلعتها من كل بغداد

مهدي _تزوجتو بالسجن؟؟

مناسك _صفن سائد شوي وگله اي تزوجنه بالسجن

مهدي _وهسا وين انتو لو تجيبها النه لو نجيلها

هاله _اي يوم مسك اريد اشوفج يا يمه اريد اكحل عيوني بشوفتج يوم

_يوم اني طلعت من كل العراق وهسا بالنرويج

_يا يمه طلعتي وي هاي الناس الطلعت سوده عليه

مناسك _بتسمت لا مو وياهم قبلهم بهواي طلعت
خذيت تليفون واباوعلها كبرانه الوجهه كله تجاعيد بس صايره حلوه بست شاشه وهيه تضحكلي وتبوسني هم

هاله _ يا يمه نسينه الولد خاف يريد تليفون فدوه روح كله خلي التليفون يمنه لو انت اتصل على اختك

مناسك _لا لا يوم اتفقو ويا يخلي التليفون يمكم
احجي يوم لا تستكين شلونج شخبارج
خواتي وين حنين سهاد ساره هناء

سائد _ذكرت الكل الا ابوها ولا جابته بالطاري

مناسك _من جبت طاري البنات امي بجت خوفتني شكوو يوم

هدير _ خذيت تليفون من امي وكعدت يمها
سهاد و هناء بخير سهاد زوجها طلع وي هاي الناس وصل للنمسا وهسا ينتظر الاقامه علمود يسويلها لم شمل
وهناء بخير وصحة وسلامه

مناسك _وحنين وساره

هدير _ حنين وساره أنطوج عمرهم

مناسك _ لطمت على وجهي يمته وشلووون امي شهگت

هدير _ من صارت الغارات الامريكية بالواحد وتسعين راحن وي ازواجهن الملجأ العامرية و نقصف المكان وانتِ تعرفين الباقي

مناسك _ بالواحد وتسعين اني بعدني ما مزوجة بس هذا كله احنه ما ندري بي لأن ابوي بعدنه عنهم
يعني ماتن بدون ما يشوفن امي ولا احنه نشوفهن

هاله _راحن وظلن غصه بصدري لا شفتهن ولا عرفت اخبارهن ولا شفت وليداتهن راحن هنه واولادهن وحتى ازواجهن

مياسين _ راحت عيون مناسك من البجي وسائد واكف وراها ويمسح علي ظهرها

مناسك _ وابوي وووين

هدير _ابوي مات

_ الله يرحمة

سائد _كالتها مو من طيب خاطر مناسك واعرفها

هاله _الله لا يرحمة كون ربي بجاهه هاي الليله
تشوي شوي بنارك ولا تراوي الجنة حتى بعيونه كوون ما يشوووفها

مناسك _ يوم لا تبجين يا بعد هاي العين وهاي
ظليت احجي وياها بالساعتين وخذيت التليفون دخلت للغرفه طول الحديث ورغم دموعي التنزل بس ابتسامتي ما فاركتني
ههدير احجيلي شلون وضعكم المادي شلون عايشين عدكم نت اخابركم منه

هدير _الحمد لله عايشين مهدي يدرس بالجامعة ومن يخلص دوامه يشتغل حمال بسوگ الكمالية
و اني يم امي اني وياها نخبز ولارا تشتري ملابس بفلوس الخبز هههههه

مناسك _ رغم الامر محزن بس هنه تعودن ويضحكن على الموضوع
وتليفونات ما عدجن ولا نت مو

_لا والله بس مهدي عنده ومكنك على جيران علمود دروسه مدري شنو

_ انطيني امي هدير

هاله _ها يا بعد امج هااا

_يوم اني راح ادزلج فلوس مصرف الج وفلوس تسوون النت اريد يوميا اخابرج يوميا احجي وياج ما اريدج تبعدين عني بعدد

_يا يمه شوفي رجلج بالاول ما يصير تقررين من كيفج واني ما ابعد عنج والله هنا انا عمري كله الكم

مناسك _يوم اريد اهج واجي يمج حتى زوجي ما اريد ههههههههههه

مياشين _ههههههه هسا انطينه مجال نحجي وي امنه هم السلام عليكم خاله

_وعليكم السلام يا فدوه شحلاتج جنج كمر

بعد كلبي خالاتي اني صديقة مناسك بس تكدرين تكولين اختها

مناسك _اي والله اخت دنيا

هدير _بلا زحمة. لا تاخذين مكانه

مياسين _ضحكت مناسك والدمعه بعينها تلالي
وظلت ساعات تسولف الحد ما امها خوت تعبت ياله سدت الخط ومن سدته كعدت تبجي على امها وعلى حال امها وعلى خواتها

مناسك _انطيت الفيس بوك مالتي المهدي دزلي طلب صداقة اباوعله مسوي حركات بنص الشارع وكاص صور فدوه الله حبيبي يحرسك الباري علقت على صورته الشخصية

سائد _هاااا هسا ارتاح گلبج

_كلششش هسا اني سعيده هسا من سمعت صوت امي ارتاحيت

_ايي نسيتيني

مناسك _انتو نص الگلب وهمه نص

سائد _يا بعد الگلب كله

جاهد _مساع تصيح وتعربد هسا يا بعد الكلب امشو امشو صار الليل كال وين اروح

سائد _احنه دنلزكها بالكوه دسكت
اتصل بالجهال خلي يرجعون هسا
سمعي مناسك
الحجيته الامج هو نفسه ما يتغير الاخر يوووم بعمرج الماضي كله ننسا وما اريد احد يعرف بي وانطي خبر الاهلج كدام عمر وزينب ما يحجون بهذا الموضوع لأن ما اريدددهم يدرون سمعتيني

_حاضرر

_عفيه الله يرضى عليج

مناسك _ اجوي تعبانين بس عشيتهم نامو و سائد يكلب بهاي الاخبار

شفت مهدي متصل على الفيس راسلته هاا ولك شعندك سهران

هدير _ههههه بكنه تليفون من مهدي اني هدير

_اتصل عليج لو ما تكدرين تحجين

هدير _لا اتصلي اتصلي امي نامت ومهدي هماتين

اتصلت عليها الوو

هدير _هلو

مناسك _ اني فرحانه وما اريد اسد الخط اريد العمر كله يظل مفتوح

_ تدرين اليوم امي اول مره تنام والله يوميا من تنام كل شوي تفز وتصيح يا حنين يا يمه يا ساره با يمه بس هسا نامت وما حست بعد بأي شي طكطكنه يمها و جبنه جدر الخبز وشغلنه الضوا ولا فزت

_عسا نوم العافيه
هدير اريد اعرف ابويه شلون مات

هدير _ اييي اني الاسولفلج شلون ماتت
من تزوجتي بسنه امي حبلت

هاله _اذا ولد اسمي مهدي لان اني طلبت من الامام المهدي

حميد _ اذا بنيه لا ترجعين للبيت افصمم ظهررج فصم والله من المستشفى هجي

هاله _.....

هدير _ وفوگ ابويه بيبي
امي طابه والطالعة بيبي تگلها

الولد اذا رباه ابوه مثل الاسد لو شيموه
وسوده عليه يا حميد جايتلك الثامنه

امي ما ظلت تسكت طكت روحها وابوي بالزايد زاد عليها ظلت تحجي تكلج هو هيج هيج كاتلني
احجي وابرد كلبي احسن من ما اسكت

ظلت بيبي تحجي
وامي تكلها

الكرهني لا جاد حظه وريت جلبن البين عظة

فطيم _ولج هاله تقصددددين منو

هاله _اقصدددج انتِ َشتردين تسوين سوي
اييي والله لو گالو
اطيت الغريبه شحم ادية ثاري الغريبة سموم حيه

وتكب بين بيبي وامي يصيرن لحم بس حجي
لان بيبي تخاف تدنالها امي تموتها غير
لأن امي مو القديمة ظلت تعارك
فـ فطيم مخلصتها بس حجي
ومن يجي ابوي تشكيله
يظل يرعد علينه ويسب ويشعل
امي تعوفه وتدخل للحمام تسبح َترتب روحها وتجي تنام يمنه بالغرفه وتگله خليك يم امك

مناسك _ بعديشش بعد ماا امي سلمتنه للدنيا تبهذل بينه

_اي بعد ما طلعتي انتِ امي تخبلت على ابوي هو يكتلها وهيه ترد ولا يهمها صارت
و اجوي خطابه عليه هم رجال جبير بالعمر
عاد امي كلتله خلي يجون نشوفه
من اجوي بالطابوك مالت الانقاض الوره البيت تولتهم وشهرتهم وخزتهم بالمنطقه بيومها ابوي شسوه بحالها كطعها خلاها تخرر دم ولا هتمت كامت وسوتلنه عشا كلها صبيلي ووراي تاكلون كلتله اصبلك سمممم بس هنا احنه وكفنه وما كتلها اكلنه وذبتله الطاوه كلتلها هساا اكل انت سنين عيشت بناتي الجوووع هسا انت وامك عيشوو العيشته النه

المهم ظلت امي هيج ند الابويه
الحد ما كلولها بيج ولد ورجعت امي للبيت وبيها ولد لعبت جوله بيبي وبابا
وظلت ما تسوي شي واحنه اذا شتغلنه تكلب الدنيا
وكلتله خلي امك تروح يم اخوتك اني كلتلي الدكتوره بس اشتغل يموت الولد وانت بكيفك
ابويه وده بيبي ال بيت عمي وصالحهم وطاح على اخوته
يومين وثالث اجت على كلبنه متعاركة وي عمي سيف و صايرتلك للظالين
امي كلتلها والله ولا اسويلج شي عود منا الحد ما اولد الله كريم
ابوي ظل يجيب المسواك وامي بيوم واحد توكلنيا وتخلي يتخبل وجان زوجج هم يجي ويجيب النه ملابس واكل وشرب كله ادخله النه ما تخلي ياخذ ولا شي من اجه خبر انتِ قاتله زوجج امي عليها ٧ اشهر طلكت وجابت مهدي من القهر
ابوي ما جان بالبيت اني و لارا خذينه امي للقابله ودزينه واحد من جهال المنطقه كتله روح الابويه وكله مرتك دتولد هنوب اذكرت امي من تكول ابوجن ولا يجي من جنت اولد ولا يهتم ولا يكلي مبروك
كلت هذا اذا تكله هاف هم ما يجي وما يهتم
كتله روح كله مرتك ولدت وجابت الولد وتعبان الحك

وحدنه وجنت خايفه وما اعرف شسوي بعدني شگدوتني

ابوي اتأخر امي ولدت وجابت مهدي وشفتي بعد مهدي هههههه يخبل وحنين حيل حنين

_ههههههه اي فدوة الكلبه صورته تخبل

هدير _ايي من رجعنه من القابله لكينه الناس ملتمه يم البيت والامن و عمامي خطيه امي خذوها بس شافونه كتلهم هسا ولدت ولا ردو عليه جروها الي بالمنطقه گالو يگولون اختج وامج هنه ثنينهن كاتلات المدعو حاتم

هدير _تخبلنه ظلينه نلطم بالشارع اني وهدير
شوي واجوي زلم العمي سيف كلوله الحگ اخوك دعمته سياره و نقلو للمستشفى ركضو عمامي وخلونه بنص الشارع نلطم لا ام لا ابو ومهدي يصرخ يمي و اني كلشي ما اعرف انطيته الجدتي
وطلعت اريد واحد يساعدنه واحد يسويلنه جاره

واحد من جيران راح للامن
والحد ثاني يوم ياله امي طلعوها
بعد ما كالو انتِ شلتي التهمه كلها
و حسب الامي تگوله كلولها انتِ كاتلته احنه ندري بس مدام بتج شالتها عنج ما نسجنج بس اذا فتحتي حلكج انتِ لووو اي واحد منكم ترجعين للسجن واعدام
امي خطية خافت و رجعت صفرره حتى سدرها نشف
هذا كله الوقت احنه ما نعرف شنو صاير وي ابويه
رجعت امي خطيه شسوت شعملت عليج اجه عمي سيف مدنگ الراس والعيون مليانه دموع
ثاري ابويه من رايح هذا الوليد وكايله راكض وما منتبه سياره جايه كل سرعتها
طاكة ابويه وكاتلته بمكانه
ومات ابويه وما شاف مهدي
و الكتله جانو من دوله عمك خالك جان عدهم اجتماع مدري رايحين النصب الشهيد و كتلو ابوي و جابو ابويه وكالو فداء للوطن عبالك راح شهيد
ومات ابوي ومحد كدر يطلع ورا عمامي خافو وامي اصلاََ هيه خايفه من كاعها بسبب الصارلج
وراح حق ابويه بكلمة ابوكم هو الغلطان
بس هو جان خوش انسان الله يرحمة

مناسك _ هواي جان خوش انسان هه الله يرحمة

هدير _ ما ترك ذكرة حلوه النه حتى نذكره بالعكس خله ايامنه سوووده بسواد گلبه

_الله يرحمة

هدير _هاي لارا تريد تحجي وياج

لارا _هلو

_هلا بهذا الصوت

لارا _اريد اكلج شي بس خجلانه منج

_هههههههه گولي لا تخجلين

_انتِ راح تشترين الامي تليفون مووو

_ايي

_اشتريلها واحد حديث هذا اللمس داريد اغور صديقاتي يجن يمنه وعدهن تليفونات ويحركن كلبي

مناسك _ بسس هاي؟؟
سهله اشتريلج ارقى تليفون مالج الج بس انتِ تغوريهن براحتج

لارا _عليج الله هيج واحرك كلبهن هاي امنيتي

مناسك _ فدوه حتى امنياتنه بسيطه
والله باجر اطلع واحول لفلوس واخلي امي تستلمهن وتشتريلجن

هدير _لا اني ما اريد لا اتعبين روحج
بس هاي اشتريلها ام الفيكات من مساع تحلم تشترين الامي تليفون

مناسك _ثنينجن اجيبلجن هدوره
كتلهن تصبحن على خير وسديته
اباوع المكالمه ساعتين ونص ولا مليت ولا تعبت ولا زهكت

سائد _ نسيتيني كلشش حتى ما باوعتيلي طول المكالمه

_عبالي نمت

_لا وين انام وانتِ طايحة ثرم حجي

_اصلاََ محجيت هواي بس ساعتين ونص

_هههههههه اي ابد وين

مناسك _باجر اريد اروح احول الامي مصرف

سائد _ حولي وخصصيلهم مصرف شهري

_ما تضوج؟؟

_اضوج اذا ما سويتي هيج لأن عندي اولاد واريدهم يبرون بينه ولازم انتِ تبرين بأمج ويتعلمون منج

مناسك _ بسته هنوب كتله زعلانه منك ما اريد احجي وياك

_ يضربج طووب اني راح انام وباجر ادورلي نرويجية اتكلب عليها

_سائدددد

_هاا يا طيفة

_اهوو تاكل بعقلي حلاوه

_انعل ابو هاي الاهووو تعاي تعاي

وبعد هاي السنين كلها
ما يحلالي غيرر ذراعة وسادة

..........

ليا _اليوم اني اروح الماما

جاهد _اي روحي احنه هم عدنه طلعه

ليا _وووين راح تروح وما تاخذني

_صديقة خاله مناسك تريد تشوفكم بس كتلها اليوم انتِ رايحة الامج
كلتلي جيبلي ليلو اشرفها

ليا _ومره لخ تاخذني مووو؟

_اي اخذج يلا هسا طلعو كدامي ولا تنسين الايباد مالي خلك ارجع اجيبه الج

_اي خذيت كل غراضي

جاهد _وصلت ليا الامها شافتني من بعيد سلمت بأصابيعها رديت السلام و طلعت اني و ليلو

_تحبين تاخذين وياج شي

_شنو مثلاََ

_اي شي تحبين تاخذي اني فكرت ناخذ ويانه علبه شوكولا

_ايي ناخذ

جاهد _شترينه علبه شوكولا ورحنالهم

ليلو _السلام عليكم

_وعليكم السلام يا هلا تفضلو تفضلو

جاهد_ لا بس ليلو تتفضل

_لا ليش تفضل وجدان تريد تشكر منك لأن ساعدتنه

جاهد _دخلت للبيت يلمع البيت لممع هاي صفة مشتركة رحمة جانت كلشش نظيفة
الشقق نظامهن المطابخ امريكيا مفتوحة ع صاله
جانت مسويه الحلويات و الكيك حطينه علبة الشوكولا و كعدنه
اجتي وجدان حضنت ليلو وسلمت عليه نفهم من حركات الجسم

بتول _ تفضلو هذا كله اني سويته

ليلو _الله شكله يخبل

بتول _سويته علمودج

_هههههه شكرََا وطعمه هم كلش طيب يصير اخذ الناز وزينب وياي

_هههههه كله اخذي شگد متردين
بس تعاي يمي

جاهد _گامت ليلو وراحتلها حطتها بحضنها وباستها وتشيل شعرها عن وجهه ايديها مثل ايدن رحمة

بتول _ شگد عمرج هسا

_راح اصير ١٥

_فدوه للبنات العمر كله
اني اول ما شفتج حبيتج هيج دخلتي الگلبي

_ انتِ هم هواي حلوه وتنحبين

_ ههههههه

جاهد _يرادلي أأجر سماعة لأن اني كلشي ما اسمع تحجون لو تنوصن انتن

بتول _هههههه باعي صوتي يشبه صوتج هماتين

ليلو _ اي بس بابا ميحب صوتي مرات من احجي وميسمعني يگلي قزقرط عللييي صوتج

جاهد _اني اموت على صوتج بس انتِ صوتج ناصي ما اسمع شي

بتول _هااي ميزه بس عدنه وانتو تغارون

جاهد _ليلو تضحك وهيه تباوع الضحكتها

بتول _باعي اني لغتي مو قويه حتى اروح للمحلات الجبيره بس طلعت هنا المحل قريب وشتريتلج هذا الفستان ويارب يعجبج

جاهد _طلعت ليلو الفستان حلو لونه ابيض وبي هاي اللعابه الورديه

ليلو _يخبلل يخبل يخبلل كلش عجبني

جاهد _ عمي لو ندري هيج تفرحين بالدببه اني اشتريلج دببه

_هاي مو دببه بابا هاي هيلو كيتي

_هههههههه هيه هاي

بتول _ صدك عجبج

_يجنن والله

بتول _تلبسي بالهنا گامت وجدان تجيب فستانها وتگلها اني هم شترولي فستان

ليلو _ كلش حلو كليلها فستانها احلى من فستاني

بتول _ كتلها

جاهد _ طول الكعده هيه بحضنها وتبوس بيها وفرحانه بسوالفها
للحضه فصلت عن هذا العالم
وتخيلت هاي بنيتنه وهاي رحمتي
وعايشين بكل هاي السعاده

صليل _بايدك هاي السعاده تدوم

جاهد _شلووون

_تزوجهااا

جاهد _يمعود اني شبقالي بالعمر واتزوج

_يابه هيه عايشه ابحدها وانت وحيد تزوجها وعيش حياتك وياها

سائد _اني رأيي من رأي ابو النثايه تزوجها

حاهد _ ما اكدررر

صليل _ليشش شنوو عطلت

_ لاا بس اني ما تجاوزت رحمة واذا اخذ هاي الانسانه فـ راح ادمرها لأن كبلي يم شكلها بسسس

صليل _ مو تعايشت وي كارينه تتعايش وي بتول

_بس هاي مو بتول اني اشوف رحمة بيهاا وهذا الديأذيني

سائد _تحبها بعدد الصار كله اني ما اريد أأذيك بس تحبها بعد هذا كلههه

جاهد _ مو حب بس ما اعرف شلون افسره الك
ما متأذي على غيابها بس دائماََ ابالي
ما تهمني بسس شاغله فكري

صليل _ هذا حب بس انت تخدع روحك
لازم تجاوزها والا تدمر ما بقه بحياتك

جاهد _واتجاوزها بأختها يمعووود خليني هيج اكمل وي بناتي الا ان الله ياخذ منيته

سائد _ جرب ما خسران شي حاول تتقرب الها شوف رد فعلها شوف انت شنو تحس
اذا حسيت انت جاي تتأذه اتركها حسيت انت حاب هذا القرب تقدملها

جاهد _ يابه ما يفيد و الله اجيبها بس ادمرها وياي بعقدي خلوني من بعيد ابوك نظرات

صليل _ يابه اكو حل

جاهد _شنو هذا الحل

ثليل _ هو صدك صعب بس بعد شنو بأيدي لازم اساعدك

جاهد بحماس _ايي شنو تريد تسوي

صليل _ اني اتزوجك و اكسب بيك اجر

جاهد _هههههه صوله بس شيري زين قبل ما تجيني محروم صار سنين مو مال غابات الامزون

صليل _ اطكه الك مزيل

سائد _ ابيش الليله صوله

صوله _ ٥ الالاف كرون

جاهد _ هههههههههههههه من زين زريراتج وادفع بيج ٦ ورقات وشوي

صليل _ ههههههه حطمت امالي

سائد _ اخخ بس لوو تسمع كلامنه وتزوج وتريح كلوووبنه يااا جاهد

جاهد _خليني افكر كلش كلش اتزوج صوله

_ههههههههه
خلصت سهرتنه ورجعت للبيت ليلو كاعده ابحدها تلعب بالايباد تعشيتي

_اي بابا

_ يلا كومي نامي وارتاحي

_اي بابا گايمة

جاهد _ دخلت ليلو تنام واني ظليت بالصالة اتفرج تلفزيون وبالي كلام ذولي السريريه
طلعت رقمها ودزيتلها مسج كاعده اكدر احجي وياج

بتول _ نامت وجدان ورتبت البيت ودخلت داريد انام وصلني مسج كاعده اكدر احجي وياج
ستغربت وخفت
كتبتله كاعده صاير شي ليلو بيها شي

_لا بس حبيت اشكرج على العزيمة هواي تونست ليلو وياكم

بتول _ هذا واجبي ليلو منه وبينه وياريت لو تكدر دائماََ تجيبها الي

جاهد _اذا هلكد تحبيها ليش ما تكليلها اني خالتج

_ ما اريد اگول وبس

_وجعتج حيل رحمة موو

بتول _ الله يرحمها ميحتاج نحجي بهذا الموضوع بعد ماتت

_احجيي فضفضي ليش ساكته

بتول _ اذكرو محاسن موتاكم

جاهد _دزيتلها مسج عندج فيس بوك

_ايي

_ كتبي هذا الاسم و حاط صورتي اني وبناتي وراسليني

_وشنو المناسبة اراسلك

_ما حابه تحجيلي الي صار وياج اني صراحة حاب اعرف

_ ابوي الله يرحمة جان يكول العائلة اكبر سند
والانسان اذا ما نسند بعائلته مستحيل يحس بطعم السند من بعدهم
احنه من جان ابوي عايش محد كدر يأذينه
اي جانت تحجي امي بس ما تأذيني
بس من مات السند امي حارت شنوو سوتلنه

جاهد _راسليني ماسنجر افضل من رسائل

_هسا ارسلك طلعت حسابه ودزيتله السلام عليكم

_وعليكم السلام
هسا گليلي شنو جانت تسوي امج

_جنه نكعد من صلاة الفجر

يتول _صباح الخير

_لا خير الاجاج يلا صلي و لحكيني للمطبخ عجني حتى تخبزين

_اي حاضر
اصلي و اطلع اعجن و احضر الريوگ حتى اخوتي ونسوانهم من يكعدون الخبزه من تنور السفرتهم
ياكلون ويخلصون واني اخبز
اخلص الخبز اغسل مواعين الريوگ واصبلي اني و وجدان اظل تصيح شگد تاكلن وبس نصرف عليحن و اخوتج يطيح حظهم من شغل وانتن ع جاهز تاكلن

بتول _قبل يومين اجتلي قسمه ليش ما انطيتيني وخلصتي من هذا المصرووف

_ومنووو يخدمنييي بالله

بتول _لعد انتِ تردين نخدمج وحتى لكمة ما تنطينه هم حرام

_حرمة عليج عيشتج
ونزلت بالغلط والسب تخلي اخوتي يضربوني بحيث نسوانهم يفاككن بيناتنه بس بعدين من شافن هنه محد يحترمنه الكل يأذينه همه تكبرن وتجبرن

جاهد _حتى وجدان يضربوها

_ايي وجدان جانت حالات الصرع اووو بالسنه السنتين ياله تجي نوبه ومرات اكثر
بس بسبب ظربهم زادت عدها
وما تقبل ناخذها دكتور وهيه عدها هواي فلوس و اخوتي ياخذون رواتبهم كله يمها
بحيث تشتري ذهب وترد ليورا بس احنه تتخبل من عدنه

جاهد _هيه من زمان هيج لو من صار الي صار

بتول _هيه قبل جانت تهتم بالولد اكثر بس ما تأذينه بس من اطلكت اني ظلت بس تحجي ومن رحمة تزوجت صدام وراحت زادت وظلت تزيد بظلمها

جاهد _تزوجت وراحت
ليش مو باكته منج ونهزمت

_ ما يحتاج نحجي هيج هاي الدنيا كلها قسمه

_بس انتِ صح تأذيتي بس الحمد لله من بعدتج عن صدام

_ليش

_لأن اختج نلزمت وي صدام يعبرون مخدرات
وهو شيوعييي
ودخلوها السجن سنينننن ما طلعت منه الا فرار

بتول_ شدتقصد وضحلي

جاهد _تعمدت ما اوضح وگتلها هسا نعست باجر احجيلج

بتول _ضروري تحجيلي

_ايي اكيد احجيلج بس لو نتشاوف ونحجي مو احسن طاحت ايديا من الكتابه

_خلي اشوف باجر شنو عندي و نتفق

_اوكي انتظرج طلعت من المحادثة ورحت الصفحتها الشخصية مبينه جديده جان اسمها
الوردة السوداء
باوعت للصوره الشخصية دعاء و والحساب بي بس صورتين وثنينهن ادعية
وقت التليفون ونمت

فزيت اشم ريحة جاي طلعت لگيت ليلو بالمطبخ واكفه تگلي بيض و مكصصه جبن و طماطه وحاطه زيتون و مخدره الجاي واشم ريحة هيل شنو هذا الترتيب شنو هل حلاوه شنو هاي ريحة الهيل ولج

_انت مو تكول انتو كل حياتي
وكل حياتك اليوم سوتلك ريوگ يلا تعال

_ههههههههه البيض جان ماصخ ما كتلها
يا ياااابه شگددد حلو طعم البيض بحياتي مماكل هيج بيض

_ صدددگ عجبك

_كلش كلش وين علبه الملح نحط على الطماطة.
حطيت ع طماطه واكلت تكاسر طعم الملح الحد ما هيه كالت شوي ماصخ البيض
صدك ولا حسيت طعمه رهيب اكلت كل البيض و شربت الجاي الجاي رهيب والله

_الف عافيه بس بابا بخصوص اسناني

_ايي؟؟

ردت احجي وياك لازم اسوي تقويم لان دتشوف منظر اسناني

_اي باباتي حجزي موعد دكتور ونروح ونشوف شنو ييگول

_تمام

جاهد _وصلني مسج منها اليوم الساعة ٤ العصر بالحديقة الي يم بيتنه تكدر تجي وتجيب ليلو وياك
دزيتلها على موعدنه تمام

ترحين اليوم البتول لو ما تردين

_اييي ايي اخذني اروح والبس الفستان الي شترته الي

_خوش ساعه ٣ تحضري بالاربعه نطلع
اتصل صليل كال ووووينك شوو الحد هسا ما اجيت

_خرررب نسيت اليوم العزومة هسا هسا شوي واجي
ركضت هيه تغسل المواعين واني بدلت و طلعنه
واني بالطريق اتصلت ليا

ليا _وين انتو

ر_ايحين البيت عمج صليل

_ راح اگول الماما تجيبني

_ايي شوفيها اذا تقبل تعاي

دخلت للبيت حاط اغاني و يدك اصبع وي الياس وعمر هااا شبيك

صليل _قررت ازوج

مياسين _ ان شاء الله حور العين بالجنه

صليل _ وليش حور العين بالجنه
حور العين بالنرويج

مياسين _جررب

سائد _ ولك انت بس السان صارلك شگد ١٦ سنه وياها لو شگد يوميا تگول راح اتزوج وفارغ
افرغ منك ماكو

صليل _ ما لكيت بت الحلال

سائد _ههههههههههه

جاهد _اخير عذر هذا
شوي وندك الجرس ليا

ليا _وهلا بعمامي وهلا بجيتهم
شعر راسي وكف من شفت لمتهم

سائد _ وهلا هلا تعاي يا بعد عمج
تعااي محد يفهمني بالدنيا بكدج

جاهد _ هلا باللوگيه هلا

سائد _ دعوفهااا يمعود

جاهد _تغدينه و شربنه الجاي و كتلهم هسا لازم نطلع

سائد _وين
همسلي بتول تريد ليلو واني رايح اوديها

صليل _ بتول تريد بس ليلو

جاهد _سري بنافوره يمك

صليل _ جاوبني ولا تغير الكلام

_ولك البنيه حتى من رادت نحجي اختارت يم حديقة بيتهم
ولو ما حاجي عن موضوع السجن ما تعبرني

سائد _شراح تكلها؟؟

_راح احجيلها كلشي بس وفاتها راح اكلها مثل ما كلت الليلو ماتت بحدود هنكاريه

سائد _ افضل

يلا بابا ليلو وديرو بالكم علي هاي ام السان

الياس _عود ليش هيج فستانج قصير

جاهد _ اييييي يا ابن صليا كتهن كتهن

الياس _اخاف الناس تباوعلها ويحسدوها ليش هيج تقبل عمو لا تقبل بعد هيج تلبس

جاهد _شو ساكته ردي

ليلو _بعد ما البس

جاهد _امداني كليله وانت شدخلك

ليلو _لا عيب من عمو صليل

صليل _احتركت روحة وروح عمووو صليل وانت شدخلككك

الياس _غير بت عمي واخاف عليها

جاهد _ اني هسا طالع ارجع واشوووف سالفتك يا ابن صليل

صليل _ بس بلا زحمة المهر شگد حتى من هسا اجمعه

_هههههههه بفستانها القصير اخذوها

سائد _ زعل منهم الياس ودخل غرفه وهمه يضحكون عليه

جاهد _ السلام عليكم

بتول _وعليكم السلام تعااي

ليلو _شلونج خاله

_الحمد لله بخير اني كلش فرحانه لأن هم اليوم شفتج

_واني من كلي بابا طرت من الفرح

جاهد _ روحي لعبي وي وجدان بالتليفون شوي ونجي يمكم
ابتعدت عني و بتول تفرك بأيديها

بتول _استعجل واحجي من امس منايمه شنو سالفة السجن

_صدام جان يهرب مخدرات عن طريق اختج
نلزمو بس هيه تگول لزمونه وحكمو ١٥ سنه لأن هو شيوعي تعرفين قبل ما متراهمين الشيوع و الحزب

_اي ونسجنت ١٥ سنه

_انتو متدرون

_لا احنه مجنه نعرف هواي اخبار عنها يگولون عايشه وزينه واخير شي كلش نقطعت الاخبار لا زين ولا مو زين

_نسجنت رحمة وجابوها الييي

_يعني شنو جابوها الك

_جابوها الي بالسجن بديت احجيلها
عن رتبتي وعن السجن وعن الصار
والهروب و سوريا والدول و ختمتها بموتها بهنگارية

بتول _.......

جاهد _ الهذا السبب الحمدلله طلكج حاتم وهيه طاحت بشر اعمالها

_الحمد لله والله اني لو بمكانها جانت متت بسرعه

_هيه قاومت
هسا بعد شنو تردين تعرفين

_ لا خلاص كلشي عرفت

جاهد _ انتِ ليش ما حاولتي وي والدتج وتزوجتي

_ماكو ثقة بعد وهم تشوف اني مسؤوله من وجدان وين اتركها
وامي مراه تخووف ما اكدرلها

_ لو رحمة جان كدرت

_فاز باللذات من كان جسورا

_فعلاََ

_مالنه باللذات نصيب هههههه

جاهد _ انتِ ورحمة مو توم مو

_لا اني اكبر منها ب ٣ سنوات ليش الهدرجة الشبه بينه

_ايي شبهه جبير طلعت الصوره وانطيتها الها
هاي الصوره اخير صوره بيناتنه

_فعلاََ تشبهني الله يرحمها

_بس لا تجيبين طاري الصوره اني ما مراويها الليلو

_ليش

_ما اريدها كل فتره تشوفها وتنقهر هيه تربت يم ام عمر و ام الياس ما اريد هسا وبعد كل هاي السنين ازعزع امن روحها ومستقبلها

_ صحيح كلامك بس فدوه خليها اليوم تبات يمي

_وشنو المناسبة

_اتونس وياها والله ما تدري شگد حبيتها
وحتى وجدان

_كليلها اذا قبلت اخليها

جاهد _حاجت ليلو انتبهت الها ما تترك اصابيعها لو تشبكهن لو اطكطك بيهن لو تحركهن لو تخلي ايديها وراها ما تثبت ايديها

ليلو _اذا بابا قبل اظل

بتول _يقبل

_ما تعبتي من حركة ايدج

بتول _ اني من اتوتر اطلع الحركة بأيديا

_وليش متوتره

_الي سمعته صعبب تخيلت روحي بمكانها
صعببب حيل هواي توجعت قبل لا تموت

_ايي فرحي هيه مو اذتج فرحي الله ردلج حقج

_لااا لا صعب وهيه بت امي وابوي فدوه الها الف صدام ما تستاهل هذا كله
تمنيت اشوفها مرتاحة حتى لو راحتها على حسابي
مو الخوان خير سند واني جنت راضيه
صح توجعت بس وجعي يم وجعهاا لا شيء ياريت ما حاجيلي

_.........

_جنت اكول لوو اشوفهاا اموووتها بثنين ايديا
هنوب اگول لا خلاص الله يسامحها يجوز حبته اكثر مني وما كدرت تشوفه وياي

جاهد _هذا مو عذر

_لا بين الخوان عذر
الخوه موو شي هين ولا الف رجال يهدم هذا الرابط الابدي

ليلو _هاا بابا تقبل اظل

جاهد _ظلي باوعت البتول نظره مطوله
هيه ابددد ما تباوعلي اذا حجت دنگت لو رفعت راسها بس اني اكلتها بعيوني
ديري بالج عليها هاي الغاليه

_بعيوني احطها لا تخاف و اذا تخاف عليها يمي
وقت ما تحب تعال اخذها

_لا ما خايف عليها بس هيه حساسه واخاف عليها من كلشي

_لا تهتم اني احطها بعيوني

جاهد _تركتها ورجعت يمهم بس بالي ظل يم ليلو
خاف تسويلها بتول شي حتى تنتقم من رحمة
خاف تأذيها خاف تضربها
خفت الحد ما تسرب الخوف الاعماق گلبي وما كدرت اظل كاعد نص الليل طلعت من البيت ورحتلهم دكيت الباب بدون ما اخابر

بتول _ باوعت للساعه ١٢ ونص خفت ما جاوبت

اتصل تليفوني ابو ليلو الوو

_اني بالباب

_ع سريع لبست حجابي وطلعت موتتني الله يسامحك گلت منو هسا يدك الباب علينه

_صراحة ما كدرت انام بدون ليلو

بتول _ يا سوده عليه نايمه

جاهد _خليني اشوفها واروح وباجر الصبح اجي عليها

بتول _ صفنت بوجهه تدخل يعني

جاهد _ههههه لعد شلون اشوفها

_لا تزعل بس الدنيا ليل هسا تدخل للبيت شيگولون الناس علينه

جاهد _هههههههههههههه احنه بالنرويج مو بالعراق هنا محد يهتم منو يدخل ومنووو يطلع

_اقصد يعني تفضل تفضل

_ باوعت البتول هيه لزمت ايديها
دخلت من باب الغرفه باوعت الليلو نايمه ع سريع طلعت

بتول _اطمنت تره ما اسويلها شي

_لا مو هيج بس اشتاقيتلها

_شمعنى من تروح العمامها ما تشتاق
بس هسا اشتاقيت گول خفت اني عاذرتك

_والله ما جذب عليج خفت گلت تاخذين ثارج ببنتي ههههههههه

بتول _ هاي مو بنتك بس هاي بنتنه احنه هممم
هم النه حصه بيها ما يهمني رحمة شنوو سوت اني العليه هاي البنيه النه حصه بيها ولو شوف وجدان شلون طايره بيها واني هم وجودها وياي يفرحني
اني واختي عشنه غرربه بنص اهلنه
غربه الكلمة الحلوه والضحكة بوجهنه هسا ظلينه نفرح بكل واحد يجيلنه فما بالك بنت اختنه

_ بتسمتلها براحة تصبحين على خير

_وانت من اهله باجر اني اجيبها الك اذا تريد

_ياريت تسوين فضل هسا ادزلج العنوان على الفيس

_تمام

جاهد _ طلعت من عمارتهم و خابرت الولد
حجيتلهم كلشي

ساگد _تخبلت البنيه منهزمه من اذيه اهلها هنوب تأذي طفله هم ما ادري شبيك

صليل _متأكد رحت علمووود هذا السبب

جاهد _شنو تقصد

_بالله حط كلبك واستجوبه شوووفه مدان لو متهم بريئ

جاهد _شنوو الغاز شبيك

_خاف رايح تشوفها

_عمي دطيرر شبيك اكله البنيه ما معبرتني يگلي رايح تشوفها

سائد _ومنو جاب طاريها اني داگول انتتتتت موو هيه

جاهد _لا مستحيل عمي جريت اذن كلبي اني
و صاح من اعماقه التوووبه

سائد _ روح نام ولا اسربت يلااا نعله عله لشتكم
سديت الخط منهم وباوعت المناسك لازمه التليفون وتضحك شكووو ولج صايره تخوفين

_داسولف وي خواتي شبيك

_باعي السبوع الجاي اريدج تعزمين بتول على العزيمة بدون ما يدري جاهد

_تدلل

مناسك _ دزيتلهم الفلوس و اشترت امي تليفون الها و الارا و الهدير
وسوو النت

مناسك _ يوم اريد احاجي خواتي هناء وسهاد

_خابرهن اخوج وكتلهن تعالن عندي موضوع وياجن خفت اكلهن من تليفون ويصير بيهن شي

مناسك _يوم بأسرع وقت ممكن اريد اشوفهن اريد اسمع صوتهن لا تتأخرون عليه اروحلح فدوه

هاله _ يا بعد عيني مناسك ام كلب الحنين گليلي يوم شنو صار عندج

_صار عندي عمر وزينب

_يا صدقة الله اريد اشوفهم

مناسك _يوم بس فدوه موضوع السجن سائد مكايللهم عليه فدوه ما يعرفون اي شي احجي وياهم بس نتفق ما جنت اعرف مكانكم وضاعت الارقام خوش

_اي يوم سهله

مناسك _ گعدت ولدي وحجيتلهم كلشي
خطيه فرحانين بس مستغربين يحسون اكو شي غريب بس هذا طلب سائد همه ما يعرفون اي شي عن ماضينه
واحنه كلنه موافقي الرأيي
اتصلت بأمي على الايباد و كعدتهم يمي واحد على يميني وواحد على يساري

هاله يا صدقه للرحمن هذولي ولدج مناسك يا يمه هذولي احفادي يمه عمار زلمه يخبل شحلاته وزنوبه فدوه رحتلج بيبي

زينب _شلونج بيبي

_يا بعد هذا الحس اروحلج فدوه بيبي زينه من شفت امكم وشفتكم صرت زينه صار بيه حيل شباب

مناسك _ تحجي وتمسح بشيلتها دموعها لارا سولفت وياهم وهدير واني بس. اباوعلهم املي عيوني بشوفتهم
بعد هاي السنين كلها رجعولي اهلي حتى لو بعاد يكفي اشوفهم واسمع حسهم يكفي اني اطمنت علي امي صح فراگ حنين وساره غصه بكلبنه
بس الباقين ترسو دنيتي بهججة خاصه مهدي وهو يگلي معتازه شي تردين شي
وكأنوا اذا كتله اريد شي يطلعلي من تليفون ويجيبلي
بس كلمته عندي تسوه الدنيا وظليت اتباها بيها كدام سائد
الدنيا ليل اتصلت امي كاميرا استغربت وخفت
جاوبتها ها يوم

هناء _ عرفتيني لوو لا

مناسك _هناء انتِ يا يمه يا بعد كلب اختج

سائد _ من شافت خواتها الكبار تخبلت عليهم
تريد تطلعلهم من شاشه اريد اسكتها ماكو حتى الجهال اجوي على حسها
بحياتي مشايفها هيج فرحانه رغم اني والجهال ٢٤ ساعة يمها ونسولف وياها ونضحكها وحياتنه حلوه بس ما فرحت بحجم فرحتها وي اهلها
وشوقتني بحضن امي من اشوفها هيج متلهفه عليهم الصبح تركتهم يتريگون ولبست قميصي الاسود و كتلهم اني طالع

مناسك _الله وياك
طلعو الجهال ولبست جبتي و خذيت ورد ورحت للمگبره ادري بي هسا بالمكبره مدام لبس قميصه الاسود وطلع بدون ما يكول وين رايح معناها راحلها هو يحب يروحلها ابحده
وصلت المكبره لكيته نايم وحاط راسه على حظنها

ظليت بعيده اراقب بس اسمعه من يحجي وياها

سائد _ رحتي مني برمشة عين
لا الظالم خلاني اشبع منج ولا الدنيا نصفتني وياج
كبرت وولدي كبرو بس احس هاي الدنيا بدونج ما تسوه شي
تمنيت بعد يا يمه اطولين وياي ردت نعيش براحة حتى لو جم سنه سوه اشبع من حضنج
اشبع منج
بس هاي الدنيا ما نصفتني بشبابي من تالي عمري تنصفني

برمشة عين غبتي عني واني بكل عين صلفه دفنتج دفنتج واني كلشي بيه بعده يبجي عليج
حتى هذا القائد المتجبررر الما رحم واحد بجه عليج

مناسك _ما كدرت اتركه بعد اكثر حطيت الورد ومسحت دمعة عينه

سائد _هاا صدتوني

_ اجيت الامي الثانية ولكيت حبيبي يمها

_شتاقيت واجيت ههه غرت منج واجيت الامي اني هم
بس احسدج ع الاقل بالتليفون تشوفيها
اني بيني وبينها عالم

مناسك _ اني اكيد ما اخذ مكانها بس اني يمك على طول واصيرلك الام بس كوم ما اريد اشوفك هيج مكسور اني وولدي قوتنه ناخذها منك

سائد _ فقدانها هد حيلي بين ليلة وضحاها راحت مني برمشة عين

مناسك _احجيلي فضفض اسمعك

.........

سائد _ديري بالج على روحج اني رايح للمدرسة ما اطول

ام سائد _ دير بالك على روحك انت
اكلت؟

صليل _ خاله تره هيه مدرسه مو صف اول هذا البعير رايح يدرس لغة

ام سائد _هو بعيوني بعده صف اول

سائد_ بست راسها وطلعت مثل كل يوم
بس هيه جانت تحس بية رغم اسولف واضحك تدري فراگج سلب مني فرحتي دمررني
جانت تگلي روح ودورها ورجعها الك

_ما اريدها اني ما اريدها

ام سائد _تذكر من عبرنه الطريق والتعب و الصار كله
جنت بكامل سعادتك وطاقتك بالرغم
الضرب الي نضربته يهد الحيل
بس مجرد ما تشوفها تكوم وتكمل
بس اليوم احسك موجود بس بدون طاقه

_لا عندي طاقه عندي تعاي اشيلج وشوفي
شلتها وفتريت بيها بالبيت ودتضحك وياي
و فجأه كلتلي نزلني سائد يوم كلبي وجعني
اخذتها وطلعت للمستوصف ع سريع
جانت المعاينه هيه نفسها هسا من نروح ما بيها شي و بكامل صحتها وينطوك براسيت تحسهم دارسين بس علمود البراسيت
واني رجال ما شبع من امه صدكت بيهم وكلت امي قووويه ما بيها شي
رجعنه للبيت هيه نامت
اني والولد سوينه العشا اذكر بيومها سويت طماطه و هيه قبلها بكم يوم لفت كبه النه گليتها و خدرنه جاي ورتبنه السفره ورايح اكعدها اريدها تجي تاكل ويانه
يوووم يلا صار العشا جاهز
ما جاوبتني
يووم خفت اتقرب الها من بعيد صحتلها
جاهد راحلها وشافها كال بيها نفس بس مدتحوس شلناها وركضنه للمستوصف وبعد فحوصات وخبصه ودنيا اكتشفو امي عدها ارتفاع بضغط الدم
وبسببه ضربتها جلطه لخ
حولوها مستشفى وظلت تلث ايام بالمستشفى يوميا اروحلها ما اتركها بس وقت الدوام مجبور كلت اتعلم الخاطر باجرر ما نحتاج احد
واني بالدرس اتصلو عليه كلولي تعال امك تريدك
طلعت من الصف بدون ما استئذن
وصلت لكيتها كاعده واليشوفها يكول هاي ما بيها شي واحسن من عدنه

ام سائد _ ها يوم تعبتك اني وياي

_لا تكولين هيج اني شوفتج عندي تسوه الدنيا كلها شلونج شلون صرتي

_الحمد لله احسن تعال جيب الكرسي وتعال

سائد _ كولي يا نبض كلبي

_ههههههه يوم عليك الله والخاطري دور مناسك
والله البنيه فقيره وشوف شنو صار وخلاها تروح مناسك عاقله وطيبه اني عاشرتها واني اعرف شداكول

_ان شاء الله يوم هسا كومي والتردي يصير

_من تلكاها عاتبها بس دير بالك عليها وتمم زواجك هنا وكونلك عائلة يوم والله شوفتك بهاي الحاله هدت حيلي

_كووومي واني وعد مني الج ادورها و اجيبها وازوجها و اجيبلج عشرين حفيد

_ريت بزرك يالحنين كثر الثرايا و الموازين

_ههههههههههه بوجودج وترببهم الي ان شاء الله

ام سائد _اوصيك يا يمه بمناسك البنيه فقيره رجعها الك لا تضيعها البشر يغلط مو معصوم دورها ورجعها ودير بالك عليها
تره مناسك ما تعرف تعيش بهاي الدنيا
فقيره صيرلها سند يووم

_حاضر الي تردي يصير

ام سائد _جيبلي كلاص ماي

سائد _درت جاي احطلها بالكلاص ماي بس صبيت الماي رجعتلها لكيتها مسلمتها
صحوة موت امي صحت
صحت حتى تأمني بيج وتروح
صحت حتى تگلي دور فرحتك لا تعيش طول العمر تعبان ومهموم
وغابت الدنيا عن دنياي وهسا صرت من اشتاق اجي الكبرها واكلها يوم اجيتلج مشتاق
طلعيلي حضنيني بوسيني
كون هيج الدنيا من تشتاق الاحبابك تروح للكبر يطلعولك ويحضنوك ويلموووك الصدرهم الحد ما تذب هموم هاي الدنيا يمهم

مناسك _ الله يرحمها برحمة الواسعه
هذا امر رب العالمين شنو بأيدنه ياريت لو نكدر نرجعها ادفع عمري الخاطر فرحتك

سائد _اني لو ما انتِ وولدج حياتي عدم
من راحت امي صارت الغرفه والظلمة حياتي
قدمنه شغل بس الخاطر الاقامه وشتغلنه بالصناعية نحمل عدات ثقيلة
وكلها ويانه بس اني احس بغربه ووحده اجتاحتني من كل جانب
مثل جندي بنص الحرب وسلاح ما عنده
هاي الدنيا حاربتني ولا امي ولا انتِ وياي
بس هذولي الثنين ريا وسكينه ساعدوني

مناسك _هههههههه
هسا احجيلي كملي شلون وصلت لكرستيان ساند و شفتني

سائد _اهووو ههههه
من جنه نشتغل ما منطينه عقود جان ويانه ولد فلسطيني اسمه أبراهيم ولد ضعيف كلش بحيث جان من يجي ما يكدر يشتغل ويشيل بعد المعدات الي نشيلها بأيدينه
احنه نساعده و صارت بيناتنه صداقة

سائد _لك ابراهيم شجابك هناا شلون قبلو بيك
جان يگول شافوني ما اصلح الشي كالو خلي نذبه بالمعدات بلكت يموت ونخلص
نضحك على سوالفه وهو هواي يمزح اضحوكي مثل صليل
بيوم اجه وگال مقدمين بالجريده العمل بكرستيان ساند على سجون اذا اروح المساجين يسووني مسخره
ظل يضحك على روحة واحنه نصبره

صليل _ اذا رحت للسجن يسون عليك شده يا ورد
هو ما فهم بس ظل يضحك عرف يقصد يصخمون وجهه ههههههه
گتله شنو العمل

ابراهيم _ مكتوب عمل ارضيات السجون
ما جان عندي خلفيه عن الموضوع جان رقم جهاد بالاعلان خابرنه و حجينه ويا وحجالنه طبيعة العمل واجينه لكرستيان ساند
خاصه والمبلغ جان حلو ويخدمنه العمليه ليلو
وصلنه لكرستيان ساند بالليل نمت والصبح اجيت للشركة وصليل وياي
شفتج انتِ بس مياسين مجانت وياج

ليش من شفتني ما اجيت كبل

_ما جنت ناوي اضيع غضبي هباء
ردت الزمج واريح كلبي بيج واكيد مو كدام العالم

مناسك _ وبعدين

حاجيت جهاد عليج كال هاي بنية عراقية اجت من فتره مع صديقتها هنا
گلته شنو اسم صديقتها
گلي مياسين
صليل هنا راد يروح المياسين بس
كتله احنه بالشغل لا ننطرد و نبهذل روحنه اسكت
راقبتج حتى اشوف بيتج وين وبيومها ركضتي مثل المخابيل وانتِ تقرين قرأن

مناسم _هههههه بعدني الحد هسا اذكر هذا اليوم

_المفتاح علك وياج واني من بعيد اضحك عليج

_اني عبالي جني طلع شي افضع

_ههههههههه

مناسك _الصدفة هواي لعبت بحياتنه لو لا الصدفة اني وياك اليوم مستحيل سوه

_ماكو شي اسمه صدفة اكو شي اسمه تدبير من رب العالمين
انتِ الي واني نصيبج
هذا شي مكتوب علينه الي صار كله هو تسهيل من رب العالمين لأن احنه سعينه

_الحمد لله هسا يلا كووم كاافي تره غرت شنو نايم يم امك تعال نام يمي

_صدك لوو كالو الجنه لو حبت العمة جان بليس دخل الجنه

_بالعكس اني ابد ما حسيتها عمتي صارتلنه ام و صديقه وتوجهنه بأصعب ايام حياتنه وساعه تكسر وساعة تجبر

_الف رحمة ونور تنزل عليها

_امين يارب

مناسك _يلا امشي نروح نسوك للعزومة مو تريد نجيب بتول و نجمعها بجاهد

سائد _هذا اكثر موضوع مخوفني بس صليل يگول خلي يستقر

_ليش مخوفك

سائد _ اخاف يميل الشكلها
وياخذها بس الخاطر الشبهه وهو يدمر حياته فوگ الدمار الحاصل والبنيه مهزومة من حرب اهليه ندخلها بحرب نفسيه شنو ذنبها

_كلك حكم ابو عمر

_على طاري عمر ما تجيبيلنه نونو صغير

مناسك _خليك بمكانك اني رايحة للبيت اجرررر ذاني سبع مرات واكول توبه منك ومن جهالك

_هيج صارت بت ام حنين

_ههههههههههههههههههه

_فدوه اروح الهاي الضحكة

.......
صليل _ شجاااي تسوون انطوني الريمونت

ناز _دنشوف فيلم كارتون من يخلص ننطيك الريمونت

مياسبن _تعاي اخذي خلفتج لا اهججهم من البيت

مياسين_ يعني اخذ تلفزيون منهم انطي الك شنو اغوو و تبجي

صليل_ ضايج طاكه روحي من كعدة البيت اريد
اشوفلي شييي

مياسين _ايي يخلصون وانطو يوم خلصو وانطو الاخوكم الصغيرون الريموت

صليل _ مو اكوم مياسه

_لا خليك كاعد

الياس _بابا انت هم جنت تشوف فيلم كارتون

صليل _اييي لعد شلون

مباسه _باوعتله ورفعت حجابي بالله شنو اسم الفيلم كارتون الجنت تشوفه

_ السجين و النثاية

مياسه _ ههههههههه والنثاية يعني مو النثية

_لا بالاخير صارت نثية صرت زوج
وسويتها نثيه

_متشمته بيك

الياس _حلو هذا الفيلم كارتون

صليل _يخبللللل مستحيل هيج اكو مثله خاصه من جانو يلعبون الكهرب على جنابك

مياسه _اخابرررر سائد و الله

_لا كلشي ولا سائده بعد اطلع منو تبياته

مياسين _يااا الجهال منا

صليل _ اطلعين اليوم بدل سائده

_ههههههههه اي اطلع جان يحجيها بصوت ناصي حتى همه لا يفهمون من جاوبته گلهم

صليل _اكلكم بويه الساعة ٤ العصر ما تكومون تنامون

مياسه ه_ههههههههه كوم اطلع راح اظل فوك راسهم

_خابرت الساقطه جاهده طالع و سائد ديسوك مسواك العزيمة كال اخلص واجي عليك

_الله يفتحها بوجهك يا سائد مثل ما فاتحهه بوجهنه ومخلصنه من ابو الياس

_اخخخ يالزمن ايام الجان ابو الياس الحب الحب
هسا تردين تخلصين منه

مياسه _تقربت منه لا والله اشاقه وياك اني شعندي غيررركم

_همستلها ما تردين ادورلج على عمامج تهجين يمهم

مياسيت _انت عمامي وكل هلي

_ شنو الزين السويته والله جازاني بمياسه

مياسه _ حظك حلو

الياس _اهووو واحد يمجد بالثاني خلونه نسمع

_اسمع اسمع يالفكر ما انطيتوني الريموت تعاي نحجي بالغرفه

_لا شكرََا وراي طبخ
........

مناسك _ خذاني سائد البيت بتول بعد ما اخذنه العنوان من جاهد كلنالها اريد نشوف وجدان رحبت بينه البنيه وحلو اسلوبها وهادئة وحطت اشكال والوان كدامنه

مناسك _اجيت اعزمج باجر مسوين عزيمة وحابين تكونين ويانه

_اتشررف بس شنو المناسبة

_هيج مجموعين نتونس وحابين نعزمج ليلو تموت عليج وبس تسولف بيج واريد نفرحها

_الله يحفظها ان شاء الله اجي

مناسك _ انطيني ورقه وقلم اكتبلج العنوان
كامت فتحت مجر ميز التلفزيون طلعت ورقه وقلم وانطتني اباوع للبيت الترتيب مو طبيعي
اكو بيوت من دخلوها تحسون بالراحة بيتها من دخلتله ابدي ما اطلع منه من كد ما مريح ونظيف ويريح العين اني انظف دقايق وعمر وزينب يسوها حفلة خاصة كوشات القنفات واصلات للجيران الكاهن
كتبتلها العنوان ورجعت للبيت
مسويتلهم مطبك لحم
بعد ما سائد وصه على ذبيحة من السويد جانو العراقيين يرحون للسويد لأن ارخص من نرويج
يسوكون وهم بيها مكصب حلال للمسلمين
سائد جان يوصي على ذبيحة كامله و يذبها بالفريز
لأن هنا اللحم ما نشوفه ولا نعرفه كله حرام

ساذد _كثررري لحم خلي الجماعة باجر يتونسون

_تدلل

_اريد تشريبه معدله

_حاضرر

_اريد ترفعين راسي

_حاضر

سائد و_اريد تحجين وي بتول بموضوع الزواج بالعموم مو تجيبين طاري جاهد بس احجي وشوفي رد فعلها

_حاضررر

_اسم الله تحولت شبيج

_داحضر يا عيني

_اساعدج

_لااا شكرََا ما اريد مساعدتك تسويلي شغله هلكدوتها و اظل تذكرها خمس سنين

_هههههههههه مو غسلتلج السلك لوو نسيتي

_يبووو ساعة الكشره يوم خليتك تغسل السلك

_نسوان دافره النعمة دفر

_كلشش كلش
حضرت الغراض وطرت خابرت امي
علمود اتونس اليوم وياها باجر ما اكدر اخابرج عندي عزيمه

_براحتج يوم
اليوم خواتج راحن

_الله يحفظهن ويسعدهن و مهدي شلونه

_زين الحمد لله
خطيه يكول هسا ظليت اعرف طعم النوم شلونه
سوده عليه جان من جامعه للعربانه
هسا ياخذ ايام يسخت ما يطلع للشغل وينام من يرجع من جامعة

_الله يسهله ويخلص على خير
يوم ليش ما يتعلم سياقه

_والله يمه امنيته يشوف الوليدات بالجامعه عدهم سيارات ويكول اريد بس انتِ تعرفين بالوضع

_خلي يمه يتعلم واني اسحب قرض واشتريله سياره

_لا يوم لا كافي المصرف الجاي تدزي شنو ذنبج حتى لو انتِ هناك والدولة يساعدوكم ما اقبل تتأذين بسببنه كافي الجاي تسوي

_يمه هذا حقكم عليه اني مدام عايشه بخير لازم هذا الخير يطول اهلي

_ميخالف يوم والله عايشين بخير وكلنه مرتاحين وناكل ونشرب و البنات كل شهر يشترن ملابس و تليفونات بعد شيردون اكثر من هيج

_انتِ مالج دخل اني احجي وي مهدي

هاله _يوم فدوه الكلبج لا تأذين روحج الخاطرنه
يا بعد امج

_ لا يوم ما أأذيه نفسي بالعكس اني من اشوفج مرتاحة ارتاح ومهدي شاب خطية وطالب ع الاقل سياره هم الكم وهم يشتغل بيها واطلع مصروفه يظل طول عمره حمال خطيه هاي الشباب ششافت من حياتها حتى ظهرها ينكسر بهاي العربانه

_الله يخليج الي والله اني خجلانه منج احنه البهذلناج وانتِ هسا الشايلتنه

_لا تكولين هيج هذا كله اختبار من رب العالمين
اذا احب عبد ابتلاه والحمد لله ربي حبني الدرجة عوضني اضعاف اضعاف الالم فرح

_الف الحمد لله

مناسك _عرفت من البنات امي جاي تجمع من المصروف الشهري فلوس حتى تجمع فلوس تذكره التركيا و تگلي تعاي اشوفج بتركيا

_ليش مكلتلي

هدير _تگول اذا اكلها راح هيه تدز فلوس السفره واني ما اريدها تدز

_سوده عليه خلوها عليه اني ارتب سفره الكم كلكم واشوفكم بس مو التركيا
سديت الخط منهم وحاجيت سائد بالموضوع

سائد _تركيا مستحيلللللل لوووو شما يصيررر

_لعد شلون اشوف امي

_ما اعرف خلي نشوف وين تكدر تسافر الاي دوله غير الدول المجاوره ناخذح الها اما تركيا مستحيللل

_اي ماكو شي غير انتهى كل الخطر

_لو هسا بعد مليار سنه ما توصلون لا للعراق ولا للدول المجاوره

_هم يجي يوم نروح البيت الله لو تمنعنه

سائد _ العفو عند المقدرة واني ماااا انطي بيكم ولا انتوو شي هين عندي محد يوصل لااا سعوديه ولا ايييي دوله حتى ترانيزت ما انزلكم بيها

_اهووو سائد لعد شلون

_لا تكولين اهووو خليني اشوف جوازنه وين يوصلها ونتفق

_وين يوصلنه هو حدهم تركيا

_لا سمعت ناس دسافر الجورجيا الاذربيجان جاي يطلعون سياحة والامارات هم

_بس اني ما اريد بس امي تجي

_ها؟؟؟

_اريد اخوتي كلهم يجون واشوفهم حتى المزوجات

_ تردين تسحبين قرض وتردين الكل يسافر ما راح نكدر هيج

_انت اسحبلي القرض واني عليه فلوس تذاكرهم

_تدللين سهله
ندك الباب ادخل باباتي

عمر _اني اعتذر بس صوتكم شوي جان عالي و سمعت حديثكم

سائد _اعتذر باباتي روح بعد ما نصيح

عمر _لا مو هيج بس ماما تكدرين تاخذين من راتبي هم حتى نشوف بيبي

زينب _ايي ماما واني هم اكدر انطيج من راتبي ونروح نشوف بيبي
.
مناسك _ظليت ابجي من سوو هيج

سائد _دفرحي اكوو واحد يبجي وهو جايتله مالات

مالات =فلوس

مناسك _حضنتهم الله يخليكم الي سند طول العمر

زينب وعمر _ويخليج النه يوم

مناسك _ صليت صلاة الفجر وحطيت جدري على النار حمست اللحم وذبيت المي الحار عليها اول فوره ونصيت النار كلشش و ظليت احضر باقي الاكلات
ساعة ٩ اجتي مياسين هم مسويه كدر دولمة

تسعه ونص دخلو بيت جاهد
اجوي البنات عليه يبوسوني ما راح تعبي وياهن صرت اني الام الاربع اولاد لو وين ما يشوفوني يركضولي و يحضنوني
الله يرضه عليجن ماماتي

ليا _ اريد تشريب مرتب اليوم

_ههههههه مرتب تدللين

مياسين _تحسيها مولوده بالناصريه

_ههههههههههه البنيه مرحة

مياسه _ اذا ما يخيب ظني الياس يريد ليلو
دائماََ يلمح الهذا الشي

_هسا يكبر وتتغير نظرته لأن دائماََ سوه ومراهقين هيج يحس

_ هيج ويكبر واشوفه عريس

_ بس يعني انتِ ما تردين ليلو اله

مياسه _لا بس لأن اكبر منه شوي مستصعبتها

_هسا خلي يكبر هو من وحده يغير رأيه

_الله ينوله الي يريده شعندي اني وياهم اريدلهم السعاده و راحة البال

_امين يارب يرزقهم كل اليردو

مناسك _ندك الجرس
طفرو الولد سائد صاح بيهم
تركووو الباب جااااهد

جاهد _شنوو

_افتح الباب خوويه كووم

_اول مره اشوف واحد يكوم الجبير

_كوووووم

_كمت كمت دروبك هاي اعرفها اني
فتحت الباب جانت بتول ووجدان باوعت السائد وضحكت هو هم ضحكلي

صليل _تحسهم ولد عم يحبون بعضهم وبيناتهم نظرات عشاق

_سائد _الزم السانك البنيه اجتي

بتول _السلام عليكم

جاهد _وعليكم السلام تفضلي تفضلي

بتول _سلمت عليهم جانو كلهم مجموعين
اجتي ام عمر و ام الياس اليه رحبو بيه

بتول _تفضلي سويت شي بسيط اتمنى يعجبكم

ليلو _اصلاََ خاله اكلها كله طيب

بتول _فدوه للخاله تعاي شلونج يا حلوه
حضنتني ليلو بكل حراره

الياس _ريتني الخاله

صليل _ابوها منا اسكت وره ما يروح احضن براحتك

جاهد _حتى اعلگه من رجليه

الياس _اعوذ بالله منكم ما تخلونه نحجي ونعبر

صليل _عبر بويه عبرر

مناسك _تعاي يمنه بالمطبخ

يتول _ ايي اكيد يلا وجدان

مناسك _مقبلت وجدان ظلت يم ليلو و الولد والبنات كلهم يسولفون وياها وهيه تأشرلهم متونسه بيهم اختك طايره بيهم

بتول _ من جنه هناك بس ولد اخوي الجبير يحبوها ويعرفون يحجون وياها
هنا لا الكل يحبها حتى من اروح للناف (منظمة حكومية) يدزولي دكتوره دارسه حالتها

_الحمد لله هنا شوي الامور ارتب

_اي الحمد لله

مياسه _ يعني انتِ ربيتي وجدان هناك

_ تكدرين تكولين هيج

مناسك _هيه تحجي وترتب بالميز رغم متعرف للمكان بس تفتح البيبان وتباوع وكلشي رتبته

_زين كعدي لويش تشتغلين

_ما اعرف اكعد اموت اذا كعدت هههههه خلوني اساعدكم

_ساعدي عيني ساعدي ياريتج عايشه يمي هههههههه

بتول _امانه اي شي تحتاجي اجيلج والله شنو بيها

مناسك _ما تقصرين
دخل جاهد للمطبخ والابتسامه شاگه الوجهه وهو شايل قطعة كيكة من الي مسويته

جاهد _ خلص الكيك الجبتي يابه فتحي محل حلويات

بتول _بالعافيه

جاهد _عاشت ايدج

مياسه _وايدددك خويه جاهددد

جاهد ه_ههههههههه بعد زوجة صليل هذا المتوقع

مناسك _ههههههه

بتول _شنو يقصد

مناسك _بيناتهم لا تخافين
اكلج بتول شعجب ما فكرتي تزوجين

_هواي اسباب تمنع واولهم امي هيه الجانت رافضه بس حتى لو امي تقبل اني اخاف اتزوج

_ليش يعني بسبب الصار

_وهم شايفه من الكل يكلج انتِ فاهيه انتِ ما تعرفين تسوين جنت اخاف من يخطبني احد اخاف اتزوج وصدك افشل مثل ميكولون

مياسه _ بالعكس اني جاي اشوفج تخبلين ادب واخلاق ونظافه واسلوب ورقي بعد شيردون الزلم

_حبيبتي من ذوقج هذا

مناسك _اذا هسا خطبج واحد توافقين

بتول _مستحيل ووجدان ههههه

_واذا قبل وجدان وياج

_لا يابه كبرت بعد مو مال زواج

مناسك _انتبهت هيه تخلق العذر
يمكن مثل مكالت بسبب الحجو عليها وهيه صدكته
يمكن خوف الفشل خلاها ما تخطى ولا خطوة بهذا الموضوع بس الاعرفة هيه تخلق عذر الرفض
تغدينه وهيه شالت المواعين ونظفتهن

مناسك _عوفي عليج الله لا تعبين روحج

بتول _والله ما اعرف فدوه انتِ مو طبختي تركي الباقي عليه

مناسك _ ظليت اباوعلها نظفتهن وغسلت الكلاصات اول ورتبتهن وبعدين كملت الخواشيك
هنوب الصحون والطوس
والجدر الجبير بالسيمه يابه طلعته يلمع رتبت كلشي وتشكرت مني على العزومة

_وين العزيمة بالموضوع عمي انتِ بدعتي صفنت عليج شلون تغسلين المواعين

_هههههه تجبرين بخاطري موو

_لا و الله اني ما اغسل هيج
اغسل شكو شي كدامي

_الله يساعدج اني هم اذا اتعب اغسل كلشي كدامي

مناسك _رغم مدحتها بس ما انطت بيه شنو احجي الها هيه تجاوب بحنيه اكثر

لليل سائد طلب من جاهد يوصلهم

بتول _لا و الله ما يحتاج هسا اخذ باص واروح تعلمنه بعد

سائد _لا الدنيا ليل يلا ابو ليلو

جاهد _اي اي يابه يلا

مناسك _ تشكرت من عدنه وطلعت

سائد _شنو الاخبار

مياسه _البنيه من كد ما محطميها تخاف حتى من ينفتح الموضوع

مناسك _ رفضت رفض قاطع فكرة الزواج

صليل _اقنع صاحبنه ونروح نخطب حالنه حال الناس قبلت خير على خير رفضت كسبنه شرف المحاوله

سائد _اني الفكره كلها معاحبتني هنوب اروح اخطب وترفض جاهد مستحيل

صليل _تره جاهد مو نثية وتتعب نفسيته من ترفضه

_صليل جاهد تعبان ابو البنتين مو مال انزيد همومه بس حتى نكسب شرف محاوله

صليل _ كمل ليشش ما تكمل سائد هووو يطبخ البناته هو يغسل ملابسه هوو يدرس بناته هو يكنس ويمسح وينظف وهو تالي الليل ينام وحده محد ويا
تره انا اتعارك وي مياسين خمس دقايق وتروح تكعد بالبلكوو تطلع الدنيا من عيني شلون
اذا وحدي اتهستر والخلق الكون بست ايام

سائد _ اني مالي دخل اكعد وي صاحبك وحاجي
اني خايف بس عليه وعلى البنيه

صليل _ خلي يجي واطيح حظة

مناسك _ وفعلاََ بس رجع جاهد صليل گله
ما تخطبها شتنتظر

جاهد _ عمي هاي خالة بنتي شلون اخطبها
وبعدبين شگد بعد اعيش حتى اربط روحي بمراه خليني هيج مرتاح

مياسين _بس من تشوفها تفرح وتلاشيها وتضحك وياها ليش ما تزوجها و تفرح كل حياتك

حاهد _اني والفرح خطين متوازين

مناسك _ انت يا خويه مسوي هيج بروحك اذا تشوف روحك تكدر تعيش وياها مرتاح بدون جروح الماضي اخطبها وهم منها انت ترتاح وياك انسان بالبيت يفهمك يسولف وياك يرد هاي الوحشة عنك
وهم تعوضها عن الصار كله

جاهد _ والعقد النفسيه يا خوي وين اوديها
خليني اشاركها بيني وبين نفسي افضل

مناسك _ محد خالي من العقد الي شفته كلنه شفنا
وهذا اخوك لو عصب يطلعنه احنه ابشع ناس
وينزل الدوله والعشيره ومن يهدأ يجي ويسولف ولا كأنوا اكو شي واحنه متعايشين قابل اني اوكف على هل عركات بالعكس هاي حياتنه واحنه كلش حابيها واني داقرا قصص على النت والله لو تشوفون بلاوي الناس تهون بلوتكم

جاهد _ وليلو شنو اكلها

مناسك _اطلع وياها طلعه حلوه واشرحلها كلشي بهدوء علي خالتها مثل ما كتلها امج ماتت بهنكاريه وهناك دفنوها انت قادر توضح الصور بدون ما تأذيها ولا تأذي نفسيتها

جاهد _ واذا بتول ما قبلت بيه

مناسك _مو نهاية المطاف بالعكس على گولت صليل نكسب شرف المحاوله

جاهد _ يعني اتوكل على الله

مناسك _طبعاََ ومن توكل على الله فهو حسبه

جاهد _ونعم بالله

صليل _ يعني صارلي اشهررر انطح بهذااا الموضوع مثل الينفخ بجيس مزروف
وهسا بخمس جمل من نيزك قنعتتتت

سائد _ ولك اني خايف هاي طلعت بهذا الهدوء تضحك عليه وتخليني اوافق بالي تريده

مياسين _ فاتج مناسك شلون جانو يباوعولج وانتِ تحجين

مناسك _هههههههههه ع الاقل اني اسعدد ناس موو مثلك يا ابو السان صلييي

صليل _ والله سباعية عحبتيني هههههههه

سائد _ مريتي سباعية ممتن الربي ساعة الجابها الي وذباها بنص گلبي

مناسك _ الحمد لله وشكر اني هم اشكر ربي لأن رزقني بيك

جاهد _الله يخليكم البعض هسا شسوي

صليل _هسا شير روحك اقصد اقصد حضر روحك

مناسك _ لزمه جاهد من ركبته ودك راسه بالارض يمته تجوز من سوالفك

صليل _ انا بريئ

جاهد _هههههههههه بطل سوالفك مره لخ

صليل _ ان شاء الله اسولفلك وياها

سائد _ غاسل ايدي منك اني هههههههه

صليل _هو اني غاسل ايدي من نفسي يكلي غاسل ايدي منك اغسلها بقاصر هم
وانت ولك ستعجل جايه العطله الصيفيه خلينه كلنه نسافر نتونس

جاهد _اسافر وياج صوله لاا شكرََا اني تبت منج

مناسك _ وظلو يتناكرون كالعادة وصليل الي يفوز اكيد

ايام و جاهد عزم ليلو بمطعم هيه وبتول وليا سكتها بلقاء وي العم صليل
والبنيه كلبها رهيف تترك كلشي الخاطر صليل

جاهد _ شرايج بالمطعم حلو

_يجنن بابا بس لويش مجبت ليا ويانه

_عندي موضوع وياج بس انتظر شخص يجي

ليلو _منو؟؟

جاهد _صبري هسا تجي
هياتها شوفي وصلت

بتول _السلام عليكم اعتذر تأخرت بس الحد ما وديت وجدان يم مناسك واجيتلكم

ليلو _احلى مفاجئة

جاهد _ شگد تحبين خاله بتول

ليلو _هواي كلش هواي

بتول _واني اموت عليج

جاهد _ اني حاجيلج عن عائلة ماما رحمة وكايلج همه عائلة كلش حلوه بس اني من طلعت بعد ما عرفنه نوصللهم مو صحيح

ليلو _ايي صحيح

جاهد _ واني كدرت اوصل الاهل امج والتقيت بخالاتج

ليلو _صدك ووينهم اريد اشوفهم

جاهد _ كدامج كاعدين خاله بتول هيه اخت ماما رحمة
بعدني ما مكمل كلامي كامتلها وحضنتها وظلت تبجي

بتول _لا تبجين اميرتي اووف كتلك منكلها جاهد ما ردت اشوف هاي الدموع

ليلو _بالعكس اني كلش فرحانه لأن انتِ خالتي
اني كلش فرحانه لان انتِ اخت ماما اني هواي اشتاق الماما واتمناها ويانه
بس رب العالمين اختاراها لأن هيه طيبه وحلوه

بتول _ صحيح كلامج مسحي هاي الدموع واني فرحانه بيج اكثر
بس اني ما ردتج تعرفين علمود لا تبجين

_هاي دموع الفرح

جاهد _ عيني بنتي تعرف دموع الفرح

بتول _ ما نريد لا دموع حزن ولا فرح اريد نعبر عن فرحنه بضحكه تنور هذا الوجهه الحلو

جاهد _ ومدام عرفتي بتول خالتج وجدان يعني شنو

_اكيد هم خالتي

حاهد _ عفيه كعدت على حضنها وكل شوي تبوسها

ليلو _تعاي يمنه اليوم ظلو يمي اريد اخابر ناز و زينب واكلهم صار عندي خالات ثنين مو بس زينب عدها اربعه وناز تكلي خاله مناسك خالتي

بتول _هههههههههه تعاي انتِ يمنه وخابريهم

جاهد _ شرايج لو خاله بتول اظل طول العمر يمنه
باوعتلي بترقب

ليلو _الله ياريت

جاهد _توافقين

بتول _بشنو اوافق

_تظلين يمنه طول العمر

بتول _ اكيد اوافق اني راح اظل يمها طول العمر وقت ما تحب تشوفني اجي عليها

جاهد _بابا ليلو روحي جيبيلي كلاص ببسي اكبر حجم وتعاي

ليلو _ايي بابا

جاهد _اقصد اظلين يمنه ببيتنه

بتول شلون مدافهم؟؟؟

_اذا خطبتج توافقين
خذت جنطتها وطلعت بدون ولا حرررف
عرفت ما راح تقبل

ليلو _لعد خاله وين راحت

جاهد _ اتصلو بيها وطلعت مستعجله يلا نرجع
رجعتها للبيت ورحت البيتها خابرتها ما ردت
دزيتلها مسج اني يم باب العماره

شوي ونزلت
اني ما اريدج تضوجين بس دتشوفين اني عايش وحدي وانتِ هم وبنتي تحبج كلت ليش لا

بتول _ انا اعتذر منك طلعت بدون ما احجي ولا كلمة بس اني هذا الموضوع يرعبني

جاهد _انتقمي اتخذي الموقف انتقام هيه موووو خذت زوجج منج اخذي زوجها وبنتها منهاا

بتول _الله يرحمها الموضوع مو هيج اني شسوي بأنتقام اني الخاسر بي هيه بعد ماتت وراحت وما تجوز عليها غير الرحمة
واني ما تركت العراق و اهلي وناسي حتى اوكع روحي بمصيبة اكبر اني كبرت مو مال واحد يأذيني ويهيني اني اريد بيت هادء يلمني واعيش بي

جاهد _ اني ما راح اكلج راح اعيشج افضل عيشه ولا راح اكلج اني افضل انسان بالعالم
بس راح اقدملج هذا البيت الي تردي

بتول _ خلي كلشي على صفحة وجاوبني بصدق
شنو يضمنلي طلبك مو الخاطر الشبهه الي بيناتنه

جاهد _.....

بتول _ لا تدخل نفسك بمتاهه انت مو كدها يجوز انت شفت شكلي يشبهه بس اني اختلف عنها اختلاف جذري رحمة محبوبه وتنحب بسهوله
بعيداََ عن كلشي صار
اني انسانه جامده بارده
رحمة ذكية ومتكلمة اني لااا

جاهد _ليش طايحة من عين نفسج

بتول _هااي الحقيقة والدليل حتى زوجي طلكني الخاطرها

جاهد _.....

_اني كتلك خلي الذكريات الحلوه افضل بس انت دتحاصرني لا اكدر ارضه بالدتسوي ولااكدر اعبر واجرحك و اجيب اختي بكلام ما يليق بيها وهيه متوفيه

جاهد _ اني ما انكر حبيت شكلج لأن تشبهيها
وما انكر اني عندي عقد بس ما انكر من اشوفج افرح واحسج غير عن كل الي صار بحياتي
ما راح اكلج حبيتج لا اجذب عليج بس نجذبت الج وهماتين ليلو حبتج

بتول _ اني يم ليلو وقت ما تردوني اني موجوده حتى لو نص الليل اجيلها بس ما يحتاج اقبل بعرضك حتى نكون منها بهذا القرب ونأذي نفسنه
اني انسانه ما تجاوزت ماضيي
و انت تريد الماضي يرجعلك عن طريقي واني ما اسمح بهذا الشي

جاهد _ حقج
ترخصت منها وطلعت البيتي

مناسك _ سولفلي سائد شنو سوت بتول وي جاهد

سائد _سباعية كلامها صحيح

مناسك _الله يسعدها
فتره وسمعنه زوجة سيد علي خاطبة بتول الحماها جان مطلق وهم رافضه
وبعد ولا اجت للحسينيه وولا وصلت
نسمع اخبار بتول بس من ليلو
وجاهد مرات يشوفها من يوصل ليلو الها
نهاية الاسبوع صارت سم على جاهد لأن ليا تروح الامها وليلو تروح الخالتها
ظلو الولد بالعطل ياخذون ملابسهم ونركيله ويرحوله

مياسين _ راحو يم شريجتنه

مناسك _هههههههه خطيه يخافون عليه يضوج

مياسين _ساعات اغار من حب صليل الجاهد
ولج يفكر بي اكثر من عدنه

_عاش ويا سنين بالحلوه والمره شايفه المسيح من
يعقدون يگله بالسراء والضراء
هذا جاهد والولد

مياسين _هههههههههه اي و الله بالضبط

مناسك _ بس صليل ما سكت
انتظر الوقت المناسب وفجر القنبله عزم بتول وعزمنه وبنص الگعده گال

صليل _ليلو ليا شرايكم لو بابا جاهد يزوج

ليا _بسسس اريد عراقيه

جاهد _هااا بديت تجفص صليل

ليلو _ياريت بابا يزوج علمود تطبخلنه لأن بابا طبخة مو طيب

جاهد _نعله على روحة اليطبخلكم بعددد

صليل _وشرايكم لو نخطبله خاله بتول

مناسك _ عم الهدوء بالمكان لو يذبون ابره نسمع صوتها

ليلو _الله خاله تقبلين ياريت تصيرين انت زوجة بابا

جاهد _ هذاا مو شقه صليل

صليل _لا مو شقه منو كلك داشاقه
احنه رايدين بتول الك و اريد نسمع رأيها

بتول _ بتسمت بوجهه ليلو
اذا ع طبخ اني اطبخلج يوميا واجيبه

صليل _ احنه اريدج زوجة الاخونه لأن انتِ مؤدبه وخلوقه ونتمناج اله مو حتى تطبخين و تخدمين اريد يكمل باقي عمره وي انسانه مثلج

بتول _منو كلك اني زينه مثل متشوف

مناسك _طلعت من البيت هيه ووجدان وما تركت محل للنقاش وجاهد زعل من صليل

سائد _ السويته غلط

صليل _لاا مو غلط وهسا تشوووف

ليلو _اني اقنعها اني احجي وياها

صليل _وهذا الاريده بنيتي

ليا _اني هم اروح وي ليلو و اقنعها

_عفيه عليكم

........

جاهد _ رجعت للبيت ليلو وليا دخلو الغرفهم سويتيلي اكل و شفت طوبه بس بالي يمها دخلت للغرفه وراسلتها شافت المسج بس ما جاوبتني اتصلت مره مرتين ياله ردت
لا تضوجين صليل هو هذا طبعه

بتول_ من مساع الهسا ليلو تحجي وياي
تقنعني هيج زين؟؟

جاهد _ اني احاجيها باجر وافهمها الولد لأن حبو اخلاقج و اسلوبج سوو هيج

بتول _ منو كلك اني زينه اني بكت ذهب امي ونهزمت بعد اكوو ابشع من هيج لا تقيسون بالي تشوفو

جاهد _.....

بتول _ مو سولفت وضحكت وياكم معناها اني زينه بالعكس اني بنص الليل خذيت صندوك الذهب كله بدون ما اخليلها ولا شي وخذيت اختي ونهزمنه الاربيل وبعته كله ونهزمت بي لهنا وصللهم هاي الرساله هسا يبطلون من موضوع الزواج

جاهد _ سديت الخط منها ما اعرف شنو اسوي شنو اكول عنها سوت هيج حتى تعيش لو هيه مذنبه مسحت رقمها وحضرتها على الفيس و سديت التليفون ونمت

........

مناسك _ سحبت القرض و شترينه المهدي سياره حلوه كشخة وهم يشتغل بيها وخاصه ببغداد يم المولات يگول الناس تريد سياره كشخة ويكول الشغل زين وفرحان بيها و كل ما يتصل يتشكر مني واني ما يزيدني هذا الا فخر بنفسي لان فرحتهم

قرر سائد بالعطله امي واخواني يحجزون للامارات وبالامارات نشوفهم رغم هو مجان عاجبه يروح بس محبور اني جبرته

صليل _انتو روحو للامارات واني وعائلتي حابين نروح لكرستيان ساند

مناسك _ صليل گال كرستيان ساند وسائد ثار

سائد _محد يوووصل الذاك المكاننن جماعة حبيب كلهممممم هناك انتوووو ليش تردوووني انجنننن

صليل _ مووو كافي سكتنه عن حبيب الخرا هنوب ما نروح

سائد _غصباََ ما عليك تسكت انت ما عدت وحدك عندك عائلة واطفال واحنه مووو اقوه منهم وخاصه هسا اليوصل كرستيان ساند انعل والدي من الاخيررر سمعتنييي

صليل _اريد اونس الجهال وووين اوديهم

سائد _ اني ما احب السفرات الجماعية بسبب الصار بس اني احجز اللامارات و انت هم احجز بس وراي بأسبوع تجييي نظل هناك سبوعين نتونس ونرجع

صليل _هاي مو عيشة

سائد _ يعني انت بعد الشفته كله ما اتعضت

_ عمي قابلين خلاص قابلين

مناسك _وبهاي الطريقة طلب منهم سائد موضوع كرستيان ساند ما ينفتح روحو الكل مكان الا محافظة حبيب و جماعة النظام السابق
وهو يصر على كلمة احنه ما عدنه ابحدنه احنه ويانه اطفالنه وهذا اول شي تخافون عليه
ونسدت كرستيان ساند وحجز صليل للامارات احنه نوصل اول و ورانه ب اربع ايام يدخل صليل ووره صليل بيومين يدخل جاهد
عيشنه برعب من السفرات الجماعية
كله هذا يهون بس اشوووف امي واخواني
زوج هناء اجه وياها وما قبل ياخذ اي فلس من دزيته هو گال اني اسفر عائلتي
و سهاد زوجها دزلها فلوس واني ساعدتها لان السفر غالي وهمه عدهم اطفال
البنات يوميا يخابرني يريدن بس يجي يوم السفر ما فرحانات بشوفتي لااا يردون يشوفون برج خليفة و يراوني الملابس الي شترنها يخبلن
صعدنه الطياره من اوسلو للامارات الدبي
امي جانت طيارتها بالليل واني وصلت الصبح حجزلنه سائد فندق واني ولا طلعت ولا اكلت اريد امي توصلي الدنيا كلها ما شايفتها بعيني
بس سائد گلي مهدي داز رساله الي و كاتب الطياره تتأخر ساعتين شصار بحالي متت

سائد _اني طالع اجيب اكل واجي

_شسوي جايب الاولاد واكلو

ميخالف تجوعين بالليل عود

مناسك _طلع وهواي اتأخر ظل بالي يمه
الحد ما نفتح الباب وشفته كطعت النفس وين رحت ظل بالي عليك

سائد _تعالوو

مناسك _ وكفت امي وسائد مغطي نصها وخرته ورحتلها تعااي تعااي دخلي هاي امي سائد امييي صارت بين ايديا بستها من ركبتها شميتها امي رحيتها نفسها ما انفطم من هاي الريحة بستها من راسها الحد رجليها
وهيه سوده عليه تبجي

هاله _ يمه مسك صدك عايشه وصدك شفتج يا يمه

مناسك _اييي اني عايشه و اليوم شفتج
اجوي خواتي يحضنون بيه ويبجون
و هناء وسهاد وولدهن فدوه الله كبرت عائلتنه اكثر واكثر سلمت على زوج هناء هو ابن عمي سيف بس شلون ولد دره مالت الله مثل عمامي

باوعت المهدي واكف بعيد ما تجي الاختك

مهدي _ استحي هههههههه

_ههههههههه رحتله اني وحضنته هو اصغر مني بهواي بس اطووول مني بهواااي باسني من راسي
و تشكرني على كلشي

_لا تكول هيج هذا اقل شي اسوي الك و الامي

مهدي _ الله يخليج النه

مناسك _لكيت ولدي كاعدين بحضن امي هذا الطول كله وانتو بحضنها

عمر _يوم تشبهج

_هههههه اي هاي امي عيني اليوم ترحون تنامون يم ابوكم واني يم اميي كلمن يروح الاهله

سائد _نسيتينه

مناسك _ لا انتو نص الگلب وهمه نص
كعدت يم امي اباوع لعيونها الوجهه الكبران ابوس بألايدين المتعوبه

هاله _ من وصلني خبر خواتج وغيابج كلت بعد ما تدخل فرحة البيتي رغم اخوتج حواليه وهذني
ما تزوجن الخاطري بس من تصلتي انتِ احس الله جبر بخاطري جبر بكلب ام نلجم هوااي

_اني الي الله جبر بخاطري يوم سنه كاملة واني اسال الناس التدخل انتو منين انتو وين والجاي من بغداد اكله انتو من الكماليه سنه كامله اباوع بالوجوه واكول هاي العيون شافت امي لو لا هنيالكم انتو تهربون الهنا واني اريد اهرب للعراق واشوف امي واكحل عيوني بشوفتها الحد ما الله فرجها وجبرني وفرحني وانطاني حتى رضاني

_الحمد لله

مناسك _اباوع الارا و هدير لابسات ملابس تخبل
وهاي هدير اللوتية ضعفانه شسوويتي ولج

هدير _اني من سمعت بيها برج خليفه كلت لازم اضعف هههههههه

مناسك _ههههههههه هسا بس ترتاحون وين ما تردون اوديكم

لارا _ اريد اروح البرج خليفه واطكطك صور هواي حتى اروي صاحباتي

سائد _اخذج وين ما تردين واني اصورج بعد شتردين

هاله _وانتن ما تردن ترحن البرج خليفه

هناء _لا اريد نكعد وياج ونسولف اريد نعرف كلشي عنج

مناسك _ يا بعد عيوني هاي العيون الحلوه

وانتِ ولج سهيده

سهاد _ اني تعبت بهاي السفره روح محكمة و تعال من المحكمة الحد ما صارت توكيل سفر الجهالي
فـ اريد اشبع منج لا اريد اطلع ولا اريد شي

مناسَ _ حضنتهن واذكرت الايام السابقه من جنه نكعد بنص الليل بالطرمة ونخاف نباوع للسياج نحس اكو شي واكف يباوعلنه

اما زوج هناء ظل يسولف وي سائد شلون صار هذا كله
اول شي سوا سائد طلب من جهال يرحون للغرفه الخ و ظل يحجي سائد بس ما جاب طاري النظام والصار اختصره بطريقه لا تهينه ولا تهيني
الولد هم بس حب يفهم السالفة

سائد حجز سويتات سويت الي اني واهلي وسويت صار اله والزوج هناء
لأن البنات ماقبلن يرحن يرحن بغير مكان
صار الليل وجهال نامو و امي حطتني بحضنها وظلت تحجيلي

مناسك _گليلي شلون دبرتو العيشه من ابويه مات

هاله _عمامج ما تركونه بالعكس كل سبوع يجون ويجيبون المسواك و يسألون علينه و يجيبون الحليب الاخوج والملابس ما قصرو

_الحمد لله

هاله _ وطلبت من عمامج يجيبون البنات ما قصر عمج سيف جابلي هناء وزوج سهاد هم
بس حنين وساره راحن راحن بدون ما اشوفهن

مناسك _ لا تبجين كاافي بجي ما مليتي من الحزن والتعب راحن يم الاحسن منه الله يرحمهن برحمة الواسعه شهداء شنو ذنبهم نهزمو من الموت و المووت لحكهم

هاله _عبالج بس كتلوهن هنه وجهالهن لاا وخلصو عليه اني تره لا تشوفيني اضحك اني كلشي بيه طفه

مناسك _ يعني هساا انتِ ما فرحانه

_هههههه لا والله فرحانه تعاي تعاي الحضني يا بعد الدنيا كلها وانتِ هديره امشي ولي لا بارك البيج مجلبه بيه عبالك طفله

مناسك _تذكرين من عبالها ابوي راح يزوجها شسوت كلبت الدنيا

هدير _اني ما اترك امي بس الموت يفرگ بيني وبينها

هاله _اسم الله عليح بس اني باجر رايحة وين ترحن انتن اظلن زوجة الاخو تلعب بيجن لعب

لارا _يعني ثنين على وحده وما نفوز هاي شلون
نكطعها تكطع غير

هناء _بالله هسا هدير ونعرف ليش ما مزوجة انتِ ليش

لارا _ما لكيت ابن الحلال البي خير لو يجيني الحافي المنتف لو المطلك شبيه يعني ازيد بؤسي بؤس

مناسك _اووي عيني بؤس

لارا _اريد رجال بي حظ اكلج مناسك رجلج ما عنده اخ شي

_لا هو وحيد اهله ههههههه

لارا _يا حسافه والله

هناء _حجيلنه عن زوجج شوي خوش وليد لا

مناسك _ هههههههههه سائد ورده
ما اعرف شكول عنه هذا قصيده بحد ذاتها

هدير _غيرت رايي زوجوني

مناسك _ههههههههههه

هناء _الحمد لله يعني عايشه ويا مرتاحة

_كلش الف الحمد لله بس اذا عصب يلعب بالبيت جوله وبعدين يرجع كلشي تمام

هناء _كل الزلم العراقيين هيج

مناسك _بصمه خاصه بيهم هههههههه
يوم وبيبي شلون ماتت

_من عرفت بخبر ابوج نقهرت وضربتها جلطه و وتشللت وصارت الحاجتين جواها
عمامج رادوها بس نسوانهم ما رادوها ورجعت عليه اني خدمتها سنتين ما اذيتها بس ما اسامحها طول عمري على سوته بيه وبيكم
طلبت مني اسامحها بس ما سامحتها

_الله يرحمها

_الله يرحمها هيه وربي تجازه على سوته بيه

مناسك _وصلت مياسين و صليل
حضنت امي وخواتي وعبالك خواتها َبسرعة اندمجت وياهن

صليل _ هذني خواتج كلهن

_ايي

_خاله شنو جنتو تلعبين انتِ وحميد شفت صباحي وشفت مسائي

سائد _بعدددك ما وصلت ولك

هاله _ يمه من ضيم الحال جبتهن لو عليه ثنين كافي شلون هسا انتو والله يمة تعب وهم الجهال

هدير _يعني جان هسا احنه بخبر كان

مناسك _هههههه باعتنه بسرعة

هاله _لا لا انتووو كل روحي والله بس الخلفه يرادلهم كلشي

سائد _اي و الله يوم كلشي يرادلهم خلك و فلوس ووتررربيه اهم شي

_اي و الله يا بعد امك

صليل _ اكلج انتِ تدورين الجاهد عروسه وعندج ثنين

مناسك _هذني مسويات ضراب كلشي ولا الزواج ابوي الله يرحمة عقدهن
تقرب مني وگلي تمنيت ارجع للصحراء ويجيبولي ابوج ليلة وحده

مناسك ه_ههههههههه الحمد لله ما طاح بأيدك
يومين واجوي بيت جاهد و البنات تونسن وي خواتي وخاصه ليا كلش اجتماعية عكس طباع امها وتحجي وياهن وتسولف عبالك بعمرهن

هدير _ واخيراََ صارت عندي لائحة بأجمل ايام حياتي هاي اجمل ايام حياتي

مناسك _ربي يدومها علينه كلنه

_امين يارب

مناسك _ ماما ليلو عليمن دتتصلين

_اتصلت بخاله اريد اطمنها بس هاي رابع مكالمه و ما ردت عليه

جاهد _بابا يجوز مشغوله

ليلو _رايحة للحمام اذا اتصلت انت طمنها

جاهد _تمام روحي

مناسك _ بس دخلت للحمام اتصلت عليها بتول

جاهد _الو السلام عليكم

بتول _وعليكم السلام بتول متصله ليلو عليه اربع مرات خو ماكو شي

_لا بس رادت اطمنج احنه وصلنه

_الحمد لله على سلامتكم

_الله يسلمج

بتول _جاهد فدوه دير باك عليها

جاهد _هاي بنتي اكيد ادير بالي عليها

مناسك _سد الخط وخله التليفون يمه وكل شوي يباوع للتليفون
بالليل حجت وياي ليلو وكلتلي اني داقنع بخاله على بابا واحسها شبهه قبلت بس بابا ابد ما يفتح موضوعها شنو اسوي اريدهم يزوجون

مناسك _ يعني انتِ ترديها

_اي و الله ياريت خطيه خاله عايشه وحدها وبابا هم وحده

_خليني اشوف عمو سائد وبعدين نقرر شنو نسوي خوش

_خوش

مناسك _ احسها فرحانه بالموضوع كلش
حاجيت سائد گال صيحيلي ليلو
جبتله ليلو واجيت

سائد _ طفي تليفونج وگولي تليفوني عطل او اي سبب طلعي واتصلي على خالتج من تليفون ابوج وتواصلي وياها عن طريق تليفون ابوج

_خوش

مناسك _
طلعت البنيه اذكى من عدنه بالاجهزه خلصته شحن وكلتله مكان الشاحن عطل واريد اخابر خالتي منك
جاهد _ ما عندي رقمها

مناسك _اني انطيج الرقم تعاي
شغلنه تليفونها وطلعنه الرقم واتصلت بيها من وتساب جاهد والصوره الخالها جاهد على الوتساب اله كلش حلوه كتلها لا تغيرين الصوره احنه البنات نراقب هاي التفاصيل هيه بتسمت

_هااا شكوو

_لا هيج ماكو شي

مناسك _ظلت تراسل خالتها من تليفون ابوها
وبالليل ترجع التليفون الجاهد
وهنا جان دور سائد يشوفلنه جاهد شنو يسوي

سائد _ شسووي داخل على محادثتهن

_اشوفها شنو تحجب وي بنتي

_شنو تخاف منها

_ الي تبوگ ذهب اهلها كلشي تسوي

صليل _بيك بخت بهذا الزلمه النايم يمنه جان عفطت هسا عفطه تهز هذا الفندق هز
اذا هيه بايگه ذهب حتى تعيش انت كتلت حتى تعيشش من اجيت وتريد ترجع مناسك السائد كلت
كلمة حلوه بس انت اطبق علينه وما اطبق على روحك
كلت الي سونه هنه لا شيء يم الي سوينا احنه
فـ لا تنسه الي سويته البنيه تكلك يضربوني ويأذوني طبيعي تسوي هيج اصلاََ اني احييها
شنو واحد يخلص عمره ينضرب وينهان

جاهد _ تبوووك ذهب اهلها هذا الصح

سائد _فعلها مو صح بس هيه من الظلم هيج سوت والبنيه ما ضمت عليك بالعكس اعترفت على روحها وكلتلك اني هيج وهيج سويت بعد شنو هذا الحجي الزايد

جاهد _......

سائد _اطلع من المحادثة عيب عليك

_طلعت طلعت

مناسك _ عشت وي امي ايام نسيت كلشي حتى ولدي نسيتهم كله يم ابوهم واني لازمه بأيدها وعايشه حياتي من ندخل مطعم اكعد كدامها اوكلها وتوكلني و من نطلع لازمة بأيدها ما اتركها وهيه ما تنزل عينها من عليه
بس الايام الحلوه تطير طيران وصار لازم نرجع للنرويج وهيه هم ترجع
كرهت هذا اليوم ما اريد افاركها

مهدي _ ما بقالي شي واتخرج واشتغل واجيبها الج يمته ما تردين

_يا بعد كلبي يا خويه دير بالك على دراستك كلشي ما نريد منك بس الشهاده

_حاضر

مناسك _يشبه ابوي بس الحنية الشايلها مووو طبيعيه حبيبي ودعتهم واحس ظليت يمهم ورحت وياهم وما رجع للنرويج غير جسدي

سائد _نسيتيني بهاي الايام

_هههههههههه ميخالف تحملني بعد راح نرجع احنه
وهناك ارجعلك

_تونستي فرحتي

_كلششش

_الحمد لله

_حبيت عائلتي لو لا

سائد _كلشي ينتمي الج اني انتميلة

_حطيت راسي على جتفه وهوويكرص بخدي
احبك

_واني احبج يا طيفي

_ مستحيل سائد يگلي واني هم لازم يگول واني احبج لازم يذكرها للكلمة مصحوبه ب يا طيفي

رجعنه للنرويج
و بس ارتاحينه سائد اخذني واخدنه ليلو و رحنه البتول وطلب ايدها مره لخ الجاهد

ليلو _فدوه خاله قبلي قبلييي

_انطوني مجال افكر

سائد _الج يوم واحد بس اريد نفرح بصاحبنه

_هههههه ان شاء الله خير

مناسك _ رحنه بدون ما جاهد يعرف
لأم سائد ما يقبل ترفضه وهو يضوج لا سواها سكيتي خطبة غريبه
بس هاي المره بتول وافقت على جاهد بعد اصرار من ليلو

جاهد _ومنو كلك اني موافق

صليل _ ادري بيك وفي بس اني تزوجت بعد شوف حياتك

سائد _هههههههههههه هاي قويه

صليل _ اعجبك يكلك منو كلك اني موافق ولك انت نايم بمحادثتها مسوي الاحرف مخده وفراش هسا تگول منو كلك اني موافق دنجبببب

جاهد _لا تنسه انييي اكبر منك

صليل _ ولأن اكبر منك اني بس كتلك انجب لو مو اكبر جان عفطتلك

سائد _ صار عندي فضول اسمع هاي العفطة

_من يزوج جاهد الناس تهلهل واني اعفط

مناسك _و عقدنه الجاهد بالحسينيه من شروطها اختي وياي وين اروح وياي
وجاهد _اصلاََ ما علق علي هذا الموضوع كلش تقبله
وسوينالهم حفله صغيره بيناتنه بتول اشترينالها فستان طويل ما قبلت تلبس ابيض گالت جيبولي نيلي اسود ما اريد ابيض

مياسين _جيبي الاسود هيه بيضه تطلع تخبل

مناسك _انتِ مخبله هذا فررح مو حزن ونلبسها اسود

مياسين _عوفيها تلبس اسود خلي جاهد يتخبل عليها

مناسك _ وصدك اشترينالها اسود الناس بالحسينيه حجت بس احنه غلسنه سوينالها تسريحة بسيطة شعرها يخبل و حطينالها مكياج بسيط طلعت تموووت بس ليلو طلعت ومن رجعت دمعتها بعينها رحت يمها بيج شي صاير شي

ليلو _ الياس هواي ديضايقني

_شبي

_يگلي فستانج قصير انتِ ما تستحين اخلاق ما عندج الي بعمرج هسا تحجبو
خاله اني ١٦ سنه ويني وين الحجاب

_حضنتها وبستها اني احاجي عمج واخلي يطيح حضه الج

_لا عمه فدوه لا تحاجي هنوب تصير مشكله

_ههههه فداوي للبنات

جاهد _ اخذتها ورحنه للبيت

جاهد _طبي برجلج اليسره

_ليش؟؟

_مو قبلها طبينه باليمنه وطاح حظنه هسا خلي نعكس السالفه

بتول _وهاي رجلي اليسره

جاهد _نورتي بيتج

_شكرََا

سائد _راح اظلين واكفه وبالحجاب

_لا بس وين غرفتي

_ هذيج الي على اليمنى

_هسا بس ابدل واجي

جاهد _اني راح اظل بالصالة من تبدلين تعاي

_خوش
بتول _دخلت للغرفه هاي اول مره اشوفها
حتي من شتريت ملابسي ما اجيت اني رتبتهن مناسك خذتهن فتحت الكنتور ووي كل شغله اسويها اذكر عرسي الاول
مناسك مرتبه قمصان النوم جريت قميص طويل مو مستور بس استرهن لبسته و رتبت شعري وجريت حجابي غطيت زنودي وطلعت

جاهد _ تعاي

بتول _گعدت يمه بكل هدوء جراني الحضنه وراسه متجي على القنفه

جاهد _ يعني اكو وحده اليوم عرسها لابسه قميص النوم وفوگه حجاب

بتول _ ههههه مو شوي فضيحة من فوگ

جاهد _ههههههههه عمي خليج ملحفة ماكو كل شكال بس

بتول _باوعلي و گلي

_واذا ردت ابوس شفايفج منين اخذ اذن

بتول _.......
لزم حنجي وباسني بخفه

جاهد _ ندخل للغرفه

_بكيفك

_اذا بكيفك اني مستعجل

"" ضمدي جروح قلبي بصبرك ""

بتول _ وبدت حياتي وي جاهد

اولويات حياته بناته وبعدها صحبانه هنوب اني واختي
ايي فعلاََ جاهد ما قصر وي وجدان مثل ما يعامل بناته ويشتريلهن يسويلها وهذا جان اهم شي عندي

علاقتنه بارده ايي هواي بارده

جاهد _ وين بتول

بتول _هياتني بالمطبخ

_الله يساعدج جبت الي تردي ورايح يم الولد

_الله وياك بس يمته ترجع

_من تخلص اللعبه فاتحين مقهى شعبي يم بيت صليل يظم كل الناس من كل الدول علمود كأس العالم والعراقي حاشك روحة بنصهم

بتول _ههههه مو انت تگول يحب الگهاوي

_ايي يموت عليهن ذابين صرته بيهن

_هههههه روحو تونسون
طلع جاهد الحد نص الليل رجع اطمن على بناته
و حضني ونام

عشت ويا بهذا البرود لأن اني جنت متوقعه ما راح ينطيني اكثر وحتى الزواج هذا هيج شكليات احسه تعدت اشهر على زواجنه والبرود كل ما اله يزيد
ثليج بيني وبينه

جاهد _ باجر عازمينه بيت سائد ترحين

_اي اروح رايحة احضر ملابس البنات واجي

_روحي

_حضرت ملابسهن رتبت شغلاتهن اجيت لكيته نايم اني هم ظليت اكلب بالتليفون شوي ونمت
الصبح كعدت سويت الحلويات وسويت صينيه بقلاوه حضرت كلشي و بدلن البنات ووجدان
واني هم لبست بنطرون عريض و قميص طويل وفوگه الكوت باوعلي معاجبة اللبس
اكو شي

جاهد _مو البنات يلبسن فساتين طويله وعريضه ليش ما تلبسين مثلهن

_يعني الي يسونه البنات اني لازم اسوي؟؟

_لا بس استر

_مو شكال اكلهم منين يشترون و البس

_وحجابج هم غيري هذني الشالات صغار لبسي حجاب مثلهن

_......

_ليش ساكته تره كلامي موو غلط

_لا مو غلط تدلل

_وليش تحطين مكياج من نطلع مناسك ومياسين ما يحطن

_ بعد شنو يسون حتى اني هم اسوي

_لا بعد ماكو شي

بتول _اخذ البنات وطلع اني خذيت الاكل ونزلت

مناسك _من يدخل جاهد للبيت وي زوجته اشوف فرحة سائد تغمر البيت
بس من دخلت بتول ضايجة

تعاي للمطبخ

مياسيت _هااا توله شلونج

_الحمد لله بخير انتو شلونكم

_الحمد لله شبيج شو ضايجة

_لا ماكو شي هيج سوالف مزوجين

مناسك _ والله حتى سائد امس من رجع ناسي القمصله وكلب الدنيا شلون ما تنطبني القمصله من اطلع

مياسيت _احنه صاحبنه اذا ضاج يطلع الاغاني ويكعد بنص الصاله يطك اصبع

بتول _ جاهد ضايج لأن البس هيج يريد البس مثلكم عبي اذا تعرفون مكان اشتري منه ياريت تساعدوني

مناسك _ام سعود كل فتره تروح للكويت بناتها هناك نوصيها تجيبلنه قبل شهر رجعت ووصيتها على عبي شوفيهن اذا عجبنج اخذيهن

بتول _لا اني اندل بيت ام سعود اروحلها واكلها

_براحتج

مياسين _هم تعبان جاهد عبالي بس العدنه

بتول _ ماكو واحد كامل

مناسك _ من تدخل الحد ما تطلع تشتغل وما نسمعلها الحس بس ويانه تسولف وتضحك
و جاهد من يباوعلها معصب وضايج
عبالك بينهم مصيبه مو سالفة عباية

يوم بعد يوم بتول ذبلت
تجي تحجيلنه عن بروده وعن اسلوبه الجاف وياها واحنه نصبرها ونزودها بالطاقه وترجع البيتها وجاهد يسحب كل الطاقه منها

بتول _ دخل للغرفه جر قميصه وبنطرونه ووطيح نص الملابس عطر وذب العطر بعصبيه على التسريحة بعثر الغرفة وطلع
رتبت التسريحة و رجعت الملابس المكانها
حضرت العشا وغسلت الملابس وكعدت يم البنات يدرسن ووجدان تلعب بالتليفون
الحد ساعة ١١ نامو و اني ظليت يم وجدان نلعب بالتليفون وهيه هم راحت تنام تعبت ساعه ١ بالليل سديت الاضويه ودخلت للغرفه سمعت الباب نفتح
نمت بفراشي ولازمه تليفوني
دخل ذب ملابس وذبهن عليه غسللليهن اريد البسهن باجر

بتول _هسا اغسلهن

_وصبيلي اكل جوعاان

_تمام
سويتله العشا واخذت الملابس داريد اغسلهن شفت جيوب البنطرون و ذبيته بالغساله لزمت القميص اكو شي بالجيب فتحت الدكمة صوره مطبوكة فتحتها بسرعة عرفتها نفسها الصوره الراونياها طبكت الصوره ورحتله تفضل هاي الك

جاهد _ ايي نسيتها بالقميص

بتول _ كتلك انييي جاهد انت تريدني حتى ترجع ماضيك عن طريقي

_منو كلج هيج شنو مو عايشه وتاكلين وتشربين شنو بعد تردين

بتول _ اريدك اطلكني

جاهد _صدددك متبطره علي نعمتج اهلج ما جذبو من گالو انتِ فاهيه

بتول _ما جاوبته ولا رديت عليه لميت ملابسي وگتله بس يطلع الضوا ما ظل هنا لووو تموت

جاهد بس اطلعين اطلكج

_ياريت

_هسااا شنو الخلاج نارر علمود صوره هسا اذبها بالزباله

بتول __لي اني شنووو مسويتلك وانت شنوو دتسويلي انت ما تحجي وياي وشنو السبب ما اعرف دخلت للغرفه بعثرتها وطلعت اجيت ذبيت الملابس بوجهييي انييي مو خدامه هناااا

_ومنوو كلج انتِ خدامه انتِ هيج دتحسين

_محد يحس من وحده شنو دوري هنا انت ما تكعد يمي دقيقه نسولف الوقت التجي بي. للبيت اذا بناتك كاعدات تلعب وتسولف وياهن واذا نايمات تلزم تليفووونك هاااي حياة يصير هيج؟؟

_.....

_ خلاص جاهد حاولنه وخلاص اني ما اكدر اعيش هيج فوگ كل هذا انت عايش على ذكرة اختي

جاهد _ياااا اختج هاي مجرذ صوره عندي

_بالقميص الي تطلع بي؟؟؟

لو مجرد صوره مو شكال نلكاها باللبوم
بقميص مركون بين الغراض موو. ببالقميص النطلع بييي

_العندي كلته عاجبج عاجبج معاجبج طكي راسج بالحايط

بتول _ ما جاوبته اخذت تليفوني ورحت الغرفه وجدان نمت يمها

جاهد _يضربج طوووب
نمت المواعين بالغرفه و الغرفه كلها هوسه

كعدت الصبح ادور على ملابسي بتوووول

بتول _ داريك البنات وسمعته يصيح ما رحتله ولا كتله شتريد خلي هو يهتم بروحة

جاهد _مو داصيحلج وين تراكي الاسود

_ما ادري شوفه انت وين عفته يجوز بجيب قميصك
تركته يحجي ودخلت للمطبخ
ظليت اسمعه يحجي
البنات طلعن للمدرسة وهو اجاني

_تتعمدين تسوين مشاكل كدام بناااتي

_تاركتلك البيت الك والبناتك دادورلي على شقة اخذ اختي و الله وياك

جاهد _وشنو السبب

_اسال روحك شنو السبب اربعه وعشرين ساعة معصب وضايج وما تحجي وياي ويومك البناتك والتليفونك وبالاخير حاط صورة اختى على كلبك

_غيرانه منها

_لا ما غيرانه محد يغار من ميت بس احتراماََ الي جان انت ما لازم تسوي هيج
واذا ما تحترمني احترم الدين الاسلامي وهذا الي تسوي حرام
جسمك يمي وكلبك يم اختي اصلاََ موضوع مقرررف
لزمني من راسي حيل اذا بعد تحجين كلمه اركع راسك بالميز سمعتييي

_تركني وطلع اني ما سكتت ظليت اتصل على شقق اريد اشوفلي شقه واطلع

سائدد_ حقهاا صار كم شهر مزوج ظليت تجيلنه اكثر مما جنت عزابي ليش بيها قصور البنيه مأذيتك بشي

جاهد _......

سائد _كتلكم هذا مو كفوو مو مال واحد يوكفله بمشروع زواج هذا كلبه. يم رحمة
مو مال نورط بنات العالم حتى كارينه نهزمت من برودك راحت تدور حضن يلمهااا
ولا تستبعد بتول هم اتركك وما تهتملك

جاهد _ الف مره كتلك اني كلبي مو يم رحمة

_شمعنى جنت راضي بزواج الله ما محلله وعايش. وياها وماكو مشاكل بس هاي المسكينه زوجتك وحاطتك بعينها وانت شنووو شسويتلها
ما اجالها منك بس الاذيه

حاهد _ هيه ما تتقربلي ما تهتملي

سائد _تره الانسان عنده كرامه
اذا انت تكول صار شهر حتى ما مباوع بوجهه
يعني شنوو تفهم منك غير انو انت ما تريدهاا

جاهد _......

_ظل ساكت الحد ما تروح منك وبعدها خرا بروحه اليدخل بحياتك وكله من هذا صليل

صليل _اي و الله ذنبها بركبتي من وره واحد منتهي

جاهد _ خلوني اروح احسن

سائد _اذكرر انت الي دمرت حياتك بأيدك
الحياة ما توكف على شخصه ضاع عمرك وانت الخسران تركنه وراح

بتول _ دخل للبيت اني رحت يم وجدان صاحلي ما جاوبته دك الباب ودخلت

_تعاي اريدج شويه

بتول _ كمت ويا وكتله كل حجي بيني وبينك ماكو اني بس الكالي بيت اطلع

جاهد _ خليج هنا خليج بغرفة اختج الحد ما تهدين

_شكرََا ما اريد

جاهد _ راح اظلين ضايجة

_لا مضايجة منو كلك ضايجة

_لعد لويش ما تحجين وياي

_ما احجي وياك لأن غلطت بحقي

_بس انتِ الله يهديج اذا اجيلج تجاوبين وياي واذا ما اجيت
لو ست سنين ما تدنيلي
ما تحسسيني انتِ مشتاقه

بتول _ تعلمت الما يريدني اني هم ما اريده
اني زوحتك ايي بس ما تبتعد عني كل هذا الوقت وتريدني اجي اكلك اني رايدتك طبعاََ لا

جاهد _اذا انتِ تفكرين هيج احسن ننفصل

بتول _الافضل مع انو تفكيري مثل تفكيرك
انت غيرت وياي كلشي جنت تسوي وي رحمة واولهن التجاهل واني هم سويت هاي المره عكس السويته بأول مره
تركني وطلع بعد ما تصادمنه ابد دادور على شقة ماكو مدالگه ظليت بالبيت انام بغرفة وجدان

ليلو _ماما بتول خاله ام عمر وام الياس اجوي

_يا اهلاََ وسهلاََ تفضلو

مناسك _اجينه نتونس يمج شوي عذرينه اجينه بدون اتصال

_ لا تگولون هيج كل الهلا بيكم

مناسك _رحبت بينه و َالضحكة تارسه وجهه ولا كأنوا بينها وبين جاهد واصله للطلاك وحطتلنه كلشي عدها
وسولفت بكل رحابة صدر

مياسين _بعدها الحرب الاهلية قائمة بينج وبين العدو

بتول _هههههه اي شوي

_وشنو ناويه تسوين

_دادور على شقة صراحة ما اجذب عليكم اريد اطلع واطلب الطلاك

مو غلط دوري بس قبل لا اطلعين خبلي

_شلون

_لبسي و تمكيجي و عطري وكعدي راسليني لو راسلي مناسك حتى لو تراسلين تليفون وجدان المهم تسوين روحج متونسه وفرحانه

بتول _ ما الي طاقه

_سويلج طاقه وسمحيلي اكلج
رحمة وهيه عايشة خذت الاول منج
لا تسمحيلها وهيه ميته تاخذ الثاني

مناسك _ كلام مياسين مثل السهم صاب گلب بتول
خطيه سكتت ما جاوبت ظلينه شوي وطلعنه

بتول _ جملة مياسين ظلت براسي
يمكن خوفتني او حسستني اني مو قويه سلمت الاول وهيه عايشه والثاني هم انطي الها رغم هيه تحت التراب
گمت دخلت للغرفه دورت بين قمصاني النوم شي مرتب البسه وكون فوگاتها الروب مالته
لگيت قميص ستن لونه بيج طويل وبي فتحة بسيطة بالرجل وعلى الفتحة دانتيل ابيض و فوگ الروب مالته طويل ساده سبحت و تعطرت ولبسته شلت شعري بقراصه وشوي بعثرته بطريقة حلوه وحطيت مكياج وكعدت بالصاله يم البنات بحجة ادرسهن هو اني النرويجية مالتي تلعب الروح بس الجذب ابلاش خلينه نجذب

جاهد _السلام عليكم

بتول _كليتنه ردينه عليه وعليكم السلام

جاهد _ها شدسون

ليلو _دندرس وماما بتول يمنه تساعدنه بالاختبارات

_هاا تمام بتول صبيلي عشا ميت جوع

بتول_ گمت حميت العشا وهو صاحلي جيبي للغرفه
حضرت الصينيه واخذتها

جاهد_ وين رايحة تعشي وياي..

_اني تعشيت انتظرناك بس انت اتأخرت

_ايي رحت يم الولد شوي

_اي ادري انت رحت يم الولد شوي

جاهد _ ادري هواي مو شوي بس وين اخلص يومي انتِ وما تحجين وياي البيت صار ما ينطاق

بتول _ براحتك وين ما تريد تروح روح
عفته وطلعت كعدت بالصاله حطيت رجل على رجل واكلب بالتلفريون شوي وطلع بالصينيه حطاها بالمطبخ وغسل واجه يمي

_تردين نشوف فلم

_فتحت شعري ورجعت لميته شنو من فلم

_انتِ شنو عاجبج تشوفين

_اني ما اعرف بالافلام بس حطلنه اي شي نشوفه

جاهد _ شرايج بفيلم اكشن ينهزمون من السجن

_يلا نشوف قصة حياتك

_ههههههههه يلا

_ربط الشاشه بالتليفون وطلع الفيلم
اسمه سباق الموت الجون سمث
طفه الاضويه وتقرب مني بس مو كلش اني خليته على راحته

شوي وذب قميصه ظل بس بالفالينه الداخليه بده السباق هو تحمس وتقربلي تعااي الحضني

بتول _ما كلت باطل تقربت اله

جاهد _ ذبي هذا الروب الطويل وتعاي الحضني

_لا شكرََا خليني هيج احسن

_خليج هيج

بتول _اني اباوع للفلم وهو يباوعلي الحد ما خلص اني دخلت للغرفه يم وجدان وهو صاحلي

_راح تنامين يم اختج

_ايي

_براحتج

_دخلت نمت وثاني يوم هم خلصت شغلي وظليت البس شكو شي ضيك و ملفت للنضر وعطري يشمو اهل العماره كلهم هو تخبل
قلت طلعته من البيت و ظل يباوعلي بالرايحة والجايه
ايام وكتله حصلت شقة واريد انتقل

جاهد _وين تنتقلين يابه الصور كلهن شلتهن والله بصندوك بالكنتور اخذي حركي ذبي سوي الي تردينه بس ما اطلعين من بيتي

_مو اني فاهيه

_اني اسف مو قصدي اكول هيج بس عصبت

جاهد _ شنوو تريد بالضبطط

_ايردج انتِ تحمليني وتحملي عقدي
صبري عليه وخبليني مثل ما هسا دتسوين

بتول _ وانت تأذيني؟؟

_لا والله ما أذيج جربيني مره وشوفي

بتول _ تقرب مني حط شفايفه برگبتي باسني

جاهد _خليج هيج مخبلتني حسسيني بس اني المهم عندج حتى لو تضحكين عليه
بس حسسيني هيج

بتول _لويش اضحك عليك صدك بس انت المهم عندي غيررانت زوجي
ظل يبوس بيه ويگلي اني صارلي سبوع ما نايم بس افكر بيج احس نفسي مراهق من اشوفج اتخبل

"" و غرفة حمراء ومفاتنك
والشيطان ولأفعل ما يحلو لي يا حلوتي ""

مناسك _حجتلنه بتول شنو سوت
جمله من مياسين صحت بتول
ولعبه بسيطة من بتول خلت جاهد محبس بأصبعها
جاهد ما كمنه نشوفه بس بالعزيمه مالت كل اسبوع ومن يجي ما اطيح عينه عن بتول
بتول تگول اني جنت البس الصدام كلشي
بس ما اجه بعينه فـ بداية زواجي وي جاهد تعاملت ويا عكس الي سويته الصدام
بس طلع هو يحب الي تلبس وتكشخ و الي تهتم بي وتحسسه هو اول اولوياتها
ومن شتغلت على هذا الجانب
لكت انسان عاشق وولهان

جاهد _ بوية ليشش كاعدين بالمطبخ وحارميني من مريتي

مناسك _ حتى تشتاقلها

جاهد _اني شتاقيتلها من طلعنه من بيتنه تجيبوها يمي لو اكوم اخذها واروح

مياسين _يا هنيالج يا بتوول
احنه محد سأل عنه

سائد كمل جدر الدولمه جيبي وتعاي

. سائد _الاخ صريح

صليل _صار شگد مزوجج عشرين سنه هذا ابنج صار عشرين سنه واحنه قبل لا نولده بجم سنه مزوجين كااافي صرنه عتك

مياسين _ هذا جاهد صارله هم بالسبع سنين مزوج شوفو يموت على ام رافد

جاهد _خمسه وخميس بعيونجن من ارجع بخريني

بتول _هههههه لا البنات ما يحسدن تعال ماما رافد

مناسك _ صبينه الاكل وبتول كعدت يم جاهد ويمها ابنهم رافد
ايي صار عدها رافد. من حبلت جاهد تخبل وستغرب لان ثنينهم كبار وخاف لا يطلع الطفل بي فد خلل
بس طلع رافد يخبل احلى من خواته وبكامل صحته
ومن ولدت بتول زاد حب جاهد الها
حتى الصور نركنن بعد ما فتح الصندوك بس محتفظ بيهن وهيه محترمة هذا الشي

مياسين _شووف اصيح الابنك ما يجي ع الاكل كوومله

صليل _ فتحت باب الغرفه جان لازم ليلو
ويبوسها باوعت الجاهد وما عرفت اضحك اضوج اعصب دخلت وسديت الباب

الياس _هيه ما رادت انيي غصبتها اذا تريد تحجي احجييي عليه

صليل _لا احجي عليك ولا عليها شنو الي بينكم ع سريع

الياس _اني اريدها بس هيه تگلي بابا ما يزوجني
واخوك قافل صدك يريدها تخلص جامعه

صليل_ اصبرر تخلص جامعه ونخطبها الك

الياس _ما عندي صبر هيج زين

صليل _طلع ضايج من البيت كله

مياسين _بس لا ضوجته صليل

_لا و الله خابره صاحبة وطلع مستعجل
خلصنه الغدا و گعدت صافن بالموضوع يمته كبرو هذول يمته حباها معقول من جان ١٣ سنه وهو يحجي جان كلامه صحيح

مياسين _رجعنه للبيت وحجالي صليل الي صار
وگال راح اخطبها حتي لو بس عقد بينهم ومن تخلص جامعة نسوي العرس
براحتك سوي الي تريده.

شو احسج ضايجة

_لا ما ضايجة بس لان اكبر منه

صليل _تره كلهن سنتين شنو هنه السنتين والبنيه تخبل انعم من ابنج و كل الهدوء

_لا و الله اني اريدها الليلو شنو اني ربيتها لو نسيت بس موضوع السنتين شوي زاعجني

صليل _هاي حياته مو حياتج هو يقرر
وهو رايدها والولد صار عشرين سنه بالغ ويعرف

مياسين _الله يسعده احجي وي جاهد وشوف
واتفق وياهم صليل باجر بطلعه وحدهم وگال احجي ويا بعيداََ عن البيت و الاولاد
اني لبست القميص النوم وفتحت شعري و مكيجت ورحت يم صليل

صليل _شفايفج شنو مسويتلهن وجهج متغير

مناسك _ضربت ابر بوتوكس
وسويت نظاره الوجهي

صليل _بعد بيتي للما يريد يكبر

مياسين _ ذبت تشيرته صح عنده كرش بس بعده حلو حبيبي

++قتربي ودعي شفاهي تراقص جسدك++

مناسك _ طلع صليل وصار بالي يمهم لأن جاهد كلش متخوف على بناته وخفت يكسر گلب الياس

صليل _شنوو رايك يا خوي

جاهد _ابنك دره مالت الله بس هيه اكبر منه

_وهوو راضي

_اني ما انطي بنتي وابهذلها صليل

_يعني احنه نبهذلها

جاهد _ باجر يصير خلاف بيناتهم وتذكروها بماضي امها اني ما اريد هيج يصير ببنتي

_واني شدخلني بأمها اني عليه بابوها منو ابوها صاحبي الاعززز من روحي
وابني رايد بتك وازيدك من شعر بيت يموووت عليها ولو رفضته وكسرت كلب ابني والله ما احجي وياك طول العمرر

حاهد _ وشلون عرفت ابنك يحبها

_هو گلي

_وبنتي شنو وضعها ولك بس لا مسيسه وي ابنك

_لا ما مسيسة

جاهد _خليني احجي وياها واشوف لو هم تريدني اغصبها

_لا ما اريدك تغصبها احجي وياها وردلي خبر

جاهد _ان شاء الله

ساذد _خلصنه سهرتنه و جاهد اخذ الباص وطلع

صليل _ولك لو بيومها داعي اصير ملياردير جان ما تحقق ولك لكيت ابني لازمها وطايحلها دك بوووس

سائد _عوذه بالله من دعاويك

_هههههههه بس ولك ابني رايح منتهي ببت جاهد

سائد _من زمان بس انتو ما حسيتو بي اني جنت اعرف

صليل _انت خبره بالسحل سحلتك مناسك الحد ما ملت

سائد _ اكلك شي بس ما تضوج

_شنو؟؟

_والله بعدهي ساحلتني ضحكت عليه وصعدت الباص وطلعت للبيت
لكيتها كاعده مكابله هذا تليفون وعيونها رايحة شتقرررين

مناسك _ خطية هاي روانه الحجيتلك قصتها هذا الجلب ساري ذب عليها تهمة ونهزم

_وتالي شصار

_عمامها وابوها يردون يكتلوها بس شامخ كالب الدنيا عليهم

_من تخلص حجيلي شنو يصير

_اي هيه كامله داقرها من امس لليوم خلصت ٣٠ بارت

_احسنتي و العيون من ينتهت شلبسهن

_نجيب مناظر ام الست درجات

سائد _هههههه باوعتلي بنظره وصافنه شبيجة

_خلي نكتب قصتنه سائد

سائد _ كملي القصة فدوه النظر الها
وبطلي سوالفج هاي

_لا والله داحجي صدك خلي نكتب قصتنه

_تردين تفضحينه احنه بالكوه ساترين على روحنه وانتِ تردين تشهرينه

_ شبيك نغير الاسامي و الاماكن

_سددددي الموضوع مناسك

. مناسك _عفته وخابرت مياسين وكتلها احجي
وي صليل

مياسين _والله خوش فكره وهم شرايج نگول البتول هم تقنع جاهد

_لااا لااا ما اريد بتول ولا جاهد يعرفون لأن لازم اذكر رحمة واذا عرف خاف تصير مشكله وهم لا تنسين هو ما حاجيلهم الحقيقة كلها
قنعي صليل واني اقنع سائد ونكتبها والولد همه يساعدونه بحياة جاهد ويسولفونه

مياسين _ اعتبري صليل موافق

مناسك _رجعت الح على سائد وهوورافض رفض قاطع

_محد راح يعرفنه شبيك

_لا تخبليني مناسك والله امسح هذا الوتباد الخبلج

_شبيك سائد والله اغير كلشي
ظليت الح الحد ما گال

سائد _لا يعني لا وكلمتي ما تصير ثنين

مناسك _والحمد لله كلمته صارت ثنين ونشرت القصة بعد ما موعت راسه من الملحة بس قبل بشرط يتغير كلشي
وما ينذكر اي شي عنه ووين مكانه
اخذته ورحنه البيت صليل حتي نحجي عن موضوع القصة وسائد يضحك عليه

مياسين _شنو نسميها

صليل _يمي
نسميها السجناء و النثاية الزينه

سائد لا نجحت القصة

مناسك _القصة واني فكرت اكتبها شرايكم نسميها جريمة قتل

سائد _بكيفكم المهم عندي محد بعرف عنه اي شيي
ونقلت قصتي للكاتبة ام مختار
واليوم حصدت مليون مشاهده
وسائد وصليل ويانه يتابعون ويراقبون المشاهدات ومن وصلت مليون

صليل يضحك على سائد ويكله كلمتك الما تصير ثنين صارت مليون

سائد _صرنه مشهورين

_ههههههه

مناسك _ وقبل جاهد و تمت خطبة ليلو و الياس
وهسا ننتظرين تخلص الجامعه و تاخذ شهادة الدكتورا حتى نزوجهم

مياسين _ صارت حفله المطربين سوورين وراح الياس و خذه اخته ويا
من رحعو بالليل دخلو يغنون و صليل كاعده بالصاله ولابس نعاله مثل كل مره
وهمه دخلو يغنون صمون عشره بالف
ما اشوفلك الا صليل جر النعال من رجله وسنتره عليهم
انعل ابوكم لابو جابكم هاي شنووو هاي الاغاني

مياسين ظانت مو خابصنه بأم كلثوم و عبد الحليم حافظ
هذا عبد الحليم حافظ مال جيلهم
صليل _تف عليكم وعلى جيلكم

مياسين _تعال تعال عوف الجهال و اني احطلك ام كلثوم

مناسك _ كبرو اولادي وصارو اطول مني هماتين بس محد منهم يعرف الماضي ولا بأي صوره
وولا اي انسان يعرف بي غير امي وخخواتي ومهدي واحنه وهم حجيتلهم بدون علم سائد ومن عرف عصب شوي وسكت

ام مختار نقلتلكم طريقة من الالاف الطرق الي تعذبنه بيها وجسمي شاهد على هاي الطرق ما زالت الا حد هاي اللحضة اثارها بيه
نقلت قصتي وكلتلي انتِ كده
واني كدها واليوم تم ختم قصتنه
وراح نسكر ابوابنه مو الزنزانات
ونوعدكم بعرس الياس نفتحلكم باب القاعة وتكونون ويانه شكرََا المحبتكم الجبيره
وشكرََا الدعواتكم شكرََا الكلامكم الحلو ومساندتكم النه طول القصة احنه وياكم ونعلق وياكم ونرد عليكم بس مضطرين نتخفى لأن بعد ما بينه حيل نتعذب ههههههههه دمتم بحفظ الله ورعايته

ام مختار _
بتاريخ ٢ اكتوبر عام ٢٠٢٢
ختمت قصتنه
بس ما توقفت عمليات التعذيب بالسجون
اليوم وبعد تغير النظام ما زال التعذيب بالسجون بحق النساء
ووصلتنه اخبار من بعض التعليقات لرجال بالسلك العسكري يگولون بعض النوادي الليلية قائمة على السجينات ياخذوهن يحيين هاي الحفلات والصبح ويرجعوهن للسجن
نطالب من الحكومة العراقية و من وزارة الدفاع
التحري عن هذا الامر واني متأكدة وزارة الدفاع كدها وكدود الانسان مو معصوم عن الغلط
بس الغلط من ينهان بالسجون وينذل ويتعذب
ناهيكم عن المخدرات و نهك اجسادهن
انهي كلامي بـ ربي يفك اسر كل مظلوم ومظلومة
.......

اما عن سجون النظام السابق السرية بعضها تم اغراقها عن طريق فتح انابيب الماء الي همه مسويها والي هي تعد احد طرقهم لااباده الجماعية وقتل كل من فيها
وبعضها محد يندلها والا الان الجثث الي جاعت وماتت بيها ما زالت حبيسة السجون السرية
لعنة الله على كل شخص دمر بلدنه بأي طريقة من الطرق لعنه الله على الطغاة
وهنا ارفع القلم
وان شاء الله اكون نقلت قصة تحمل معاني هواي الكم
وانا دنيا غانم اقول دمتم بحفظ الله ورعاية
لنا لقاء بأذن الله
مع قصة جديدة

_