رواية مُقيد أجنحتي الفصل الحادي وأربعون 41 - بقلم 💗

الـبارت الثاني والارَبعون
بقَلمي مريـم عَلاء.

بظلمة ولگيتچ ضوة..
💫💫💫💫💫💫💫💫💫💫💫

سـُحاب:- حاولت ابين طبيعي ، بس الي يباوع عليه يحس
توجهـت للحـمام اغسل وجهي .
طلعت من الحَمـام متوجهـة للـصالة

وريتني ما وَصلـت ..
شفتـها كاعدة بالصـالة ، والوجـه مترَوس تَرس مِكياج ..
رگبتـها محتضنها الشـاش ..

حيل حلوة جانت طالعـة
چــاا هاي مو مريضة !؟

حيدر وباچي كاعدين يمهة ، بـس الوجوه ما تـَبشر بخير. 

عفتهم وتوجهت للمطبخ،  سألت زَينب الي واگفة على السنگـ.

:- زنوبة،  لعَد وين صخر .. ما شفتي.

ردت عَلية بأتسغراب
:- لَيش هوَ اجـة اصلًا !?

سحاب:- لَيش وين راح.

:- ما رجع ويـاهم.

سَحاب:- هذا وين راح هنوب،  اريد اعرف ليش هيج يسوي بيـة.

ظَليت ناطرتـة عسى ولعل يرجع
عَدت النـص ساعة وهوَ ماكو،  توجهت للصالـة اخذت جهاز باجي اتصل بيـه ..

اتصل بي ما يرد
يرن،  بَس ماكو رَد.

الدمعـه بطرف عيني، اخاف بي شي
اي بسببي اني .. ربي استـرها بـَس .

بـَعدني اتصـل ومگابلـة باب البيت
هسة يفوت،  هَسة يجي.

انـفتحتَ الباب ودخَل هوَ
بدون ما يعبرني،  فتح باب البيت االخارجي،  ورجع صِعد بالسيَارة.

دَخل السَيارة لَـطارمـة
كمت من مكاني بأتجاهةُ. 

سَـحاب:- وين جِنت،  ظل بالي
عَليك.

رمقنـي بنظرة،  حسيت بيـها شكد ضايج مـَني. 
دَخل وخلاني حدي ..

الي دَيسوي غلط،لازم احاول وياه بعَـد،  دخلت دورتـه جوة ماكو.

صِعـدت بَعدة للغرفة.
لگيتـة متمدد على الچَرباية
ايد على راسـه،  والثانيـة بيها تيلفونـه

دَخلت للغرفة ولا عَبرني،  مددت يمة وتسحبت لحضنـة ..
دفعني منـة بكُل برود.

بِلعت غضتي واردفـت
:- شبيك صَخر !؟

ما رد .. رديـت سألتـه
:- حاجيني شبيك،صار شي صخر ؟

بَاوع عليه بطرف عيني
وكال:- ليش منتظرة يصير شي اكبر حظرتـج؟ 

:- لا تـكبرها حَبيبي .

لزمنـي من عكس ايدي وجَرني عليه بَعصبيـة وكـال بـأنفعال مفرط
:- برودج هذا يذبحنـي .

دفـعته بخوف
:- كافي،  ياهوَ كلك اني بدون احساس.

ضحك:- محد كَلي،  للاسف اني اكتشفت هالشي قابل تغارين مثلا
زوجج متزوج عليج قابل،  هَسة ارتاح كلبج عليهم .

حظرتـج حاتم الطائي،
اكو مرة عاقلة تسوي سوايـتج؟

سَحاب:- عفتـه وكمت اريد اطلع،  عصب وصوتـه صار عالي .

بـس كمت سحبني
:- احجي وياج لا تنطيني طي**
سمعتييييي.

رديت منفَعلة
:- صوتك صخر ..

كز على سنانـه
:- تخافين من الشمـاته، وانتِ جبتيهم ببيتج .. والله ذكيـة .

كوة لزمت دموعي
:- مو كافي ؟

صَخر:- حرگتـي كلبي ولج .

اطلقت  عنـان دموعي ، خليت ايدي على وجهي عبالك جنت منتظرة احد يعيط بيـة .

سأل هوَ:- هــاا،  شو تبجين مقهورة
ما فكرتي بروحـج، خليتي اليسوى والمـا يسوى يحجي بينـة.

ما تَحملت اسكت بعد صرخت
: كاااااافي،  بسكك عااد .

نتـر بية:- صوتتتج،  لا بالله راسج افلشـه .

عَفتة ونهالت دموعي
سحبت علاگة مال دعايـة
فتحت كنتوري،  طَلعت كم دشداشـة
وملابس داخلية ..

سديـت باب الكَنتور
صديت وجهي عليه،  واكف ومكتف ايديه لصدرة،  تجاهلتـة اريد انزل

نتـر بية:- ويـن موليـة ؟؟

رديت بعصبية
:- ما يخصكك .

تـقَدم بأتجاهي بعصبية
سَـد البـاب بقـوة وعــااط

:- لسـانج اگصـة اذا سمعت هالحجاية
انـتِ كلج تخصيني،  من ساسچ لراسج ..

مسحت وجهي وحجيت
:- حَلال عليك وحرام عليه؟ 

:- لا تَخليني امـد ايدي، كوة مسيطر على اعصـابي سَحاب.

باوعت بعيونـة
:- طلگني اكرهكك.

ضحك:- بهلَ سهولة هـاي .

كتلـه بقهَر:- خليني انزل،  انتَ معصب واني اغثك بالزايد.
اروح انـام عند باجي بين ما تهدا انتَ.

رفع حاجبة بسخرية
:- دَرجعي ملابسـج، تاشوف شنو هالسالفة الجديدة هَنوب .

سَحاب:- لا جديد ولا شي
كم يوم بين ما انت....

ماخلاني اكمل كلامي.
سحب من ايدي العلاكة.

عطت:- لاااا،  خليني انزل حباب.

صَخر:- بـابا شبيج انتِ.

:- بيـة وجع،  خليني انزل فدواتـك.

:- سَحابة،  بطلي عناد ابوية
تعبـان والله .

;- مو عنـاد،  فترة راحة الي والك
ما اريد هالفتور بعلاقنتـا.

حبـاب ..
ركع جهازه بالگـاع ، شبيدي اني
نزلت واريد بَس اسيطر على دَمع عيني

وين راح نوصل
ليَـش هسة يلا حسيت بغلطي ،
ندمانـة ، لا الي يكتبـة ربنا راح يصير .

دخلـت اتخَتل واحبَس الدمعة بعيوني
گَد ماكدر .. دخـلت للغرفة وريتني ما دخلت
كلها منجَمعة بهل غرفة على حظي الاسمر .

ومنَ دخلت كلهـة توجهت انظارها الي .
سحبت شهَيق ، زفيـر احس روحي داعتطلع .

عيونهم كلهـة عَتب ، تمنيت امي بنصهم
حتى اروح اظم راسي بحضنها وأبجي .

حلم ، بعيدة امي
تجاوزتهم كـِلهم ، وخَليت راسي بحضن بيبية
سحبتني تبوَس براسـي وجنهـة تَعرف البيـة
محد بقى كلهـة طلعت وخلوني  ،.

بيبي:- الي صار ، صار هذا هوَ بنيتي
كومي غَسلي وحافظي على رجلج .
چــاا يا نية هيَ هيج سهلة على بالج

هي كل مرة تكدر تشارك رجالهة
ييمَة مبَهينة ،هاي الي تَسوي هيجي
مجننة ينـية ، هذا الوليـد مشعشع بحبج
الي يشوفة هيج يحبج ، يكول شغلتين

لو عاملة عمل آلة
لو مشربتـة بول حشاج ..

هذا مكرد ترى ، جابها من صغير ما عندو
فص حظيظ، خوب هوَ موش صغير

بس اكل طليااان من جان زعنون ييمة
وهوَ اول واحد عدنـة هجي يحب ..
احنـة عدنا بس يكلولو فلوس ..

يكول ليش انا متزوج
ويبيع مريتو وأطفالو ..
حافظي عليه ييمـة ، داري

وهوَ هَم خوش يفيد ..
يعرف يَغسل مواعين.. ويسوي اكل طيبون
بَس هنا ما يشتغل ، لان هذا المجولح حويدر يصنف عليـه ..

سايري من يعصب .. يمة هذا بس يشوفج
تكول شايف يتمصرن ويصبح جنو
مرة تطلگ.. تكول مراهق ولا جن
عمره ٢٩ سنة ابن الزفرة..

ضحكت وحضنتـهة
:- احبج بيبي .

باست راسي
:- كوومي من هين يلا ، انـة مو صخير
انة جدتـج يغبرة .
طـَلعي يلا ، ساعدي زبيبة بالغدة خطي
هذا نوري ابو خصو* شالع گـلبها يبجي
من سنينة.

سَحاب:- صـار .
طلعت من الغرفة متوجهـة للمطبخ
شفتهـة تصعد الدرج ، نار وگـبت بية
اريد اصعد أجرها من شعرهـة الاشگر هذا
ضايج مني هسة ، إذا تمسكنت يمـه يفقد

شلون هسة اصعد وراهـة
ظليت اللوب بالـحولي مال بيت ، احس حجارة ببطنـي منَ الوجع .

اكلت اضافري كلها من القهر
عفتهم وتوجهـت للمطبخ .

اخذت الزلاطة من زينب

زينب:- روحي نامي ، اني اسوي .
اردفت بعـدم اهتمـام وبالي مَشتت

:- لا عادي ما بية شي .

لزمت كتفي
:-. شبيـج !؟

بلعت ريگي جاي احجي
كبت عيطة فوك وصار صوت ترگع.
اسمعـة يَصيح

:- ولججج شكد شايف صلفات بَحياتي
مثل صلافتـج ما مار عليه ..

بكد النـعال عندج هالسوالف ، ولكم حَتخبل
هالدنيا شبيهةةة ..
نزلي جوة طايحة الحظظظ ، ولج بگدج اني بولتـ* بعدها صفـح .

اذا شفت وجهج كبالي اشوهـة الج وروح أبوية .. وهل غرفة بالذات إذا عتبتي بابهة
ابچيـج دَم والله .

.. طَلع حيدر الي جان كاعد بالصالـة
يركض يريد يلبـس الي برجـله ما يحلگ
بسبب عياطـه وصوتـه الي وصل لكل العالم.

كام يصعد الدرج بأيدة ورجلـه ..
گبت العيطة أكثر ويصرخ
:- ولككك نزلهة منااا لا ارتكب بيهة جريمة .

.. ما سمعنـا بـعَد بَس ركعة باب
الغرفة.. هاي بعدنـة بأول يوم .

نزلت من الدرج هي وحيدر
تبجي وتشهگ..
تسولف لحَيدر
:- عمو واللهِ ما بقصدي ازعجـه
بَس شفت مرتـة نزلت بملابسـها .
يعني اني اروح يمـة غيَر انـا عَروس .

ما كافي الي سواه هناك بية
وسكتت وما حجيت ..

هَز راسة حيدر
ذبيت كل شي من ايدي ورحت للغرفة
شبيـه اني ، عيارة هاي يَعني لو شِنو .

مو انت الصبـح جـَهزتي بأيدج.
باجي وبيبي بالصـالة ، الغرفة فارغة
بَس اني ما اريد ابجي ..

شنو راح يسوي البچي اريد افهم ..
مَددت على بنطي فوك جرباية بيبي .
احس نار تاكل صدري مخنوگـة حَيل ..

هوَ فعلا الشعور هيج صعب.
لو اني الي خانگتني العبَرة .

شوي وحسيت باجي فوك راسي
:- كومي اكلي يمة .

سَحاب:- ما اشتهي باجي ، نعَسانة .

مروة:- هيَ هاي هم حالة ، لا انتِ ولا هوَ .
بعدنا بأول يوم .

عافتني وطلعت ضايجة
سحبت المخدة فوك راسي ما اريد ابجي
اني مو ضعيفة .. مو حلوة هيج غيرة سَحاب .

اجـة وقت المغرب لو روحي طلعت
للـ ١٠ اني ما طلعت .. اخاف اطلع واصادفـة
ما نمت احوس .. طلعت كعدت بالحديقة عسى ولعل تروح حرگة كلبي هاي .

كعدت تسولف باجي
مرزل سمية رزالـة ، بحيث ما الهة عين تجي
مخليها تبجي تريد تجي تعتذر بَس هو ما يقبل
يكول الهـة. من اروح للدوام تجي تشوفج
واذا قربت من سَحاب ..

بوكتها لا رجلج.. ولا جهالج يوكفون بوجههة
سالتها:- ما حجـة الي شي اني ،ليش !؟

:- صعبة يمة ينطي بأختـه ..
مهما يكون.. انت تدرين ليش هيج سوت.

يشهـد الله انت بنيتي
اختي .. ما مشاركتها هالسـر .
زهراء شايفة سمية تبوك من فلوسهة..
رجلها يدري بيها أيدها طويلـة .

يجي مكسرها تكسر
ومـن يحجي صخر .. يكلة اختك تبوك أهلي
ومع هذا ما يسكت ويگلة ادفع كل شي راح منك ..
تتـوب شهر، بعدها تجي تبوك

مسحت دمع عيونها واسترسلـَت .
:- ما قصرت وياها ابدا ، من يوم ما مات ابوها
صخر طلع يشتغل طفل هوَ شنو عمره
هي ١٦ سنـة  اشتغل انواع واشكال

في سبيل يجيب الهـة ملابس بالعيد
جديدة مثل بنات خالاتها و خوالهـة .
وحيدة مدللة.. جنت احجي وياه

ولك يمة لا تطلع عينها ، يكول هي وحيدة
اخوها خليني ..
كبرت وكامت تشوف ، وتحب
تطلع وي صديقاتها واني ولا احجي ..
وهوَ هم خطية ، صح ما يحب هالسوالف

بَس يوافق عليها ،
كامت تبوك من جيب اخوها
سودة بوجهي يجي تَعبان يريد ينام
يخلي فلوسة بقمصلة التراك..

يخلي خردة يجي يلگاها بس الفين دينار
يحس بَس ما يحجي ، مرة باكت كلادة بيبيتها
كام خطية اشتغل ودفع فلوسهة.

وچم مرة تبوك ملابس من بيت ايهب
وزوجة عمها ما تسكت.. وهم هوَ تصير بوجهـة

وكل هذا وما يقبل ينطيها لأي رجال
الى هي تحبـة .. وشكد رجلها نگس حشاج
بَس وافق من شاف دموعها..

ومن يغلط بحقهة حتى إذا منها القصور
يروح يفازع ويغلط ويسوي روحـة
مخبل في سبيل سعادة اختـة ..

مو بَس هوَ ، حتى حيدر
هم جانت تأخذ منـة
كسرة ظهري ي و ظهر اخوتهـة .

سَحاب:- بجت وخلت راسها بحضني.
..
محاللتها بكل شي باجي
هذا هوَ ولا جني اعرف .. حجيتي لروحج
كل شي ما سمعت اني ..

باست راسي
:- يحفظج لـية ييَـمة .

مَرت ٣ أيـام اشبـه بالعزاء
تعودت على سوالفـه ، هيج حب بكم شهر
بعدنـي ما خَلصت السنـة وياه  .

سبحان الله، قبـل كم شهر
جان عندي استعداد اذبـح نفسي
ولا يكون اسمي بظهر جنسيتـه .
( عسى أن تكرهوا شيئا وهو خيرا لكم ) .

طول ٣ ايـام على كد الحمام اطلع
صادفتـة مرة واگف يم بيبي يسولف .
وبطنـي تاكـل بية من الوَجع ،

ما حجيت الوجـع يروح ويجي ..
لحـد ما يوم كملت غسل المواعين والمطبخ
بَس كملت نمت ، وَ هيج يمر اليـوم اتعب
حتى انـام جفي بالليل وما افكر
بَس هيهـات .

بَس مددت اشتغل وجَع بَطنيَ .
ظليت اللـوب واعرف هذا وجَع الدورة.
طلعت اجيب مسكن اشربـه ، شربت وهم ماكو
ماكدر اعيـط ..لـ ٢ ونـص كاعدة اللوب
اخر شي حسيت بيهـة نزلـت ..

اريد سانتـي ، هسة منين اجـيب
بيبي ما عندها ، خل اشوف باجي ..
گـلبت كَنتورهـة ماكو .

بالله فلا اصعَـد مـاا هسة يكول صعدتلي
.. الدم صار ينزل هواي .. وين اودي وجهي.
استحي أخذ فد شي اخلي .

وَ مو مال كنيلكس..
هنـوب لزمتني البردة ، مشغلين سبلت وبنكة
واني جسمي صار قطعة ثلج من البرد.

كمت طفيت بنكة المطبخ وكعدت بالگـاع
اللهي رحمتك ..
ماكدرت اتحمـل ، خر"بالكرامـة .

صعـدت مثل الحَرامية اتختـل
فتحت البـاب على كَيف ، هاي إذا عندي اني
هسة يطلع ما عنـدي ، انتحـر غير .

توجهت للكنتور كبل
ولا باوعـت على مكانـة .
خذت ثنين خليتهم بصدري وارجف .

صديت وجهي اريد اطلع .
مالگيـته بالچربايـة .

بلعت ريچي بخوف
ماكو .. وين راح !!
يمها .. معقولة يمهـة !؟

اي ليـش ما يروح يمهـة
رجال محَروم صار ٣ ايـام عندة رغَبات .

بنية وحلوة وناعـمة ، الدمعة بطرف عيني
بَس ما ابجي ، ايي قوية اني .
محد طيح حظي غير جملة اني قوية .

كلهم هيج زبالـة ، بَس شهوة
ونومة وَبس .
حسبي الله، سلمتك بيد العبــاس يصخر.

فرفحـت روحي،
وجع بطني زاد ، بس اني ولا يمـة .
توجهت للغرفة النـضد الي تنـام بيهـة .

اريد افتح البـاب
بَس خايفة من المنـظر .. يعني ليش لا
ما ابجي لاا قحَط زلم هسة .

ايدي ترجف من توصل ليدة البـاب
اعصابي تدمرت شيسوي خل يسوي .
عفتة وتوجهت للـحمام غيرت .

نوب لزمتني البردة أكثر
ارجف بعز الصيف هيَ هاي شهريتـي .
ادخل للغرفة بيبي وباجي اشبع برد
اخر شي اخذت لحافـي خليتـة  بالمطبخ
ولفيت روحَي بي وطفيت الضوة.

الوجع اكلني اكل ، وسناني تطكطك من البرد
شلون تجيني بوقت حسبي الله بَس .

انرعبـت من شفت خيـال جاي من الـطَارمة
بأتـجاه باب المَطبخ ..
كمت ولطخت راسي بالكاونتر وأحس راسي
انقسم بالنـص .. صرخت .

بجيت :- منو انتَ هــاا ، عليه ما افيدك
هــاا عندي عذر شَرعي .
ولك بطني لا تذبحني بشرفك
هوَ اني اصلا مذبوحـة .

اسمع بس ضحك كال
:- وجـع شبيج !؟

طـلع صخير
بايدة تليفونـة ومستغرب مني .

_ شتسوين هنـاا ، بعد سولفي قصة  حياتج
اله كليلو رجلي تزوج عليه ..
ما كتليو شطبخنـة اليـوم .

: دفعتـة تاكوم عود يحشـس ابو خشم صغير
- وخر مني وخرر .

صخر:- شبيج ابويـة ، ليش ترجفين .
عفسـت وجهي:- معليككك بية .

:- ولج حاجيني شبيج !!
بجيت :- بطني داعد اموت صخر .

عفس وجهة
:- اخـااف حامل !
نترت بي :- يا حامل .. دَورة بطنييي .
سحبني لصدرة بحنيـة
:- سودة عليه، بطنج تـأذيج .

جاوبتـه بانفعال
:- لااا خشمي  ، بردانة حَباب .

:- شسوي بَس فهميني .
اسويلج حليب حار ، لو مي حار
لو شنو ، اكو دوة يوخر هالـوجع .

:- بس دفيني .
راح سد باب المطبخ ورجع .

صخر:- بروحي أضمَج .
تعالي ..

سحبني لصدرة حضني وكعد بالگـاع
وغطاني بالبطـانية .
أخذ ايدي بَين ايديـه يمسد بيهة

سـألني:- زين أنتِ ليش هنـا .
:- شسوي مو مشغلين مكيف وباردة.

:- والـصالة !؟
: اسكتت، هاي مشغلين بيها هذا الكنتوري
وانتَ مخلي على نقطة الوطني مشتغل صار ٣ ساعات ..

بين ما اطفي ويدفـه
اموت اني ..

صخر:- اشـش اسم الله ، ليش ما صعدتي للغرفة .

باوعتلـة بحزن
:- ما نسيت شسويت بيـة .

ضحك وباس راسي
:- ما غلطان اني وحقي ، بس اسـف .
غثيتج بوكتهة.

سَحاب:- متفيد الاسـف .
غَلس عني وكال
:- كومي نصعد فوگ .

لزمت ايديه :- لااا .
كال بإصرار:- كومي أبوية ، ادفي
وصيري زينـة وكملي زعلتـج .

سألني:- تمشين لو اشيلج !؟
رديت بخوف وتردد
:- لا لاا ، درج هذا .. حرام اموت واني موجوعة.

ضحك واخذ ايدي .
:- يلا سندي جسمج على كتفي .

بالشافعات يلا وصلت للغرفة
وكل هذا الوجع وببـالي سوال واحد
وين جان !؟

مواقفي ويا بالزعل
الزفـت إذا يشوفها يكول حرام سموني هيج
وعافوج .
كلها لو شهرية . لو انكتـل .

ياخي مهند التركي مو رجال
طفـة المكيف والبنـكة ، غطاني وسأل

:- بعد بردانـة !

أشرت براسي اي
تشلبح على الكنتورِ ، نَزل البطانيات الشتوية
بلش يفتح بالجنط ويطلع ويشمرهن عليه.

شوي دفيت
تقدم سحبني .. شال التل الي عليه
ودخل يمي وسحبني عليه حضني جتفي
..

ظل يمسد ويبسبس
اشك بي سحر .. ماكو هيج آيات
مدري اني ولا افتح قران .

كل شوي يبوس راسي ..
لو مو يبوس راسي ، ما ارضى بسرعة
مو اني الي اتقمشر بكم بوسـة .

سألني:- أبوية ليش هيج يصير بيج .
:- مادري .

:- ما رحتي دكتورة !؟
:- سألت كالت عادي ، طبيعي هذا الشي .
لان ما عندي وجع ظهر فَيصير هيج .

صَخر:- بعد اكو وجع !؟
:- شوية .

:- بيـة ولا بيج .
ضحكت بوجع :- كل شي بية ولا بيك
إلا الطلوگة، والدورة .

ضحك:- طيح الله حظج ، اقصد الوجع بية ولا بيج .

تذكرت منين اجاني
:- صخر !؟

:- روحـه .
:- وين جنت  !؟

:- بالبـاب .
: شجنت تسوي !

صَخر:- ادخـن .
سَحاب:- ليش برى ، ما دخنـت هنا .

ابتسم:- أنتِ تكولين ريحة الغرفة تصير مطيبة
اطلع ادخـن برى .. مو كلتيلي هيج لو اني غلطان .

:- صَحيح .
يعني ما جنت تخوني .

ضحك بصوت عالي
:- بيت شكبـره ، اعوفـه واطلع برة !!

غيرت الموضوع
:- مو حارة عليك !

:- زين الجـو ، نامي أنتِ .

:- بعد لا تطلع بالليل ،
صخَر:- صار .

:- وَ تدخن هنـا .
: صار .

:- وبـعد متأخذ جهازك بالليل من تلطع
: صـار .
واتحجب كدام حيدر .. واللبس طويل
تحبين اتنقب!!

ضجت:- إذا ما عاجبك انزل جوة عادي.
نتر:- شبيج أنتِ .

افهمي .. نامي علمود ما يرد الوجع
:- لا انت مليت منـي .

ضحك:- نكدية صايرة وهيج ..
باعيلي هوَ ،  أنتِ تعبي .
شلون املَّج .

سَحاب:- جذاب .
:- لسـاانج .
نامي هسة انت، نحجي باجر .

للصبـح حسيت بحرارة
يمة ميتـة عرگ.. خطية نازع ونايم يمي .
ابتسمت.. شكد احبـه من يتصلخ.

شكد ما ضايجة
شكد ما احبة .. الغرفة ظلمة
وبَس الشمس. .. انتبهت لضوة االدگمة مال تلفزيون مشتغلة

زين والله اكو كهرباء
شغلت البنگة.. وشلت البطاطين من بطنـة.

صد وجهة ونـام نعسان .
طلعت اريد انزل  وصادفت حيدر
شكد استحيت .

زينب :- كاعدة اللبس بالجهال
دخل حيدر يضحك .

:- ها شبيك !؟
حيدر:- يكلك تصالحوا .

زينب :- منو .. سحاب وصخر !

حيدر:- اي ولج .. هسة طلعت من الغرفة
وقعت بيد من لا يرحم .

:- هههههه ،حرام عليك .
كمت كعدت يمة ،
ما حجيتلي شصار من رحتـو تعقدون.
انتَ هم صاير عصبي مثل اخوك متتحاجة.

مسح جتفة من التراب الخيالي
وكال:- يا عصبي .. بأول ضحكة اتقمشر اني .

:- احجيلي يلا .

حيدر :- شحجي بَس شحجي
اني دام اخوية صخر .. حالي حال اليتيم .

طلعنا منا الوجـه وجـه ، وحدة طاك عليها الطباخ .. اول شي سواه

ظل يعيط على السيارة
ليش هيج وصخة، بالرغم يا زنوبة .
بلسانـي نظفتهة .

: حط ايديه على وجهة عود يبجي كذب .

واسترسل
:- اي يخية، مشة الطريق الحمد لله يعني وصلنا للسيـد يعني الحمد لله
لا دعاء .. لا قران .. لا تعويذات
لا تسبيحات.. والعبـاس حتى مسيحي كمت احجي ..

بالشافعات يلا وصلنة
صخر كال للسيد اتسعجل
كلبها مناحة.. هذا نريدة يتعذر ما يقبل
تالي تدخل عمج الحاروكة وكال
اعتذر بدل عن صخر .

اخذنا ورحنـة
بعدنا ما دخلنا عاط بية
هو ماكو شي .. بس ابوي ما يكدر
بس على امي ، ليش بنطروني هيج
ليس مو هيج .. حسيت روحي مرتة

ليس السيارة هيج بجمهة
ليش ما عندها حلك

انت ليش طالع هيج حلو
ملاحظه يعني هذا الشي الوحيد الي كالة
صح ..

دخلنا عود يريد يحجي وي امها
تصرعن من شاف وجههة
هي بنت الحلوة شلون طالعة مززة

زينب :- ضربتـه على صدرة.

صرخ متوجع
:- ماكو احلى منج عمري .

المهم .. على نص العقد
السيد كال
المقدم المؤخر شكد

صخر كلة
لا مقدم ولا مؤخر ، والعقد مدتـه شهرين بس
هي ضاجت عود .. السيد هم ما قبل..

عاد اخوي بعد كفو طالع عليه
كال اعوف كل شي واكوم
اني اصلا ما عاجبني شي .

وبعد ضيم وَضيم
قبل استاذ صخر يعقد ..
بَس شنو ، إلى شوي ينفجر
كل شوي يضرب على زري
واني روحي تطلع من الوجع .

مو مثلج يعني زنوبتي
انت ايدج خفيفة تكول نسمة
يعني حتى بالضرب ما تأذي.

زينب:- ضحكت بصوت عالي .
حيدر:- يروح فدوة صخر وعشيرته لهل ضحكة..

:- هههههه . والله لو يسمعك .
حيدر:- يمعودة احنة مرة وحدة عايشين .
خليني اجازف .

زينب :- ايي وبعد كمل .
حيدر:- ماكو بعد ، هو رجعنا والطريق كلة
عمج يحش بصخر ..

شايفة بالمسلسلات من العمة تحش ابنها
على مرتـه عمي حش بصخر حش

اخر شي صخر بعد عيني ابو هاشم
عاد عيطة عود بية لان صوت جهازي عالي
خلاه يخنس ..

ملعون اخوية، عليه سوالف
يشبهني بكل شي  .
بَس والله عيطة .

زينب:- ههههههههه .. كافي عليك الله .

حيدر:- عوفيج منهم .. هم تصالحوا
واني حال الضَيم حالي .
دخل ناخذ داس بشرفج .

زينب:- يا داس هيَ دومنة
كوم وراي رَيوك وتنظيف .

حيدر:- مصرة يعني !!
:- بالليل حبيبي ، بعدين عيب
كل مشهد نطلع بي لو تريدني لو تتغزل
هسة شيكولن علينة البنات .

حيدر:- شعلية اني .. غير هم ما يفرون الكامرة حايرين بسحاب وصخر ..

زينب:- انت بس عوف صخر .
صفن وكال  :- اييي والله ، اثنان لا تقترب منهم .. هل تَعرفين من همَ !!

إن كنت تعرفين فهذهِ مصيبةُ
وان كنت لا تعرفين فالمصيبة اكبرُ .

ضحكت وسألتة
:- مَنـو .

:- المرأة إذا جتهة الشهرية
وصخر إذا عفـس وجهـة .

زينب :- دا نضحك.. نوري ضرب اختو
صرخ بي حيدر
:- ولككك .. تعال .

اباوع نوري باوع عليه اشر بيده وكال
:- دروحح .

حيدر:- ايـاا ابن الكل* .
زينب:- لا تفشر هيج حيدر ، ما يجوز .

حيدر:- لعد شتريدين اصفكلو ..
هذا تودي دورات يم صخر !!

زينب بضحك :- انت بس عوف الرجال بحالـه .

......

بَتول ..
جبرتني امي انزل اقنـع خالو يرجع صهيب
بالرغم هو غلط بحقي .

وبعـد إقناع وتَوسل .
قـبل خالو يرجع ..

بـس ريتـه ما رجع .

• يَـتبع ..

اححح .. تعبت 😢😂🥺
ادري تاخرت عليكم
اعذروني ، بعد رجعت دراسة
احاول هل أيام اخلصها
لان تقرب موعد مراجعة السـادس
وعندي بنوتة غالية علية بالسادس

فدوم اعذروني
مثل كل مرة .. إذا فرحتوني افرحكم
وصلوا التعليقات  مثل مااتفقنة..

وبس والله احبكم .
النجمة يحلوة لا تنسيها .