رواية ماذنبي انا الفصل السابع 7 - بقلم Renad.m

#قصصي
#ماذنبي_انا
البارت 19

طلعت بوجهي للزيارة لزمت شباك الكاظم وابجي على نفسي ليش هيج تدمرت حياتي كنت متأمل بعد ماتولد اخذها اسفرها واحاول اقنعها تبقى وياي وحتى اطلع من بيت ابوي واروح اسكن ببغداد .بس ضاع كل شي

فاديه... اخر لقاء بيننا اذاني حيل حسيت بمشاعره صادقه بس ماكدر اتقبله انا اصلآ ماحبيته من دخل حياتي وانا اخسر واتأذى
مشت الايام بعد طلاقي وصحتي بدت تتحسن بقى تواصلنا بسرمد.وانطيت زينه رقم اختها سارة وبينهم اتصال
صرت بشهري السابع من الحمل وسرمد يوميه يتصل ويقنع ابوي ان نطلع من العراق لتركيا ونقدم لجوء ونستخدم محضر الشرطة اللي سجلنا بيوم هجمو اهل احمد ونستخدم تقرير الطبيب مالتي والشكوة اللي قدمناها وبعد الحاح واصر سرمد اني اطلع من العراق قبل لا اولد ويتمسك بالطفله .
بدينا باجراءات السفر خواتي المتزوجات كالو روحو وخلصو منهم مادام بينكم طفل ماراح يتركوكم وبلشنا نبيع اغراض البيت واشتغلنا بسريه تامه خاف يعرفون ويسببولنا مشكله
بقى موضوع بيع البيت .بابا عرضه بمكتب ووضح له الظروف الرجال اشتراه من عندنا لان كان سعر مناسب جدآ
طلعنا لبغداد بقينا يومين ودعنا اهلنا واخواتي
كنا مستقرين ببيت عمي ابو كرار
ثاني يوم العصر كنت بالمطبخ واجاني كرار
اكدر احجي وياج
تفضل
فاديه انت تدرين بي احبج من قبل لاتتزوجين واعرف ظروف زواجج وكبرتي بعيني من ضحيتي لاجل ابن اختج
انا بعدني احبج ورايدج ومنتظر منج بس كلمة
...كرار انت ابن عمي واي بنيه تتمناك بس انا خلصت حياتي ماريد لا اتزوج ولا ارتبط برجال وراح تصير عندي بنيه اريد اربيها
تركته وطلعت ..كلبي خلصان من القهر لا اريد زواج ولا شي
سافرنا لتركيا وسرمد مرتب امورنا لان اله معارف هناك شويه شويه بدت حياتنا تترتب وقدمنا ع اللجوء واللي عرفته ان السالفه تطول على مايقبلون الطلب
ماسكنا باسطنبول لان غاليه وبابا فتح له مشروع صغير تشارك هو ورجال تركي يعرفه سرمد وبدت امورنا الماديه تستقر
وصار يوم ولادتي والحمد لله ولدت بصورة طبيعيه من شفت بنتي بيد امي قلبي فرفح عليها حضنتها ودموعي تنزل اباع لامي واكول هاي بنتي الي ..ماما قطعة من قلبي بيدي هسه
شكد كنت ماريدها ومرات اكول المن حبلت اذا سبب الحمل راح ومات .بس من حضنتها تعلقت بروحي بابا اخذها كبر باذنها
...ماما راح اسميها فرح مويكولون لكل امرء من اسمه نصيب اريد يصير نصيبها الفرح والسعادة
ان شاء الله امي
طلعت للبيت وماما تعلمني عليها وتساعدني وشويه شويه صرت اعتمد على نفسي .حياتي كلها صارت لبنتي حاولت اقنع ابوي اشتغل لكن رفض وكال انا موجود وشتحتاجين تاخذي مني
نسيت احمد واللي سواه بي وكل شي نسيت تفكيري بس ببنتي
احمد....
بعد طلاق فاديه تعبت وكرهت نفسي دمرت اثنين بنات وهن بعز شبابهن ودمرت نفسي وياهن بقيت فترة طويله بكآبه وما اطلع من البيت وبس جكاير .صديقي مظفر حاول هواي يطلعني من اللي انا بي
بديت اطلع اكعد بالكوفي اللي بالمنطقه .
اللي صار اني تعرفت على شله اخلاقهم تعبانه بديت اطلع واسهر وياهم اغواني الشيطان وصرت ابرر لنفسي ان اللي اسوي هو حتى انسى
بيوم كنت طالع للشله اللي تعرفت عليهم واجة وياي صديقي مظفر كان يحجي عليه ومو عاجبه اختلاطي بيهم راح وياي وكانت كعدة ببيت واحد منهم سوالف وضحك ولعب وكان اكو شرب .مظفر شاف الوضعيه قلب وجهة وكل شويه كال هاي انت هاي تاليها كعداتك
ورى شويه جابو بنات وشغلو اغاني ومظفر تخبل وكام يجر بيه جر ويصيح عليه ولك نوب الحرام ولك نوب نكاسه هاي انت هيج تصير احمد اصحة على نفسك وين رايح ليا صخام ولك كعدات شرب ونسوان ساقطه ولك ماتخاف عذاب ربك  عندك عرض بلبيت ماتخاف عليه
سحب مني سويج السيارة دخلني للسيارة وصلني لبيتنا وراح
صعدت غرفتي ورة دقايق دكت الباب اختي سارة
شعندج
سارة..بقيت ابجي
شكو شصاير
انت شبيك احمد شجاك ياخذك الليل ويجيبك النهار ناسي عندك اهل وشغل من يوم طلكت مرتك وانت بغير عالم
عندك علم صار موعد ولادة بنتك وفات
تدري بنتك وين ؟ سألت عنها عرفت صارت اجت للدنيا
احمد.. كلام مظفر سطرني ومنا سارة حسيت اني كنت مغيب عن الدنيا
احمد.. طلعي خليني ارتاح
ارتاح   ارتاح كلش  بس لعلمك مرتك واهلها مو هنا باعو البيت ومدري وين راحو
شلووون
مثل ماسمعت
شمدريج
اليوم رحت لهم للبيت العصر وطلعو ناس غيرهم مشترين البيت اتصلت بفاديه مغلق راسلتها واتس اب ماكو
احمد ...كعدت بالكاع هاي وين راحت شلون هيج انا غبي ابتعدت عنها وما سألت
ثاني يوم من الصبح رحت لبيتهم الرجال اللي كاعد بي كال اشتريته من ٣ اشهر
سافرت لاهلها ببغداد ياهو اللي اروح له يكول مانعرف عنهم شي .تخبلت وين اروح سافرت وهي حامل بنتي ببطنها ياربي شلون شسوي ماظل واحد ما سألته حتى رحت للمدرسه وكالو مااخذت وثيقتها عشت ايام سودة كل اللي يعرفون سالفتي يلوموني يكولولي زين ومنها ضحت بنفسها وتزوجتك بعد ماماتت اختها وانت هيج تجازيها
بقيت ٣ اشهر ادور وماكو خبر عنها تخبلت ردت اموت
سارة..احمد خويه كافي راح تموت ربك مايرضى هيج تاذي نفسك
..وين راحت ماظل احد ماسألته عنها
احمد انا اكدر اعرف لك وين هي بس اخاف اكول لك
شلون تعرفين
اوعدني ماتطكني مثل ماطكيت فاديه
ولج احجي عطت بيها
انا انا ااا
احجي بسرعه
انا اعرف رقم زينه وهي اكيد تعرفهم
لزمتها من ايدها عصرتها حيل ..غطت وجهها بيدها الثانيه فدوة اروح لك لاتضرب
دفعتها ولي من وجهي
كعدت يم رجلي بس اسمعني .انا اعرفك تحبها وعندك بنيه منها عوف الدنيا عوف هاي العالم اهم شي بنتك خلي اجيب لك عنوانها وروح لها بلكي تقبل ترجع لك
امشي ولي
سارة..بقى احمد يومين تعبان ماكدرت اصبر اجيت له احمد خويه بداعه العزاز بس اسمع مني شوف الناس اللي يحب شيسوون علمود اللي يحبونها شفت اخوها شسوة مانكول هو صح بس شوف ماترك اللي يريدها
خزرتها وكلت كومي ولي لا اكسرج
نطيته ورقه خويه مرتك بتركيا واتصرف بعقل بلا عصبيه هذا عنوانها
احمد..فتحت الورقه وقريت العنوان بلهفه سألت سارة منين جبتي
سارة.. من زينه والله يخليك عوف كل شي كل شييي فكر بنفسك وبنتك وين حمودي المرتب الانيق شوف روحك اول تالي انت لحيتك مخربطة وشعرك هذا
انت ابو الاناقه والترتيب صاير كله لابس تراك ..كانت فاديه تكول يعجبني القميص على احمد اكثر من التيشرت خل تجي تشوفك
من كالت هيج سارة فز كلبي فاديه تنظر لي نظرة اعجاب معقوله تكون بيوم حست بشي تجاهي .ههه شنو الفايدة حتى لو حست انا بتصرفاتي خليتها تكرهني
قررت اترك كل شي وراي اروح لها .حضرت امور السفر ورحت لتركيا للعنوان

#قصصي
#ماذنبي_انا
البارت20

سارة اتفقت ويه زينه متكول لاحد ان احمد رايح لفاديه بلكي الله ويقنعها
احمد..وصلت لتركيا ورحت للعنوان عرفت بيتهم حجزت بفندق وبتت ليلي اتقلب على جمر مشتاق الها موت وافكر ببنتي شلون شكلها شكد عمرها هسه .طلعت الصبح الهم للبيت شفت فاديه تمشي وتدفع عربانه بيها طفل وراحت باتجاه الشارع بقيت امشي وراها وصلت لحديقه وكعدت على مصطبه وانا اراقبها فكرت اروح احجي وياها بس خفت لا تظل تعيط وتسوي لي مصيبه .ظليت متردد بعدين كلت المواجهة اول وتالي راح تصير رحت يمها رفعت راسها شافتني وظلت صافنه بوجهي فتح عيونها كلها كامت تتنفس سريع ولزمت العربانه حسيتها خافت
اشرت لها بايدي اهدي ماراح ءاذيج  بس اريد اشوفها اريد اشوف شكل بنتي ظلت خايفه مني ولازمة العربانة بايديها الاثنين نزلت للعربانه وشفتها تخبل تشبه امها بس دبدوبه كلش خدودها سايحات كانت تباوع لي وتحرك ايديها ورجليها رفعت عيني لفاديه وكامت دموعي تنزل غصب عني شلتها وحضنتها وابجي واهمس بأذنها بابا لاتتركيني مثل اخوج والله قلبي مو متحمل بعد بقيت حاضنها ماشبعت من ريحتها كانت طفله تخبل دبدوبه وحلوة ايدها ينكرطن كرط التفتت لفاديه ..هاي نسخة منج
بقت تباوع لي بحقد .
تعالي كعدي ماراح ءاذيكم .كعدت ومبين عليها القلق
حقج تكرهيني وتخافين مني هو انا كاره نفسي .غلطت بحقج هواي بس هذه بنتي لاتحرميني منها وانت تعرفين مالي احد .
احجي لاتظلين ساكته
شحجي شكول
كولي اي شي
انت منين عرفت مكاني
سألت صار ٣ اشهر ادور عليج
وليش تدور
اشرت على بنتي وقلت روحي واشرت عليها وقلت قلبي وياج
دارت وجهها عني
فدوشتي والله ماراح ءاذيج بس لاتحرميني من بنتي
شنو سميتيها
فرح
فروحة انت فرحة قلب ابوج ..بقيت الاعبها والتفت لفاديه ولج هاي تخبل شلون ماريد احد يشوفها لايحسدوها
هههه والله ضحكتني سوالفك مثل بيبيتي تكول لبسيها خضرمة مال حسد
...اي لبسيها واقري المعوذات لو اكول لج لاتطلعيها من البيت
....ايييي هذا اللي تريدة مو اكول لك تحبسون المرة
باوعت  لها بمكر ورفعت حاجب وكلت.. المرة اللي نحبها نخاف عليها من الهوى الطاير ولو راحت لاخر الدنيا نتبعها  ونكلب الدنيا وناخذها وحتى لو تكول علينا شروكي هاي احنه هيج عشك الشروكي
فاديه.. ضحكت وكلت خلي استفزة ههه واذا تزوجت شلون
التفت لي بسرعه وعيونة تجدح .ولج تزوجتي ؟ والله ادفنج هنا
...عفيه عفيه ارجع لحقيقتك
...ولج احجي اخذتي من لاتكولين كرار احجي
...اي ابن عمي واولى بيه
...وعلي ادفنج وادفنه ..حطيت فروحة بالعربانه واجيت الها ...
....احجي صدك تزوجتي
...هزيت راسي. اي
....لزمتها من ايدها عصرتها ولج شلون شلون كدرتي تنامين بحضن غيري ولج انت الي
...مو مالت احد انا انا ملك نفسي .تزوجتني مصلحة والمصلحة انتهت بعد ماظل طول عمري انتظرك وانت اصلآ تعرف احنه مو لبعض
...ولج انت الي .انا اول رجال تقرب لج شلون سمحتي لنفسج تكونين لغيري ..احجي شنو تزوجتي لو مخطوبه لو شنو
واقلب باصابيعها وين الحلقه ولج احجي
نكتت ايديها مني وصاحت ماعليك بيه اريد اعيش اريد ادرس اريد احب واتزوج عوفني بحالي عوفني
...فاديه لاتخبليني تزوجتي لو لا
...مو شغلك
...ولج شلون مو شغلي ريحي قلبي وجاوبيني
...ماتزوجت بس اذا لكيت الشخص اللي يدخل قلبي اتزوجة ومايهمني احد
احمد ...بويه كالت ماتزوجت لو ماي بارد طاح على قلبي .
جريت نفس وكلت لها قلبج الي رضيتي ولا مارضيتي واذا تردين تدرسين درسي ماعندي مانع تردين تحبين حبيني انا غيري لااا وعلي الرجال اللي يوصل حدج ادفنه بكاعه
فادية... شنو هي غصب
..اي عندنا احنة الشروكة غصب وخاف ببالج والله انا كنت ماريد شروكي لا عيني الشروكي من يريد وحدة ياخذها يعني ياخذها وهي اللي تحبه وهي الممنونة
ويله امشي رجعي لبيتكم ومرة ثانيه طلعي بجبه مو لابسه لي كوت وبنطرون احش رجليج حش اذا شفتج ببنطرون
فاديه.. ضجت منه اووي وانت شكو البس بكيفي واطب واطلع بكيفي
اخذت عربانه بنتي وكلت لهة ظلي انت هنا بكيفج كامت تركض وراي اوكف بنتي جيبها
وكفت كلت لها كدامي يله
وصلتها للبيت فتحت الباب شلت فرح وبستها باوعت لفاديه
طلعة ببنطرون ماكو بعد وبنتي ماتطلع لايحسدوها وكولي لابوج بليل امر لكم
بعد اكو اوامر
حاليآ ماكو بس من تصير اكول لج
عشتووو مصدك روحة اخذت منه فروحة همس باذني رجفني من تقرب لي
رجع لسانج المبشط
ضحكت من هيج كال وعفته ودخلت
بقى كلبي يرجف بين فرحانه بعصبيته من عرف تزوجت وبين خايفه ياخذ بنتي
بليل اجانه وابوي وجهة ثقيل تعذر منا وعاتب ابوي شلون ياخذنا ويطلع من العراق
عمي انت مو اخذت بنتك يعني تعرف معزة البنت شلون تحرمني من بنتي
عمي ماءامن عليهن يمك
عمي غلطت وتغيرت..وعد ما ءاذيكم ابد بس انتو رجعو للعراق
لاعمي مانرجع قدمنا ع اليو ان لجوء وبلكي الله يطلع
بقى احمد شويه يمنا وكال انا راح ابقى هنا ١٠ ايام ياريت تسمحولي اشبع من بنتي ووراها ارجع وما اضايقكم
بابا التفت علي اشرت لها اي
عمي هاهي براحتك
طلع احمد ورحت نومت فروحة وكعدت اقلب بالفون
اجاني مسج ع الواتس ...والله كنت ميت وبشوفتج حييت
ضحكت عليه ...منين جبت رقمي
هههه جبت عنوانج بغير دوله بقت على رقمج
امممم
اي امممم...اكول عيني ام امممم  بنطرون بعد ماكو مو شفتي روحج بتركيا
لزكت بالبنطرون ترى عريض وفوكة كوت طويل عادي يعني
كلت لج ماكو يعني ماكو
وانت بصفتك شنو تتحكم
بصفتي احبج
اي تحبني مو انا احبك
لاتستعجلين راح تحبيني وتراسليني للصبح وتخابريني تبجين وتكولين مشتاقه لك تعال
هههههه والله مغرور
لا مو غرور ثقه
نفس الشي
لا واثق بحبي الج نظيف ونيتي صافيه وراح اوصل لقلبج
هههه الظاهر خيالك صار واسع ...قلبي قفلته وماريد احد بي غير بنتي
مو مشكله اكسر الباب وادخل بنتي بيه تستقبلني
فاديه..😂😂😂
ضحكي ضحكي ...تعاي صدك باسم من سميتي البنيه
باسمك مشيت معاملتها منا .اتصلت بصديقتي وابوها محامي رتبوها
يعني بنتي عندها جنسيه عراقيه
اي .رفضت اسجلها هنا بتركيا
ان شاء الله يجي يوم وترجع للعراق
لا ماترجع والله يخليك لاتخلف وعدك النا مرة ثانيه
ما اخلف
بقى احمد الفترة اللي بتركيا يوميه يجي لنا ويظل مكابل فروحة كل ساع وكال ومن شر حاسد اذا حسد
وانا وامي نضحك وامي تكول له يوم منو يحسدها
يجاوبها مايحسد المال الا اصحابه
كان ببيتنا حديقه صغيرة رتب بيها احمد ركن لفروحه سوة مظله والارضيه رتبها الها وراح جاب الها كووومة كووومة العاب كانت فروحة تكعد وتزحف كنت اتركها وياه لوحدهم بالاستقبال يلعبون  ومن تطشر بالالعاب يكول لها ولج بابا بس كسريهن اشتريلج بكدهن مرتين يابويه هيج واشوفج تلعبين وتكسرين الالعاب وتبجين على لعبه جديدة والله اجيب تريله تريييله محمله العاب
كنت اوكف من الشباك اباوع لهم واسمعه كان يصورها بالتلفون هواي خطيه يريد يشبع منها
ماكان يهتم لوجودي من يجي لنا بس اذا دخلت يمهم احسه يحتار بيني وبينها
مرة دخلت لكيته يلاعبها وهي تجر بكذلته .احمد شعره سررررح وثخين اسود وعنده كذله وهي تجرة وتضحك هو يلاعبها ودموعه تصب دخلت عليهم بقيت صافنه
سألته ليش تبجي
هاي دموع فرح مسح خده وباس فروحة ...الحمد لله ربي شوفني بنتي فاديه انا انحرمت من علاوي مافرحت بي من اول طفولته مريض وانت شفتي بعينج لا يلعب ولا شي وخلص عمره مستشفيات
فرح من تضحك لي احس روحي تركص لضحكتها يحاجيني ويباع لفرح نظرة ماكدرت افسرها بس صدك تعاطفت وياه
الله يخليها الك
ويخليها الج
امين
ردت اطلع صاحني اوكفي
نعم
فاديه راح ارجع للعراق انطيني جواب اكو امل لو لا
لا
ليش
ماكدر والله مو لان انت حتى غيرك رفضته
منو
ناس تقدمو ورفضت
منو غير اعرف
كرار ابن عمي... بس سمع اسمه ضرب ع الكرسي
هو حجى وياج لو اهله
وشتفرق
لا تفرق  جاوبيني
هو حجة وياي ..شفته تعصب وخزرني
وشنو جاوبتي
كلت لا ..بقى متوتر ويهز برجله تركته وطلعت
ثاني يوم اجانه الصبح سلم علينا لان راح يسافر وفاجأني ترخص من ابوي
عمي اريد اخذ فروحة وامها للحديقه طيارتي ب٤ العصر اريد اشبع من فروحة ماعرف شوكت اجي مرة ثانيه
ابوي خجل واضطر يوافق رحت ابدل تعمدت البس بنطرون وكوت طلعت له بس شافني زم شفايفه وخزرني
يله خلصت نطلع
كام ومانطق حرف .بقينا نمشي مسافه وهو يدفع عربانه فروحة وساكت انا ضجت وخفت من هدوء لو مرزلني احسن
وصلنا للحديقة بقينا ساكتين
بعد فترة التفت علي
لهالدرجة تكرهيني
انا ؟
اي انت
شلون
شوفي تصرفاتج .كل شي يغثني تسوينه اذا شي اكول لج عليه لا لازم تسوينه عناد
احمد شنو شبيك شمسويه اني
مامسويه شي منين
بقى متوتر وحتى فروحة مشالها من العربانه وانا خفت على ضجت
احمد شبيك تضل هيج قافل
ليش يهمج ..لو يهمج ماتعاندين كلت لج ماريد بنطرون وتعمدتي تلبسي
يعني جو بارد ولازم البس كوت شلبس وياه يعني غير بنطرون وبعدين مو ضيق وانا مو سمينه حتى يبين جسمي
باردة لبسي جبة وجواها ملابس ثخينه ..واذا تكولين مو سمينه مو معناها تلبسين براحتج
اووو احمد انت بس تريد تعارك لاتزعل مني مالك سلطة عليه انت ابو بنتي وبس
صح كلامج مالي سلطة .ومالي صفه واطلع وياج يله خلي نرجع دفع  العربانه ومشى .صدك ضجت من نفسي ليش غثيته باخر يوم اله واحنه نمشي جريته من قمصلته التفت لي ابتسمت وكلت
تعال من هذا الشارع اكو مطعم اكلهم يخبل عازمتك على غدة ترى بعدني عراقيه واعرف اصول  الضيافه
ههه لو عراقيه بعدج ماجان كلتي اعزمك العراقي مايقبل تعزمة مرة
اي شسويلك تمشي سريع وعاكد حواجبك اذا اكلك تعال اعزمني يمكن تكسر راسي وكافي عليه ال٦ خياطات اللي حطيتهن بي
تنكسر ايدي اذا امدها عليج بعد
نزلت راسي ودرت باتجاه فرع المطعم .يله نعبر
يله
عبرنا ودخلنا للمطعم صاحب المطعم عراقي والعمال اغلبهم عرب طلبنا اكل و بقينا نتفرج ع المكان حلو ومرتب احمد صافن على فرح التفت لي وكال شنو فصيله دمها
ضحكت O سالب
ضحك ورفع راسه ربي كافي علي مخبله وحدة نوب الثانيه هم نسخة بالشكل وبالدم رحمتك ربي
عابت بعد ماحجي وياك ..لزم ايدي من اصابعي عصرها حيل