رواية مازلت طفلة الفصل السادس والعشرون 26 - بقلم الكاتبة شمس السعدي

….البارت السادس والعشرون ….
       {#مازلت_طفلة}
     #بقلم_الكاتبة_شمس

لؤي…
من طلعت للاردن .. جانت الاوضاع موزينه .. بس گلبي اكلني وبعد مااتحمل ..

سافرت .. ورحت للشقه .. مالگيت مهند منتقل ..
هاي شلون سالفه ..

رجعت للمحل .. هم ماكو .. لگيت ولد بمكانه .
گال انتقل الغير محل واني استأجرت بمكانه .

بقيت حاير .. صار الليل رحت الفندق . وگلبي صار نار حتى مهند ضاعت علومه عني وين الگاه .

بقيت كم يوم ادور ماكو .. واني متبهذل ولااني طايل سما ولاگاع .
اشتاقيت الهدوتي . والليل كله اتخيلها يمه .
قررت ارجع ..
هاهي الله ماكاتبلي الگيه .

نويت ارجع بس تذكرت اختها گلت خلي اروح البيتها القديم عسا وان الگها .
رحت الاخت سناريا . دگيت الباب
طلعتلي صحيح متغيره . بس عرفتها تشبه اختها .

گالت شنو رايد عرفتني بسرعه . سألتها على سناريا وابني. گالت اتصلت علينا من دوله اوربيه . مهاجره لهناك ومقدمه اقامه يعني مترجع بعد ..

خنگتني العبرة . وتعصبت على اختها. وگلتلها گولي الاختج الله قبيلها وعساها ماتتهنى بحياتها لان حرمة ابو من ضناه ..

رجعت وامالي خايبه .
خابرت الولد الي يجي للاردن دائما ..
گتله اريد ارجع للعراق .
گال . الاوضاع متدهوره . بالعراق واحتمال ماكو سفر .

تخبلت اكثر . وگتله شوفلي طريقه شلون ماجان ارجع .
بس بسرعه صار الحرب .
والتلفزيونات انخبصت .
اني تخبلت .
ماخليت واحد . ماتوسلت بي يشوفلي طريقه ارجع بيها .
بس انغلق السفر وماكو دخوليه للعراق .

والحرب گامت .
روحي تعلگت بأهلي . لو هدوتي شصار بيها هسا .
ادري بيها ترفه وماتتحمل .
وراح تتخبل اذا غبت اكثر . بس شلون ارجع .

ماكو طريقه غير بس ادور على مهند يشوفلي صرفه .
وين الگاك يامهند وين اختفيت .

رجعت للشارع القديم ..
سألت عليه . گالوا بشارع الجامع انتقل .
رحت اسأل الى ان لگيته .
دگيت الباب .
طلع ولد ..
گتله مهند هنا يسكن .
گال . اي هنا بس حاليا ماهو .

گتله اني صديقه وجاي من العراق .
استغرب . گال شلون اجيت بهيج وضع .
گتله . لا صار فوگ العشر ايام هنا .
وتورطت ومااگدر ارجع .
طلع الولد هم عراقي . ويشتغل بالاردن .
رحب بيه ودخلني .

گال مهند بحلب عنده شغل ..
بقيت منتضر كم يوم واني گلبي بالعراق . واتصل ومااحصلهم .
بس لاصار شي عليهم .
الاخبار ماتطمن . واحتمال يسقط العراق وشلون بأهلي شيوصلني الهم .

ورى كم يوم رجع مهند . حضني وگلي بذات وين هالغيبه سولفتله كلشي .
وضحك . گال هيج المرة نستك صاحبك وعشرة عمرك .

گتله اجيت علمود ابني . وهاي النذله ماخذته ومقدمه اقامه بدوله اوربيه .يعني ماترجع .
واريد ارجع شلون دبرلي صرفه .

مهند .. اني هم اهلي بالي يمهم . وماكو غير ننتضر ونشوف .

لؤي .. ولك شأنتضر راح اموت من التفكير .

سمعت كلام مهند وانتضرت . بس اليوم بسنه يمر عليه .
والف فكرة اجت على بالي .
مهند گال اني راح اصفي شغلي .
واسافر السوريا ..

استغربت ..
ضحك .. گال اني تزوجت سوريه . عرفتها من خلال سفري وعجبتني .
وشجعتني اروح لهناك تگول الشغل اكثر والمعيشه اسهل ..

لؤي .. وشوكت تروح .

مهند .. لاتخاف مااعوفك لمن اطمأن عليك وترجع بالسلامه .

ضربت على كتفه . وگتله كفوا والله ..

مرت الايام . والاخبار مو زينه . الى انتشر خبر سقوط بغداد بيد الاحتلال . 
جنت گاعد بگهوه . ضربت على الطاوله حيل . وگلت وسفه والله .

سمعت الاردني يمي . يگول معقوله ماگدروا يحافضون على بلدهم وشرفهم وسمحوا للامريكان يحتلوهم .
بعوا ريسهم وبلدهم ..

مااتحملت وفار دمي . وماحسيت الا اطلع غضبي وقهري على اهلي وبلدي بي . 
بالگوه سحبوني منه . گتله ولك ياعار خلي الامريكان يشنون حرب عليك بصواريخهم ودبابتهم وانت ماعندك بس رشاشه تدافع بيها .
شلون تگدر تحمي بلدك برشاشه والمحتل اقوى منك بالعتاد والتجهيزات ..

سحبني مهند . گال يمعود عوفه خلي يولي.  يحجي لان ماضايگها ..

بقيت فتره . بعد ما خلصت الحرب ودخلوا الامريكان .
گتله مهند اخيك شوفلي صرفه .
اي واحد يدخلني قجق للعراق وكلشي مااريد بعد .

فرينا واحد واحد الى ان دبرت روحي ..
دخلت العراق .. قجق يعني تهريب .
من الشمال ..
وياي كم واحد مو بس اني . والسايق متعود جان يهرب الناس من العراق للخارج . يعني هاي شغلته .

گال ترى الوضع ماينعرف . اي شي يصير عوفوها وراي اني احجي انتو لاتحجون .

البلد تايه تحسه . الامريكان داخلين وعبالك البيت بيتهم ومستقرين .
دمي فار من شفتهم ..
وگفونه بنص الطريق ويحققون ويانا .
من وين انتو ووين رايحين واسلحتهم موجهه علينا عبالك احنه الداخلين بلدهم مو همه المحتلينا .

السايق رد عليهم . احنه من الشمال وگدر يقنعهم لان هو اصلا كردي .

تخطيناهم . وطلعنا . نمشي بلا توقف من محافضه المحافضه . صار الليل واحنه نمشي .
گال ترى اني راح اوصلكم البغداد بعد هنا حدي وانتو مناك شوفولكم صرفه ..

قبلنا لان ماعدنا غير حل ..
وصلنا البغداد .. شفناها عباره عن رماد . مو ذيج بغداد الي نعرفها . تحسها تنزف مجروحه واهلها شارده منها وتاركتها وحدها .

بقينا ع الطريق بالساعات نريد سياره ماكو . ومانگدر ندخل للگراجات الامريكان محاوطينا من كل مكان .

ماصدگنه اجت سياره . اشرلنا . وجتنا بيها من غير مانتفاهم وياه . گلناله مروتك .
احنه اثنين نريد للمحافظه…… احنه بس اثنين لان الولد الثالث اهله ببغداد وراح مشي وماعرفنا وصل لو لا .
بس احنه البقينه محافضاتنا قريبه وگتله اوصل وياي ومناك اني اوديك .
#بقلمي_الكاتبه_شمس
……………………………………………

بعدنا ماطالعين بغداد .. وشفنا زلم وشايله تفگ وگفتنا .
گتله شنو ذوله .
گال راح اطلعهم شلون ماجان .
لان بس يدرون بينا من الجنوب يصفونا ..

الولد ماوگف فتر يمهم وبعدين داس سريع وطلعهم .
بقوا يرمون ورانا .
اني دنگت بسرعه .والجام تفلش
همزين الله سترنا
بس الولد الوراي سمعته صرخ .
گلتله شبيك مايحجي .
گلت للسايق اوگف يمعود خلي نشوفه .

السايق .. انت من كل عقلك اوگف . لمن ادخل المنطقه امنه يله ماتشوف الدنيا مگلوبه .

عاينت ع الولد . وين تصوبت .
گال ماادري احس نار بضهري تسعر .
اخذت شماغ السايق .
والتفتت ع الولد . مااشوف الجرح هاك اضغط ع المكان اليوجعك .
وبس نوصل للمستشفى نعالجك .

السايق .. تحجي صدگ انت . وين اكو مستشفى هسا وتعال سين وجيم والامريكان مسيطرين .
وماعندهم تفاهم گبل يكلبجون وياخذون .
گتله جا عجل بسرعه . اهلنا مو بعيدين اخذه الاهلي واني اداويه .

مشينا بالساعه . گلتله رحمه لهلك اوگف .
وگفنه شفت الولد مصوب بجتفه . ويون من الالم .
لفيتها اله وبقيت يمه . والسايق حرك .

گال ماراح اطلع ع السريع لان مليان همرات .

فوتنا بالافرع . وتأخرنا يله وصلت الناحيتنا .
قريب الفجر ..
دخلنا بالسياره . قريب القريه .گال لهنا حدي .
انطيته حقه وشكرته ونزلنا .
لازم الولد والجنط على جتفي ونمشي ..

دخلت القريه . وتلگوني الولد بأسلاحهم .
ياهو انتو .

گتلهم اني الذيب ولكم .
خله هاتف اللايت بعيوني .

لؤي خويه وين جنت گلوبنا طگت عليك .
گلتلهم وياي ضيف ومتصوب ساعدوني ندخله لجوه ترى نزف هواي .
بسرعه سندوه وياي واخذناه .
وكلها تصيح وتبشر برجعتي خبصوا الجوا .

مريت من بيتنا واعاين لفوگ .. هدوتي وينج اشتاقيتلج معقوله ماحس گلبج برجعتي ..

اخذناه للمضيف . وصحنا ابو ايات يجي يشوفه .
واني ماگدرت اعوفه بقيت يمه .
بس گلبي دخل البيتنا قبلي .
وبقى يدور على هدوته ..

شافه وگال .. لو ماخذيه للمستوصف مال ناحيه .
ع الاقل اكو معدات .

گتله منو يگول گاعدين .
گال راح اعقمها والفها .
وناخذه ونروح .
وانت عدي . روح الدكتور مهدي . گله يجي ورانا .

اخذنا الولد ورحنا . وهم ماشفت هدوة .
والولد خبصوني بأسلتلهم .
شلون اجيتوا ومنو صوبكم ومن هذا الحجي .
گلتلهم .
خلوني ارتاح واطمأن ع الولد وبعدين وكت السوالف .

هدى… .

من سمعنا صياح . ومرتضى طلع وگال مااريد وحده بيجن تطلع اقفلن بابجن .
گلبي اكلني . ومرتضى اتأخر ومااجه .

مااتحملت بعد . طر الصبح وبدت الشمس تطلع . وهو ماكو .
گلتلهن بعد مااتحمل راح اطلع واشوف .

الحجيه .. يمه خاف يضلون يحجون عليج .

هدى .. يمه بعد مااتحمل . خاف الولد شو شبيهم .
ماادري ليش گلبي ماكلني وحاسه ورى هذا الصياح سالفه جايده ..

لبست عباتي . وطلعت .
باوعت منا . ومنا ماكو .
تالي شفت ابن رجاء . صحتله .
گتله شكو هالصياح الفجر . انت جنت گاعد .
گال لا اني نايم جنت . بس سمعتهم يسولفون يگولون خالي لؤي متصوب واخذوه .

لطمت على صدري .. ولك شنو لؤي شوكت اجه .

-اجه بالليل ..

سديت الباب وگعدت بالطارمه . رجليه بعد مايشلني . والدموع تنزل .
وادگ والطم . ملخت شعري .
اجت اصيل وفرقان شكو . گلتلهن .
وهنه اتخبلن .
گومني ودخلني لجوه .

الحجيه .. يا يمه هدى شكو شصاير .

گلتلها .. يمه لؤي وفقدت بعد ماادري بروحي ..
ماحسيت على روحي الا واني اهذي .
لؤي وينك . ليش هيج تسوي بيه
مو راح اموت والله ..

سمعت صوت .. والله مامسوي شي . شو ذبيت روحي بالموت حتى تجي اشوف هدوتي وتالي هيج تتلگيني .

فتحت عيوني ومامصدگه . شفته گبالي وملابسه كلها دم اتخبلت . وين تصوبت .
شنو هالدم .

لؤي .. ما بيه شي والله . هذا ولد اجه ويانا تصاوب واخذناه عالجنا ورحت وياه زحمه اعوف .

هدى .. حضنته حيل وبسته من كل مكان مامصدگه شفته گبالي واتلمس بوجهه .
گتله وهانت عليك هدوة ماتطمنها ..

يابعد روحي هدوتي . ليش هو اني اجيت ومخاطر بروحي غير حتى اشوف عيونج الحلوه .
بس الولد صار بأمانتي وماگدرت اعوفه .
وبس شفته زين . خليت الولد يمه واجيت ركض .

رجعت حضنته وابجي . ونسيت كلها واكفه فوگ راسي وتضحك .

.. فرعن دمعاتي ليك ..
.. وشگت زيگها جروحي ..
..وسولفلي الجرح لچمات ..
.. ويون الناي من نوحي ..
.. وأفزعلك هلال شوگ ..
.. يالبايگ فرح روحي ..

لؤي .. اوووف يهلدموع مايخلصن . والتفت على امي .
گالها خاله بنتج شنو سالفه دموعها .

امي .. هي هيج من صغرها اصيحلها ام دميعه ..

لؤي .. يله يم دميعه . گومي حضريلي الحمام .
وسويلي ريوگ من ايدج . ترى ميت من الجوع .

طفرت وگمت حضرتله الحمام وملابسه .
ولدي نايمين .
گعدتهم وگلتلهم اجه عمو . طفروا مامصدگين .
وسوينا ريوگ وحرت شسويت .
هو يحب الطماطه بالبيض .وشرط الا بالطاوه .
سويتها اله .
گعدنا نتريگ واني عيوني ماشلتها عنه اريد اشبع من شوفته . وكل ساعه عبالي بحلم .

كمل اكل .. گال حبيبتي . حضري دشداشتي . اروح اشوف الولد شصارله هذا امانة الله عندي .

صعدت للغرفه اجه وراي .
دخل وقفل الباب ..

گتله ليش قفلتها ..
لؤي ماامن بولدج . وخاصه الصغير ادري بي هسا يسوي هجوم علينا ..

اتقربتله اني هالمره .
لفيت ايدي على رگبته . مو اولادي .
لو تجتمع الامه كلها ويجون الامريكان لهنا . محد يگدر ياخذني من حضنك .
وبوسته ..
#بقلمي_الكاتبه_شمس
يتبع…