رواية ملاك الرحمة الفصل العشرون 20 - بقلم زهراء العراقيه

بعد يومين رجعت لدوامي بالمستوصف
وعباس يادوب بهاي الفتره اشوفه خطافي حتى ابد ما يحجي وياي مجرد سلام وين جنا وين صرنا ماعرف ليش احسه يجنب الحديث وياي او النظر الي ...
رجعت من الدوام الساعه ب 3 لبست وانتظرت عباس يجي ياخذني لان عرفت من خاله اليوم يروح للعياده فعبالي يجي عليه مثل قبل ....
انتظرت لل 4 ونص وهو ماكوو؟!
خابرته
اني: هلا دكتور اشونك اشو ماريت عليه؟
هو: هلا هاجر  ما احتاج اليوم يلا مشغول باي . كاله بجفااااااء
اني ضليت اباوع ع شاشه الموبايل وصافنه كولت يلا خطية مشغول ..
ثاني يوم وثالث يوم هم شو ما ياخذني وياه
..........
نايمة كانت الساعه يمكن ب 2 ونص بالليل سمعت سرور اصحي بيه
سرور: هاجر انزلي كعدي خاله تخلي الولد يوصلون غفران داتطلك اني كبل طفرت لغرفة غفران ... كتله خل افحصج اني اول فحصته اصلا البنية منتهي امره دا تولد .. رحت ركضت جبت جنطتي بيه عده احب احتفظ بيه بالبيت حتى اذا صار شي اني جاهزة ...
نور: شنو دا اسوين يمعوده كتله اني ياما ولدت وهسه هم حولد اختي ولي ماخليه تروح بالمستشفيات يكتلوهه !!!
اهنا نور راحت كعدت خاله وسرور خابرت ع احمد ينزل وهذا ماشاء الله رايح مصي اخوته وكولهم شكل يموت ضحك واكفين بالممر الي يم غرفة غفران وخاله يم غفران تقرة ايات هي وسرور نور سخنت الي ماي وعقمت الادوات من دخلت
احمد: عود صدك هاجر خل نوصله للمستشفى
كتله: لا اني اولده اشبيه ؟؟
هو: الله يساعدك ..
دخلت ... ...... مرة وقت وجيز وصراخ الطفلة يملئ الغرفة ... جابت بنوته تخبل نظفناها هي وبته ونامن هنه الثنينه اني طلعت دا اروح للحمام 
عباس: ما كنت اعرف انت هيج شاطرة عاشت اديج ..
اني #تسلم دكتور
هو: اليوم العصر حضري نفسج محتاجج
اني: اوكي وفرحت حييييل بداخلي
فرحت حيل واخيرا حرجع قريبة عليه مثل أيام زمان ...
العصر تعمدت اشيكت ولبست احلى شي عندي ها صدك أستايل العجايز تركته وصار الي واهس اهتم بنفسي لبست هذا الثوب (الي بالصورة)
وكملت ونزلت لعباس جان كاعد بالصالة ينتظرني نزلت وشفته يكلب بفونه ويبتسم اروح فدوة لأبتسامته بس اشو اول ما شافني تغيرت الابتسامة بوجه عابس حتى ما طول النظر الي مجرد لمحني تغير وكال يلا بينا وراح واني امشي وراه ياربي اشبيك وصلنا للعياده وجانت حيل زحمه ..
دخلي امير لمكاني ..
امير:: هجورة طبعا ولا عرفتج حمداللله ع سلامتج صايره وحده ثانيه .. مصارت فرصه اسلم عليج اول مدخلتي لان الدكتور جان وياج واشو كولش عصبي
اني: الله يسلمك شكرا الك
هو:: ابتسم وكال والله ماعرفتج بصراحه عبالي وحده جديده
كتله: باهي الاثناء طلع عباس وره المريض وجان يوجه نظرة ع امير
عباس: دخل التالي
امير: صار ..وراح امير وضل عباس واكف يم الباب وباله شارد بالفراغ ماعرف بشنو يفكر وانوب باوعلي بنظرة ماعرفت معناهه ودخل ...
ورة ساعه دخل امير  شخص..
رجال وسيم بشكل بس هاجر اصلا ما أنتبهت عليه دخل كبل ع عباس
عباس": يا اهلا وسهلا دكتور نذير
نذير: صديق عباس .. اهلا بيك اشونك.... بعد السلااام كعدوا يسولفون .
عباس ": شنو تشرب
نذير والله اريد شي بارد
عباس اذكر ماكو عصير بالثلاجه الي عنده خابر امير يجيب شي من جوة وصدك امير جاب العصير
امير: هاجر حبابه دخليه انت صايره هوسه برة عليه يريدون حجز
هاجر : اي جيبة طبعا هاجر ماجنت تدري الي مع عباس ضيف وصديقه عباله مريض
دخلت :: عليهم وقدمت العصير لعباس وحطت واحد امام نذير ..
نذير: شكرا زحمتج
هاجر: ولو واجبنا وطلعت
نذير: نسيتي موبايلج
هاجر طبعه بشوش ابتسمت اخذت موبايله  الان من قدمت حطته ع الميز وطلعت
عباس : اهنا هم جان صافن بس نذير لفت انتباهه من كال :ما هذا سبحان الخالق لك عباس هاي امين جبته الحاته ...
عباس: ضل يباوع لنذير بنظرات ما تتفسر ..
نذير : كمل وكال والله عليه جسم هاي ممرضه لو معاونت طبيب ..
عباس: مجاوب
نذير ضل يشرب العصير ويحجي
وعباس عصر علبة العصير بيده الى ان طكت عليه وادمر قميصه انعدم عدام بالعصير .. اضل يمسح ونذير كله هاي اشبيك يمعود غير تنتبه..
ورة اشويه اجه امير لهاجر
امير: فدوة هاجر ادخلي للدكتور
صارت عركه بينهم ع الدخول وهو صارله ساعه مامدخل احد
هاجر: روح انت كوله
امير: لا فدوة يطلع حركته بيه ..
هاجر : يبو هف  اوك حدخل دكت الباب ودخلت
جان عباس يمسح بالعصير .
هاجر : دكتور اسفه للمقاطعه بس برة صارت عركه بين المرضى ويه امير شنوونسوي؟؟
نذير : ضل صافن ع هاجر ويباوع ع رقت هاي الي واكفه تحجي بهدوووء وخفه
عباس الوود ودة يكوم يضرب نذير صديقه بوكس .
عباس بزمجرة : روحي هسه احله
هي من شافت قميصه : هاي شنو دكتور اساعدك ؟
باوع ع نذير يريد ياكله بنظرات طلعت روحه وكال : هاجر لخاطر الله  بشنو اساعديني روحي هسه واني من احتاجج اطلبج ...
هي راحت وضاجت من أسلوبه حيل .. 
نذير : شكلك ضايج منه جيبه اني احتاجه وضحك بخبث اهنا عباس كال:نذير مو وكتك هسه يلا اني اترخص اشوف الناس اذا تريد انتظرني نروح سوة للنادي
نذير:لا اهناك نلتقي اعوفك ع راحتك وطلع ...
وكمل اليوم وعباس ابد ما ينراد صاير اعصاب .... يتبع ....