رواية مُقيد أجنحتي الفصل الرابع وأربعون 44 - بقلم 💗

البـارت الرَابع والاربـِعونَ .
بٓقلمي ، مريم علاء ♥️ .

أثاري المايحـاسب ولفـة وَيغار  .
جـِذب رب الجـِذب ما يحب وِلفـه .
:(------------------------------------------:) .

سَحاب:- نفتش غرفتهة !!
زينب:- چــاا ليش لا ،البيت بيتنا وهيَ
غريبة من حقنـة نتطمن.

توجهنـة للغرفة ،
الغرفة نظيفة ومرتبة .
ريحة ماكو .. هاي شنو !

:- خية كل شي ماااكو .
زينب:- اني هم ما شفت شي .

بعدنا نحجي سمعنا صوتهـا
كالت بحدَة

:- شَدتسوون!!  .

رَدت زينب بعصبية
:- وين جنتي ؟

رفعت الحاجب .
:- عند امي .

زينب:- يصير تطلعي بدون ما تكولين .
ردت ببرود .
:- محد موجود .

زينب :- مو كاعدين احنة !!

فـلة:- ليش أنتِ منو ؟

نترت زينب بيها .
:- ادب سزز ، تربية ماكو لا عبالج اسكت
اللزمج اسحلج هناا اطلع ضيم كلبي بيج
صلافة وعين وكحة ما اريد .

رجعت رَدت عليها .
:- انا صلفة !! ، ليش هوَ منو دخل غرفة منو ؟

تقدمت تريد تضربها .
سحبتها وطلعت .
:- صدكك تحجين انت ؟

رَدت بـأنغعال .
:- انتتت مو شفتيهاا شلون تحجي وياي .

سَحاب:- اتركيها ، هوَ يجي يتصرف وياها .
عااطت بيه .

زينب:- بـااااالج سَحابو بـااااالج تسويها .
لا تخلي يدخل يمها نهائيا .
اموتج إذا تَسويها .

كلبي وجعني رَديت
:- لا ما اگـدر .

زينب:- همَ عوز تقبلين .

سَحاب:- مرت الايام تتشابـه .
اشتاق آلة ..استحي اكول اريد الجهاز
حتى اتصل بيـة .
أظل انتظرة هوَ يخابر .

اغسل الملابس وصافنـة .
اتذكر شلون چـِنة وَ وين وصلنـة .
منو يصدك اني جنت اكرهة .

سمعت صوت باجي تصيح .
:- سَحاب يمةة .. زوجج يتصل .

غسلت ايدي وَ الباقي مسحـتة
بالدِشداشة الابتسامـة اعَتلت وجهي .
جانوا متجمعين بالـصالة ،وَبس شافوني
اجيت اركض كلها ضِحكت .

صعدت للغرفة ركض .
اريد بَس اوصل .
فتحت الخط ، ما سمعت بَس طگة
الجـِداحة ..

سحب نـِفس قوي.
كال:- شلونج يابة ؟

:- مشتاقة الك .
:- وانـة طاگ كلبي عليج ، ما بقى شي .

:-وين انتَ !
:- بالكَرفان ، تعبان من الوگفـة .
ما لكيت انيسي يمي ، اتصلت بيج .
وَين اني والدَوام ، اكعد اگابل مريتي .

ضحكت بصوت عالي
:- شوكت ترجع !

:- بَس هذا الأسبوع بقى .

-بعدَنا نحجي صاحوا عليـه .
فشـر بصوت عالي .. خربت ضحك عليـه .
كتلـة بضحكة
:- انتَ بخدمة الشعب ، المَفروض تشتغل بكل امتنان لان هذا عملك .

نتر :- يَمعودة يا شَعب ؟
هذاك اليوم واحد شافني من تركيا راجع.
اخذت جنسيتـه للسلامة المرورية.
هذا واجبي هيَ صلاح الدين عايزة .

وايضا خوفا من الدَواع* .
يكلي انتَ ما عندك اسلوب ، يعني شسوي
ابوس راسك واكلك انطيني سنَويتك .
ابن الـ .... .

ضحكت من كل كلبي .
:- اكو شَعب حَبابين .

صَخر:- اي ، وحلوين هَم .
ومشتاق الهم همَ ، يابة اروح فدوة لهل شعب .

:- امممم ، يعني أنتَ كل الشعب
هيج تحجي وياهم !

ضحك:- لا ، شعب عن شعب يختلف .
اكو شعب انــا بخدمتهم.
واكو شعب عيوني الهم .
واكو شعب بحضني اضمهم .

سَحاب:- چــا هنَيالهم بهيج منتَسب  نَزيـه .
:- ياهوَ كال نَــزيه !

نَعمت صوتي واردفتَ.
:- انــا من الشعب ، واكلك انت نَزيه .
ولطيفَ وعسل ، وكل شي .

:- دَسدي الخط وحلكج اعدَلي .
دنيا ضهر وين اودي وجهي .

ضحكت بصوت عالي
كال هوَ
:- خايب يروح النَقيب رفعان لهل ضحكة
ويرَجع يزحف على رجلة من الحرَ .

:- رفعان منو ؟
:- هذا نَقيب جَديد ، عودَ انزه من الي قبلـه.
شو هذا بأول اسبوع .
خصم من الراتب ٥٠٠ الف .

:- يااا ليش ؟
:- بعَد عمج انت هم ما اسكت ، رحت كتله شوف خالي هنا كلنا فقرة والغناء لله .
تنقص من الراتب الف دينار .
اعتبرني من باجر بالـصبح يم حبيبك .

ضحكت:- اي وَشكال !؟
:- كرهني مثل ذاك .

:- ههههه ،عود ليش ؟
:- رجال فقير ، كاعد وحدي .

:- شوكَت ترجع !
:- خر* بالشغـل ، حتى إذا اجدي بالشارع
المهمَ أظل مكابل وجهج .

:- يووو، يعني راتب حَيدر ما يكفي ؟
:- ليش هوَ حيدر عندة راتب اصلا .
هوَ محل يا يحصل يا لا .
وهمَ ما يكفي ..

:- إلله يرزقكم .

:- لا يظل بالج ،بالاسبوع انا عندكم .
انا لو على هذاك القَديم چا خلاني .
بسَ هذا مبينا علاقتي بي حلوة .

المهم ، بالليل صَعدي الجهاز يمج .
وانتظريني لا تَنامين إذا انزل اتصل بيج
كاميرا مشتاق لوجهج .

:- تَمام ..

سَديت منـة الخط .
ونزلت خلصت كل شغليَ .
صعدت ساعة١١ ونص وأخذت جهاز باجي وياي .. انتظرتة للـوحدة ماكو .

خليته يم راسي ونمت .
فَزيت على صوت اتصال ، رفعته بنعاس
:- الو .

صَخر :- هــا يا تَعبي ، نمتي يروحي !؟
:- اي والله نعسانة .

:-چــا سدي روحي نامي .
:- لا لا ، نمت هواي .. خليك .

:- سَدي من الخط ، وتعالي على الواتساب .

بَس سَديتـه اتصل عليه .
عَدلت نفسي وفتحتة 
هوَ يمة ضلام همَ ضحكت كبل .

كال هوَ
:- نلعب ختيلان شنو ، دَفتحي ضوة يابة .

ضحكت:- چـا انتَ همَ افتح .
:- وهَذول السَرسرية الي يمي !؟

كمت فتحت الضوة ورجَعت كـِعدت
ثَبتت الكاميرا على البطانية .
اباوع عليه بس سنانة باينـة .

ضحكت :- هسة شلون اشوفك !!
:- مو شرط .
:- شلون موَ شرطَ .

:- يكفي اني شفت عيونج .
:- شعاحبك ؟
:- كل شي بيج ، يعجبني .

فتحَ الجداحة .
وَ ورث چكاره ..
عيونـه تخبل بالضلمـه .
يسحب نَفس قوي .

همسَ بصوت نَاصي
:- احبَج .

:- صوتك ناصي ؟
:- هذول المسَربتين برة بالباب .
بس يسمعون طكة يحوسون.

:- شعجب كاعدين !
:- كل واحد يخابر بصاحبتـه .
:- هههههه ، وانتَ .

:- اليوم انتِ موجودة .
رفعتلـه حاجبي
:- يــااا .

:- حاجة اكلج انا احبج .
وشلون أسويها ومن هل حجي .
وانة الج بَـس ؟
:- محاجـة صَح ، بس احب أسمعه.

:- انـا ما احب ، الي يحب ..
يبين بالمواقف موش كلام يا تعبي أنتِ .

:- اريد اشوف وجهك .
:- صــار .

فتح الجداحة يم وجهـة .
ما مبين بس شواربـه ضحكت .

كح بصوت عالي .
:- راح تلميهم عليه ولج .

:- هذا هوَ ههههه .
:- اضحكي اضحكي ، من خايب اروح فدوة.

:- ما نَعسان !
:- لا، إذا انت نعسانة نامي .
:- لا ، اريد اطلب منك طَلب .

:- عيني .
تحمَحمت :- هوَ باع .
:- باوعت .
:- اسمعني حباب .
:- اسمع تعبي أنتِ سولفي .

غَمضت عيوني بخوف
:- اريد اشوف صَديقتي .

تغيرت نبرة صوتـه
:- ايَ صديقة !!
:- الي خليتني اعوفها .

:- دام تعرفيني ما احبهة
شعندج يمهة ؟

:- صَخر البنت حبابة .
صرخ:- يااا حبابة لا تخليني اعيطط .

:- صوتك هسة ليش العياط .
كال بعصبية .
:- تَدريني اتخبل منهة ، هيَ عناد لو شنو؟

:-ليش ما تحبها ، خوش بنية .
:- منيـة خوش بنية .. نسيتي شسوت ؟

:- شسوت لان ساعدتني !!
:- اكو هيج صديقة ,

:- لان انطتني فلوس تا اطلع وياها
طلعت غلطانة !!

نتر بيـة
:- جيتي وگلتي اريد اطلع كتلج لاا .
وجنتي تكدرين تبقين بدون عناد
وكتلج يابة انا اطلعج.

وانة جنت ما مرتاح للطلعة.
بَس انت تريدين كوة تبرزين نفسج
بحركات زفت عاندتي ورحَتي .
لا هنا ولا هنا للزوراء ..

وهيَ ساندتج على الغلط .
هيَ هاي صَديقة ؟؟
صَديقة سوء لو لاااا .

بلعت ريگي بصعوبة . كتلة بغصـة
:- هو هذا اسلوبك !!

عاط بصوت عالي
:- لااااا تلوَصين بالكلام .
اعرفي شلون تحجين سَحاب أتخبل  من التَمسلت هذا .

:- ليش املست، من ابسط الشغلات
محرومة بسببك ، كرهت عيشتي
وكل حياتي بسببك لا اطلع لا اطب .

محرومة من كل شي اسمه
صداقة .. اخت ، سَند .

انسان متسلط ، المهم انتَ ترتاح .
انتَ السبب بنفستي الي بالنازل .

حتى زواج جبرتني عليه .
حتى مصيري حددَتـه ،

صرخت بصوت عالي
:- اكرهكككك ، اناني بكل شي .
انسـان حقير ، وظالم .
انتَ حرام عليك مسمى بشر والله .

سَديت الخط وأحس وجهي فاير .
بجيت بسرعة .
كل عمري اتمنى اشوفها.
صديقة روحي هاي .
هيَ تسمعني ، هيَ صبرتني على ضيـمه .

انا شلون قبلت بي .
انـا شلون تنازلت عن كل أحلامي .

بحركة غَبية مني
خسرت كل شي ، اهلي وين .
لـَيش مَحد يمي .
اذا زعلت حالي حال البنات وين اروح .

ظل يتصل ما رديت .
نمت على وجهي الدَمع .
كرهت كل شي يخصـه .

فَزيت ثاني يوم الصبح
على ركـعة الباب .

دخلَ وجهة يرعب .
شمَر الجنطة من على ضهرة .
عيوني راحت على الساعة بـ٨ الصبح .

رفعت راسي من المخدة بخوف
سد الباب بقـوة وعصبية .

تقدم بخطوات رفع أيده يحسب
:- حيوان ، ظالم ، حَقير .

بعد ست سَحاب، شنو عندج غلط
صرخ
:- اااااخووووج الصغير انةةةةة .

تقدَم بعصبية سحبني من شعَري وصرخ
:- بنت الكلببب انا تحجين وياااي هيج .

لزمت ايديـه بخوف .
:- لا تخليني اكرهك .

شَدد قبضتـه على شعري
صرخت بوجع .
عاط هوَ:- شَتسوين سَووي.
ولج علعلتي كلبي ، هيَ بقت بَس
تتجاوزين عليه، وسوَيتيها .

لاجمة كلبي بدلالج هذا .
كل شي ما يرضيج
لا اني الماخذج مرتاح ولا انت يمي مرتاح.

سحبت شعري من ايده ودفَعتة مني بقوة
:- طَلكني لعد ، خلصني منك .

تقدم بعصبية دفعني قوي .
صرخ:- كاافي عاد .

مسحت دمعي
:- اي طلكني حتى ترتاح .
وعروس جاهزة هيَ تنتظرك اصلا .
انهي تعبك ، وتعَبي .

ووعد مني اكتل نفسي اول ما تطلك.
او ليش الوعد .
عفتـه ورحت اركض للحمام .
قفلت الباب عليه .

ادور بسلـة الفرش مال اسنان
ردت موس حلاقة ماكو .

أسمعه يصرخ :- ولج فتحي الباب .

ولا انطيته اهميه
عيوني راحت على المراية بعد الباب .
شلت بطل الشـامبو شمرتها عليه ما نكسر.

زداد ضربه على البَاب .
دورت ما لكيت شي قوي يكسرها .
حتى ملابس ماكو لأجل أكسرها بأيدي.

شفت المحجارة شمرتها قوَي
تطشر الكزاز بالگاع .
بدون وعي سحبت وحدة
ووكفت خليتها قريب على رگبتي .

كلبي وجعني وخوف ترَس كلبي .
ماكدرت اسويها.
شسويت بحياتي انا حتى اقابل
ربي بهيج وجـه .

ظل هوَ يصرخ برة
دفعت الكزاز بخوف .
وفتحت البـاب .. برجفـه وخوف .

شفتها كلها ملمومة بالغرفة .
حَيدر بس شافني سحب مرته وطلع .
دخل هوَ دفع الكزاز برجلـه .
وسحبني من ايدي بهدوء .

لزمتني باجي تبجي وتبوس براسي.
:- ليش هيج امي ليش،.

سحبني منها واردف.
:- هذا هوَ يمة .. كملي نومتج .

طلعت تبجي، عيوني ما رفعتها
وأحس من البجي ما اشوف .
سحبني لصدرة بقوة .

:- برأيج هذا صح ؟
عفـتة وتوجهت للجرباية .

حسيت بثگل على جهة الجرباية الثانية
ايديه حاوطت بطني .
صرخت:- ايدكككك عني .

:- اشَـــشش .
صرخت :- لاااا مو اششش ،مو بكفيك انا
مو عبدة عندك انااا ، بشر اني .

خليت ايدي على وجهي
وبجيت من كل كلبي .
فرني لجهتـه همس
:- بَــس عاد .

كافي ، كسر بأيدي كون .
عساني بالموت بَس كافي .
ولج تعبان والله .
اسف ، وعيونج اسف ..
فدوة لعيونج كافي .

:- طلگني بروح ابوك .
سحب نفس
:- وَروح أبوية ما اكدر .

:- وانا هم ما أكدر أظل وياك .
اذيتني هواي صخر ، مخنوكة منك .

سحبني لصدرة وباس راسي
:- يابة عساني بالموت .
بس لا تحجين هيج  ،

:- وخر مني ، انت جذاب .
الي يحب ما يأذي .

جَر نفس :- انا غلطان ، هذا هوَ .
اخذَ وجهي بين ايديه .

:- تنكسر ايدي اذا نمدَدت عليج .
:-سمعتهـااا هَوووواي .

باس عيوني وضمني لحضنـه .
تمدد يمي وسَحبني لصدرة .
شويَ وكال :- يالله ترى اخذت زمينة ونزلت
اريد اروح لا تخَلين بالي يمج .

ضحكت بقَهر
:- نزلت تضربني .

:- اشــشش ، تنكسر ايدي اذا نمدَت عليج .
يالله تا روح لا تخَلي بالي عندج .

مسحت دمعي:- الله وياك .
:-متأكدة، هذا طريق يمكن اروح ما ارد .
رفعت راسي بخوف

:- لا تحجي هيج .
ضحك وباس راسي
:- يالله.. ادعيلي ياكلهم .

طلع من يمي بقهر .
رجعت نمت ..
مرت الايام الباقية تتَشابـه .

ولا نزلت جوة ..
الاكل خطية زينب تصعدة الية .
والوضع ما طول هيج ..

يومين وَصعدت باجي
حجت خطية لحد ما يبس حلكها ..
عادَ انـا نزلت ، بس نهائيًا ما احجي .

لحد ما اجى يوم نَزلتـه
وباجي تنخبص من ينزل ،تحبـه حيل .

بس ما نزل الصبح .
لان كايل الهم رايح يزور بيت عثمان
الله يرحمه فَيجي على الغَدة ..

واكفة اشتغل سمعتَ صوت
نوري ابن حيدر يصرخ ..
ركضت شفتها لازمته من ياخة ملابس وتصرخ

فلـة:- اذا امك ما ربتك انا اربيك .

سحبت الطفل منها وصرخت
:- خالة عقلج ويَ عقل هالطِفل .

نترت بية:- مووو طفل ..
طفل يتفل عليه ويغلط .

-كوة لزمت نفسي ما اضحك.
:- مع هذا ،ممنوع تمدين ايدج عليه
او حتى على نور ..
وثقي بالله محد يسكت ، فخلي بالج خوش .

هزت راسها بضجر وراحت تافاف بصوت عالي ..

صٍديت وجهي عليه بعصبية
:شلون تتفل عليها ولك ؟!

كال بطفولة :-دَروحييي ، هيَ تشبه هاي الساحرة الي تطلع بتوم وجيري .
هاي الي تطير فوك المكنسـة .

ضحكت:- عَيب ولك .
:-جيييعااان سسحس .

:-منك لله يشيخ ، شوهت اسمي .
المهم ، عندي حلويات الك .

شهك:- كووووولي وعليَ ؟
ضحكت من كل كلبي
:- وداعتك .

رفع راسة يفكر
:- ايــا جذااب يا عمو .

:- يــاااا ، ليش ؟؟
:- ما جاب الي انييي، وانت يجيب الج
انت صغيرة يعني ..

:-خطية مو عندة شغل ينسى .
دَمشي تعال انطيك الي عندي .
-ركض قَبلي ..

ساعات ووصل صخر .
كلها تكعد بغرفة بيبي ، لان هيَ اول وحدة
يروح آلهة لهيج كلها تكعد هناك .

انا هل مرة ما نزلت .
ظليت بالغرفة ، بعدني ماخذة موقف .
واحس حقي بالي سويتـة ..

ماكو ربع ساعة وَصعد .
كمت اسلم عليه ..
باس راسي
:- بعدة الحلو زَعلان .

نزلت راسي
:  قابل مهم ؟
:- اذا انتِ مو مهم .. چـا ياهو المهم .

دَخل سبح وطلع يصلي .
سحبت غطاي ونمت انا ..
شوي وحسيته يمي .

تحمحم وكال
:- يابة نطينا وجهج ،شنو ناطيني طي** .

ابتسمت بسرعة ،بس ما لفيتَ .
ايديه حاوطت بَطني
فرني لصدرة قَوي ..

همس بأذني
:- يا تَعبي .. ويا كل شبر صاحي بروحي.
زعلان گليبَي ؟

باوعت بعيونة وبسرعة بجيت
:- ما عندي غيرك ، لا تشتغل ضعفي .

دعك خدي بخدة
:- ما عاش، ولاَ راح يعيِش الي يكسر
قطعَة من روحي .

ابتسم بوجهي ورد كال.
:- بما انـه مريتي زعلانة ، كلت أراضيها
ولو تدري شجايب الك .

فتح جهازة وخلاه بأيدي
دَخل على جهات الاتصال ..
بحث ( صَديقة ) بعدة ما كمل
طلع رقم مكتوب تحتـه صديقة سَحاب .

نط كلبي من الفرح ..
كمت على حيلي وكل شوي
اقرب الجهاز اكثر لعيوني ..

كتلة بفرح:- كووول وعلي .
ضحك: عدَاح نوري .

كمت على حيلي كعدت بحضنـة
وعيوني تشرخ فرحتي بهل خبر
:- احلف !!؟

:- وَ عيونج .
-سرعان ما احتضنت عنقـه
:- احبك ، احبك ،احبك ..

ضحك :- تَوج طلعتيني من طي* الجلب .
صفنت بوجهة ؛- تدري نسيت .

ضحك بصوت عالي
:- يَول زعلج ثگيل على گليبي .
اسبوع هناك اللوب مثل الحـاامل .
كل ما اتصل امي تكول ما تريدك ..

كتلة بعصبية
؛- حقي تررى .
ضحك وكال بأحتيَال
:-حقج ، وعلى راسي وراس الخلفني .

رفع ايديه يطك اصَبع وغنى
:- لك انتَ تامرني امر ..
عندي المهم بَس حبك ،
خاف انتَ تتعب بالحجي احجي التريده بكلبك ..

-حكَ مؤخرة رأسـه
:- نسيت اوكفففي اتذكر .

هاا اي
لكَ انتَ من سبيت
تمدحني جنككك ،
لككك عيني هاي شبيك
لك اني حاضر ..لو حتى كتلي صير
تلكاااني صاير .

سبيتني وانا قبلت
بس تفرح عيونك ردت
لو حتى تبجي عيني..

هو ما جذب من كال
مو من بعد مشتاق الك بحضني واكلك وينك

ضحكت بصوت عالي
:- ترى صوتك مو حلو .

:- طيح الله حظج .
:- اجاملك يعني ؟

:- يستوجب يعني .

عفته متمدد
ونزلت انا اصب غدة ..
تلكتني زينب

:- عباالي ماا الج نفس تاكلين .
تالي اجى الي يفتح نفسج موو

تحجي وتغمز كلتلها بقهر
:- تررى زوجي .

كالت تصنف:- اينووو بيبي
هو هازبن مال انت ، واحنا بالـطگاك .

عفتها خربانة ضحك
خطية ياكل وانا صافنة عليه
كال من اخلص غدة نتصل بيهم.

بعدة ما مكمل عفته اريد انزل
سأل:- وين ؟

:- اصبلك چااي .

ضحك
:- تعالي ما اريد چــاي ، جيبي الجهاز
وتعاي نتصل بيهم يالله .

رحت بفرح اريد بس اسمع صوتها .
ما كتملت فرحتي من ما رد احد
حاول اكثر من مرة ماكو .

صخر:- محد يرد .
اتصلنا ثالث مرة ،رد رجل صاحب الخط
كال الخط هذا الي .

رجعت فقدت الامل شوفتها.
من ساعة ما صخر كبر السالفة
وابوها شيخ ..
أخذوها وشالو من منطقنتا .

سحبني لحضنة
:- نحصل عليهم نحصل ..
تفاۓلي يروحي انتِ .

لزم ايدي يشم بيها
:- احححب ريحة جلدج .
:- مصاص دماء انتَ ..

ضحك
وانا ادري من يبدي يشمشم
شنو نهايتها ..

بعد كم يوم هوَ طالع .
اتصل بية
:- سَحبة حبيبي ، بدلي ربع ساعة انا يمج .

بجيت بسرعة
:- بَس لا لكيت العنَوان .

؛- اي ياالله تحظري .

-بس سدَ الخط ..
صعدت للغرفة اضحك .
وابجي ما ادري شنو اللبس .
اكيد راح انزع العباية ..

وتكلي كالعادة جسمج يخبل
بس انا سمنت ، زين راخ تبجي مثلي .

لو راح تفشلني وما تقبل .
كعدت على الجرباية ابجي .
مشتاقة الهة ، يارب ما تكسر خاطري .

اول ما وصل نزلت .
ركبت يمة الفرحة ما سايعتني .
؛- عسى الله لا يحرمني من وجودك .

ضحك:- اف اف ، كل الفرحة هاي ..
يابة يطول بعمري ويخليني اونسج هيج .

:- انتَ عمري .
:- وراي طريق لا توازيني .

:- ههههه بعيد ؟
صَخر :- نوعا ما ،بس نوصل قبل العصر .

مشة بينا واحس كلبي وكف .
هو يحجي وياي وانا بعالم ثاني .
احور سيناريوهات بمخي .
واتخيل كل شي يصير .

ويا يابة من كال دخلنا لمنطقتهم .
احس بطني صار بيها دود
على مغص ، شعور لا احسد عليــه .

وصلنا وكوة نزلت ومشيت على رجلي.
دك صخر الباب .
طلع واحد من اخوانها ..

صخر:- السلام عليكم ، بيت الشيخ ؟
:- اي نعم، تفضل .

:- لا بس اذا ممكن الوالدة ..
:- صــار .

دخل شوي وطلعت امها
بس شافتني بجت .
شحبتني لحضنها تبوس بية وتحضن.

شوي..
ودخلتني لجوة .
انتظر شوفتها ، بس طولت عليه .

سالتها
:- لعد وينها ..

نزلت راسها بقهر وكالت.

• يـتبعَ .