رواية مجنونتي الفصل الثاني 2 - بقلم الحساب مغلق

اللي عرفتها عنها انه اسمها لورين عمرها 20سنه
خالتها ت زورها كل اسبوع 

وتحب الرسم جدا ووحيده اغلب وكتها ودائما بغرفتها واطلع نادرا للحديقه اني ادري حتكون المهمه صعبه جدا بس حتوكل على الله وابلش
استلمنا العمل كل طبيب وي حالته بس اني اراقبها من بعيد هاي الشجره شجرتها محد يتقرب منها واليتقرب تكتله اليوم قررت اكسر اول حاجز شفتها ترسم تقربت منها من وره الشجره

محمد/كعدت وهي كانت ترسم همست
الله هاي شكد حلو رسمج طبعا كلامي وياها بالنرويجي اندارت عليه فازه اشرتلي روح
هاي شنو الشمس عبالك حقيقيه

اندارت على رسمتها وباوعتلي شمرت عليه الاقلام وانهزمت

اول خطوه اعتبرها ناجحه تقريبا لانه اندارت على الرسمه من كتلها عبالك حقيقيه عفتها اليوم كلش كافي للتعارف ورحت على باقي المرضى خاف يحتاج المركز شي واني عيني عليها شدسوي كانت نضيفه غير عن كل المرضى

وكرتبه حتى غرفتها مرتبه ونضيفه ثاني يوم من الصبح كانت طالعه بالحديقه دتكمل الرسمه
وهم جيتها من نفس المكان من وراها لان اذا شافتني اتقدم تكوم تشمر وتضرب تقربت بقيت اراقب حركه ايديها من ترسم فنانه رسمت الشجره الكاعدين جواها بس كلش حلوه حست بيه فوكاها رفعت راسها

محمد- باوعتلي قاطبه حاجبها مباوعت عليها باوعت عالرسمه نصيت شوي شوي
سالتها هاي الشجره الكاعدين جواها كلش حلوه عبالك حقيقيه باوعت بعينها شون تكدرين هيجي ترسمين انتي فنانه تكدرين ترسميني باوعتلي خزرتني دفعتني قوي وشخبطت على وجهي وانهزمت للغرفه مالتها وكت الغدا شفتها دتاكل باوعتلي تقربت منها اشرتلي روح بايدها بعصبيه باوعتلها مقهور ونصيت مثلت اني انقهرت حته تشفق عليه لان حسيتها طفله وداعاملهازمثل الاطفال رجعت لمكاني اراقبها تاكل وترجع تباوعلي بقيت لمكاني لحد مكملت اكل جابت صينيتها وجتي طتنياها اخذتها هي تلمفروض تخليها بالغسال وي بقيه صواني المرضى من باوعت بالصينيه لكيتها مبقيتلي شوي من الاكل وطتنيا حتى اكله ههههه والله  المخابيل عدهم كلب مصاير ابتسمت عافتني وراحت خليت الصينيه ثاني يوم هم جيتها نفس الشي راسن التفتت شافتني ضلت تباوع ونصت تكمل رسم كعدت يمها اباوع من ترسم بس كلشي محجيت صدك رسمها حلو  هي متباوع عليه من ترسم واني جنت جدا هادئ دايخ بايدها الفنيه شوي وسمعت صوت من بعيد لورين

رفعت راسها كامت وراحت ركض لمره تطلع ب40 حضنتها وبوستها وضلت تحضن بيها اتوقع تكون هاي خالتها تقدمت مديت ايدي سلمت بالنرويجي  سلمت المره عليه واندارت على لورين حاجتها بالعراقي

الخاله- منو هذا الولد لولو

تقدمت عليه دفعتني وكعت بالكع بقيت بالكع اباوع عليها سويت نفسي مقهور ومتاذي
الخاله- ليش ياامي ليش خاله مو خطيه
تعال يمه جتي كومتني

محمد- لا عادي خاله عوفيها باوعتلها مقهور
الخاله- يمه انت عراقي  اهلا وسهلا عبالي نرويجي
محمد- لا خاله مرويجي بس اصلي عراقي وبالبيت نتكلم بالعراقي فضابط اللغه
تقدمت مره ثانيه ودفعتني تريدني اروح  عفتها ورحت وسلمت على خالتها وضليت اراقبها من بعيد وبليل اكتب التقدم والتاخر

بالحاله التحسن والسوء بيها ثاني يوم الصبح لكيتها لابسه هدوم تخبل تراكسود وردي بلون خدودها وضافره شعرها مبين عليها النضافه سالت عليها كالو خالتها كل اربع ايام تجي تغسسللها وتجيب هدوم جديده الها وتروح

تقربت هالمره كدام عينها اتقرب واي رد فعل موزين ابتعد بقيت اتقرب شافتني اتقدم مدارت بال كملت رسم كعدت ضليت اباوع عليها تكمل اللوحه مرت ربع ساعه هي ترسم واني اراقب ساكت انتبهت على البوابه مال مركز الصحي راسمتها غير لون
محمد-لورين هاي الباب وينها بالمركز ماكو باب هيج لون

اشرتلي على باب لونها ابيض
محمد- بس هاي لونها بيضه مو جوزي
كامت كدامي ورحت وراها حكت الصبح باضفرها طلع اللون الجواه كان جوزي فهي رسمته حسب اللون القبله باوعت بعينها هذا اللون احلى موو
اشرت اي وعافتني ورجعت تكمل رسم ملامحها ممبين عليها ضاجت مني رجعت جيت كعدت يمها تكمل رسم علكيفها بقيت ساكت لحد ما كملت تعبت لملمت غراضها وراحت للغرفه مالتها وكت الغده اجه جنت لازم صينيتي كاعد وي الاطباء اني طبيعتي ماالبس صدريه الاطباء حته متخاف مني الحاله اللي داادرس عليها تعتبرني انسان عادي كنت كلسا اباوعلها اراقب حالتها وهي هم صارت كلسا تباوعلي وتدير وجهه يمكن دتشوفني دااكل لوًتبقيلي كملنا اكل وراحت لغرفتها والبقيه يصيحون ويعيطون واللي يبجي واللي يكمز بس هي كانت هادئه رحت لغرفتها دكيت الباب صفكت بايدها هي رجعت دكيت الباب مستفرب صفكت مره ثانيه فتحت الباب على كيفي اشرتلي بعصبيه اطلع بره اني سويت الرادته الصبح طلعت وواحد من المرضى اخذ منها الدفتر مال رسم وشمره وانهزم ضليت اراقب شحتسوي ركضت وراه سريع ضربته وعضته من ايده ركضت ابعدها عنه سبقني الحرس دفعها قوي وكعت بالكع ركضت عليها كومتها ونفضت هدومها
محمد- تاذيتي
الحرس النرويجي دكتور فكر بحل مخلت مريض اذا مضربته

يتبع