رواية ملاك الرحمة الفصل السادس والعشرون 26 - بقلم زهراء العراقيه

الصبح كعدت هاجر .. بعد ما أخذت قراره راحت لغفران
هاجر: غفورة اريد طلب
غفران: نعم حبي
هاجر: اريد أجار بيتنا الي ببغداد ادري بيج دا اجمعيه النا للزمن بس هسه حيل بحاجته..
غفران: خير اختي ليش .؟
حجت هاجر على الي باله لخته واخته وافقته وانطته الفلوس وهم هي عده كم فلس مجمعته من راتبه واخذتهن هاجر منه وراحت لغرفته .. فتحت صندق صغير خاصه بيه وطلعت من ضروف هاي الضروف بيه رواتبه الي كانت تستلمهم من عباس طول عمله عنده ما صارفه منهم وهم عده فلوس من راتبه اصلا هي مكانت تصرف ع نفسه لان حتى من تطلع ام عباس تروح وياهه وماتخليه تدفع شي حتى من تشتري احتياجاته الخاصه..
لمتهم ع فلوس غفران وحضرتهم بجنطته .. ومن صار العصر طلعت هي بوحده لاول مرة همزين جانت خالته طالعه لبيت اخته ام جمال تفطر يمهم هي وهيفاء هاجر استغلت الفرصه وطلعت ....نزلت من التكسي واول ما وصلت لباب العمارة ... اذكرت اول مرة من دخلته وهي ايده بيد عباس ... اتحسرت على ذيج الايام ودخلت ..
هاجر: مرحبا
علياء : علياء السكرتيرة مال عباس ..
علياء: اهلا بهاجر رجعتي للعمل؟؟
هاجر: لا والله بس جايه اصفي الحسابات مع الدكتور اذا طلع المريض دخليني ما تأخر اشويه واطلع ..
صدك من طلع المريض دخلت هاجر ..
دخلت هاجر وسدت الباب وراهه وهو منحني على المكتب ويكتب
هي ضهرت عليه شبح ابتسامه وهي اتشوفه بهيأته الجديده شعره ممرتب ولحيته مخربطه وثخينه وتحت عينه سواد مع هذا ما نقص من وسامته شي بالعكس ..
من كتابات تراتيل حواء
هو جان يدون شي ما بالمذكرة الطبية مالته بس من دخل المريض عليه احس ريحته ريحة المحبوبة بس ما رفع راسه اخاف من يطلع يتوهم والريحه تروح ضل يشبع انفاسه من عطره ...
هي كعدت كباله واخيرا كدرت اطلع كلمات من حلكه ..
هاجر: مساء الخير
عباس: رفع راسه ممصدك هاي هاجر اجت بعد الي بدر منه
فرررح بشوفته حيييل بس ثواني ورجعت افكاره الواهمة هي ليش اجت بعد لي صار اكيد تريد ترجع للشغل معقوله ؟ وترجعلي عادي اه يا هاجر ليش اجيتي واكدتي ظنوني ...
هو: افاق من افكاره بصوته من كالت
هاجر: اسفه دكتور اذا حعطلك ثواني واروح..
هو: اهلا هاجر مساء النور .. امري .. كاله ورجع يدون بالمذكره رغم هو باله كوله يم الي كباله ..
هي: مدت ضرف سميك وكالت تفضل دكتور هاي أجور التكلفه الي دفعته الي واحنه بكندا ماعرف اذا جان المبلغ كامل واذا ناقص اني مستعده ادفعه الك بعدين
هو: رفع نظره عليه بتعجب وكال اني مطلبت منج شي؟؟؟؟
هي: واني ماريد احد يضل مفضل عليه ..
رده خلاه يحتار شنو يكول
هي: يلا اني اترخص ..
هو رأسا كام من مكانه ووكف كباله قبل لا توصل للباب كاله
هاجر!! اني أسف !
هي: لا دكتور ماكو داعي اني هم غلطت ..
هو: هاجرلا تعوفيني
هي: مكدر ابقى بعد الفكرة الي اخذته عليه
هو بترجي:هاااجر ثقي ماكو اي فكره غلط براسي عنج بس
قبل لا يكمل قاطعته
هاجر:: عباس
هو: ضل صااافن ويتأمل بوجه أول مرة تصيحه عبااااس بأسمه ......
#أنامل_مخملية
الجزء الثامن و العشرون
هي: لو اني كنت مو خوش مكان تقدم الي أمير . ولا نذير مكان قبل بيه كزوجة اذا أني مطية اله شي بس شافوا شي بيه انت مكدرت أتشوفه ... باوعت اله بنظرة مليانه ثقة وتحدي وراحت
هو ما نطق بشي بس أنبهر بيه وبتصرفه أثبتت هي غير عن كل الي عرفهن ... ... وضل عباس عايش بدوامة الندم
ثاني يوم كعدت هاجر من وقت جان يوم جمعة وخالته ام جاسم عازمة خواته على فطور ......
أم عباس دخلت على أبنه جان نايم
هي: عبوسي كومي يمة يلا غسل وبدل خل نروح لخالتك عازمتنا اليوم .
هو: بنعاس .يمة روحي انت اني تعبان
هي: والله حاسه بيك يايمة بس مابيه حيل للتكاسي والدنيا حارة تعال يمة انت وصلني وهم ما مسويه الك شي شنو تفطر اذا ضليت
هو: يوم حبابه عوفيني اكل اي شي وضل بفراشه
هي : بخبث كالت .لعد راح اخابر كامل يجي ياخذني بطريقه هو بكل الاحوال رايح
وطلعت من الغرفه .. اهنا عباس جان بعده مطروح ع فراشه ومخدته بين اديه حاضنه من سمع كلامه امه .. انتبه وهي تكول أسم كامل ... اهنا ضل يفكر كامل راح يروح اهناك واكيد يشوف هاجر وهذا شاب ومن عمره اوكيد راح يحاول وياه . وهي ماتقصر دوم أبتسامته بوجهه واكيد راح يحاول هذا كامل ينفرد بالبنية اهنا عباس طفر من مكانه وراح غسل وغير ملابسه وتعطر وطلع لكه امه لابسه عبايته وكاعده .. هو : يلا يمة نروح وخابري كامل لايجيج .
هي ضحكت الان اصلا ما مخابره كامل .. وكالت اي اي . وطلعواا
(( ملاحظه بهذا البارت راح تضهر الكم الخالة الثالثة وهي اصغر الخالات عده اثنين ولد جمال و كامل وثلاث بنات مزوجات وهنه صغار جمال مزوج نرجس اخت عباس وكلهم بهذا اليوم راح يرحون للعزومه ))
طلعت هاجر سلمت على خالته ام جمال ونرجس وعلى بناته جانت صايره هوسه لان بنات ام جمال عدهن اطفال ..
ام جاسم كالت لأم جمال اشو ام عباس تأخرت
جمال من أصدقاء عباس مو بس ابن خالته كال: خابرته لعباس كال بالطريق
اهنا هاجر وجه صار ينطي الوان يووومه اليوم تشوف الحب وراحت
طلعت البسبوسة من الفرن ورشت عليه القطر . وحطت طاوة ع النار وحمرت الدجاج وغفران بزلت التمن وكعدت تخوط بالمحلبي وهيفاء تثرم زلاطة
اها سمعت صوت المحبوب يسلم هو وامه عرفته أجه.....
طلعت هجورة مصرفنه ارداناته نست تنزلهم
هاجر: اشونج خاله وحضنت خالته جانت حيل مشتاقه اله
خلصن سلام
اهنا كامل باوع لهاجر وابتسم .. جانت هوسه بس مع هذا عيون عباس عليهم كانت كالصقر من يباوع ع فريسته دخلت هيفاء سلمت ع خالته وصلت لعباس وضلت تتماوع ومدت كفه تسلم وعباس هم رد السلام
هاجر من جوة لجوة تباوع الهم بحقد
خنب بعد احضنيه كدامنا هيفاء المايصه اني اعلمج ..
خلصوا فطور هاجر ما كفت السفره كعدت بالمطبخ هي وغفران ونرجس ياكلن ومن خلصوا اجن لمن السفره وهيفاء مترندحه يم الولد ما اساعد بقت بس غفران ونرجس وهاجر بالمطبخ والمووواعين جان شكلهم مررررعب ضلن يغسلن ويدكن سوالف اهنا هاجر طلعت تكرمون كيس الزبل من السطل وراحت للحاوية الي بره بالحديقه جانت مصرفنه ردنه وهم ثوبه مزعج لازك ع منطقه ........ كل البنات تعرف هذا الشي المزعج بس هي متكدر اتعدله الان اديه مو نظيفه . فتحت الحاويه ذبت الجيس قبل لا تدير وجه حست ايد عدلت ثوبه اله من وره ..... يتبع