رواية ملاك الرحمة الفصل التاسع عشر 19 - بقلم زهراء العراقيه

ثوب هاجر فووك ....

واجه هم كامل ابن خالتي الثالثه ماعرفتكم بيه . وصار تجمع على العشه بيومه بس اني وسرور ونور جنت لسه ما مسلمات عليهم الان سرور لزمتني بغرفته ودتحفلي وجهي هنوب كملت حف قشرتلي وجهي ورطبته وحطتلي ميك أب لاول مرة بحياتي جنت ما خلي لان مأيسه من شكلي. وجابت الي صاية مدري ثوب يخبلللل وشال يتلأم وياه اول مرة احس بأنوثتي الثوب تخصر ع جسمي وصار يجنن عليه صرت ابنية وأخيرا
...
خاله ام عباس : يمة غفورة خواتج شنو يسون فوك خل يجن يسلمن على ولد خالتهن وهم يلا جعنا
غفران تدري بالسالفه : كالت اي خاله هسه حيجن
جانو كاعدين سوة بالهول او الصاله وطبعا مو عبالكم الصاله صغير لا اشكبره بحيث بيه اثنين اطقام قنفات وتخبل بأثاثه وبفرشه .. ....
الولد يسولفون ويشاقون همه وعباس وهيفاء كاعده مكنكه مكيفه الان عند اهله  خالص الاشتراك وغفران تتوجع من بدايات الطلوق تعرفوهه العجايز يسمنه تشاليع .
احمد اجه واخيرا اول ما دخل كال اريد عشا .. طبعا بعده سلم ع اخوهه وسال عن هاجر ..
وجان تنزل نور
نور: السلام عليكم اشونج هيوفه
هيوفه : هلا هلا حبي وتباوسن
وسلمت ع كامل وجسام ..
ام عباس: خاله وين هجورة الجماعه يردون يسلمون عليه
هيفاء : اكيد نامت هاي ام اسنون وضحكت بعفوية بس
عباس قطب حاجبه ما عجبته طريقه كلامه عن هاجر حتى لو كانت متقصد ..
سمعو صوت اقدام تنزل من الدرج ..
تقدمت سرور سلمت ووكفت وجان تدخل هاجر (طبعا هي كل الوقت مشوقه اشوف نظرات الاعجاب من عباس))
اول ما دخلت
ضلو مستنكرين  ع البنية الحلوة النازكه الي دخلت قصر قامته ونوعمته مطيه جماليه خاصه هاجر السلام عليكم وتوجته على احمد الي جمد بمكانه وضل صاافن بكلبه يكول معقول هاي هاجر!!!
احمد: وعليكم السلام هجورة  وانطاهه نظره الاعجاب بطريقته الكوميدية اهله ضحكوا عليه
من كال: هلا هلا بالحاته هاي كندا هيج تحلي ما تسافرين اله سرور
سرور::
هاجر خجلت وكملت سلامه ع هيفاء وجاسم وبعده سلمت ع كامل الى نظرات الاعجاب مفضوحه من اعيونه هو شاب مواليد 91 وخريج ..
سلمت عليه وكعد ع القنفة المجاورة لكامل طبعا كعدته عفوية لأن ماكو مكان خالي غيره ...
بعدين حاولت ترفع نظره وتشوف حبيب العمر ياترى انتبه اله لو لا شافته لازم موبايله واصلا ولا يمه
بعدين الخاله كالت الهن صبن عشا يمه وهنه كامن ..
فرشن السفره والكل التم وكعدوة بسوالف وضحك معدا عباس جان مبوز واصلا باله ولا يمهم ..
بعد صبت الهم هاجر شاي وكالعاده اجت هيفاء اخذته وقدمته الهم
وكعدت هاجر يمهم عسى ولعل تشوف النظرة الي اتمنتها .. وكعدت هيفاء  بصف هاجر من خلصت تقديم ع ايد القنفة
عباس اخذ  رشفه من الجاي واخيررررررا باوووع ع جه هاجركيفت
هو:عاشت اديج على هذا الجاي
هاجر : ابتسمت اله رادت تكول صحه وعافية
جان: هو يكول هيوووفه
هاجر بلعت الابتسامة وكامت انحرجت منه عباله واخيرا انتبه اله .....يتبع
1. صورة غفران

2صورة سرور

3صورة نور