رواية مجنونتي الفصل الاول 1 - بقلم الحساب مغلق

مجنونتي
قصه للكاتبه مريم السعدي

مساء الخير اسمي محمد طالب علم نفس ساكن

النرويج هالسنه اخر سنه عدي وعدهم بالنرويج

البحث مال تخرج لازم يكون حي مامعناه مريض

ويعالجوه وحسب نسبه علاجه 50بالميه نجح

و60جيد جدا اكو هناك مراكز نفسيه وحروح اني

واصدقائي كلمن يختار مريض وطبعا نبقى هناك

طول فتره العلاج والدكاتره اللي هناك ياخذون

اجازه شهرين لان احنا بمكانهم دخلت للمركز

وشفنا اشكال حالات وانواع اللي يصيح

واللي بس يبجي والل بس يضحك منوع
ضليت صافن جماعتي كلمن راح اختار

حاله اني مجذبتني اي حاله ضليت افتر لكيت

بنيه حلوه كاعده جوه الشجره وترسم تقربت منها

هلاو شونج  رفعت راسها باوعت ورجعت

ترسم رجعت حاجيتها شمرت عليه طين

من كع الشجره  وعفتها ورحت سالت عليها

المركز كالو انه هي خرسه اثر صدمه وفاة

والدها ووالدتها وعمها اخذ الاملاك وشمرها

هنا صارت عدائيه جدا بحيث محد يقرب

منها وهي من تريد تاكل تروح وحدها

تاكل وضربت 4من المرضى بحيث محد

كام يتقرب منها

محمد - بقيت صافن اباوع عليها مبينه بريئه

وعاقله وهي كانت جميله جدا باوعتلها

من بعيد ترددت اخذها كحاله اخر شي

قررت استلمها كحاله بلشت وياها بدراسه تاريخ اهلها
بالنسبه الي اني عراقي الاصل نرويجي

الجنسيه يعني ولادتي نرويج  اكتشفت

انه هي نرويجيه من اصول عراقيه والده والدتها عراقيه
احنا بالبيت نحجي عراقي وي الاهل

والدي عايش والدتي متوفيه عدي خوات

3متزوجات ووحده بعدها صغيره صف 4

يتبع.....