رواية مازلت طفلة الفصل الحادي والعشرون 21 - بقلم الكاتبة شمس السعدي

صباح الخير حبايب .. بارت صباحي لعيونكم 😘

….البارت الحادي والعشرون ….
       {#مازلت_طفلة}
     #بقلم_الكاتبة_شمس

بقيت افكر بكلام اصيل . واحجي بداخلي .
اوووف ياهدوة على گولة لؤي . بس حلوه بحلگه..

هو انتي شنو شفتي بعمرج طفله وماعرفتي شلون مشت سنينج وهالجبتي اثنين وتحملتي مسؤوليه وانتي بعمر الورد وعمر اللعب والطفوله .

مادام فترة الطفوله راحت وماعرفتي شي منها .
لاتفوتين المراهقه . وعشگي وحبي مادام لؤي رايدج بس شلون من اهله استحي واولادي . خاف يفضحوني
اي خليني اول مره اتعلم عليه .
وشويه شويه اعود جهالي ع السالفه .

وحسيت روحي مراهقه وراح تلتقي بحبيبها .
ولازم تحظر وتبدل .

الولد متعودين يطلعون ورى العشا للمضيف واولادي وياهم راحوا  ..
من طلعوا رحت الاصيل .
اصوله عندي طلب .

اصيل . گولي يبعد اختج . بس قبل ماتحجين هاج شويه اخذي حنونه عني ترى مرمرتني .

-اي صار اخذها . بس هاج هذا الثوب اريدج تعدليه الي بمكينه الحجيه . وانتي شاطره وتدبريها .

-دكافي تمدحين اسوي والله بس شتردين بي .

-ها لا هيج عجبني البسه وهو خيطته امي من جنت عندهم وعريض ومامرتب علي اريدج ترتبيه .

-اي دلبسيه خلي اشوفه . بس اني تدرين بيه بعدني موكلش . مو يخرب وتحجين علي .

-لا هو هم مايرادله شي .

لبسته وشافته . گالت سهله . دنزعيه .
راحت المكينه الحجيه وبدت تخيط وفتگته تفتگ وگلت بداخلي سوده بوجهج يهدى خرب الثوب .

اخذتلها ساعه تفتگ وتخيط ومااعرف السالفه شني .
تالي گالتلي روحي البسيه خلي اشوفه .

لبسته . يا عزا العزاج يااصيل على هاي الدگة

دخلت وراي . ها عجبج .

-ولج شسويتي بي شني هذا الصدر طالع كله .
وجسمي بين بي . جا اني گتلج هيج .

-ولج جا شلون تجيبيه للطريق غير هيج .
ماشايفه ذني المصريات من يلبسن هذا ثوبهن الضيگ ويلفن العبايه عليه ويتماوعن .

-انعم الله عليج . سويتيني مصريه .

دخلت سبحت . وطلعت متردده البسه لو لا .
تالي لبسته وگلت يصير الي يصير .

هو صحيح اسود بس طلع جسمي يخبل . خررب يومج اصيل على هاي السالفه .
سويت شعري ذيل حصان ولفيت نص عليه ونص نزلته .
وخليت حجابي على راسي وطلعت . بعد ماترست روحي عطر .

رحت يم اصيل . شافتني وبقت تضحك . ولج والله لو اني جا تخبلت شني من جسم عليج .
وانطتني محاظره شطولها وشتسوي المرتضى وشلون تقشمره واني خربانه ضحك عليها .

سمعت الباب انفتحت . لفيت حجابي ونزلت .
واني ع الدرج . دخل لؤي والجهال وشايل مصطفى بحضنه نايم .

شافني صفن عليه . واني انزل على كيفي .
گتله هاي صفاوي نام .
ونزلت گبل اله . ردت اخذة منه.
وهو يباوع على جسمي وصدري ويگلي . اشتعلوا اهلج ادخلي بسرعه گدامي اجه مرتضى وراي لايشوفج .

فتحت باب غرفتي وهو دخل شايل صفاوي وسويت روحي مامهتمه .
گتله نيمه هنا . خلاه . ودنگت اغطيه .
بسرعه سحبني ع الحايط. . وصار قريب عليه كلشي .

-هاي شلابسه اليوم .

-شلابسه ثوب شبي موحلو.

-شنو موحلو . الاحسن انزعي وامشي هيج . انتي شايفته شلون مفصل جسمج ..

دخل حمودي .. يمه كلش نعسان .

تعال ماما حبيبي نام . بقلمي شمس

اريدة بس يروح صارت نضراته تخوف واني ارتبك .

اولادي ينامون يمي ع الجربايه .

همسلي . نيميهم وتعاي فوگ عندي حجي وياج انتضرج مو ماتجين.

نيمتهم . وتأكدت مرتضى بغرفته .
والحجية بسابع نومه . صعدت .
ورجل تصعد ورجل تنزل من الخوف بله شافنه واحد .
سمعت صوت مرتضى يكح .
طفرت من مكاني ونزلت خايفه .

رجعت الغرفتي ونمت . ونسيت هو منتضرني .

للصبح گعدت اسوي ريوگ . حمودي وصفاوي عندهم مدرسه . صفاوي بالاول وطاير من الفرح حبيبي صار بالمدرسه بس بعده ذاك الطفل بالنسبه الي وماينام الا بحضني
لؤي يوصلهم كل يوم .

حسيت بخيال وراي .. گال اوعدك ياوعد واسگيك ياكمون
سكتت ماحجيت . بس كسر خاطري تلگيه انتضرني واني رجعت للغرفه وغفيت .

غسل وخلص . واجه من وراي اني واگفه ع الطباخ .
گال خو نكتيها بيه وبقيت النص الليل منتضر بسيطه .

گعدوا يتريگون هو والجهال .
گال . حمودي شو لابس قديفه شني بردت ماضليت على ذاك الثوب المفتوح مت الصدر يخبل عليك .

يمه استحيت وخاصه من دخلت الحجيه للمطبخ .
ماادري سمعته لو لا .

رادوا يطلعون جبت جنطهم واجيت .
وصلتهم للباب .
التفت الي گال اليوم اطلب حشم واريد تعويض .

هو طلع واني الابتسامه مافرگت وجهي .

مر اليوم عادي .
لليل . درست الجهال ونيمتهم . وباوعت للساعه . ب 11 گلت خلي ينامون كلهم .
واصعد خطيه البارحه انصلب النص الليل .

بقيت اتگلب بالفراش وماادري بروحي الا غافيه .

فزيت على شفايف لؤي بشفافي .
اول مره عبالي احلم .
فزيت . گال اشششش هذا اني .
گومي وياي عبالج افوتها مثل البارحه .
سحب ايدي حتى نسيت اخذ حجابي وياي .
وصعدني لفوگ .
واني مسايرته وامشي وياه وعبالك اني بحلم .
اول مرة احس بهيج شعور . ومغامره مامارة بحياتي .

كلام لؤي ورومانسيته تخليني بعالم ثاني .
وخاص للي مثلي بحياتها ماسامعه كلام حلو وغزل .

واني اصعد وياه للدرج . طويت صفحة الماضي
ونسيت اني متزوجه اخوه قبله .
لان ذاك الزواج عباره عن صفقه . وكنت بي طفله
وضايعه بين حكم نضال وجبروت الحجي ومصلحته مني وكان عنده الاهم من مشاعري هو الاطفال وشگد يجيب وعبالك عنده سباق وي الزمن .
#بقلمي_الكاتبه_شمس
………………………………………

دخلنا الغرفه .قفلها وسحبني گعدني على رجله .
گتله لؤي .
-عيونه .
حباب لاتسوي شي انت موگلت بس نسولف .

اباوع لعيونه حمر مااعرف شبي .واحسه بعالم ثاني ويخدرني بالحجي ويقشمرني .

-گال وهسا شمسوي. الله يرضاها مرتي وعاقد عليها واتختل وياها بنفس البيت .

-اي بس الكل تعرفنا احنه زواجنا ع الورق وماكو بينا شي .

-ومنو الي طشها السالفه.

-والله مو اني . اني هم استغربت من بتول گالتلي .

-شنو هاي.  جاهي شمدريها . اني هم گالتلي .

-ماادري .

-اني اعرف بطريقتي. بس المهم انتي . شوكت تحنين عليه .

-انطيني مجال لؤي . اني هسا طالعه من زواج مافهمت شي منه غير بس الالم . وانت هم مااعرف شي عنك وجانت عندك سوابق اخاف تضحك عليه .

-هههههههه ولج شنو طالب منج علاقه واضحك عليج
غير انتي حلالي .

-گمت منه وگعدت ع الجربايه يمه .
زين ومرتك بالاردن ماترجعها .

-واذا اگلج هو طريقها مااندله .

- شنو جا وابنك .

-هم ماادري عنه . اخذته وسافرت مااعرف انتقلت . بس مااريد هذا الحجي يطلع لان محد يدري بي .

-يا خطيه الله يساعدك .

شفته ضاج ردت اغير الموضوع بس الظاهر لصتها .

گتله زين وهديل بعدك تحبها .

-وشنو لزمت هالسؤال.  ماانكر اني بيوم عشگت هديل بس من صارت مرت عدي ابن عمي واخوي .
حرمت عليه وطلعتها من گلبي وعقلي .
وحتى مااعاين عليها .

شفته تعصب . بسته من خده .
بعدني ماكملت . دار وجهه واخذ شفايفي .
گمت ارجف مثل ورقات الشجر من ترجف بنسمات الهوا العاليه .
واحس جسمي يخدر . ويتحول الخوف والتوتر الى شغف دور ينزل على رگبتي وجسمي وهو يهمس بأذني .

اريدج تنسين منو انتي واطوي الماضي كله وعيشي وياي اللحظه وبس . جنج هسا انولدتي . بحضن لؤي .
انتي طفلتي وبنت گلبي .
هو يهمس واختلطت انفاسنا سويه .
گتله اني طويت الماضي وحياتي كلها .من خليت ايدي بيدك وصعدت الدرج .
من سمع كلامي . زاد شغفه واخذني الغير عالم .
ماحسيت الا روحي وياه وجسمه على جسمه ودشداشتي ماكو عليه . شلون نزعتها ومنو ماادري.
احس روحي مو اني .
وين ذيج الطفله التخاف والي تكره من يتقربلها الحجي .
احس روحي كبرت بين ايديه .
وگمت احس بأنوثتي .
رغم هو يگلي انتي طفلتي .

اكتفينا بس بهيج شي . وماقبلت يتمادى .
گتله من كلشي بوكته حلو .

گال . جا عندي طلب .

گتله گول واني ذايبه وبالگوه احجي .

گال نبقى نايمين هيج سويه جوه البطانيه واوعدج كلشي مااسوي .

هزيت راسي بمعنى موافقه . ونسيت اولادي وحدهم .
حسيت روحي هستوني متزوجه وبشهر عسل .

نمنا سويه وبحضنه وعلى صدره وهاي جانت اول مره احس بيها بشعور رائع وبرغبتي اني مو اجباري .

طفرت وي الاذان . شفت روحي بحضنه بعدني وعيت على روحي گمت بسرعه لبست دشداشتي .
ونزلت .
ركضت الغرفتي ومستحيه شلون مااگدر اصلي .
واخاف اسبح وتشك الحجيه لان هي تگعد بهيج وكت للصلاة .
استغفرت ربي ورحت نمت يم اولادي

وكالعاده گعدت الصبح . سويتلهم ريوگ وريگتهم .
گعد لؤي . اجه بسكته باسني من خدي وگال صباح الخير ياحلو .
شلون نومه نمت تخبل .

ضحكت بخجل . وگتله دروح غسل حتى تتريگ ليشوفنا احد او الجهال .

-ههههه ليش دوم تحسسيني انه اني مو رجلج .كله بالبوگات .

-گتله طبعا انت مو رجلي انت حبيبي . وخلينا هيج احسن مااحب كلمه رجلج .

-اويلي يابه . الطفله كبرت وصايره تتغزل .

-اوووه والله حرت وياك مو زين .

دخلت الحجيه . بسرعه سكتنه .

گال . هدى حضريلي الحباب بسرعه لااتأخر ع الجهال .

الحجيه ضحكت . وگعدت يمكن حست علينا شگد عيب .

سويتلها ريوگ .
ونزلوا بيت مرتضى .
وگعدوا يتريگون .
اني طلعت جهالي وودعت حبيبي .
ورجعت اتريگ وياهم .

ههههه مامصدگة روحي واخيرا صار عندي حبيب .

بقينا ع هاي الحاله .
نتختل كل يوم بالليل .
هو مايگدر يجي الغرفتي خاف يشوفونا جهالي .

فأضطر اني اصعد الغرفته .
كانت علاقتنا مجرد اللمسات وننام بحضن بعض .
بس ماتتعدا هيج .

گال . شوكت تخلص سنة الحجي وتصيرين مرتي من صدگ..  مو راح اطگ .
حجيت وي الججيه وگالت انتضر . واني جاي اموت من تنامين بحضني ومااگدر اسوي الاريده .

-كلامه جريئ ويخجل . رغم هو بجرئته زاح الخجل مني .
وخلاني اتجاوب وياه .

استمرينا ع الختلات ونتبادل النضرات .

الى ان بيوم الحجيه تريد تروح للنجف ياخذها مرتضى.
گالت گلبي طاگ اروح ازور قبر رضا .

واصيل جانت عند اهلها .

اخذ لؤي الجهال للمدرسه .
بعد ماطلعت الحجيه ومرتضى .

اني بلشت انضف . للساعه ثمانيه ونص انفتحت الباب .
تعجبت من شفت لؤي .واستغربت .

گتله شجابك هسا مو گلت عندي شغل .

-وين الگي هيج فرصه والبيت فارغ . ماصدگت وصلت الجهال واجيت .

سحبني وشالني .

-يا لؤي نزلني شبيك . لايجي واحد .

-واذا اجو. قابل مسوي وي غريبه غير مرتي .

لا لؤي حباب شنو اتفقنا . لؤي
اني احجي وهو بعالم ثاني ولا عبالك يسمعني .
واخذني وياه العالمه . اقصد عالمنا الي ننسى بي نفسنا ومنو احنه وشنو ماضينا .
نعيش بعالم وردي يخصنا احنه وبس .
#بقلمي_الكاتبة_شمس
يتبع…

………………
هلو حبايب شلونه البارت اليوم .

هذي رساله من هدى الكم .

احبتي اتمنى محد يحكم عليه . بسبب انجرافي الحب لؤي ومشاعره بسرعه وخاصه الحجي ماصارله سنه من توفى بس اني كنت طفله ومازلت ومااعرف شنو الحب وماجربته ولاحسيته الا على ايد لؤي .
فكان من الطبيعي انه احس بمشاعر اتجاهه واحبه بهذي السرعه وخاصه هو عاقد عليه ومو حرام اذا حبيته وانجذب وياه بمشاعرنا وعلاقتنا ..