تحميل رواية «مُقيد أجنحتي» PDF

البـارت الثاني والثلاثون

/بقلمـي '' مريم علاء ...

حـاتم:- باجي بدون زحمة عليج، ندهيلي

بتول .. خل نتفق على كل شي ..

سحاب:- كمت من السفرة بغضب

واردفت بصوت عالي

: بتـول ما تروح وياك لأي مُكان..

رمقني بنظرة، مدري شلونها

لا هي صفح لا هي عدلة

بس عود يكلي ''مو هي بكيفج ''

رد كال لبـاجي: يلا باجي فدواتج

رديت بصوت اعلى: كتلك متروح وياك

لأي مكان ..

نزل صخر من فوك يدگم قيصة اردف

وملامح وجهة مستغربة وجود حاتم

: شصاير؟ شبيكم !!

رديت بحرگة كلب: صخر حاجيه

بتول متروح وياه لأي مكان ..

كال وعيونه توجهت على حاتم

: خير حاتـم وين تريد تاخذ البنت !

حاتم:- خوية، ناوي احجي وياها

رجال ومرتة .. قابل وي غريب هي؟

نطيت اني من يمي، لان حاتم حيل صاير

ينرفر ببـروده وفهاوتة

: مو مرتكك هي، لا تنسى نفسك

مو واعد بنية انتَ ..

حاتم: سحاب، فدواتج ترى الي بية

مكفيني، بعدين تفهمين كل شي ..

صخر:- عيني انتِ، حقـه الولد خليهم يحجون سوة، ويحددون شيسوون

رفع حواجبة يطمني

: هزيت راسي ببرود

بتـول:- دخلت للغرفة اللبس

گلـبي واجعني، ما اريدة يكسرني لان احبة

ما اريد اعوفة، ما استحمل فكرة اصير لغيره

لفيت شالي، وعباتي وطلعت ورا

حرك السيارة بكل هدوء، شلونج ما گـال

ظلينا نفر بالسيارة، هو ساكت واني كذلك

احس الخوف امتلگني، معقولة خلص

راح يعوفني .. !

ركن السيارة، واخذ نفس لصدر

نزلت راسي بخجل، اللعب بمدالية الجنطة

خجل ، خوف ، رجفة

مشاعر مختلطة، تحت مسمى حب من طرف

واحد، الي دمر حياة هواي بنات بـُعمري

اردف بصوت هادئ

: النظرات الي وهمتي بيهن نفسج، طول هاي

السنين حقيقة، ومـو صدفة

اني فعلا حبيتج بتـول ، بس مو هذا الحب

لا 'جان حب فطري ' حب انسند على

اعجابي بشخصيتج، طموحج

هدوئج، هواي شغلات بيج تعجبني

بس فرق العمر، خلاني اغير تفكيري تجاهج

وخلاني اعتبرج اخت، صح الله ما رزقني

بأخـت، بس دوم اكول عوضني بيج

انتِ وسحـُاب .. صح يمكن اذيتج

وجرحتج، بس اني جان ببالي بعدج طفلة

واذا انتبهتي، قللت جياتي الكم بذيج الفترة

ردتج تصيرين انسانة ناجحة ، ردتج الج الخير

الغلط مني بتـول، اعتذر على كل شي

حبيتها بتـول، وماكدر اكسر نفسي واكسرها

انت تحسين هذا الي تحسيـه تجاهي حُـب ؟

بتـول: رديت بگلب معصور من القهر

واتصنع الابتسـامة

.. لا، جنت طفلة بوكتها

وانت نظراتك تغيرت، لهذا ما طول الوهم

الي عشت بي، لا تشيل همي

اني اهم شي عندي هسة دراستي

واحقق احلامي، واستقل

يعني لا تخاف عليه، لا ابجي ولا انقهر

ابتسم نص ابتسامة، وباين على وجهة

التعب، فتح الجكمجة ويبحوش بيها

اخر شي طلع تليفون، خلاه بأيدي

اردفت باستغراب: هذا الي؟

: ايي

الفرحة ملت وجهي: والله حاتـم !؟

ابتسم ورد: اي بوية الج والله،،

وذكرتيني، اسبوع الجاي تردين للمدرسة

فتحت عيوني بصدمة وفرحة

: والله؟؟؟؟

حاتم: وأي درس تحتاجي، اخلي الج خصوصي ..

،، وعمو ايهب؟!

حاتـم: محـد الـة علاقة، دام انت على

ذمتي، محد يتدخل بيج وبمستقبلج غيري

بتول: هواي شكرا، مدري شلون ارد معروفك

رد ونبـرة الصوت تغيرت: تسامحيني

رفعت عيني، نظراتة بيها ندم

تصنعت الشجاعة ورديت: شبيك يمعود

لا تكبرها عااد، لا اني هسة عندي الك اي مشاعر بگلبـي ولا انت ..

نبدي بداية جديدة، ونرجع ولد عم حبايب

لحد ما يجي يوم تهدئ الاوضاع نفسخ

حتى نروح نخطب الك محبوبتك ..

ظلينا نسولف، رجع كلامة طبيعي

بس احسة ضايج وبي شي، اعرفه اكثر من روحي

دخل لمحل جاب علاليك، كال

: هاي الج، ومصروفج يم باجي

واي شي تحتاجي خابريني زين يابة؟

: محاجة كل هذا والله ..

حاتـم: ميصير تحجين هيج، دام انتِ

على ذمتي، يعني كل شي يخصج

على مسؤوليتي ..

بتول: كلامة يكسر، ويجبر

كل لبالة، من يحجي هيج يطمني، بس هو يشعل نـار كلبي لا اكثر

وصلنا للبيت، وصاني هواي

وكال: اسبوع الجاي اجي عليج

بس حرك من كبال الباب

روحي طفت ، اعترف ماكدر اسلم حُبي

لأي انسانة، ضعيفة واحس قوتي يمة

حتى لو ميبادلني هالمشاعر

صعب تتسمك بشغلة، وهي مو الك

وانت حيل محتاجهة، حيرة

كلبي عطشان لعيونة، شيصير لو يحبني

بدل عنها. ،شيصير لو اروح اظم نفسي

بين صدرة وابجي، واكول الة لا تعوفني

معقولة، هذا الحب يروح عبث

محتاجة حضن امي الدافي

، ابجي بحضنهة بدون متكلي، شبيج

اريد اصرخ، اريد ارتاح من هالحب

شنو ذنبي بالي صار ..واصعب شي بالدنيا

من تتصنع القوة، وانت داخلك انسان مكسور

سـحُاب: شفتها دخلت، جنت اغسل المواعين

كبل صديت وجهي،

كملت كل شغلي، الولد طالعين

صعدت للغرفة، فرشت السجادة

توني اصلي، دخلت عيونها حمر دم

منظرها، عصر كلبي، فتحت ذراعي الهة

"بدلالة الحضن " تقدمت بخطوات

يأسة ، خذيتها بين احضاني ..

اخذتها وكعدنا على التخم

: اييي شحجيتوا؟

بتول: ماكو، بس تهدأ الاوضاع نفسخ

ورجعني للدوام

سـحُاب: صدكك والله. ؟

بتول: وعيونج ..

سـحُاب: يلا، خل يولي هو مو مهم

المهم انتِ،

بتـول: لا يابة، شبية زعطوطة وابجي عليه

سحاب: تخيلي تصيرين جنة لعني ايهب

بتول: هههههه

سـحُاب; والله وبدل ما ينطوج اكل

يحرموج، ويرجع يحوم يم ماما

صدك، حيل مشتاقة لمـاما

بلكت صخر يودينة ..

شمرت راسهة بحضني تضحك

رفعت راسهة باطراف اصابعي واردفت

: ابجي بتول ..

ردت بتوتر وبؤبؤ عيونها ما ثبت بوجهي

:لا ليش ابجي شبيج انتِ

سحبتهة لحضني، كبل شددت قبضتهة

وبس اسمع صوت ونينهة ..

بتول: صعبة سـحُاب، نياط كلبي يتگطع

احس هذا الهوى ثكيل على صدري

يحبها وما يحبني ليش، محد يحبة بكدي

والله، اريد اصرخ بوجهة واكلة احبكك

اني استاهلك، اني احتاجك، تعبانة سـحُاب

سحاب: بيـة ولا بيج، روحي انتِ

ما يستاهلج، انت تساهلين احسن منة

فاهي هذا، امة تحطج وتكتلج وهو صافن

عوفج منة، النساتل الي جابهن الج

بالنص، اني وياج

مسحت دمعها وردت بقهر

: ليش يمة. ؟

سحاب: مال صحيبة ..

سـُحاب:- نزلنا ليلتها نسوي عشة

حيل احب عشاء هذا البيت ، كل انواع الاكل

يخليها الك ، طلعت زينب بتيتة وباذنجان

وطماطة ، وكبة بيت

دخلت باجي ، كالت

: يمة سـُحاب يمج بالفريز عجينة كباب ..

طلعيها يمة ، وكليها وي خواتج

..كمت امطك ، عندي كباب البيت

ملك الساحة بگلبي .. لو خيروني بينة

وبين الشاورما، اختار الشاورما طبعا

بديت اقشر  البيتية والباذنجان

.. دخلو الولد ،

صخر :- الله يساعدكم يابة

ردت زينب : هلا .. كواكم الله ..

حيدر :- لككك هلا بمريتي ، أم عيالي

بنت الغالي ابن الـ ...

نطت زينب : حيدر لا تغلط ..

رد بضحكة : لا يابة شبيج ، داكول ابن الغالي

زينب :- عبالي ..

تقدم بهدوء بنص جدالهم ..

رفعت عيوني آلة ، ضحك بوجهي وشمرلي

بوسة بالهواء الطلق .. يمااااي شصار بية

تكول مو بوسة هواء ، باسني من حلگي

سوة براسة حركة ''عود غطي شعرج ''

بديت اشتغل وياهن بالي يمة ، مدري شمالي

استخفيت .. واحاول اجذب الشي الي

ديحللة عقلي. .

زينب :- ايي صافن الحلو ، بالج وين ؟

رديت بغباء " قلة حيلة " :- هـاا !!

ضحكت باعلي صوت وكالت

:- ولج شبيج من اول ما دخل البيت

عقلج راح وراه !؟

سـُحاب:-انـي !!؟

زينب :- لا اني ،اي انتِ ، مو بالله عليج بتول !؟

هزت راسها بأي

اردفت بحيلة :- لا انتن نيتجن زفرة

اني بنية فقيرة ، وافكر بحال البلد التايـه هذا

زينب ,, بلد تايـه ام الوصخ ، صحصحي عيني الاكل احترك يحظي ، تريد تفكر بالبلد .وهي بس شافت صخر حركت الاكل والعراق

سـُحاب:- انتو تسئون الظن بي ، وهذا حرام

بتـول :- ها سحابة ، چنج وكعتي ..

سـُحاب:- لا حبيبتي ، اختج نچرة .. ولا تخلن بالجن يمي ،

بلشنا ننقل الاكل ، وصخر كال ناكل بغرفة جدتي اليوم ، لان الجو بلش يبرد

بدو صخر وحيدر واحد ينصب على الثاني

.. صخر نصب على حيدر ، خلاه ميز مال مضحكة ، مرتين غصيت من الضحك

اخر شي استسلم حيدر وكال

:- عادي حبيبي ، جسر للطيبين ، بس مو الك

سـُحاب:-احلى فقرة بالكون ، من تكمل غسل المواعين وتجلف السنك. وترشة ماء

وتنشفـه . بالخاولي يبوييي

شني بهاي اللحظة املك الدنيا ومابيهة

صعدت بخطوات بطيئة ، عبالك ما اريد اوصل

للغرفة . مكيفة بي هيج وما أريد يكلي

اريدج .. وهاي السوالف مال ادبسززية

احبة من يصير حباب .. وهيج ويحترمني

بالله عليجن مو انتن هم حبيتنة بنات !؟

اصعد انام كبل ، وما احجي ويا شي

بعدني اخاطب عقلي الباطن ..

فززني صوت ضحكتة الطالع من غرفة باجي

اللعب .. يعني بعدة جوة . اصعد اخمد روحي

قبل ما يجبرني على فعل الرذيلة

ونحن أقوامٌ مسلمون ، مـُجبرون على فعل

الفسق والغلط .. لكن لا ثُم لا سوف

والله شكلي راح انعلس ، صعدت ادبج

غطيت راسي بالبطانية وفتحت حلكي

حتى يبين صدك نايمة

هاي السوالف الخايسة ، جنت اسويها

من امي تريد تكعدني على الدوام

غمضت عيوني بأحكام وقوة

وأحس کلبي بي عرس ،، هيج دماااام

مدة قليلة كلش ، حسيت بي فتح الباب

سارت رجفة بروحي ، جني وحدة لازمين

عليها لزمة ، شلون هاي الاعظاء تشتغل

بهالدقيقة مادري ،

حسيت بي شال الطرف الثاني من البطانية

ودحس روحة.. احس بكل حركة يسويها

فجأة حسيت على ايديـه ،حاوطت بطني

احتلوناا يابو الأكبر

قرب خشمة من اذني ، انفاسة لفحت ركبتي

وفززت روحي  .. انتقل من اذني

لركبتي،، شمني قووي لدرجة شوية

واحسة خلص .. راح يشفطني .. ولو هو على هذا الخشم .. ذبانة متفوت بي

مو خشم ،، فتسفة شكدوتة، بس لو اللزم جدي

كل شي ما سويلة ،

سحبني لحضنة أكثر .. حسيت بدفو صدرة

بضهري .. يا معت يا ذبت . عقل ما ظل

براسي....

بعز البرد ، وأحس دخان يطلع من آذاني

وعيوني وخشمي، جسمي نااررر صار

شال وحدة من اديناتة.. ومشاهة على ايدي

بحركة بطيئة .. أخذ كف ايدي بين كفوف اديـه .. شبك اصابعة بين أصابعي بأحكـام

ظلت ايدي تتراجف بين ايديـه .. وأحس بخوف .. همس بأذني بكل هدوء

صخر :- ادريج صايحة يا كلهم ..

فتحي عيونج ترى ، كليبي ولهان ..عبن اليوم ما شبعت من وجهج يالجنج حلم حلو ما اريد افز منة .. يلا عاد بلا تدلل علية

كلبي خلصان ولج .. رايد شوفتج

زين ما اريد شي بس صدّي وجهج علـّي

خل انام براحة ..

يول يبوي اشوف خدودج داترد روحي

.. غمضت عيوني اقوى .. خايفة حيل

رجع قرب اشفافة من يم اذني وهمس

صخر :- يا رجفة روحي أنتِ ..عاينيلي

تاشوف روحي بيج .. يا دفو روحي انتِ ..

يأست منة ، عندة استعداد يكعد للصبح

يقنع بية اصد وجهي عليه

صديت عليه بدلال ومغمضة عيوني

اسمع بس تكركر ضحكتة .. فتحت عيوني

شفتة نايم صفح على تگ ايد '' نص نومة ''

ويمسد على لحيتـه .. بأطراف اصابيعة

ومبتسم .. يويي اخرب عليه من بس يبستم

احس .. تروح هيبتة من يضحك بصوت عالي

حجيت بانزعاج :- شبيك .. متنام متعبان

من الخوارة.. والبنات الحلوات !؟

حجة بضحكة متصنع الجَّد :- خوارة شنو ولج !!؟

سحاب : لعد شنو ، بنات وبغداد .. ما تعبت اليوم !!

صخر :- بس لا تغارين يا تعبي ..

رديت متصنعة الشعور :- اني .. لا بس تعودت عليك بالبيت ، فضجت ..

شال تك ايد وسحبني لحضنو وكال

: بس انـة اليوم .. ميت شوگ لوجهج

سـُحاب:-بنات بغداد قامن بالواجب

..

كرص خشمي بخفة ايدة وكال

:- ماكو وحدة بيهم عندهة مثل خدودج

.. ولا عيوني شافت وحدة بحسن طولج ..

وما شفت وحدة عيونها تجيب التايـه

كلهن عبرن كبالي.. بس انة كليبي هنا

يمج .. يم مريتي ..

نطيت بسرعة .. وخربت كل شي

نعم أنا سحاب " مخربة اجمل اللحظات''

سحاب:- اريد احجي شي

بس اخاف تفهمني غلط ..

ضحك ورد :- كولي يا تعبي .  ما افهمج غلط

سحاب :- شسمة .. حلو من تكول مريتي

قرب وجهو من خدي .. وطبع عليه بوسة

سريعة وهمس :- مريتي .. !؟

سحاب :- هـاا

صخر :- أجو بعدچ نهر ممدود بس ظليت عطشانچ ،

بلعت ريكي بصعوبة واردفت بصوت يرجف

:- صخرر .. بردانة

رفع حاجبة يجذبني :- لا بربج !!؟

: شبيك اكلك بردانة .. اريد صوبة

قصدي .. بالك وين !!

صخر :- هههه .. جنج على صوبة

اصيرلج صوبة

سحاب :- شبيها صوبة علاء الدين

مقصرة خطية.. اشوف مدفيتنا ليل نهار

على طول الشتاء

زفر نفس بعصبية وكال :-

انتِ مال عزل أنتِ ..

كام وطلع برى الغرفة

كمت ورا داشوف اخاف زعل .. فتح الباب ودخل شايل الصوبة من برة

رمقني بنظرة بمعنى ' ما زعلان  '

كعدت يمة،  اخذ الجداحة وبلش يشعلها

يمةة اعشك ريحتها من تشتغل

بحيث افتح خمشي كل كبرة

من يفتحوهة يمي،  صخر من شافني هيج

كام يضحك ..

قربت روحي من الصوبة اكثر،  باردة كلش

كام هو،  فتح الكنتور طلع تراك

وبلش ينزع،  اني بس ذب القميص دنكت راسي،  امي تعبت عليه ميصير اباوع

بس البية ما يخليني،  رفعت راسي

واباوع على جسمة،  احس صخنت

ساعة احتر ساعة ابرد من ورا

حرام طرزان شفتة وشافني متصلخ

هو من شافني هيج،  تقصد يجي يمي

كعد نص رجل،  ورفع راسي بايدة

شتت نظري منة وحجيت بحدة

: امشي اللبس لا تتمرض صخر

- صار. مريتي ..

سـحُاب :- اكزكز عليه من يكول 'مريتي '

سحب فانيلة لبسها ولبس بجامة

وتقدم كعد يمي،  عيونة تسلطت عليه وحاوطتني ..

ميل راسة وكال:  احبج ..

قرب نفسة مني اكثر،  صرت على جهتة

اطراف اصابعـة تلمست خدودي

حاوط خصري بتك ايد،  والايد الثانية تتلمس خدي بكل حنيـة .. ميل راسة لرگبتـي

حسيت بحنچة،  صار على جتفي

همس بصوت ذايب:  مشتاقلج يا بعد كلهم

اصابعة انتقلت،  من خدي لشفتي

غمضت عيوني بخوف ..

صخر:- شو فتحي ..

اول ما فتحت عيوني , عيوني التقت بعيونة

نظراتة سلبت قوتي،  سرعان مـا شتت انظاري منة .. شدد قبضتة على خصري اكثر

وكال:- خلي عيونج بعيوني ..

حجيت برچفة:- مـاكدر صخر

صخر:  - يابعَد چلمات گلبي الما گلتهن ...

قرب شفافة من عيوني،  وطبع بوسة على

عيني اليمين،  وثانية على اليسرى

خليت ايدي على صدرة،  ادفعة عني

بس هو رفع ايدي وباسهة،  احس الغرفة ضاكت بيها النفس،  عيونة نزلت لصدري

الي جان فاضح تنفسي الغير منتظم

ابتسم واردف:- بيج ريحة من الجنة انتِ

.. حوريتي، مريتي،  تعبي وراحتي

لج احب كل شبر بيج،  هااايم انـة

ثكيل انـة وطحت فدوة لأظافيرج

اجيت احجي،  سكتني من رفع اصبعة السبابة

وخلاه على شفافي

: اشـششش

سحب مخدة من الجرباية،  خلاها يم الصوبة

نام وسحبني من ايدي ونومني يمة

ثبتني من حاوط بطني بقوة ،و برجلة

قفل حركة رجلي .. وجوهنة حيل قريبة من بعض. ،، حتى الهوى بطل يفصل بينا

مادري شوكت يبطل سالفة يخلي عينة بعيني

وما ينزلها ابدا،  ادري ما يخجل هذا

صخر: عيونج،  خليهن بعيوني يابة

: ما اعرف صخر عفية، كافي نام ونبي كلبي كام يوجعني ..

ضحك وعظ خمشي وكال:- نامي ، جعل ما غيرج ينـام،..

سـحُاب:- زين ما عدنا مخاد،  جيب المخدة الثانية. ..

صخر:- نامي لا اموتج

ضميت راسي بصدرة،  وبسرعة استلسمت للنوم..

كعدت ثاني يوم كلي نشاط

بس هو ماكو،  واني على الجرباية

حلكي نشك واني اتذكر من شالني بالليل

ويلولي الي حتى ارجع انـام

اكوم اتريك احسن،  هذا الشتاء يدور دفو وسوالف ادبسززية،  واني ماما ما تقبل

والله لو تدري ماما،  الة تدفرني دفرة

نزلت جوة،  واكفات زينب وبتول يسون ريوك

سندت نفسي على الكاونتر اسأل على. صخر وين،  بس استوقفني شكلة من كاعد بالحديقة.ووياه بنت ويسولف ومنطلق

تقربت من شباك المطبخ اكثر،  ولنـه زهراء

بلعت ريگي بصعوبة ، احس الموقف صعب

بس ليش قبل من جنت اشوفة وياها ما اضوج هيج، 

زينب:- بتـول '' اشم ريحة عطاب

شحتركك؟

بتـول:- ماكو شي عاالطباخ بس القوري زينب

زينب:- شوف هاي الفطيرة ..

تقدمت يمي بأيدها الجفجير

: خليج مسيطرة على الوضع،  ترى ما دخلها للييت حتى متغثج،  وهي جاية اصلا تخرب مزاجج..

لا تشلين هم ويلا تعالي ايدج بأيدي

..

سـحُاب:- بديت اشتغل وياهن بكلت انسى

بس كل شوي عيني تروح لجامة المطبخ

ماكو دقايق ودخل،  احس عيومي علية

مت بينت ضايجة، وحاولت اتصرف طبيعي

بس احس نار تسعل بصدري

زين ليش هيج احس، احنة بعدنا اصدقاء

التفكير اكل راسي،  بحيث ما احس بروحي

اول ما خلصت ريوك،  لزمت اريد اغسل المواعين،  شفتة دخل بسرعة شتت نظري

كال:- سحابة،  تعالي حظري ملابس بين

ما اسبح ..

هزيت راسي وصعدت ورا،  لكيتة فاتح الكنتور،  ومطلع قميص وبنطرون

نظرلي واردف:- طلعيلي الساعة السودة الجلد

الي بيها اطار ذهبـي ..

هزيت راسي بدون ما ارد

توجهت لميزلتواليت ادور بين ساعاتـه

حسيت على. ايديه تحاوطني،  رفعت عيني للمراية،  دحس راسة بركبتي كال وهو يناظرني بالمراية

: شبيج اليوم يروحي،  ماكو ضحكة حلوة ؟

: ما بية شي ..

كال بحزم:  متاكدة. !؟

سحب الشال من راسي،  وشمرة وشم رگبتي قوي،  غمضت عيوني وبلعت ريگي بخوف

همس:  على العموم، احبج لاخر لحظة بعمري

اخاف اروح وما ارد،  اذا زعلانة كليلي اراضيج..

رديت بخوف:- اسم الله عليك، 

;- چـاا ماكو زعل؟

هزيت راسي نافية، سحب ساعته من ايدي لبسهة طبع بوسة على راسي وطلع

بنفس اليوم بليل كاعدين على العشة

كالت باجي:  يمة صخر،  خالك وخالاتك ثلاثتهم باجر عدنا،  علمود يباركون لعرسك

فشلة ما عزمت احد،  عاد كلت الهم تعالو

باتولكم يوم وروحوا ..

رد عليها بـ:  صار. .. من عيوني

وهالمرة من صعدنا نمنة ما سوة شي بس حضن،  هم ارحم من سوالفة السزز ..

كعدث ثاني يوم هم مالگيتة يمي

شوكت اكعد مثل السنوان قبل رجلي،  واسوي الة ريوك واصير معدلة ..

بدت تسترسل لبالـي اول بارحة

شفافي رسمت ضحكة، اييي

جني صدك وكعت،  ومـو على ضهري

لا چبح على وجهي،..

يغبرة دثگلي شوية،  حتى الهنود يخلون 15 حلقة يلا البطلة تكوم تحب البطل

انة شبية من اول بوسة اتطوطح

نزلت سوينة حملة على. البيت وزينب سوت تمن احمر،  وهم وصو على دجاج وسمج

شوي وصولوا،  جانوا هواي

صبينا غداء،  ورة الجاي صعدنا كلنا بغرفة

زنوبة،  تعارفنة وظلينا نسولف

هنوب كلهن حبابات،  نسخة باجي مروة

اهلهة هم مثلهة عسل ..مال گرط

ثنين صغار، وحدة مواليد 99 وثانية 95

نووب كلهن حلوات،  جيت اغار عود وهاي السوالف،  بس الكعدة حلوة

بسرعة طردت الافكار من راسي وكعدت اسولف وياهن،  اني بس احد يدوس تشغيل

بعد ما اسكت،  ما اخلي شي بنفسي

..

صخر ما شفتة بعد،  يم ولد خالو وخالاتة

وخالة بالصالة،  واحنة وكفنا نسوي العشاء

اجة ياخذ الصينية،  كال

: سحاب ، ناوشيني الصينية بوية

: شلتها وكلبي طاير،  بس وصلت يمة

باوع هيج وهيج،  ما شاف احد

باسني بسرعة بخدي واخذ الصينية وطلع

يثول هالرجال يثـوول ..

طلعت باجي هالكرزات بالليل

كعدت نسوان بعد،  يحتاج حَب

اباوع لزينب تخزر بيه،  اشرت الي اجي يمها

: شبيج يمعودة

زينب:  وجعع،  صخر فوك يريدج ..

سـحُاب:- صاعدة لا تعيطين ..

زينب:- صعدي ركض، هاي لو كايلتلج سوي شي.. صخير تصعدين ركض

سـحُاب:- رجلي هذا تررى،  مو صاحبي شبيج !!

طلعت ادبج واهز ركبة .. شكد خفيفة اني خرب .. اول ما فتت سحبني وسند ظهري بالحايط،  شمر الشال بالكاع

وبلش يشمشم،  اجتني حجاية وعلي

بس امي مربيتني،  ما ينطيني مجال حتى اخجل،  همس

صخر:  اشتاقيت ..

: بس كلي شوكت تلحك تشتاق،  توني جنت يمك ..

: يولي انتِ ليش نفسية!؟

.. يعني ما بيها مجال ننـام هنا

: لا ما بيها

: يول  لا تيبسيهة ..

سـحُاب:- عيب من الولد والله ..

صخر: اووف، خر* بالولد ..

: ديلا انزل، باقية وين اروح قابل

باسني قوي ونزل

نزلت اني هم يمهن،  ظلن هواي يحجن

اني اصلا نعسانة،  والشغل مكسر جسمي

كبل غفيت

حسيت على بتول تكعد بية

: هـاا !!

بتول:  صخر بالهول يريدج..

سحبت الشال بنعـاس واسب بي بكلبي

والعباس نعسانة ..

اول ما طلعت سحبني لفوك

فتح باب الغرفة، مدد وسحبني يمة

حجيت بنعـاس:  عيب من الولد صخر!؟

:اششـش،  كعديني قبل الاذان انزل انـام جوة..

سحاب:-ما جادلتة، نعسانة حضنت صدرة ونمت ....

•يتـبعُ ...

كلش اسفة، الاسبوع الفـات ما نزلت

بس جان عندي على. طول الاسبوع دراسة

اني لو عندي وقت فراغ ما اقصر وياكم ابدا

غلط وابلع واكول عادي،  بس حيل زودتها

القصة متعجبج لا تقريها يمة

ما مجلبة بيج اني،  المفروض تعذروني من اكول ظروف، ، مو تكولين " ما طلعت ظروف هاي " ترى ظروف مو ملابس واختارهة بكيفي ..

¶ والقصة بعد ما انزل بارت ثاني الى يصعد البارت الي قبلة 200 نجمة و500 تعليق

لان التعب الي جاي اتعبة استحق عليه تحفيركم وكلام جميل منكم

يعني اكتب  بالـ 4 ساعات واجي الاكي

التعليقات بس 100 وانتو 1000 قارئ

هذا ابسط شي اطلبة منكم،  لان ماكو اي شي يحفزني اكتب .. شكرا لكل شخص يعذر ويقدر الظرف،

احبجن يمُـة + لا تنسون التصويت 🕊️💙

الكلمة الطبية صدقة

* جزء من جمال حروفكم،  😙😙💙

البـارت الـثالث والثلاثون ..

بقلمـي 'مريـِم علاء '

يواهس تضحك الدنيا علئ شفافك

يبو الليل الحلو اليلعب علئ جتافك

احس روحي تأمن بيك وتخافك💛

سـحُاب:- واكفين يم هاي النقطة ' الصوبة مال علاء الدين الفتيلة مالتهة انتهت ..

واكلنا البـرد صار يومين ..

واكف فاتح النقطة احنـة نصيح الهة

الجوزة .. لان هي نقطة الوطني الي ينربط عليها السبلت،  ومرات الـصوبة الكهربائية

واني يمة لازمة الة الدرنفيسات، والبراغي مال نقطة الفاتحة ويشتغل بيها .. وبحلگة درنفيس،  ويشتغل بتركيز

الي يشوفة يكول،  كهربائي من سنة الـ90

وكل شوي يجأ جأ عود هو يفهم بالكهرباء وكذا..

اردف بضجر:- هسة شلج بيها سـحُاب، مو كتلج يوم يومين،  واخلي حيدر يجيب فتيلة واسويها،  عليـش الكهربائية هاي هسة ..

رديت عليـه بعناد:- يوو يمعود شلون يعني،  اموت من البرد يـلا ترتاح ..

شال راسة من الشغل، ورفع حاجب بغرور وكال:- مو كتلج،  اني موجود وكافي ووافي ..

سـحُاب :- لا بشرفكك صخر .. مو مال هاي السوالف، الدنيا برد الواحد يلبس تراك قديفة

، وجواريب تك وتـك،  وقمصلة ثخينة

ويجيب بطانيتة،  ويگعُد يدثر روحة يم الصوبة ..

هز راسة منزعج:- يولي،  حيدر لو اتغزل  بي واقمشر عليه حتى يجيب الي شغلة،  يفيد بي وانت لساني وكع واني اتغزل بيج

وماكو فايدة ..

سـحُاب:- لا تنسى عزيزي،  احنـة شنو هسة ..

جـر حسرة قوية وكال:- والله راح اصير مثل ام سيد علي ...

رجع راسة يشتغل بالكهرباء،  وكلبي يمة كل شوي اخاف ينـتل،  يلعب بالوايرات

ويجيب ويودي،  حتى يربط واير الصوبة وي واير النقطة ..

ديشتغل عاط:- ولج سـحُاب، جيبي هذا الشسمة ..

توترت بسرعة واني ادور بأيدي على الشسمة

: يا شسمة صخر ..

رد بانزعاج:- شبيج هذا الشسمة، صدك تحجين انتِ،  يلا عادد ..

سـحُاب:- صخر بشرفـك لا تكلي شسمة

،يعني هو شنو الشسمة؟ 

كمت اشيل كل انواع الدرنفيسات الي بأيدي واكول ' هذا ' زين هذا '' لعد هذا

وهـو يصرخ بـ:  لاااا مو هذا ..

اخر شي شمر الي بايديه واجاني

والعباس،  ما خليت اية بالقران ما قريتهة

كلت هسة يهفني براشدي،  يفر وجهي فرة مزدوجة،  تخبل كبل حطيت ايدي على خدي

نوب تخيلت ،  ينوم  علبة العدة براسي

وصل يمي،  سحب عُلبـة البراغي

وحجة بحرگة گلـب ..

: وكع لساني واني اكول الج،  جبيبهم

وانتِ صافنة بوجهي .. شبيج بالج وين؟

تخوصرتلو ورفعت حاجبي متعجبة

: لا بربكك،  صارلك ساعة شسمة وشسمة

تالي هذن،  ليش هذن شسمة

بعدين تعال كلي،  هذا الشسمة شنو فهمني

، امي هم هيج، من تكولي تعالي اعلمج

تطبخين،  ومن نوصل للبهارات

تظل شسمة وشسمة،  اخر شي لاهي معلمتني

ولا هي مسوية غذة لان صعد ضغطها

فظل بنفسي ، اعرف ماهو الشسمة !؟

وليش ما درسنا!!

صخر:- هو البراغي،  بس نسيت اسمهة..

هسة مو كتلج اني ادفيج يابة،  يحتاج كل هذا،  وشحلاتي اشتغل صيف شتاء

والفتيلة مالتي ما تحترك  تجدد وي كل بوسة وحسب المكان بعد ..

سـحُاب:- صاير،  تدور سوالف مو مال حبابين

صخر:- من زمان،  بس ناطر منج اشارة،  حتى اشوفج الانحراف على اصولة ..

عفتـه ونزلت،  لان هذا لسانـه مابي فنتك

، يطلع كبل وينسى روحة، ويكلبها بينا

ومحد يطيح حظة غير اني

هنَّ اخلاقي على گدي،  جمعتهن من رزايل امي ومدرسة الاسلامية. وصرت خوش

لكيت باجي بلشت بالغـدة، احب ابتسامتهة

من ادخل يمها بالمطبخ وهي تطبخ

احسها دفوو،  بعز برد ورة سبحة الشتة ..

من تكعد يم الصوبة الي ما سواها صخر

شافتني صافنـة ومبتسمة كالت

: عساهـة دوم حبيبتي ..

رفعت عيوني مبتسمة:- ايامج باجيتي العسل،  وام زوجي ابو قرودتي ..

ضحكت وكملت كلامها وهي تگلب بالتمن

: شراح تجيبين لصخر !؟

فتحـت حلگي مستغربة

: ليـش،  كالج محتاج شي ؟

: چـاا غير انت تعرفين شيحب ..

سـحُاب :- شنو المناسبة ..

تركت الجفجير وباوعت علية بأستغراب

مروة:- يعني متعرفين شكو، بنهاية هذا الاسبوع .. متعرفين ميلاد زوجج ..

ضميت شفافي لجوف حلگي ورديت

: حراام اذا ادري ..

مروة:- يـاا،  صدك عود؟ 

سـحُاب:- والله ياباجي ابنج، جان مشغول

بحرب،  كل ما اكوم على حيلي يكتلني كتلة

يخليني بعد ما اكوم،  ولا اكعد

عكدت حواجبهة وكالت:  بعدكم تتعاركون؟

سـحُاب:- لا قبل، هسة الله هادي وصاير زي العسل،  بس بعدني ما اعرف لكل اطباعة

ولا كل تفاصيلـه .. تونـة بدينة واحد يتعود على الثاني ..

مروة:- ربي يسعدكم بنيتي،  هسة انتِ دريتي مني،  حظري روحج وفاجئي بشي حلو

هزيت راسي وصعدت واني احفظ تاريخ ميلادة،  يعني ما بُقى شي،  اول مافحت البـاب لكيتة راجع يسوي بالصوبة

لا اراديا انرسمت على شفافي ابتسامة

.. من شافني هيج،  وبدون ما يعرف شكو

رد علية بابتسامة، اقتحمت ملامحة

كفيت الغرفة من الهوسة الي صارت بيها

.. سمعت صوت تليفونـه يرن على الطبلة

ظل يرن ويسكت،  هو كمل بس بقى يلزك الواير لان الاسلاك مالتة طالعات ويخاف تنتل

كال وهـو مركز بلف التيب حول الواير

: سـحُاب شوفي من هذا ..

باوعت على الجهاز مكتوب عثمـان

: عثمان صخر ..

صخر: جبيبي وفتحي السبيكر ..

وحرف منج ما اسمع ..

خليتـة يمة

عثمان:- هـا ولك ..

صخر:- هـاا زربـ** ..

عثمان:- امنيتي فـد يوم نتخابر،  ويصير بينة سلام مثل البشر ..

صخر:- ليش انت حاسـب روحك على البشر؟

احجي يول شراديد،  بأيدي شغل ..

عثمان:- لا سـلامتك حبيب،  بس حبيت اذكرك اسبوع الجـاي دوامك ..

صخر:- انت،  شوكت يصير براسك خير ..وتجيب اخبار مثل البشر؟ 

عفية صديق زرب* انت. ؟؟

عثمان:- خايـس صارلك اسبوعين كاعد

طيـ** ما خاس من الكعدة ..

صخر:- من يخيس الي عندك يخيس العندي

..يلا انگلع ، واذا تتصل بعد تعرف شسوي

سـحُاب:- باوعت عليه سد الخـط ضايج

.. كال بصوت مزعوج:- بعدين انت شنو هذا الي راسمتـه بطرف عينج

رديت ببـراءة:- ايلاينر ..

رفع حاجبـة:  شـنهييي !!

: كحل ، شبيك ليـش ..

صخر:- مسحي يابة انة بدون، كحل روحي طالعة هنوب كحل،  مسحي واستري علية وعلى نفسج ..

سـحُاب:- لا بشرفكك صخر، اني منتظرة اتزوج حتى اخلي مكياج،  اجي يمك تگلي مـاكو ..هسة احـط وانتحر..

ضحك من گلبة وكـال:- حلوة انت،  هاي السوالف تخرب وجهج النـاعم يبوي..

سـحُاب:-ما اخلي هواي وعيونك ..

رد مبتسم:- هـاي هي،  مثل ما تحبين ..

نزلنة تغدينا وكفيت المواعين .. وي البنات

صبينا جاي،  كعدو يحجون العراق واوضاعة

واني مـتت نعس .. من شافني هيج سحبني

وصعدنا فوك ..

مددنا ودحسني بحضنة ونـام وياي

فزيت باوعتعها ساعة 4:00 العصر

ادور عليه ماكو، تالي لكيتة كاعد بغرفة الكعدة .. ويشتغل بالابتوب..

غسلت وجهي،  وتوجهت يمـة،  بس شافني ضحك .. اول ماكعدت يمة سحبني لصدرة

ورجع بينا لـضهر التخم .. وشدد قبضتة ايديـه على ضهري .. همس

: شبـي الحلو ضايج ..

: هوَ اني لـو انتَ ..

صخر:-  چـاا انا ليش ضايج يبعد روحي

غير دوام وبـعد من اصبح ما اشوف هالعيون ..

سـحُاب:- مو احسن الك،  ما مليت مني ..

صخر:- يول ياهـو يمل رمش عينـة ..

سـحُاب:-شكد مطول؟

- اسبوعين ..

: ودوامك شوكت ..

- هذا السبت ..

سـحُاب:- صفنت بوجهة،  رفعت ايدي بادلتة الحضن .. توني انتبـه اني اسبوعين مـااشوفة

.. يعني 14 يوم،  اگابل حياطين الغرفة

همس: احبج ..

: صخـر، ؟

- عيـونة !!

سـحُاب:- راح اشتاقلك..

بـاس راسي ورد كـال: چـاا انا من هسة مشتاگ ..

صاحو الولد وطلع وياهم، صفنت الشعو يوصلني متأخر،  عزة اني شلون بية

شنو شلون بيج، شبيج انتِ .. صدك شبية اني

من اجت هالحنيـة يربي..

هو يروح السبت،  والخميس عيد ميلادة

واكفة وياهن بالمطبخ،  اليوم الشعة برة سوو حيدر وزنوبة، همبرگر،  واني بتـول نگلي وياهم نواشف .. دخل صخر ايديه بجيبة

تقرب ودخل يمي للمطبخ الـحار

: سحابة،  صعدي بدلي دا نروح للبستان ..

رفعت حاجبي مصدومة:- هسة ؟

:اي ينـور عيني هسة،  صعدي طلقة قبل ما تظلم ..وخل زينب وبتـول هم يصعدن ويـاج

: وياهو يسوي عشة للحجية وباجي ..

صخر:- هسة من نرجع نجيب ويانة من برة..

بعد وكت للعشة ..

سـحُاب:- عفتة ورحت لزينب وبتـول

: يلا بنات،  صعدوا بدلوا.. صخر راح يطلعنا

كالت زينب:- وين اودي جهالي اني؟

سـحُاب:- يم حيدر ..

زينب:  يا حيدر عيني،  ارجع الگاهم بالحمام

..

سـحُاب :- وانتِ يلا صعدي بتول ..

بتـول:- باجر عندي فيزياء،  ويادوب الحگ

امشي روحي مني ..

.سـحُاب.. صدكك تحجن انتنّ؟ يعني شنو اروح وحدي ..

زينب:- فرصة واجتج، طلعي فرفري وحدكم

شكو نابصتنة وياكُم ..

يلا كبالي صعدي يلاا،  بدلي ونزلي ترى ما بقى بس ساعة وتصير ليل ..

كتلة وصعدت ابدل .. بسرعة بسرعة

كلت بالسيارة نفتر،  بس لبست ستريج جوة الدشداشة وجواريب ثـخان وخليت عبيتي على راسي ونزلت ..

لكيتة بالسيارة كاعد،  بس صعدت باوع الي مبتسم كال:- يبـاا حياج الله ..

: الله يحيك ..

اردف وهـو يسوق ..

: كَلَيتي يبـوي؟ 

سـحُاب:- لا مو شفتهم بعدهم ..

صخـر:- انزل اجيب الج شي تاكلي بين منوصل ..

سـحُاب:- لا لا .. من جنت فوك اكلت نمنمات

مجوعانة هواي ..

: چـاا عافيات يبعد هلي ..

ظل يسوق وكل شوي يصد وجهو علية

يبتسم ويكمل سواقة .. عيونة تحجي فرحتة

اردف .. سحابة،  هاج هذا اكو برنامج بي هي اغنية وحدة،  طلعيها دنسمعها ..

: اخذتة من ايده، دخلت على البرنامج طلعت اغنية لحسـام الرسام .. ''راح اكتب احبك ''

ابتسمت وسحبت اواكس وربطتة بالجهاز

بلش يغني،  وصخر نشك حلگة بس ساكت ويستمع .. واني هم مدري شجاني شتخفيت

وهذا يصيح '' ابوس واحضن بكيفي ''

يعمود استر علينا واسكت ..

وصل لشمهد .. علاه صخر هواي

رااح اللغي لكلبي. ، كلبي مااحتاج

واخلي صورتك انت بمكانة .. والـيسالني عنك

ما اكول بعيد،  اكولة بصدري واتنفس حناانة ..

واول عيني ما تغمض، تجيني بالحلم تركض

وابـوس واحضن بكيفي،  اموتك غير اذا ترفض..

صخر :- ايييي والله يحسام، جنك تدري شنهي الـ بالگلب ..

سـحُاب:- وصلنا لبداية طريق، نزل هو

سالتة:  نتمشى ؟!

:اييي يبوي،  يلا قبل ما يصير الليل ..

سـحُاب:- بدينا نتمشى واني البرد اكل عظامي وصرت ما احس لا بأيد ولا برجل

مشينة شوي،  وبدينا ندخل ببداية البستان

جنة مو بستان ..

: الله،  شكد حلوة ..

باوع عليه بضحكة وكال:  مثل عيونج ..

ظلينا نمشي والمناظر تخبل،  الشجر والنخل

والبستان مرتب حيل ..

دخلنا بحديقة دانگعُد،  صاحت مرة بصوت عالي ...

- ياهـو انتو ..

سـحُاب:- صديت وجهي، واشوف مرة جبيرة

التجاعيد تارسة ملامحهة .. ولافة عبايتهة

على بطنها .. ولابسة سواد بـسواد

كال صخر وهو يتبسم :- هذا اني حجية ..

كالت هي:- ياهو انت ولك، كرب هين داشرف

زوين .. عبن ما شوفن

ضحك وتقدم بأتجاهة .. بس كرب لعدها

بدت علامات الاستغراب تختفي من وجهة

ضحكت وكالت

: هـاا ولك يصويخر .. شعندك هين اليـوم ..

رد عليها:- چايب مريتي حجية ..

الحجية:- وينها ما جاي اعاين عدل،  خل تكرب مني .. داشوفها مرة .. صخلة

ضحك واشرلي اجي يمهم .. شافتني وابتسمت وردت حجت وي صخر

: ولك صويخر.. بالله انت ثور ما تخاف

جايب هاي الغزالة لهينا .. بنصاص الليالي شني .. طالع تكـو* بيهة ولك ..

ضحك وكال:- رحم الله والديج .. الغزالة ضايجة وطلبت من الثـور يطلعها ..

الحجية:- اهـاا، چـا كلي من اولتها

.. غزالتنة، كريصة برد لا تروح تكفخج

شلج بطلعات الكحـا* بنص الليل ..

رديت بضحكة:- هو كال امشي.. وصح باردة

..

عقجت ملامحها وكالت:  يـاااع يصويخر

.. هالبت بغدادية .. وتتبغدد عليك يمكرود

رد عليها بحسرة:- اييييـه،  على كليبي مثل العسل. ..

الحجية:- عبنك ثوررر .. .. لا تفر بيهة هنيا يصخير .. الليل برد وهي هاكداتهة

خربت ضحك على سوالفهة .. جنها بيبي بس بيهة حيل،  على الرغم مبينة اكبر منها ..

كملنا مشينا وهو يسولف :- هاي اكو مسجد بنهاية الـبستان .. هي مرة صاحبة ..

وكل ما نجي هنا، تكعد تستلمنة تصنيف

ياهو الي ما تحبة .. هاي عود اني تحبني وهيج سوت بية ..

ضحكت وكتلة:- بس حيل حبـابة ..

شافني اتراجف سألني

صخر: بردانة يبوي. ؟

: هـاا .. لا زينة

- يـا زينة،  شفافج زرگن ..

نزع قمصلتة كبل حجيت بفزع

: لااا لااا .. محاجة دفية .. وانت شلون تبقى بالقميص ..

صخر:- مرتاح اني مالج شغل بية

نزع القمصلة وخلاها عليه فوك العباية

همس وهو يضحك:- شهالحسن يبوي

.. حيرة، انت لو الشمس تطلعون ..

داتشوفيهة شلون بدت تغيب ..

هزيت راسي واردفت:-هسة يطلع الكمر ويضربك بوري،.. ويروح كل هالغرل هباء منثورًا ..

ضحك وهز راسة بدلالة ' ما منج جارة '

شبجت ايدي بين ايديه .. وحضنت ذراعة .. ابستم هو .. باس راسي وضحك

احب شكلة

وجسمة .. وحواجبة .. وخشمة القلم ..

هذا كلو وين جان عني .. عالنص الطريق احتاجيت  حمـام .. وظليت مستحية

احجي لو ما احجي .. خل احجي

لا لا .. اخر شي اردفت

: صخر محتاجة حمـام ..

رد باهتمام:- هسة يا تعبي .. وصلنا يم المسجد اكو حمامات نسائية ..

مشينة والحمـام صاير بنص الزرع

والهوسة .. وشوي بعيد عن البستان

كال هو:  يلا دخلي .. منتظرج هنـا

هزيت راسي ودخلت .. اول ما طلعت مديت راسي مالگيتة يم البـاب ..

صحت بصوت عالي:- صخر .. صخر ..وينك؟

لا رد .. فريت لورى الحمـام كلت يمكن واكف هناك .. والله وافر واشـوف جلب اسود

من هذن الكبار .. خال كبالة مدري شنو كاعد

.. كبل نبح بوجهي .. صرخت ووكعت

كمت بسرعة اركض .. لان شفتة يركض وراي

صديت وجهي واني اركض واحاول اكتم صراخي اخاف من صخر .. بس عيوني كمت ما اشوف بيهن من الدموع .. وهم جان بعدة يركض وراي .. ولا بقى بية حيل اركض

هسة شجاني ما رجعت للحمـام وقفلت الباب

.. حتى نفس ما بقى عندي،  ولا حيل اكمل ركض .. مدري وين رحت،  صار قريب مني

بديت اركض  بمسافة ما مزروعة .. ..

وبيهة كومة حجار كبار ..ومن الركض لت ظلت عباية ولا شال .. ظليت بخلگ الدشداشة .. عثرت بوحدة ووكعت على رگبي .. روحي شاغت وركبتي احسها تشككت .. الوجع اكلني اكل ..

شفتة يتقرب عليه .. ويلهث ولسانة برة حلگة

.. منظرة ترس روحي خوف .. وكلت هاي اخر لحظات عمري خلص .. راح اروح شهيدة جلب

صرخت باعلى ما عندي من صوت

: لاااا ياربي ..

غمضت عيوني .. حسيت بلسانة على رجلي

صرخت : لاااا لاااااااا .. الحگونيييي

من حلاة روحي .. رفستة بالظل عندي من قوة وحيل .. نبحح بوجهي بصوت عالي وراح .. ايدي تشككت .. وركبي تحركني

واحس ما بقى عندي صوت .. ما بية اكوم من مكاني .. عيوني من الدمع غوشت

شفتة من بعيد .. يتقدم هو ووياه رجال

عافة واجاني يركض .. من شفتة روحي صارت بي .. صرت اناشغ من البجي ..

كل ما يتقدم يتبين الي ملامح وجهة..

الي حيستهن ممحيات .. وجهة اصفر

والقلق باين بعيونة ..

شالني من الگاع ( الارض)  من ذراعي

سندت جسمي على صدرة .. لان رجلي ما احس بيهة ..

اخذ وجهي بين ايديه .. بوسط ملامحة الضايعة .. ونفسـه السريع

وصدرة الي يعتلي وينزل بسبب الركض

همس وبعيونة القلق:  شجرالج يا تعبي

وينج .. شنو الي صار وياج

بچيت واني اتذكر الموقف .. ضميت روحي بصدرة وصرت اناشغ .. مسد على راسي

وكال .. سودة بوجهي ابوية انتِ .. بية ولا بيج ..

تركني وسحب العباية .. الي جانت بنص التراب.. نفظهة وخلاها على راسي ..

سندي على جتفة ومشة بية .. وهو يردد

: كلة مني .. كلة

واحنة نمشي .. سمعت صوت رجال كال

: ها بوية صخر محتاج شي..

.. لا سلامتك عمي .. بس بطل مي( ماء)

اذا متصير ..

الحجي :- لا رحمة وليدي .. جا خوش

انطرني بنص البستان ..

وصلنا لنفس المكان الي ردنة نكعد بي

كعدني وكعد يمي .. اجة رجال كام

هو اخذ البطل منة ورجع ..

اخذتة شربت مي .. سحبة هو ترس چف ايديه مي .. وغسل وجهي

شمر البطل وسحب راسي لصدرة

وهمس:  هدي يبوي لا تخافين يمج اني..

اخذ ايدي .. وظل يناظر لچفها المشكك

رفع چفها لشفافة وباسهة

اردف :- توجعج .. بية ولا بيج يا كل راحتي ..

..يلا نروح ترتاحين بالبيت ..

هزيت راسي بأي .. سندني على جسمة ومشينـة للسيارة ..

ومن وصلنا استملونة .. شكو وشبيكم

وكل ظنهم  مد ايدة عليه ..

كال الهم هو:- لا يابة .. ركض وراها جلب وركعت .. جانت ساعة 7 المغرب ..

صعدت انام لان جسمي يون عليه ..

صعد يمي كال:- كومي نزعي هذا الستريج

وتعالي اعقم رجلج .. راح تظل تأذيج

هزيت راسي بـلا بخوف ..

همس بصوت حنين :- يلا ابوية انتِ..

كمت بخجل .. نزعت الستريج..

لكيتة ديطلع الگطن والكحول من الملحق

مال كنتور ..

اخذ بايدي للجرباية .. نزل يم ركبي

وبلش يعقم بيهة .. ولزكهة اخر شي بلاصق جروح ..

رفع رجلي على الجرباية .. ذب الگطن

واجة لمني بحضنة .. شكد جنت موجوعة

بس حيل احب حنانة ..

كعدت الصبح ما لگيتة يمي .. مكانة دافي

حضنت مخدتة .. اجيت ارجع انام

بس لكيتها ساعة 10:00 الصبح

كمت غسلت وجهي ونزلت .. اسمع صوتهم بغرفة بيبي كاعدين وصوت ستكاين وخواشيك

.. توجهت يمهم بالغرفة .. توهم بادين ريوك

والولد ماكو ..

مروة:- يا صباح الخير .. شلون صرتي يمة

: بخير الحمد لله ..

كالت بيبي:- ليش يمة شمالج ..

زينب:- يا بيبي .. مو البارحة اخذهة صخر للبستان .. راكض وراهة جلب واكعة

بيبي ;-يبوييي سودة بوجهي ييمة

تقدمت يمهـة .. بست راسهة

: لا حجية .. اسم الله عليج . ما بية شي وعيونج ..

زينب:- اكلي دام الصمون والجاي حارات ..

بس كلمت المطبخ .. صعدت كلبت الغرفة

رتبتها .. وكنست ومسحت الاخشاب

واني طويلة .. صعدت على الجرباية نظفت

البنكة .. ونزلت الثربات غسلتهن ..

مدري منين اجت الندراة

.. تحمست ومسحت الطابق الفوك

غسلت الملابس .. واحس بعد عندي طاقة

نزلت لكيت البنات بالمطبخ يسولفن ..

اردفت اني:- بتول عندج شي؟

: لا ما اداوم باجر .. ليش

سـحُاب:- هسة انتظري .. وانت زنوب؟

زينب: - شعندي قابل .. نورة نايمة

ونوري يم ابن عامر يلعب .. ليش

سـحُاب:- نسوي حملة على البيت ?

زينب:- ولج انتِ .. مو رجلج؟!

سـحُاب:-صرت احسن .. ها بيجن حيل..

بتـول:- اذا انت ما بيج شي .. ما عندي شي كومي..

زينب:- چاا اخذني وياجن ..

دخلت باجي مروة وكالت

: ها شبيجن يمة ..

سـحُاب:- مادري باجي ..نزلت علية ندراة

واريد اسوي حملة ..

مروة:- اي بعد انتن امهات البيت .. اني حيلي نهد يادوب اطبخ ..

سـحُاب:- عد عييناجج

بلشنا سوية .. غسلنا المغاسل بالقاصر

ونظفنا غرفة بيبي .. وغرفة باجي هم

والهول هم سحبنة التخم .. وسويت السيراميك. جلف بالسيم لحد ما طلع لونة

وصلنـة للصالة .. هنا الضيم ..

التخم حيل جبير وضخم .. من هذا الملكي

الي تلعب روحي منة .. عكس الي بالهول تخم عادي وخفيف وحلو ..

بالكوة تلاثتنة جرينة وحدة .. والثانية هم هيج.. شلنة الزوالي لان خفاف .. حتى نجلف الگاع فد مرة ..

بس سحبنا .. صعدت درج وسويت الحايط

وجلف لحد مـا ايدي وكفت ..

نكعت الگاع ورشيت زاهي مواعين ..

واخذت المكناسة اليدوية ام العودة

واجلف بالگاع من كل كلبي ..

ولابسة نعال (مكرم القارئ) الوردي مال حمام.. ما حسيت شلون رجلي زلگت بالزاهي

والوگعة صارت على ضهري خليت ايدي تحت ظهري حفاظا عليه وصرخت

الحكينييي يمة ..

حسيت صوت طگة صارت بأيدي ..

صرخت باعلى صوتي موجوعة ..

اجن البنات وباجي يركضن .. واني اصرخ موجوعة .. يحاولن وياي ما اكدر

واسمع بيبي تصرخ بباب الصالة

: ولكم شبيهة البنت .. تعالي مريوة

خابري صخر خل يجي يلحگها للبت

ردت باجي وهي تشيل بية وي البنات ..

: ما بيهة شي يمة .. وكعة شوي وتصحى

ماكو شي لا يظل بالج ..

الحجية:- ولج يمريوة البت جاي تصرخ

.. جبيبها لعندي يا ما بيهة شي

سـحُاب:- احس ايدي خدرت وما احس بشي

بس بلش الوجع شوي شوي .. واحس روحي بدت تطلع .. ما بية خلوني على التخم

شوي اسكت وشوي ابجي ..

كلت الهن اخذني يم بيبي .. ظل بالهة

بطلاع الروح يلا وصلت للغرفة

كل ظني ما بية شي .. وجع شوي ويروح

خلوني يم بيبي على الجرباية واحاجيها

واطمنها:  مـا بية شي وعيونج شوي ويروح الوجع ..

الحجية:- يا ما بيج شي يمة .. دخابروا خل يجي صخير .. وعلي لو يدري بيج

لا يسوي الطريق خطوتين .. خابري يمة

سـحُاب:- لا بيبي طريق يخوف عوفي ما بية شي..

جابت باجي مسكنات الآم ..تهيد شوي

وساعة تموتني وجع .. اخر شي من الوجع

صرخت باعلى صوتي .. اضطروا يخابرون عليه ..

متت من الوجع .. ساعد ايدي ما احس بأي

شي بي .. بس نغزات اكلت كلبي

وحرارة تطلع من وجهي وكل جسمي

تمنين الموت .. شوي وسمعنا صوت الخبصة مال هورنات مالـتة .. اردفت باجي

سترك يا ربي ..

دخل مفزوع يدور وجهي بينهم ..

كعد يم راسي وهمس ..

: شبيك يا عيوني ونظرهة ..حاجوني شجاها

ردت باجي:  ولك يمة كالت نشطة اريد اسوي حملة .. وزلگت ..

وجهة احمر ددم .. صرخ بصوت عالي

: عبايتهة بسرعة ..

بتـول:- بس كال عباية .. ركضت طلعت عباتي ..وخليتها بأيدة ..

شمرهة علية .. وتقدم شالهة لصدرة

وهمس يم اذنها ..

: لزمي عدل يبوي ..

جنت قريبة منهم حيل .. معاني وجهة ما تتفسر .. وزاد العصبية مالتة .. بجيهة وونينهة

ركضت وراهم .. وباجي لحگتني .. شمرها بحضني ورة .. وصعد يسوق بكل سرعتـة

وعينة عليها .. والحاجب مرفوع والوجـه ما يكصو السيف .. ما حجة ولا كلمة طول الطريق

بس وصلنا للمستشفى .. اخذها ودخل يركض وياهو الي يطخ بي بالغلط .. يزفة زف

هرج المستشفى بعياطـة .. يريد كلها تركض وراه .. اشرولة على قسم الكسور ..

اول مـا دخل وشافة ولد كاعد

صرخ .. وينكم رحمة لمحمد

تقدم الدكتور يسال سـحُاب.. تقدم دفعة

وصرخ .. امشي صيح طبيبة بسرعة

الدكتور طلع يدردم .. دخلت بنوتة

تركض.. لزمت ايدها وسالت

- الدكتورة :- شنو الي صار وياهة؟

صخر:- وكعت على ايدهة .. استعجلي شوي روحي فرفحت .. خر* **** على هيج مستشفيات زبالة .. صار ساعة اصرخ ..

ردت وهي تحاول تهدي:- اهدأ اخي

بس انطيني مجال .. رفعت ايدها وسوت بيها حركة .. كبل صرخت سـحُاب..

هزت راسهة واردفت:  عيني هذا خلع مرفق جزئي .. ونكدر نرجع العظم بمكانة بس لازم شخص متدرب .. لان اي غلط ممكن يسبب بتلف الانسجة .. وتروح ايدهة . يعني لازم دكتور ..

بتـول ;-عيونة صارت براسة ..

صرخ بوجهة:- صيحي للشفية فظيني ..

اول ما طلعت .. سبحهة لصدرة ويهدي بيهة

دخل الدكتور .. وظل يحجي وي سـحُاب

وصخر يلوب بالغرفة ..

اخر شي كال الدكتور .. محتاج شخص يساعدني .. ويلزم المريضة .

تقدم صخر وحجة بنترة ويا:-

شوي شوي عليهة ..

وجهة صار اصفر من الخوف كالت

; ما اريد فدوة

. سحبهة لحضنة واردف ;- اني يمج ليش

كل هالخوف ابوية انتِ ..

قربت شفافهة لاذنة وهمست بدموع

:- اخاف اصرخ ..

رد هو بأهتمام:  صرخي ابوية انت

عادي ..

مد الهة ذراعة .. بس لزم ايدهة الدكتور صرخت .. ما اهتم الهة وكمل

صرخت وسحبت ايد صخر .. وعضتهة بقوة

خطية عصر عيونة موجوع بس ما سحب ايديه منها ..

مرة مرتين .. بالثالثة خلص

كال الدكتور :- الحمدالله على سلامتها جبرهة الهة. وطلع

ظلت تصرخ بوجع وتبجي ..

سحبهة بحضنة يسكت بيها

لحد ما روحها  خرطت بين ايديه

كالت الممرضة :- ما بيها شي

لا تخافون .. هاي ما استحملت الوجع

نومها صخر على الجرباية .. وظل يلوب

وكل شوي يلوم باجي وهي خطية

ما فتحت حلكها بحرف ..

صحصحت شوي .. احذناهة ورجعنة للبيت

خلاها يم الحجية .. وغطاها

حيدر :- ها شلونهة؟

صخر ;- احسن الحمد لله .. بدل ملابسك وتعال نكمل الصالة .. التخم ثكيل والبنات ما يكدرون الة ..

حيدر:- بشرفكك؟

صخر:  حيدر اصعد لا .. والله اطلع ضيم كلبي بيك ..

بتول:- خطية صعد يدردم .. حاولنة ويا

اني وزينب .. ما قبل كال انتن بلشن بالعشة

وفعلا نزل حيدر ضايج .. مثل الجنة من رجلها كتلها لان ما تقبل تنضف تالي تنزل كالكرتة .. غسلو الصالة .. ورجعوا التخم

وفرشوا الزوالي .. وكل هذا ويمشي ويزرل بحيدر .. نسمع بس عيطة

وكلمة : عدل لا اطيح حظكك ..

وحيدر يرد عليه .. ترى صرت اب ما يصير هيج ..

يرد عليه .. كملت .. يلا اشتغل عدل ..

وحيدر يشيل بروحة ويرگعهة ..

بليل يالله كعدت .. وهو مكابلهة وكاعد

لا قبل يتعشي .. ولا يبدل ..

شوي وصعدهة وصعد فوك ..

سـحُاب:- فتحت عيوني .. لكيتة لامني بحضنة .. اريد اتذكر شبية .. بس عيني صارت على ايدي المجبرة .. تذكرت

بس حس عليه كام يفرك بعيونة

همس:- شلون صرتي يا تعبي ..

حجيت بتعب:- الحمد لله احسن شوي..

: كلبي وكف عليج .. يلا كوم نغسل

سندت جسمي عليه بتعب .. ومشة بية للحمام .. سحب الخاولي من ورة الباب

وكفني على المغسلة وصار يدفي المي

ومميل راسة لوجهي .. ومبتسم

اخذ الصابونة وسوة وغف بين ايديه

ومسح بوجهي .. شال مي بجف ايديه

وقرب راسي من المغسلة وغسل وغف الصابون

كال:- تفرشين سنانج؟

هزيت راسي بـ(اي) ..

سحب فرشة الاسنان .. وصار يفرش

والابتسامة ما فاركت وجهة ..

بس طلعنا كال:- تنرلين نتريك .. لو اصعدة هنا..

: لا .. بيبي بالهة يمي ادري .. خل ننزل

صخر:- صار ..

سحب الشـال وخلاه على راسي ..

نزلنا جوة .. استلمني حيدر

حيدر:- ها يابة .. يكلك حمرة ..بشرفج سـحُاب بالنص .. اخوج حافي منتف

هههههه .. شجاج يحظي

حيدر وصار احد بلسانـه بعد ..

مرت 3 ايام .. محد بيهم قصر وياي بالاخص صخر .. كل شي بية يريدة صاير

وشايلة هم لدوامة ..

تقريبا 3 ايام ورحت شلت الجبيرة..

لان خلع جزئي ما يحتاج يطول

وبلش

كاعد اعدل الملابس .. قريت تاريخ على التلفزيون .. عزة مابقي شي لعيد ميلادة

نزلت جوة اركض للبنات .. اخذتهن بغرفة باجي واردفت: اريد منجن تساعدني

اريد اجيب لصخر هدية وما اعرف شنو اجيب

حجت زينب بضحكة:- حاليا هو ميريد شي بس يريدج صاحية ..

سـحُاب:- لا جد زنوبة .. شلون هسة ..

كامت كعدت يمي ..

زينب:- انت هديتة سـحُاب..

رديت بغباء:  هـاا؟

زينب: - اني وانتِ ندري .. صخر بعدة ما متقرب منج ..

جلت صوتها وسالتني

: انت تحبي سحاب؟ 

• يتبع ...

اليوم البـارت طويل ..

تعبت حيل بي .. لهذا طلبي منكم شغلتين

النجمة .. وتعليقات بين الفقرات

حتى قصتكم تصير ترند ..

(500) "تعليق و (200) نجمة "

افرح من اشوف عدد جبير يريد البارت

واعدادا جبيرة تدخل تكول مريم نريد بارت

لهذا تفاعلكم يحفزني اكتب .. كلامكم

وحيل اشتاق لجمال حروفكم

رأيكم بالبارت. ..

وشنو توقعاتكم .. 😉😉

جايتكم احداث اقوى

البـارت الرابع والثلاثون

بقلمـي مريم علاء

ومدري ليـش اتمايزك وردة گرُنفل

اتيـه روحي بريحتك واحتار من ياصفحة اشمك..

من جمعني وياك .. من شدني وي طولك

طعمك بية .. وصرت حلوك

ومرك...

ولنهة ما بالغبـشة , غبشة بغير عينك

خاف اترز بيك حد گطع النفس ..

وازهك .. واضرك

خاف تطشر ولك وشلون اللمك ..

زينب: - اني وانتِ ندري .. صخر بعدة ما متقرب منج ..

جلت صوتها وسالتني

: انت تحبي سحاب؟ 

سـحُاب:- رديت بدون تفكير

لا ..

زينب :- وداعة جهالي .. مو بس تحبي

لا تعشگيي بعد..

بلعت ريگي بخجل :- شمدريج أنتِ ..

زينب :- شوفي اكلج شي .. ترى الي يحب واضح كل شي بعيونة.. والدليل هسة انت تحوصين تريدين تصعدين للغرفة..

غمضت عيوني .. واحاول اضبط انفاسي

ودگات كلبي .. الي احس بصوتهن صار ينسمع

: منو كال الكم هذا حُـب ..

زينب :-  چـا شنو يمة .. ليش تخليني اعد واصف.. احجيلي شنو الي صار وجاي يصير

هديت نفسي وسحبت الطبلية اكعد عليها

: اني مو احـبة .. بس تعودت عليه ، اضوج من هو ماكو بالبيت .. وأحس اليوم يفرغ اذا مو صوتة وهو يتحارش بية

لو مشيتة.. لو من يعيل بحيدر

تعودت عليه بنات .. بحيث من هسة شايلة هم الدوام ..

اهتمامة .. هواي اطباع عافهن لخاطري

كتلة نبدي من جديد وبدينة من الصفر

بعد ما جنة اني ويا مثل الحية والبطنج

صخر مو نفسة القديم .. بس خايفة اغلط

ويتغير.. ويبطل صخر الي اني تعودت عليه

خايفة يكسرني.. ما اريد احبة

تقدمت يمي زينب بكل هدوء .. وأخذتني لحضنهة واردفت

: سـحُاب.. كلنا بينا اطباع سيئة .. وكلنا من نعصب نفقد السيطرة على نفسنة

.. شحال لو صخر .. الي جابهة من عمر

١٤ سنة شغل .. شي عمالة ..شي فرن صمون

.. شي بنجرجي.. شي يصير اب لاخوانة

شال حمل .. عمج بكبرة ما شالة

شنو شاف من شبابة.. عمرة راح يطخ الثلاثين

ولحد الان .. اشوفة يضحك قليل ..

من جنة نلعب هو جان يساعد باجي

أخذ دور عمي .. وصار هو الجبير

وجان يحلم .. ووصل لحلمة

ودخل الجامعة الي يريدها .. على الرغم هو ما جان عندة مجال يدرس ..

ملابس العيد هو يروح وياهم

.. مصروفهم عليه .. هو سوة من حيدر رجال

ويكدر يعتمد على نفسة

اليوم حيدر يشوف بي مثلة الاعلى

.. جيتي أنتِ .. رجعتي ذاك المراهق

رجع يلبس ويكشخ.. صار من يرجع يكعد ويانة

مو كبل يصعد لغرفتة .. بلش يختلط

وياكل ويانة.. كل هذا تغير بي ..

صخر الي وياج .. نولد وي جيتج

سـحُاب:- بعدني اخاف منة ..

زينب :- بشرفج .. حلگي وكع وعيوني غورگت

تالي ما فاد.. كومي منيييي..

زين شنو احساسج.. ترى كل هذا الي كلتي يوحي انج تحبي ..

ابتسمت ورديت بثقة ..

: يمكن اي .. ويمكن لا ، هو شنو الحب زينب

تحسين بالمقابل .. ويكون هذا الشخص مبادلك هالمشاعر بثقة .. انت لو تشوفين من مركزة واحجي ويا بموضوع مهم

وأصد الكاه صافن بوجهي.. شايفة من عندج عگدة بالعلاگة وصعب تنفتح ..نفس هاي العگدة احسها يمة تنفتح وبالي يصفى

ويجني ذاك الشعور ، الي ما جنت احس بي قبل .. من يحجي كلامة الحلو

بطني احس بيها تزقزق.. ولووية قوية

وكلبي يدك سريع.. نهاية كل هالكلام

يومي مو حلو بدونه

زينب.. يولي كل هذا ما تحبي .. عوزج بس تغتصبي بعد

سـحُاب.. هسة شسوي !!؟

زينب.. خليهة علية .. بس مستعدة تكونين هديتـة بيوم ميلادة..

عقجت حاجبي .. شنو يعني !!

زينب :- يعني.. يولي الگاع محظورة وخيتج بعدهة زغيرة.. يعـني مستعدة تكونين زوجتة

شرعا وحبا وروحا !!

رديت بخجل :- هـاا ..

غمضت عيوني .. ورديت

اي ..

هلهلت زينب باعلى صوت ..

: يول اي هيج فرحينة.. وفرحي خطية

صار ساعة لساني وگع واني احجي معاناته

بقى بس السوك.. نروح اني وياج

سـحُاب:- شلون .. ميقبل نطلع

زينب :- هاي خليها على باجي ..

سـحُاب.. عفتهم وصعدت .. لسوجي حبيبي

الدرج ما يخلص .. التفكير اكل راسي

شوكت حبيتة .. بعد كل ذلك الكره

منو جان يتوقع.. چا شبي جان بس يكفخ بية

ربي اكتب الي بي الخير النـة .. واترس كلوبنة فرح وراحة

فتحت باب الغرفة .. لگيتة كاعد على التخم

وعلى رجلة الابتوب.. ومركز بالشغل ..

من سمع صوتي .. رفع عيونة مبتسم

كال بصوت هادئ

: هلا بتعـبي .. وينج عني حنيت !

وكفت كبالة ورديت :- يم البنات نسولف

..

اشر بأيديهم على المكان الي يمة

: تعاي هين.. داشمج

تقدمت يمـه .. اول ما كعدت سحبني لصدرة

وهمس يم اذني :- يولي شوو كل يوم تحلوي

ترى كلبي رهيف انـة ..

ابتسمت بخجل .. ترك چف ايدي

ورفعها .. سحب الكماشة من شعري

ونثرة بأيديهم على ضهري

.. سحب خصلات منة .. وصار يشم بيهم بكل ما عندي من نفس

للحظة حسيت راح انشفط

غمضت عيوني .. وأحس أطرافي جمدت

مشة خشمة على خدي ..

وطبع بوسة على خدي .. كمت اريد أطفر من يمة .. سحبني قوي من بطني وردني لمكاني

همس بأذني .. يولي بيج ريحة من الجنة

ليش شمة منج تسكرني !!؟

بلعت ريگي بخوف وخجل ..

جر حسرة جبيرة .. ورد كال

: يول رفعي عيونج بعيني ..

.. اخـاف ..

همس .. ليش !؟

.. عيونك تخوف ..

: شوفيني عيونج سـُحاب ..

... مـاا

سحبني لحضنة وصد وجهي بأطراف أصابعة

.. يمة تخوف تموووت .. گبل غمضت عيوني

حسيت تقرب من وجهي حيل .. همس

: ياتعب روحِي الأحبه .

-ومِثل عيونِچ الحِلوات ما شايف .

تلبگت وأحس بخوف

:- نعست صخر ..

ضحك بصوت عالي .. يمة شكد حلو شكلة من يضحك .. مسح على شواربـه وكال

: يلا كومي ننـام

سحب ايدي .. شمر التشيرت على التخم

.. بقى بس بالفانيلة .. اني شلون بالي متعود على برد روسيا

..مدد قبلي وسحبني لحضنو..أخذ وجهي براحة ايديـه .. ومعاني وجهة تغيرت

شلون الي مگزگز .. باسني قوي بخدي

وبس سحب وجهي .  جر حسرة قوية

وكال بصوت شبـه عالي

: اني شلون بحسنج يالله..

.. هو هيج يمعود ..

صخر :- شسوي .. غير احبج يبوي

نطيته ضهري ونمت .. لان اذا على صخر نظل للصبح .. اول ما صديت وجهي عنة

دحس وجهة برگبتي .. جسمي كزبر

كال بصوت ذايب . .

:- هالمُكان .. موطني .

بي ريحة وطن .. وهنا احس بروحي مرتاح

..

: ليش شبي العراق .. مقصر بشي وياك !؟

ضرب بخفة ايدة على راسي..

: يولي انت مال عزل انت .. نامي يابة نامي

كركرت من الضحك ..

صخر : يا وكتي وكُل سواليفي ..

ثاني يوم العصر .. كاعدة يم بيبي بصف الصوبة , كاعدين نلگط بالخضرة

كل ما أشلع الورقة من عود النبتة

تصرخ بية وتگول : مو هجي يغبرة

..

يمعودة ليش مو هيج .. تكلي مو طيبة

ريحة الصوبة النفطية تارسة البيت ودوم فوگاها قوري الچاي .. والتلفزيون الي بالمطبخ

دوم مفتوح على قناة .. عبد الباسط عبد الصمد.. وكلها من ينفتح التلفزيون تسكت لان بيبي ما تقبل أحد يحجي وي القرآن

زينب تغسل المواعين .. وبتـول بدت وي باجي يحضرن بالعشاء .. الأجواء هدوء بيها نومة

والولد برى بالطرمة .. يصلحون بهالماطور

الاگشر. جانت امنيتي اجي لبيت جدو والكة المـاطور هذا يشتغل ، من جنت سادس ابتدائي هنا .. هو موجود

وكل ما افوت للبيت .. الاگي لو صخر لو حيدر يشتغلون بي ..

تذكرت هالموقف قبل ٤ سنوات

جنت كاعدة انظف وي امي المطبخ.. ببـيتنا القديم .. وكل شوي تعيط بينا ..

كـريمة .. ولج تشتغلين عدل لو شلون

سحيبة ..

سحاب:- داتشغل شبيج يا يمة

كريـمة :- هذا الي جوة الدگمة .  جلف اريد عدل . لحتى تخلصين وتنشفين الگاع

اردفت بتعب .. ليش أن شاء الله.. كل هذا واشتغل بعد !؟

كـريمة .. اختج راح تسوي المغاسل ..

سحاب:- بـس !! يعني اني نظفت الحياطين

وعزلت ومسحت.. وغلست وحتى بنكات سويت .. وهي بس الحمامات ..

كريمـة .. اي غيـر أنتِ .. طويلتنا يا امي..

سحاب:- لا بربـج .. ونبي تعبت يمة

كريمـة .. يلا فضيني .,,

سحاب:- زين ياهو جاي .. بس فهميني إذا خطابة حتى اشتغل من كلبي ..

دنكـت تشيل النعال ( مكرم القارئ)

وشمرتة عليه .. وكالت

: بنت الـ****.. بكد زري وتدورين رجال ..

مسحت وجهي من المي الي ترس وجهي من النعال .. ورديت بثقـة

: چـاا شون يمة .. غير هم سر الحياة

هو إذا اسمر ومدوحس .. وعندو كفشة

ايباااخ صدك اكمل نص ديني ..

دنكت تشـيل الثاني.. طفـرت للحـمام

مالكيت الماسحة.. صرخت بصـوتي الأنثوي

: يماااااااااااااا ...

ردت بانزعاج.. وغمااااا ..

.. بعد عيني أنتِ .. الماسحة ماكو ..

درت: شوفيها عدل يغبرة .. موجودة يمج

هذا لو رجال جان شفتي عدل ..

سحاب:- هاي شبيج حجية .. خليج فرش

وسبورت .. ليش تصيرين نفسية

كـريمة :- دچيبي الماسحة وتعالي .. يگرة عيني ..

.. رجعت للحـمام .. هم ماكو

طلعت راسي ورديت صرخت بصوت الي ينگط أنوثة..

يمااااااااا ..

كريمة :-خايب وصمااااا

سحـُاب :- وداعة حسن الي بحياتي ما حلفت بي صدك .. ماكو

صرخت .. ولج واذا اجي والگاهة ؟؟

رديت عليها :- لا دقيقة .. اني اخاف من هذا التهديد..

رديت للحمام لدورها عدل .. دورت عدل

لان اذا اجت ولگتها .. تمسح البيت بية

هم ماكو .. رديت صرخت

: ماكو ينور عيـني ..

اسمعها بس تصرخ. . اجيتج بنت الاوادم اجيت .. شكيت بروحي لان ادري بس تجي

راح تصير كدامي ..

دخلت وبـايت على ملامحها الغضب

كالت : هي ماسحة .. سويتها علم الذرة

شبيج انت مدكوليلي !؟

ظلت تدور بالـ10 دقائق وماكو ، فرت الحمام اربع مرات .. حتى بسلة الزبل ( مكرم القارئ)

دورت وهم ماكو

اخر شي تجت روحها على المغسلة

وضربت على راسها واردفت

: يـاا .. تذكرت ,ابن عمج  ذاك اليوم مسح الباب وكسرهة..

فتحـت حلگي وحجيت بحرگة كلب

: صدك تحجين  !!؟

كريمـة .. اي والله.. دلبسي عباتج وروحي

لبيت جدج جيبي ماسحتهم

سحـُاب:- يعني مطلعتني .. بعز هالضهرية

علمود ماسحة !!

كريـمة :- يلا يا امي لا تشلعين گلبي.. روحي بالعجل وتعالي .. هسة تلاكين البنات بالمطبخ

اخذيها وتعالي بسرعة

ظلينا نداهر اني وياها ، وبلشت مالتها المعزوفة .. الي هي حجايات كل ام

كريمـة:- لو مخلفة جلاب ولا هل بنات

هم جان غزر بيهم التعب .. انتن شابعاتني قهر

.. خطية هي بتـول حتى صوت ما آلهة

بالبيت .. بس دام امي عصبت .. ها هي

حتى الي يفوت من يم البيت مشمول بالحجي

ظلت تحجي .. لحد ما حسيت روحي عاق

وعار وبنت حرام .. كمت جيت اطلع هيج

بس تذكرت هو موجود .. لازم اللبس العباية

سحبتها من باب المطبخ بعصبية وخليتها بأهمال على راسي .. توجهت لبيت جدي

ادعي عليه . . طفلة بعدني شنو عباية

والله حرام .. شنو ذنبي اللبس شي ما قانعة بي.. مأكول بس حسبي الله

اللهي كون تحصرك.. عطسة كلش قوية

وما تعطسها ياصخر .. وكون تمشي وتفوت بخشمك ذبانة وما تطلع .  مثل هذا الي مدري شسمة .. نمرود مدري مكرود

لا خطية اخاف يصير عندة جهال

.. وطبة طوب.. محد كلة يدخل بشي مو ملكة ولا يخصة

كل شوي واكعة من راسي .. اني شال ومن توفى بابا يلا لبست .. امشي وبالي بالعباية

وما حسيت غير بشي يخترق النعال ودخل بچعب رجلي .. روحي شاغت

اباوع نهاية بطل كزاز كلها فايتة بچعب رجلي

ومنظرها مرعب .. جيت اصرخ بس تذكرت اني وين .. اخاف هذا يجي يكتلني

روحي شاغت .. وعيوني بدت تغوش من البجي.. ضهر هندس ماكو ولا واحد بالشارع

كمت كوة امشي على تگ رجل

وبيت جدو صار بعيد حيل .. حلگي ينطق يا علي يا ابو الأيتام ساعدني

وأحس روحي جاي تطلع من الوجع

ما صدكت شلون وصلت للـباب ..شمرت روحي عليه وفتحتة بقوة .. ما سمعت بس صوت واحد كال ..

: اخخخخخخ نعلعلا ابليسـك ..

طلع من ورة البـاب صخر .. يريد يهد

مبين مظروب براسة .. وبأيدة درنفيس

بس شفتة وكعت بالكاع وصرخت

: الحكنييييي رااح اموت مروتكك

ذب كل شي من أيديه.. وتقدم يمي يكومني من الباب .. بس لزم ايدي وكفت على رجلي صرخت ..

.. ماكدرررر .. ماكدرررر عفية راح اموت

تلبك .. صرخ بصوت عالي ..

صخر:- چـاا جلبي عدل تاشيلج

رديت مفزوعة:- لاااا .. بس خليني اتجّي روحي على جتفك

عكد حاجبة وبدون ولا كلمة.سحبني من ايدي

وبلش يماشيني لحد ما وصلنا للحديقة

كعدت على الكرسي .. ودموعي ما وگفت

طلعت على صوتي زينب وزهراء

صرخت زينب .. يا شبيج يدادة!؟

عاط بيها صخر:- بلا سوال .. بسرعة دخلي جيبي بطل مي وشاش عالسريع

زينب .. صار خوية صار..

رفع رجلي على كيف .. يريد يسحبها

صرخت .. لاااا عفية لاا

خليها برجلي عادي ..

رد بعصبية :ولج شلووون ؟

سحاب:- فدوة على كيفك .. مروتككك ربي

اردفت زهراء الي جانت واكفة فوك راسنة

: وليش  انت تسوي.. صيح حيدر يجي يعالجهة

عاط بيها بأعلى صوت .. دخلي جوووة

بسرعة.. لا تظلين تمظ**** .. بسرعة

دخلي جيبي الي وصيتكم علية

هزت ايديها ودخلت.. جيت اسحب رجلي

خزرني .. بجيت بقوة

رفع ايديه .. مسح دموعي وهمس بحنية

:هسة أبوية أنتِ .. بس اصبري علية

انت لا تباوعين عليها وركزي بعيوني

سويت مثل ما كال .. بس عيونة تخوف

بجيت اقوى .. وصرخت

: رااح اموت فدواتككك

ظل يلوب .. والبنات مدري وين صارن

بس طلعت زينب .. سحب بطل المي

غسل الدم .. وسحبها بسرعة

صرخت بوجع .. وعيوني كامت توجعني

صخر :- خلصنة عيني انتِ ..

لفهة بالشـاش .. وخلاها بالگاع وكال

: هذا هو .. كلمنة بعدها توجعج ؟

سحاب:- احسن شوي  .اني كذب . احس داتگطع من الوجع بس نظرات زهراء تخوف ..

باوعت عليه بطرف عينها وكالت

: أنتِ شالج وين !؟

سحاب:- انتبهت.. العباية ماكو على راسي

.. باوع عليه باب البيت .. راح اخذها ونفظهة

وخلاهة على راسي ..

كال صخر :- شجاج متكوليلي !

رديت عليه واني اتناشغ بسبب البجي

: مادري .. جنت اعدل بالعباية .. ودخلت برجلي..

..صخر :- انتبهي بعد أبوية أنتِ ..

دخلت زينب تنافخ.. كال هو

: بـس شلون .. ركعة على راسي حصلت

رديت خجلانة من تصرفي

: مادري والله.. من وجع رجلي مادري انت ورا البـاب ..

ضحك وكال :- يلا ولا يهمج .  ورفع ايدي

ومسد على مؤخرة راسة بوجع

ضحكت واني الدمع بعيني ..

سأل هو .. صدك على شنو جنتي جاية !؟

سحاب:- امي دزتني اجيب الماسحة

..

صخر:- خابريني اني اجي .. لا تطلعين بعد خوش !؟

هويت راسي بأي بدون رد

كال :- كومي دخلي يم الحجية

هزيت راسي نافية : لا عفية .. يظل بالهـة يمي..

صخر:- كومي اوصلج لعـد ..

(رجوع للحاظر اخوان )

فززني من تفكيري صوت زينب

.. سحاب .. ولج سحيبة وينج

كمت من مكاني.. لكيتهة لأزمة نوري

كالت :- عفية بس تعالي لزمي هذا لا يروح

للكهرباء .. بس اصعد اجيب الهم العدة من فوك..

سحبت نوري منها.. وتوجهت للحديقة

سحبت الكرسي وخليتة يمي اناغي بي

وعيني عليهم .. رفع راسة .. باوع علية

ورجع يشتغل.. شوي ورجع شالة ابتسم الي ونزلة..

لابس بس الفانيلة.. ما يتوب الى يوكع بفلاونزة.. تخلي بعد حتى الجواريب ما ينزعهة

أفدي هالطول.. يروحلك فدوة عمي المجعمر

انتبه آلة حيدر .. رفع حاجبة

وكال بضجر: عيني روميو .. مو وقتك هسة

راح اموت من البرد .. بلا زحمة عليك بالك وياي ..

ضربة على راسة بخفة ايديه .  وكال بعصبية

: انت وعثمان.. ازبل ناس طلعوا بحياتي

..

خربت ضحك .. خزرني هو لان بالشارع

ندكت البـاب .. فتحهة هو ومـظ راسة

: هلا عموو. هلا فوتي يابة ..

دخلت بنت تطلع بگد اخوي حسن .. أو اكبر

بس صغيرة وناعمة حيل.. وذيج الضفاير الشگر الحلوات .. والعيون الزرك الي تخبل

كلها رحبت بيها .. وجنهم يعرفوها

باوع عليه صخر وكال

..هاي سـحاب مرتي عمو.. سحابة هاي بنت جيرانة ابو عيسى  .. فـُلة

.. ابتسمت بوجهة.. هلا حبيبتي ..

رفعت حاجبهة وكالت : هلا بيج

.. اي عمو وين خالة !؟

رد عليها بابتسامة: جوة حبيبتي .. ادخلي يمهة...

دخلت البيت ..سحبت نوري وطبيت وراها

شفتهم شلون استقبلوها .. حيل حلوة هي

بيبي تبوس بيهة .. واني وبتـول مثل الهـبلات

تلاوه بدون منفهم شي ..

اخر شي عرفت من زينب .. هاي بنت رجال نازح من شمال العراق .. وانقتل على يد الدواعش.. فصخر تحمل مسؤوليتهم

توني بلشت اقلي البتيتة.. دخلت هي علية

واردفت بنترة: اكلج أنتِ .. خالة مروة تصيحج

هزيت راسي بأي مستغربة تصرفاتهة

: عيوني باجي ..

مروة :- سالمة عيونج يمة .. ردت منج تشوفين صور عرسكم لفُلة ..

- تمام.. اخذتها من ايدهة وصعدت للـغرفة

سحبت الالبوم من الكنتور .  وكعدت يمها

بلشت اسولف وياهة بعفوية عن المواقف الي صارت ويانة ..

صديت وجهي عليهة .. معاني وجهة تخوف حيل .. عيونها صارت حمر

كالت بصوت مبحوح: ليش اخذتي مني ..

وانت بشنو احلى مني حتى هيج يحبج

فتحت عيوني بكبرها..استرسلت بكلامها

..

انت اخذتي عمو صخر مني .. حقيرة

الله لا يعافيج .. أن شاء الله ينحرك كلبج

مثل ما حرگتي كلبي يا كلبة

سمعي لج .. بعدي عن عمو وخلي يكرهج

لا والله اذبحج سمعتييي..

رديت وكلبي وكف من الخوف

: شتحجين انتِ ..

فـُلة :- انت بسببج عمو .. عافني وگام ميجي

لبيتنة هواي .. انت الي رفض حبي الة

لخاطر تصيرين زوجتة

بس لعلمج صخر الي بس اني.. وبس الموت ياخذة مني سمعتي

.. تحجي وتبجي بحرگة كلب

العيون ورمن .. ونظراتها ترعبني ..

اخذت الالبوم مني .. وشمرتة قوي بالگاع

وطمتني وطلعت. ...

ظلينا صافنة .. خايفة وأحس صدمة كبيرة

ضربت دماغي .. شلت الالبوم من الگاع وطلعت

اشتغل وي البنات.. بس بالي مو عندي

وتفكيري بهل طفلة .. شنو تحبة، شنو رفضها

احس راسي راح ينفجر

فززني من صفنتي صوت زينب

: شبيج سحاب أنتِ وين !؟

- سحاب:- هـاا !

زينب :- صخر صار هواي يكلج ناوشيني كلاص المي الي يمج ..

.. رفعت عيوني .. شفتة صافن و مركز بملامح وجهي ومستغرب .. والحاجب معگود

نطيتة كلاص المي .. ورديت وكفت بمكاني

شرب هو كلاص المي .. تقدم ناحيتي

وهمس :- صاعد اني .. تعالي وراي .

كملت شغلي بسرعة ..وصعدت لكيتة

واكفة بنص الغرفة وصافن ..

بس دخلت .. سحبني عليه

وسأل بحدية: شبيج سحاب !؟

بالي مشتت جاوبتة بتعلثم..

: ما بية شي ..

رد بعصبية :- شنو الي ما بيج .. جيتي تحركين روحج.. وساعة أصيح عليج وانت ماكو رد ..

بلعت ريگي بخوف :- ما بية شي شبيك !؟

صخر:- أحد حجة وياج شي !؟

هويت راسي نافية ..

قربني لحضنة وكال:- شبيج لعد ينور عيني

..

خفت الي صار يكبر .. حجيت بتردد

: بس ما تفهمني غلط !؟

- صخر :- وعيونج ما افهم غلط .. احجيها عاد !!

: صخر الطفلة الي اجت اليوم

.. وحجيت الو الموقف ..

صفن بوجهي .. مسح وجهة واستغفر

وبينن على ملامحة الانزعاج

..

رد كال :- انت تدريني شكد احبج ..بدون ما احجي ..

هزيت راسي بـأي ..

استرسل بكلامـه وكال

:- جان ويانة ناس هواي نازحين.. هواي گدرنا نساعدهم.. هواي لا بيهم الي مات وبيهم الي ظل عايش .. بيهم الي لحد هسة ما نعرف أخباره .. هناك جان رجال

تعودت عليه .. يجي يجب اكل .. يوم يجي

يصلي عندنا ويجب شغلات النـة

حيل طيب جان .. الله أخذ أمانته

وحنا ما اعرف بس بنتة .. الي هي فـُلة

قررت اساعدهم.. جبتهم لهنـا ..

دبرت بيت قريب علية الهم .. زوجتة انسانة ذهب .. نسخة منة جانت

ماكدرت اعوفهم .. بين فترة وفترة اروح اشوفهم واطمن عليهم ..

الظاهر هذا جان مبين عند الطفلة غير شي

وبيوم جنت رايح آلهم

جلبت بية لان رايح الدوام..جانت بوكتها

منطقة شغلي خطرة .. توسلت بية ابقى

اخر شي كالت عمو اني احبك ..

كل ضني حب فطري

كلت آلهة .. اني هم احبج بنيتي

كالت لا عمو اني مو بنيتك .. اني احبك جد

مو أبوية لا. . اني احبك انت صخر

ضجت منها ورحت دوامي بدون ما احجي وياهة وثگلت وجهي عليها ..

رجعت تعذرت مني وكالت عمو اسفة

وبعد ما اعيدها..

وصار فترة مقصر وياهم.. واخاف اروح وهم ينعاد الموقف.. على رت ادز الفلوس بأيد الولد

شي مرة حيدر .. شي مرة حاتم

وهسة صدمتني بتصرفها هذا ..

عمرها صغير على هذه السوالف ..

سحاب:- لا تأذيها صخر .. بعدهي طفلة

ابتسم وحضن وجهي بچف ايديه

وكال:- وعيونج ما سوي شي.. بس احجي وياهة.. اليوم نروح اني وياج , ناخذها ونحجي وياهة بالتفاهم..

هويت راسي بـأي .. كرصني من خدي وادرف

: احبج .. شحَجت عيونكّ لـ گِلبي وهيچَ حبيتكٌ ؟ .

ضحكت:- مادري ..

صخر:- توضي وتعالي دا نصلي الغروب

سبقني هو ودخل توضى

كعدت على الجرباية .. شفتة فرش السجادة ووكفت يصلي .. باوع علية ورفع حاحبة

: يلا وينج ..

- شنو!؟

صخر:- كومي توضي أبوية انتِ ..وتعالي نصلي..

- مو كلت تخلص واصلي وراك..

صخر:- لا كومي هسة وياي..

احب اصد وجهي والگايج بأيزارج وراي

واسبح واكول سبحان الله الي خلقج

وزرع حبج بكلبي..

كمت توضيت.. لگيتة فارش  السجادة

.. لسبت الايزار.. وكفت ورا

منظرة قشعر بدني .. احب شكلة

من يوكف على السجادة

كملت قبلة .. بس كمل صد وجهي بأيدة السبحة كال

:- تقبل الله عمري..

ابتسمت ورديت:- يتقبل الله اعمالك..

صخر :- يلا عيوني .. كومي بدلي

كملت بسرعة.. وطلعت ورا ، محد قبل يجي ويانة .. توجهنا لبيتهم الي حيل قريب من بيتنة.. نزلت قبلة دكيت الباب فتحت الباب بنية .. حرام من شفتها شكيت بروحي بنية مثلها .  ذاك الحسن الي يرد العافية واهلهة

كالت :- تفضلي !!

: اني زوجة صخر ..

.. رحبت بية .. وجانت حبابة بشكل

كالت .. صيحي لصخر.. داخلة اللبس النقاب

صحتة دخل مبتسم كبل كتلة

: شنيييي صخر تخبل حيل حلوة ..

ضحك وكال:- ما شايفهة ..

سـحُاب:- يعني هي اول ما شفتهة منقبة !?

: ايي ..

طلعت هي:- هلا خوية صخر .. مية هلا

شلونك اخبارك! !

: على الله خيتي انت شلونج!

: بعز الخير .. كاطع علينا يخوي اخاف زعلانك بشي؟

صخر:- لا يخيتي .. ما منج قصور،  بس هذا الدوام والدنيا، تعرفين انت بعد

- الله يساعدك يخوي ..

صخر:- لعد وين الجهال !؟

- فلة نقرة .. وسما نايمة .. وعيسى نايم

صخر :- جا بلا أمر عليج .. خل فلة تبدل وتجي ناخذها ويانة مشوار

اذا ما يصير عندج مانع..

- لا يخوية شهل حجي .. بنتك هي قابل غريب عنها انت..

صخر: يحفظج الله..

دخلت تصيح .. فلة ماما فلة .. عمج صخر ينده عليج برى ..

طلعت النة .. من شافتني نصدمت. .

تقربت من صخر وكالت

: صحتني عمو !؟

: اي يبعد عمج .. روحي بدلي تانطلع

..صار عمو ..

سحاب:- دخلت تركض.. شوي وطلعت لابسة عباية مثلي .. بس طالعة آية من الجمال

لفت حجابهة.. عيونها ..دورة الوجـه ..بياضهة

كل شي بيها حلو ,,

كالت

: حلوة عمو !؟

ابتسم بوجهة ورد :- حيل حلوة ..

توجهنا للسيارة .. وبس وصلنا للمطعم

طلبنا اكل وبلش صخر يحجي وياهة

صخر:- عمو فـُلة .. انت تعتبريتي مثل المرحوم ابوج . وانت كبرتي وصرتي مرة

وما راح تضوجين مني ..

سمعي بنيتي .. اني اليوم صرت رجال متزوج

وهاي الي كبالك .. الوحيدة الي حبيتها

وعايش حياتي .. وانت اكيد تتمنين الي الخير

وتفرحين لفرحتي ..واني فرحتي وي هالانسانة

اريد منج ننسى كل شي .. وتطوير الصفحة القديمة ونبدي اني وياج من الصفر

هزت راسها وكالت :- عموو .. مقدرة هذا الشي وفرحانة لفرحك ولمعة عيونك من تحجي بسحاب.. والي صار قبل مجرد مشاعر مراهقة

وصدكني عمو هسة اني احبك مثل بابا .

ابتسم ورجع ضهرة للخلف :- بطلة بنيتي

هاي فـُلة الي اعرفها

سحاب:- بلشنا بالاكل .. وعيني ما فترگتها

ولا جنها ذيج الحجت وياي بالغرفة

بس كمل صخر الجاي .. كال

: انطروني هنا .. اجيب الاكل واجي

بس راح ابتسمت بوجهة.. رفعت هي حاجبهة

وتقدمت على الميز بعد ما جانت راجية ضهرهة على الكرسي

فـُلة :- لا عبالج هالخريط الي كلتة صح ، شي واحد يخليني اعوف صخر .. الموت ،

يا اني .. يا هوَ

..رجف كلبي من نبرتها المرعبة

بس اجة صخر رجعت نفس ما هي ..

ذبيناهة ورجعنة للبيت ..

حاولت ما اشغل بالي وياهة .  بس الحذر واجب..

ثاني يوم باجي كالت لصخر نروح للسوك

بالبداية عارض.. بعدين اقتنع من كالت آلة

: سحاب تريد ملابس داخلية ..وتسحتي تطلب منك..

اول ما صعدنا .. حصرني ورة الباب وكال

: يولي أنة اروح .. ونختار اني وياج

- يووو صخر .، عيب صاير كلش انت

ثاني يوم رحنة للسوك.. اخذتلة كلادة بحرفي

فضة وحيل حلوة ..

رجعنا للبيت.. وصينا كيك .. وهذا كلة هو

ما يدري .. قبل ميلادة بيوم سافر للبصرة

أخذني للحفافة.. وحف حف لحد ما احس جلدي طلع لونة الصدك ..

ومن رجعنا .. كفينة البيت بسرعة

ولزمني شيرة ويهلسن بية لحد ما روحي طلعت ..

بليلتها ما بات خابر باجي كال راجع ..

كالت زينب : بسرعة صعدي نامي

حرامات يشوفج ويروح كل شغلنة

سويت مثل ما گالت .. صعدت نمت

حسيت عليه من دخل ، صاح سحاب

ما كعدت.. سحبني لحضنة وهمس

: نايمة گمري !؟ نوم الهنا .. بس صحصحي

وياي باجر هم اطلع للبصرة لا يظل بالج

ثاني يوم كعدت .. ما قبلن البنات انظف

صليت المغرب والعشاء .. وبلشنا نزين الغرفة

جابت زينب الزينة مال عيد ميلاد نوري

للـ9 يلا خلصنة .. كبل دخلت سبحت

وكفت زينب تمكيج الي وشسورت شعري

حارت شتسوي تسريحة.

اخر شي سحبت شعري .. فرگتة وضفرت

منا ومنا .. ظلت تحجي

: زعطوطة أنتِ .. صدك تحجين ؟

: وعيونج حلو .. هو يعجبة كل شي ..

كملنا كل شي والرجفة من كلبي ما راحت..

كل شوي اريد ابجي من الخوف ..

لـ ١١ونص وهو ماكو .. بزعت وطلبت وكلبت وجهي ..

ساعة11:44.. سمعت صوت سيارته

احس كلبي رجفتة تتعالى.. عيوني دمعت

عبالك شو شكو

شعور بصدري خوف .. وفرح احس اخر ايامي

لبست ثوب قديفة بنفسجي حيل حلو

ورسمة صدر الفستان حيل حلوة

عدلت نفسي وكفت يم الميز الي ترسنة

البنات وي الكيك هواي كرزات وسوالف سزز

نفتحت باب الغرفة ودخل .. بأيدة السويج والسلاح وتليفونة..

بس شافني ابتسم ورفع حاجبة بصدمة

واردف بصوت هادئ

صخر :رجعتني أمشي و أغني إمسودن يگولون عني .

•يتبع ...

النجمة لا تنسوهة⭐⭐⭐⭐

واحبكم .. واعتذر عن التأخير..

البـارت الخـامس والثلاثون ..

بقلمـي مريم علاء ❤️

صخر ..

دليـني عليك سنين تايه بيك

امشـي وياي ادورك خاطر اندلك

عرفني على شخصك رايد احجي وياك

بـس كلمة وبعد ما غيرها اندلك

وحدة من الثنين. ووحدة راح اختار

لـو كلك احبك لو احبك كلك

اسال ليش احبك!  حتى اكلك ليش

وليش شما تسوي وياي اقبلك

لحضة موت عمري سنيني كلهن خوف

وبس وياك ءامن لمن اوصلك

وانت اخر نفس وشكد عزيز تصير

وبلحضة الموت تريدنا نملك

خيط على الجرح بالحم صرت وياي

لو كل الجروح تطيب ما فلك

تعرف كل شي بية وماعرفت شبيك

لعز كلك لعز من يكدر يحلك

.....

صخر:-رجعتني أمشي و أغني إمسودن يگولون عني .

سحـُاب:- ابتسمت فرحانة بكلامة‏

شُمر سويج السيارة وتليفونة وكل شي بأيده على ميزتواليت ، وفتح اول ٣ دگم من قميصو

تقدم بخطوات بطيئة وعيونة اسولف قبل حلگةاول ما صار عندي ؛ سحب ضفايري بأيدووكال :- شني هالگصايب  الحلوات ..

ضحكت بخجل ونزلت راسي

رد همس يم اذني :- هذا الي !؟

رديت بأنزعاج :- لا لـعمي ..

ضحك وكال:- يول ما مصدك .. شعجب

ضربتة على صدرة بخفة ايدي

: والله مو ضوجك .. كوم خل ننـام ..

رد بفزع :- لا يولو كل شي ولا نوم هاليلة

أبتسم ورد كال :- منين هذا الحسن..

يول أنا كلبي رهيف ، وما يستحمل كل هذا..

قربت نفسي منة شوي .. ورفعت ايدي احتضنتة

وغمضت عيوني .. وكلبي احسو راح يطلع

اردفت وانا أضم راسي لصدرة ..

رفعت نفسي وخذيت العلبة من الطبلة

طلعت السلسلة من العلبة ورفعت نفسي لرگبتو

وأرجف رجف من الخوف  ؛ نزل هو راسة

وياي بس شاف حرفي ابتسم وعيونة لمعت

ما بعدت عنو' قربت نفسي من اذنة وهمستلـه

: انـا احبك ..

عم الصمت لمدة زينة .. قريبة جنت من صدرة واسمع دكات كلبة ، من كثر ما قوية.. وصار يتنفس

سريـع .. جسمي قشعر من ردة فعلـه

ايدو انتقلت من ضهري لكتفي, رفعني من صدرة

تقرب من اذني وكال :- يولو لو تعيديها بعد مرة ، لو تكرصيني..

ردّ كال بـلهفة ..اعشگج أنا يا تعبي أنتِ

.. اباوع عيونو تلمـع والضحكة تارسـة شفافةضحكت ورفعت ايدي وكرصتة خفيف من صدرة

.. عقج وجهو ، ضحك بصوت عالي وأخذني بين احضانة .. بسرعة رديت حضنتة ، مدري منين اجتني المستحة.. اسمع بس صوت ضحكتة العالية

كال هو:- نطفي الكيك !؟

هزيت راسي بـأي ، تقدم للكيك وبس شاف شنو مكتوب عليها أبتسم ..

: اليوم شكو .. شو حلو حيل .

( كل عام وانت عيدي ) وانا احبك .. هسة اطك واموت وحگ هو علي ..

- أنا هسة الك وبس ,, احبـك لآخر يوم بعمري

ضمني لصدرة حيل وهمس

:-ياحَلمّ عَاش ويَ روَحيّ ..

سحبني من ايدي للچرباية .. لزمت ايدة قوي قبل ما اروح بيها واردفت ..

:- صخر قبل كل شي .. اريد نسولف .

شمر قميصة بعيد .. كعد على التخم وسحبني بحضنة ..

: سولفي يا كُل ناسي أنتِ..

طكطت كل اصابع ايدي من التوتـر ، تحمحمت

: باوع .. انـا صار فترة بديت احس بشي حلو

كل شي يمك وويـاك صار حلو ، حتى تعودت عليك

وانا مو احجي الك ، لان اريدك تعرف

لا .. لان اريدك تعرف أن أنا بلشت احبك ..وما أريد اخسرك

صخر أنا تعودت عليك بحـياتي ، احلفك

بأغلى ما عندك ، لا تكسر گلبي وتكسرني

انـا من اليوم ملكك وحدك، صخر لا تخذلني

اريد مـن اخاف اجي أضم روحي بحضنك

مو اخاف منك ،تفهـمني !؟ اريدك اماني ومأمني

وتوعدني ما تمد ايدك علية بعـد ..

_ افهمج يا كلي أنتِ .. امانج وسندج وأخذيها مني

ابتسمت بوجهة .. باس راسي بهدوء

كال هوَ :- سحـُابة , توقعي كسرج من الكل إلا مني

انا كل يوم احبج أكثر من الي قبلة ..

رفع اصابع ايدي بالهواء وباس اطراف أصابعي

الي صبغتهم لون وردي فاتـح

:-يا نَظرتك تِسوه ڪُل ذيجَ السُـوالف .

تقرب مني .. وأخذ شفافي بين شفافو

رفعت نفسي لصدرة وأحس بطني تزقزق

وانا ببوسة نسيت شلون امشي.. شلون راح اضبط حياة زوجية ومسوؤلية.. يحظككك بية يصخير

مدري شوكت الملابس صارت  بالگاع .. شوكت صرنا على الجرباية.. اخذني عالم ثاني

حسيت نفسي طايرة.. كل كلمة تخليني احبة اضعاف هذا الحب .. الي يسمع يكول نبالغ

بس هو هيج .. عيوني ثگلت وحسيت بروحي عصفورة بين احضانة .. كلبي يطير من الفرح

وي كل حرف يطلع من حلگة ..

تركيبة عجيبة هالانسان، عبالك اليوم يحبني

مو صـار سنين.. احلى واجمل ايام حياتي هاليلة

جنت صغيرة من اسمع النسوان تكول

هاي الليلة تصير من العمـر ، والإنسان شكد ما كبر ما ينساها.. بالاخص إذا وي انسان تحبة

وكان ما يتحرك أي حركة إذا ميكول

:- احبج.. تعبي أنتِ ، ويـا كل يوم حلو بعمري

يالجنج فجر عمري ، احبج موت اني يبوي

الكلمات مطبوعة ببـالي .. ما حسيت لا بألـم ولا تشنچت ولا صار وياي اي شي .. من الي خوفوني منة .. حنين بشكل جان وياي .

قرب شفافو يم اذني وهمس

:- فجر گلـبي ,, اذيتـج شي !؟

هزيت راسي بـ لا ..قرب مني أكثر وكال

: اليوم من صدك .. صار دمي ودمج واحد ..

ضميت راسي بحضنة بخجـل ..

ضحك هو بصوت عالي ..

:- اموت انا بگليبي الخجول..

ظل يبوس براسي .. اخر شي كال

:كومي نسبح ..

شهگت بصوت عالي وعـطت بي

: عزةةة،  صاير ابد ما تستحـي، شجاك !؟

كال بشقـاوة .. يولو والي سوينا هسة

هذا عادي يعني !؟

: لا بالله فد مرة .. فوت اسبـح يلا داسبح وراك ..

غمز وكال:- عمرج خسارة ولج ..

حديت نظرتي واشرتلو بحاجبي

: فوت يصخير،  لسانك فلت بعـد

دخل للحمـام يكركر من الضحك

شوي وطلع يتراجف.. خربت ضحك عليه

طلع الصوبـة،  شغلها

سحبت ملابسي وركضت للحمـام

واول ما طلعت،  لكيتة كاعد يم الصوبة يتصفح بالجهاز .. بس شافني شمرة يمة

واشر الي اجي يمة ..

توني اكعد بالگاع سحبني بحضنة

صرخت بخـوف .. كلت وگعت على الصوبة

: صدكك تحجي ..؟

- شبيج .. خايف عليك شلون تگعدين بالگاع

وانـا توني ابدي وياج حياتي ..

رفعت حاجبي بشـك:- امممم،  متأكد !?

-وداعة عثمان وحيدر .. اغلى النـاس على كلبي..

سحـب المنشفة مـن شعري،  شمرها يمة

فرز خصلات شعري بين اصابـع ايديـه

حسيت انفاسـه برگبتي .. مشة خشمـه عليها اقشعر جسمي من الخـوف ..

همس:- يبوي انتِ '' ليش هيـج !؟

رديت عليه بتوتـر:- شـنو !!؟

- حلوة هواي،  انـا كلبي ما يتحمل ترى..

سحابة ..انت حلم عمري،  تدرين لو لا !

: امـممم ..

غمضت عيـوني،  واحس خلص معت من الخجل ..

جعـت صخر ..

ضحك بصـوت عالي.. كام مني وراح سحب العلاگة الي جابهة من اجـة

خلاها كبالي وكال

: يـلا اكلي يبوي..

طلعت النساتل وبديت اكل ..

شكد طيبةةة .. احب كل شي يوگع سنوني

اممممممم ..

باوعت لو صافن .. اردفت بحزم

: لا تناظرني هيج .. استحي.

سحبني لصدرة بقوة

.. نترت بي:  يوووي شبيك !!

: يبـت بغداد،  داري هالگلب،  ترى ماكدر وحق ابا الحسن والحسين ..

رديت بثـول:- غير اعرف شسويت .

:- هاي الهمـممم .. بطليها،  لان انة نيتي ماكو اقذر منها .. معاشر عثمان ويـمج الحساب ..

اردفت بـجد:- والله اني هيج،  يعني انت لهجتك تختلف .. ومن وانا صغيرة تعلمت على لغت امي والجيران ..

كال بحنـية:- يول ادري اني ، چا هذا الكلب  ابن الكلب شطيح حظة غير نعوصتج

..

زفرت نفس:- صخـر .. شوكت تلبس ملابس مثل البشر !!

: ما اعرف،  متعود واذا اللبس احتـر ..

- خاف بالك من تلبس هيج .. عود تصير اجنبـي واحبك !؟

ضحك وكال:- جبتج سحل لو ما جبتج !

وكعتج جفي على وجهج لو لا!!

شمني بقـوة .. اردف بهدوء

: عطرج يسطرني يولي .. جنها ريحة الجنة

رفعت راسي باستغراب

:- شني ريحة الجنة .. وين شامهة انت!!

- يولي .. اي شي حلو وطيب نكول من الجنة

من نشوف بينة حلوة نكول نازلة من الجنة

ومن نشـم ريحة طيبة گبل نتوقع من الجنة

لان الجنة، كل شي بيها حلوة

مثلـج يعني .. جَنتـي انتِ ..

ابتسمت بخجل وتحمحمت

:- عادي اسألك بعد لو تدفرني !?

- شعندي غيرج انة،  سولفي نكعد للصبـح

:- باوع،  هو مستحية ..شوية

-صخر:- لا تدقيني، قبل شوية سوينة عمايل

ضربتة على صدرة بخـفة ايدي..

: يلا حغمض عيني وانت احجي

- سحاب:- باوع .. هو ليش البنات يخافون من هالليلة،  وليش يسموهة ليلة العمر !?

وليش تصير لهاليوم رهبة جبيرة ..

سحبني لصدرة العـاري اكثر

وكال:- شوفي يبوي،  بسبب بعض الزبا**

الي بالمجتمع ..والتعصب الديني

والقتل تحت مسمى ''غشاء البكارة''

صار هاليوم رعب على البنت.. بدل ميكون اجمل ايام حياتها .. انت لو تفتحين عقول شبابنة ..راح تلاگين مطي هاكبرة نايم بروسهم ..

واضافا لكل هذا، خوفها يطلع الشخص حيوان ويأيذيها ..سادي يعنـي ..

هو المفروض يسمو حيوان مو سادي

بس يظل مرض نفسي ويستمتع بأذيتها

بعد هو ورجولتة ..

انت شلون جانت ليلتج يحـلوة !?

رديت بخجل:- مثل خشمك ..حلو

دكومي خل نسوي. حرب عالمية ثالثة

انا هتلـر بس عراقي ..

عگدت حاجبي:- شنسوي يعني!?

ضحك وكال:- يول هذا الثـول مايمشي عندي

تقرب من اذني وهمس

:- نسوي الرذيلة يبنـت النـاس ..

- والله عيب عليك ..

:- بالحلال يعينـي انتِ ..

- تونا سبحنة .. ما بية اسبـح بعد

صخر:- صدك جذب ..انـا شكو هناا

..ولا خلاني احجي شي ..فعل فعلتـه

كعدنة الصبـح ..ما سبحت لان بس انزل يستملوني اكس مربـع ..كلت اكمل شغل

اصعد اسبح واصلي ..

نزلت ونزلت وياي الكيكة،  واول ماشافني

استلمنـي .. ما عافني لحـد ما صعدت اصرخ

زينب:- ديج؟  دجـاجة؟

سحاب:- مُطـي ..

زينب:- لا بشرفج بشريني؟

سحاب:- لا ان شاء الله، اسبـوع اسبوعين

واحمل من ابن حماج ..

ضحكت وهلهلت بصوت عالي

..واخيراااا،  مبيـن عليكم وعلي ..

صخر عيونة تلمع، ونزل كلش ريلاكس وفرش

سحاب :- چا شعبالج،  بغمزة اوگع ولد المنطقة ..

......

بتـول:- طلعنا من الدوام، واكفة انتظر حيدر يجي ياخذني..محـد يقبل نرجع وحدنـا ..

طلـعت المعاونة تهز براسها وتباوعلي

تقربـت مني وكالت ..

:-ولج بتول، لشـوكت نظل نركض وراج سبب تلفيونج، امي اخذي ويـاج وطلعي..

بتـول:- اعتذر سـت بس انسـاه

نطيتنا وراحت، اول ما اخذتـة رن التليفون يعلـن وصول مكـُالمة..شفـت المـُتصل حاتـم

رفعـت الخط اجاني صوتـه التعبان ..

- الو بتـول،  وين انتِ !!

-بعدني كبـال المدرسة .. ليش

- خابري حيدر كليلـه لا تجي ،جايج انة انطريني ..

- بتـول:-صايـر شي؟

-حاتـم:- من اجـي احجي الج ..

بس سد الخط اتصلت بحيـدر

كبل كال:-جاي بتول بس اقفل المحـل ..

-لا لا حيدر..لا تـجي حاتم كال انا جايج..

- حيدر:- چا خوش،اذا تأخر عليج اتصلي بية

-بتـول:- تمام..

انتظرتة. شوي وصار يمـي وباين من وجهو

بي شي..ركب بدون ما انطـق حرف

كال هو:- خابري على باجي،كولي الهة اني وي حاتم لا يظل بالكم ..

سالـته بخوف:- وين رايحين احنـة حاتم..

باوعلي صفح وهو ديسـوق كال

:- لا تخافين بتـول ..

سويت مثل ما كال الي ..

وصلنا لمنطقتنا، نزل هو قبـلي وكال

:- نزلي يلا ..

مشينا بأتجاه بيتنة، فتـح الباب وسحبني من ايدي وياه ..خفت بسرعة سحبت ايدي

باوع عليه هو وكال:- شبيج يابة،ما اسوي شي جبتـج نحجي بس ..

:- منين جبت المفاتيح

- كل واحد بينة عندة نسخة ..

دخل وعافني واكفة، دخلت وراه ذبيت الجنطة من ضهري وكعدت بالهول ..

شفتـة راح للمطبخ وتسحب بهدوء

كمت وراه ،كاعد يخدر جاي جديد..

وكف مكابل القوري يخلص .. واني هم سويت هيج ..وكفت صافنة على تصرفاته اليـوم

مدري شجاه ..شنو الصاير ويا !

صـب لروحه صد علي سالني

:- تشربين !?

هزيت راسي بـ لا ..

سحب كلاصة وتوجـه للصالة،  وسحب ايدي وياه .. كعد يشرب جايـه بهدوء..

وبعد هدوء دامـس اردف هـو

:- بتول عندي وياج موضـوع مهم ..

- كول حاتـم ..بيـك شي. !؟

حاتـم:- تعبان بتول،ابوي شد وياي علمود سالفتكم، والبنـت الي احبها متقدم الهة خوش شاب وتكول ماكدر ارفضـه ..

احس روحي مكسور جنح، خايف تروح من ايدي بتولة .. وانة ماكدر اشوفها عند غيري

رديت بهدوء عكس الصراع الي بداخلي

:- ليش تأيس من رحمة اللـه،

- ما مأيس بتول، بس مخنوك تخابرني كل ليلة تبجي وتنوح،  ماكدر بتول ماكدر..

بلعـت ريگي وحاولت اسيطر على نفسي

كتلـه:- شكد تحبهة!?

رد بعـد حسرة تشـك الكلب;- هواي بتول هواااي ..

الحـزن جان واضح على عيونـه،

رجـع كال:- جنت محتاج احجي، لان كلبي خلص من الضيم والتفكير الزايد

ومالكيت غيرج اثـق بي ..

ابتسمت بوجهة متصنعة الابتسامة

همـس بصوت ناصي ..وهو يأشر على رجلي

:-اكدر انـام هنـا !!

هزيت راسي بـ أي .. مديت رجلي

نـام على رجلي وحضن صدرة بأيدة

وغمض عيونـه.. كلبي رجف

شكد تمنيت يصير وياي هالموقف

ان ينـام بحضني واللعب بخصل شـعره

غمضت عيوني بأحكام، لان جيت افقد السيطرة عن التحكم بدموعي الي ردت اطلق العنـان بنزولها ..

شكد تمنيت ينـام على رجلي

انا احبة وهـو يحبني، مو بهذا حالنة

شكد تمنيت المة بحضني بوقت التعب وصعوبة الدنيا، وهو هم يسوي هيج

وبعـد صراع بين قلبي وعقلي

عقلي الي فاز ،اردفـت بصوت راجف..

:- حاتـم اكدر اساعدك بشي ..تسمعني !!

كام من رجلي ،مستغرب سال

:- شلـون ..

- اني احاجي عمي،  اكول الة نفسـخ الخطوبة

واتوسـل بي، وينحل كل شي اذا تطلگنا اني وياك ..

هز راسة بعصبية نـافي الفكرة

:- لا لا، وين اعوفج،اخاف يأذيج بشـي

اردفت انـي:- لا ميكدر، عندي صخر وحيدر

معليك بيـة هسة، المهم تستعجل لا تروح البنت من ايدك ..

رد بعصبية:- ماكدر استغلج عملود نفسي ..

- منو كال الك هذا استغلال، اني هم اريد اتحـرر من سجن الزواج، اني اريد ادرس

وما اريد اللبس حلقة بأيدي واتقيد بتصرفاتي

اريد اتحـرر حاتم، فلتكول هيج. من اسوي هيج مو بـس الك ..صدگني.

بس حجيت هيج، تقرب من وجهي

غمضت عيوني بخوف وارتديت للخـلف

حاوط بطنـي بأيديه وقدمني الة

غمضت عيونـي بخوف، ليش جاي يلعـب باعصابي وبمشـاعري ..

حسيت بوسـة دافية انطبعت على راسي

كال بصـوت منتـهكة الـتعب

:- الله لا يحرمني منـج يا بتـول ..

- كوم يلا رجعنـي للبيت لا يظل بالهم

رجعنـي للبيت، دخلت اتصرف طبيعي

لان سحاب بسرعة تشـك تخطيتهم كلهم ودخلت بسـرعة للغرفـه ..

سحبت ملابس البيت، وطلعت للحـمام بكل ما عندي من سرعة .. اول ما دخلت

بجيت بصوت مكتـوم، كان بودي اصرخ واطلع كل ما بگلبي، بس ماكدر

فتحت الدوش وظليت جواه ابجي

لحد ما حسيت انفاسـي بدت تخلص من التشهك ..

قررت اليـوم بالليل احاجي صخر هـو ياخذني لعمـو ايـهب احجي ويـاه ..

....

سحـاب..

بالليل رجع ..يبسبس ويأشر بعيونة مدري شبي .. توني ابلش بالمواعين

سحبني وصعدني سحـل ..

سد باب الغرفة ونتر بيـة

: حرري القدس بعد ..

- شبيك !?

: تغيرت نبرتـه كال:- اشتاقيت ..

: مگابلتك هاي اني ..شوكت لحگت فهمنيي

صخر:- بيـج كتلة هسة ..سدي حلگج ..

اتذكرت باجر سبت ..عفست وجهي واردفت

:- باجر سبت مـو!

هز راسة بأي ..

علگت روحي برگبتة ..ضجت حيل

همس:- شبيج ابويـة ..

- عفية لا تروح ..

قرب من وجهي حيـل، وركز بعيوني

وكال:- اشـشش ..يمج هسة اني، خلينة نعيش هالكم ساعة باجمل اللحظات ..

وفعلا حسيت بـكل لحظة بيها

كام هـو يسبح وانـا بلشت احظر جنطتة من لا جارة،  ندكت البـاب دخلت بتول

- لعـد وين صخر ..

تقدمت يمها بقلـق اردفت

:- بيج شي !!

- لا ولج، بس عندي موضوع وياه

طلع هو من الحمام،  كال

:- هـلا بتـول، كولي عيوني! !

:- تسلم عيونك، محتاجة منك تاخذنـي لعمو ايهب رايدة منـة شغلة

-صخر:-افـاا انة موجود وتطلبين من عمج ..جا ازيـن هالشوارب انة ..

- لا حشاك خوية، بس هي شغلتي يمة اني ادري بيك ما تقصر ..

ابتسم بوجههة وكال:- تأمرين امر

انة باجر بالدوام، حيدر شوكت ما تحبين ياخدج الة ..

بتـول:- ما تقصـر..

سحاب:-بس طلعت اشرلي صخر اروح وراهة

كلبـي ملچوم منها، عرفت بيهة شي لمـن ظلت خانسـة ..

بـس دخلت وراها كالـت

:-شكو جاية وراي

:-بكيفي،ليش !؟

بتول :-زوجج باجر يروح ..كومي روحي يمة ..

.. احجي بتول ..

بتول.. شحجي !؟

:-شبيج حاجيـني ..

صفنت بقهر واردفـت ؛- اريد انفصل من حاتم ..

:-شحجة وياج الكلب ..

بتول:-ما حجة شي .. بس اني اريد اروح يم ماما .. اريد اكمل دراستي واركز بيها

ما اريد اشغل بالي بغير شي ..

سحاب:-بتول ..حاجيني شصاير

لا تخليـن بالي يمج امي انتِ

..كالت والدمع بعيونـها .. يحبها هواي يحبها سحاب ..

تعلقت بي حيل ..شصار لو صرت نصيبة

ونجمعنا ببيـت واحد ،شصار لو يحبني مثل ما اني احبـة ..

جان عندي استعـداد احارب كل الدنيا علمودة .. اصبر على ضيم امـة

واخوانة وزوجاتهم  ..

والله والله كل شي يهون لعيونـة

سـُحاب..تبجي وتحجي ...ما تنطي لنفسها مجال ..

بس امي انت.. محد يستاهل وعيونج

يجوز رب العالمين كاتب الج حياة احلى وي شخص اطيب منـه واحسن

هذه هي اقدارنا .. مكتوبة النة

والي بيها مصلحة وخير لحياتنا مع ناس فعلا تستحقنا ،شنو فائدة حياتج وانت راح تخليصها ضيم ،ما بين تحبي وما يحبج .. امة ما تحبنة اصلًا

عيشي حياتج .. محد مات ورا احد

اني احبج ..ماما تحبج .. زنوبة باجي

حيدر صخر .. بس صخر حب خوان

كلنا هنا نحبج يولي .. راح الدنيا ما وكفت عليه .. التهي بدراستج ومستقبلج

اتمنى يرجع بيـة الوقت ،وما اكرر غلطي

اريد ارجع ادرس واكمل

مسحت دموعها وحضنتني بقوة

..عساني منحرم منج ابدا ..

سحاب ..عفتها وكمت للغرفة ، عيونها وهي تحجي سلبت روحي ، صعـب الي تمر بي ..

تذكرت ضيم گلبي، هسة هذا شلون بي

زين خل يبطل واني اطلع اشتغل بدل عنو ..شيصير يعنـي ..

اول ما دخلت سحبني لحضنة

همس باذني 

:-يا طاري العشگ وانجاب بين جنود مشتاگين  

رفعت نفسي لخدودة وبستـه

:-سيـدي شكد مطول !!

:-اروح انعل والدين الرائد الي خال كوره من كوري .. هو مدري شبي .انا انسان مسالم ..لا فشار لا غلط لسانـي عسل

..على منو تحجي !!

-افــاا ..

سحـُاب :- وانه بالحب آمنت من انت اجيت..

:-سدي حلگج ..واستري على نفسج

دنيا باردة واحنة كل شوي سابحين .

:-باللـه مو صوجك انت صوجي ..

ضحك بصوت عالي وسحبني لحضنو

:- كل شبر بيج يخصني الية وبـس

..تدرين شنـو،اول مرة احس روحي اريد ارجع سالـم ،واول مرة احب ارجع من الدوام واكعد بغرفتي وارتاح

نمـنا

ما حسيت غير على صوت الاذان

كمت صلينة اني ويا ،رديت مددت بردانة

وكف هو يبدل ،حليـان ابن الحلوة..

احب البدلة مالتة ..وكرشـه العنوني

لزم المشط يريد يمشط شواربـه

مدري ليش اجتني الضحكة،صرت اكركر من الضحك ، خربت لازمـة بطني  واضحك بأعلى صوتي ..

تقدم يخفي ابتسامتة ، شال البطانـية

ودحس روحة ولمنـي بحضنة

كال بحنية:- تضحكين عليه ولـج

..

- ههههه .. ليش ما تخلي شعرك .. حلو بعـد لا تحلقـه ..

:-يول يضوج ..اطلع جني قرد بالشعر ..

:-لا بالله عليك لا تحلقة بعد..

اخذ شفافي بين شفافة بكل هدوء

غمضت عيوني بخجل ، ..

كال:- شلون راح اصبر.. يصير اعوف كليبي واورح يم القـرد عثمان ..

..يـوو صخر لا تحجي على الرجال..

ضحك وكام مني ، سحب الجنطة خلاها على ضهرة .. تقدم باس راسي وكال..

:- ابوية انتِ ،بالج على نفسج ..اكلي زين وعوفي الحملات على البيت .. ارجع وننـظف اني ويـاج ..لخاطري ..

ابتسمت بوجهة:-انت هم ..بالك على نفسك ..

رد هو :- بحضنج  اريد ابقى ماريد الدوام..

باوع يمين يسار .. اخذني لصدرة وشمني حيل.. بست خدة بخجل

شمرت  طاسة المـي وراه

..ودخلت اكمل نومتي يم بتول ..

بتـول ..متوجهين بطريقنا للديوان

طلبت اشوفه وحدنا حتى محد يغثني

وصلنا وجهو مايكصو السيف ..كال بعصبية:-شرايدة يبت حارث !!

بتول:- جيتك اليوم .. محتاجة حنيتك

قبل .. سوالك علينا ،انت ابونا الثاني

ليش تغيرت عمـو !؟

بان على ملامحة الغضب كال بعصبية

:- دخلي بموضوعج يبتيلة ..

بتول:- عمو اني عندي طموح .. عندي هدف حياتي ،عمو اني مو مثل باقي العالم .. اريد ادرس واجتهد..

جيت اكلك اليوم تحررتي من علاقتي بحاتم .. لا اني ولا هو نتوالم

واضافا عمة متحبني .. واني بصراحة بعدني صغيرة .. كل عمري 15 سنة بس

كال ببـرود:-انة ما امشي بكيفكم ..

انا الامر والناهي ..

بتول:-كلامك على راسي عمي ..

وانا ما رايدة منك غير هالشي ..تعبناك احنة هواي ..

كال بصوت حاد:- وانت وي ناوية ..

بتول:-يم امي ببغـداد ..

:- ووجهج ما اريد اشوفو هنا..

: بلـعت ريگي بوجع واردفت

-لا راح اخلصك مني بـعد ..

وافق بعـج توسلات ،شلت جهازي اتصلت بي بفـرح .. ادري بي منتظرني..

وفعلا بس خابرت رد ..

: أبشر بين الـعم ، حظر عمامك داتروح تخطب محبوبتـك ..

بيـن على صوتة الفرح سأل

:-يعني صدك  .. بتول حاجيني...

ضحكت من كلبي ورديت

: وحـق ابا الايتام ..

صرخ بفـرح :- يالله ياكريم .. الحمد لله احمدك اللهي .. انت وين !؟

:- هسة حيدر راح يرجع يأخذني...

:- جايج اني .. خابري كليلة ..

شوي وصل الفرح باين بعيونة

:- عساها دايمة. ..بقى عندي يمك طلب

تاخذني يم ماما ..

عگد حاجبو مستغرب:- ليش..

:- انـا اريد هيج .. معقولة تردلي طلب! ?

: افــاا، بس ليش هالبعـد ..

;-لان احسن حاتم، احسن ..

ايام قليلة وتم طلاقنة، ودعتة وكلبي كلش مرتاح، لكيت ام حضن الحنين ناطرتني

جتت متيها كال حياتي من جنت مو يمهة..

رجعت طفلة من جديـد ..

سحـُاب:- راحت  بتيلة،  وعافتني اتصفن بوجـه اليحاطين، لا ام لا اخت لا اخ

شوكت ننجـمع ونرتاح، هنوب زنوبة حايرة بالجهال .. وباجي وي بيبي بالغرفة نايمات

وصخر ماكو، وين انـطي وجهي اني هسة ..

نزلت بسرعة اخذت جهاز باجي وصعدت اتصلت بيـه، اول دگة رفع الخـط.

صخر:- هلا بروحي انة ..شلونج

:- مو زينة صخر، بتـول راحت وبقيت وحدي..

- خليها سحابة .. هي هاوية الروحة ..

:- مشتاقة لماما وحسن صخر ..

:- اصبري علي يا تعبي انتِ،  ارجع واخذج..

يلا اروح اني، لان عندي شغل، انتظريني باليل اخابرج لا تنامين .. احبج ..

-: واني هم ..

....

كعدت من الصبح نظفت البيت كلو، سويت الغرفة، وزيتب سويت بية العجايب ..

حتى الغدة طبختـة، ماخليت احد يشتغل

اريد بس اكمل، صعدت بسرعة سبحت

نشفت شعري، سحبت سويتر وطلعت بالطرمة انتظرة يجي ..

من ساعة ما كالت باجي .. صخر جاي

مت كعدت .. من مكان لمـكان ..

عدلت الفراش الي على المرجوحة، وكعدت تيلفون باجي بأيدي .. طلعت زينب

:- ولج راح تموتين مـن البرد ..شجاج..

- ابتسمت خجلانة ..هزت راسها بضحكة ودخلت ..

متـت من البرد وهـو ما اجى ..

توني افكر بي .. انفتح البـاب .. دخل والهيبة تشع منة .. احب طولة احب حسنة احب مشيتـه ..كل شي بي يعجبني ..

كمت على حيلي من شفتـه ..كلبي ركض

بس رجلي ثابتة بمكانهة مو 15 يوم

عبالك 15 سنة ..

تقربت منة بخطوات بطيئة حيل مستحية

شمر الجنطة من ضهرة، وفتـح ذراعة

..

شمني حيل .. عدل شالي وكال

:- شلونج ابوية انتِ..

;- مشتاقتلك هواي ..

:- اووووف .. چـاا انا شصاير بحـالي ..

ركز بعيوني وكال

:- خليني ارتوي بيهم، لا تبعديهم عني ..

مرت 3 اشهر من حياتنا هدوء

وكل ظني خلص حياتي راح تكـون سعيدة

مثل المسلسلات الي نشوفهن..والقصص الي نقراهـن ..

لكن الي صار ويانة يـعكس كل هالتخيلات..

بيومها جنة كاعدين ..جت صديقة بيبي

مرة جبير ..اعتقد تعرفوها ..ام محمود الي مرة ردت اروح بيها بسببها

حاطات الكعك ويحشن بهالعالم

عافت العالم وصدت وجهة علية وكالت

:- يول يغيمة مدري شنهي انت .. شني بعدج ما جبت صخير صغيرون؟

:- حجية ما لحگت اكمل سنة

مروة: - بعد وكت يم محمود .. صغيرة والعمر كدامهة ..

ام محمود:- ادري يختي صغيرة .. بس هم تلحك على روحها اذا بيها شي تعالجة

..لا تصير عاگر مثل زهيرة الزگة ..

ذبت هالقنبلة وسلمت وطلعت ..

صفنتني صفنتة ابو صابر ..

وزرعة فكرة الاطفال براسي ..زين اذا طلعت عاقر، هم يعوفني ويتزوج غيري ..

ظلت فكرة توديني وفكـرة تجيبني ..

لحـد ما فاتحتة بالموضوع فكـان رده

:- بعدنا صغار يروحي انت ..عليش هالاستعجال ..بعدنا بأول الطريق ..

:- صخر اني اريد حباب .. لا تردني ..

ظل يصرخ وطلع معصب ..باليل رجع صالحني بس اني كامراة عربية

والنگ يمشي بدمي لازم اطلعها من خمشة

ما سكتت ..وظليت انـگ لحد ما نجبر ياخذني

ومـن رحت كالت:- بنيتي مبايضج صغار انت سالمة كل شي ما بيج ..مجرد منشطات

واذا تحبين نتأكد من زوجج اذا سليم او لا ..

رجعت للبيت ..راسي نسطر من التفكير

احس راسي صدع ..صعدت ما لكيتة بالغرفة لفيت راسب ونمـت ..حسيت ايديه على خصري ..همس بأذني

:- شبيج الحلو ..كالو ضايج ..

كمت وجهي معفوس ..

رديت بثگل .. يمكن ما يصير عندي اطفاا صخر ..

لمني بحضنة وكال ;- ليش هالحجي يبوي

مجرد مبياضج ما يتخصبن شي طبيعي بهيج عمر ليش هالخوف

بعدين واذا ما صار طفل ، انت بنيتي ووليدي وحفيذتي وحبيبتي ..شنو اريد من الله بعد

دفعنة وكمت، غسلت وجهي ورجعت يمة

..زين صخر هي كالت، حتى نتاكد اكثر جيبي زوجج وتعالي ..

باوعلي صفح وبدون اي تفكير كال

: لا ..

جليت نبرة صوتي وسألتة

:- ليش لا

:- كلت لا يعني لا ..

:- اي فهمني ليش لا ..

صرخ بصوت عالي:- كلت لااا يعني لااا محاجة هالغوة الزايدة ..

رديت عليه بنبرة اعلى من صوتة

:- مو بكيفك امشي انيي..

كام على حيلة ولزمني من زند ايدي قوي

:- سحاب صوتج لا تعلي .. واكلان خر* ونعل ما اريد. ..

صرخت بوجهة:- مو بكيفك انا ..مو كل شي يمشي على مزاجك خوش..

عيونة صارت حمر، سحبني قوي وشمرني على الجرباية قوي ..

صرخت بوجع .. رفع ايده يريد يضربني ..

صرخت وضميت راسي بأيدي

ابتعد مني وكسر شكو شي بالغرفة ويصرخ

:- يعني ارجع من الخ**تعبان تتلكيني هيجظ

خر* بهيج عيشة .. ***

برى كسروا البـاب يردوه يفتح ماكو صرخ بيهم

:لحد يتدخل ..طلعو برررى ..

عم هدوء قاتل .. دموعي ما وگفت صح ما ضربني بس الي سوا هسة مو قليل ..

سحب جهازة وكعد كبالي .. لزم راسة بقوة

صعدت عندة اللزوجة ..

كمت اريد اطلع ..ايدي حاوطت بطني

صرخت بي:- عوفنيييي

:- اشششش ..

اخذني للجرباية ..مدد وسحبني لحضنة

.. بجيت من كلبي ..

كال بحنيـة :- اسف والله اسف ..

:- بشنـو تفيد فهمني ..

:- لعـبتي باعصابي ..داشوف وردتي تذبل كبال عيوني والسبب مت يسوى، ربج يرزقنة

لا تايسين من رحمتة ابدا..

اردفت برجفة:- خايفة تعوفني، بعد ما تعلقت بيك ..

تقرب مني اكثر وشمني بقوة وكال

:- انـة اعوفج .. اعوفن ديريتي كلها وما اعوفج .. خلصت عمري انتظر اليوم الي تصيرين بي حلالي بس اني .. تالي تكليلي اعوفج .. لج حتى تفكير اخاف افكر بيها..

باس راسي وعيوني .. وكل شبر بية

كمت منة سحبت بـُطل مي والدواء مالتة

نطيتة بأيده ..ابتسم واخذ اطراف اصابعي باسهن .. وكال

:- احبج انـا ..يالاحن من نفسي علي..

..شكد ما عاركتة ..وازعل،  بس ماكدر

خلص صار تعلوم وي روحي ..لا نوم انام

رجعت ذيج الطفلة الي تدور حنان ابوها

لكيتة بي هو .. نفذ كل وعودة وياي

..وياي فعلا عرفت الحــُب ..

اليوم يلتحق وكالعادة شلت هـم..

والمشكلة مجاي اتعـود .. بكل مرة اشتاق اكثر

وهو من يجي يسوي سوالف ..يخليني من يروح اظل ابجي عليه، 

ودعته كالعادة ورجعت لفراشي..

مرت ايام وكل يوم اتصل بي ونظل

نصلي الفجر '' وننـام ..

بـس قبل اسبوع من نزولة

اتصل بي نهائيا ميرد عليه ..لا جماعته..

من نزلت كلت الهن كال حيدر

:- عادي سحابة ..هاي لو تروح الشبكة

لو ينسى جهازهة بدون شحن ..صارت هواي

تطمنت من شفتهم هيج لا ابالي ..

بس اشتاقيت الة .. ما بطلت احاول اتصل بي

لكن بدون رد ..

الامر مشى عادي لحد مـا تاخر عن موعد نزوله . حيدر يخابر جماعتة بيهم الي موعد نزولهم غير عن موعده ..وبيهم الي مداوم  ويا ظل بالنا اكثر

.غفيت على مخدتي واني احاول احصلة ويجابوني وعلى امل يسويها ..

فزيت الصبح على صوت باجي وهي تكول

بحزن:- انـا لله وانـا اليه راجعون ..

•يتـبع ...

..🙈🙈🙈

حيل هواي اعتذر عن تأخير البـارت

بس. وعيونكم الحلوة عندي خطار

لا عبالكم تهنيت بالعطل ..حرام كضيتها كراب .. فأعذرني حبايب ..

اذا صار الي مجال هذا الاسبوع اعوضكم ببارت مفاجئ عدى البارت المطلوب..

انتظروني .. القادم اجمل 😉🙈😜

تعاي تعـاي حبابة ..وين تريدين تطفرين!!

دوسي على النجمة ولج، قدري تعبي لا اكتلج .. يلا حبابة

همتكم بالتعليقات،  لان اقراها كلها اني

بدون غلط لان صخير يتابع ويانة عيب بنات انتن يشوف كل هذا الغلط منجن

اني مع حرية الرأي لكن ضد السب والغلط

وعندي طلب صغير حيل .. انتو اعدادكم هواي.. اريد كل وحدة بيكم تشارك القصة وي صديقتها ..تنشرها بين بيجات الواتباد

لان القصة حيل مظلومة من حيث التفاعل

😔

وبس والله احبكم ☺️😘

البـارت السـادس والثلاثـون ..

بقلـمي مريـم علاء '

صخر:- بالحسين فلا اسكتلو بعد ..

عثمـان:- ول شمالك انت،  وعلي هسة يفصلك.. وينقلك للموصل اكعد واسكت صخيران ..

صخر:- خب ياكل وحل.. مو هي هيتة

عثمان:- چا انت شعبالك، ترى كلها صعدت بالواسطات .. هو ياهو صعد بزودة غيرك وغيري!؟

يول الزم اعصابك،  هذا مايخاف ..ولا تنسى بيمن مقتدين، وانت قيس ..

رد بعدم لا مُبالاة:- بطي**..

عثمان ;- شفت طي** ،اقصد لسانك وين راح يودينة ..اسكت يمعود..

-صخر:- يول شبيك انت،  عليش خايف

هذا رائد هذا، وين اكو رائد يسكر!!

وين اكو رائد عندو كرش رحمة لجدك؟

عثمان:- ترى هو بس وياك هيج ..

صخر:- طبعا مطلع خياساتة .. والله لو ما انت جان اني من زمان منقل .. عندي استعداد انزل لحدود ايران ولا اجي يم هذا الي وجهة يسد النفـس،  بشـرفي الي يريد يضعف،  لا ريجيم وعذاب

بس يجي يم هذا،  تنسد نفسـه لمدة 7 اشهر ..

عثمان:- لعـد شكد تحبة ..

صخر: هواي ..

صخر:- ثاني يوم وثالث يوم مر علينا طبيعي

لا هو اجة يمي ، ولا اني علت بي

بكل مرة .. واحد يحجي الحق ، أنة استفزة

الشغلة مو بأيدي .. اني الي ابدي

اليـوم الرابع تغدينا وطلعنة ..

اني انزل من الصبح .. هو يجي بعد الفجر

دخل للمشـتمل ..كال

عثمان:- تكسرت وعلي ..

شمر قميصة على وجهي

صخر :- ابن الحلوة .. ريحتك ما خلت حاسة شم علية..

عثمان :- هو بس سبع ساعات لابسة

لعد لو اسمر عليك ابو الـ١٥ ساعة شتسوي!؟

صخر :- اموت غير ، ليش اكو منفذ !؟

عثمان:- بشرفك سويلي هاي الأكلة الي تسويهة ، بيض وبصل وكرفس ..

صخر:- ليش .. طباخ الخلفوك اني .!؟

عثمان:- سوي خير بحياتج .. مرة وحدة !؟

صخر:- عمي خير وياك ما اريدة..

عثمان:- بشرفك جوعان ..حتى اكل ونصلي وونـام ..

صخر:- منك من الشيطان !؟

عثمـان:- امنيتي مرة تحترمني ..

:- شلون احترمك ، وانت حمار !؟

كال بفشلة:- وشبي الحمار .. كائن لطيف ..

صخر:- بس يبقى حمار..

صد وجهة ورفع البطانية غطى وجهة بعصبيةوكال :- انخمد احسن .. ما منك جزة ابن مروة..

:- يا هي خالتك هاي !

:- لا "****

صخر :-شخبار محبوبتك ولك..

عثمان:- بشرفك لا تكول هيج ، احس روحي مكرن..

صخر:- اكل خـر* عزيزي .. وكول شخبار خيتي !؟

صفن وابتسم كال بصوت نعسـان

:- مشتاق آلهة ..

صخر:- يحمار .. ما سألتك شبيك ..كتلك شلونهة ..

عثمان:- مو ذكرتني بيها .. ولك صخر تتذكر من كتلي المحبوب ما ينمل ..

وعفطتلكك .. ونركعت بشحاطة!؟

:- شلون انسى الشحاطة ، اي شبيها !

عثمان:- ما مليت ..هاي صار شكد ٣ سنوات احس ملكت الدنيا .. ماكدر اتعمق أكثر

لان احس روحي مكرن .. بس عاشگها

من اول يوم شفتها وي ابوها ..بالشمال الاكشر.. ما طلعت من بالي

صورتها لحد هسة من اطلع .. اخليها بجيب البنطرون .. كل ما امل واني هنا ..

بس اشوفهة .. لو من تخابرني تكول

شوكت ترجع ..اووووف صخر روحي تنسحل ..اريد اطير واروح يمهة

ولو ما وكفتك وياي .. جان هسة هي مو يمي  و ببـيتي ..

رفع صخر عيونة لفوك بغرور وكال

:- انت بدوني .. بسوگ الغزل ما تمشي ..

عثمان:- رحم الله والديك ..

رفع حاجبـه مستغرب كال

:- عثمانووو .. شني جنك راح تودع

ردك خجلني .. متعود على أخلاقك السزز

..

رد بضحكة:- على كلبك .. اخذك وياي اذا رحت..

صخر:- طيح الله حظك ..

...

صبح الصبح علينا باليوم الـخامس على دوامنة ..

كمت سويت الأكلة هاي الي يحبها.. اجة ويانة  صديقة ويا من ينزل بالمقر

كعدنة ناكل .. احب الريوك وي هالحيوان..

.. خليت الصينية كبالة. . ورجعت اجيب كلاص مي .. اول ما دخلت للمشتمل

لكيتة يبلع اللگمة الي بحلگة بسرعة

كعدت يمة وكفختة قوي على راسة

صرخ بوجع:- هااااي ليش !!؟

صخر:- انتظرني يحمار ..يثـووور

:- اكلك لا يقاوم .. جنة عيون مريتي ..

صخر:- جنك مشتهي الخـ** على الريوك..

عثمان:- لا بشرفك .. خنتريك وراها شتسوي سوي ..

اباوع عليه .. صار. ياكل سريع من سمع تليفونة عالشحن .. يرن ..

كام ويسمح ايديـه بملابسة

صخر:- ولك يالخايس .. ايدك ما غسلتها علمودهة .. إذا طبو علينة د١عش ياخذوني وانت ما تدري ..

سوى حركة اصبرلي بأصبعة

.. من سواها إيست.. لان هاي الحركة وي عثمان ، مثل حركة امي من اختها

تخابر علية.. وتسويها.. يعني تصير حرب عالمية ثالثة يلا اخلص ..

كمت كفيت رداني .. غسلت الصينية..

ورجعت مددت .. شوي وصارت هوشة برة

قبل موعد نزولي للمقر بـساعتين ..

دخل علينا الي ما يسمى.. بدون لا احم ولا دستور .. جيت اكوملة اجة بسرعة عثمان يركض .. كال

:- تفضل سيدي ..

كال هو :- صخر .. تنزل هسة عندنا

شك بسيارة مفخخة .. تروح اوكف يم سيطرة الـمرحوم فلاح .. وانتظر منك الرد على الاسلكي ..

صخر:- بدون اي تفكير .  لبست ملابسي وتوجهت للقاعدة .. ما خايف على روحي

بس تفكيري جان بحبيبة روحي .. والله وگت

جنت واتمنى استشهد.. هسة أتمنى ارجع سالم لعيونهة.. مشتاق آلهة .. وحگ هو علي الا ارجع واطلع ضيم كلبي بيها

بنت اللذين .. بايگة حسن النسوان كلها

وجمال اطباعهن..

قبل ما اصعد السيارة ونتوجـه للقاعدة

.. فتحت الجهاز .. مفتقدهة اليوم .. شفتها ما متصلة يعني باليل تتصل .. غلقتة ورجعتـه بجيبي.. ركبت موكل امري لله ..

صعدنا قرابة الـ ١٤ واحد .. تتوزع على كل السيطرات الي بصـلاح الدين ..

الشباب كلها تضحك .. هذا الي يكول هسة تطلع السيارة هي هاي الي كاعدين بيهة

وهذا الي يكول .. الله راح اروح شهيد

وادخل الجنة ..

وهذا الي يكول راح اخلص من ام زوجتي

كل واحد بيهم يحدد طريقة موتـه ويضحك

..

عثمان راد يجي .. بس كال آلة حبيب كلبي

:- عثمان .. انت ابقى هنا .. اخاف يجي اتصال ندزكم الأماكن المتحمل وجودهم بيها

الحمار هو كيف .. رجع يخابر..

اول ما وصلنا .. كل شوي نلزم كلوبنا

لان هاي المنطقة سكنية .. صح ما بيهة هواي عالم .. بس تعودت شوفتهم كل يوم ..

اذا صار باحد شي .. محد راح يسامح نفسه .

ويكون القصور من عدنة .. .

فوگ الساعتين احنة واگفين

الشباب كالو ماكو عدنة شي .. واحنة هم هيج

وصينة اهل المنطقة .. اي حركة مو طبيعية يتصلون بينة .. واكيد بقوة عدد من الشباب..

ركبنا متوجهين كل واحد لمقره ..

نص الطريق .. استوقفنا مكالمة من جندي قريب على مقرنا العـام ..

.. صاير هجوم مسلح على قواتنا

وهواي شهداء ..

هن كم كلمة .. خلتني ارجف رجف مثل السعفة .. محد اهتـم .. بيهم الي فرح لان نجة من هذا الهجوم ..

بدون اي كلمة .. رجعت راسي ليورى

متاكد العـار عثمان ما يموت ..

مشت بينة السيارة بسرعة .. ضحكت مطمن على صديق عمري .. جمعتنا جامعة مدة ٤ سنوات وبالتدريب هم نام على گلبي ..

حتى بالتعيين .. طلعنا نفس المحافظة

محظوظ بية هو .. الحمار ..

تخليت الموقف مثل كل مرة .. من كلبي يوكف عليه .. تالي ارجع الكاه حاط الصينية

وكاعد ياكل و الاكل طالع من خشمـه

يدك صدر ويكول :- لا تخاف .. بزونة اني سبع أرواح .. تخلف انت وتموت واني ابقى عايش .. تدري ليش !

ارد عليه بضحكة :- ليش !؟

عثمان:- اشرب مي على الريق ..

مر الوقت .. وما حسيت شلون وصلت

ومن اكول ما حسيت .. فعلا ما حسيت

لان اني حفظت لافتات الشوراع كد ما اقراها .. بس هالمرة .. عيوني صارت شاشة سودة .. وبالي مرسوم بي وجه عثمان الثـور ..

اول ما نزلت .. عثرت بجثة محد منتبـه آلهة

وكل عقلي أتاكد اخاف جثته .. وانا ادري بي عايش ..

صحت بصوت عالي مبحوح ..

خويني.. اخيك المرحوم .. هنا اخاف ماشفتة

تقدم شالة والدموع بعينة .. الا اني

احس بعدة موجود ..

توجهت للمشتمل مالتنة .. فتحة وعيونة راحت كبل على المكان الي يوكف بي

من يخابر مريتـه ..

مالگيته .. اكيد فات يقظي حاجتة

.. طلعت ادور عليه بالصحيات .. ما فقدت الامل .. لان هو كال ، العـار ما يموت

وانا اشهد هو عـار .. گلبت الدنيا عليه

عثمان ماكو .. توجهت اصرخ

:- ولكم كواو** صديقي وين !؟

كلها تباوع وساكتة ..

بس شفته كبالي ..رحت اركض عليه

لزمته من ياختـه ونترت بيـه

:- صديقي ويننننن.. عثمااان وين ..!؟

انت انت السبب .. خليت قواتنا تضعف هنا حتى تستفيد .. الله لا يوقفك

عن ايدي .. وصرخ ..

:- شلون أسويها ولككك ..شبيك انت مخبل

جا شلون بقيت انة هناا ..

صرخت:- لعد وين عثمان !!

نزل راسة وخلة ايديـه على وجهة وكال

:- نقلوا للمستشفى .. تعرض لطلقتين وحدة بنص الصدر ووحدة قريبة على الگلب..

نترت بيـه :- لا تعوووي جنك مرة

ما بي شي .. رايح اجيبـه وارجع

..

وين مكانهم بالضبط!؟

_ هي بنفس المستشفى ماكو غيرها .

مشيت .. المستشفى مو بعيد

.. مبتسم وبعدني متطمن .. بعدة عايش ..

اول ما دخلت المستشفى .. اخذوني الردهة

..

شفت صديقي بحالة .. لو ميت ولا شافتهة عيني .. مو هو صدرة الوسيع ملفوف بالشاش... وجهة مورم .. ايديـه ملفوفة

ونايم ، مغمض عيونة واني اركض وتعبان

تقدمت يمة وضربتة قوي على رحلة

صرخ موجوع:- شبيك نعال ..

صخر:- وين جنت ..!؟

عثمان :- امارس حقوقي .. شدتشوف !؟

ضحكت بقهـر:- بعد متگدر ..

سأل باستغراب:- ليـش !؟

:-ايدك ملفوفة .. حتى وي نفسك متكدر

ضحك وعقج وجهو وكال :-

شكد عاررر .. تعرف الاحتياطي ..

سكت شوي ورد كال :- جوعان لك عار..

صخر:- شتريد !!

عثمان:- اي شي !

صخر:- امري للـه احجي ..

عثمان:- بشرفك مشتهي باچة .. مريتي نازكة. ما تقبل أدخلها للبيت ..

اريدك توصيلي هواي ..

..صخر:- ما منك غير الخسارات ..

طلعت فرحان بي .. طلعت فريت ودبرتها

كال الدكتور مو زين ومدري شنو

هو ضربة بعرض الحائط .. وكعد يثرد وياي..

وكل شوي استغل الوضع .. اضحك على حالـه .. بس بداخلي ميت عليـه

النزيف ما توقف عندة .. بس حاولوا يسيطرون عليه ..

بنفس اليـوم بالليل .. كاعد يمة

كعد يصرخ من وجع صدرة

..

كمت أصيح دكتور

كال :- وين رايح !؟

:- أصيح أحد ..

:- تعال اكعد يمي ..

:- شبيك عار .. شيوجعك !؟

عثمان:- طي**..

صخر:- ابن الـ*** .. 

ضحك بوجـع واسترسل بكلامـه..

:- اكلك خويني.. شو جني مودع..

صخر:- اكل هوى .. ما بيك شي ..

عثمان:- دحترمني  مرة وخليني اكمل ..

انا شكلي مودع .. اريد منك بالك على امي ومريتي .. هن هذن الي طلعت بيهن من الدنيا .. وانت

ما راح اكلك تزوج مرتي .. ولا هالتمضرط

بس بالك عليها صخر .. بشرفك انت آخذ الراتب خلي بأيديهن . ولا تقصر بالفواكـه

يعني حرك جيبك ..راح تخلص مني

بعد ماكو ازعاج.. تنـام براحة بالليل

..

بدون اي تفكير .. كمت من يمة وطلعت برة

عقلي ما يستوعب .. ما أصبح بوجهة الزفر

الي جنت اكمل بي يومي ..

كعدت بالحديقة .. حديقة شنو

باقية بس حدايد .. سحبت حجارة جبيرة

وسحبت باكيت الچكاير مالتـه ..

كضيت عمري انا اجيب آلة التكة مال چكاير.. العار لو احسب على كم تگة

أخذ راتـبه كلة ..

الجو يكص كص .. كبل اجت ببالي سحابة

بس التفكير بيهة يحسن حالتي

چـاا حضنها شلون بي ..

بس كملتها دخلت يمة .. لكيتة مغمض عيونة

رحت يمة كلبي يرجف .. فتح عيونة يضحك

صرخت بي :- كو** بطل سوالفك الخ**

ضحك وكال:- داسويلك برفوة .. علمود متنصدم واشوف تعابير وجهك ...

صخر:- بشرفي كو** ابن *** ابن ***

وامك خوش مرة ما اريد اغلط عليها

يلا نطمر .. باجر تگعد مثل الحصان ما بيك شي ..

سحبت البطانية ونمت يمة بالگاع ..

كعدت ثاني يوم الصبح على صوت هوشة

كعدني ممرض كال

:- سيدي .. من فضلك اطلع برى. .

:- صاير شي !؟

رد بتوتر .. لا ماكو ..بس نريد نفحص المريض ..

طلعت غسلت ودخنت .. رجعت الغرفة مسدودة.. ما ركزت ..

جان بالردهة بنص الموتـه كمت نقلتة بغرفة وحدة .. بفلوس .. والمبلغ يسوى راسة

بس يصير زين أخذهم منة .. ما منكم بس الخسارة ..

طلع ممرض من الغرفة يصرخ

.. دكتور , الطلقة بعدهة بصدر المريض ..

كمت من مكاني مفزوع

سحبتة من ياختة وصرخت

:- شنو الخ** بعدها بصدرة.. انتو مو كلتو طلعناهة !!

كال بخوف:- والله مو شغلي سيدي ..

اول ما لحمت الطبيب رحت اركض بأتجاهة

.. قبل ما اصير يمة .. رفع ايدة بوجهي وكال..

:- بس تفهم اخي ..غلط طبي بسبب الجهاز الي المفروض يبين موضع الرصاصة ..

هسة نتصرف لا تخاف ..

نترت بي:- تحررررك لعد شمنتظر يموتت!؟

دخل يركض .. دخلت وكفني الممرض

:- سيدي ما يجوز ..

:- وخر من وجهي.. دفعتة ودخلت بس شافني ابتسم ..

كال:- بما اني جندي عراقي ..والي هيبتي

اطلعوا كلكم برى .. اريد انفـرد بصديقي

لا يروح بالكم بعيـد،  بس نحجي ولا تخافون ما اضربـه ..

كعدت يمة كال بضحكة بمعـاني ممزوجة بوجـع:- راح اروح للجـنة،  وانت راح تكعد يم ابو لهـب ..

صخر:- شلون تروح للجنة. ، اطلبك فلوس للموت ما تسددهن ..

ضحك وكال:- حاللني و واهبني بس هالمرة

..

:- لا ما حالّك ..كوم نرجع الاماعين تظل عليه ..

ضحك ولزم صدرة:- اكثر شي مكيف

بي من امـوت، 

;- هههههه،  ليش!

:- انت تغسل مواعين،  بس هنا،  اني اغسل هنا وهنـاك ..

صخر:- افــاا ..

عثمان:- شبي الشغل عيب!

صخر:- لا يابة .. بس ردت نوع الصدرية الي تلبسهة اجيبها للمـرة،  لان ملابسهة تتبلـل ..

عثمـان:-  ههههه،  بالك على امي،  ما تتحمل بسرعة توكع ..مهل الهة الخبر ..

صخر:- يعنـي من امهل متوگع!

عثمان:- لا توگع بس الحذر واجب

راح اشتاق الك عار ..

صخر:- اذا ظليت عايش ورة كل هالخريط

اني اموتك بأيدي ..

ضحك . تمدد وكال:- اطلع يلا اريد انـام..

صخر:- حجيت وياهة !

عثمان:- لا تخاف ..فهمتهة كل شي البارحة من نمت انت،  وفتحنا كامرة وامنت

دام هي وي امي،  وانت وياهن

راح انـام بگبري مرتاح ..

:- كول يالله بلكي تعيش ..

:- هههههه،  عليه ديون،  بلكت من اموت تنساهم ..

طلعت ما اتحمل بعد،  تالي عمري انزل دمع علمود هذا عثمـان ..

للعصر .. مات عثمان. 2019//4//19

يـوم الجمعة ..

ايـام بعدهة، وشلت جثمان صديقي

واعز ناسي .. خويني'' على گولتـة

وامـه وراي تصرخ

:- ما لحگت اشوف اطفالك وليدييي..

..

سارح انة بهمي،  خلينا بالجامع

ليلي سهرتة يم راسة اقرا الة قران

ما مصدك كل هذا الفلم السـريع

..اتمنى يطلع حلم، واكعد منة واكول الحمد لله طلع حلم .. لحد ما اجة الشيخ واتوجهنا للنجف ندفنـة ..صح جان من غير طائفة

بس من عشـاق الامام علي عليه السلام

ظليت صامد بس لشوكـت .. انة تالي عمري تنزل دمعة من عيني،  اريد اصرخ واخذة بحضني وابجي ..

بعد ياهو يخابر علي بأجمل لحضات عمري

بعد ياهو يخرعني واني نايم ويگطع خلفتي

المن اسوي اكل ..المن اسولف همي

علمن انصـب! الحمار راخ يدخل الجنة

وعافني وحدي

الي كضيتها ويا من بداية شبابي .. اليوم فارگني .. وراخ لمكان احسن من مكاني

نزلت وياهم،  اذب على گبرة التراب ..

كسرت ظهري  عثمان .. كسرت ظهر اخوك

..

شكد ماتو عزاز،  بكل مرة اكول تهون

بس ما تهون .. عمرة فراك الميت ما يهون على عزيزة ..

حشتاق لسوالفك يا صديق عمري ..

يا مجاهد .. يا بطل .. ياحامي عرضك ووطنك .. گال الشيخ بصوتـه بخشوع

قـال تعالى ( ولا تحسبن الذين قتلوا في سبيل الله امواتا بل احياءٍ عند ربهم يرزقون)  ..

الفاتحة ..

•يـَتبع...

دمرني هالبارت ..

اعتذر اذا نزلت دموعكم اليـوم .. بس هالانسان ترك اثر جميل ورسم ضحكة على شفافي شخصيا.. والله ما يهون عليه اودع عثمان بالقصة ..

اترحموا الو هوايي بنات ..

وما اوصيكم بقراءة سورة الفاتحة

اسمة الحقيقي عثمان ..

....

البـارت السابع والثلاثون ..

بقلمـي ، مريم علاء .

( تابعوا الحساب + التعليق بين الفقرات 🦋♥️)

چذاب ، ما رايد تحب .. بس رايد تأذيني

والمـشكلة ادمنتك بعد ، مثل الچكارة اتنفسك

ارتاح وتأذيني ..

يالجنت احبك من صدگ هسة انتَ ما تعنيلي ..

سـحاب:- صــٰۨار اكثر من ٢٠ يوم هو ماكو

لحگة حيدر لتكريت ، البيت كأبة باچي تبجي

اكل قليل ناكل ، بالنا عندهم

صافنة على هالبـاب انتظر جيتـه ، مشتاقتلـه حيل

ثاني يوم صبحت على صوت باجي ، مسوية حملة على البيت .. نشتغل ما نعرف شنو السبب لان نخاف

سألتها زينب بتردد:- باچي جاي احد !!

ردت بنص ابتسامة :- ٲي يمة ، رجلج وحماج على جية ..

فتحت حلگها زينب باستغراب ..

:-باجي ، حيدر رجلي ، وصخر حماي !!

ردت بهمـة :- اي شبيج بنيتي ، سلامتج بيج شي ..

صرخت زينب بفرح:- ايييي يا باجي غير تحجين

فرحانة وحدج وعايفتنة نلطم !!

ضربت على راسهة:- يا يمة راح عن بالي .. هسة عرفتن شراح يصير ..

ردت زنوبة بهبـل:- لا بس يكولون ، حيدر رجلي

واشرت عليـه واسترسلت

:- وهاي الثور صــٰۨار الهة ٢٠ يوم تنتظر خبر على ابنج ، الي اعتقد اللــه لا يجذبني يمكن رجلها ..

اردفت باجي بعصبية:- امشن من - يـَمـيٰ ولجن ، ناصبات عليه بنات الاوادم ..

صار العصر والولد ماكو ، تالي تأجلت جيتهم

واني اشتعل على نار ، لا بية اكول نطوني رجلي احجي ويا .. استحي ولا بية انا احجي ويا

لان ما يرد على احد ..

رجعت حالت باجي مروة تنكست .. نامت بالفراش بيومها .. خابر حيدر باليل كال الصبح احنة بالبيت

هي نامت خطية ، مالحگنة نكول الهة ..

كعدت ثاني يوم نشطةةة ، اريد بس اشتـغل

كلها نايمة ســاعة ٨ ونص الصبح .. هي النادرة من تجي جفتـة وحدة ..

سويت لفة جبن ، وكمت اشتغل .. سويت المغاسل

مسحت مسحة سريعة .. وطلعت سويت الگراج

واول ما كملت ، دخلت بلشت بالغدة

جان موجود مرگة فاصوليا بدون لحم .. طلعت لحم طبختة وشمرتـه فوكاه .. وطبخت ٤ كلاصات تمن..

للـ١٠ خلصت كل شي .. خطية زنوبة كعدت تحجي

الجذابة هي اذا سوت ريوك ، تظل ٣ ايام تگـُلي والريوك ما يغزر ..

صلينا وگعدنا ننطرهم .. گلبي يدگ حيل ، عبالك

جايين يذبحوني شلون شكلـه هسة اكيد ذبلان من التعب عيونـه سود !! مريض

بيـة ولا بيك .. سارت رجفة بعروگي ، طول عليه هالمرة .. كون كلها تختفي واخذة بين ايدي ..

ندگ الجرص لو اني ندگيت .. ظليت اتراجف

هسة شبيـة اني ، يمكن لان صــٰۨار هواي ما شايفتـه

دخل حيدر ذبلان ومبين عليه .. عيوني تدور عليه

دخل والسـواد تارس لبسـه ، وروحـه

دخل عيونـة تفر ، وكانوا يدور عليه بينـة ..

لحيتـه طولانـة ، والسواد جوة عينة واضح .. شعرة مبهذل شكد جنت اكلة طول شعرك .. بس ما توقعت بهيج موقف ..

ركضت باجي تبوس بيهم .. وتتـرحم على روح عثمان

لزم صخر جتافهـة واردف بتـعب

:- وليدج ، شهيد افرحي يمـة ..

اول ما بچت سحبهة لحضنـه .. لزم حيدر جهالة يبوس بيهم وحضن زنوبة ، الا اني خايفة اتقدم ..

ادري بي ما يحب احضنة گبال احد .. رفعت راسي عيونـة جانوا عليه ، وكانوا يگلي تعالي ضميني بحضنج .. تقدمت بستـه من خدة

قدم راسة يم اذني وهمس :- شلونج !!

غمضت عيوني بحـزن ورديت

:- بخير ، وانتَ ..

ما رد عليه ، تركتـه ورحت للمطبخ .. بلشت اصب واسمع باچي شلو فرحانـة بيهم ، ريت التعب البيك بيـه

توني اكمل صب دخلت زينب ..

:- يولو محد يريد ..

: بالله عليج ، ليش !؟

زينب: صخر صعد ، وحيدر يكول تريكت فايت وقت

وباجي من الفرحة تكول ما اشتهي ..

سحاب: چا يلا اخذي هذا لجهالج ، وانا اصعد محتاجة شي !!

: سلامتج حبيبي ..

صعدت أمشي واحس راح اخرب ، اول ما دخلت للغرفة .. كاعد على الچربايـة وبأيدة الخاولي

وصافن بالگاع .. بس دخلت رفع راسـه ..

أبتسم نـُص ابتسامة ، وتقدم ناحيتي سد البـاب ودفعني بخفة ايديـه على البـاب .. نزل راسـه وطبع

بوسة خفيفة على گصتي .. وهمس

:- مشتاقتلج..

: انـي هم ، انت زين !!

: هياتني يمج ، شلون تريديني اصير ..

ابتسمت بوجهة:- جوعان !!

رد وهو يهز راسـه بدلالـة النفي

:- لا عمـري ، بس حظري ملابس .. داخل اسبح بدون زحمة عليج ..

رفعت نفسي لخده ، وبستـه بخفة

:- بخدمت الطيبين انـة ..

دخل يسبح ، وكالعادة طلعزمصلخ .. رجلي اعتقد روسي .. هذا ما محسوب على العراقيين ..

يفتـر بالغرفة ، والمبردة مسوية الغرفة ثلـج ..

شعرة مبلـل .. وقطرات الماء تنزل على صدرة العاري بتفنـن .. وروح ابوية هسة مال اغتصبـه

وجع ، رجال صديقة ميت ، طيح اللــه حظي .. شبيـه اني من عاشر القوم .. لبـس گلابيتـه النيلي ووگف يصلي ' افـديه انا

عفتـه ونزلت اصب غدة ، بطني گامت تقرقر

لو مزورگة تزورگ ، المـُهم اكل بيش يفيد الزعل اذا يحرمني من الاكل ، اووف من تسمع صوت الخواشيگ من يرگعوهن بالماعون .. عذاب نفسـي للزعلان هذا ..

صبيت وصعدت ادبـج ، فتحت الباب بعكس ايدي ..

لگيتة بعدة گاعد يسَبـح .. بس شافني ابستم بعتب

اشرت براسي واردفت بهبـل :- بشرفك گوم . شلون مرگة فاصوليا .. لو بالهدف لو بالنجف ، واني متاكدة نجف .. خو التـمن تگول لوزز ..

ضحك وغمض عيونة :- ولج بوية والله ما جوعان..

اكـلي انتِ ، الف ؏ـافيۿ على گلبـج ..

برطمت بوجهو:-اهـون عليك يعني !؟

عض شفافو بغضب وكال:- افــااا ، گومي نسوي هجوم..

خليتها بالگاع وتربعت ، قسمت الگرصة وانطيتـه الجزء الاكبر بس عيوني ظلت عليه ، شوكت ابطل طيبة ما ادري ..

اذتني هالطيبة هواي ، مرة انطيت حبس كامل لحسن

ومرة جان عندي كيكة طيبة .. بقى بالجعب مال جيش .. شلت وانطيتـه لبتـول ..

اييي والله يا رحمة ، طيبة گلبي اذتني ..

باوعتلو ياكل بس زلاطة ، وانا طيرت نص الگرصة ، لا ثكل ، لا انوثة .. غير لو بس اعرف على شنو هيج ذبـح روحـه !!

كمل گام غسل ، وتمدد على الچرباية ..

كمت اشيل الصينية .. اردف هوَ

:- خليها يمج يابة ، طفي الگلوب وتعالي دنـام ..

: وچايك !!

:- من اگعـد عود ..

خليتها يمة الباب ، طفيت الضوة وتقدمت يمة

.. فتـح ايديـه مثل قبل .. ايد يخليها على صدرة

والثانية ، يمدها على مكاني بالجرباية حتى انـام عليها ..

اول ما خليت راسي ، سحبني لصدرة وظل يشمشم

اشـك بي يكسبل هالرجال .. محترف شم

بكلوريوس شم واكثر واحد ينزع .. صيف ، شتاء

صخير مصلـخ .. عود مهنـد عود ..

حسيت بثگل ايديه على بطنـي ، انفاسة ثكلت صديت وجهي عليه .. وصفنت عليـه .. احب شواربـه

هنوب طالعلو لِحـية .. يعني صاير يرگع بالگاع

رجال صديقة متوفي ، شكد انطنط اني

غمضت عيوني ، واستسلمت للنـوم ..

..........

بتـول :- كاعدة بالغرفة ، وماما يم زوجـة خالو

لطيفة بشكـل ، بس انا استحي .. اگلب بالفيس وكل شوي گلبي يريد يضعف ويروح يكتب لحاتـم ..

هسة شيسوي ، يحجي وياها ، لو يشتغل !!

لو نايـم ، حرفيا كل شي بي مشتاقة الـه ..

سوالفـه ، حنيتـه ، لو شنو ..

اندگت الباب ، دخلت شيماء زوجة خالو بأيدها سلة الملابس النظيفة ..

:- يا يمة بتـول ، جنج حوبة كاعدة هنا كومي كعدي بالصالة يا بنيتي .. والله لو ادري بيج تجين

جان خلفت بنات ولا اعوفج وحدج ..

دگومي امي .. ابراهيم مطلع فلم بالصالة

اتفرجي وياه ، حالة حال اخوج ، ترباة ايدي اذا يتحارش بيج ، اطردة والله ..

ضحكت بخجل:- لا خالة صدك ، چذب .

:- لعد كومي امي انتِ ، بطلي هالعزلة

تخليج تفكرين باشياء مو حلوة ، يلا كدامي يم اخوج .

بتـول :- ابتسمت لجمال هالمراة ، عكس ما حنت متوقعة تماما ، مو كل زوجة خال هيج .. قليل حيل

طلعت امشي بخطوات مترددة ، حتى اذا الشاب لطيف

بس استحي مدري لـيش ..

دخلت للصالة ، جان مطلع مسلسل كويتي .

عدلت شالي ودخلت :- السـلام عليكم ..

عدل كعدتـه .. وكال:- وعليكم السـلام ، هلا بتول .

گام يريد يطلع ، اردفت اني

:- ابراهيم ، خليك انا نزلت اكعد عندكم

.. ادري مضايقتك هالفترة ..

ابراهيم:- لا بتـول .. شهالكلام .. اخيتي انت

.. تظلين انت هنا وانا الي اطلع ..

:- لا خليك حباب ، عادي حالك حال حسـن والله .

اكتفى بضحكة بوجهي .. مؤدب بشكل .. ..

طول ما انا هنا ، هو لو بغرفته لو طالع ..

جان يمة طاسة حب ، مخلوطة بجبس .. وكرزات

قدمهن - يـَمـيٰ .. بالبداية جنت متوترة

بس من شفتة كعد عكس كعدتي حتى ما يضايقني

ارتاحيت شوي .. يالله شگد خلوق ..

واحداث المسلسل تشـد .. شوي وسمعنا صوت ماطور دخل للكراج .. عبالي خالو ..

ابتسـم ابراهيم وگال:- اجـة ابو الجبل ..

كام على حيلو ، فتح باب الصالة الي يطل على الباب الخارجي.. كمت بسرعة عبالي واحد من جماعتـه ..

بس طلعت طخ راسي بالحايط ، لان طلعت اركض

والفشلة .. مرت خالو شافتني .. جتني ملهوفة

:- يا بنيتي شجاج امييي !!

جيت ابچي الا شوي .. حجيت والدمع بعيوني

:- مـو ،، مـو صديق ابراهيم اجـة ..

عگدت حواجبها باستغراب :- هسـة !! لعد شو ما كال

مدت راسها ، باوعت عليه وخربت ضحك خشيت بنص هدومي من الخجل ..

كالت بضحكة:- ولج يمة هذا ابن خالج صـُهيب ..

فتحت حلگي بثـول ..

:- چــا ،. هاي الركضة كلها تالي طلع عرف !

: حقج يمة ، صــٰۨار شهر بالشغل .. توة اجـة شوفة عينج .. وانتو بعاد ، تعالي تعالي

سحبتني من ايدي ودخلنا للاستقبال .. بس شافها ابتسم متجاهل الي يمها ..

حرام اني والمزهرية واحد .. سحبها لحضنة ويبوس براسهة .. وهي تصلِ على محمد ( اللهم صل على محمد وال محمد)..

بس وخر منها ، سحبتني ووكفتني كبالـه

:- يمة هاي وحدة من بنات خالتك ..

ناظرلي بنظرة مدري شلونهة ، لا  هلا ولا هي هاي منو .. يعني مادري نظرة مختلطة ..

مد ايديـه يسلم .. اكتفيت بالسلام ..

سحب ايديه وهز راسة بعـدم اهتمام:- بكيفج ..

عافني الملم شتات كرامتي الي تطشر .. هذا شبي !!

اسمع سلامـة الحار وي امي ، وصوت بوس .. امي شبيها نحرفت .. عائلة حيل منفتحة ..

عدلت حجابي ، ودخلت اشوف شنو محتاجين

كالت باجي شيمـاء:- لا يمة .. خلصت كل شي بس نصب غدة ما عندي شي ..

بس اجـة خالو صبينا ، وكالعادة ما كدرت اكل

اني جان ابراهيم بس واكل بس لگمة

ظليت اباوع بس ، كل شوي خالو عاط بية وكال

:- ولج بنتي اكلي ..

كمت خليت قوري الجاي على النـار ..

ورجعت اشيل المواعين .. اباوع كل واحد كام شال ماعون وياه ، هذول العائلة حرام بالعراق ..

ثاني يوم نزلت ، لكيتة بالمطبخ يشرب مي

الهتفون بأذنـه ويحجي بصوت خافت .. باوعلي وهو يشرب المي .. عوج حلگة ومشة من - يـَمـيٰ بدون ما يحجي شي ..

هذا اذا صاحي ، ابتر ايدي بتر ..

كعد ابراهيم ، سالتـه :- تريد ريوك ..

رد :- لا يابة محاجة ، عندي ايد ، ورجل

تسلمين ..

:- هسة قابل انا غريبة ..

طلعت بيض ، گعد هو على الميز .. دخل خالو صبح علينا .. وكعد يمة بدون سوال حسبت حسابـه

فجاة صارت ريحة عطر قوية ، دخل ابو مدري شكال ابراهيم .. يعدل بساعته صبح على ابراهيم وعمو

..  هم حسبت حسابة .. ريحة عطرة خنگتني هذا يمكن ما يعرف يبخ .. فتح القبق وخلة بخشمة وبحلگة والباقي رشـه على جسمة ..

خليت الصينية كبالهم .. بلشوا هم وهو عينة بالتليفون جيت اطلع شفتة كام للثلاجة طلع گيمر وخلة فوگاه نص طن دبس.. وكعد يمهم ..

جانت - يـَمـيٰ بيضة ، لزمتها تا انيمها براسو

شكد  مستفز هذا .. عود ثگيل حرگ دمي من الصبح

عفتة ورحت على كُتبي ..

بس طلعوا ، كعدت انظف وي باجي

نزعت حجابي مطمنة محد يجي .. وتوهم طلعوا

خليته - يـَمـيٰ على المحجر ، وفتحت الصوندة على الغسالة .. وبلشت اگلب بالملابس تاغسلهم ..

دخل هو يريد يدخل الحمام ، ولا نزل عينة ولا كال عيب .. كال:- يغبرة لا تصفني اطلعي ..

سحبت شالي بسرعة :- لا احم لا دستور ، شبيك !!

رفع حاحبة وضحك مستهزأ ..

:- هذا استشراف ، لو شرف !!

شطت من العصبية نترت بي :- انتَ شكد ما عندك اسلوب !!

اشر على نفسه :- انيي !؟ ما تلگين ارق مني وي الحواري .. بس مو انت ..

دفعتـه من صدرة وطلعت ..

لان اذا ابقى انتف شعراتـه

.....

سُحـاب :- واگفة اتوسلوا يبطل يحلقها .. وهو ولا - يـَمـيٰ خال عليها المعجون والموس بأيدو بكل برودة دم ..

اردفت بقهر ، والدمعة تلالي بعيني

:- ليش هيج صخر ، اتوسلك صــٰۨار ساعة.. تشلع گلبي ليش ..

سحب خدة بالموس من البداية للنهاية .. جيت اخنگة بالخاولي الي بايدي .. ماكو بكلبة رحمة ابن الحـلوة

:- حررام عليك والله حرااام ..

ضحك وسحبني لصدرة ، وعيونة على المراية

يناظرني

كال يبـرر فعلتـه الشنيعة

:- يول تابوسج ، وخدج ما يزعجـة شي ..

ضربتة بخفـة ايدي :- جذااب ، وخر مني ..

ضحك :- يول لا تكبريها ، رايح ازور صاحبي

شلون اذا يشوفني هيج ..

تحول كلامنا من الضحك للجـد ..

ابتسم واسترسل بكلامـه :- مشتاقلة حيل ..

ذاك اليوم اجاني بالحلم يوصيني عليج .. ما يدري اخاف عليج اكثر من روحي..

حضنت ايديـه الجانـت على بطني

:- تحبنـي !!

صَـخِر:- اخرب عليـج ، افقـد يمج ..

توجهوا هو وحيدر .. لتكريت اليوم اربعين عثمان

روحـة طيبة حيل .. ما انسى ولا موقف حلو منـه

ابو الوگفات ، يسولف صخر . يكول بالرغم ما عندة اخوان ، بس الچادر انترس بالزلم ..

كال اذا كدرت اليوم نرجع ، استغليتها سويت الغرفة

نظفت الطابق الفوك .. وكل شوي اني ونوري نتكافش من الشعر ، من امسح يجي يطب بنعالـة ( مكرم القاࢪئ) ويخليني اشعوط من القهر ..

ابن الحـلوة ..

مر اليـوم طبيعي .. صارت الساعة خمسة وثلث تقريبًا

اتصل حيدر بزنوبة وكال الها جايين ..

عاد بلشنا بالعشاء .. هي گشرت وانا بديت اگلي

اندگت الباب ، لبست باجي شالها وطلعت .. دخلن

فـُلة وامهـا .. گلبي ما تطمن من شفتها ..

نزعت فاطمة نقابها ، الوجـه احمر دم مطعوج طعج .. كبل كلبي علم صاير شي .. وبنتها كذلك ..

العيون تحتهم اسووود .. وصايرة تخوف ..

الكـل أنتبه ، دخلتهم باجي للصالة ..

بس كعدت فاطمة كالـت:- ام صخر ، دية عندي وياج سوليفة .. وانا لو ما متگدر خاطري ما احجي ..

وليدج صار اشهر يتردد على بيتي .. وانا الله يشهد اعتبره مثل اخوية واعز .. اخوتي جاهدوا وعافوني وحدي وانا وحيدتهم .. فما جان عندي من بعد ابو جهالي سند غيـره .. معزتـه بكلبي الله يعلم بيها

بس انا بعد ما اسكت ، خايفة بنتي اذا باجر عگبة متت .. وتقدم الهة شـاي وعرف بيها موش بت بيت

شيسوي !!

انا سكتت لخاطر الي بينة ، بس هو لازم يحدد موقفو تجاه بنتي ، ما عاوزه اخرب بيتو .. بس هو خرب حياة بنتي بحجة جان شارب ..

سُحـاب:- ما هي سوى لحظات بـس ، شعلت نار گلبي كلها .. عرفت صاير شي .. حاولت اجذب نفسي وسألت بخـوف ..

:- شنو يثبت كلامج صح !!

فاطمة:- بنتي حامل ، وهاي تقارير الحمل ..

سحبتهم من الچيس .. وطلعت اوراق كومة ..

طلعن ورقة وخلتها بأيد باجي .. لطمت باجي على خدها وكالت

:- ما معروف منو الاب !! انت جذابة ابني يحب مريتـه .. طالع من ضهر رجال ما يسوي هيج ببنات العالم ..

بجت وكالت:- وداعة ابني المريض .. ليلتها اجى علينا ينطي فلوس الصدقات ..

دفعني ودخل لغرفة فـُلة .. وقفل عليهم البـاب .

وما اسمـع بس صراخ بنتي .. من خلص منها

كال الي ، اتزوجها واستر عليها لا تخافين ..

وصار شهر واسبوع و ٧ ايام لحد ما البت حبلت

.. اذا عمهة حس بشي يذحني ويذبحها

استري على بنيتي اللــه يستر عليج ..

سُحـاب:- اصوات بجيهن صارت تتعالى ، وباجي فقدت تصرخ ما تنطي بابنها لو شما يصير ..

وانا بين الوعي والا وعي .. فقدت كل احساس

بس بكلبي احس .. وعقلي .. دار حوار بينهم

وانا جنت استمع .. قلبي يكول لا تصدك

وعقلي يگول مو بكيفك ..

صرت اسمع بس اطراف حديثهم ، صوت الوشـه بأذني كـُبر .. وعيوني غوشت .. مشيت من عندهم

.. مادري لوين اروح، سلمتة نفسي !!

صخر مدمن بشي اسمه سُحـاب ، معقولة صح!!

اني وين ! اني ليش وحدي !! اهلي وين

امي ، حسن ، بتول ، .. وينهم عني

ليش هسة يلا حسيت بعدم وجودهم يمـي ..

امي سندي وين ، اختي انسيتي وين ..

اخذتني رجلي مدري لوين ، امشي بالشـارع

واشوف العالم تتفرج ، طلعت بطرگ روحي

رايدة شي واحد ، هو امي ..

رجلي اخذت هذا الدرب بعد ، مالگيت الي يمنعني

انا صلفة اعترف .. وحيوانة لان انطيت فرصة

وينج يوم ، بنتج خايفة .. يجوز كلامهم صح

كل شي بالدنيا هاي محتـمل ..

دنيا ليل ، وصلت لنفس المكان .. اخر مرة رجعت من عندة غصب .. عفت كل شي هنا

احلامي ، عزة نفسي ، كرامتي ..

ورحت سلمت گلبي .. ليـش هيج !!

سحبت بلوگة خفيفة ،وكعدت عليها  ..

ما بجيت ، اني ليش ما دابجي !! ، ما عندي احساس

الحولي فرغ ، ولا طير .. بس اني وضوة المحلات

والسيارات الي تخطف من - يـَمـيٰ بسرعة جنونة

.. كمت اريد اشمر روحي ، عسى ولعل ارتاح

هناك احلى ، بس وغضب ربي .. اكيد راخ يسامحني من يدري بية محتاجة ابوية ..

معقولة اني كبرتها ، لو هي الخاينة هيج صعبة

يعني هذا احساسه جان ، بيوم عفتة واختاريت ساهر

..

اذا اني كبرتها ، فخليني اروح يم ابوية .. هو راح يحتويني .. راح ارجع اكل صمون وحليب وجاي

شكد طيب من ايديـه ..

كمت من مكاني  وتوجهت وكفت بنص الطريق العـام

وغمضت عيوني .. ما حسيت بشي

بس اريد ابوية .. صوت سيارة قربت مني ..

سرعان ما اجت صورت صخر گبالي

فتحت عيوني .. وانسحبت بسرعة ..

السيارة جانت اقرب ما يكن عليه ..

ختلت بين الاشجار ، بدون ٲჂ̤ خوف من اي شي

لفيت حجابي عدل .. وحضنت نفسي بخوف .

رعبـني صوتـه وهو يكول

:- شتسوين هنـا !!

• يتـِبـع ...

مشتاقة اناا ❤️ ، يلا راووني حبكم

( وكالعادة ٥٠٠ تعليق ﯠ ٤٠٠ نجمة )

وننـشر البارت الي بعده ..

اسفة على كل هذا التأخير ،

واحبكم 😷🥺🙈💕

البـارت الثـِامِن والثلاثـِون ..

بقلمـي مـَرِيـم علاء❤️..

الهرب من ساحة الحب يُعتبر عار

جبان العاف خِله بحجة جروح .

رعبـني صوتـه وهو يكول

:- شتسوين هنـا !!

رفعت راسي بخوف ، شفتـه رجال جِبير عيوني انترسـت بالدمع اجـة ببالي ابويـة .. تعالت شهگاتي

أستغفر ربَـه بصوّت عالي ، وهَز راسو

كال بحنيـة :شبيج ابوية انتِ !!

حجايتـه بچتني اكثر ' بيها حنية ابوية

:- خليني وحدي عمو فدوة لگلبك ..

تهنـد ورَّد : شلون اخليج وحـدج بنيتي !!

لبسـج ليش هيج ، منين انتِ ' ليش هنـا وحيدج ودنيا ليل ..حاجيني عيني مهزمة من بيتج ؟

سُحـاب .. لـبسه والحنية الي بصوتـه وكلماتـه خلتني ارتاح الـو لا إراديًا ، رديت عليـه بنحيب

:- عمو .. استر عليه وعوفني وحيدي ابوس ايدك ..

رد هوَ:- ولج يبوية شلون اعيفج هينا وحيدج .. شايفتني طرن انا !؟ ، غير انت بكد بناتي كومي يابة وياي ..

رفعت ايدي بسرعة والدمع بعيوني ما سكتت من شفتـه

:- مروتك خليني هن ؏ـمي .. نزع غترتـه خلاها على راسي .. لا حجاب ، لا عباية تستر عليج يا بنيتي شصاير وياج ياپة ..

مسحت دموعـي واحاول اكـتم شهگتي وصوت البجي

الي لفـت انتبـاه الي يفوت بسيارتـه .. كتلـه

:- ؏ـمو ، اريد اروح لامـي ببـغداد ..تگدر بس تاخذلي سيارة !!

هـَز راسـة بقهر وأردف

: يا بغـداد بنيتي ، دنيا ليل شلون ترحين

ســآ؏ــة ثمانية بالليل بنيتي .. صعبة هسة اخذج

تعالي وياي يم الحجية ، والصباح رباح أخدج ارتاحي وسولفي وفضفضي للحجيـة .. بلچت افهمن شي منج

..

بجيت :- ؏ـمو .. ماگدر والله مروتـك خليني اذا ما تگدر ..

رد بعصبية ممزوجة بعِطـف : شاربي مو عليَ اذا خليتج هينـا ، وهنياتي انـة گاعد للصبـح وياچ

سحب حجارة من الگاع ، خلاها قرب عليه وخلاها يمي وگعد .. رد ناظر عليه وكال

:- جياعنـة !!

- لا

- شوفي بابا ، دنيا ليل والعالم بالهة قذر هينا

يبوي انتِ .. دگومي وياي ولا تخافين .. بالهشارب بنيتي ..

باوعتلو ونزلت من عيوني دمعة ..

ابتـسم بوجهي بقهر وأردف : يلا تگومين !!

- هزيت راسي بـأي ، مشـه گبالي دنگت شلت حجارة من الگاع ماعنـدي ثقـة بيهم ، دموعي خلص طلقت سراح عِنانها واستـسلمت للنـزول عبالك اشتاقيت لـه

وصلنـا لمنطـقة ، شبـه قديمة بيها بيوت جديدة

ومبينة مثل المزرعـة وكف كبال باب فتحـه ودخل صاح:- حجية .. وينج عـُمري انتِ ..

طلعت عجـوز چبيرة بالعـُمر خالـه الفوطة على راسها بأهــمال وطالعة ظفيرتها البيضة من الحجاب صفح

ناطيها وقار وهيبة ، ودشداتها الجوزية مرقطـة بنقاط

لمعت عيوني وارتاح گلبي من شفتها ..

بس شافتني وي الحجي ، عبست ملامحها وكالت بأنزعـاج واضح :- مني هاي يسـعد !!

شني بس لا تزوجت هالفرخة عليه انـة !؟ عيب عليكك تخون عشرة العـمر هاي .. سنين سوه لحد ما شيبنـه

تالي تخوني وي هالفرخة ، شبيها لنها تلمـع وصغيرة بكد بنتك يالماتستحي .. عيب على شيباتك

- ما نطـته مجال يحجي ، دارت عليه وكالـت

:- وانتِ ليش تعـوين ؟ مجبورة مو .. الكحـ** مجبورة

بنت *** .. وين اهلج عنـج

اخاف جايـه على فلوسـه عبالج ينطي شي لو تشبعين خير، اللـه وكيلج هي ٣ الاف بالف ريوك

والغدة يوم ناكل يوم لا .. والعشة خبز وچاي .. فگر ترى ..

ردت عليه وكالت بصوت عالي

:- وانت ، خاف عبالك ابقى

رايحة عند بنتي .. عساك ما تتهنى ..

نتـر بيها :- بسج يمرةة ، صدك ، چذب

شمالج انت شمالجج .. انطيني فتنك اتحجة .. كليتيني بكشوري شنهوو ..

عاطت بي والدمع بعيونها

:- تحجة يسـعد تاشوف مني هاي !!

هز راسـه ودخل .. باوعت عليـه بقهر وحرگة

ودخلت وراه ، ظليت واگفة بمـُكاني

سمعتـه ؏ـاط بيـها ..

:- دخلي البت يمـرة .. صدكك تحجين انتِ !؟

طلعت عاطت بيه :- فوتي ست الحبايب فوتي

انا يزكع بيه هيجي بسبتج ،

عظت اصبعها السبـِابـة بقهر ودخلت

دخلت بخطـوات متـرددة .. خايفة

بس شافني كال : تعالي حدي يبوية ..

نترت هي :- عليش يابة ، تكعد يمك !!

تعالي هينا - يـَمـيٰ ..

- اشرت على مكان يمها ..

توجهت كعدت يمها .. بلـش الحجي يحجي

:- اسمعي يم عـدي .. البنت لكيتها بطريقي وقريبة على المحل .. وهياتني جبتها وجيبت هينا

خما اعوفها بنص الليل بوحيدها

باوعت عليه ورفعت حاجبها

:- وانت يحچي اي وحدة شفتها جبتها ، شدراك صاچة هيَ ؟

رد عليها بحزم:- كومي جدامي ، اخذيها ودردي وياها عسى ولعل تفهمي .. السالفة مبينا جبيرة ..وانة مكدرت اخليها بحدها ..

كامت واشرت الي اجي بوراها ..

وصاني الحچي ما اضوج منها .. مشيت وراها جانت غرفتين وحدة گبال الثانية ، دخلت لغرفة وسدت الباب

ذبت فوطتها .. نزلت ظفريتها الحلوة ..

كالت بنترة

:- احجيلي يلا شنهي سالفتج ..

عبالك سچين ونبتتـها بگلبي .. دمعت عيوني والعبـرة خنگتني ، بجيت ما استحملت ..

تبدلت ملامحها من حدة ، للحزن

تقربت من - يـَمـيٰ وسحبتني لحضنها ،

: شبيج بنيتي حاجيني !؟

ازداد البجي ما نقص ، بس واحد يكلي شبيج انفجر بالبچي عبالك ضربني راشدي ..

ظلت تستغفر وتقرا ايات على راسـي .. غمضت عيوني بحُضنها..

هدتني شوي ورجعت بأيدها ملابس

كالت:- كومي يمة بدلي ، دنيا حارة ، ودبگتي كومي تغسلي وتعالي نسولف ..

- الدشداشة جانت حيل حلوة ، سحبتها وتوجهت للحمام

تفاصيل حلوة بهل بيت .. صورة بنتها الحلوة

صورهم ، صورها بعرسها ..

حرفيًا ، كل شي بهل بيت حلو

الحـمام لا دوش ولا شي ، هو طشـت وبـي

كاسة مي .. نعنعشت روحي وطلعت

بس ما راح من بالـي ولا انسى

هسة هو وين ، شيسوي ، شنو ردة فعلة

راح يدور عليه !!

يحبني !؟

دخلت لگيتها خالة صينية اكل .. بس كعدت خلتها - يـَمـيٰ وكالت:- اكلي وراج سوالف كومة يلا .

ما قبلت بس ما خـلتني . وراي لحد ما خلصت كل شي

صبت جاي الها والي واجت - يـَمـيٰ

:- دردي تا اسمع .. يلا ويلج اذا ضميتي شي .

- صار.

عدلت كعدتي وتهـندت .. مـا اريد ابجي

.. جبتها من اني صغيرة ، بدون اب

بس مات كلها تخلت عننـا ، جدي ، خالتي

وخالي رجال مستقل دوم وحدة .. مرتـة مثقفة كبل اخذتـه وطلعت ..

جدي حقير ، يدور فلوس والي يروح عنده

يجيب فلوس اكلـه .. ما جان عندنا حل غير ؏ـمامي

ابوي وعمي .. تعاركوا وابوي عزل

هوَ الله يرحمـه ؏ـمي العايل ، تصالحوا بس ما رجع ابوية

من توفى ، رجعنا عندهم عسانا ما رجعنا

من يومها كُلها حياتها صارت بخير الا اني

بدأ جحيمي .. والتقيت بمقـُيد جناح حـُريتي

ما هدني لحد ما سود عيشتي

كرهني بشي اسمـه حـُب ..

من شفتـه ما شفت الخير

ظل وراي وحاربني من كل الجهات

حتى اقبـل واذا شخص بس حجة بية

اعتبري هذا خلص ، جنـه على نفسـه

كرهني بالزلم .. غلطت وجبرني على كل شي

حياة زوجية ، اوامر انا في غنى عنها

وگعت بحـبه ، بعد صراع دام اشهر قليلـة

اطباعة ، حنيتـه ، حبـه .. الي كل الناس تحجي بي

كلها الي تجيني تكول ، هنيالج وين اكو احد هيج يحب

وفعلا حچية ، مرات اصفن والي احجيلة ما يصدك

كل شي بي يصيح احبج ، غزلـه المفرط

كلامـة ، لـسماتـه

ماكدرت ابقـى وياه بدون ما انغـرم بي

غيرتـه ، مختلف عن الكل ..

دخلت قبل شهر حياتنا ، جانت تحبه

خالة طفلة والله طفلة .. بس مو ٲي طفلـة

غمض فتح ، هي حامل منـه هسة

شهگت بسرعة وضربت على صدرهة

كالت بحدة:- انتِ متأكدة !؟

ضحكت بسرعة وأردفت:- اني مادري اي لو لا

بـس الي اعـرفه اني ماكدرت ابقى

رجلي اخذت بعـد على الطلعة من البيـت

كل ما احس خسرت كل شي .. اعوف البيت

خالة ماكدر، احبـه والله

اموت اذا كلامها صح ،

اريد امي ، صــٰۨار سنين ما باجية وهاي مج بجيت

كلها شافت حياتها ، وحتى اني شفتها

بس نكسرت .. مسكورة خالة

كلبي يأذيـني ..

سحبتني لحضنها وبچت ..

: اوووف يابنيتي .. كافي امي كافي .

- خالة ، شتگولين يسويها ، هو يحبني هواي

ردت تطمني :- ان شاء الله ، تطلع جذابة

كولي يالله وتفائلي .

ارتاحي هسة ونامي ، والصباح رباح حبيبتي انتِ

اعذريني يمة غثيتج فوگ ضيمج

خلتني وحدي وطلعت ، سحبت المخدة لصدري وبجيت

الليل ما نمتـه ، سمعت صوت الآذان

كمت بسرعة لبست الغترة مال حجي

ووجهت القبلة على الباب ، بدون لا وضوء ولا

قبلة صح .. المهم ارتاح .

سجدت ، والدمع صــٰۨار يتسابق

وكل دمعـة تكول للثـانية ، انا الاول

الدمع يحرگ خدي تعبت حيل توجهت لفراشي وغمضت عيوني استسلمت للنـوم

..

زينـب :- ظلت فاطمة تبجي ، كالت الها باجي

: روحي هسة ، من يجي صخر نتصرف عود

- طلعت من عدنا ، كعدت باجي على الميز

ولزمت راسها بوجع وكالت

:- هسة شلون ربي ، هاي شيقنهعا اذا جذب لو صدك!

باوعت عليه :- يمة صعدي هديها ..

بلكت تسمع منج .. منين اجتهم هاي السـالفة هنـوب

زينب:- صعدت ، ادك بالباب

:سحابة حبيبة فتحي البـاب ،

ماكو .. ما تفتح

يول سحيبة !!

ولج سُحـاب ، راح اقتحم الغرفة

عدلي وضعج يلا ، مو احاجيج

لا رد ..

فتحت الباب ، ماكو

دورت بالحمـام ، هم ماكو .. ولج سُحـابة يُمة وينج !!

دورتها بغرفتي، بالسطح .. هم ماكو

يالله بس لا .. نزلت اركض لباجي

:- باجي سُحـاب ماكوو ..

ضربت على صدرهة بقـوة وحجت بفزع

:- وين راحت يعنيي !! ولج دوريها عدل

زينب: باجي وعيونج ماكو، گلبت الفوك كلو

مالگيتها ..

عافتني وصعدت هي تدور ..

طلعت ادور عليها بالباب ، دخلت نوب ادورها جوة

ماكو يربي وين راحت الطفلة ..

نزلت باجي تبجي :- وِلج يُمة زينب

وين راحت البنت .. رحمتك اللهي

:- مادري شلون راحت عن بالي .

ردت بقهـر:- هو منو يستحمل هذا السم

الي ذبنـة هسة وراحن .. ولج اخاف بيها شي

_ ظلت باجي تفـور ، كل شوي تفرفح

بيبي سمعت وهم ظلت ترجف عليها

اخر شي ما استحملت .. اخذت التليفون واتصلت

بـحيدر .. رن ، رن ،، شالـه

حيدر:- ها عُمري ، وصلنا يبوي

:- وينكم يعني ؟

-هاي براس الشارع، محتاجين شي

صمون ، بيبسي ؟

- لا سـلامـتڪ ..

-اكو شي !!

- لا ماكو ، بالك على نفسج ..

-من عيوني ..

بس سدة بچيت ما استحملت ، مو قوية اني اعترف

وبأقل موقف اضعف وابجي

قوتي بـسحاب .. هي تسندني

هسة شحالها .. يربي الوقت تأخر..

وينج يا سُحـاب ، شويتي بحالنـة .

ماكو دقايق ونفتح البـاب الخارجي نزل حيدر يفتح البـاب دخلوا السيـارة للگراج ..

نزلوا ومبين عليهم التعب .. ملابسهم ، ملامح وجوههـم

سحب صخر الكرسي وكعد يون من رجلـه

:- اخخخ بوية ضهري ، مدري رجلي .. حتى استحي اروح لدكتور الكسور .

زينب:- الله يساعدكم يابـة ،

حيدر:- يسـاعد كلبج روحي ، بشرفج اترسي السفرة ترس .. صاير مطي من الجـوع .

سـأل صخر الي يتفلت ويدور عليها وهذا واضح

:- امي وين ، سُحـاب ، الحجية !؟

رديت بتوتـر:- هـاا ، هسة اصيح عليهم .

توجهـت لغرفة بيبي ارجف .. حتى جهالي نسيتـهم

:- يمة ، باجي .. اجوي الولد ، خايفة احجي والله .

لطمت باجي الشـادة راسها والوجـه احمرمطعوج

:- اووف الله ، تعالي عينيني تاكوم اكلهـم

اخذتها من ايدها .. صخر جان مدنگ ينـزع بحذائـه

( مكرم القارئ) رفع راسة بس سمع صوت خطوات

وجهو نگلب من شاف وجـه باجي ..

بهتت ملامحهم هو وحيدر، كام على حيلة

وسـأل بفزع:- شبيج يمة !!

زداد بچيها .. شهكت وكالت :- بس اعصابك وليدي

نتر بيها:- حاجيني يمة شبيج ، ياهو مضوجج

ردت والدمـع بعيونها:- ولك يمة مريتك راحت .

-اباوع عليه ، صفن على باجي واصفر وجـهة

سـأل بهدوء :- شنو راحت يعني !!

بجت باجي ، وبلشت تحجي كل شي لصخـر

اريد ردة فعل على كلامها ماكو، يريد يسمع بس وين سُحـاب ..وفعلا من وصلت لاسمها

كالت:- وهي طلعت مدري لوين، ولك يمة جنت حايرة بضيم هاي الي اجت تتمسكن - يـَمـيٰ وحتى اشعة مال حملرعندها .. يمكن ما تحـملت وطلعت .

صرخ هوَ:- يعنيي شنو طلعت . مرتـي وين هسةة

ولكم بشر طول بعرض محد انتبه الو ،. جاهل هي !!؟

مرتي وين هسةة ؟

- ما انتظر الـرد من باجي ، سحب السويـچ من الميز وطلع يركض صرخ بي حيدر

:- وين رايح خويـة !

رد وهو يمشي :- بيك خير وصدك اخوي ، الحگني

طلع حيدر يركض وراه ، خطية ما لحگ بي

يريد يلبس الي برجلـه ما انطاه مجال

سحب قندرتـه( مكرم القارئ) وطلع يركض

ورا ..

حيدر:- ركبنا بالسيارة لو عبالك ملك الموت اجانـة

لا خليت حزام أمان ، لا كرسي .. حتى بالچكمجة

جلبت .. هنوب اخاف احجي وينهـد بيـة

اردفت بتردد:- كول يالله يخوي ، هسة ليش هالسـرعة !؟

رد وريـته ما رد عاط بيـة:- اكلة خروف يكلي مطيي

ولككك مرتي ماكو ، ارجع ماكل خر* وطي**

طالع من الطريق .. تالي الاگي هالسالفة نووب

مطيي اني مطي ، ما صدكت ارتاح وياها واضحك وارجع اتنفس .. هنوب احبل نسوان .

يا هي الاجت ولزكت زرب* بنص السالفة

اريد اعرف حظي وين نايـم تا انعل شيب الخلفـه

:- استغفر الله ، هدي يخوي اني وياك

ما نرجع اليوم الا نلگاهة .. انت وين تتوقع

اخاف يمة باجي كريمة ، ببـغداد !!

:- لا ما تروح ، ما تندل يجوز كاعدة بنفـس مكانها بالحَولي .

حيدر:- وصلـنا للـحولي .. كلبنا المحلات

كلها عزلت .. وبـس السيارات ..

عافني ودخل يدور عليها بين الزرع القديم ..

اخذنا الشارع طول بعرض ، تدور وهي ماكو

فص ملح وذاب وهذا راح صوتـه يصرخ .

:- سُحـاب ابوية ، اذا تسمعيني اطلعي . وداعتج عندي ما اسوي شي ، ولج يابة طلعي حاجيني كلبي وكف عليج.. يابة سُحـاب . ولج بنيتي تعبان

وعلي ضهري مكسور عليج ،

سُحـاب ابوية ، طلعي كسرتي ظهري عليج يابة

يمشي ويحجي وي روحـه ، اخر شي ايـس وكعد على الرصيف ، انا اعرف اخوية اذا كعد هيج يعني وصلت حدها ويا .. وخل صدك تعب ..

كعدت يمة حجيت اطمنـه

:- لا تيـأس يخوي ، خلنا ندور

رد بدون ما يباوع بوجهي :- شلون اذا ما لگيتها اليـوم

ما ارجع اذا مو هي وياي .. لا تحاول .

حيدر:- هسة اني كلت نرجع ، هاي اني وياك

حتى اذا اتعب .. كوم يلا نشوفها بمراكز الشرطة

والمستشفيات..

ماكو، دورنا السماوة كلها ماكو

هذا تخبل ياهو يلزمـة يساله ويكلـه لا

يلزمة يطين عيشتـه ..

ظل يصرخ ، اعصـابه انتهـت

..

سُحـاب:- شفـته فتحرالباب ودخل ، التعب واضح على عيونـة .. تقدم - يـَمـيٰ شال البطانية ودحس روحة - سحبني لحضنهة وهمس بأذني

:- يعني شلون . تعبان ما انـام !؟

رديت بحزن:- وانا شـذنبي ؟

شال الشعر الي جان على عيونـي وكال

:- وين انـام .. غير على ايدج

طفل اني ، انا الي راح اطخ الثلاثين

ما احب المخدة ، احب ايدج

نـزلت دمعتي:- جذاب ..

:- لا تحجين وياي هيـج ..

ضربـته على صدرة:- جذاب ، وخر مني ..

سحب راسـي لصـدرة :- هذا هوَ ، جذاب مثل ما انت تردين انا اصير .

:- كسرتني .

تنهد وكال:- تنكسر ايدي وراسي اذا اسوي هيج .

:- لعد ليش لحد هسة ما بـررت !!

:- جنت محتاج حضنج ، رجعت تعبان كلت ارجع اخذج بحضني وارتاح .

:- اذا يطلع هذا كلـه صدك ، لو تموت ما ارجع.

رفعني لصدرة اكثر واردف

:- چا الموت ارحـم .

اعتصـرت قميصـه بأيدي وبجيت.

فزيـت على صوت فتحتة البـاب ، دخلت الحجية

فتحت البنكة العمودية ووجهتها على راسي .

توضح عندي كل هذا جان مجرد حلم

بسرعة بجيت ما استحملت..

هي من شافتني هيج ، استغفرت ربها واجت كعدت - يـَمـيٰ :- شبيج يا امي !

بجيت:- ماكدر خالة ، صاير وي روحي

ردت مفرفـحة:- الله ياخذ روحـه .. كومي لج كومي

واحنـة شنهو الي حصلنـا من الزلـم

هو صح ما مقصر وياي ، بس على واهسج

دام انت مكسورة ومدلغـمة ، وياج انـة

كومي غسلي .. تا جيب شلون كيمر عرب

عمج راح جابة من السدة .. خلص عمرة .. خدودج مثل كيمر السدة .. ويتغزل

تالي من جابة طلع موش طيب ..

ضحكت وكالت:- اتگشمر وياج يمة ، يلا كومي دنـعل ابو الزلم دكومي ..

ضحكت بسرعة .. كمت غسلت ورديت لكيتها

خالة صينية الاكل ومبلـشه .. بدت تحجي عن بنتها

الحجية :- لا تضنين نفسج ضعيفة ، انتِ ما قبلتـي تنذلين ولا تسكتين الي سويتي قوة

صح ما فهمتي شي .. والحق مو وياج . بس تظل المرة تحكمهارمشاعرها ، والرجال الزين غيرتـه

والشيـن شهواتـه الزـ** مثلـه

هاي بنتي ، من يوم ما تزوجت نستني بنت الكلبة

الي يشوفها يكول ما خذة طيار هو ظابط

ابو ضرطـ* حشـاج .. شلون ضابط *** طالع .

يا ديـة تزوجت وصارت لا تجي ، ولأ تسأل

ولا كلبها يحـن وصلتها وداريتها وجنت احن من الحنية

ما تشوفيني هسة بلا احساس ييـمة

هو ما بقالي بس عمج سعد ..

كل يوم يكتل بيها ، وتسكت وما تحجي هيَ تكَيف

بنت الشحاطـه

المهم يديـه ، يكسرها تكسر ما ترجع هذا الحجي هي مدرسة يكتل بيها وعندها من عندة ٣ جهال

والرابع بالطريق .. هذول كلهم بالغلط

جم مرة تلزمـة يخونها ، وتسكت واذا تحجي

فيوجد فرعين يا طفلتي المجعوصة

. يا اما يطلكها ، وهو سواها .. لو يذبحها جوة ايده وهم سواها .. بس ربج ستر وتلاكت عليها

ما عندي بس هي ، وهي غَبرة

لهذا الي سويتي صح الصح . وما ترجعين والله

وتظلين - يـَمـيٰ وامج انسيها الي تعوف بنتها يم هيج وحش وهي تدري بنتها ما هاويتـه

فهاي حرام تتسمى ام ، لا تزعلين مني يُمة

وهذا الصخل ، بس اشوفـه هنا احش راسـه وحك ابوي

ظلينا ندردش هواي ، كمت وياها توضيت وصليت الصبح لان صلاة الفجر جانت بدون وضوء

غلست المواعين بعد عناء وياها .. ودخلت اصلي

.......

حيدر:- كلبنا الدنيا عليها ، صــٰۨار الصبح واحنة تفتر من مكان لمكان ، انة حيلي نَهَد وهو هم رجلة راحت

وجعنا للحولي ، بلكت نلاكيها

دخلنا نسأل محل ، محل .. اخر شي دخلنا لدكان صغير

جان رجال جبير

سال صخر بحيـل مهدود :- السلام عليكم

يابة ما مرت عليك مرة ، طويلة شوي

وبيضة .. !!

تَلبَك الحجي ورد:- لا وليدي .

باوعت صخر ركز بملامحـه رَد سأل

:- متأكد !!

رد :- ٲي يابة .

بس طلعنا كال صخر:- شاك بيـه . خنشوف هذاك واذا ماكو نرجع لهذا ..

سألنا هم ما عرف .. روحة لابت يم هذاك المحل

رجعنا دخلنا وكف الرجال على حيلـه

.. دخل يمة صخر واردف بحدة

:- اسمعني زين ، من البارحة للـيوم كلبت الدنيا عليها

وبقت بس بغداد ، يمك احجيلي لان اذا طلعت يمك وانت بعدك كايل لا ، ثق بالله اسجنك .

رد بفـزع:- لا لا ، على شنـو - يـَمـيٰ اي

بس خايف عليها يا وليدي ..

زفر صخر نفـس براحة ولزم راسة

كعد على الكرسي وكال :- اطمن ، ما اسوي شي كوم يلا وياي ..

رد الحجي:- صار يابة ..

طلعنا نمشي قبلـه .. واسمع اخوي يمهس وي نفسـه

:- الحمد لله .

طلع الرجال يقفل دكانـة . عاط بي

:- فضني رحمة لدينك ، رجلي توجعني مروتك .

الحجي:- يلا جاي ، جاي .

توجهنا لبيـته بالسيارة ، وهنـا انا كحيدر

قريت على روحي الفاتحـة ، اعرف اخوي من يتحمس

..

وصلنا يم بيت ، نزل قبلنا وصرخ

:- يمرة ، خلي حجابج على راسج .

دخلنا وبس شافتنة كالت:- هذا انت مو !!

اطلع برى يلا ، عوفها بحالها لو تموت ما خليها ترجع وياك ..

ولا سمع منها . سال الحجي

:- وينها !!

اشرلـه على باب ، عاف كل شي ودخل يرهول

ومرت الرجال ما سكتت ، ظلت تعد وتصف

اخذها ودخل لجوة .. فتحلي باب الصالة اكعد بيها

هذا اني ، بكل مكان شي ثانوي .. وجودي وعدمـه واحد الا يم زنوبة روحي ، مشتاقلها يا محمد

..

سُحـاب :- انـفتح البـاب وهل مرة دخل

هو .. كمت من مكاني ورفعت ايدي

حجيت بنتـره:- بالم تتقـرب مني ..

تقدم بدون ما يسـمع منـي

رفعت ايدي احمي بيـها نفسي ، لكن هوَ سحبني لصدره

وحضني بكل ما عنـده من قوة

ما حسبت بعظام جسمي ، اجذب اذا اكول ما اريد حضنـه ..

رفعت ايدي ودفعـته من صدرة

سحب ايدي واخذني سند ضهري على الحايـط

وقيـد حركتي من سند ايديـه اليمنة واليسرة علو الحايط

غمضت عيوني بخـوف .. انفاسـه تصرب بـملامحي

سارت رجفـة بكل جسمي ..

انطبعت بوسة على راسي دافية ..

اردف:- ليـش هيج سويتـي بيـه !!

رديت عليـه بحرگة دم:- طلگنـي ..

همـس :- اشـشـش .

:- مو اشــش ، ما اريدك بعـد انتَ جذاب .

صخر:- رجعي بحضني ولغرفتـج ، ماداخل الهة

لان ادري بيها ظلـمة ..

سُحـاب :- جذاب ما تحبني .

صخر:- كل عقلج ، گومي يالله دنرجـع تعبان .

: ما ارجع وَياك .

:- مو بكيفج انـة .

صرخت بعالي صوتـي:- ما اريدككك عوفنييي ما اريدكك ..

رد بتعـب:- تَعبان سُحـاب ، وعيونج مهدود حيلي

صار يوم ما نايـم . كومي وياي عيوني انتِ .

صرخت:- عوفنييي ، ما اريددك روح مني

جذاب انتَ ، خليني هناا روححح

اكرهككك ..اكرهككك .

سحبـَني لحضنة ومسـَد على راسي

:- كافي يابة كافي .

سُحـاب:- اطلع برى ، خليـني وحـدي

طلكني وروح عندها ، ما فرحت !

راح يصير عندك اطفال .

غَمض عيـونة بنفـاذ صَبر :- لا تخليني اعلي صوتي

ولبسـي يلا .

اردفت ببـرود:- ما لبست شي .

عگد حاحبـة:- نَـعم !

:- اي .

اعتصر ايدي بين اديـه :- حسـابج بعدين .

عَتيـت ايدي منـه :- اكرهكك .

:- وانـة هم اعشـگج .

گَزيت على سنوني متنرفـزة :- طلكنَي .

صِرخ:- كدامييي يلا بدلي .

:- كتلككك ما اريددد ، كافي عاااد كل حياتي

جبتها وياك كل شي عليـه مفروض.

عاط بيـه :- بسَج عااد ، انتِ مصدگة كل شي يعني !

:- كل شي اتوقـع منك .

عصر جف ايدي بين اديه :- هَيج صارت !؟

رفعت حاجبي متقصدة استفزه

: اي .

ضرب الحايط بأيده قوي وصرخ

: كااافي عاااد بسججج عاددد .

بجيت بسرعة ورديت

:-الله لا يوقفك ، سلمتك بيـد ابو الفضل

مثـل ما هيج كسرتني ، الله يسَكر ظهرك .

حيدر:- تعالت اصواتهـم ، طلع الحجي يركض

، فتحت الحجية الباب . وسحبت سحاب بعد ظهرهة

وصرخت:- مديت ايدك عليها ياحقيرر ، هو هذا الي تكدر عليه .

رد عليها ببـرود :- ما يخصج !

عاطت بـي :- ما متربي والله .

صخر:- شوفي ، حيل ما ظل خل تبدل تا نروح تعبان .

ردت عليه الحجية:- عساك بالموت ، اطلع برة يلا.

صرخ :- ولكممم تعبان ليش محد يفهم .. ولكم احد يحس بيه مو ط*** شگيتوا .

ظلت تبجي سُحـاب ، هوَ من شافها هيج اتهَستر

:- خليج هنا ، .

حيدر:- طلع يفشر ويغلـط ، اول ما ركبنا

نهد بيـة ، هسة اني شعلية لو ابوي م يكدر بس على امي ، سكتت مو خوف من الضرب لااا

احترامًا لان اخوي الجبير لا غير .

..

سُحـاب:- راح ، روحي فرفحت الحجية ما خلتني اطلع

ردت ارجع وياه بس اتدلـع عليه ، تالي بس كالت لا عافني وراح .. ٲي يريدها ايي ..

بجيت بجي ، محد كال لا .

كل شوي ابجي وارجع اسكت ..

جابت غدة .. ما اكلت .. ولا عشـة

صــٰۨار الليل وانا صافنـة على السگف .

هدوء ، وجع ، حتى النـفس ثكيل عليه ..

حسيت بطگطگة يم شباچ الغرفة .

كمت اشوف شكو توقعت بزونـة ، باوعت ماكو شي .

انبث بروحي الرعـب ..رجعت مددت وغمضت عيوني.

فجأة حسيت بشـي يحتضن خصري ، وايد نحطت على حلگي .. صرخت ، بس هيهات مالحكت

نزلت ايدي اكرص جف ايديه حتى يتركني . سحبني لصدرة وهمس بأذني

:- ولا نَفِس .

•يـتبع ..

البـارت الي قبلـه ما وصل ٤٠٠ نجمة 🌟

خلونا نتفق بدايةٍ ان ما اكتب ولا احد يطالب ببـارت ثاني الا نوصل الي اطلـبة منكم

فضلًا وليسَ امرا 🥺♥️ .

احبكُـم هوااي وانتوا !؟

البـارت التَـاسِع والثلاثونِ .

بقَلمـي مَريم علاء ♥️ ..

‏حبــآيب لـو تزآعلنه حبـآيبّ .

همس :- ولا نِفس .

غمضت عيوني بخوف ، اميز لمسـاته من ايديـه حاوطت خصري بأحكام بسرعة بجيت يمكن لان اعرفـه ما يعوفني هنـا .

بس حس عليه ابجي ، فرني لجـهتة

واردفّ :- ليـش البجي ابوية !

سُحـاب:- ما اريدك .

رد يحاول يتغاضى عصبيتـه

:- بكيفج هي !

:- لعد بكيف منووو !

غمض عيونـه وتقدم شم شعري بقـوه

:- بكيف كلبي ، حتى انـة امشي بكيفـة .

رديت بعنـاد:- ما اريد .

اردف بجَزع:- ولج تعبان كومي عاد ، هاي صــٰۨار يوم ونص ادور عليج ما خليت طـ*** على كرسي

كومي يلا .

عصبت وحجيت بنَتر:- مو كل شي يمشي بكيفك .

غمض عيونـه بعصبيه

:- حَبيبتي انتِ ، تعبي انتِ ، روحي انتِ .. اذا متصير زحمـة عليج كومي بدلي دنَـروح تعبان اريد انام

يلا عيوني انتِ .

-دِفعتـه بعصبية من صدرة وكمت اغلط عليـه بكلبي

:- عمة عينك كون ، ابو حلك .

كال هوَ :- سمعتج ترى .

صديت وجهي عليه:- عادي اسمع ، عندك مانـع !

كال ببَـرود وهو حاط ايديـه تحت راسو

:- ليش المانـع ، نروح للبيت ونسوي طفل .

زفرت نفـس:- اكرهك .

ابتسـم :- عادي .

لبست الايزار فوك الدشداشة ، انطـته الحجية الي هديـه

وكعدت على الكُرسي بِعنـاد ..

نتر بيـة :- كومي عاد ، الرجال ناطر برى .

رديتـه ببرود :- هذا الموجود .

بـعد مداهر ﯠ جَر من الشَعر ، طلعت منتصرة المهم ما اطلع من هوَ يكول ، اول ما طلعت لمحت الحجي

بس شـافني تَقدم باتجاهي وكال

:- اعذريني بنيتي ، بَـس انـة حلفتـه ما يمد ايـدة عليج .

ابـتسمت بوجهـة :- شكرًا هواي ؏َـمو ، تعبتكم وياي

سلملي على خَالة هواي .

طَلعت ركبت بالسيارة طِلع هوَ وراي سلم

وركب بالسَيارة ظل يباوع عليه وعاگد الحَاجِب .

صديت وجهي عليه واردفت بعَصبية

:- يالله ، هسة تحجي كل شي منتحرك منـا اذا ما تبرر .

صَد وجهـه عَني وبلش يسوق ، خلاني اشيل بروحي واركع بيها فَور دَمي صديت وجهي للجامـة اليمي

وظليت ساكـته .

بَـ؏ـد فَترة سمعـته كال:- انتِ مصدگة بكـُل هذا !؟

سحبت نِفَس قَوي ورديت بدون ما اباو؏ عليـه

:- شَـايف من تخلي اعز ما تملك عندك ، عند اعز انَسـان عليك وتجي بَعد يومين تلكاه ما صاين الامانـة !

اني انطيتــك گلـبي وانتَ كسرتني صَـخر .

بارد ، لحد هسة انتَ ما بررت ولا دافعت عَن نَفسك

شنو معنٰاه هذا الشي !!

ميل راسـه طَك ركبـته وهوَ مركز بوجهي

:- محاجـة ابرر .

رديت بـأنفعـال :- لَـعد طَلگني .

ضرب على السترين قَوي وصرخ

:- الكلمـة هاي اذا سِمعتـها منج ، ولا سن اخلي بحَلگج

طَلعتي من البيت بنـص الليل وما فتحت حلكي بكلمة

خليتي اليسوى والمـا يسوى يحجي بيـة

ترضيها عمج السگ* ، يكول عليه مخنث

لان ساكت عنج .. انت تدرين الحجاية شلون تترس اذني واعوفهم واعاركهم كلهم علمودج .

وانتَ مثل الثولة ، وين اكو سالفة فاكسة تركضين

عليها ، الله هاي شنو سالفة بيها شرف وتقاليد

خل اروح اسويها ، الـى متـى اظل هيج انـه !!

اجوي كالوا خر* ڪو** وابو *** ، وعندة شقة مال دعارة و ڪح** تصدكين يعني !!

محاجة احجي شي ، انـة ما احب الحجي

وباجر كل شي يتوضـح للكـُل ومو حجي لا كبال عيونكم .

سُحـاب:- صَّـد وجهة عني مستِمر بالسواقـة

كوة لزمت دموعي مدري من شوكت صايرة ام دميعـة

بس التَـعب باين عليـه .

وصلـنا للبيـت نزل يفتـح البـاب

دخلنـا لجوة كلها نايمة البيت اظلَم .

ذب السويج بالهول على الطبلة وصعد

فريت البيت ٣ مرات ما اريد انـام يمـه .

مَـد راسـه من المحجر ، من شافنـي هيج

رفع حاجـبه وتوضحـت على ملامحـه العصبية

نِتَـر بيـة وهو صاك على سنانـه :-

تصعدين لو اصعدج سحـل !!

تـأفأفت بضجر وضرب رجلي قوي بالڪَاع

هوَ هم عناد ضرب المحجر وفات للغـرفة

محَـد طيح حظنا غير ام محمود من ساعـة ماشفتني

اضحك ويـاه وكالت

:- وأخيرًا ، سُحـاب وصَخـر يحجون طبيعي بدون

جر شعر ولا عياط ولا بوكسيات ودفرات .

وانا شلـت ايدي ، وهاي بفضلها رجعنـا رويسيـة

صعدت ضايـجة هسة مال اعـوفه وانزل يم باجي

واخلي يحرك روحـه ، لا خطية يلا .

دخلت للغرفة رافـعة حاجبي ، جان نازع كعادتـه

مهند التركـي بعد ولا باوعتلـه هو والمـُبردة

واحد .. اخذت دشاشة ورحت للحـمام .

بَـس طلعت رحت للجرباية ونطيتـه ضهري

هوَ ڪَبل كام سد المبردة .

اوويي حبيبي الحَنين ، شفايتلي اموت واخلـص .

نَمنـة كل واحد بجهة ، هوَ زعلان وانـي هَم

حزت بخاطري اول مرة هيج يَسـوي

معقولة يحبها ، اي لـيش لا اشو صغيرة وحلوة .

عمة بعينج سُحـاب ، راح منَـج الرجال

هسة اني شبيـه هيج حبيـته قحط اشو مجولح .

والله الهنـود احسن مني ، ينتظرن اقل شي اسبوع يلا تحبـه اني بعدها ما طالعة السبَعـة .

هيَ الخفيفة شلـون تصير .

ظَليت للـ ٤:٣٠ اني كاعدة احوص منـا ومنـا

اخر شي  ڪام يجأجـأ ، نرفزني تغطيت باللحـاف

قَـوي . عقلي يوهملي ويكـلي انسي كل شي

وصدي عليـه واخذي بين ذراعج

بس شلـون بعزة نَفسـي ، هسة شحجي عليج يا خالة

مدري شوكت غفيت  فزيت على صوت البـاب

لكيتـه مدخلني بحضنـه ابتمست بأنتصار

لعد لَيـش البارحـة خلاني اتگلة من القهر .

قوت دگة البـاب ، حسيتـه شال ايده مني

وبعدنـي عن جهتـه بهَدوء فتحت نص عين شفـته

يمَشي للـباب بنَعـاس وعاقج الجهرة .

صاح :- ياا هووو !؟

رَد حيدر :- يكولون اخوك ، البـارحة مو نخابر عليك

وينك صدك تحجي .

:- هذا اني ، چا انتَ مطي ويامن جاي تحجي !

رد حيدر بصعبية :- وحدك بالغرفة !؟

عكد حاجبو باستغراب وسـال

:- ليـش !

- خط ذراعـه على صدرة العاري واسترسل بالكلام

:- بدون ملابس ، بس لا ناوي على شي !!

نتَـر بي :- دحـجي ولك .

ابتسـم هوَ :- لا مَريتـي يـَمـيٰ ، بس خلصني من وجهك .

حيدر:- يابة دحجي ، يعني احـنة بالنة عندها

وانتَ مرتاح صدك تحجي !

سند جسمـه على البـاب بتعَب

:- هسـة شكد حجيت ، شتريـد .

رد بنترة:- وعلي مال احركك هسـة .

فتحـله البـاب راد يدخل رفع ايده صخر

:- وين نايمـة شتريد !؟

حيدر:- ؏ـبالي اسلم عليها واطمأن .

:- مشكور ، يلا برى وصل سلامـك .

اسمع حيدر يكلو:- هاي شنو عيني ، اغرائات من الصبح

شو مصلخ ولك ! لازم جان شغل .

دفـعه لبرى وسـد البـاب بضجر

:- نـاس فارغة ، واني رجال مَشغول .

تَقدم للجرباية من جِهـتي ، وكـرشه العنوني يضحكني

غمضت عيوني باحكـام اخاف افضـح نَفسي .

حَسيت بـأصابعـه على خَدي

فَتحت عيوني بخوف ، ابتسـم بوجهي وكال

:- يا صـباح گلبي .

تثاوبت بتصنـع وافرك بعيوني عود توني كعدت

:- صبـاح الخير .

سحب شعري لورى وگعد - يـَمـيٰ

:- ضجتي البـارحة !

رفعت حاجبي بتعجب :- صار ٣ ايـام صَخـر

ترى روحي جاي تلوب .. احجي وخلصني بعد ماكدر.

اتبَسـم وسحبني عليـه

:- ولك فديت الي يغـار ، وين جان هذا الحـُب من جنت ساحل روحي !؟

مدد على الجرباية وسحبني لحضنة ، جَر جهازة

من يم الطبلـية فتـحه وخلاه بأيدي .

:- ما عندي غيرج  .

:- شَسوي !؟

:- الي تحبي .

:- شنو يثبـت ما ماسحهم !

هز راسـه مبتسم :- وعيونج ، من يوم اجيت

اخابر على فلان وعلان ، اريد الگالج اثَـر .

مَلحگت امسـح شي .

قفلـته وخليتـة بين ايديـه واردفت

:- ما احب هاي السوالف ، الحمد لله ؏ـندي ثقة بنفسي

ادري بيك متحب سوالف شبابنـة هسة

لِهذا ما احب افتـش بجهازك .

قَـدم راسـه وشم ركبتي قوي وهمـس

:- يلا نروح !؟

رديت بصـوت يرجف :- لويـَن !

:-  افرفح گلبهم مثل ما سووا بـيج .

كام مني دخل يـسبح ، وطلع بدل وكف يصلي .

اني كمت خليت العباية على راسـي 

اريد راسي يرتـاح من التفكير .

بس خلص نزلنـا ، محد كاعد

باين نايمين متاخر لان ساعـة ١٠ الصبح

حتى بيبي الي تكعد من الصبح . هم ماكو

سد البـاب ولزم جف ايدي ، شبك اصابعي بين اصابـعه

ما انطيتـه وجهي ما اريد اكون ضعيفة تَـحت مُـسمى

الحـُب ، اني اقوى من هيج .

شفتـه يمشي لبيتـهة ، كلبي رجف وخطـواتي ثگلت

عيوني غرغرت بالدمـع . بدون ما يحجي اي شي

شدد قبضـة ايديـه وكملنا مَشي .

دَك البـاب ، وخلاني بالوجـه

سمعتها صاحت :- منو !

اردف صَخر:- اني ، افـتحي الباب .

ردت :- هلا خوية هلا ، ثواني بس اخلي شي

على راسي واجيك .

- گلبي انقبض اكثر ، ربي اني لا اسالك رد القضاء لكني اسالك اللطف فـيه ، فأنا عبدك الضعيف .

انفحت الباب ، وما كدرت امـَيز معاني وجههة

بسبب النـِقاب 

فاطمة:- تَفضلوا .

دخلنـا ماكو ٲي شخص،

كالت :- ثواني اجيب مي الكـُم .

نتر بيها صَـخر:- شكرا ، تعالي كعدي عندي حجي وياج .

كعدت وباين على حركات ايدها وجسدها

متوترة ،

اردَف صَخر:- صار يومين اني ساكت

رجعت من الفاتحـة الي يكلي شلونك اسطره بعجل

ارجع الاكي بيتي خربان  ، وبسبب منـو

ضحك واسترسل بكلامـه

:- من الي داريتهم اكثر من اهلي ،

بنـص الموت ما قبلت اطلع لا اني ولا المرحوم .

اكدر هسة وروح عثمان اذلج ذل ، اطردج منـا

اسحب منج كل شي ، حتى هذ المُشـتمل .

طـِفله بكد العصفور ، تخرب بيت كامل

وحياة سِنين ابني بيها  حتى تجي تخربهـة!

اول ما شفتهة حسبتهة حالها حال بنات اخوي

وبنتي هم ، هيج تجاوزون  الزين !

هيج تنكرون معروفي ومعروف عثمان .

زين ، انتِ تدرين بية شكد احبها

قبل ما اشوفكم اصلا .. ليش سَويتي هيج !

بس تدرين شنو ، اني ايدي غسلتهة منج

صيحي فُـلة الي .

ردت بـبكاء:- نايـمة .

سحب نِفَس بعصبية :- كعديها بسُرعة ، لا احرك البيت عليكم وجف ما يرفلي وحق هوَ ؏ـلي .

بَـس كال هيج ، طلعت من ورا باب المطبخ

تبجي ، باوع عليهم يضحك .

مسحت دمعها ببرائـة وكالت

:- صحتني ؏َـمو !!

صَخـر:- گلتيلي عَمو ، حلوو

تعالي يا بَعـد عَمج ..

تقدمت كعدت يمـة ، صد وجهة ليكدام وما باوع بوجههة ، اردف .

صَخـر:- اي ، كالو حامل مِني ! من شوكت هَاي !

بجت :- عمو احَبك لا تعوفني حَباب .

ضرب بثنين اديـه على رجلة بعصبية

:- ياااا حب ياااا حب ، بكد القن*** بعدج تگليلي حُب

ولج بكدج اني بيبسي ما اشرب اخاف اتدرر على روحي. تعرفين شنو حبب .

طفلة انتِ طفلـة ، شتعرفين عن الحـب

مشاعرج مو الج ، مشاعـرج هسة ما دايمة

بعدج صغيرة على على هاي السوالف .

شگَـد صلفـه لعد ، بكد النعـ** ، تخربين بيت كامل

امشي واكلج فـُلة انتِ بنيتي ..  حالج من حال

نور بنت حيدر .

هيج تجازيني ! وين التحاليل طلعوهن .

كبل ردت فاطمة:- حرگتهم .

صرخ:- للللليش !!! ، هـاا متحچين ؟

يلا اريد اشوف تحـاليل ابني .

ردت عليه بقهر:- هيَ صدك حامل .

كام على حيلة ويضرب على راسـه بثنين اديـه

لزمها من ملابسها بعصبية

:- وي منوو ولج ، وي منو كو*** وجايه تذبيها براسي .

- هو يصرخ وهي تبجي متهسترة .

تقدمت فاطمة تريد تسحبها منـه ..

:- على كيفك وياها .

نتـر بيهة :- على كيفي ، ليش ما كلتي لذاك الگو**

الي تقربلها على كيفك لا تحبلهة !!

لو ذاك مكيفات عليه .

صراخـه هرج البيت .

:- قذذذرة ، تروحين تگود** وتجين ، على خر*

نگسةةة ..

ابتعـد منها تقَـدم يريد يسبحني ، جَلبت برجلـه تصرخ

:- عليك الله عَمو لا تعوفني ، والله اموت نفسي

عممووو اني احبكك انتَ عمووو ..

والله اعوف كل شي على مودك بس لا تخليني

احبك عمو احبكك .

يريد يدفعها من رجلـه ماكو مچلبة ما تقبل

دفعها وسحبني يركض ، اريد بس اصد وجهي

اشوف شصار ماكو يمشي سريع وكل شوي اوگع .

بَـس وصلنـا لِبابّ السيارة

سَمعنـا صوت صراخ فاطمة.

:- الحگولييييي بنتييي رررراااحت .

رجعنـة نـُركض ، لگيناهم بالمطبخ

لازمـة سچين وجارة  ركبتها من الطول للطول .

ودَمها تارس الگـاع منظر ما انسى كل عَـمري .

وفـاطمة ماخذة زاوية بالمطبخ وشفافهـة ترجف .

روحي خرطت من شِفت منظرها ، ركض عليها صخر

ركضت لفاطمة واخاف اباوع ..

رجفـة لزمت جِسمي ، سحبت العباية شُـمرتها على راسها وطلعنـا نركُض  بعـده .

تمشي السيارة وروحي فرفحت كل شوي اريـد

اتقيأ ريحة الدم ترست المـكان رجلي ما احِـس بيها .

وِصلنـا للمُـستشفى ، شالها ونزل يركض بيها

كلها تباوع علينا فاطمة تشمي وتوگع .

كوة وصلت لصالـة الردهـة .

اخذوها الممرَضين من ايده وياهو الي يفوت

يگـول شحَلاتـها ليـش هيج مسَويـة .

ظلينا نفر ، كعدت هي بالگاع تبجي .

حالهة يبجي الكـافر ..

سِحَبت ايدهـة وكعدتها على  الڪَراسي .

:- كولي يالله ، ان شاء الله ما بيهـة شي .

بَچـت وردت عليـة

:- راح تِمـوت مو ؟ لا تچذبين عليـة رحِتلَج فدوة .

:- اسـم الله كولي يالله، هسة تگـوم بالسلامة .

عيوني راحت عَليه صافن بالگاع .. تعبـان

كل شوي يجي يشوفنا ويرجـع ..

كِمـت يمـه ، بس وصلت سحبني لصدرة

ظَم شَـعري الطـالع وكال

:- ما بيها شي ، طمنيها وخل تنزل نقابها

العالم تباوع علينا ..

شوي وطلعت الممرضة

:- استاذ ، البنت محتاج خياط  لان اللـحم طالع .

هز راسـه بأسـف وگـال

:- شوفي شغلج خَيتي .

........

بَتـول :- حاطـة هالكُـتب وصافنة عليهم .

باوعـت للوقَـت ساعة بـ ٣. صافنة بهل

كتاب مال فيزياء .. هذا الي اخترعها ما عندو ضمير

نزعت نظـراتي ، وخرت كتبي صفح

اريد انـام . عيوني راااحت .

غطيت بنوووومة شكبرها ، متطمنة

عطلتـي يوم الجمـعة .

فزيت على صوت التِليفون ، فتحت الخَط بدون

ما اشوف .. منو !

كَريـمة :- ولج بَس لا لَهسة نايمة !!

:- ليش انتِ وين يمة !؟

:- كومي يول انـة بالسوك وي مرت عَمج .

كومي يا يُمة ، الولد منو يسوي الهم ريوك عيب .

:- بالله عليح يُمة ، عايفتني وحدي وياهم !

كَريمة:- يا يمة شبيج ، قابل هم غربة .. عَمج موجود

شبيج ولج مطفية اليـوم مو جِمعة !

بَتــول :- نَعسانة يُمة ، البارحة للـ ٣ يلا نمت .

سَديـت منها الخَط ونزلت ..

مو سـالفة هاي ، غَسلت وجهي ولبست حجابي

بَس نزلت البيت هدوء .

بس اسمـع صوت الماطور ، طِلعت لگيت خالو يغسل الگراج ..

:- صباح الخير خالو .

:- يا صباح الحـُب حبيبتي ،

:- انت متريڪ !

:- اي يبعد خالج ، من الصبح كاعد انـي .. سوي ريوك الج ولصـُهيب بَـس .

هزيـت راسي بـأي ودخلت جوة .

سويت اكل انتظرته ينزل انتظرته .. ماكو ما نزل

شكدد مززعج شكددد ،

ما تَحملت انتظر ، بَلشت اكل .

نزل هو يهَوبز على الدرج ، وجهو ما يكصـة السيف.

دخل للحمام وطلع غسل وجهـة .

اجـة للمطبخ ايديه بجيبـه ، فتح الثلاجة يتفرج بيها

حتى صَباح الخير  ما كال .

هوَ يا خير وي وجهـة .. كتلـه واني اكل

:- اذا تِحـب هذا ريوكڪ  .

صد وجـهة عليه رافع تَـك حاجب

:- لا .

ينرفز ينرفزز ، شلت المواعين خَليتهم بالسنك

كال:- صبيلي چاي .

:- نَعم !!

صُهَيـب:- مثـل ما سِمعتي .

بَتـول:- احد ڪلك خدامة اني !

تريد شي ڪَوم اخذة بنفسـك .

گام من الكُرسي وتَقدم باتجاهي

:- تصبين جاي لو شَلـون !

خليت القوري على الطـَباخ تا اطلع من المطبَخ

حط ايده على سراميك الكاونتر يمنـع حركتي.

تهسترت .. نترت بـي

:- انتَ منو سمحلك ، وخر مني .

بلعت ريگـي بخوف ، قَـدم وجهة يم اذني

وهمـس:- لـيش هالرجفَة !

دفعتـه من صدره ،

:- والله انتِ ما عندك ذرة اخلاق .

احس الحرارة صارت تطلع من اذني .

صعدت فوك لان اذا اكعد وياه والقرآن اتخبـل

مالي حتى واهس للدراسـة ، فتـت اتفرج

من برنامج لبرنامج ، وكعداتـي

دخلت اتفرج بالفيس مالتـه وكلبي يدڪ .

ما ناشر شي ، نَفس المنشورات القـديمة .

دخلت للواتـساب شفتـه خال حالـة

صورة مكتوب بيها ( الم يشعرك صَبري اني مليئ بالكلام ) .

غمـضت عيوني مشتاقـة لوجهـة .

دخلت للدردشة مالتنـة جان متصل الآن

رجف كلبي ، دست على الكيبورد برجفـه

كتبت شلونـك ، لكن سرعان ما حذفتهـا .

بچيـت، حتى اخابرة صعـبَة علية شمرت الجهاز

وغطيت راسي ، ما اريد اكون خاينـة حاليا بحياتـه

غيري ، منو كال هذه الحـالة الي.

اقشمر على روحي اني .

صار صوت اتصـال بالغرفة . رفعت التليفون من الفراش اشوف منـو ..

كهرباء سارت بجسمي ، احس بطني بدت تزقزق

من شفت اسمه منور شاشة الجهاز

غمضت عيوني ..

هي هاي فرصتـج الوحيدة بَتـول ..

اخر مرة وعَـد .

:- الو .

حـاتم :- هلأ بَتـول.. شلونج عيوني .

تمالكت انفاسي الي فضحتني

:- زينة حـاتم ، وانتَ .

:- على الله ، مشتاقيلـج هنـا ، مكانج فارغ .

بَتـول :- واللهِ اني هم مشتاقة الكُـم .

بعدني احجي ، اندفع البـاب

دخل سحب الجهاز من ايدي وصرخ

:- ويامن تحجين ولج !!

اني من شفتج ما ارتاحيتلج ..

•يَتـبع ...

تابعوا الحساب ، النجمة لا تنسوها ❤️ .

البـارت الأربـعونَ .

بِقلـمي الي مادري وينـة ( مـَريم ؏َـلاء ) .

مـو بَس الهّوى غلاب ، حَتى عيونَه .

🔹🔹🔹🔹🔹🔹🔹🔹🔹🔹🔹🔹🔹🔹🔹

- ويامن تحجين ولج !!

اني من شفتج ما ارتاحيتلج .

بَـتول :- سَديت الخَط بسُرعة كمت من مُكاني ونتـرت

بيـه .

:- انـتَ منو سمح الك تفتح باب الغـُرفة هيج ؟

تقدم يريد يَسحـب الجهاز مني صرخـت بي .

- بالـك تمد ايـدك .

صرخ هـوَ :- مسموح كـُل شي دامـج ببيتي

مو الوضع يصير هيتـه وتريديني ساكـت .

الكوا**  تصيـر عَلني .

فتـَحت عيوني على جُـرأتـه جَمعت قوتي ونترت بي

:- ؏َـيب عَليك تحجي هيج وياي ، تذلني لان ببيتك .

رفع حاجبـه ببرود وكال

:- ما حجيت هيج انـي ، لا تظلين تفسرين حجي بكيفج .

رجَـع يريد يسحبوا مني ،

بسرعة خليتـه ورى ضهري .

تقدم يريد يسحبـه صرخت بي

:- اطلع برى ، عيب عليك الي دتسـوي .

ما يخـُصك وي منـو جنت احجي .

سمعت صوت خالو يصيح جوة

:- شصاير صهيب ، شبيكم !!

هوَ ولا يِمـة حاير شلون ياخذ الجهاز .

اخر شي عاط بيـة

صـُهيب:- جيبي عـادد .

- دخل خالو عـاط بيـه

:- صُهيييب !!

بعد عني وكال

:- شوف هاي شمسوية ، ما تِقبل تنطي الجهاز .

باو؏  عليـة خالو ، عض شـِفافـه بعصبية

:- بِشنـو يخصك انـتَ !!

رد عليـه بعصبية وصوت عالـي

:- هو شنو ما يخصني ، غير هي يمي ومحسوبـة علينا !

نتـر بيه :- بسككك عادد ، صوتـك نصي اول

شكل هذول جماعتك طيحو حظك . من شوكت انتَ ترفع صوتـك عليه !!

زفـر نَفس يهدأ من اعصـابة وأسترسل

:- اعتذر يابـة ، موقصدي ارفع صوتي ، .

بَتـول :- بجيت بسرعة .. رُفعت ايـدي اريد اشوفـه منو .

نتر بيـة خالو وكال بعَصبية.

:- بالج تبررين لاحد ، ما الة ٲي حَـق يفتح حلگة وياج

دام انـة واثـق بيج هذا هوَ .

رد باوع على صَـُهيب واسترسل بكلامـه

:- وانـتَ على هذا تصرفك اثبتت اني ماعرفت اربيك

يا سحافة تعب عمري بيك ، تعبي يروح بيوم وليلة

بسبب جماعتـك الهتـلية هذول ، وعمامك .

اطلع برى يالله و وجهك  ما اريد اشوفـه هنا فهمت .

- بين تعصب بَـس ماكدر يحجي شي

طلـع ورگع البـاب ورا .. طلع خالـو بعده

شفتـة اخذ سويج الدراجـة مالتـة وطلع .

خالو شافـة بس ما حجة ، خفت يسوي حادث بسببي وهوَ هسـة اعصاب ،. نزلت اركض بَـعده .

ديسـدَ البـاب ، فتحة وصحتلـة

:- ثواني صُـهيب ..

صد وجهـة عليه ومعاني وجهة مدري ياهو دايس عليها

حسيـته يريد ياكلني ، حرام حسيت روحي رِخيصـة.

اردفت بصِعوبـه

:- عفية لا تسـوق سَريع .

تَقـدم يمي صاك على سنانـه ،

غمضت عيوني خِفت يمد ايده عليـة

حسيتـة لزمني من زنـدي واردف بصعبية مـُفرطـة

:- بـالج تسوين هــاي الحركــات گـَبالي .

كــلش ما أحبهـة، لا تخـافين موجودة الماليـة عَيني .

دِفعـني على البـاب قوي ، جان مزغرف بالحديد

اجت بزندي وحدة روحـي طِلعت من الوِجَـع .

هسة انـي شبيـة بس اعَوي ..

مسحـت دموعي ودخلت احظر بالغدة .

دنيا ظهر هسة وين راح ، زين وين راح يتغـدة

هسة شلون سالفـة هـاي يربـي .

واللهِ عَيب يَعني هَـم اني الخطار وهم هوَانطـرد

بسببي .. زين هسة اذا اجت امـة شنو اكول الهـة .

هسة هيَ عيارة ، شوفي شكو وسكتي

الا تِطـَبقين نَصائـح كاظم السَـاهر هَسة .

شوي ودخلو ماما ، وزوجـة خالو شيماء

ماما راحـت يم خالو بالصـالة ..

وهيَ اجت وياي نـُصب غَـدة .

كالت

:- روحي يمة ، ابتلشـي بيهم انتِ من الصبـح .

بَـتول :- لا يابـة قابل شسويت اني .

اردفت وهي تـصب الاكل

:- لَـعد صـُهيب وين ، بَس لا بعدَ نـايم !

- استحَيت وظليت امتمت بالكـلام هسة شنو اكول الهة.

صـاح خالو من الصـالة

:- طِردتـه شيماء .

عكدت حاجبهة مستغربـة وسألت

:- لَـيش يا سَتار شسوة !؟

كال الهـة :- الظاهر تجـاوز حدودة وصار يتصرف

بطيـش عكس الي ربيتـة عليـه .

سـألتني :- شسوة بتَـول احجي !!

صاح بيها خالو

:- تعالي اني احجيلج .

ذبت من ايدها وراحت ، استحيت اني من نَفسي

بلشت اصب غذة واسمعـهم يحجون .

الـخال:- دِخل على البنت غـُرفتها ويصيح

عليها بس بـودة يمد ايدة ، مو عيب هذا تصرفه

من سوة هيج أهانـي ، وأهـان نَــفسه .

كالت امي بَعتب

:- صدك تحجي خوية ، هسة هوَ الولد شمسوي

حقـة يجـوز فاهم الموضوع غلط .

نتر بيها خالو :- لا لا يـَكريمة انة ما مربي ولدي

هيج .. الي يسوي هيج ناقـص اصل .

ما يحق الـة يتدخل بأي شي يخصها . دام اني هنا و اعرف شلون اتصـرف .

مجبورة هيَ تبرر الـة ، بس هم هذول اصدقاء السوء

اني من زَمان ما حابـهم بَس مَغلس بمزاجّي .

ردت مرتـه :- زيـن تسوي ، اني منك حتى امد ايدي عليـه .. فعلا صاير طايـش عبالك عمرة ١٥ سنـة.

رجـعت - يـَمـيٰ تصب الغدة ، دنكت راسي مستحية منـها .. بس دخلت كالت ..

:- يا كملتي ، والله لو ادري السـالفة هيج فلا اسـال.

ديـلا يمة بلـة زحمة عليج بس فـُرشي السفرة.

كملنا غدة شلت المواعين غَسلتهم بسرعة

بس صعدت استلمتني امي مَعصبـة

:- ولج شلون هيج تسوين ، مخبلـة انتِ

الولد انطٰرد من وراج شنو ذنبـة !!

رديـت واني امشي ايدي على مكان الكرصة

:- يمة غلط بحقي شنوو .

رد بعصبية:- و وجـعة كون ، غمة الغمـتج

بعدين شعندج وي حـاتم مو انفصلتوا خَلص !!

:- اوووي يمة شبيج ، الولد خابر يـسأل .

كَريمـة :- وخري مني لا بـارك اللهِ بيج .

شالعات كلبي وين ما اروح .

- تجَـمع الدمع وعيوني غرغرت .

بس ما حجيت ، شنو اريد احجي قـابل امي هاي .

طلعت برة لكيت زوجة خالو تشـر الملابس على المحجر بس شافتني تقدمت علـيه

:- لا تزعلين منها بنيتي ، هو هذا تفكير امج

اني ما زعلانـة لا والله بالعكس اأيد خالة بهذا القرار

هوَ ابني من زمان هيج صاير ، بس ما توقعت منـه

يـوصل لهيـج مرحلـة .

اخذتني ودخلنا لغرفتـة ،

شيـماء :- بدايـة اعتذر منج نيابة عنـة .

بَتول:- لا يابة شنـو السالفة .

شيـماء :- لا ، ترى اذا عندكم عادي اني عندي لا

ما احب هاي السوالف ، جنت عايشة بهيج مجتمع

وعرفت اختـار الشخص الصح .

علمتـه على اطباعي واخذت من اطبـاعة

ربيـت جهالي على الحـب واحترام جنس حواء .

ببيـت اهلي كلهم هيج ، اخوتي همج واسلاح

وجوهم جو عشاير وشيوخ .

بس عرفت شلون اطلع نَفسي من هيج تقاليد .

وحاولت كد ما اكدر اغير بيهم ، حبيت ولدي غير

وابراهيـم هيج اخذ طبعي وحنين .

الا الجبير الشـالع گلـبي .

فترة هو وي خوالـة .. صَيد ، كعدة شيوخ

دگـة .. خالة كام يخابرة .

ومن احجي وياه يكلي اني مو صغير يمـة

وهاي اخذ طباعهم .. غيرة مفرطـة

بحيث لبسي اني امـة يتدخل بي . وابوه ما حاجي .

بَـتول :- ظليت فاتحـة حلگي ، لعد لو تدري احنـة اصلا هناك ما يصير نسـِد البـاب على نَفسنـة .

اخاف هذا فـات من سمع صوتي .

هنـاك يدخلون حتى اذا ما عنـدنا شي .

اكتفيت بالسكـوت وطلعت من يمها راسي مفتـر .

......

سُحـاب:- رَجناهم للبـيت بعد ما خلصوا

ركبت ورة وهي تصرخ من وجع رگبتها .

منظرها خَلاني ابجي ، مدري انقـهر عليها لو على نَفسي .. ذبيناهم ورجعنـا للبيت .

دِخل هوَ سـبَح ونـام واني هم نـمت .

كعدت العصرية مالگيتـه بالبيت ..

صعدت عزلت الغرفة ، صاحوا عليه من جوة

زينب:- سُحـااب ، تعالي خطار عليج .

استغربت ، واني ياهو عَندي .

ضحكت على نفـسي ونزلت

فِتحت باب الصالـة لكيت فاطـمة گاعدة.

جيت اطلع صاحت بيـة

:- ابـوس ايدج بس اسمعيني ، بين الحياة والمـوت اني .

استجمعـت نَفسي ودخلت كعدت يمها .

شالـت النِقـاب من وجههـة ..

فتحت عيوني هلى اوسعها من شفت عيونها كلها كدمات

وخَدهـا مَخرمـش .. والدم طـَالع ليبرة .

سالـتها بخوف لان اخاف تذبها براسي

:- مـِنو سوة بيـج هيج !؟

ردت بدموع :- فـُلة .

شهكت بسرعة :- صدكك تحجين انـتِ ،

طفلـة شلون تسوي هيج !!

بجت واسترسلت بالكلام

:- خليني احجي الج كـُل الصـار .

خيـة من يوم ما رجعتوا من المطعم ، تعاملني مثل الخدامة بحجة مريضة .. تطلع بالليل سكتت عنها

اكول حالة نَفسية بسبب فقدان ابوها الله يرحمه

بلشت تضرب اخوانهـة ومن اسالها ليش

تكلي احطج فوكاهم خليني محترمة مكانتـج .

طلت تنك ، اريد اروح لبيت عمي واريد اروح.

عمامهة مو خوش نـاس يختي .

باليل فَـزيت عليها مو يمي

كمت ادورها وريتني ما گمت .

لگيتها بغرفـة ابن عمهة وهوَ معتليها وهي بوضع

شـبـه عاريـة .

ظليت مثل بلاع الموس  ، ماكدر احجي

بس احيج يذبحوها .. خلتني افرفح .

ضربتها شبعتهة كتل ما فاد ، تضحك وتكلي معليج

وهذاك احجي وياه يكلي بَس تحجي افضحهة هنا واخليهم يخلصون عليها .

ظليت ادك والطم ، جبت الهة مانع عسى ولعل

يفيد .. سالتها ليش هيج سويتي .

تجاوبني .. بمعليج وانـي اتصرف .

و ٣ اسابيـع وبطنهة شـالت طَفل .

لان دورتها نازلة بالجديد . دخلت بسـن البلوغ وريتها ما دخلت ..

بليلة تخبلت عليـه .

لزمتني يختي من شعري وگطعتني .

اريد الزمهة اضربها ، احبـسهة .

بَس اسوي هيج تلزم اخوها وتخلي السجينة يم رگبته

وتگلي تسوين الي اريده لو اذبـحة .

اشهر عايشـة بقلـق .

لا اكدر انـام ، واخاف ابقـة كاعدة .

بيومها جتني واني نايمة .

كالت كومي اتصلي بعمو .

بعده ما راجـع ، اسالها شتردين تسوين

وانت شمدريج شوكت يرجع تخلي السچين بخاصرتـي . وتسكتني ..

وبس تكلي سوي الي عَليـج .

انجبرت اخابره واگلة مثل ما گالت .

كلتـة محتاجة فلوس الصدقات هسة .

كال باجـر هوَ خطية ، زحمة افوت لبيتكم.

حجيت وياها على راسي باچر ما رضت .

توسلتها حتى رجلها نزلت عليها .

- مسحت دمع عيونها واسترسلت وهي مفرفحة

:- بَس سديت التيلفون اباوع عَليهة ، دخلت لغرفتي لَبـست سيت نـوم من مالاتي القَديمات خالتهم فوك الكنتور ، وسحبت مكياجي وتكحلت .

صرخت بيها ، عيطت عَرفت نيتهة شنو

ما فـاد شمرت عليه نقابـي وكالت

- لبسي نقابج لا هنوب تغري لحَبيبي .

واي حجاية زايدة ابنج اذبـحة والله ، طفلة مخبلة ما عليـه عَتب .

دخل علينا خطية ، راد من الـباب

بس هي طلعت لابسـة ايزار الصلاة .

كالتلو تعال ادخل عمو مشتاقين الك .

دخل هوَ خطية عود يبوس الجهال ، حتى ما رضى ينزع حذائه ( مكرم القارىء)

دخل لغرفة الجهال ، دخلت ورا وسدت البـاب

وما اسمع بَس صراخـة .

هرج البيت هَرج ، طلع مفرفح يعيط عليه

وشلون تخليها تلبـس هيج ، وشيلي الفكرة من بالهة

وعتب عليه يكلي عود انتِ العاقلة .

جيت اكلة خلصني راح تذبحنـي بس ظلت تهدد بية

بالاشاير وانـا ام يا سُحـاب وكلبي ضعيف يم جهالي.

بَس طلع ولا كانو سوت شي ، راحت نامت وخلتني

افرفح .. على ساعة جيت اخابر عمامها يذبحوها.

بس اني الي راح اروح بيهـة .

بعد ايام جابتني واجـت .

سُحـاب:- دموعي مدري مَنين صارت تنزل.

ابجي على بجيها ولحـد ما نِهـت كلامهة اني ما مستوعبـة كل هـذا . شلون هيج يصـير .

شلون طفلة عمرهة ١٢سنـة بَس تسوي كل هذا !

جيت اكوم لان احس راسي صدع .

سحبتني وكالت

:- تعالي اشوفـج .

فتحت جهاز بأيدها

طلعرمقطع على الاستديو ..

وعقلي وكف حرفيا ..

حاطـة اخوهـا وتضرب بي راشديات قوي

اني شكبري ما استحملهم .. لو تضربـه بوكس

بقوة على وجهة ، روحي فرفحـت من القهر .

الظاهر جانت تصور بيها وهي ما تدري

بِـلعت ريگي وحچيت واني امسح دمعي

:- شنـو الي مطلوب مَنـي !

فاطـمة :- يتزوجـهة .

غمضت عيوني واني متأكده راح اسمع هذا الرد

اردفت بسرعـة :- ما اكدر.

سحبت ايدي بقوة تريد تبوسـهة

:- ابوس ايدج وافقي ، حياة جهالي بين ايديج .

سحبت ايدي منها واستغفرت ربي .

استرسلت بالكلام هيَ

:- اذا سويتي هالمعروف وياي ، اكون ممنـونة الج كل العمر .

بجيت ورديـت

:- مو سهلة عليه ، اشـارك زوجي

انتِ مرأة مثلي وتحسين بيـة .

ابوس ايدج اني ، لا تخليني بهيج موقف .

فاطمة:- مو اكثـر من شهرين وعيونج

يتزوجها وراها يعوفها ..

بَس تَبعد عني ، بعدها شنو يسوون بيها خلي يسوون

اني راح اخذ جهالي واتزوج

.. ابن عمي صــٰۨار فترة طِلب ايدي بس هي

واگفة بطَريقي . بس شهرين ابوس ايدج .

بعدها انطوها لعمامهة همَ يتصرفون .

اني هم كلبي وروحي ما راضيات عنهة ليـوم الدين

واني متبريـة منها كل العمر ، وحتى اذا تنطوها لخوالها الدواعـش هم عادي .

المهم لا تخلوها بحـياتكم لان تدمرها .

سُحـاب:- زين وصخر !!

فاطمـة :- انت قنعي ، فدوة لعينـج .

سُحـاب:- طلـعت مني خلتني مسطورة من كلامها

بجيت واني اتذكر منظر الطفل بين ايدها .

لو ما الفديو ما اصدك كلامهة .

لان ماكو ام تتحمل تشوف طفلها هيج يتعنف وتسـكُت .

كملت اليـوم دايخة ..

قررت بَس يرجع احجي ويـاه .

رجع باليل تعشينا وصعدت ورا بسَ خَلصت شغلي

لكيتـه واكف يصلي ما فاتـه .

مددت على الچرباية ، بَس كمل نزع الدشداشة

شال الغطة وسحبني عليـه ، نـمت على صدره

همس يم اذنـي :- شَبي تعبي صافن !!

خليت راسـي على صدرة بتَعب

:- انـتَ تحبني مـو !

رفع راسي بأطراف اصابعـه

:- ليـش اكو واحد ما يحب گلـَبه .

كوة حصرت دموعي وحجيت

:- صخر عندي وياك موضوع .

:- عيوني ، سولفي ..

:- اليوم اجَـت عليه فاطمة .

صَخر:- يخيـر ان شاء الله !!

بديـت اسولف الـه كُـل شي .

بس كملت گام على حيلـة وكال

:- وانتِ صدكتي بكـل هذا الخريط !!

بجيت من تذكرت الفيديو

:- شفت فديو بعيني .

سحبني لحضنـة وكال

:- نـامي انـتِ اني باجر اتصرف .

بلعـت ريگي واستجمعت قـوتي وكتلـه

:- لا ، اريـدك تعقد عليها.

بعدني عن صدرة ،

:- شدَ تمَسلتين انـتِ .

سُحـاب:- لا تردنـي صَخر .

نتـر بية

:- هذا كلـة ، عياطي وصراخي وحيلي المهدود

حتى تجين تكليلي هيج !!

صاحية  انـتِ بابا !؟

شنو لا تردني ، لو طالبة شي سهل انتِ حتى ما اردج

طالبة شي صح وما اردج .

لج بابا تقشمر عليج هاي ، اني اتصرف كتلج

آني أأمن عليهم ، وهي اني اعرف شلون اتصرف وياها

بسرعة عطت بي

:- لا لااا ، تذبحهم والله

صخر عليك اللــهہٰ  ، بروح عثمان لا تسوي هيج.

عاط :- لعد تريدني اتزوجها انـت مخبلة !!

:- اي اقبـل المهم ما تتـشرد مثلي . ولا يصير بيها مثل ما صــٰۨار وياي . لان اني بدون اب .

ضرب ، اهـانة ، اجبار .

ما اريد احـد يمر بالي مريت بيـه .

تخبل من حجيت هيج

ظل يصرخ ويرگع ..

كوة لازم روحـة ما يضربني

صخر:- دَنـعل ابو الزواج ، لابو هيج عيشة

خر* ، ارجع من تعبان اريد ارتاح هيج تسووون بي

ڪ** خر* ، اني گوا* اذا حسبت حساب لأحد بعد

- فشـار وغلط ، بس كلـه على نفسي

تسحبت على زاوية الغرفة وظليت ابجي.

تقدم يريد يهديني

:- ولج افهمي ما اگدر .

حجيت واني اشاهگ

:- لعد ليش حبيتني وانـتَ متزوج.

گام ضَرب جام المرايـة قوي وصرخ

:- كفررر يعنييي حبيت كفرررر .

مو صوجج صوجي اني ، كو** اني

ابن ك** اني .. صحيح .

الله ياخذني حتى ترتاحين وتخلصين مني

مثل المرة اركض وراج . اسمع كلام يسم بدني

واظل اعارك علمودج .

تالي تحجين وياي هيج ، دنعـل ابو الخ*

لابو كلبي الكو** .

كعد على الجرباية ايد على راسـه والثانية

على گلـبه ، عرفت صعدت عنده نسبه اللزوجة.

ركضت بسرعة على الجرار .

طلعت دواه وكعدت يمة بالگاع .

انطيتـه بأيده دفع ايدي راد يكوم اردفت بسرعة

:- شتريد تسوي سوي ، بس اخذ علاجك .

بعد ايدي ودنـگ سحبني لحضنة

كعدت على رجلـة وابجي ..

همس وهو يبوس براسي

:- كافي يروحي ، اذيتج .. اجة بيج كزاز !

حاجيني عساني بالمـوت .

حضنت رگبته واستمريت بالبجي .

رفعت راسي وبستـه بخدة .

:- اسـفـة .

مسح دموعي بخـدة

:- اشــشش ، صوتـج ما اسمعـه .

شيلي الفكرة من بالج ، لو امـوت .

بلعت ريگي وكتلة

:- اذا ما تتزوجها طلگني .

دفعني من حضنه ، واول ما كام سحبني لصدرة

ولزم فجي بقـوة طـبع سنوني على جوف حلگي

كال وهوَ صاك علو سنـانـه

:- لسانـج اكصـه اذا سمعت هاي الكلمة عليه .

كالها بكل هدوء وطلـع وركع البـاب .

ظليت ابجي من وجه فَچـي .

عيوني بدت توجعنـي من البجي .

مرت فوك الساعة وهوَ ماكو .

دقايـق بعدها وانفتـحت البـاب ..

دخل يدور عليـه عبالـة نهزمت

من شافني بنهايـة الغرفة مال كعدة

تـقدم بـأتجاهي مثل المِتحَلـف

بسرعة ضميت راسي بين ايـدي .

• يَتبع ..

ولجن خالة ، من ما اكتب وصلوا التعليقات لعدد معين

مو معانها ما رايدة .. ترى اتعب تعب

مال ٣ ايام بكم ســآ؏ــة .. على الاقل جازن تعبي.

يَعني اذا خليتي نجمة ، وتعليق حلو مثلا

عمرج خسارة !!

هذا اقل شي اطلـبة منكم ، حتى ما كايلة اريد إلف تعليق .

المـُهم عرفوني عليكم ، اسمكم ومن اي محافظة

خلوني اتعرف عليكم 🥺🙈🥲.

انتِ ٲჂ̤ ٲჂ̤ الي تريدين تطلعي تعالي وين خالة

دخلي تعليق حلو مثلج ، واكو نجمة يمج على ايدج اليمين اذا تلفونج عربي ، واذا انت اجنبية مثقفة

فتصير على اليسار . هيج شكلها (⭐️ )

خليها وطلعي هسة شبيج 🙈🙈😅.

وبـس واللـه احبكم🙈❤️

البـارت الواحِـد والاربعـون .

بَـقلمَي مَـࢪيَم ؏ـَلاء ❤️..

- لكيتك بالدرب صدفه ونسيت الرايد امشيله.

سُحـاب:-ـقدم بـأتجاهي مثل المِتحَلـف

بسرعة ضميت راسي بين ايـدي.

كومنـي من مُكاني وسحبني لصدرة .

دفعتـة قوي ونترت بيـه .

:- وخر عني ، مو تغلط وتمد ايدك بعدها تجي تحضن

وخررر اكرهككك .

لِزمنـي من عكس ايـدي قَوي وجلـة نبرة صوتـه

:- صوتـجج ، شنو تريدين اسـوي اصدڪ بهذا الخريط مثلج واتـزوجها .

سُحـاب:- هنَ بس هالشهريـن ، شخسـران انـتَ .

عـاط :- تعرفين شحَيصير بيـج !!؟

:- شيصير قابـل !

قَـدم وجهة على مَلامحي وگال

:- موت على البطيء .

سُحـاب:- لا تَكبرها .

مسـح وجهة بعَصبية واسترسل

:- يَول مو سهلة ، وهذا الكلام كلو چذب بچـذب.

يعنـي انتِ مصدگة كل هذا الكَلام !!

:- ايي اييي ، شفـت الفديو بعيـوني .

زفر نَفس بعصبية وكـال

:- انـت مصدگة اكو بنية تگدر على امـُها !

رجعت عيوني دمعت :- والله كل شي يصير بهالزمـن

لا تكـسر بخاطري .

لزمنـي من متونـي ودفعنَي .

:- هوَ شنو ما اكسر بخاطرج !؟

لَبسة مو عاجبتني ، لو مكياج ، لو تيلفون بنَفسـج

لو شنووو حتى ما اكسر خاطرج .

ولج اذا قبلـت بهذا كلامـج محد غيرج راح ينكسر .

لزمت ذراعـه

:- اسمـع مني حباب ، بَس شهَرين والله .

صخر:- لج بابا انـتِ عاقلة ، وين اكو وحدة تقدم زوجهـة لوحدة ثانيـة ، ما تغاريـن انـتِ .

خليهع ببـالج ، الي تشوفي بالمسلسل والفلم

يتزوج عليها ويظل يحبها وشرير وشريرة .

هاي بس بالأفلام ويظل تَمثـيل .

اصعـب منها ماكو ترى ، روحـج تحترك سُحـابي .

كلبـي وجعَني بَس ما بينت .

:- كل عمرك هيج ، تستصغر كلامي .

وعندك المرآة عيب وميصير تحجي .

هَـز راسـه وكَعد على الجرباية .

:- منين تجيبين كل هـذا الخريط انـتِ !

تمـدَد وَسحب غطاه ..كال بأنزعاج

:- طفي الضوة خَل ننَطـُمر .

طـَفيت الضوة ورحـت لغرفة الكعدة ضايجة

ولا يقـدر ، يسوي من الحبـة كـُبة .

حَزت بخاطري ضربتـة ، هو صح يمد ايدة

بس صار هواي يتحمل ويكتـم اعصابة لخاطري.

اخذتلي زاوية الچرباية وكَعـدت أَبجي .

بَس بَصـوت نـاصي ما اريد يَسمع وعبالـة علمودة ..

شَوي وحسيتـه فوك راسي ، وهم بدون ملابـس .

هذا شبي وي الملابـس .

مسحت دَمـع عيوني بسـَرعة .

تأفأت بصَوت عالي وكال

:- متگوميـن تنـامين .

رديت بحـرگة گَلُب .

:- شعليـك !!

:- اهــاا ، شعليك كلتيلي .

كعد - يـَمـيٰ وبصورة سريعـة سِحبني

ودحسنـي جوة ابطـه .

دفعتـه حاولت ماكـو ، عبالك امير لاصق مو بـاط .

صخر:- اشــشش ، ولا حَرف .

:- وخر مني ، عبالك اسكتلك مثل كل مرة .

ضحك وكال:- لَيـش انـتِ شوكت حاچيـة !

دفعتـه اريد اكوم ماكو ..

ظَل يگلب بالجهاز واني اباوع وياه

سـده گبل غمضت عيوني .

حسيتـة بقـبلـة على گصتـي .

هَمـس:- نامـت مريتي الفاهيـة ، الثولـة الي تريد

تزوجنـي .. لو متزوجـة كنتور هم تغارين عليـه .

ضربتـة قوي بخاصرتـه

:- لا تكول ثولـة .

ضحك :- هذا هوَ يابة ، عوبـة ولا يهمج .

:- وخر منييي تاگـوم وخـَرر .

رفع حَنچي بأطراف اصابيعـه صرخت بوجع

عگد حاجبة وسـأل بعنـان

:- تـأذيج !

:- انـت شتگول .

:- بيـة ولا بَيج ،

دنَـڪَ راسـه ، ايديـه احتضنت مـؤخرة راسي

طـُبع قبلـة خفيفة على حنچـي .

رِچـف گلبي ، دِفعتـه بخـوف وخجل .

اخذ ايـدي وسحبهـة لفوك جسمي

وهمـس :- عاد احرميني من كل شي ، الا انـتِ .

سُحـاب:- ما الـك شي يمي ، ما اريـد قربك .

ولا سِمـع مني بـاس طبعة ايديـه بالمكان الثاني .

بَعدها صعد على خَـدي ،

بَاس الايمن ، ورد بـاس الايسـر .

تقـدم لشَفافـي نترت بـي .

:- بالك تستغل الزعل الي بينا بعلاقة جـسَدية

وتحسسَني أني رخـيصة .

عض شفافـة بحزم وكال بعَصبية

:- ما عـاش ولا يعيـش ، الي يعيشج هيج شعور .

زعلانـة هسة روحي!؟

-هَزيت راسي بــأي .

صخر:- شلون اصالحـك يحلوو !

سُحـاب :- تَقبـل تتزوجهـة .

ضِرب بأثنين ايديـه على رجلـة بعصبية

:- يعنيي شلووون !؟ انت ليـش تتعبيني .

سُحـاب:- بخاطري عنـدك بَس هالشهرين .

:- ولج بابا جذابة شبيج !!

سُحـاب:- نتـأكد .

:- شلون ؟!

:- شلون ما تِحب تـأكد ، واذا اي توافـق .

صخر:- سُحـابة ، انـتِ عاقلـة يابـة !

:- اي عاقلـة ، بَس هالكم يوم .

بيـن ما تتِزوج فاطمـة وناخذها اني وياك يم عَمامهة .

صخر:- وليش ما ناخذها هسـة .

:- لااا ، خل فاطمة تتـزوج هذا الولد ، لان يعترضون الهـة .

صـفن بعَصبية

:- باجر اتـأكد من كُـل شي .

بِستـة بسُرعة من خده ، ضحك وسحبني كعدني على رجلـه .. وبلـش يشمشم .. فـد يوم افلتها واطلع الحچاية الچانـت والي راح تظل بحلگي .

سـألتـه متقصدة :- يعني هسة انتَ رضيت حتى تعاشرني بالفـراش لو شنو !؟

رفع حاجبة منزعـج

:- بربج هسة هذا هم سـؤال ، يعني مصرة تغثيني اليـوم !؟

:- ما بقصدي

.. قاطعنـي .

صخر:- بَس سُحـاب ، تجفصين ببطـني ولازم اسكت

هيَ هاي هم حچاية تحچيهة !!

راد يدفعني من رجلـة ويگوم

ثبتت نَـفسي ولفيـت ايدي حوالين رگبتـة

قربـت شفافي يم اذنـه وهمستلـة

:- ما يهـون زَعلك عليه ، اسفـة .

ظل عاگد الحاجب وخازرنـي

نِتـرت بي بضحكـة :- عفية لا تخزرني .

سَحب تِلفونـه ولبسنـي لبـسة

حرام اني والتلفزيون واحـد .

قربـت نَفسي منـة وبستـة قريب على شفافـه

رفع حاجبـة بمـُكر .

ذَب الجهاز بسرعة .. وبحركة سريـعه

حاوط بطنـي ، ولفنـي مدري شلون

صِرت جواه ..

ابتسـم وقرب شفافـه يم عيونـي وهَمس

:- لا تتحارش ولـك ، محد ياكلها غيرك .

بَعد مني وسحبني من ايدي لصدره

وبـدون السلام عليكم ولا هلو ولا حتى اشارة .

شفـافة الخشنـة احتضنت شفافي .

نَفس ما ظل ، خرب مو بوسـة شفط الهواء.

دفعتـة اريد اتنفس ماكو ، اخر شي كرصتـه

من كرشـة ..

خلـة ايده على المكان متوجع

:- اشتعلـوووو .

اخذت نَفس قوي وزفرتـه يلا كملت

:- شبيككك ، الي يشوفك يكول شاب توه متزوج

هوَ هيج يمعود !

صخر:- يول مشتاقلج .

:- خايب مو چـذي .

كام من مكانـة متحلف

:- ايــااا طايــحة الحظ ، عليمن هاي ولج .

ضحكت وضميت راسـي

:- وداعـة وليدي الي ما اجـة بعدة عليك .

خرب ضحك ، تقدم ناحيتي لف ايديـه

حواليـن كرشي وشالنـي على ضهرة .

عطـت بي :- والعبـاس اوگع وافضحك هسة .

ضحك :- شيوگعج ولج .

مشـة  بية للـغرفة جيت اعظـة دينّزلي

بس اني انسـانة احب التفـاهم كتلـة

:- نزلنـي بشرفـك ، تصلخت مَثل الاتراك

كلنـا ميخالـف ما بيها شي .

تمطك بيـة صارلك بالعـشر دقايق

كلنـا ميخالف شاف محـروم مشتهي ومستحـي .

بَس مال تشليني من رجلي واوگع واروح

اموت من وراك ، لا هاي حيل واگفة اعذرني

هاي روح وامـانة يمي.

بَس لو تضبغ روحك بَنزرقـي ما تصير مثل

مهنـد لا تحـاول .

ضحك وكال

:- وهذا مهنـد هم شال الثور نور هيج على ضهرة!؟

:- شتقصد يعنـي ! اني ثور يعنـي !!

نزلني نزلني ، تـا شوفك الثور شيسوي .

:- يولو انـة مضرط* حجيت ، شلون تخَليني

اصعدها اشمرهـة من السطح .

خلاني على الچرباية وراح يسد البـاب

اباوعلو يعرج ..  ضحكت بصـوت عالي .

:- شبيكك ههههههههههه .

تقـدم للچربايـة يضحك

:- عيدي هاي الضحكة بعد ، حظج اطيحـه .

يمةةةة منة يمةةة ، هوَ كل ليلة وياه من ليالي العمر

بَس هالليلة نطَبعـت ببالي كد ما حلو .

عشـت بيها شعور حلو ، ساعة ابجي . ساعة اضحك

كل حركـة منـة اتخيلـة يصيح مشتاق

فَـد واحد منحرف وفاسـد فسـاد .

وشكو سالـفة مال كبار يعرفها .

بَس من اني احجي يصير حرام .

يحـافظ على اخلاقي عود ، هو مايدري

يا مـا تحتَ السواهـي دواهي .

نِزلت ثاني يوم الصبح كلها وجههة ثكيل عليه

ما انكر ضجت بالاخص باجي ، احبها وكلبي

ما ينطيني ازعلها .

قررت بس يعقد عليها انزل ابوس راسهة

لان اذا هسة انزل ، راح يعرضولي بيهة .

بنفس اليوم طلع صخر ورجع يكول ماكو شي

ظليت ادك والطم

:- والله اكو ، بَس هي كبالك تتصرف هيج .

صخر:- ولج مو شفت بعيني ، البنية مريضة

هاي تقمشر عليج تريد تتـَزوج .

:- لو تريد تتزوج جان ذبت كل جهالهة .

• بـٰدا؏ٓــَٰـُتي جرب بَعد .

نتـر بية :- ولج شبيج انت ، بالله الكريم

فلا صاحية هالبنت ..

شبيج عيني شبيجج !؟

لزمت جَف ايديه :- وعدتني انتَ صخر .

مسح وجهة بعصبية وزفر نَفس .

:- شسوي هسـة اني !!

نطيت من يمي:- خابر عليها . وكول الهـة خل تصور الك بس تصير مشكلة .

فعلا سوة هيج ، بس مو بالساهل

ظل يدردم ويحجي ..

من جاوبتـه ماكو شي .

صخر:- شحجيت انـي !!

عفتـة ما حجيت ، بس احوص حوص .

شوي وسحبت جهازه وهوَ نايـم .

اتصلت بيها ، شوي وفتحت

:- ها خوية !!

سُحـاب:- هاي اني فاطمة .

فاطمة:- ها سُحـاب ، بشري !؟

سُحـاب:- ما قبل الا يشوف بعينة .

فاطمة:- هسة شوي وتجي ، راح احجي وياها .

سُحـاب:- تمـام .

سديت الخط بعد عشر دقايق تقريبا اتصلت

بسرعة هديت على صخر وهوَ نايـم .

:- كووووم كووووم .

كام مفزوع ..

:- شبيجججج ، شصاير بيج شي .

فتحت الخط وفعلت السبيكر ،صــٰۨار صوت فاطمة وهي تحجي وياها ، وهي بسَ نتنر بيها .

الصوت مو كلش بعيد ، ولا واضـح .

شوي وعاطـت بيـهة .

:- اني كحب* اييي ، وخرابة بيوت .

هما مثلج كظيتها استشرف براس النـاس .

شفت رجال وحبيتـه والشرع حلل اربعـة

ومثل ما يحبها راح يحبني .. لهذا ما ابطل .

وعبالج بس اهدد ، لا وروح ابوية

وداعة عمَو صخر ، اذبح جهالج واذبحـج .

انتِ نگسة نفس اخوانـج .

سُحـاب:- اسمع فاطمة عاطـت بيها

مباشرا صار صوت راشدي قوي ، وضرب

واسمع صوت ابنها مفرفح ، وفاطمة تصيح بيها

:- ولج عووفي بنت الخ** اخوج هذا ، رخيصة

هي هاي جزاة الرجال وياااج ، انعل ***

يابنت **** ..

ترد هي عليها:- ههههههه ، تضوجيني مثلًا

ترى اني مخبلة شنو نسيتي ..

سُحـاب:- فجأة نَسـد الخط ،

اباوع على صخر ، مفزوع وفاتـح عيونة على كبرها

صفن واستغفر ربـه .

صخر:- صدك يعنـي اكو هيج طفلة !!

بجيت بسرعة وحضنتـة

:- اييي ، صخر راح يضيع مستقبلهم

والسبب طفلة مراهقة .

صخر طفل راح يموت ، واذا مات احد بسببي

وحق هذا الله امـوت وراه .

سمعت صوتـه شلون يبجي ..

سحبني لحضنـه ومسد على ضهري .

:- هذا هوَ يبوي ، امري للـه .

صح ضجت ، بَس احجي يصير ضدي

ليـش ضجت وانا اكثر وحدة نگيت عليه !

نِزل جوة ، تعشـة واني ظليت فوك

حتى ما اشتهي الوجـوه ثگيلة عليه واني ما عندي غيرهم .. ما بچيت گبل رحـت للچرباية تـا انام قبل ما يصعد ويشوفنـي ..

ما نِمـت ظليت اتحوص لحـد ما سمعت صوت البـاب

حسيـت بثكل جسمـه على الطرف الثاني من الچرباية

ثواني وايديـه وحدة صارت تحت جسمي

والثانية احتضن بيها الجزء العلوي من خصري

وسحبتي لصدره .. ناطيتة ضهري اني .

هَمس بأذني

:- صعبـة مو !!

سُحـاب:- شوكت تروح تَعقد !

رد بأنزعاج :- مو هَسـة .

سُحـاب:- لا ، • بـٰدا؏ٓــَٰـُتي باجر.

:- عاقلـة انـتِ !؟

صديت وجهي وحضنتـة بسرعة ..

لزم ايدي بلـش يرسـم كلمة احبـج على چف ايدي

واول ماكمل اخذهـة لحلگة وباسـهة .

سحب شعري يشم بي قوي

لو يرفع ايدي يشمهـة ويرجع يشم بشعري..

سألتـه :- شنو سالفتـك وي الشـم .

ضحك:- احب ريحـة جلـدج .

سُحـاب:- اخاف عندك خَـلل بحاسـة الشم

حبيبي ، ترى كل ٣ ايام يالله اسبـح اني .

ضمني لصدرة اقوى وضحك

:- تَصـنفين عليه ولـج .

رفعـت واسي وبسَـت خده

:- افـــاا ، ما عـاش الي يصَنـف على عگيدي .

بــاس راسـي :- بَــقلاوتي انَتِ .

مَدري شلون غَفيت والتكفير اكل راسـي

احس عقلي بلَـش يصرخ ارحميني .

كعـدنا ثاني يوم الصبـح مزاج صخر مو حلو

حتـى صَباح الخير ما گال ..

صليت ويـاه ونزلت اسوي الريـوك ..

بَس شفاتني باجي ، عافت المَطبخ وطلعت .

صعدت لكتيـو بعده كاعد ، لا سابـح لا محظر

خليت الصينية ، اكل شوي وگام رجع على التيلفون.

اردفت:- حَبيبي كوم اسبَح ما ظل وگت .

رد بدون ما يوجـه نظره الي

:- ما اسبـَح ، البارحة سـابح .

:- ما يجوز حَبيبي .

ولا رَد عليـه . عِفتة ونزلت غسلت المواعين ورجعت

صعدتـله ..

لگيته ديبدل ، وتوه يلبـس قمَيصـه

مَطلع قَميص أسـود .

تقَدمـت يمة ، وجيت انزعـة ..

سأل بانزعاج

:- شدتسويـن .

سُحـاب:- لَيـش تلـبَس اسود ، رايح لعزى انتَ .

رد عليه بهدوء:- لَيـش هذا مو عزاء !؟

سحبت هوى لصدري ورَديت

:- حَبيبي لا تسوي هيج ..

ما رد عليه ، نزَعة وشمرة بالگاع ..

طلعتلو قَميص كريمي .. حتى يتنـاسق وي البنطرون

اخذو مني بعصبية .. شلت القَميص علكتـه .

بلَشت ارتـب الغرفة .. وكفت انطيـه العطر

دفـعه من ايدي وسفطني على الكَنتـور .

:- اكو وحدة تحظر زوجـهة ، وحبيبهة لغيرهـة !!

جيت ادفعـة من صدرة لزم ايدي

:- تقبليـن وحدة هيج تلزمني ؟

بلَعت ريگي بصعوبـة وخَوف .

:- وَخر .

لف ايديـه حوالين بطَني بأحكـام وكال

:- ما عنـدج احسـاس انتِ ، لو متزوج ثلاجة هم تحس اكثر منـج .

عيـوني دمعت ، شكد يجرح كلامـه

بَس شافنـي ابجي هيج نتـر بيه

:- اذا شِفت منج دَمعـة ، انهي كل شي .

قَدم راسـه وباس شفافي بوسة خفيفة

وهمس :- تقبلين ابوسهـة هيج !!

استرسل

:- تقبلين اكون قريب من وحدة غيرج هيج !!

رفع ايدي لوجهة ، مسح بيها على خدة

:- تقبلين وحدة تسوي هيج غيرج !!

عِندج احساس انـتِ لو ما عندج ، تحبيني لو لا .

- حَركت راسي بــأي ڪبل عاط

:- جَذاابـة .

سُحـاب:- مـو جذابـة .

:- اشــش .

راد يطَلع سـألته :- تجيبها وياك !

صخر:- لا ، هم عوز اخرب بيتي بأيدي

تبقى عند يم امهـة ..

رديٌت بسرعة وخوف

:- لااا ، جيبهة هنـا . حتى گبال عيوني .

صد وجهة عليه رافع الحاجب

:- لازم ما عندج ثقـة .

توجهت يمـة سحَبتـة من ياخـة القميص وجوهنـة حيل تقاربـت وماكو شي يفصلـنة غير النَـفس .

:- كـُلي ثقة بيك عگـيدي ، وبنَفس الوقت

ما عنـدي ثقة بِغيرك ، شلون ما تفهم افهم .

فتـح الباب صحلتـة

:- احَــبـك سَيـدي .

صَد وجهـة عليه ونظراتـة كلها عَتب .

بَس ما فتح حلگة بكلمة .. طلع ورگع الباب ورا.

ظليت احوم بالغرفة ، طلعت الملابس

ورجعت عدلتهم . المهم ما احس بالفراغ .

محد قِبل يروح بس حيدر وياه ..

باجي ما قبلت تخطي خطوة ..

كملت شغلي ، وكلت خل انزل اعتذر منها ..

نزلت بخطوات

مترددة ..

خايفـة ..

لگيتهم متجَمعين بالغرفـة ، وصابين استكاين جاي

وكل وحدَة ملتهية بالشغل والوجوه ما توصـف .

بَس حسوا عليـه

كامت باجي تريد تطلع .

لزمت ايدهـة

:- بَس اسمعيني .

رجعت لمكانهـة بدون ولا حَرف .

..

بست راسهة ، صدت وجهـة عني

:- اسـفة .

باوعت عليه بعصَبية

:- على شَنو !!

على خراب بيتج !

لو على خراب حياة ابني .

لو تصرفاتـج مال صغار .

على شنو بالضبط سُحـاب.

انت تعرفين الي سويتي شنو

عَبالج سَهل ، عبالج عادي .

وين بالج ، عاقلة انت

اكو وحدة تقَدم زوجهـة هيج .

تستغلين نقطة ضعفة الي هي انت

على مود شي يخرب حياتكم .

انت كل عقلج هاي راح تكتفي

غلطانة ، وتذكري حجايتي هاي .

راح تنـدمين بگد شعَر راسج ..

بجيت ، بسرعة ضمتني لحضنهة

:- اسفة باجي .

مروة:- شسوي بالاسفـة ، صار الي صــٰۨار بعـد

بالج على زوجج ..

زينب:- عادي عندج يعني .

ضحكت :- كلش عادي ، شبيج هو خل يوصل يمهة

اذبحـه والله.

زينب:- عبالج متاخذة مِنج !!

رديت بثقـة :- ما تگدر ، صخّر مـدمن بية .

ردت باجي :- چــا من عرفتي هيج

شلون هيج تسوين !!

ما رديت ، اصعب شي المواجهة عندي

حاولت انـسى بس تفكيري كلـة هناك .

ساعة ونـص تقريبا ، صار صوت سيارة

حَسيـت كَلبي وكف من الخوف ..

حاولت ابين طبيعي ، بس الي يباوع عليه يحس

توجهـت للحـمام اغسل وجهي .

طلعت من الحَمـام متوجهـة للـصالة

وريتني ما وَصلـت ..

•يَتــبع ..

شفتوا شلون من تـدَللوني ادللِكــُم 🙈♥️

مثل ما مااتفقـنة ، نوصل البـارت مثل كل مرة.

يالله وين تلگون دَلال هيج

اعتذر عن كل تاخير صــٰۨار بكل بارت تنتظروه

بس اعرفوا شي واحد ، ان ظروفي تحكمني .

تـابعوني على الانستاغرام  (ww_tpa-d)

وشاركوني باكثر مشهد عِبجكم 🥺♥️.

سوال اليوم .. منو وين عرفوتني ..

وشلون وعن طريق اي برنامـج .

وبــَـس والله احبكم يا تچايـاتِي ❤️ .