رواية مازلت طفلة الفصل الثاني 2 - بقلم الكاتبة شمس السعدي

    البارت الثاني
  {#مازلت_طفلة}
#بقلم_الكاتبة_شمس

دخلوني للبيت .. واني مااعرف اي واحد بيهم ..
الدمعة بطرف عيني ..
احس روحي وحيدة وبعالم غريب عني ..
الخوف والتوتر والحزن شاغلين عقلي وگلبي ..

اتمنيت امي يمي .. ماادري ليش مااجت وياي احتاجها واريدها وسط هاي العيون الي تترقبني ..

النسوان تباوعلي وتتهامس ..
اخذتني الرجفه واحس اطرافي ثلجن ..

الحجيه ام الحجي رضا .. حست بيه ..

الحجيه .. يمه جيبن الصوبه يم البنيه بارده ماتشوفنها تتراجف ..

جابوا الصوبه خلوها يمي . وودي احظنها من البرد ..

شويه واجت مريه گالت گومي…..
والتفتت على ام رضا. بله حجيه شگللها هسا ..
وين لگيتنها بگد توته بنتي ..
وگلتلي يله ماما گومي خلي اصعدج الغرفتج ..

الحجيه .. والله اني حجيت ومحد اخذ كلامي . گلت البنيه طفله مو مال زواج ..
بس شسوي النضال اذا خلت شي ببالها تسوي ..

اجت عمه نضال وردت بس. ماانتبهت شنو حجت لان بالي مشوش وتفكيري كله يم امي واخواتي ..

دخلتني المرة للغرفه . شفتها شكبرها ..
وبيها اثاث فخم . بقيت صافنه عليها ..

گلتلها خاله هاي كلها الغرفه وحدي .

ضحكت . اني اخت الحجي . اذا تردين گوليلي باجي . او ام ايات بكيفج .
وهاي الغرفه الج الوحدج ومرات يجي الحجي يمج ..

-بس اني اخاف ابقى الوحدي . ميصير اخواتي يجن يمي
-لا ميصير بعد انتي كبرتي وتزوجتي وهنا صار مكانج هسا انتي ارتاحي وشويه واجيج ..

صحيح الغرفه حلوة وبيها اثاث يخبل بس اني مااريدها .
جنت اني واخواتي نتحاضن وننام بالگاع سويه .
ومرات نسولف وونكت ..
هسا وحدي گاعده وويامن احجي والعب مااعرف احد هنا ..بقلمي الكاتبه شمس

حسيت روحي نعسانه . اكو فراش مخليه بالگاع . رحت خليت مخدة ونمت ..
بس بردانه وماكو بطانيه شلون اتغطى ..
لفلفت روحي بأديه وغفيت .
ماحسيت الا على صوت وحده تهزني ..
باوعت بنيه نفس عمري .

گالت تگول امي خلي تحظر نفسها الحجي راح يصعد ..

هدى .. يعني شسوي .

ماادري بس امي هيج گالت ..
وبعدين انتي صغيره ليش اتزوجتي .

سكتت مااعرف شنو اجاوبها .. واني اصلا ماادري ليش زوجوني ..

تذكرت من امي تعيط وتحجي وي ابويه ..

يعني صدگ تريد تزوجها الرجال اكبر منها بضعفين ومتزوج هم.

ابو هدى .. انتي مو گلتي مرت الحجي خطبتها للحجي بنفسها ..

ام هدى .. اي واني گلتلها البنيه صغيره وبعدهي تدرس ومااگدر ازوجها ..

ابو هدى .. وانتي بكيفج تحجين وتقررين ماعدها ابو تجين تگليله .

ام هدى .. مااتصورت هيج ترخص بنتك وتنطيها الرجال جبير بالعمر . وهي طفله بعدهي ..

ابو هدى .. طفله شنو ولج امهاتنا بگدها يحبلن ويجيبن .
وانتي تگليلي طفله . وبعدين بنتج راح تجيب الخير وياها اذا تزوجت الحجي .
تعرفين شنو الحجي يعني كنز . وخاصه اذا جابتله ولد ايباه نطلع من الفگر هذا ..

ام هدى .. يوم عن يوم اكتشف بيك طماع ومادي . وصل بيك الطمع تبيع بناتك ..

ابويه مااتحمل ضرب امي وگالها اذا ماخابرتي مرت الحجي وانطيتيها الموافقه .. اطلگج واطردج من البيت .
وبكل الحالتين اني مزوجها ..

اجيت حضنت امي وهي تبجي . يمه سوي الي يريده ابوي لا يطردج واحنه نبقى وحدنا منو النا ..
حبابه يمه وافقي ..
اني اتوسل بيها توافق وماادري راح ابعد عنها سواء وافقت او لا ..

ماادري بروحي راح اوافق على بيعي وابعادي عن امي واخواتي الي هن اعز مااملك ..

*رجعت من صفنتي بعد ماسمعت الهلاهل والطلق . واجت باجي ام ايات غطت وجهي وعدلتني وطلعت،

بعدها دخل رجال لابس مثل لبس عمو علوان جيرانه .
دشداشه وعگال .
بس هذا طويل واحلى من عمو علوان ..

دخل واتقرب مني .. رفع الغطوه وبقى صافن بوجهي .
اني ارجف من الخوف والدمعه محصوره بعيني .

هو گلب وجهة وتعصب واني غمضت عيوني .
عبالي يضربني ..

دار وجهه وگال خرب يومج نضال على هاي السوايه .

رجع التفتلي .. انتي شگد عمرج .

بقيت احسب بيدي .
گتله عمو بعد شهر واسبوع اقبط 13 سنه وادخل 14 ..

ضحك بأستهزاء ..
وفتح الباب صاح نضال . بسرعه اصعدي ..

اجت عمه نضال ..بقلمي الكاتبة شمس

عصب عليها .. انتي تحجين صدگ . شنو هاي الطفله الي جايبتها ..

نضال .. شبيها طفله متشوفها اطول مني ..

رضا .. واني شلي شغل بالطول .ولج شوفي وجهه وعمرها صغير . شنو جايبتلي وحده عمرها 13 .
مو كافي زوجتيني على مزاجج ..

فرك وجهه گالتلي امي البنيه ترى صغيره ومااصدگتها او مااتوقعت توصل بيج تجيبيلي طفله بهيج عمر .

نضال .. جا شتريد رضا اجيبلك وحده بگدي حتى تفر عقلك وگلبك ..
انت تريد اطفال . هاي الي راح تجييلك اطفال . واذا ماگدرت تتفاهم وياها . تجيبلنا كم طفل وطلگها وكلمن يروح بطريقه .

رضا .. اللهم يصبرج ياروح .. ولج اني جنت مكتفي بيج واحبج وراضي بقسمتي الله ماقسملي بأولاد .
انتي الي گلتيلي ازوجك ..
واني وافقت بسببج ..

نضال .. غير من ورى عمتي گتلك تزوج . خبصتنا رضا كبر واولاد ماعنده والى متى يبقى هيج ..

رضا .. راح اطلع مااگدر اتقربلها .. ولج احسها بنتي مو مرتي ..

نضال .. والله ماتطلع. شتگول الناس علينا وبعدين. انت ماخذها تتونس وياها .
لو علمود تجيبلك جهال ..
كلش وماگدرت . طفي الضوه وتخيلها اني . وتضحك بمكر .

اللهم يصبرج ياروح .. دروحي جيبي عشا تلگين البنيه ماتت من الجوع خطيه .. بقلمي الكاتبه شمس

…………………………………………..
*همه يحجون واني بس صافنه . مافهمت شي من جدالهم ..
بس من گال البنيه جوعانه . صدگ حسيت بالجوع .
وردت احجي اگله اي والله عمي اني جوعانه بس استحيت وخفت من عمة نضال لاتحجي عليه ..

جابو صينيه العشا .. تمن وعليه لحم هواي والمرگ هم بي لحم ومخلين فواكه ..
تذكرت اخواتي خطيه ماضايگات اللحم والفواكه .
شلون اني اكل وهن لا ..

عمي رضا گال .. اني راح اطلع اخذي راحتج وتعشي ..

گمت اكل تمن ومرگ واخذت لحم شويه لفيتها بخبزة واكلتها .
طيبه اللفه . سويت لفه ثانيه وذكرت امي واخواتي خطيه .
اخذت تفاحات وموزات .
الي جنت بس اشوفهن وماضايگتهن .
واصلا ماكو بالعراق هيج فواكه .
گمت ادور علاگة حتى اضم الفواكه بيهن ..

لفيتهن زين وخليتهن بين ملابسي بالكنتور ..
عدلت التمن گلت خاف يگولون ماكله هواي .
وصارت عيني ع الموزه اشتهيته . وردت اعرف طعمها شلون يصير ..
ضگتها طيبه مااتحملت اكلتها كلها ..

گمت ردت ابدل دشداشه  لان البدله ضوجتني .
ردت انزعها ماگدرت والدنابيس عورني سحلتها حيل انفتگت . گلت يله امي تخيطها بعدين .
بدلت وخليت حجاب على راسي .
وشلت الصينيه اريد اطلع ..
سمعت صوت زلم وهوسه . استحيت اطلع ..
بعدين شافتني عمة نضال گالت مايصير اتطلعين .
لمن الحجي يگضي شغلته فاهمه .. ومو تنامين

استغربت وماعرفت شتقصد ..

واخذت الصينيه مني .. باوعت ع الفواكه گالت شمالج ماشايفه ماگلتهن كلهن ..

سكتت واستحيت ..

گالت الحجي بالغرفه مال الولد جاي يصلي يخلص ويجيج روحي اگعدي . وبعدين ليش نزعتي البدله غير هو ينزعج .

-لاعمة عيب شنو ينزعني ..

-اوووف ولج امج ممعلمتج . ادخلي وشيگلج الحجي تسوين مو ماتخليه .
هزيت راسي ودخلت ..

گعدت ع الجربايه . واباوع مااعرف شسوي ..
اشتاقيت لخواتي وامي ..
امي گامت تبجي وراي .. حتى بيوم العقد هم گضتها بواجي كسرت گلبي ماتريدني اعوفها ..

بس من عقدنا ماشفت الحجي بس رجال يعقد ورى الباب وگالي قولي نعم انت وكيلي .
ضحكت بيومها خمس مرات يكررها عليه واگله شنو نسيت . طلعت روحه هههههه .

جاي اضحك . دخل الحجي .

گال تعشيتي .  گتله الحمد لله ..

صليتي ??

لا عمي اني مااصلي ..

وليش انتي جبيره وواجب عليج الصلاة ..

اي مو ماالحگ اصلي .

گال لا بابا .. اووووف استغفر الله طبعا بنيه بعمر بنات اختي شگللها يعني ..

شوفي هدى . انتي من بلغتي لازم تصلين . واذا ماتعرفين اني اعلمج .
ودور كلما ادخل اريد اشوفج تصلين وبوقتها لاتأجليها ..

اي عمي صار .

لاتگولين عمي . گولي حجي اني هسا صرت رجلج مايصير تگليلي عمي ..

هزيت براسي ..بقلمي الكاتبة شمس

گال اذا تردين تنامين نامي .

بس مو عمتي نضال تگول مايصير تنامين لو تطلعين لمن يگضي الحجي شغلته يله ..

-والله نضال عدها سوالف .. هسا هاي شلون اتقربلها اني ..

گالي .. انتي تعرفين شنو الشغله احد معلمج ..

هدى .. هااا ماادري ..

باعي هدى اني مااريدج تخافين مني . بس كل بنيه تتزوج لازم تسوي مثلنا حتى تكبرين وتصيرين ام ..
واهلج يفتخرون بيج ..
واذا رفضتي الناس تبقى تحجي عليج وعلى اهلج ..
واني على كيفي وياج وماراح ااذيج ..

بس مجبور نسوي ونخلص الناس منتضرتنا ..

هزيت براسي واني مااعرف شي وشنو يقصد ..

گام طفى الضوه . وشغل ضوه صغير احمر .

وشفته نزع دشداشته . استحيت وغمضت عيوني .

اجه گعد يمي ع الجربايه ..
وگام يتلمس جسمي واني خايفه وعيوني غرغرت بالدموع .
بس خفت احجي تذكرت حجايته من يگول اذا ماقبلتي الناس تحجي عليج وعلى اهلج .
وخفت ابوي يضربني اذا حجو عليه ..

گام يشيل بدشداشتي ويريد ينزعني واني خايفه واجر بيها من المستحه .
بس مااگدر احجي . قرب حلگة على اذاني وگال لاتخافين شگلج سوي حتى مااوجعج ..

حسيت جسمي كزبر ويرجف من لمساته وحركاته واحس روحي بعالم ثاني .
اقاوم وادفع بي بس هو اقوى مني وصار فوگاي واني ابجي من الخوف .
بديت احس بوجع قوي .
بس احس جسمي مخدر ومااگدر اتحرك ..

بس دموعي تنزل .. وحسيت شي جرحني لو اذاني حيل گمت اصرخ .
بسرعه خله ايده على حلگي ّ .. واني ابجي من الوجع وهو مايحس ويبتعد باقي فوگاي حسيت روحي راحت وبعد مااگدر اتنفس وغوشت عيني وخربت .

فتحت عيني شويه شفت الحجي بيده گلاص ماي ويغسل وجهي .
هدى تسمعيني اگعدي ..
اسمعه بس مااگدر احجي . 

هو يستغفر .ويحجي .. خرب يومج نضال على هاي السوايه شورطتيني .
حجي والي سمعتي والناس تهابني تورطيني هاي الورطه.

فتحت عيني .

گال . ها شلون صرتي .

اشرتله براسي . معناها زينه . باسني براسي وگال مبارك هداوي ..
وغطاني وگام ..

گال اذا تردين البسي شي خاف واحد يصعدلج ..

ردت اگوم احس رجلي ماتساعدني يرجفن .
باوعت للجربايه كلها دم . خفت وگمت ابجي واعيط .
ومغطيه روحي .

وتذكرت امي من تگول . يمه لاتخلن زلمه يتقربلجن لو يلمسجن حافظن على شرفجن .
البنيه مثل الكزازه اذا انجرحت لو انكسرت بعد ماترجع .

اخذتني الخوفه وگعدت ابجي واشهگ .
دخلت باجي ام ايات وبعد وحده وياها وعمه نضال .
من شفتهن لملمت روحي بسرعه بالغطا وابجي .

#بقلمي_الكاتبه_شمس
يتبع…