رواية مُقيد أجنحتي الفصل الخامس وأربعون 45 - بقلم 💗

البَـارت الخامِس والارَبعونَ .
بقلمي ، مَريم علاء ..

لا تحضَن إيدي الرجفه بروحي هالمِره.

سَحاب:-
دخل شوي وطلعت امها
بس شافتني بجت .
شحبتني لحضنها تبوس بية وتحضن.

شوي..
ودخلتني لجوة .
انتظر شوفتها ، بس طولت عليه .

سالتها
:- لعد وينها ..

نزلت راسها بقهر وكالت.
:- ماجدة مو هنـِا .

بَلعت ريچي بخوف وحجيتَ .
:- چــاا وين ؟

جَرت حسرة بقَهر .
:- اخذها ابوهـا عند جَدها ، بعَد السالفة
الـَصارت بينكم .

بلعت الغَصة وَسألت.
:- وين يَعني ؟

:- بالبَصرة .

- كَلبي لـَچمني عليها .
يعنَي هيَّ هسة بعيدة عَن أهلها بسببَي ؟
:- اگدر اشوفَها ..

هَزت راسها نافيـة الجَواب .
:- جَدها اصَعب من ابوها ، إذا ابوها رحمها وخلاها تعَيش ، فجَدهـا يقتَلها .

سَحاب:- هيجَ الي صار مأذيهم؟

رَدت بثگل
:- اذَيتيها هوايَ أنتِ ، حنَا بنتنا ما تِطلع
منها العيبَة ، يفضل ابتعدي عَنها .
صَار  ٣ سَنوات وأنا ما شوفَنها بَس بالاعَيادِ .

عيوني غَرغرت بالدَمع .
:- عبالج أنة ما متأذية على فراگها .

طَلعت منها گوة لازَمة دَموعي .
احَس الدَنيا سَودت بعيني .
شفتَ صخر واگف بعيدَ ويَ ولد .

بَس شافني طَلعت ، استَرخص منهم
وأجاني ، فتَح باب السيارة .
صَد وجهي الي .

كال بَحماس:- بَشري ؟
قَوست شفَافي وَ الدَمع ترس عينيَ .
:- مو هنِــا .

عقد حَواجبـه سأل مستَغرب .
:- چــاا شكو ضايجة ، ما ترَجع قابل .

هَزيتلـه راسـي بَــ( اي) .
رفع تَك حاجب مسَتفسر ..
اردَفتَ بغَصـة ..
:- ابوهــاا ، خذاها لجَـدهــاا بَعد السـَالفة
الأخيرة ، والمَشكلة الصَارت الهم .

زَم شفافَه بَقوة ، وضرب على فَردة زرهَ .
بَلش يسوق وعَم الصَمت .

صَفنت على الشَارع .
عَرفت نَفسي كبرت ،
من بَلشت ما أقرأ اسم المَحلات .
واللوَحات اليَ بالشَارعِ ، ولا انتبـه
لوجودهم بالاصل ، يشغل بالي التفكير .

بلشَت تتَوارد الايَام القَديمة الـَبالي .
وكأنـه كل شي صار البـارحة .
ولاچَن صَــار ثَلث سَـنوات ضَبط .

جَنت انا وياها بالمَدرسة .
وكَالعادة لازَم نترزلَ .

نترت بينـا مَدرسةَ الفنية ،
ضحكت بصوت خافت وي ماجدة .
:- وَلج ماجدة هايَ شَتحس فَهميني ؟

جَاوبتني وهيَ تكتم ضحكتها .
:- ولجَ بسَ راح نترَزل .

سَحاب:-هايَ لو تنطوها دَولة شتسوي ؟
هوَ درسَ فنية صَدك ، جَذب .

شايفتهـا من تكمش هذا الدَفتر الوردي
چــنة شورت  بيبي ابو الوَرد .
وتنزل النظـَارة على خشمها .

اخرب عالثَگيل اخَرب .
هاي مو مال مَدراس ، هايَ مال يخلوها
بالاستعلامات ، لو مربية مال اطفال .
شلون يجي جَيل على أيدها .

هو من تكول جـَملتها الشهَيرة
اردَفتَ مقلدتها ، رفعت ايدي على خَشمي
وكَتمت النَفس :- قَليلات آدددددبَ .

شَتحسين رَحمة لمَوتاچ .
اباوَع على ماجدة وجَههة كـَلب احمَر من
كَتم الضحكة ، فاهية بَس اعطسَ تخرب ضحك .

سألتها بضَحك
:- اكلج ، المحَروس القَرد اخوج .
شوَكت نـَاوي يخطب ؟

بَعدني احجي اشَو هاي فَحطت من الضحك
صوتها صار عالي وكلها تباوع عَلينا .

ابَاوع على أمَ الفنية اجَت تهَرول
والعَصبية واضحة على عَيونها .

اردَفتَ بعصبية مفرطـة
:- شكو كل هالضَحك هذااا ،شهلَ سفاهة.

وكفت ونزلت راسي .
وماجدة بعدها تضحك منَ كل كلبها .

ما تَحملت ، طَگيتها بضحكة.
ما سكتت بَعد والصَف كلو صار يضحَك .

هيَ هم ضحكت ، لثواني بَعدها عكرت
وجههة وعاطت بعصبية .

- قَليلات آدددب .

سَحاب:- انَاا هاي الجملة نَقطة ضعفَي .
مو تنمر ، بَس هيَ تغير نَبرة صوتها من تكولها
خليت ايدي على حلگي اكتم ضحكتي .

البَنات خربن من الضحك .
وهاي الـَبربوك مو رَاضيةَ تسكت .
عاطت بينا بعَصبية .

:- اطلعن برااا يالله .
او لااا اوكفن يم الزَبالة يالله .
بلا تَربية .

اخذتها ومَشينا ،وماجَدة بَعدها تضحك
همزَين دَك الجَرس ، اخذت دَفترها الوَردي
اول مرة اشوف دَفتر قَديفة .
وطلعت والشَعواط طالع من ذانها.

اول ما طلعت البنات سَدوا الباب
وضحك صارَ بفلـَس لحد ما ماجدة اجت تموت
اخذتها ورحنـا نغسل ، بس باوعت عليه
رجعت تضحك .

سَحاب:- وَ وجع كافي عاد .

رَدت بضحك:- ولج حمووت يربي ههههه
هههههه ، ولج شنو أنتِ غضب الله على راسج
اريد اسكت ما اكدر .

:- أنتِ سَفيهة انا شَعلية .
بَعدين ليش غَيرتي الموَضوع ، اخوج شوكت
يجي يوخطوب ، ترى الباب انترس.
كل ما اطلع ادوس واحد . نايمين بالبَاب .

سَوتلي حركة بايدها بَمعنى "دَروحي "
سَحاب:- باعي راح اسوي نَفسي ما شَفت .

عَدلت شالها وكالت
:- هوَ داري عَنج اصلا .

سَحاب:- چــاا أنة ليش مصداقتج .
اءءء اقصد ليش احنا صدَيقات .
يووو ءاااقصد ، اكلج ما تتـخيط
بعرتهاا بَعد .

ضحكت ..
ردَيت حجيت ،
:- زين ردي عليه ، هذا الجسم الي يشَك شك
منين جــابة هلأبن الخَـوش زَلـمة .

طَمتني وراحت .
وكالعادة اول ما وصلنا لكينا المعاونة
وانطتنا نصايح ما منها فائدة اصلا .
وكل ما تتدخل ، تعيط
"انتنَ الاثنين ما اشوفجن بنَفس الرحلة بالدَرس"

هالجَملة من يوَم ما تعرفت عليها
لحد هاليوَم اسمعها .
امةَ محمد كلها تحجي ، تجي
على سَحاب وماجدة .

خَلص اليومَ واكفين انا وياها
بالباب مال مَدرسة ننتظر حيدر .
وهيَ واكفة ويايَ ، ما تروح الا أنا اروح .

كالتلي:- سَحاب ، مسَوين سفرة لـبغدادَ
انـا وَ زوجة اخوي ، و اخوي .

سألتها بحمَاس مفرط
:- يا صاك من اخوتج حَيروح .

ماجَدة:- يَوسفَ ، لان احمَد عندة شغل .
سَحاب:- اللعَب ، يعَني ابو عَظلات يطلعنا .
بَعد عيني حنيَن ، يروحلك فدوة ابن عمي
وعمي ، وكل عشيرة الـ عَليَ .

معليج اجي ،.
ماجدةَ:- وصَخر !!
سَحاب:- لا لتخافين ، ما اضربـه احجي وياه
بهدوء  ،واذا ما قَبل هنـِا حَستخَدم ايدي .

ضحكت:- لا جَديات ، واذا ما قبلَ .
سَحاب:- نلاگي حل ، غصبا ما عليه اروحَ .

ماجدةَ:- تَمــام .. تعالي للبيت إذا ما قبل
ندَور حَل ، وبالحالتيَن مكانج موجود .

سَحاب:- دَخلـِت للبيت لگيتها واكفة داعدتطبخ ..
ذبيت الجَـُنطة ، وتوجهت ابَوس بيها .

كَـْريمة،، هلا ، خير ياطَير اليومَ شكو ؟
قَوست شفايفي بحزَن
:- عيب عليج يمة ، يعَني غريبة ابَوسج .

كـَريمة :- من الاخيرَ سَحاب ؟
:- لا سَلامتج عيني ،، بَس حبيت اكلج .
ان انـا أحبج هَواي .

رفعت الحَاجب مستغربـه
:- يربيَ استرهـا علينَا بسَ .

-توَجهت للغرفة واغني .
يَـا ستَ الحبايب يا حَبيبة ، يا اغلى من روحي وَدمي ، يا حنينة وكلك طيبةةة .
يربي يخليك يا أمي .

صرخت من المَطبخ .
:- سَمعي لج ، لا أعرفج ولاَ تعرفيني .
اصلا انا لكيتج كبال المسجد واخذَتج .

ضحكت بصوتَ:- هَاي شلج بيها كركر .
ولك احبك أنا وعلي .
ردتَ:- الله الـَيستر بَــس .

سَحاب:- اول ما فتحتَ باب الغرفة .
صارت كبالي بَتول وهيَ ترتب الملابس الي
صار الهم 7 اشهر على الكَرسي .

ابتسمت بوجهي:- اللهَ يساعدجَ .
:- ويساعدج ، ذَبيت جنطتي وكعدت على الجَرباية .

سألتني:- هَــاا سَحاب ، أنا من تكعدين هيج ساكتة وما تحجيلي شصار بيومج اخاف .
احجي مسَوية شي ، لو ناوية على مصيبَة .

ضحكت:- ولك افدي الي َ يعرف اختـه انــاا .
بَتول بقلق:- احجي يمعودة .

سَحاب:- شوفيَ هوَ اكو مشروع سفرة .
:- مَدرسية ؟؟
:- لااا ، اهل ماجدة حيروحوا للزَوراء .
وهيَ عزمتني تاروح وياهم .
:- وين صايرة هَاي .

:-ببَـغداد .
عاذ
عاطت بيـة:- أنتِ مخبلة ، كل عقلج .
وَلج هوَ بيت عَمو شقربا علينا ما يخلينا .
تردين ترَحين لبَغــداد وحيَدج ؟

اردَفت بضجر:- وهوَ شنو نحسبلـه حسَاب .
هوَ منو اصلا .
:- امج اذا ما تاخذ الاوكي منـه ، ماتخَليج
تعتَبين باب البيَت .

ردَيت بقهر:- شسَوي لعد حَطككك .
:- روحَي أنتِ احجي وياه ، بلكت من يشوفج يوافق .

كلبت عيوني
:- لوَ تطلع نخلة بنص راسه ، ما انزل من نفسي واطلب مَنـه طلب .

بَــتول:- كيفَج أنتِ الخَسرانة .

سَحاب:- فكرت بيها بَلكت يلين كلبـه شويَ .
تغديت وخليتَ عبيتي على راسي .
وانطلقت لبيتَ جَدو .

فتحت البَاب على حسن
:- سوَنة ، كوم وصلني لبيت جَدو .

كال بضجر وراسَـه تحتَ المَخدة .
:- طلعَي وسدي البـاب ، لا تخليني امد ايدي .

كتلـه ببرود:-تَمام ، انة رايحـة واذا سألني ابن عمك المَصوون ، اگلو اخوي الغيَور
تعاحز يجيبني فـأجيت وحَيدي .

کام من سَريرة يشَمر .
دَفعني وَكال بعصبية
:- دَوخري مني شكد اكرهَج .

:- حَبيبي ، شعور متَبادل والله .
سَخاب:- طول ما يشمي عاكر كصتو .
حاولت اشاقيه ، لحد ما اجة يمطلني ويگتلني
بنص الشَارع .

بَس وصلنا للـبابَ صدَيت وجهي عليه
:- سَوونة ؟

باوعلي صَفح .
شَمرتلوا بوسة بالهواء ، شوَ هذا
غمني وراح ، مو صوجَك واللهِ .

دَخلت للبيت ، اول ما فتحت البـَاب
لكيت زَهراء واكفة تَغسل المواعَين .

بَس شَافتنـي تأفأفت بصوت عالي ، وركعت الصحن قوَي بالسَـنك .
:-السَلام عليكم .
زَهراء:- لاهلا ولا مَرحبـا بـِخرابة البيوت .

سَحاب: عفتها ودخلت، هذا استقبالها الدَائم الي ..
دخلتَ للصالة . لكيت حيدَر مكعد الجهال
ونوري كل شوي صافكـة راشدَي .

كتلو:- لككك سلامَ ، هاي شمسوين بيك .
ضحك:- شفتي بالله ، راح اهَج من وراهم .
:- شنو شعورك ، وابنك يهين بيك .

كال بضجر:- كلة من امهم .
عاطت زينب من فوك .
:- نَعاااال شعلييهاااا ؟

ضحك:- لا عيوني مو عليج .
مشيت لغرفة بيبي ، بعد السَلام سألت
:- باجي ، لعد صخَر وين .

مَروة:- والله يا امي ، اليومَ الفجر نزل .
وجَرها على فَد نومة ، ليش شمحتاجة .

رديتَ بتوتر:- عندي وياه موضوع ،يصير احجي وياه .

مروة:- اي يا امي هوَ ابن عمج .
هسة صاعدة اكعدة الج ،انطري باالصالة .

سَحاب:- وزَهراء ؟
مروة:- انة احجي وياها ..

سَمعت منها وتوَجهت للصالة .
ماكو دَقايق انفتحت البَاب ..
دَخل وسدِ باب الصالة وراه .

سألته :- ليش تسد البـاب .
ما مطولة عشر دَقايق واروح .

لبَسني لـبسة ، حسيتَ بيها السبلت احسن مني .. كَعد وسحب جكارة .

سألني:- شعَندج !؟

-شكد اكره هذا اسلوبـه .
ابتسمت بوجهة :- اول شي شلونك .

هَز راسـه وزَم على شَفافه السفلية .
وكتم ضحكتـه:- احچيلـي يابة .

:- هوَ باع ،تعرف انة محبوسة دائما ، واحس بروحي مخنوكة فَصديقتي ماجدة تعرفها انت ..

اقترحت عليه نطلع سوية ، ويَ اهلة
لـبغداد ، فَحبيت استأذن منك تاروح .

تقدم وطفى جگارته بالنفاظة .
ورجع رجـة ضهرة على التـخم وكال
ببـِرود:- ماكو رَوحة .

تحكمت بأعصابي ابتسمت غصب
:- اجيتَ بنفسي طلبَت منك ، لا تردني .

بـكل برود:- جـؤؤ .
:- صخَر ضايجة .

:- سهلة ، انتِ طلبي ، وانة اخذج وين متحبين .
كتلـه بعصبية:- لو تَموت ما أطلع وياك .

رد:- براحتج .
كمت على حيلي ورفعت أصبَعي بوجهة
:-حسبي الله عَليك ، انتَ شنو ما عندك احساس .

كال بعدم مبالاة:- بكـيفي .
صرخت بوجهة:- لا مو بكيفك ..
وانتَ منو اصلا ، لا عبالك اخاف منك .
ولا من سلاحك ، ولامن رتَبتك ..

انتَ ما تسحتي ، انسـان متسلط .
تحب بـس نفسك .
ثقَ بالله لو صدك رجـاال ماتسوي كل هذا.
مريض نفسي ، روووح تعالج .

كام من مكانه بعصبية سحبني من شالي
بقوة..كال بفحيح
:- انة اكدر أثبت الج  منو الرجال
بَس ما احب الحجي .

-اخذ چف ايدي واعتصره قَوي بين ايديه
صرخت بوجع ،
رجع لوى ايدي بـَعد ضهري بقـوة .

صَدرت مني صرخة لا إرادية من وجع اللوية
قرب من يم اذني وهمس
:- تحبين اثبت الج بـعدَ .

بعدَه ما كمل جـَملتـه .
نـدكت البـاب بقووة ، ضربات متتاليـة
تبـَعها صرخت زهراء من برة وهي تكول
:- افتَح الباب ، ما صدكت تختلي بيهاا
هالكـح** اليمك ، هسة ارتاحيت ريحتهاا لاا .

دفَعني بقوة وفتح البـاب .
بدون ما يحجي وياها اي شي .
سحبها من ملابسها وصعدها سحل للغرفة

ومثل كل مرة مانَسمع بس صوت صراخـة
واهانتـة الهة .. الغريب هي تسكت .

ضعيفة بشكل ، بالرغم عندها اب
وام مو مثلي انـا بلا سـِند وضهر .
بــكل مرةَ اجي تكب العيطة ولازم يكتلها .

توسلت بية باجي اظل .
بـس انا كلبي مَحروك ، لبست عَباتي وطلعت
اركض،  ما عندي مأوى غير بيتها .

دكيت الباب عليها .
طلع اخوها يوَسف ، العيون مدمعة
والخشم احمر ، هسة انتَ وقتك .

كتلة برجغة:- ممكن .
بعدني ما كملت سبقني .

يَوسف:- ماجـدة ؟
:- هَزيلتْه راسي  .

فتح البـاب :- دَخـلي .
..دَقايق وَطلعت هيَ بس شفتها بجيت
ضمتني لحضنها بدون اي كلمة ولا اي سؤال.

دخلنا جوة ضليت ابجي لحد ما حسيت تعبت
سألتني:- منو وياج ؟

اردَفت بقهر:- اكو بغيره ضيم كلبي .
:- اوووف ، شبي هالمـرَة ؟

-بَديت اسولف الهـة الموقف .
مـاجَدة:- وَ تالي ؟
:- صعد فوك وانا جيتج .

كالت بقهر:- يعني خم مراح تـيجي ؟
فرفحت روحي حجيت بعصبية
:- لاااا اجي ، ما امشي بكيفـه انا .

كالت بخوف:- اخاف يأذيج ؟
:- افرغ من جيبي .
ضحكت:- يدَرون بيج هنـِا ؟
:- اكيـد لا .

هَزت راسها بعَتب وكامت طلعت
شوي واجت جايبة عصير وتيلفون
:- هاااج ، اتصلي بيهم كليلهم انتِ هنـِا .

شفاتني ضايجة كالت
:- يالله عادَ فكـِيها ، تعودتي بَـعد ..
فلوس الـكروة انا ادفعها ، وانت رجعيهم الي
جمعت 25 الف ، اخذيهم وانا اخذ منةامي .

كلتها بـَحماس
:- كـَفووووو .
سألتها بضحك:- شو هذا اخوج صاير حلو ؟
ترى اسويها واجي اخطْب وعليَ .

ضحكت هي .
استرَسلت بكلامي.
:- يروحلك فدوة ابن عمي السادي المَريض ..

مَرت ايام واجة يوم الجمعة .
وانا وبتَول نتعارك.. هيَ خايفة وانا مصرة.

بَتول:- وَلج والله يذبحج .
:- جــؤؤ ، ما يدري اروح وارجع .
كالت بخوف:- وامي سَحاااب ؟

:- انت غطي مكاني ،واذا عرفت
سهلة انـا من ارجع اراضيها .

ظلت بتول برعب .
بدَلت ملابسي ، لبست بنطرون ولا اخليه بنفسي .. خليت العباية على راسي وطلعت .
دَنيا ضهر امشي واتلفت .
بَس وصلت لكيتهم ناطريني .

اباوع لبسهم يخبل .. وانا خانكة روحي
بهل مهجومة السَودة مثل حظي .
بـس ركبت نزعت عباتي وشمرتها ورا .

توجهنا لـبغداد والرَعب تارس روحي.
بَس من شفت الشارع والعَالم
بدَيت اتونـس ..

شفت شوارع بغداد من جديد .
كل شارع بيها يذركني بـِبابا الله يرحـمه .
ظلينا هنااك للسـاعة خمسة ،
وحررام اذا حسينـا بالوَقت .

بسَ خلصنا لعب ..
توجهنا للمول ناكل .
اما يوسف فـجان طالع يمَوووت
بَس هو مؤذب وثكيل ..

رجعنَا للبيت .
لكيت امي كاعدة على رَصيف البـاب .
اول ما شفتني دَخلتني سحل للبيت

صرخت بوجهي
:- ولججج شلون تطلعين هيج
فهمينيييي ، غضب الله على راسج من بنية
ترَدين تموتينيييييي .
ولج بربوك لو شايفج واحد من ولد عمج .

- ضربتني قوي على راسي
ودَخلتني سحل ،

كـَريمة:- ولج بنت القندرة منيلج هالصلافة هااااي ، كح** هيج تسوين .
وين كااااعدين .

جرتني من شالي
:- هذااا العناد ، وَالراس اليابس
الا اكسـره الج يا بنت الخ** .

بالكوة سحبتني بتول منها
3 ايام مرت وهي ما تحجي وياي .

باليوم الرَابع كبت عيطة بالمنطقة
..رايح لبيت ابو ماجدَة
وظال يعيط ويعدَ ويصف .
محاولين يعتذرون منـه بَس هو ميبس راسه.

ماكو بالساعة .
ودخل عليه الغرفة شبعني كتل .

~رَجوع للـحَاضر~

فزَزني صوت الهَورن .
انتبهت عليه صافن بوجهي .
ابتسملي واردَف .

:- ليش هالضوجة يبوي .
نروح الهة ليش شايلة همومَ الدينا بوجهج.

كتله بقهر:- هيَ هنا ـ هنـا البـصرة ؟
:- كل شي لعيونج يسهل ، يالله عاد فكيها
راح تنكلب بينا السيارة بوزج ساد عليه الرؤية..

-وفعلا ايام قليل ورتب الشغلة
ورحتةشفت صَديقتي ونظر عيني .

حضنتها ، وشميتها ..
بَس ماكدرت اطول اكثر من ساعة .
ووَدعتها ورجعنـا للبيت .

رجعنا حتى اكل ما أكلنا
كبل نمنا جَفي على وجهنـا .

كعدت بالليل عطشانة .
ووجع بكل جسمي وخمول .
اباوع ميته حر ، طافية الوطني .
فتحت الثلاجة الميَ نااار .

نزلت اخذ من الثلاجة الجَوة .
شربت من السَراحية صَديت اريد اصعد

نَرعَب كلبي من شفت هالمنَظر ..
•يـتبعَ

يبووووو شكـد مشتاقة اني .
مقصرة وياكم هَووووواي صح 🙆🙁.
هذا مو بارت ، هذا تصبيرة والله .
اعرف قصير .. بس اعوضكم على بارت الجاي ..

كلشَ اعتذر والله .
بسَ المدَراسات وكعن عليه دك امتحانات .
وبمـا انـه انا طالبة احب اسـچ .
لهذا اختفيت ، اضافا نفسيتي زفت والله
يعني ماكو واهس اكتب .

لهذا راح نخلص ما بقى شي
انتوا بس صبروا عليه .
حكـتب الكم موَاعيد نشرَ
جتى اللتزَم وياكم .

بما انـه رمضان بعد باجر .
فرَمضان كريم 😚🙏 .
يارب يكون شهر مليان ايجابية وحب
وطاعة ورضا من الله عزَ وجل .

فالنـشر حيكون .
ثَلاثاء وجَمعة فقط ..
وان شاء الله حَنخلص .

ام السـادس ، انا حيل اعتذر منج .
لكن الوقت ما داهمني وما وفيت بوعدي
الج ان اخلصها قبل الـ4 .
ومنَ هسة ادعليج من كل كلبي .

وانتوا همَ ، ولج هيج هيج اكزكز عليكم.

النَجمة ، جـُيقها وَلج .
وعلقي بين الفقرات .
وبس والله ، يالله كومي على شغل البيت .