رواية مازلت طفلة الفصل السابع والعشرون 27 - بقلم الكاتبة شمس السعدي

….البارت السابع والعشرون ….
       {#مازلت_طفلة}
     #بقلم_الكاتبة_شمس

سامعين من يبقى الذيب .
بلاية اكل فترة طويله .
وبعدين يلگي گدامه فريسه جاهزه
وجاية برجليها لحد عنده . شيصير بي !!!!!

هيج جانت نضرات لؤي الي ..
عيونه انگلبت حمر . ومن عيونه تصير هيج
اقرأ السلام على روحي ..
اووووف ياهدوة شورطج وي الذيب…

لزمني من خصري وعصرني بيد وحده ..
بعدها ماحسيت بروحي شصار وشسوه .
تلخبطت بين لمساته وشفايفه وحركاته .
وكأنه صار عليه هجوم من جميع الجهات .
وماعرفت شصار بيه ..

هجم عليه من رگبتي .
مثل الاسد من يعض فريسته من الرگبه يگطع زردومها وبعدين يستمتع بأكلها على كيفه .

ولؤي يدري بنقطه ضعفي رگبتي .
واول ماهجم عليها . مص وشم ..
وبعدها خدرت . وصرت جواه جثه يستمتع بأكلها على راحته ..

طلع اشتياق ولهفة الاشهر الراحت كلها ..
واني بحضنه هايمه وذايبه ..

وعيت واحنه نايمين سويه ومتغطين وهو نايم خطيه .
اكيد مانايم من البارحه .
گمت على كيفي ..
اخذت ملابس . اتأكدت ماكو احد بالطابق الفوگ .
سبحت وطلعت ..
جاي امشط ..

گال .. نعيما ياحلو ..

التفتت عليه . نعم الله عليك يالذيب .

ضحك . گال ها هسا صار الذيب موزين .

گتله هاي شمسوي بيه بله هسا شأكلهم من انزل .

لؤي .. گليلهم الذيب جوعان واكلني 😉😘

-هههههه حضرت الك الحمام . مو گلت تريد تروح تشوف الولد ..

طفر من مكانه . من اشتعلوا ياهدوة شسويتي بيه وخلتيني انسى الولد .

گام يتراكض بسرعه سبح ولبس دشداسته ولف شماغه وطلع .

نزلنا سويه ..
وشفت الثنائي المرح . يضحكن ويتهامسن علينا .
اوووه شيخلصني من السانهن بعد .

ودعت لؤي ورجعت ..
گالت فرقان .. اصيل جا شمالج رحتي تنطين الدشداشه الرجلج ونمتي فوگ . خير خو ماكو شي .

اصيل .. والله يخيه شأسوي الرجال مشتاق وعطشان خطيه گلت ارويه وانزل ..

باوعتلهن .  اگلجن بطلن عاد تبسمرن عليه . رجلي وبكيفي انتن شني .

اجت الحجيه وهن يضحكن عليه .
ولجن شبيجن وي هداوي ماتخلنها . مو كافي بعد عنها كل هاي الفترة .. خلنها تشبع منه .
وانتي يفرقان ..
يجي يومج وتشوفين معزة الرجل مثل معزة الام على ضناها ..

ضحكنا كلنا .. وگمت اسوي حلاوه شعريه لؤي يموت عليها .
واصيل تگلي حبابه سوي محلبي المرتضى يحبها ومااضبطها ..

گلتلها .. شلي شغل بيج كل وحده تسوي الرجلها .
مو قبل شويه صفيتي وي هاي الزعطوطه عليه .

فرقان . شني زعطوطه همزين صرت اطول منج .

هدى .. اي والله بهاي صدگ بعد كم سنه ماتدخلين الباب الله يساعد الياخذج ..

فرقان .. يمه فدوة يتمنى اشتره مني ..

هدى بأستغراب .. ولج هذا ياهو اليتمنى اشاره منج .

فرقان .. ها ماكو شي هيج بس حجي ..

لزمته واخذتها للغرفه.
احجي ولج . منو هذا تردين تفضحيني .
هنا يردن بس زله عليه وعليج .
والله يخلن صيتنا بكل حلگ .
احجي اگلج ..

فرقان تبجي .. والله مامسويه شي ولاحاجيه وياه بس نضرات ..

هدى .. منو هو .

فرقان .. حسين .

هدى .. ياحسين ابن وفاء .

فرقان .. اي ..

هدى .. حسين واعي وخوش ولد . ومااعتقد وراه سالفه .
بس انتي لاتنطيه مجال لمن نشوف شني غايته وياج ..

لليل رجعوا الولد . گال لؤي الشيخ مسوي عشا الرجعتي بالسلامه ..
امشن عيب نخجله ..

گتله .. يا والحلاوه . گال من نرجع ناكلها بالليل .
ليش اني افوت الشعريه من ايدج ..

لبسنا ورحنا ..

جنت مامنتبهه . لحسين . بس صار بالي يمه .
بالرايحه والجايه عينه مايشيلها عن فرقان .

وشاور اخته وراحت حاجت فرقان ..

اجيتها . شودالج طارش بيد جنات ..

فرقان .. يريد يحاجيني ورى البيت ..

هدى .. شيريد منج .

-ماادري والله .

هدى .. انتي ابقي اني اروح اشوف شنو سالفته ..

تعشينا وخلصنا . التهن البنات بالماعين والهوسه سحبت روحي وطلعت بسكته .
وماجنت اضن احد شافني .

لگيت حسين منتظر . شافني تلعثم وماعرف شيحجي ..
گتله شعندك وي اختي ..
شنو غايتك . وليش داز عليها ..

حسين .. ام حمودي والله ماعندي غاية الا كل خير .

هدى . جا الخير بالختلات وبالظلمه .

حسين .. ردت احاجيها مرة وحده واعرف رايها بيه واذا تبادلني نفس احساسي . اودي امي تخطبها الي .
لان صار هواي بس نضراتنا الي تحجي وهالمره ردت اسمعها من السانها ..

گتله خويه اني اعزك واگول عنك خوش ولد . وانت جامعي وواعي وتفتهم .
المفروض تدز امك وتشوف الرضت بيك البنيه والمارضت انت ماخاسر شي ..

گال . حقج والله وبهاي غلبتيني ..
گتله .. انت خوش ولد وتستاهل كل خير ..
وضحكنا .. گال ريحتي بالي الله يريح بالج .

شتسون هنا .. سمعت صوت لؤي وهو معصب .

اتقرب .. گال شعدكم هنا ..

گتله .. لؤي جانت عندي سالفه وي حسين .

لؤي .. وشنو السالفه الماتسولف الا ورى البيوت وبالظلمه ..

ردت احجي وگال .. انتي روحي من وجهي هسا وحسابج بعدين .

رحت ورجليه تطبگ رجل برجل من الخوف . هذا بس لافهمني غلط . شسوي هسه يربي .
الله لاينطيج يفرقان ورطتيني . وحتى ماخلاني افهمه.

رجعت البيت الشيخ . وگعدت يم امي .
امي .  يمه جا وين ولدج .

هدى .. ها ماادري . وگلبي مخطوف ومالي خلگ احجي .
اشرت الفرقان اجت يمي ..
بعدني ماحاجيه .
اجه حمودي ..
يمه يگول عمو لؤي . يله امشونا لان تعبان ..

گالت الحجيه يله يمه .. گمنا وصارت عيني بعين بتول وشفتها تضحك بشماته ..
ونضال وابتهال گاعدات يمها وهي تسولف وتضحكلهن .
عرفت هي ورى السالفه ..

طلعنا .. ولؤي يمشي ورانا ..
اريد امشي احس رجليه ثگلن . واخاف التفت واشوف ردة فعله .
اصيل تحجي وياي . واني مامنتبهه عليها .

دخلنا البيت .. گال لؤي . اصعدي وراي ..
#بقلمي_الكاتبه_شمس
………………………………………………

صاحته الحجيه نزل .. يمه شصار الهذا الولد الي تصوب .

لؤي .. لايمه زين طلعوا الطلقة وعالجوه .
وجبناه للمضيف علمود ابو ايات يعقمها كل يوم اله .
ويومين اذا صار زين نوديه الاهلها .

الحجيه .. ها الحمد لله الله يشافيه .

امي گالت .. يمه جا احنه بعد شني گعدتنا هنا . الحرب وخلصت اني ارجع البيتي بعد .
شفت فرقان ضاجت .
گلتلها يمه بكيفج الي يريحج سويه . ماجلبت بيها مع العلم بودي امي تبقى يمي .
من حجيت هيج فرقان ضاجت اكثر .

لؤي .. يمه الوضع بعده ابقى هنا امان الج . بس امي اصرت ترجع البيتها ..

واني بالي مو يم واحد .
كله بلؤي وشراح يسوي وشيگول . حسبه تاخذني وحسبه تجيبني ..

صعد هو واشرلي . 
گمت اخذت ماعون حلاوه وخاشوگه .
گلت بلكي اتلوگ اله واقنعه . ولو اعرفه مايقتنع

دخلت هو گاعد بطرف الجربايه . ويفر بالسبحه .
شال بس عيونه .
وگال . عوفي الماعون هناك وتعاي يمي .

خليت الماعون ع الكومدي . واجيت امشي بخطوات بطيئة
لؤي .. شناويه للصبح يلة توصليلي ..

گتله لؤي خلي افهمك ..
گام حيل وعصر ايدي .. ولج لاتشوفيني اعشگج وعيوني ماتشوف غير عيونج . تستخفين بيه .
تراني بالغلط مااعرف ابوي من امي فااااهمه ..

هدى .. واني شسويت .

لؤي .. ولسا تسألين شسويتي ..
خاتله وي ولد بعمرج ورى بيتهم بالظلمه . اذا يشوفج غريب شيگول عنج .

هدى . شنو انت مالك ثقه بيه ..

لؤي .. ولج لو ماثاق بيج واعرف حسين شنو . جان دفنتج بگاعج . اني احجي ع العيبه .
شوكت تكبرين فهميني . عندج اثنين ولد بطولج وبعدج عقلج مال طفل ..

هدى .. اي طفله ومنو گالك كبرت . ترى لاتشوفني اصفط حجي ومسويه روحي جبيره .
ترى اني بعدني صغيره . وحتى اذا ولدي بطولي .
هذا مو يعني كبرت .
بعدني حالي حالهم .
والطفل اذا يغلط يرشدوه مو يهينوه ..
انت ماسئلت شموگفني وياه . گبل گمت تحجي وماتتفاهم ..

لؤي .. صمي حلگج كافي . اعرف الدوده من تمشي بالگاع وين رايحه .
مو عبالج مااعرف . وعرفت شني الموگفج .
وبمكان ماتروحين انتي وتحجين وياه .
جان شرتيني وگلتيلي انت بحسبة اخوها . روح وشوف خبرة شنو ..
ومو عبالج ماطيحت حظه . هنته وفهمته السواه غلط .
يريد مره يجي ويدگ بابها ..

هدى .. مااتحملت اهاينه وسكتت بس دموعي نزلت .
گتله هي السالفه ماتسوه وانت الكبرتها ..

فرك وجههه وگال . ادري بيها ماتسوه لان اعرف مرتي شنو ..
بس من تجي وحده مثل بتول . وتوديلي طارش وتگلي روح شوف مرتك الفضلتها عليه .
وين تتختل وويامن .
شبت نار براسي من حجيها ..
وتدرين ببتول والسانها ..

اني كلشي ماحجيت .. شأحجي وهو عصبي ومايتحمل كلمه مني . من جهه انطيته الحق .
ومن جهه المفروض يفهمني بهداوة مو يتعصب عليه .

بعد ما حجة كلشي .. فتح الباب وطلع ومن غير مايباوع بوجهي ..
عافني وراح . يمكن زعل يمكن لا ماادري ..
بقيت اكل بروحي ..

-الله لاينطيج يبتول من هاي حاطه صاحباتها وتصحك وتمزمز عليه ..
شمتانه بيه .. احجي بداخلي ..

غسلت ونزلت ..
گعدت يم امي شويه تحظر بغراضهن گالت من الصبح گال لؤي اوصلجن ..
احجي وياها مجامله واضحك بالجذب .
گلبي يم لؤي . طلع ودار وجهه عني .
جان مايطلع اذا مايبوسني ويشمني ..
هيج ضايج مني ..

فرقان حست عليه ضايجه . ابد ماوصلتني ولاحجت .
حاطه ولدي وتلعب وياهم ..

رحت يم اصيل شويه .. سولفتلها ع الصار .
گالت يختي انتي ماغلطانه .
حقج اختج وتخافين عليها .
بس همه الزلم الله مايجرعهم يسوون من الحباية كبايه .

گلتلها .. وهسا شأسوي گليلي . من يجي ارضيه واعتذر منه ..

-لا يفاهيه .. بس تعتذرين منه ينفخ روحه ويضل يتعود كل يوم يتزعل حتى تراضيه .
والله اني مرتضى يزعل وحده ويرضى وحده . جان اني گايلتله ازعل واگلب وجهك.

ضحكتني .. ههههه والله عندج سوالف .

صحت الولدي .
گلتلهم يله تعالوا نامو .
صعدتهم نيمتهم .
ورحت الغرفتي .
فتحت الكنتور .
گعدت اباوع . شألبس .. شألبس .
تالي طلعت ثوب فوگ من الركبه ستن والصدر مالته مفتوح .. لونه ماروني .
وگعدت شخبطت وجهي كله ..
ماخليت لاكحله لاحمره لاظل يعتب عليه .
فتحت الكفشه ..
ولبست بوند ماروني ..
طلعت اخبل ..

دخل هو .. يباوع عليه من جوه لجوه . ونافخ روحه سالفة اصيل ..
سويت روحي ماشايفته .
طلعت روبي لبسته .
وافرفر بشعري يمنه ويسرى .
وخليت حجابي على راسي ونزلت .
سويت روحي اروح للمطبخ .

اخذت شويه . ورجعت صعدت وبيدي ماعون حلاوه .

دخلت خليته ع الكومدي مال جربايه .
وهو نازع الدشداشه ومتمدد .
يباوع من جوه لجوه .

نزعت الروب . وهذا الستن يلزگ ع الجسم .
بقيت اروح منا وارجع منا .
تالي گعدت بجهتي مال جربايه . واهز بشعراتي .
واكل حلاوه واتماوع بحلگي ..
خبلته ..
بداخلي .. بسيطه لؤي افندي . اراويك من الطفله ..

طگت روحه من تصرفاتي .
گال وفوگاها انتي ام الراهي وزعلانه .
هو منو المفروض ياخذ على خاطرة ..

گتله .. حبيبي مو اني طفله مااتحمل وبسرعه انهضهم وازعل…

ضحك وعرف روحه شلون جرحني ..

بعدني جاي اخلي خاشوگة حلاوه بحلگي گام بسرعه وخمطتها من حلگي الحلگه .
وگال جا غير تخبل من حلگج ..
وحضني وراضاني ..
#بقلمي_الكاتبه_شمس
يتبع…
………………………………
وهاي ثلاث بارتات مثل ماوعدتكم ..
متابعه ممتعه حبايب .. ولاتنسون التصويت 😘😘