رواية مُقيد أجنحتي الفصل الخمسون 50 - بقلم 💗

البَـارتِ الخمَسون .
بقلمي ، مَريم عَلاء ♥️ ..

بَتول ..

رجعن فرحانات بيه .
باجي تهلهل وهوَ كام يهز جتف سألها
:- بشري حجية !

ضحكت بدمع:- مبروك يمةةة .
ضحك:- لكك هلاا ، ولج تولة سالفة برهوم
راح اتزوج ..

كعد يمهم يستفسر ..
مشت واجة يوم مشية الزلم وتحَديد المهر .

طلع لابس السترة وذاك الترتيب .
صاير جنة ابراهيم ..
طلع يندس اخوه ..
:- بشرفك شلوني .

يرد عليه ابراهيم
:- بَس لاحظ كم مرة سالت .
ضحكت عليهم ..
طلع الفرحة ما سايعته .. لكن الصدمة جانت بالرجعة .

أولهم دَخل إبراهيم وَ وجه ما يبَشر بخير .
سألت باجي شيماء بفَرحة
:- ابوك وَين ؟ اخوك العَـاشگ وين ؟

-انطـانه نظرة ، بس شلون نظرة
نركعت البـاب الخارجية وصارَ صوت صيـاحَ خفيف .
بلـشَ يرتفع صوته من دخَل صـُهيب يصرخ
وينترَ تبعَه خالو يحجي بحركة كلب .

إسماعيل:- كلتك اني البت مو مش ثوبتا ما صدَكتني .

- كمنا كلنا نركَض ، يمهم .
نزعَ سترته وهمَس بتعب :- تعَبان يابة .

رد عليه بيـأس مستغرب العصبية الي تحولت لهَدوء :- هذا هوَ وليدي َ كل شي  قسمة .

- عَلت نبرة صوت صهـيب ..كال
:- هوَ ، كل شي صار ولزكتوه بالقسمة ،

رد عليه :- أنتَ مو كلت انطت خبر لأهلها؟
مو كلت من تجي يمك تغير الدَيانة للإسلام .
ابني من كعدت وياك ، شنو جان اتفاقنة؟

أنتَ تفهم الي تريده ما يصير ؟
ما يصير كل واحد بيكمَ يظل على ديانة

رمقـه بذيج النظَرات ..
صَد ضهرة يصعد الدرج ، ويجَر بذيال الخيبة .
توجه خالو لغرفته وتبعتة باجي ..

كعدت امي يم إبراهيم وسألته
:- فهمنا يما الله يرضى عليكَ .

-جَر نفس بتعب واردفَ ..
:- جان من ضمن كعدة اليومَ ، يحجون عن المذاهب لكن من حجينا دخلت امها

واخذتنا بصوتها العَـالي ،
كالت النا دينا والكم دينكمَ ، وبنتي إذا اسلمت بيتي ما تدخله مامحبورة هيَ .
البنية هيَ  متفقة ويَ صَهـيب ، لكن هناك غدرت بيه ..

وكالت كل شخص بيهم يظل .
وهوَ ما محرم اصلا ، يعني يجوز اله الزواج من الكتابية لان هيَ الها دين وليست بدون دين.
..لكن ابوي عارض واترخص ، وكال احنا جينا على كلمة .

والدها جان جدا محترم .
لكن الام خربت علينا كل شي .
وصهيب ما حاول وي أبوية لكن لاسنـه بالسيارة
كبال السيد .. وأبوي تخبل عليه .

بتَـول ..
بعدنا نسمع كبت عيطة فوكَ ، سبقنا إبراهيم يركض .. باجي واكفة عند باب الغرفة تبچي.

خالو واكف ووجهة احمَر دم ..
صرخ:- ولك طايح الحظ هيج تسدَ الباب بوجه امككك ؟؟ كله هذا علمود مرة !!

وكف بينهم إبراهيم
:- يابة كول يالله ..

نتر:- حاجيه !! تحجي وياي حاجيه هووو ؟
اعقل أنتَ مو مراهق واركضَ وراك .

ردَ عليه:- لان احبها هيجَ تسوي !
بشنو راح تفيدك هاي عاداتك، تخسرني وربك .

رجع خالو اعتلى صوته
:- ابن الـ *** تهددني روح عساك لا رديتَ .

- أخذ ابراهيم خالو ، وانا وامي وباجي توجهنا للغرفة .. ذبحت روحها بالبجي
بسَ سألتها امي نهدَت بيها مفرفحة .

:- ما شفتي يكريمـة ، من دخلتله للغرفة
شلون صافن بحيرة عبالك عمرة ٦٠ سنـة ..

كريمة:- كولي ياالله خيتي ، عسى ولعل إسماعيل يغير رأيه منا لفد شهر منا .

بجت بحركه:- إسماعيل عندَ وياه بعد ..
-مدَري شلون مرَ اليوم هيج عادي .

ثاني يومَ محد كـعد كلها نايمة ..
كمت اسوي جاي احظر خبز .. دخل بملابس البارحة للمطبخ.. وجَان الهَدوء سيد الموقف

صديت وجهي سويت نفسي اخض الكلاصات
حسيته عليه طلع تنفست براحة.
حاله يقهر .

مرت ايام والحَـال نَفس الحَال .
صهيب ما فتح حلكه وي أحد .، يطلع منَ الصبح
يرجع بتالي الليل ومحد ما كلها غير باجي .

بيوم من هالايام .
متجمعين على الرَيوك ، بدون صهيبَ .
اندَك الجَرس كام ابراهيم يفتح ..

دخل كال.
:- عمة ، بنتج برى .

- نزَلت كلاص الچـاي من أيدها .
:- يا هيَ !!

كامَ خالو على حيله .
:- دَخلها يا ابني ؟ صدك تحجي موكفها برى .

أردف إبراهيم:- يالله هياتني راح افتح باب ألصالة دَخلهم ..
- عيونَ أمي ما جان بيها فرحتي بچيتها  .

لبسنا الربطات َ وتوجهنا للصالة .
وكف عقلي من منظر سُحـاب.. جان شكلها مرعب جدا
عظام وجها بارزة .. والسواد واضح تحت عينها
سَحاب المرَبرَبة خلصانة!!

عقلي ضرب وامي شهكت من شافتها ..
اجت هيَ تركض عليها حضنتها .. وصارت تبجي
سألتها امي بخوَف وهيَ تبعدها
:- شصاير !

- ما سَكتت ، كضتها بَجي بالعَشـر دَقايق .
بس خَلصت كالت :- تعبانة ، اريَد انَام .

-نتَرت بيها امي بصوتَ عالي
:- احجييي وياج !! شبيج ، شجابج !! زوجج وين ؟

-مَسحت دَمع عينها بقهر
:- ما اريدة بَـعد .

- ضَربت امي على خدها بقوووة واردفت مفَرفحة
:- شنو متريديييي !! لج شصاير احجييي

رَدت سحاب ... بكل برود
:- ما النـا قسمة .. طرقنا مختلفة وانا تعبت يمة .

- جَت امي تحجي ، لكن سرعان ما باجي تداركت الموقف وكالت
:- صعَدي تولة اخذيها خل تَرتاح تعبت هسة .
تعالي وياي كريـمة ..

كالت امي بصوت عالي
:- ويننن اجيي وين شيماءء ! ما تسمعيها شجاي تخرط ..

شيماء:- خليها ترتاح اليومَ يكريـمة وباجر يختلف الكَلام ..
- دَخل ابراهيم على صوت العياط
سألني:- صاير شي بَتول ؟

رديت بحيرة :- كل شي ما فهمت .. بسَ هيَ مصيبة لا محالة .

........

زَينب ..
فَزيت على صوت دكَة الباب ..
كمت على حيَلي اكلني النَـعاس .. فتحت متناسية اخلي الحجاب على راسي ..

لكنَ من شفته صخر .. فزيت وختلت بعَد الباب .
:- كول خَوية .

نَزل راسه وكال بحيرة .
:- زينبَ سحاب يمج !؟

- عَقدت حاجبي وصىدَيت وجهي للجرباية أتأكد
:- لا والله !؟ ليش يا ستار وينها ؟

رد بصوت يرجَف
:- ماكو ، كلبت البيت عليها .. لا يم امي
لا بالصالة لا بالهول لا حديقة خليت .. ماكو فص ملح وذاب .. كلت ماكو غيرها يم زَينب
بس استحيت ادَك الباب .

صفنت بحيرة:- وين راحت يالله ، دَياللهَ هسة اكعدَ حيدر ونازلة ادورها وياك .. مش يمكن طلعت تشم هوى
لو ورى البيت !

عافني بدون ردَ وراح ..
صدَيت وجهي كعد حيدر ، ومن ثولي ما انتبَهت
زوجي ماكو .. هَذا وين راح ؟

لبست حجابي وطلعت الف حسبَة ببالي .. استغفر ربي وارجع لورا ، الشَيطان صار يوسوس براسي .
كلبنا البيت عليها ..

سألني صَخر:- چــا حيدر وين ؟

رديتَ برجفه وخوف ..
ما موجود .

اباوَعله عكَد حاجبة باستفهام .
كعدت باجي :- وين راحت مريتك يمة !!

كال بقلة حيلة .. مادري يمة ما ادَري .
رجَعت سألته:- يمة صاير بينكَم شي امس !!

ردَ بكل هدوء ..
:- كل شي ماكو حجية ، البارحة جنت اطفر الهة شعراتها بأيدي .. فزيت ٧ ونص مو - يـَمـيٰ
عبالي بالحمام .. وللـ ٨ انتظرها

تالي كمت ادَور ما لكيتها
- ما كَمل كلامه .. لزمه راسه ورجع لورا بقهرَ .

زينب..
طلعَ يدور عليها ، واحَنا هنا نتراجف .
وانا كل الي ببالي حَيدر وين ؟

اتصل بيه ما يردَ ..
ماكو نص ساعة ودَخل علينا الهَول ..

انا بحضني الجهال.. كامتله باجي .
سألته:- وين جنت يـَـ امك ؟

رد .. وديت سَحاب لامها .
شهكَت وكالت بخوف :- ولك انتَ صاحي ؟؟

كَعد بالكاع وكال الهة ..
:- شبيَدي يمة ، لكيتها تريدَ تطلع وحَدها .
ومن شافتني ظلت تبجي .. حالها يبجي الصخر يمة

نترت بيه:- واخوكككك ، ما فكرت بيهه
ما كالت هذا من يكعد ما يلكه مرته يمة شيجراله
طفلة شافت ضيم لفترة .. بدل ما تنصحها ..
تاااخذ بكلامها ولككك ؟؟

للـ ١٠ ونَص دخل صخر متلهف من شاف حَيدر ..
كاله برجفه:- لكيتهاا يحوَيدر ؟

نَزل راسَه بعتب ..
:- انا وديتها .

- بهَت وجهـة وسأل:- وين !
حَيدر:- لأمها...

دفعة بخفة ايده :- ليش ؟ وشَوكت ؟؟؟
حيدرَ :- اليوم الصبح .. رادت تطلع وانا اخذَتها .

تقَدم عليه وسحبَه من ياخته ..وصرخ
:- احَددد عاتب عليككك ؟ تسمع بكلامها شنووو
انت عاقل فهمنييي ؟ ولك انت مطي بَس حاجيني

دفعَ حيدر ايده ..
:- كااافي عاد .. البت حال الضيم حالها تكسر الخاكر
لشوَكت انتَ تظل اناااني وتفكر بس بنَفسك .

رجعَ عليه وجره بقوة ..
:- انا حَيوان وانا ابنَ ستين كَلب ، مرتي هايييي
انة اناني .. وانة حقير ونذل ميخصكمممم ..

- وكفت بنصهم باجي فرفحت بَجي ..
:- كااافي ولكم يمة كاافي عاد .

زينب :- حيرة ،، مدري اسكت نور لو نوري
تخبلوا على ابوهم ..
تركنا صخَر وصعَد يركض .. كامت تلطم باجي على وجهة ..

ربَع ساعة ونَزل مغير ملابسه ..
بَس شافته صرخت:- وَين رايح يمةة وينن !

رد ببرود:- اجيبها ..
بجت:- ولك يمة شتجيبها ،، خليها ترتاح جم يوم
وعود انا وياك نردها .. فَدواتك يمة ادخَل .

ما قبل ورجعت كبت العيطة .. اخر شي تعب
كعد بالكَـاع .. كال بتّعب
صخر :- مشَكور يبنَ امي وابوي مَشَكور .

- بالشَافعات يالله دَخل .. كبلَ توجه لغرفته .

بتَول ..
خالو بالليل اقترح امي تَحجي وتفهم منها ..
صبينا عشة .. كال خالو
:- وين اختج بنتي ؟

كتله: نايمة خالو .
كال باصرار:- كومي بنتي كعديها .. لا غدة لا ريوك

كالت امي :- اذا تكعد انا اكوم ..
- خَزرها خالو بعتب ..
إسماعيل:- كريـمة تچفي شري اليوَم وبالج تكومين
وانت بَـتول يالله صعدَي كدامي ..

صعدت الها .. كالت
:- ما اشتهي ..
بَـتول:- خالو يصيحج ترى مو احَد ثاني .. يالله كومي

وفعلا بَس نزلت استلموها كلام حلو ..
تغيرت نفسيتها .. بَـس ساكتة قليل تحجَي .

٣ايام مَرت على جَيتها..
كاعدين انا اقلب بجهازي بملل .. امي - يـَمـيٰ كاعدة تسمع محاظرة للسيد .،وتسبح بسبحتها .

باجي شيماء تعزل غرفتها..
وسحاب وصٰهيب نايمين ندكت الباب ومحَد اكو
صاحت باجي:- يمةة شوفي منو ؏َ الباب .

كمت بملل صحت منو ؟
ردَ بنبرة صوته العروفة :- انة .

يمةةة ركص كلبي .. عزة وحق ابن ابي طالب هوَ .
ذخلت للمَطبخ بسرَعة اشوف الكاميرا .
وفعلا جَان هوَ .. الللعب اليوم نصير مسـرَحية .

دخلت اركض صحت ..
:- يمااا هذَا صخَر برة ..

كالت باجي:/ بسَ لا زوجها ..
- هزيَت راسي بـأي ..
كالت بـعدم مبالاة :- صَعدي يمة كعدي صهـيبَ ..
بينا ما افتح باب الصالـة حتى يَدخل
احد وياه ؟

بَـتول:- لا .. بَس هوَ .
صعدت اركض لـصَهيب ..
دكيت الباب خفيف ماكو .. جوة الباب هوى ثلج
هذا شلونَ نايم هنا !!

ادك بهلَ باب .. ماكو فايدة ورجلي ترجَف ..
دكيته قوي .. اسمعه يصيح
:- وجعععععع .. شكووو

بلعت ريچي .. كتله بكلَ هدوء
:- اني .

ثواني وفتح الباب بضجر .. عيونه منتفَخة
من النوم .. سال منزعج
:- خَيرج بَـتول ؟

كتله :- زوج سَحاب بالباب .. ومحَد بالبيت باجي تصيحك .

رد بانزعاج واضحَ ..
انطوه مرته ،. شسوي انة يعني ؟

ابتسمت بعز خَوفي ..
:- ناويَ تنزل لو لا ؟

زفَر نفس ..
:- جيتت .. جَيتتتت .
- سَبقتـه ونزلت اركض كتله حتى يبطل دكَ باب

بَـتول :- بَس دقـيقة صَخر ..
طلع صهيَب الخاوليَ على چتفه ..
بَس شافني يم البـاب رفع تكَ حاجب .

صهـيب:- شوَ هنا ؟
رديت بحماس زايد:- وياك غير .
انطاني نظرة استهزاء

وكَال:- دخلي لا ادخلجَ من شالج ..
-عفته ودخلت وكفت بَعد باب المطبخ ..

فتح الباب كاله:- كول خوية ؟
رد صخر :- حرمتي عندكم خَيي .
صهيبَ:- تفضل خوية .
دخلَ صخر تبعه صهَيب .. شلون ثنين .

اسمعه يكله ..
:- هلا بيك خويي .. جَيتك على راسي .
بَس البنَت ناوية تنفصل عنك حسب ما سمعت .

رد صخر مستهزأ
:- كومَ صيحها حَبيبي .

يرد عليه بطريقة مستفزه
:- حَبيبي والله ، ما عندنا مرة تفضَل ..

- بلشَ الصوت يعلى بالصالة
بسبب النـقاش الحـاد ما بينهم .. نزلت سَــحاب
تلف حجابها ..
ومن وصلت يمنا عرفت مصَدر الصوت منو .

اصفَر وجهة وَبجت ..
باوعت الهـة امي :- رجعي وكسري الشَر .

اعترضت باجي بقوة
:- شترجعععع كريـمة.. كل عقلج ؟

ردت امي بثكل :- ما تخرب بيتها علمودَ سوء فهم .
نترت بيها باجي :- والله محد غيرج خرب حياتهن

وجهت كلامها لسـحاب ..
شيماء:- صعَدي كبالي يمة .. قفلي باب الغرفة عليج
واذا ما صاحج خالج لا تنزلين ..

سَـحاب:- صَعدت مسكورة من كلام امَي ..
قفلت الباب وكعدت ؏َ الجرباية ابجي بصرت مكتوم
سمعت صوت همس امي تدك باب الغرفة
وتحجي بصَوت ناصي ..ابتسمت براحة

لكن تغيرت ملامحي من وصلت للباب وسمعتها
تكول:- فتحي الباب يمةة ، لج تريدين تخزيني انتِ.
استري عليه وعلى نفسج يمةةة
تردين الناس تاكل وجهييي ؟

ابتعدت عن الباب اشهك بصرت مكتوم ..
واسمع صوت صراخه يصيح
:- صيحلها بَس احجي وياهة

وَصهيب يرَد عليه :- براااا ، يالله بَسرعة
البنت ما تريد تشرف وجهككك يالله .

بَتـول..
كلما يشتَد النـقاش يعلى صوت صراخهم ..
صخر لسانه ما عليه عتب .. وصهيبَ
كعد يغثه ويستفزة بالكَلام ..

اخر شي سمعنا كال
:- تهَددني بسلاحك .. يالله عليك ابا الايتام سويها

- من سمعته كال هيج راحت باجي تركض
سَحبت عبايتها ودخلت عليهم ..
كالت بصوتها العالي :-

انتَ شنو ما تفهم ؟ كلنا الك البنت ما تريدك
روح وارجع من يجي خالها .. وذاك الساع الكلام يختلف .

اباوعله .. ضم سلاحة بخصره وهمَس بهدوء
وهوَ يكعد على التخمَ ..
:- انتظره شعندي .

صاح بيه صهيب ..
:- دكومممم .. كوممم براا يالله ..

ابتسم بوجهة صخَر .. وما رد
هذا روحه فارت تخبل يريد يهَد عليه بس باجي بينهَم .
رجع كرر عليه الجَملة:- برى عزيزي ..

نصَ ساعة واجةَ عمي ..
لكن الصراخ ما قل زاد .. وعمي جان حاد سنونه
صح السالفة عرفنه منها القليل ..
بس خالي كلش نكسر من كلتله سَحاب امس ؏َ العشة
:- وينَ جنت خالو .. ليشَ هسة يالله بينت .

حدَ سنانه على صخَر .. الي طلع يفشر
ويتوعَد الهم .. هوَ ما طلع هيج آنا متأكدة صــَار شي .
للـيل خالي يعَتب على ماما .. وهيَ بس تبجي ..

صَعدت يمها باليل .. امي قررت تنام جوة
اول ما فتح البـَاب فـَزت .. تقدمت يمها
:- جنتِ نـايمة يَروحي ؟

سَحاب:- شيغمض عيونَي .
بَـتول :- ربي يبرد كلبج ، اذا تحبين احجيلي
اسمعج انا ويمج ..

جَرت نَفس بتعب .. مو هسة بتول .
ضحكت. وكلت الها :- تتذكرين محمد قاسم ؟

ضَحكت بقهر:/ هوَ ينسي ليشَ .
بَـتول :- يولو محتوى صاير يخبل هسة .. موَ مثل الجهاز النوكيا لا عيوني هذا جهازي .

تعالي خل نشوف حلقة بشَرفج ..
نامت ومددت يمها .. خلينا بينا وظلينا كل شوي
نشوف فَديو .. خربنا ضحك .

كالت بعد ضحكة طويلة صاحبها دمَع عين
:- جَعت ..

بَـتول:- ههههههههههه ، صار يابة شني بنَفسج .
سَحاب:- ٲي شي يسدَ الجوع ..

بتول.. صار
نزلت سويت اكل وظلينا للصبح
فَز كلبي من سألتني:- بعدَج تحبي ؟

بلعت ريگي برجفة ..
بَـتول:- هَــاا .
سَحاب:- خسر خسارة .. ما صايرة ابدا
خسر انسـانة لو يموت مرَح يلگة منها .

بَـتول بحسَرة:- هايَ كل شي قسمة بَعـد ..
- حاولت وياها الليل كله بلكت تحجي الي بكلبها لكن نامت وعافتني افكر بيها .. هيج تهون عليه بيوم
ونشوف سَحاب.. بعيدة عن صخر وهو كذلك ؟

سَـحاب ..
فزيت ســآعة ٦ الا ربع مخنوكة .. احس شي نايم
على صَدري .. فزيت اريد احجي ما اكدر
كمت اون بصوت عالي .. ما اجت ببالي غير سورة الاخلاص .. كلبي لعب وروحي لابت

ظليت ارددها واحس الخنگة جاي تزيد .
شوَي شويَ بلش يزَيح الثگـل ..
كمت من فرَاشي فتحت الباب وطلعت

هسة موَ ما اريدة .. شبيها روحي لابت عليه .
بَديت انزل بخطواتَ يائسَــة .
فززني ظل حسَن كاعد يشـدَ حذاته على الدرجَ

خليتَ ايدي ؏َ كتافه .. صَد وجهة من شافني ابتسم
كتله بعتب:- دام تدرَي هنا عَش ماجيتني ؟

نزل راسه بضحكة شفايف بسَ العين تحجي غير شي
حسنَ:- بيــا عَين ؟

ضحكت:- شبيك سونة ؟
-سَرعان ما غيرَ الموضوع وَ كال
:- أنتِ شلونج ؟

فكيت حلكي مبتسمة:- كلش زينة .
ضحك:- جَذابة .. تدرين من جنت صغير شكد اكرهج

ضحكت:- جَان شعور متبـادل ، وهسـة ؟
رد :- تصَدكيني اذا اكلج ما اعرفج .. ايهب حشه راسي عليكم .. كال النسوان حيالات ينزلن رَاسك ..
وعامر جان يحشني حشَ .. اجة اكرهكم كلكم

جيت هنا ، ابراهيم ﯠ صَهيب قريبين عليه
احترموني .. عبالك عمري ٣٠ ولا جَن طالب اول متوسط ..
فرحام بالعيشة هنـا سَحاب..
بَس العوز .. والبشر عظمه ثكيل خالج شايلنة شيل
بس ليمتـه ؟؟ مجبور هوَ

اريد اطلع اشتغل ..
تطلكي سَحاب.. وتعالي هنا انا ادبر كل شي
موش انا زلمة البيت .. انا اتحمل كل شي المهم نعيش
بعيد عن بيت الـَ ؏ـلي ..

كفشت شعره بيديَ .
:- تَدري تأثرت .

مسحَ دموع عينه ..
وكال:- لا ماكو بسَ فات الكاونتر بعيني .

ضحكت ضحكة من كلبي ..
حسن:- دضحكي  ينعل يومج .. بَس لطم لطم
هوَ صح صخر خايس .. بَس يحبج

موَ دفاعا لا عنج ولا عنه ..
بَس انا متاكد انت الغلط ، وحتى اذا انتِ اشيلج بعيني

سَحاب:- حبيبي انتَ ، ما اشوفكَ هنـا !
حسن:- ارجع بَس من انـام .. تتقيد باجي بالحجاب

- جَر شواربه الوَهميات ..
:- تعرفين بعَد صرت رجال .
ضحكت:- ياهوَ كال ؟

مَشـة مني وطلع .. كبر حسن وصار يحس بالثكل
وَهوَ عايش ببيت غيره .. حَبيبي انت .

بَـتول..
مَر اسبوعَين لا اكثر ..
اجةَ عمي ايهب و وياه حـاتم .
انا من سمعت من خالو جايين وانا وجهي صَفر
همَ اشوفه .. شكله شلون هسة .

رجف كلبي وطول اليَوم افكر .. اشِتغل وياهم
وبالي يمه مو بس َ بالي حتى روحيَ .
ندك الباب وندَك جرسَ كلبي .. بطني يوجعني

طال النـَقاش بينهم وعبرَ الساعة.
الموضوع بلش يزيد .. وسحاب رجعت حالتها
شوَي ودخل خالو كال
:- عمج رايد يشوفج .

- جـنت اعرف هذا اليَ راح يصير .
هوَ من متى حنين عليه ؟ يحب يبين للكل انه يحبنا
عدلت حجابي ودخلت .. لعب كلبي من شفته
ماخذ زَاوية والچكارة بيده..

بَس شافني دخلت كام عدَل كعدته ..
اخذني الي اسمه عمي .. بحضنه
ايهَب :- عسـاج بخير بنيتي ؟

- الحمَد لله ..
بعدني ما كملت .. سمعت صَوته منَ كال
:- شلونجَ بَـتول ؟؟

توني اريد احجي تحمحم صهَيب بصوت عالي
:- احممم .. بَـتول بدون زحمة عليج جدَدي النَة الچاي .
-كمت اخذت منهَ الصينية ﯠ طلعت .. كلبي ركص

وفعلا بعدها سحَاب رجعت الهة الحالةَ .
جَنت يمها :- سَحيبة .. صديقتي ميلادها اليوم
عزمتني .. ترَحَين ويايَ .

باوعتلي .. لا
بَـتول:- يولو يالله خل نطلع روحي طكت .

سَحاب :- عادي هنا يقبلون ؟
بتول:- ٲي عادي .. بس يودينا واحد من الولد

صَفنت بدون رد :- هاا ؟
سَحاب:- جسمي ياذيني والله
:- يولو نتونس ونبي .. هـاا ؟

ضحكت:- مَصرة ؟
:- اينَعم .

بَـتول:- واكيد امي ما قبلت كبل
ساعات نقنع يالله وافقت جميع الامم المتحدة.
هنوب باجي تسوينة واهس للفسـاد

جابت مكياجها كالت :- خلن معليجن بكريمة.
- لا انا احب المكياج .. وسحابة ما ترضى تخلي شي ..

سرحت شعَري .. وكعدت اسوي شعرها
يوكع بين ايدي .. شبعت قهر وهيَ صافنة بغير عالم .
لبسنا بناطير وعليها قمصان وي الگمر ..
هذا لو يشوفنا بي هناك ذَبح لا محالة

بالرغم هوَ تحت عباية الراسَ .. بس هيَ عقليتهم
سحبت جنطة المَكياج خليت حمرة طبطبت على شفافي
وخليت الها هم ..

نزلنا ننتظر ابراهيم ..
شوي وطلع كاشَخ .. اشر النا نسـبقه .
صادفنه صهيب من وصلنا البـاب ..

ضحك:- وين مسَيرات الحَبايب ؟
ابتسمتله :- لصديقتي ..
صهيب:- تونسوا لعد ..

بَـتول:- طوال العيدَ ميلاد ..
هيَ ساكته .. تص الوقت واجت - يـَمـيٰ

سَحاب:- تولة .. اختنكت فَدوة .
:- شجاج ؟
:- اخذيني برى فَدوة رحَ اموت .

- مشيت بيها نفتر بالكراج .. عينها على الباب
صيف ساعة ستة العصر يصير الجَو حلو

سَحاب:- خل نمشي شوَي .
بَـتول:- اخاف يحجون ؟
:- معلينا بيهم .. خلينا نمشي للبيت فدَوة ..

ما كلت لا .. جبت عَبينا والغراض ..
انطيت الهَدية وطلعت اركض .. لبسنا العبي
وطلعنا نمشي .. خلت ايدها بين ذراعي وابتسمت

سَحاب :- تدرين صار شكَد ما شايفة عالم .
- البيت جان مو بعيد .. وَصلنا يم البيت قريب
جان شاب كاعد يسگي الزَرع ..

اسمعه كال :- يكولون ماكو طحين بالسوك ..
لعد هذا الكيك منييين .

اباوع سحاب انطته نظرة ..
صدت وجهـة تضحك:- هوَ هذا هم حظي .
اقدم من ابو الجيَس يربك .

ضحكت وغطيت وجهي ..
:- وچَ لا تضحكيني..
ردت بقهر ممزوج بضحكة:-
ضحكي مثل ما كالت شهد الشَمري ..

- كَبل نترت بيها ولزمت ايدها قَوي
:- بشَرفج لااا ، احنا مو بالبيت

-رجَع اعتلى صوته غنى
:- حَجيك مَطر صيف ،، ما بَلل اليمشونَ
ردتك تمَر طييف .. وتسكت اليحجون
درَتة مطر صيف ..

كلمها من كال .. ازر* علىَ المالكي .
شهل حسنننن مصطفى .

رجَعنا للبيتَ خربانات ضحك ..
استقبلنا خالو يضحك همَ .. حياة سعَيدة

بَـتول ..
اليوم اول يومَ دوام .. اليوم 11/1/2019
اول يوم دراسي للسـنة الجَديدة ..
توجهنا للمدَارس وبدينا نشوف تجمعـاتَ الشَباب
المتفرقة .. بكل مكان اكو ٣ شباب

مرَ اليوم الاول بالمَدراس حاله حال باقيَ الايام ..
من طلعنا صارت الضجَة .. اصوان صراخ الشباب
ترعب .. والي لابسين الزَي المدني بالعصا الي باديهم يفترون .. شصاير اليوم ..
هوَ من ٣٠ بشهر العاشر .. كل ضننا

راح تهيج كم يومَ النـاس .. بعَدها راحَ
ترجع لبيوتها .. مثل ما صـار ٢٠١٨ من كلها
طلعت تشكي من ملوحة المي بالبصرة ..

لكن اليَ صار صَدمة ..
كان لانَدلاع العجَلات اثر جبير بحجَب النظر .
عيوني تنرست دمَع وانا اشوف شباب بعمر الورد
يركضون منا ومنـا عملود تعَيين .

دخلتنا الإدارة للمدَرسة ، دّقايق ودخل الحارس
يصيح اسمي .. بتول اجَوي اهلج ..

طلعتَ واشوف شاب ملثم .. ما واضحَ بس عيونه
واكف بعيدة ومكتف ايده بعد ظهَر
مشا كَدامي وانا اتبعه .. لكن من شاف الهوسَة
رجعَ گادني من ايدي وَمشينــاا .

كتله بتعب:/ بسَ اتنَفس ..
نتر :- حابة تنيمن طلق حَي براسج ؟
استعجلييي يابة بلا فهاوة

وكفني كبال البيت وكال ..
:- ادخلي يالله ..  كليلهم صهَيب رايح .
مالحكت اساله .. حرك الدَراجة ومشـة ..

كلت لباجيَ هيَ سكتت .. لكن عيونها تسولف غير شي
كالت بقلق واضَح:- في مصيبة صدقيني .
فترة ١٠ ايام وعَرفت كَل شي

ظلت تبجي بجي .. وَتصرخ ماعندَي بَس همَ .
ظلينا بالـ٣اسابيع نتوسل يرجَع ما يقبل
الا وكعت من القهرر يالله اجاها .. شبعت بجي .

بيوم واكفين انـا وبَاجي نطبخ للغدة ..
دكَ تليوفنها .. مدت ايدها بيهها ماي فتحتَ الخط ..
بچت بسرعة بس سمعت صوتـه ..

ظل يطمن بيها .. وعيونج ماكو شي .
اصلا متونس .. انت شايفة من البارحة تسولف وي
صدَيقك والصبح تلكاه ميت
والدَخانية فاتحة راسه فتحَ ؟؟

زدَاد بجيها ونحيبها .. عافته وطلعت..
رفعت الجهاز اسد الخَط ..
همسَ:- بتول ؟

:- هَمم ..
ضحك:- شلونج.
بَـتول:- بخير صاير شي .

صهيب:- بالج على امي خوش ؟
ابتّسمت:/ تامر ، بالك على نفسك ..

تشرين .. جانت من اسوء الاشهر الي مرَت علينا
واهسنة نكسَر ..
الاعداد عبرت الاف .. راحوا نَص ولدنا .

كلها تصيح .. ابو العَدس ابوَ العدَس ..
نقطع النت بكل انحاء العَراق .. وحَرنا
بالنا يم صهيب الي مكضيها بالتحَرير .

استشهد الشاب كبالنه ..
روحنا فرفحت عليه شاب بعمر الورد .

ايام قليلة على التحرير
اندكت البابب .. البيت فارغ ،
•محد بالبيت ..
كَالتَ

•يتَبع ..
ما عدلت عليه غلسو باحر اعلكم