رواية مُقيد أجنحتي الفصل التاسع وأربعون 49 - بقلم 💗

البـارت التَاسع وألاربَعون ♥️ .
بقلمي مريَم علاء .

َمشكلة من تريَد تكَشي لبشَر ما يفهمك ♥️.

كل شي ما اخذت وَياي .. طلعت بطرك روحي
مثل ما اجيت بطرك روحي .
تسحبت بكل هدوء .. رجفة سرت بروحي

روحي صار بايزار باجي .. اريد اخليه على راسي
لكفته على التخم جوة الكوشة ..
سحتبه خليته على راسي .. سحبت مفتاح المطبخ

صرت افتح بيه بكل هدوء ورجفة ، لاجل ما يطلع صوت طكة القفل ..
بعدني افتح بيه ومركزة سمعت صوته
من كال

:- ويَن ناوية !؟
صَديت وجهي كلبي يركصصص .
خنشت للحَظة نَـسيت شلون ادوَر رگبتي .

بَـلعت ريچي بخوفـه .. صَديت وجهَي لكيته سَاند
ضهرة متَجي على باب المطبخ ..
رَجعت صَديت وجهي للـبَاب افتح بي

عاط:- شَهل صلافة وَلج !؟
-خَنسـت بَسبب صوتـه .

سمعته رد كَال ..
:- صَعدي بَسرعة  .

استجَمعت قوتي ونترن بوَجهة
:- ما اصَعد .

-تَقدم - يـَمـيٰ وشكلهَ ما ناويها خَير ويايَ .
دَفعني من البَاب قوي عالجَهة الثانية وعااط
:- خَلال دَقايق اذا شفَت وجهج - يـَمـيٰ افلشهَ ومحمد .

وصَد وجهة عني يَسَد الباب قوي ويرفقله .
مشيت وكل شوي ادور اباوع عليه ، من شفته صار
وراي صعدَت اركض اركض خايفة .

بَس دخلت سَديت البَاب وشمرت الايزار بالكَاع .
ايدي وكلَ جسمي بيه رعشَه وخوف ، وين جان هَالخوف من ردت اطلع بنص هاليل .

كعدت ؏ـلى الجرباية اهدأ نَفسي من رهبة الموقف .
نفتحت البَاب ودخل .. كمت بسرعة لجهتي تانام .
خليت واسي ؏َـلى المخدة وبَس صوت انفاسَي
المضطربة واضح .

سمَعته يكول ..
:- ‏උَـلتلج السـالفه ستَ سُحـاب ، بين يوم ويوم تشردين من البَيت .. بَس فهَميني شهلَ صَلافة الي أنتِ بيها .

- ما رديت عليه .
نترَ بيه :- وَ لج مو احاجيج !!!!

كعدت على حيلي بس ما مطيته ﯠَجهي .. كتلـهَ بثكل
:- نَعم .

رد صرخ بصوت عاليَ .
:- من احاجيج تصدين وجهج - يـَمـيٰ ، لا حلكج اشكه سحااااب .
نترت بيه بصوت اعلى
:- لا تصرخ .

تَقدم والشَر واضح بوجه .
كومني جَر من صدر الدَشادشة ، وجَهي قابل وجهة
انفاسه تسمممط وعيونه نااار .
كال بفحَيح:- جَلدج يحكج أنتِ ، صار هواي ما مكسر سنونج هَاي يا ادب سززز .

بَس تدرين انة غَلطان ، انة مطي لان رخيت الحبل يمج
انة لو ارجع ايدي والضرب تجرين عَدل .
انتن ما يفيد وياجن العَيني واغاتي .

انة لو من اول مرة منهزمة بيها ، كسرت رجلج
وخليتج باب الغرفة ما تعتبيها .
بَس انة اكول تستعدل ، مرة يرجال ، صارت مرة ثانية ما تتكَرر ، يرجال اصبر بالثالثة . لحد ما الكَاج تنهزمين .. زواج لحيتي لطمتي لططم
وتزوجت ، وروحج تشوغ غيره .. رجعت طلكت

هيج صلفة انتِ ما يركف بَعينج شي .
هَسة اذا ما تحبيني ، حَسبي حساب للعّشرة سحااب .

سَحاب :- عيوني غَرغرت بالدَموع .
لزمت نَفسي ما ابـچي .. كتله بغيض
:- طلكني ، ارتَاح ورَيحني وياك .

صرخ:- بَطلي هالحچـاية بنَت الكلب .
- هوَ دائما من يتعارك وّ ياي لو يعصب يفشر على بابا
بَس هالمرة حزت بخَاطري مَدري لويش .

كتله بَعصبيـه واضحة على ملامحي .
:- لا تغلط عليه ، لا ميت خلص منك ، ولا حيَ
انتَ بشـَر صاحي يعني .!

تحولتَ ايديه بثوانـي ، من صدر الدّشداشة .
لشعَري وجره بقوه .
صرخت بـألم كال متحـلفَ
:-  ؏ـيدي حجايتَج وشوَفي شسوي بيج  .

كتله معانده:- شتَسوي انتَ قابل ، ضحكت بقهر
هوَ انت بَس تهَدد هههههههههههه ، وتضرب .
اضرب يالله اضرب يالهَمجي اضرررررربني يالله
حتى تَرتاح ياااا مريض ...

ما عولتَ اكمل كَلامي .
شمرني قوَي عالچرباية ونام على خوانيكي .
ايديه حاوطَت عَنقي بقوة واحكام ، لحظات اشبه بالموت ..

حسيته انتبه لنفسه كام مني .
كمت على حيلي اسحَب نفس بقوووة .
صفن بوجهي خايف بَس تقَدم باتجاهي صرخت
:- لا تجي يميييييي ، لا تجييي الله لا يوفقك .

طلعَ واسمع بَس طكة قَفل الباب ، ضحكت على ضيم كلبي ..
خليت الطبلية ورا البَاب ، واخذت مسار للچرباية
شمرت نفسي عَليه بتَعب ..
هوَ هذا الحَب '' الي ذّبحنا نفسنا عليه !
جسمي ينادي يريد رحمه من ربه ، كل لحمه بيه
تصيح اخ يمَا ، وين جانتلي هالوَكعة يا ربي .

عيني ما زارها النَوم .
مدري شوكت غفيت ، لني حسيت على صوته
صَخر:- كومي احاجيج .

فتحت عيني بصعَوبة نَعسانة .
:- هــاا .

كال بنتره:- كومي سويلي ريَوك يالله .
-باوعت للسـاعة بـ ٨:٣٠ . يااا هذا شبيه ..
مشى يريد يطلع وقبل ما يطلع رَد كال
:- بَسررررعة ، تحَركي .

سَحاب ..
كمت اللبس بنعالي قوي ، اطلع حَركتي بيه .
غسلت وجهي ونزلت اطوطح نعسانة يا محمد.

شبي هذا ، دَجاجة من الصَبح .
اليوم مغبش اليومَ ،، عمتي والله  مو رجلي .

وكفت افرغ بثَل الجاي بالسَلة ..
دَخل للمطبخ بَس بالفانيلا ،
فتح باب المطبخ وطلع للكَراج .

خليت جاي يابس من جَديد ، وترست القوري ماي
خليته على عَين ناصيه ، وطلعت كرصة خبر
والاجبان ..

اباوع عليه دخل بحكله الچگارا ، وبأيده سطله
سحب الزاهي وترسها زاهي وطلع .
فتح الصوندا وبلش يغسل السيارة ، هذا شبي حلمان !

تقدمت يم شباچ المَطبخ ، سندت عكوسي على السَنگ .
صافنة عليه وعلى حركاته .
شكله مغري بالفانيلا ، هنوب سودة .
مبينته ابيض وهوَ اسمراني ..

كلبَي اشتعل نار ، شمالي اني !
لو هوَ حلو ، لو اني حولة ..
اخَذت نفَس بقهر .. اباوع عليه صافن على الشباچ
يَــاا ، چــا الشباچ موش مضلل !!
صفنت . هذا شبي يضحك يا اللــهہ .

ابتعدت اخاف يشوفني ، لا شلون يشوف
صفنت اباوع ؏ جام الباب مال مطبخ طالع كل شي
مفتوح الباب ظلي باين بيها .
لا والحَظ .

هَسة شلون يظل هيج مصلخ ، نزلت البنية هسة عيب
نَصيت الچـاي وصعدت اركض .
سحبت تيشرت ونزلت اركض اله .

طلعت خليته بايده بدون ما احجي شي .
سال:- شنو هذا !؟

كتله بثول:- اللبسه باردة .
انطاني نظرة :- لا بشَرفج !!

تلبكت:- لا ءء قصدي يعنيَ انو ؏ـيب زينب هسة
تنزل شلون تتَصلخ كبالها !

كال:- اهَــاا ، لا عادي .
أستغربت حسيته يتقصد :- من شوكت !
رد وهو يجلف المراة الجانبية:- من اليومَ .

- ؏ـفته  ومشيت سمعته صاح :- تعااالي .
:- هــاا .

كال وهوَ رافع الحاجب
:- جيبي .

- رحلته ، احذه من ايدي وانطاني الجكارة .
ظلت بنفسي وهوَ يلبس التشيريت .
اخذت نَفس سريع ، بَس هن جان اسرع من النفس .

حجيت  وانا اطلع الدَخان .
:- هاي كم چكارة صارت ..

بَس شاف الدخان .
صوبني قوي ؏ـلى راسي
:- طَيح الله حظج ، فوتي جوة فوووتي .

عفته ودخلت .. سويت الاكل شلون ما جان .
صَبيت وخليته على المَيز .
صعدت اريد انام .. سديت الباب ونخمدت
فد قهرني الحَقير .

الغرفة هاي تذبح صدري .
خليت الغطة على راسي ونمت تعبانة .

فَزيت ساعة ١١ على دَكة الباب ، فتحته زينب
دخلت سالت بقلق ..
:- شبيج !

سَحاب:- شبيه .
زينب:- ليَش نايمة وهو كاعد وحدة ، مو من عوايدكم
نومتكم وععدتكم سوية .

ضحكت اجَامل:- لا يكلبي ، هوَ نايم من وكت .
وانا البارحة سهرانـة للصَبح .. وجع واسي كتلني
.

زينب:- رجع !
:- نَفس الشي ، هنوب شوفي هاي العَكد الي بكصتي .

اباوع عليها بَس شافتهم وجهها صَفر .
:- ها زينب شنو هَاي !

بلعَت ريچها بصعوبة وكالت .
:- مادري ، خل اشوفلج باجي ، اخاف واكعة !
وَ يالله تعالي نتريك وي الجهال .

:- لا انا اكلت ، ما جوعانة .
زينب:- لا صخر كال ما اكلت .
:- يولو كعدت اكلت ورجعَت نمت .
ضحكت:- چا خوش ، انتظرج جوا .

- نزلت ، اني همَ عزلت الغرفة بسرعة .
بدلت ملابسي ونزلت .، صبحت على جدة ،وَباجي
هوَ يمهم كاعد ؏ التليفون يتصفَح .
اظن خيانة .. والعَياذ بالله .

ما كعدت يمهم سألت باجي وانا واكفة
... باجي شنسوي غَدة !

مروة:- كيفج يمة ، هل موجود .
ما مجَمدات مرك .. شي !؟

:- لا والله باجي ، كلهن ذبيتهم .
مروة:- چا يمة طبخن بايمة ، يمج مجمدة جياسـة
بالفريز ، اخَذيلج جيس وطماطة مَمرودة جوة همَ .

بيبي كالت :- دَتريكي يا يمة ، شلون تخورين وانت
؏ـلى لحم بطنج !
:- لا بَيبي اكلت .

؏ـفتهم وتوجَهت للمَطبخ ، ثرمت اللحم
وخليته ؏ الطباخ داسلكه .
سويت الطماطة بالخَلاط .. فرغتها .
نعكت تمن ، كملت كل شي وخليتها ؏ النار
اخر شي ضفت عصير الطماطة .

نكعت تمن وسندت ضهري ؏ـلى السنگـ.. بتعتب
احسَ ضهري مقسوم نصين .
هاي غير بطني الي تاذيني وإسهال .

سحبت الخيار وكعدت على الميز اسوي الزلاطة.
دَخلت زينب صافنة عليه .
كالت مستَغربة:- مو كتلج انتظرج جوة ، مو انزلي سوي كل شي جوة ، مو عالشغل والله
فهمتيني غلط .

ضحكت:- ولج لا ، اني ضايجة سويتها بسرعة
هيَ مينراد الهة شي .
زينب:- شَبسرعة زبكتيها عزة بَعينج .

ابتسمت بوجها ورجعت نزلت رَاسي اثرم .
اسمـ؏ صوته يسولف ومنطلق وي باجي وبيبي .
الا - يـَمـيٰ يبچـي ، توني احجي بيه حسيته
بخطوات رجله قريبة على المَطبخ .

كلبي كام يدك عَبالك مو صخرَ جاي
وائل كفوري .. نزلت نظري من الباب من شفته دخل
فتحَ باب المَطبخ الخارجية وشغل السيارة .
طللعها ورجعَ سدَ الباب .. هذا كله واني بالي مو يمه

دَخل كال يسمعني
:- طالع اني يم حيدر بالمحل ، محتاجين شي
- رديت اكسر الشَر حتى مَحد يحس
:- سَلامتك .

طَلع وعافنا .
انا هم بَس خلصت التمن صعدت لگبري  فوك
فعلا كَبري .. تختك روحي خَنك هالغرفة .

شوَي وصار صوت جوة ، طفيت التلفزيون
ونزلت دَصب غَدة .. شفته من فوك كاعد يم الحجية
بدون ما اباوع دَخلت المطبخ .
صبينا وكعدنا على سفره وحدة ..

بدوا يحجون على بيت عمي ، انو صاير مشكله
وزوجة ابن عمي الصغير عمرها ١٤ سنة حامل
يحجون عليهم ، علبو طفلة وغلط بـهذا العمر حبلة .

حسيت الكَلام قهرني ..
صار حلمي اشيل طَفل ،، انا ادري بيهم ما يقصدوني
بَس احس الحجي يحز حزَ بصدري .
لنص الاكل تخمت وهوَ صح بعيد يم الحجية
بَس عينه عليه ، شاف وجهي عفس وجهة
وحرك حواجبة يسال شبيج .

هَزيت راسي بــ ماكو شي .
خليت اللحمة بالـخبزة وغركتها بمرك الباميا
تا اكلها .. وخليت وياها ورقه ريحان .
بَس خليتها بَحلگي روحي لابـت .

حاولت شكد اللوچـها بَحلگي ، ما كدرت .
بَس حسيت اريد اتقيــا كمت مال السَفرة للحمام اركض

اسمع بَس كلامهم وراي
يااا شجهاها ،
وحيدر يصيح :- كومي وراها زينب
ختمها صخر من كال :- لحد يكوم خليكم .

- ذَبيت كل الي اكتله ، بَس اكو شي بزردومي ما يرضى ينزل .. دخل دفعَ الباب .
ايديه خلاها على ضهري ودنكَ لمستواي سألني
:- بعد تردين ؟

حركت راسي بـ ٲي .
صارَ وراي ، ايديه احتضنت ضهري
وبچف ايده ضَغط على معدتي ورفعني عن الأرض

ذَبيت اشكال انواع .
والريحة جانت جدا كريهة ومو طبيعية .
باوع عليه بالمراية واشر الي كملتي .
هزيتله راسي .. نزلني وفتح البوري .
غَسل وجهي وحلكي .. وسحب الخاولي ينشفلي .

سحبني من ايدي وطلعنا للـصالة .
كنبص - يـَمـيٰ بالگاع واخذ ايدي
:- شجاج يا عَيني !

كتله:- يمكن زودت بالاكل .. ومعدتي ما استحملت.
انتبه لكصتي وسألني
:- شني مكَحلة كصتج يابة !

رَفعت ايدي اتلمَس
:- ما خليت مكياج اليوم .
-كام كعَد - يـَمـيٰ عالتخم ويسمح بكصتي بأصبعه السبابه ورجع سال:- شنو هايَ سُحـاب !

:-مادري ، كعدت لكيتها ، خل اكوم اغسل الحَمام .
نتر بيه:- عوفيه هسة تعاي كعدي ، بسَ جاوبيني
هذا الاستَفراغ مالتج من قبلَ هيجي .

:- شلون يعني !
صَخر:- يعني هيج ريحته مطيبة ، ولونه مايل لحمَار الدم !!

سَحاب:- اول مرة هيج يصير وَياي .
صفن بوجهي وردَ :- ثاني مرة هَاي ..
من شفتي البَزون همين هيجي استفزغتي ، بَس ما جنت بوعَيج .

صفن بوجهي وكام طلع برا .
طلعت وراه لكيته يسَوي بالحَمام ..
حـاولت وياه ما قبل .. صعدت اريد ابدل مَلابسي .

مددت احس جسمي خامل بشكل مو طبيعي .
النوَم كسرني والكَسل .. كمت نزلت
لكيتهم ملتَمين ..يَشربون الچَــاي

كل شوي يحجون سالفة . رجعت راسي ؏ التخم
عيوني طفت منَ لنعاس بس ما اريد انام .
سمعته كال:- بمَا انه صار هواي ما رايحين زيارة
شرايكم نروح لكربلاء !

حيدر وافقه بإصرار:- نروح والله انة الشوق ذابحني .
حجت الحجية :- والله يا يما بنفسي . انت كلتيله
مو مَريوه !!

ضحكت باجي:- اي يمة ، وانة هم مخَنوكة
خل نطلع نتونس شوي .
كَال حيدر:- چا انا اخذ السَايبة مال عامر .
وانتوا روحوا ويَ صخر .. نصير وجبتين احسن .

صَخر:- دَنلطم ، تكفي معليك .
حَيدر:- امشي بكفيك انة ، بعدين اريد اسوق انت شعليك ..توكل حبيبي اخذ امك حبيبة كلبك وجدة ومريتك وانا وجهالي نروح وحيدنا
عائلة سَعيدة .

سَحاب ..
بالرغم ما الي اي خلق بَس وين ابقى .
وحتى اذا ابقى يم بيت عمي راح تـسم بدني خل اطلع
احسن واشرف الي .

صَعدت ابدَل .. لبسَت دشادشة خفيفة
لفيت الشَال لفة عجوز ما بيه حيل احس مكسرة .
دخَل هوَ انطاني نظرة شلون مجان وتوجهَ للكنتور

طلع القميص والبنطرون القمَاش .
وجواريب وحضر الحَذاء .. صفنت هذا شبيه
هوَ من بي حَيل يبدَل .

دخل سبح وطّلع مبدل
رجَع باوعلي وسأل:- ما مبدله !
:- ما بية حيل .
-ضحك .. تَقدم باس راسي وطلع .

ركبت بيبي يمة ،، واني وباجي لورا
كعدت بالكرسي الي وراه ضبط
بَس سدت بيبي الباب نترت بصخر
:- شوف ولك صويخر ، اجل لو شميت عطر التتن
افَينك وعلي ..

ضحك وطلعة من جيبة شمره بالچكمچة
:- صاررر ، شعندي انا غيرج .

طوط النة حيَدر بالسيارة مال عامر ومشا قبلنا
قَبل لا نمشي عدل المراية الامامية ، ابتسمَلي ومشا .
دنكَت راسي ..

عَيني عالطريق ،، مـسافة بعيدة لأن السمااوة بعيدة
عنَ كوبلاء وتاخذ بالـساعتين لو ٣ ساعات .
فتح الراديو وبَلش يحجي ابو الاذاعة .

ظل مركز وياي بالمراية .
اني همَ ما عبرته .. سندت راسي ؏ـلى الجامة ونمت
بَس طريق العراق يا طريق العَراق
اباوع عليه ناوشني تلفيونه وسَماعة ..
مشترك ؏َـلى الشريحة .. فتحت اليوتيوب .
مادري شنو اباوع لو شنوَ اسوي

عنده جانت لعبة سَابوي .. هَاي مال قطارات
نَصيت الصوتَ وكعدت اللعب لحد ما مليت
كل شوي اخسر واشبعَ قهر .

صارت ليل يالله وصلنا .
احب هاي السيطرة الي ندخل منها للمحافظة .
بـكل مرة احسَ بشَعور حلو ..
هالمرة شي عادي احس .. لا لهفة لا شوك
بالرغم قبل عرسي رحت صار هَواي .

وصلنا لهناك كعدنا بهذن الاقواس .
بعدين توزعنا وكلمن راح يزور ..
دخلنا كلنا نزور كلمن راحت تصلي اجت باجي
:- ها يمة ، متوضية حتى تصلين !

سَحاب:- لا باجي .. عليه الدَورة .
- انَي لا عليه دورة ولا شي بَس اتعاجز
واحس رجلي ما تعييني ..

خَليتهم يصلون وانا اخذت زاوية
تجيت راسي ؏ الحَايط وسحبت زيارة عاشوراء
اريد اقرا بَس ما اكدر .
حاولت شكد احس ما عندي حيل باقي .

لزمتني خنكة تكتل .. شافتني باجي تعالي نزور
فعلا بوكتها كلها دخلت للضريح الا اني
سحبتني باجي ودخلنا .. وتصيح بنية مريضة
خل تفوت يمةة .. وتسحب بيه من ايدي .

النَسوان كامن يسوون مجال .. وكلها تبَاوع عليه .
هايَ المرة الي توكف يم الشباچ مال امام الحَسين عليه السَلام .. بَس شافت وجهي كعدت حاجبها .

نظراتها اكلتني ونسألت للمرة الالف
البنت:- بنيتي ، شنو هذَا بوجهج ..!

قوست شفايفي وعفهتا لان اختنكت . ردنا نطلع بَس زينب مدري وين ..اجت نفس المرة الي جَانت واكَفة .. رادت تحجي شي اجت زينب اخذتني ومشينا .

طلعنا لكيناهم ينتظرون .
رجعنا زرنَا الامام العَباس عليه السَـلام .
ﯠ بَس رجعنا سألوا الوَلد :- تاكلون هنا لو مطعم !

ردت باجي :- لا يمة ، نروح مطعم بيبتك ما تكدر .
احنا همَ مشينا .. زينب وحيدر كل واحد شايل
نوري ، وهي شايلة نور .. ويضحكون .

بيبي وباجي سوية .. واحنا وراهم .
تقَدم اخذ ايدي بين ايديه وسـأل .. شبيج !
:- ما بيه .
المطعام الي ندخلها كلها صغيرة
اخر شي واحد قريب على الامام الحسين عليه السلام
جلب بايدنا ورجلنا حتى نفوت ..

دَخلنا كعد - يـَمـيٰ
همس :- شنو بنفسج !
:- مجَوعانة .
:- اششش ، حَوصي كباب الية والج .
اخذ طلبات البقية وراح ..

بَس اجه بدينا ناكل يسوّي لفات ويخلي بالماعون
يستحي يسوي ويوكلني كبالهم .
اخو شي شاورته:- ترى استقرغ بعَد ما اكدر .

مَن صار موعد الدَفع ضحك حيدر
:- يالله شوكر دادي مال عائلة ..

ضحكت باجي ما مفهمتة:- شنو يعني .
حَيدر:- يعنَي هواي ماني هواااي ماااني .

مروة:- يا يمة عينك على اخيك .
حيدر:- لا يمة شجاج ، انة اكدر اجي يمة .
فلوس حرام هاي .. خطية شرد عمي

مروة:- چا غير معدل ، اشترى كل الحصص
حتى يضمن عمك يايمة .
حيدر:- اغنى رجلَ في العالم اخي ..
حسويها كتاب .. حتى الكل يتعلم منك يمعلم .

رجعَنا بعَز الليل .
انت صعدت كبل وهمَ راحوا يرجعون سيارة عمي
غسلت جسمي ولبست شي خفيف .
مددت نعَسانة حيل
حسيت عليه من فات .. ذب ملابسه
وشمَر نفسـه - يـَمـيٰ حسيت ايديه حاوطت بطَني
كبل قلصت نَفسي

راسه برگبتي همس .
:- اسَف حَبيبي .
سَحاب:- ما تفيدك .
:- شنو اليرضيج !
:- تفهمني ، حس بحالي .
صَخر:- صار يا تَعبي ....

تقرب مني بهدوء .. ما نفرته انة هم حنت مشتاقة
ظليت على نومتي هوَ دخل سبَح واجة نام .

كعدت ثاني يوم الصبح ومثل ما توقعت
هم طكع جَسمي .. اخذت علاجي وسكتت
كام هوَ طلع للمَحل وي حَيدر ..بَس طلع بديت
ارتب الغرفة ... غسلت الملابس مالته ..
مسحت اخشاب .. كاع

غرفتنا ما حبها .. ما احب الغرف الصاج الجوزي
اتخبل منهن ..
نزلت ارتب وي زينب الجَوة
صاحتني باجي ..
:- عيني .
مروة:- تَسلم عينج يمة ، بس اريد اسلك الدجاج
فوك بالفرفة مال فَراش تلاكين بالكاونتر القديم
جدرية هيَ سودة .. جبيبها الي يبعد امج .

:- صــٰۨار ..
صعدت بَس شفته سحبته .. فتحت القبغ احس بي
ثكل .. وعيني يطفر عليه جريذي على ذراعي
صرخت وشمرته هوَ والجَدر وطلعت اركض

كعدت على الدرج ارجف
باجي تريد تصعدلي بس ما تفهم
اجت. زينب تركض ..
كالت :- فوتي سبحي يا عيني فوتي .

-دخلت اسبح واحس روحي هلكت خلص .
بَس دخلت جوة الدوَش انتبهت الحَمار بجَسمي
بلش يكبر ..
لبست وطلعت اريد انام ..
كعدت على صوتهم فوك راسي .
باجي تكله:- يمة خل ناخذها لسـيَد اسمع مني .
يرد عليها :- يمة شَهل كلام هذا ، سدي السالفة
كل ما بيها ان هيَ نفسيتها تعبت علمود سالفة الخلفه

مروة:- ولك يمة اسمع مني البت حتموت .
خلينا نلحك عليها دام ابن خاالتك ساكن البصرة
وهالسـيد مضمون هـنااك .

زَينب ..
وفعلا اخذناها وتوجهنا للبصرة .
انا وصخر وباجي وياها .. طول الطريق
هيَ مثل الخَرسة ..

وصلنا هناك لبيت قرابتهم .
زوجتة جانت جدا لطيفة .. ورغم الحَر بس
جانت الاجواء حلوة بَس تظل الغصة بصدرنا
سَحاب نهائيا ما تحجي وينا .
بس من يسولف وياها صخر تجاوب ؏ كد السوال
وتسكت ..

يومين يالله كدرنا نحصل سرة عند السيـد .
ﯠ صخر ما قانع ومتخَبل .
انا امشي وارجف من الخَوف ..
كل توقعي بيوتهم مثل هاي الس تطلع بالأفلام .

وحواليهم العفاريت والجن والعيـاذ بالله .
لكن جان بيت صغير وجدا جمي مليان بسور القران
على شكل سَجادات على الحايط .
وصوت القران بالبيت ترد الروح ، وهذيج الريحة
الطيبة ..

بَس دخلنا سَحاب بجت ..
صفن بوجها المَكرود .. بجت ما تقبل تكمل
شاررها صخر وجَرها جر .. ومبين عليه الخوف

دخلنا تلكانا رجال جبير ..
وجهة بي خير الدنيا مثل ما نكول .
مبتسم .. ونوراني .. رحَب بينا واستقبلنا بشكل جدا
راقي ..

سلم ودخلوا بالموضوع .
بلشت باجي تحجي كل شي .. وهوَ مركز وياها كلش
وهاي روحها لابت .. بس تحَوس .

بَس كملت كال هوَ
:- لا حَول ولا قوة الا بالله .

اشَر الهة تجي تكعد يمه ..
بَس كعدت لزم راسها وبلش يقرا قران بصوت عالي
سَدت ذانها وبجت كالتله
:- صوتككك ، اششش اسكت الله عليك .
صوتك يخوففف اسكتتت .

سكت وسألها:- بنيتي اكو شي برجلج !
اقصد يعني السـاق وليسَ الـقدم !

ردت بدموع:- اكلك بَس تسكت .
ابتسم بوجها:- متفقين ، يالله احجيلي بنيتي .

سَحاب ..
اي اكو مثل الشك الصغير ، لحد هسة ما اعرف سببه
السـيد:- اي وبَعد .

كملت تبجي:- هواي شغلات عمو ، بطني ؏ طول اسهال تكرم .. وراسي واحس دم جسمي يفور .
وطكع شكبرها ..

-واشرتله على وجها وجف ايدها .
صفن بوجها وسأل:- بنتي انت ليش ما تصلين !

بجت بصوت عالي
:- عمو ما احافظ عليها .

السَيد: ينطيج كلبج ، ما تحافطين على علاقتج بربج .
سحاب:- ما اكدر .

السَـيد //
باعي بنيتي ، انت شايفة العمود الي يسند
مدرسة او صف ، او حتى بيت .
او سقيفه .. ينهار كل شي اذا نهار هذا العمود

الصلاة كذلك بنيتي .
هيَ عمود الدين والاسلام .. هيَ لقاء العَبد معَ
البّاري ؏ـزَ وجل .. انت فوتتي لقاء مع اللـه .

نمتي وما كعدتي شلون !
ساعتها شنو تكولين لرب العالمين .
انت صغيرة يا بنتي .. بعدج بربيع عمرج .
اذا من هسة خسَرتي نفسج ما تلحكين

ارجعي لسجادتج بنيتي .
كلنا عدنا هَموم .. هذا اختبار من الباري .
زوجج ايضا مسويله عمل مثلج .. الفرق
ان زوجج مؤمن بالله .. رحمه وابتلاج
ان الله اذا احب عبدا ابتلاه

اشتياق الله الج .
وصلج لكل هذا .. حتى ترجعين لحضن سجادتج

زينب:- ظل خطية هوَاي يحجي .
ومثل ما توقعنا عمل .. لكن كان جدا حدز
وما بين من صاحب هذا العمل ..

وكال زين وربنا رحم حالها ما كان العَمل
مدفون كان هسة هيَ ميته .
طلب من صخر يتبعة لغرفة .. راحوا وراه

نص ساعة وطلعت حال الضيم حالها
ساندها صخَر كوة تمشي .. عيونها حمر تستغيث
وصخر شايل بايده علاكه

بعدها ما وصلت يمنا .. خرطت العافية ووكَعت .
ركضنا بيها للمستشفى .
ما قبلت تبات بَس صحت كالت رجعوني .

من رجعنا عرفنا هذا شي مقري عليه
ولازم تسبح بيه ..
سألته:- ادخل اسبحها اني وباجي اخاف ما تكدر..
ما قبل .. يكول انة اتصرف .

سَحاب..
فتَحت عيوني من النوم ، اسمع صوت اذان المَغرب
اريد اكوم اصلي احس تعبت..
شوي ودخل عليه ..
زفر نفس:- عَليش هالبچي .

سَحاب:- صخر ، عفية شنو انطاك
شربني فدوة جاي اموووت وجعَ .

صفن بوجهي .. وكال
:- حضري ملابسجَ يالله .

كمت بدون ما اعرف شنو ..
حتى لو يحركني اهم شي انظف
احس روحي قذرة .. مذنبة .. كافرة .

دخل وياي ..
صَخر:- شيلي المّستحة ، خليني اعينج .
كتله بقلق:- اسبَح وحيدي .
كال ببرود:- لا

- نزعني الدشادشة وشمرها .
كعدني ؏ الكرسي وخلاني تحترالَدش بالضبط
فتح عليه المي .
بلش يترس الطشت .. جاب بطل جبير
رَش نصه بالمي .. شال بالكاسة
وبلش يدب ؏ـلى راسي .

واسمعه يرتل ايات على راسي .
شوي وطلع جاب منشفة وملابس ..
لبسني وشالني شيل
كتله:- لا توَكع .

ما اهتم ..
نومني عالجرباية واجة - يـَمـيٰ بايده المشط
لزم راسي ﯠ يفر بالخاولي .. ينشف بيه
وخره وكعدني بحضنه يشم بركبتي ويضحك

صخَر:- افيَش يا ريحة جلدَج .
دمت عيوني :- صارت مطيبة بعد ، ريحتها مو !

فرنَي عليه مخنزر ..
:- تحجين هيج اطيح حظج .. انا وياج
انة وانت السبب ، دخلنا بينا الغريب
وانة ما عولت تصيرين - يـَمـيٰ .. اتحدى واحد
بين اهلنا هيج يحب مثل ما اني احب .

جان عندي استعداد ابيعهم كلهم
عمج ، واهله ، والبيت .. روحي صايرة بيج .
عبالك ماكو نَسوان بَس انت .

ڪل شي يستعدل عيني انتِ .
اصبري وياي هسة انة مو وياج بكل خطوة .
حتى دوام جاي تجيني انذارات .

سَحاب بوية ، انة اسندج ، وانت قويني بوجودج
انت علاجي ..

مشط شعري على كيف .. يمشط من فوك ليجوة
ضفره شلون مجان ..
وَ سحبني بحضنه .. ظل هواي يالله نام.

للفجر انا كاعدة ..
بَس سمعته اذن .. كمت فرشت سجادتي .
وتوضيت ورجعت .. يمكن بهل غرفة ما مصليه
هواي .. يمكن ٤ مرات لو خمسة .

اسمع صوت الجامع شغل قران ..
بعدني بالركعة الثانية .. قرا اية دوم اسمهه
يرددها
بسم الله الرحمن الرحيم
الصَّابِرِينَ وَالصَّادِقِينَ وَالْقَانِتِينَ وَالْمُنْفِقِينَ وَالْمُسْتَغْفِرِينَ بِالْأَسْحَار .

جسمي كزبر .. قريت سورة الكوثر وسلمت بسرعة
اول مرة الاية هيج تاثر بيه
وكانها من اللـه ..

سجدت وما حجيت كل شي
بَس بحيت بصوت مكتوم .. كمت بسرعة
ركضت للغرفة الثانية مال فراش ..

بجيت بجيت .. لحد ما حسيت راح اختنك
كمت اريد ارجع للغرفة دخلَ برجلي شي
روحي فرفحت .. رفعتها اشوفه ولنه بسمار كبس
روحييي فرفحت والبجي زاااد ما نَقص .

كعدت بالكاع اريد اطلعه من رجلي بس اخاف .
غمضت عيني وسحبته قوي .
طلع دم ظليت امسح بيه ولا جني نفسها سُحـاب
اليَ بس تشوف دم تخرط العافية .

رحت يم الشباچ مال غرفة .
الضوة طلع .. شيصير لو ما حّبني صخر .
لو عشنا وبابا ويانا ببغداد .
واني اروح للمَدرسة ويَ بتَول .

مشيت للغرفة وانا مقررة خلص .
لازم اطلع هذا حدي وياه

دخلت للـغرفة . سحبت عباتي ورحت للمراية
اخذت منه عشرات ثنين ..
باوعت عليه نايم ؏ بطنه كعادته

عصرني كلبي ، احبه ﯠ تعبانة منه
عفته وطلعت بسرعة ؏ الدرج لبست عباتي
ونزلت امشي بسرعة لا باوعت منا ولا منا .

فتحت باب المطبخ .
وطلعت اركض بسرعة .. فتحت الباب الخارجي
وما اهتميت لا لصوت قفل ولا شي

طلعت اركض وبس زقزقة العصافير
شوراع فارغة ..
امشي بسرعة .. وكف كلبي من سمعت صوت خطوات
ورايه ..

كمت امشي اسرعَ وابجي ..
وكفني صوته من كال
:- ويننن مو احاجيج ..

صديت وجهي شفته حَيدر .
كعدت بالكَاع ابجي اجة - يـَمـيٰ وجهة اصفر
سألني بقلق:- بس فهميني شبيج ! منو وياج .

بجيت:- خليني اروح الله عليك .
نتر بيه:- انت عاقلة شبيججج !

:- احلفك بجهالك خليني اروح ، لو اختك صاير بيها هيج ترضاها .. بداعة عزيز كلبك حيدر
نخيتك انااا .

مسَح وجهة بعصبية ..
:- هذا مو حل .

كتله بدموع:- واذا ابقى هنا اموت .. حيدر الغرفة
تخنكني .. سالفة اني عاكر تذذبح .
خليني اروح لامي والله ما اروح لغيرها .

حيدر:- ما يكدر يجيج يعني .
بجيت:- الي يصير خل يصير .. ابوس ايدك خليني

انزعج كلش وجان واضج على ملامحة
كال :- تعالي وياي امشي .. انف اوديج
انطريني بس اجيب فلوس واللبس ثواني
مو تروحين سحاب .. ترى يذبحج والله .

هزيت راسي بـ ٲي .. راح يركض
كعدت ؏ الرصيف ابجي ومغطية وجهي ..

دقايق واجة ..
مشيت وراه وهوَ يحجي .
سألته:- شلون حسيت عليه !

حيدر:- نايم بالصالة ، نور ما نامت بَس تبجي
سُبحان ربج الي خلاها سبب من الاسباب פــتى الحك عليج ..

ساعة ستة الصبح ..
سيارات قليلة ، ركبنا بتكسي

الطريق كله بالي يمه ..
هسة كعد .. هسة افتقدني بحضنه .

هم راح يسوي هوسة ..
همَ راح يتأذى .. لو يجي يرجعني ويرجع
كل شي ..
بَس اني ما اريده .

الطريق طول .. دخلنا بغداد روحي ردت .
بَس الرجفة ما تروح .
بدينا ندخل شوارع الاعظمية .

نفتر لان محد جاي لهنا
وانا همَ ما اعرف بَس اسمه واسم جَدو .

ظلينا للـتسعة نسأل..
لو نروح لغير بيت .. لو يطلع مو هوَ .
لو يشبه اسمه

اخر شي سالنا كالو ابو صهيب .
ما جذبنا خبر رحنا ..

دكيت الباب ..
جان نصَ مفتوح .. طلع شاب صغير
ساله حيدر :- ام حسن هنا !!

كال :- نعمَ تفضل !
اردَفت اني :- اني بنتها .

•يَتبـع ...

احبكم 🤍

اكو بنوته وعدتها البارت عيديه
صح تاخرت.. بس وصلت .

صـدوڪَـﮧ عيد سعَيد 😬 .
شسوي خطار .. المهم ايامنا كلها عيد خالا 🫂😎 .