رواية مُقيد أجنحتي الفصل الثاني وأربعون 42 - بقلم 💗

البـَارت الثَالِث وَ الأَربعون .
بَقلمي مَريَم علاء ..

على شفافكَ يَنام النـمل .
يتعشى منها ويغفى 🥺 🤤 .
بروح امك الشفـة التَحت .
مَعمل شَكر لو شِفـة !؟

بَتول :- رجَع وليته ما رجع ، خبص حالي
بَس ..

نزلت اسوي اكل .
لگيت ابراهيم ينزل قبلي .

ابتسمت وسألتـه
:- جوعان !؟

صد وجهة عليه وضحك
:- هلا بتَول ، دَتعالي نسوي اكل .
مدري وين صار الغدَة .

بَتول:- باجي تَغسل الزوالي بَرة.

حك راسة بحيرة
:- مو بَعد وقت !

ضحكت:- اي صح .

رد بأحكام :- تعالي نسوي اكل اني وياج.

سألت باستغراب .
:- اني وياك !!
محاجة .. هسةَ انا اكمل .
هي طبخت المرگ. ظل بَس التمنَ .

ابراهيم:- حتى إذا . أنتِ سوي التمنَ
وانا وياج اسوي الزلاطة .

نزَل هوَ قَبليَ ، ظليت صافنة وراه
هذا ليش هيج عود ؟
وكفت اطبخ التـمنَ ، وهوَ راح للثلاجة
طَلع الخيار ، والطماطة وياها الطَرشي .

ووكَف يثـُرم .
جـان يسويها بكل احترافية
يقطع الخيار بشكل حلو ..
تقربتَ من يمـه واردفتَ .

:- ابراهيم ، شلون هيج تسوي !!
ضحك:- تعالي اعَلمج .

تقربت يمـه واباوع .
حيل مؤدب ليش هوَ يرفع عينـة
حرفيا ، كل بنية بينة تتمنى هيج اخو .

بعدنا نسولف .
دَخل النـة أكثر واحد احبـة بَهل بيت .
سحب خيارة من الطاسـة وكعد ياكل .

نتَر بيـه ابراهيم
:- يول موَ دَسوي .

رد ببَـرود
:- اخذَ من الثلاجة .

تافاف ابراهيم بضَجر
وتوجـه للثلاجـة .

بَس انطانـة ظهرَة .
تقرب مني حيل .
بعَدت بسرعة ، لان بعدة مو طَبيعي .

همَس قَريب على اذني .
:- صـار ربع ساعة نَايم بحضنج هوَ
من تقربت اني ، صرت اوي
كخة احنـة !!

استنـ*** هذا لو مَـو استنـ*** .

بَتول:- جَيت احجي .. بَس ابراهيم رجع .
حَسيت وجهي حينفجر ويطك من القهر .

شلون يحجي وياي هيج .
عَبالك يحاچي بنَت ليل .

بَس وكف يمي ابراهيم .
سحبني من يمة من عكَس ايدي قَوي
جيت اعيط .. خلاني بصف الطَباخ
وهوَ وكف يمـة ..

شكد كرهتـة ، اگلب بالتمنَ
والدمعـة بَطرف عَيني .
اصعَب شي اني هنـا خطار .

وما أريد اسوي مَشاكل
اذا مو بيتك و اهلك تنذَل .

دخلت علينة امهم .
هوَ طلع ..
سألت هيَ :- ها شتسوون !!

رد ابراهيم:- اني سويت زلاطة .
وبتوَل سَوت التمنَ .
تعبنا يمةة انتـ خَلصي .

ضحكت
:- صَــار .

بَتول:- خليني اكمل عنَك ابراهيم .
ابراهيم:- محاجة اني اكمل .
بَس اريد منج شغلة ، إذا متصير زحَمة .

بَتول:- لا رحمة, گول !

ابراهيم:- مَلابسي بالسـلة فوك
يم الغَسالة بَس شمري السلة بالغسالة
وشغليها ، لان الوطنية راح تغدر بية
وباجر عندي شغل .

هَزيت راسي بــأي وصعَدت .
اول ما فَتحت باب الغرفة .
كفخت خَشمي ريحة الغرفة الطيبة .

اباوع منظفه, ملابسـة مَرتبهم
وهوَ البارحة طببهم من الحَبل .

تذكرت سحاب .
جانت تشر الملابس .
٣ ايام هنَ على الحَبل .
٤ ايام تخليهم بسلة الملابس النظيفة .
يومين على الجرباية .

واخر شي تشمرهم على الكرسي
لحد ما امي تدخل للغرفة تعيط
يلا ترتبهم .

هاي لو هنـا
جان كالت آلة ما تصير جنتنة.
ضحكت وانـا اتذكر سوالفها
ومدَاهرها ويَ امي وصخر .

أخذت الملابس وطلعت من الغرفة
الغسالة جانت بالممر الفوگ .
خليتهم دَاشغل الغَسالة .

طلع صهيب من غرفتـة يريد
يدخل للحَمام .
بَس شافني ضحك باستهزاء .

تقرب ثبَت ايديـه
على الغَسالة ، وركزَ نظرة عليه .

كال مَستفزني
:- شميتي ملابسـه عَدل .
كَبداية يَعني واوو بصراحة .. تصلحي تكوني زوجة ، تحبين أصيحَ الج بَتول
او زوجـة اخي !!

اليوم ملابسـه ، باچر ملابسكم سوى .
غير يوم الگاج تنظفي غرفتـة .
بعدها الگـاج بغرفتـه .

بَتول:- استفزني حيل .
كوة لزمت اعصابي ، اردفت بقهر
وعصبية واحاول انَصي صوتي .

:- واللهِ ، انت انسـان مقرف .

صهـيب:- اووي، هسة شنو ابجي ؟
بَتول:- عيبَ الي تحجي وياي ، اني مو وحدة من الي تگضي وياهن الليل .

ضحك وعوجَ حلگة
:- تدرين ليش احبهم !
لان هنَ صح كحـ** ، بَس ما يسشترفن .
ما يستگحـ** لان هنَ هيج .

امـا أنتِ ، ..
..ما كمل راد يروح .
لزمتـة من تشيرتـه .
وحجيت بقهَر .

بَتول:- احذرك تحجي وياي هيج
لا والله .....
ما كملت كلامي .
سحبَ ايدي من ملابسـه
ودفعني قَوي على الحايط.
قَيد حركتـي بجـسمه .

جيت ادفعـه من صدرة
ايديـه احتضنت ايدي .
نزل راسـة لمستواي وهمس
:- ويــاج ، عنـدج مانـع !!

استرسل ..
:- بالج تلعَبين وياي ، هاي السوالف
اعرفها كلها .. وشايف شكثر مثلج سونهـة .
مو شَفتي ما مني رجـة ، دَرتي على
ابراهيم ، فقير بَس انـة بظهرة .

بَتول :- بَجيت ما تحملت .
حَقير ، الله لا يوفقك .

دفعتـه وفتت للحَمام .
كوة اسحب النَفس .
لزم ايدي ، جان قَريب مني .

هذا انسان قذر .
نزعت ملابسي
ودخلت تحت الدوشَ .
بجيت بجي بهاليلة .
اصعب شي هيَ الذلة .

......

سَحاب:- نزلت جوة
كلها نايمة .. كلت خل ابدي بالريوَك
بين ما يگعدون ..

بَلشت اگلي بالبيض .
دخل هوَ لابس بَس الفانيلة
وبجامة ، يالله همَ رحمة .

احسن من ماكو شي .
اباوع عليه يمشي ويتلفت
شلون الي بايگ بوگـة .
ضحكت ونطيتـة ظَهري .

حسيت ايديـه حاوطِت بطني .
غمضت عيوني بضحكة .
:- لا يجي احَد .

دَحس راسـة برگبتي وهمس
:- خليها كلها تدري بحبنـا .

سَحاب:- مو هَسة يجي حيدر
يخلي طشارنـة مالـة والي .

ضحك وبعَد عني .
:- صعدي رَيوگنـا فَوك .

رفعت حواحبي بانزعاج
:- ياهوَ كالك اني اريد نرجع .

فَرني عليه ، وحضن جتفي مبَتسم .
:- اني گـلت .

رَديت بعـناد:- موَ بكيفك .
رد ببرود:- بكيفي .
:- ما اريدك صـَخر .

عاط بعصبيـة
:- همَ كالت ما اريدك ، احدَ گلج انا تنورة
لو قَميص من قٕمصانج !!

زَفر نَفس يهدي روحـة
:- انتظرك فوگ، يَـحلو .

سويت ريوك الهم .
وكالعادة استلمتني زينب بالمطبخ
تحسسني صاحبي مو زَوجي .

كملت وصعدت ، ليگتة يباوع بالتليفون.
خليت الصينية وكعدت اكل ولا صحته .
كعد هوَ يضحك ..

:- نَعم ، شو تضحك !
كال مبَتسم:- احبـج .

:- اي قمشر عليه بهاي سوالفك .
هَز راسة بضحك:- شنو يرضيج ،لو بأخر الدنيا اجيبـه .

:- اممم ، صَـح .
صَخر:- فگيها مَريتي .. مشتاقتلج والله .

باوعت وما أريد اضحك .. لأزمة نفسي كوة
بعز المواقف الجَدية اضحك .
ومن العـالم تضَحك انا ابجي .

اردفت بتدلع:- چــاا تأخذني للَسوگ.

رفع حاجبة ما عجبة الكلام .
:- عفتي كل ارضَ الله الواسعة
رَكضتي على سوگ الكشرة هذا !

رَديت بقهر:- چــا لا تحجي وياي .
صخر:- هيَ لو هاي لو هاي .

سَحاب:- لا انت ما تحبني .
ضحك:- ياهز هذا يحبج ما يحبج ولج .

سَحاب:- چــا تأخذني .
صَخر:- تعَرفيني اتخبل من سوگنـة .

:- انتَ وياي ، ياهو السبَع الي يجي يمي .
حَط اللكمة بحلگة وكال بصوت ما مفهوم

:- افكر .
- انا كيفت عَبالي قبل، تالي شوي يالله ستوعبت .

ما خلصت اكل .. كمت عزلت الفراش
ولملمت المَلابس .
دخل هوَ يسبح .. ولا حظرت ملابس
خلَ يظيع بدوني ، هسة على اساس انا شلوني

أعزل وادردم .. طلع يضحك
شكد مستفزز .. يضحك ابو خشم الحلو .
شمر الخاولي على الطَبلية .

نترت:- يا ناس ، تشيلون الخاولي لا تعرفون شسوي ..

ضحك هوَ ..
بلـش يغَني
:- دَكيت بابـك يا حِلو
ومَثل الغَريب أبابـك .
وياي ضَيعت العَرف.
وَگتلي شتريد شچابك .
حَبيب وطالت غيبتك .
موَ هينة والله فَركتك .
وتقبل يبو شَعر الذهب .
مثل الجَزيرة شفافي .
وتقَبل يبو عيون الشـهل .
مثل الجَزيرة شفافي .

سَحاب :- ما اسَتحملت ما اضحك .
نزلت راسي وجيت اطلع .

سحبني لحضنـة وضحك
:- هذا هوَ يبوي ، ما اخلي هالطَلعة بنفسج .
بَس مو اليَوم .

رديت بثكل :- چــا خَوش .
:- بَس هيج .

سَحاب:- شتريد لعَد .
ضحك ورد كـال:- وتَقبل يبو عيون الشهل
مثل الجَزيرة شفافي !!

ملصت روحي منـة
:- عنَدي شغل .

لزمني قوي
وركَعني ببوسـة تَيهت حالي .
مدري شوكت صرت جواه .
شوكت هوَ اعتلاني .

بي طَبع مو حلو
بالبوسة يخنگ.. تكول مو بوسة .

دَفعتة ونزلت أساعدهم .
نَزل هوَ كاشخ يريد يطلع .

اشرلي اجي وراه كيفت ، كلت راح ينطيني فلوس اروح للـسوك وي باجي وزَينب .

سحبني صفح عن باب المَطبخ
لان كَلها كاعدة .

صَخر:- محتاجة شي !!
سَحاب:- سلامتك .

:- بالليل ارجع ، عمج يموت على الطَلايب .
:- خليـه لاهيَ بيهن عني وعَنك .

سَحاب:- ابتسـم ، ظَم شعري جوة الشال .
رجع يغنـي .

:- لَستولف علينـة منَ يسـألون .
عَيون النـاس لا تحسـد عشگنـا .

ضحكت:- اليوم جَوك طَرب .

عَدل ياخة الدَشداشة .
:-. منج غير ، اخاف جنت مفكر ادخل الجنة .

رَديت بنتر:- شعلية اني ، احَد كلك انا ميرفت امين !!

ضحك:- هيَ تجي يم سَحابة .
لزمت دگم الدشداشة اريد اضيع خجلي
بأي شي .
:- اممم ، عود استحيت.

ابتسم واسترسل ..
:- مكَانك لا بكلبي ولا بالعيونَ
كَل جَسمي الك من جثمي للراس .
مراتَ اردَ ابوسك لكن احتـار .
اذا كلك خدودَ مَنيِن تنـَباس .

شهكت بفزع:- يعني انـا سمينة !!
مجاوبني طَلع ورگع البـاب .

دخلت انظف .. العجيبة أن فـُلة ما شفتها
صار يومين تقَريبا .
ما تطلع نهائيا.. حمام ماكو فوك .
بَس بغرفتـي .

يومين وكال امشي
بَس ساعة السودة .
كل شوي ، شعرج طالع .
خشمج ليش هيج .
عيونج ليش هيج .

طلعها من خشمي .
هناك وطنكرت .. كلش ضوجني .

اخر شي رجعنا نشتري عباية راس
لان هاي عَباتي منَ داومت اخذها الي .

اول ما دَخلنـا
عيني اجت على صايـة تخبل .
حيل عجبتني وظلـت بنَفسي .
هوَ يختار بعباية الرأس .
واني عيوني على العباية الإسلامية .

سألني باستغراب:- هــا بشَري .
:- هــاا شنو !!

:- بالـج وين بوية ، احجي عاجبج شي .

هَزيت راسي واشرتلـة عليها
راح يمها كَلب بيها .
كال:- اي حلوة ، تاخذيها .

سألتـه :- وين اللبسهـة !
:- بالطلعـة غيَر .

رديت بخوف:- بدون عَباية راس !!
عگد حواجـبه :- لاا طبعا .

عفَست وجهي عَليه
:- ما اريد خَل نَرجع لَعد .

صك على سنانـه:- وجهج لا تگلبي .
واخذي يالله تا نَرجع .

رديت بعصبية مفرطة
:- كتلك ما اريد .

زَم على شفافـه ..
:- شلون يعني !!

:- كتلك رجعني للَبيت .
خزرني ، گبل سحب ايدي وطلعنا
ركبت بالسيارة الدَمعة بَطرف عيني .

نص الطَريق ما حجة حَرف .
شوي وكال ..

:- ظلي بهذا راسج اليابـس ، وَعاندي بَعد أكثر ..

نترت بيـه:- ما عـانَدت .

صرخ:- صوووتج .
رَديت بعصبية:- ما انصي صوتي
اكرهككك ، كل عمرك متخلف .
ما عندك اسلوب .
وكل شي عندك اجبـار .

كرهت حياتي كلها بسببك
كل شي اسويـه غَصب عني
حتى زواجي منك .

عـاط بيـة :- هسة اني الغلطان .
اني الي عفست وجهي .
اني الي خربت الطلعة .
اني كلب ابن كلب .

-لزمني من زند ايدي قوي واسترسل

:-صوجي اني صوجي
انةة شجابني على هيج خر**.
وهوَ اني گوا* وظالم ومتسلط .
هذا هوَ خر* بيةة ..

-طول الطريق خنگنا بريحة الجگاير .
ولا باوعت بوجهة .
اصلا روحي كارهتهة اني .

وكوة لازمة روحي حتى ما ابجي .
وصلنا هوَ صعد فوك .
صعدت ذبيت عباتي ونزلت اشتغل .

ما عندي وقت ابجي .
ما عندي وقت اضوج .
يمكن حتى البجي بأذنـه .
كضيت عمري بَس اباوع واقهر بروحي .
كل البنات تلبس، تطلع .
إلا اني جبتها مداهرَ وياه .

صار الليل ما نمت ..
هوَ ثاني يوم دَوام ..
نمت بالصـالة .

حَسيت على صوتـه
مبَدل ..
ثنـى رجلـه وتقرب باس راسي .

سحبني من ايدي ، وصَعدني للغرفة .
وانـا بَس اباوع .
سَد الباب ودفَعني عليه .

:- شلون انطـاج كلبج تخليني انام وحَدي .
- دَفعتـة اريد انزل .

همس:- كافي زَعل بوية ، اكو نـاس تكَيف على فراگنة ترى .

سَحاب :-بجيت بسرعة ، عَبالك منتظرة حچايتـه ..
اذيتني هواي صَخر .

أخذ خصلة من شَعري لفهة على اصبعـة
:- اتحمليني ، موضوع العَباية ما احب اتنـاقش بي .

سَحاب:- بَس صَخر ..
صَخر:- لا بَس ولا شي ، خليني اروح
مرتاح البـال .
من ارجع نحجي ، كلبي ما ينطيني ألتحق
وأنتِ مو بحضني .

ننهي الزعل لو اكعد ما اروح !؟
سَحاب:- مو سهلة عليه .

:- اعرف ، اذيتج بالكلام ، وانت همَ ما قصرتي .

رَديت بانزعاج:-اريد اطول بالزعلة
ترى ما يصير هيج ، .

ضحك:- هوَ احنـة شطيح حَظنـا
غير كلامج هذا .

جلبت بركبتـة ضَميت راسي بيهة
:- شوكت نخلص من هالدَوام .
كل شي ما فهمت منك .

حاوطني بأيديه ، رفعني عن الگاع
مشة بينـة للقنفة .
كعد وضمني لصدرة أكثر

كال بهدوء:- انـة لو بأيدي اگابلج واكعد .
اكنس، امسح ، اطبخ ، احبَل بَدل عنج
اذا تحبين ..

ضحكت من كل كلبي
:- لا تعَيط عليه بـعد .

رد بضحكة:-صَــار .
:- ولا تخَليني انام وحدي بَعد .

:- تأمريني أمر .
:- وبعد ما نتعارك .

ضحك وكال:- المَفروض هاي اني اگولهة.
:- عَبالي الزواج حياة وَردية .

صَخر:- لو مو يحبج هالانسان.
لازم يصير سوء فهم .
رفض ، تَقبل ، وهواي شَغلات .

الحياة الي تحجين عنها
بَس بالمسلسلات .

:- صــح .
شوي واتصلوا عليـه .
راح يوصي بيه

:- باب الغرفة قفلي من تنامين .
لا تظلين وحدج فوك بس من تنامين .
لا تخلين أحد غريب يدخل الغرفة .
واذا اجت سمية ، كَد السلام وتصعدين.
خوش !!
ختَمهة ببوسة عَلى راسي .

سَحاب:- كاعدين انا وزينب
ثاني يوم نسولف .
شفنا فـُلة طلعت بدون ما تكول لأحد .

:- دادا هاي اكو احد يدري بيها طلعت !
زينب :- محد بالبيت .

سَحاب:- شو هيَ ما الهـة حَس .
زَينب:- المشكلة مو هنـا .. المشكلة صار ايام هي ما تطلع من باب الغرفة .
منين تأكل منين تشرب .
شلون تگضي حاجتهة !!

سَحاب:- نفتش غرفتهة !!
زينب:- چــاا ليش لا ،البيت بيتنا وهيَ
غريبة من حقنـة نتطمن.

توجهنـة للغرفة ،
الغرفة نظيفة ومرتبة .
ريحة ماكو .. هاي شنو !

:- خية كل شي ماااكو .
زينب:- اني هم ما شفت شي .

بعدنا نحجي سمعنا صوتهـا
كالت بحدَة

:- شَدتسوون!!

•يَتبـع .