رواية مازلت طفلة الفصل الثاني والعشرون 22 - بقلم الكاتبة شمس السعدي

….البارت الثاني والعشرون ….
       {#مازلت_طفلة}
     #بقلم_الكاتبة_شمس

اشششش لاتحجين . سلميني روحج وگلبج وبس .
خليني اشبع بهذا الغصن الي بحضني .
والله اعيشج ايام وليالي ماعايشتها واعوضج عن الي راح .
لؤي اذا تسوي هيج عمود تريد طفل . ترى اني مااريد .

ولج منو گالج اريد طفل . ليش تضيعين لحضتنا بسوالف مالها معنى .
اني اريد اشبع من حضنج . اريد احس بحبج وعشگج الي .
مو كل مااتقربلج . تطلعيلي بسالفه .
وراح تجي العالم واحنه نتطالب .

رادت تحجي . اخذت شفايفها .
سحبتهن قوي وماگدرت تقاومني . رحت اشم بيها واحضن الى ان حسيتها گامت ترعش بيدي .
وانتبهت . حاطه اديها على بطنها ماتوخرها .
ها كم مره الاحضها.
سحبت اديها . ماقبلت .

-شبيج يعمري شنو مستحيه .

-لا مو قبل كم سنه انجويت وبقى اثر .

-هههه والله عبالي شو شني بيج . هذا الجسم الي يخبل كله ماتأثر عليه ندبه صغيره .
سحبت اديها . واتقربت على بطنها وبستها .
وهسا گمت اموت عليج اكثر .

هدى ...
من يلزمني جسمي كله يرعش . وگمت اني احضنه ومااريده يعوفني اريد ابقى وياي الاخر العمر .
بس من يتقرب البطني . استحي من الاثر الي بقى من جويتي .
جنت اخلي ايدي حتى مايشوفها .
بس هو سحب ايدي . وبقى يبوس بيها .
گمت احبه اكثر واكثر واتعلقت بي كلش.
حسيت وياه بحنان ابوي وحضن امي وحبي الاول والي ماعشته الا وياه .
لؤي رجال غير كل الرياجيل . شخصيه ورزانه وعاطفه .
عيونه ونضرته تذوب .
ورومانسيته تاخذني الحلم ماودي اصحى منه .
اول مرة ارغب الهاي الشغله برضاتي .
ومستمتعه وذايبه وياه . الى ان…… خلصنا واني بعدني بغير عالم .
اخذني الحضنه ونسيت نفسي وكل شي بحياتي .
بقيت مغمضه مااريد اصحى .
اريد ابقى هيج .

همسلي . واخيرا صرتي مرتي وحلالي .
ابتسمت وگتله . احس روحي اليوم ليلة عرسي الحقيقيه وجني مامعرسه قبل .
وجنك اول رجال يلمسني برضاتي ورغبتي .
احجي واني مغمضه .

اششش انسي الماضي . موگتلج احسبي بداية حياتج وياي موش وي غيري .

واني نايمه بحضن حبيبي وبعالم ثاني .
وسمعت صوت نضال ..
لامستحيل .. حتى هنا صوتج لاحگني . مامعقوله .

ماصدگت . الى ان بدأ صوتها يقرب وهي تصيح . عمه وينج . عمه شني ماكو احد بالبيت .

طفرت . يمه هاي نضال شلون بيه .جا انت ماقافل الباب

لؤي . وشبيج خايفه قابل مسويه مكسوره .قافله والله بس هي عاشت عمرها كله هنا اكيد تعرف تفتح باب الشارع والمطبخ ماقافليه احنه .

-يا عزا العزاني ماتدري بيها شلون تفضحني . وهي منا تحبني .

احجي وي لؤي والبس بدشداشتي .
وهو گام يهدي بيه واني ارجف .

- حبيبتي اهدي . حتى المايشك بيج . يشك من يشوفج هيج .

دگت باب غرفتي . هدى وينج .
معقوله هاي الثوله عايفه البيت وطالعه تمرح بكيفها .

نحجي بهمس . وهو حاضني ويهمسلي . اسكتي بلكي تيأس وتروح .

-لا تروح تطلع حجي عليه . وتگول عايفه البيت .

-جا خليني اطلعلها اني .

-لا مروتك تفضحني والله .

لبست دشداشتي . باوعت ع المرايه.شفايفي حمر وعيوني تلمع وشعري مبعثر .
طلعت من الغرفه وسديتها وراي بسرعه واني اعدل بشعري والم بي .

نضال . وين جنتي صار ساعه اصيح ماتسمعين .

هدى .. هاااا لا بس جنت نايمه مالي خلگ وغفيت .

-جا جنتي نايمه عريانه .

-ها لا .

-ولج شمالي ماافهم . دشداشتج مگلوبه لابستها ومالابسه ملابس داخليه .
وشعرج مكفش وحالتج حاله .
گولي شجنتي تصخمين بالغرفه . وويامن .

😲😲😲 فكيت عيوني على كبرهن .

هااااا شنو قصدج اصخم . مو اني الاسويها .

-والله كلشي يطلع منج .
احجي شجنتي تسوين لا ادخل اشوف بنفسي وافضحج فضيحه . طبعا خلالج البيت وماكو احد . رضا مات ولؤي ملتهي بشغله وانتي تلعبين شاطي باطي ..

-من حجت هيج . احس روحي ماعت مني . واخذني الرجف . وشفافي يرجفن . ومابيه قطرة دم .
طحت بلسان نضال . الله اليستر .

بعدني ماحاجيه . فتح لؤي باب الغرفه وطلع وبيده جكارته وبملابسه الداخليه .
بس لابس القميص فوگهن ومفتوح . ويعدل بشعره .

-ها نضال خير شكو ويحرك بعينه وببرود وماهتم .
واني الخوف ماخذني .

هي صفنت بوجهها ومامصدگه عيونها .

لان لؤي طلع بمنظر يفشل بس يخبل . ومن يحجي ويغمزلي بعينه .
هي گامت تلعثم بالحجي .
ولمت عباتها وراحت .

واني بقيت صافنه بوجهه ومامصدگه .

لؤي ..
جنت بعالم ثاني وي هدوتي . واخيرا گدرت اكسر الحاجز الي بيني وبينها واخليها مرتي وتتعود عليه وترغبني .
وبعز نشوتنا . اجت نضال وخربت الاول والتالي .
هدى . والله تخاف منها .
طفرت من مكانها وترجف . وشلون وشلون وراح تفضحنا .
گلتلها شبيج خايفه غير انتي مرتي قابل مسويه مكسوره وردت اطلع اني النضال بس ماخلتني هدى .

طلعت هي . ومن گد ماهدى خايفه وترعش .
حست عليها نضال . وتهمتها تسوي سالفه من ورانا .
وهدى ماتحجي وتدافع وخايفه .
وگلت لازم اطلع قبل لاتطلع سالفه موزينه على هدى وتشوه سمعتها . لان ادري نضال ماتحبها وتريد الها زله عليها .

طلعت وتعمدت اطلع بهيج منظر حتى ابين الها . انه اني ماخايف وهدى مرتي وحلالي . ومامسوين شي غلط .
ردتها تحس ع دمها وتعتذر .

بس هي استغربت وانصدمت ولفت عباتها وطلعت تركض واكيد مارح تعديها بالسهل .
نضال واعرفها راح تألفلها قصه وتگلبها علينا .

هدى . ضلت تلطم وتبجي . ادري راح تفضحني .
گعدت ع الدرج وتدگ على رجليها .
#بقلمي_الكاتبه_شمس
………………………………………………

اتقربت وگعدت گبالها . لزمت وجهه وسحبت شعرها لوره وبستها من رگبتها .
احاول اهديها .
ولج انتي غير مرتي . شبيج خايفه .
-ادري مرتك . ولو مو هيج جان ماخليت تتقربلي .
بس نضال واعرفها . هسا تطلعني اسوي وياك بالسر
وخاصه بعد ماالكل احنه مجرد عقد بينا .

-هي ع العقد . تجي امي وباجر اخذج ونعقد محكمه ومناك اروح اجهزج واشتري غرفه غير هاي .
واخلي الناس كلها تعرف صرتي ملكي وحلالي ومحد اله دخل بينا . وعضيتها من شفتها .

ابتسمت وهدأت . عليمن هالغرفه . هاي شبيها .

-اريد غرفه بيها ذكرياتنا احنه وبس .
غرفه اني مشتريها الج مو غيري . فهمتي قصدي .

والجهال . اجيبلهم جربايتين اخليهن يم امي بغرفتها دور ينامون .

-يعني يبعدون عني ..

-وين رايحين همه الجزيره الواق واق.  غير بس حايط بينا .
ضحكت هي .
گلتلها دگومي خلي ناخذلنا حمام حار اني وياج ونرتاح واروح اجيب غدا من برا لاتسوين انتي اليوم عروس اريدج بس ترتاحين وغمزتلها . هي استحت .
ومناك اجيب الولد واجي من المدرسه .

همزين اكو ماي حار بالگيزير . حضرت ملابسه .
گتله ادخل واني وراك .
گال .
لا لا . اذا مو اثنينه ماكو .

-لا ما استحي .

-بعد الي صار اليوم وتستحين مني .
هدى اني اريدج تصيرين جريئه وياي . مااريدج تستحين وياي بشغله الحب والعلاقه الي بينا .
حسسني بحبج الي بكل الطرق .

صحيح اني احب مستحاج وعفتج بس وياي انسيهن وخاصه بعلاقتنا الحميميه .
وهسا تعاي. وسحبني من ايدي ودخلني وياه .
والحمام يصير ع الممر ماكو شمس عليه .
يعني همزين نقذني يصير اظلم اذا ماكو كهرباء .
وهاي اول مره اسبح وي واحد .
حتى من جنت صغيره مااخلي امي تسبحني استحي .

وطبعا . مااگلكم على سوالفه وجرئته . كلش جريئ واني بعدني مامتعوده على هيج .
بس اليوم كان حلو بالنسبه الي واول مره اغامر هيج ولان البيت فارغ وبس احنه بي .
اخذنا راحتنا . حتى من طلعنا من الحمام . خلينا مناشف بس وطلعنا .
جبتله ملابس من غرفته . بدل .
واني هم اخذت ملابس . ومنتضره يطلع حتى ابدل رغم الي صار بينا كله بعدني استحي .
هو فهم عليه .
ضحك . گال يله طالع . اتقرب مني .
جان شعري مبلل وينقط مي على كتفي .
دنگ على كتفي باسه ومص قطرات المي الموجوده وطلع بعد ماارتعش جسمي بحركته .

باوعت الروحي بالمرايه .
عزا . شنو هذا الزراگ . بس شو مايوجعن .
معقوله من بوسه هيج جسمي صاير يتحسس اول مره يصير بيه هيج وشلون صارن .
ولو هو اني ادري بروحي جني وحده مغمي عليها .

جانت احلى لحضات عشتها . ماعدا دخله نضال علينه والي صار بوسط هذي اللحضات الحلوه .
جان شهر الواحد . وبارده . ثلجت . بدلت بسرعه ولفيت شعري .
وطلعت . كملت تنضيف المطبخ لان عفته ع النص .
وجبت الصوبه للصاله وگعدت گبالها .
احس روحي مثلجه . وگمت اعطس يمكن انشلت .
كله من ورى رومانسية لؤي .يمكن راح اتمرض .

للظهر اجه هو والجهال . بدلتلهم ولؤي جايب غدا
دجاجه شوي ومقبلاتها وخبز حار.
حضرته بالصينيه وتغدينا . وسوالف وضحك . والولد يسولفون ع المدرسه والتحاضير .
ولؤي يغمزلي ويسويلي حركات من وراهم .
واني بس اضحك .

خلصنا غدا . گلتلهم يله ماما غسلوا وللفراش نامو شويه حتى ترتاحون واگعدكم ندرس .

گاموا غسلوا وراحوا للغرفه .

رحت اغسل ماعين .اجه لؤي لابس دشداشه ومتعطر .
حضني من ظهري وباسني برگبتي .

-ماتخلينا نصعد نجدد بغرفتي .

-هههههه ماتشبع انت . منا الولد ليشوفونا.
وبعدين الحجيه على جيه هسا .

-ترى هاي مو وضعيه . بعد مااتحمل اريد مرتي يمي تجي امي واحجي وياه اليوم حتى باجر من الصبح تجي الغرفه .

-شنو تجي . جا غير تحجز ويسوها الك .

-هههههه حبيبتي اني اشتغل بعالم السرعه من اول ماحسيتج تبادليني نفس المشاعر . رحت وحجزت واختاريت الموديل .
والغرفه هسا كامله . بس منتضر الوكت المناسب واجيبها .

ضحكت . يمه منك ابد ماينگدرلك .

هههههه يله يعمري اني رايح للشغل اليوم الصبح مارحت هسا الگي هاتف لايص الدنيا .
لليل يله اجي .
بوسني وطلع .
واخذ روحي وياه .
خلصت . رحت نمت يم جهالي .
حضنتهم . مااتوقعت يجي حضن ينافس حضنهم .
اشتاقيت الحضن لؤي وحنيته .
صدگ هسا حسيت بشنو يعني المره تحب رجلها وتنتضرنا من يجي من الشغل وتشتاقله وتسوي الشغلات الي يحبها . هاي المشاعر كلها جانت خافيه عني .
اتذكرت لؤي بحب حلاوة الشعريه .
گلت وي العشا اسويله .

اجت الحجيه . گعدتني بستها وسلمت على مرتضى .
وجايبه صوغات النا .
الجهال تراكات والعاب .
واني جايبتلي دشداشه مال نوم تخبل .
گالت هاج يمه هاي عجبتني عليجن انتي واصوله . ضميها الوكتها وتضحك .
استحيت . ماتدري ابنها سبق الوكت وزرع الاثار بكل جسمي . لفلفت الحجاب زين .
استحيت ليشوفهن احد .

راح مرتضى يجيب اصيل من اهلها .
دور اجه مهيمن ابن باجي وفاء .
گال للحجيه .
بيبي . جدي الشيخ يريدج ببيته يگول ضروري .

گالت خير ان شاء الله. وراحت وياه .
واني صوفر وجهي من الخوف .
هاي بس لانضال فاضحتني گدامهم .
شگد فشله هسا شيگولون عليه .
#بقلمي_الكاتبة_شمس
يتبع…….