رواية ملاك الرحمة الفصل الخامس والعشرون 25 - بقلم زهراء العراقيه

هو:: هاجر!!!!
هي كامت على حيله
ما سوو الي شي محد أذاني غيرك انت دمرتني
عباس: : اني
هي: وكفت كدامه دموعه تجري وتحجي : اي انت دمرتني خليتني اكره نفسي واكره حياتي اني شنو سويت الك
هو: سكت تقرب منه راح يمسح دموعه وكال اااه يابت الناس انت حتى لو ما الج ذنب بس اني
هي قاطعته وما خلته يكمل كلامه : انت شنو هاااا كافي عاد.اطلع من حياتي ماريد اشوفك بيه ..
هو تقرب اكثر راد
صاحت بصوت عاالي : أبعد عنيييييي ووووووووخر
هو ما اتحمل يشوفه هيج راد يسوي شي بس امه دخلت على صوت الصيةح اجت تركض ..
ام عباس شكو يا عزة اشبيج هجورة
حضنته وكعدت وياهه ع السرير
ام عباس: يمه اشبيج
هاجر: كولي اله يطلع خاله ماريده خل يولي عني ..
الام: ضلت تباوع لبنه بستفهام
وهاجر تكول خل يطلع يمه طلعيه
ام عباس: اشرت اله يطلع
بقت هاجر عدهم للعصر والخاله حاولت تفهم منه شي بس هي ما كالت شي حاولت تسال أبنه كذب عليه كال غلطت بالشغل واني عصبت عليه وهي زعلت ... ام عباس ما اقتنعت بس حاولت اصدكه ....
العصر ام عباس اخذت هاجر و وصلته لبيت اخته ام جاسم ...
بالليل
غفران :لا تكولين الي كولشي ماكو هاجر ليش ما ضليتي يمهم وليش عباس ما وصلج لعد ؟؟ وليش وجهج مخطوف اليوم ماكو نوم اذا ما اسولفين الي
هاجر احتارت شنو تكول:::: بس شافت ما منه فايده اخته مصره تعرف وسردت عليه كولشي .....
غفران : يا حبي وليش ساكته كل هذا وما فضفضتي لزمت ايده وحضنته بكفه :شوفي حبي انت راح اضلين يمي فد يوم من يفرغ جاسم اني اخذه واروح لبيت خاله ام عباس نجيب كل غراضج مالج كعده يمه وبعد يحلم يشوفج ..
هاجر: اي بس خالتي ام جاسم اخاف ما تتقبلني بالبيت
غفران : لا تهتمين هاي كل همه الفلوس ارش عليه كل راس شهر من راتبي كم فلس تسكت وهي الممنونه....
هنه يسولفن ومايدرن اكو اذانات تسنط عليه سمعت كولشي هيفاء .
هيفاء: خنب حضي اني اذا عباس عافني وباوع لهاي الجكمه الحمدلله من عافه هاي الغبرة ...

مرت خمسة ايام و حسين واحمد وحازم ما رجعوا الان اجه شهر رمضاان الفضيل و مددو الاجازة اهناك حلو الجووو برمضان..
اما هاجر استقرت بيت خالته مع غفران وهيفاء ضلت تلوك اله حتى متفكر ترجع لبيت عباس ....
ام جاسم : يمه الباب تندك تعالن افتحن
ركضت هيفاء فتحت
هلا هلا
جانت الضيفه نرجس اخت عباس رجله وصله بسيارته وراح
هلت ورحبت بيه وسلمت على خالته .. ضلت للغده يمهم ..
دخلت هاجر للبيت شافت نرجس يمهم فرحت حيل بيه وبشوفت ردت روحه لانه من ريحة المحبوب عباس ..
راحت هاجر لغرفته تغير همزين هيفاء تغسل مواعين جانت انتهزت الفرصة نرجس وراحت دخلت على هاجر ...
هاجر :: هلا اليوم والله فرحت بشوفتج
نرجس: مم واني هم بصراحه اليوم اجيت مخصوص الج ...
هاجر: فديتج
نرجس: مو بس اشوفج اريدج بموضوع
هاجر: كعدت يمه وعافت الي بيده
اي حبي اسمعج خير...
نرجس: خير حبي .. شوفي اريد اسولف الج بس لا تقاطعيني ....
هاجر:: اوك
نرجس : جان اكو شاب من عائلة مستورت الحال .. كل همه ينجح بدراسته ويفرح أهله ... حالتهم زينه الحمدلله بس ابوه تمرض وهو اضطر ويه جامعته يشتغل .. جان طالب كلية طب .. واهله كولهم امالهم عليه بس وهو بمرحلة اولى هذا الشاب شاف بنت عجبته حيل جانت كولش حلوة وضل بس يفكر بيه واشون يتقرب منه وفعلا تقرب منه و هي هم وضلو سوة نجحو للمرحلة الثالثة وهمه سوة بس هو جان كولش مشغول مابين دراسته وعمله واهله كولهم اعتمادهم عليه مجان يرتاح عنده ثلاث اخوه ولد واخت وحده وامه وابوه المريض . حبيبته ما عجبه هذا الوضع وضلت تتحجج عليه هو خاف تروح منه ضغط على نفسه وشربك نفسه بالديون حتى يكدر يتقدم اله وخطيه حتى ليلة ما ينامه وخطبه ووافقت وعقدوا هو ارتاح كال صارت الي بعد وهم رجع انوب عنده ديون حتى دراسته قصر بيه .... وهاي تريد تطلع وطب وتتونس وهو حاير بضيمه ابد ما حست بيه نجح كوة وصار مرحلة رابعة ..
هي اهنا تغيرت عليه واهملته هو عباله لان هو هامله حبت تبيع ثكل وامن بيه ويحبه امي باعت ذهبه وابو باع بيته الجبير واشترو بيت بنطقه ارخص ولمو اله فلوس زواج حتى ماويربطه اهواي ..
باليوم الي يريد يحدد وياهه موعد العرس راح لبيته مالكاهه اهله اتعجبوا كالو اله هي كالت تطلع وياك اليوم من جامعه تتعشون سوة؟؟؟
اهنا تعجب ... انتبه على تصرفاته وكل حركه تخطيه ..
وبده يشك بيه وانتبه على لبسه اغلى ماركه وهي اهله كد الحال...
ضل يراقبه وو بمرة أستدرج اخته وهو يمهم . ومدح لبس خطيبته . وكالت اله غير انت جايبه!! عرف انو هي مفهمه اهله هو يصرف عليه!
وبيوم شافه طلعت من المحاضره من وقت وهو هم استأذن وراهه وطلع وضل يراقبه الى ان اكتشف هي تخونه مع صديقه المقرب بمجرد هو غني ...
انهار الولد بعد كل الي سواه اله هي هيج تجازيه اهله ما سولف الهم خجل من نفسه بس اخته سولف اله وهو دوم يشكي همومه اله بس ما انكسر بالعكس عافه ونجح ووفقه الله بدراسته وتخصص وهو من افضل الجراحين والحمدلله وصار احوال وهي صديقه مل منه وعافه و سمعت يمكن ازوجت ..
بس هو ضل عازب ومايقبل يتزوج .. الى ان وكع بالحب مرة ثانيه بس مع الاسف المخلفات الي تركته خطيبته السابقة اثرت عليه وخلته ماويثق باحد واقل تصرف بريئ يشك بيه وحتى ما اعترف للبنية وخسره...
هاجر: طول ما نرجس تسرد عليه هي ساكته وحست ادموعه تجري بدون ما تحس لان عرفت منو المقصود ...
نرجس: اكيد عرفتي هاجر منو اقصد عباس اجاني قبل يومين وحجالي عنج وهو ندمان هاجر انطي فرصه ثانيه ...
هاجر: هو اكو اولى هو اصلا ما صارحني بشي ..
نرجس: لان خايف
هاجر: واني هم خايفه منه
اهنا دخلت هيفاء وكالت رجلج اجه ياخذج لنرجس وطلعت
ودعتهم وراحت نرجس...
هاجر الليل كوله تفكر .. : نرجس من اجت عباله بعد ما اسمع السالفه راح احاول اساعد عباس ماتدري هي اصلا خلتني اقرر اعوفه وانساه للأبد لاني مو حمل شخص مجروح لا وبعد متعقد مكدر اتحمل شكوكه ونظراته تحركني ..