رواية ملاك الشيخ جراح الفصل العشرون 20 - بقلم ~yaqeen.hassan~

‏شاء الربُ أن أحبكِ
فبنيتُ لكِ قصراً في قلبي
لا صخب فيه و لا نصب...

لتنسون النجمة وعلقو على الفقرات 💕

#الكاتبة : yaqeen. Hassan
#مـلاك _ الـشيـخ _ جـراح
#البارت _التاسع عشر

ملاك  : كعدونة الصبح علمود الغدة الجماعي بصباحية كل واحد يتزوج

جدو يذبح ذبيحة ونجتمع العمام كلها وهالمرة ويانة خوال وخالات جراح ونور

مشتغلت لان ايدي ملفوفة طلعت برا ارش بالزرع  واغني

_ اسمررر والعيونن وساععع جتالة

الذهب بسنون الورد يحلالة

اسمرر والعيون وساع جتالة  _ الذهب بسنون الورد يحلالة

ااااه ياوجهة وكالبدر يحلالة اااه ياوجهة وكالبدر يحلالة

جراح : ترديلج شال شدي وركصي

ملاك : هئئئ يماماااا هاي منين طلعت

جراح : من جوة الكاع

ملاك : بعدين شنو شديلج وصلة شايفني.

جراح : فيفي عبدة

ملاك : هئئئئ يا متستحييي

جراح : ما استحييي صدووك انيي ماساتحييي

ملاك : رفعت اصبعي بوجهة_ لتقلدددد _ ماحس غير لوة اصبعي _ اههههخخخ اخخخخ عوفنيي جراححح ايدييي ااااه

جراح : هذا اصبعج مترفعي بوجهي مرا ثانية ماشي ويلة فوتي جوة شعندج تفرفرين وتغنين الحديقة وسقيتيها شعندج بعد روحي

ملاك : اووووه يعني اني وين ماروح الكاك كبالي ميصير هيج

جراح : اني مثل خيالج حتى اذا وكعتي الزمج

ملاك : باوعت علي وعيني وبعينة الشمس ضربت عيونة بينت لونها جوزي اول مرا انتبهلة حواجبة معكودة وعيونة تلمع بالشمس

حسيت دخت بيهن ومن كلامة

جراح؛ بهمس _ ملاك

ملاك :  هممم

جراح : المي

ملاك  : حجيت بهمس واني صافنة بعيونة _ شبي

جراح :  باوعي وشوفي شبي

ملاك :  باوعت جوة مستغربة جان اشوف صايرة بركة صغيرة والكاع كلها طين من والمي شهكت وباوعت علي هوةة واكف على الصبة لان احنة مسوين شون الطريق نفوت للبيت  مسوي صب حتى اذا بالشتة منتطين هوة واكف علي واني واكفة على الزرع ومشيت داركض اريد اطفي المي جان تزلك رجلي

ورجعت ورا داوكع كلت هاي هية تكسرتي ملاك خلاص راسج راح 

جان اوكف فتحت تك عين جان اشوفة بوجهي شصاير منو شنو ماعرف

جان لازمني ايد ورة ضهري وايد لافها على خصري

  عطرة تغلغل لاعماق اعماق كلبي رفعني من خصري ووكفني على الصبة باوعتلة واني وجهي شتعل نار تقرب يم اذني وهمس

جراح :   مرا ثانية لتصفنين بية هيج لان ماضمنلج الحيصير

ملاك :  كال كلامة وراح وخلاني وراه مصدومة شديصير هاي شبي كلبي ليش ديدك لزمتة واني اتنفس شهييق زفيررر  اهدي مصار شي

جان افوت جوة

صارت ب11 نزلو نغم وعمو علي جانو يخبلون سوة ونغم تريد تختفي من الوجود من خجلها الله يساعدها صدك موقف  مرعب هذا من كلها تتكوم عليك هههههه

جتي يمنة وعمو علي طلع غمزتلها _ ها شكو ماكو

نغم : شكووو شتريدين

مريم : عوفيهة عوفيهة ستحت

نغم : من شنو استحي نجبي وسكتي اخذني يمجن حبابات حموت ماعرف اجامل هذولة كلهم

ملاك ؛ كون اعوفج يمهم بس اني هم حيجيني هيج يوم مجبورة اساعدج حتة الكة اللي يساعدني هههههه

نغم ؛ اي والله انتي كفو

ملاك : اخذتهة وكمنة نفتر بالبيت ونسولف سولفتلهة على العرس هنا وشسوينة

نغم : اني ميتة تعب حاليا كوة واكفة

ملاك : حقج حقج مالومج

نغم : شو انتي وصايرة مستهترة حيللل  من صاحبتج مجنتي هيج

ملاك :  جنت مستحية منج شمدريني حتلوفين وتاخذين عمي

نغم : ياحيوانة

علي : نغممم

نغم : ها علي

علي : تعاي وياي لحضة

نغم : تمام يلة ملاك شوية واجي  _ عفتهة ولحكتة فوك فتت للغرفة

علي : نطيني خافي او شي يخفي الاثار

نغم : ليش؟

علي : ها تسئلتي ليش شوفي الغضب للي بركبتي

نغم : وخر التيشيرت شوية  عن ركبتة باوعت اثر صاير _ يااا هاي منو سوا

علي : جراح توة غتصبني يعني منو بنت الاوادم غير انتي نفضحت هذا الحيوان جراح لكفني ويضحك علية اهخخخ منح بالليل الزمج واعرف شون  اتصرف وياج

نغم : ياااا لعد انتة مو تارسني همات ركبتي خريطة

علي :ولج ميصير تسويلي هيج انتي محجبة اني طالع هيج شنو موقفي هسة اذا شافني ابوية يضحك علية وعلي

نغم :ههههههههه تمام لحضة اشوفلك الكونسيلر مالتي رحت طلعتة حطيتة يم جسمة كونسيلر مالتي فاتح كلش لان اني بيضة وهوة جسمة  اسمر _ هذا ميصير ابيض عليك كلش

علي :شسوي لعد

نغم :لحضة اشوفلك مال نور_ طلعت جبت مال نور طلع مناسب لجسمة خليتلة وخفيتهة واني اضحك

علي : صبريلي بالليل نتفاهم

نغم :اني اروح لاهلي خلص العرس

علي :اي مو هية بكيفج

نغم: لعد بكيفك انتة

علي : نغممم  لتخليني اتصرف وياج هسة

نغم :   هههه تمام تمام يلة روح _ ضحك وراح اني رجعت الكونسيلر ورجعت

ملاك : تغيرت حياتنة وصار من ضمنها نغم اللي ضافت شي جديد للبيت يعني سواللفها وضحكها وشقاها كلها صارت تحبهة حتى جراح  اللي مو هواي يحجي ويانا صار يسولف وياها ويضحك واني اضل مصدومة

بيوم نزلت من الدرج  لابسة صاية وشال

_ بيبي حروح يم سرى وحوراء اجيبهم ونكعد هنا بللحديقة لو يمهم

الجدة : روحي يمة روحي

ملاك : طلعت ومشيت فتحت باب بيت عمو عامر طبيت للبيت

ام امير : هلا ملوكة.

ملاك : هلاو عمة تستقبلوني يمكم

ام امير : هههه تعاي عمة صدك جذب

ملاك : والله عمة زهكت مرت عمو علي اخذتهم كلهم لصالحها ومحد بقة يسولف وياي

ام امير : هههه اجة اللي ياخذ مكانج

ملاك : اي والله صدك شنو عدكم عشة

ام امير : امين ثبرني اليوم يريد دولمة ملحكت اسويهة الصبح فسويتهة هسة

ملاك : فتحت عيوني بوسعهة وبتسمت _ تستقبلون ضيوف

ام امير : هههه هلا بيج

ملاك : اروح اجيب سرى واجي اشوف عشا ببيت عمو عبدالله واختار المميز

ام امير : ههههههه والله عندج سوالف

ملاك : كعدي هاي حوراء الثولة بين ما اجي

ام امير : تدللين

ملاك : طلعت وفتحت الباب اللي على بيت عمو عبدالله فتت _ يااهلل البيتت هل يوجدد احدد

عبدالله : ههه تعاي ام لسان فوتي

ملاك : فتتت رحت حضنتة _ هللووو عمو

عبدالله : هلا بيج عمو شونج

ملاك : تمام اذا انتة تمام  وين بنتك

عبدالله : بالمطبخ شوفيهن

ملاك : تمام اروحلهم _ رحت للمطبخ _ هلاووو ياقوم

ام عقيل : هلا ملوكة شونج حبيبتي

ملاك : هلاو بيج عمة تمام اذا انتو تماام جيت اخذ هاي الثولة عادي اخذها دين وارجعها

حوراء : منو كلج اريد اجي وياج

ملاك : ننننننن غصبن عليج يلة امشي

ام عقيل : ضلي يمنة تعشي

حوراء : مسوية كباب طاوة متحبي انتي

ملاك : هههههه لا بيت عمو عامر مسوين دولمة لا مشيي نروح يمهم

ام عقيل : خوش بعد باجر تجين على الغدة حسوي مقلوبة

ملاك : من عيوني اجيكم طيارة من ال5 الففجر ههههه

عقيل : هايمة هاي الغراض هاية منو ملاك  يمنة

ملاك : هلو شونك

عقيل : هلو بيج اليوم يمنة شكو

ملاك : يعني شنو شكو جيت اسلم عليكم واخذ حوراء

عقيل : اي كولي حوراء مو جيت عليكم

ملاك : معليك انتة اني وعمي نتصافةة وين جهالك المزعطة

عقيل : بيت جدهم

ملاك : ليوم مرتاح عمي عايش العزوبية

عقيل : سكتي راسي مرتاح وبارد احس الحياه وردية

ملاك : ههههههه الله يديمها عليك

اسلام : سلام عليكم هلة ملوكة شونج

ملاك : هلو بيك سمسم تمام انتة شونك

اسلام : زين هاي شنو تتعشين يمنة

ملاك : لا رح اخذ حوراء نروح يم سرى نتعشة بيم عمو عامر

اسلام : هااا اه عقيل جراح يريدك روحلة

ملاك : اجة هوة

اسلام : اي اجة وياي

ملاك : تمام لعد نروح احنة يلة حوري لبسي

_ بدلت ورحنة بيت عمو عامر نتعشى

كعدنة يم عمو عامر نسولف ويسئلني على الكلية  جوي امين وامير وهمات ضلينة نسولف قبل العشا

_ يا نسيت جدو مكتلة عمو اروح اكلة بيت متصبون

_ ركضت لبيتنة فتت شفت جدو وكلهم كاعدين يتعشون

الجد :وينج بوية خوفتيني عليج

ملاك : سوري حبيبي نسيت اكلك حتعشى يم عمو عامر مسوين دولمة

جاسر : شوكت تجين

ملاك ؛ اضل يم البنات لليل لان  عطلة اريد ارتتاح

الجد : روحي بوية روحي

ملاك : فدوا اروحلك هاك بوسة _ بستة يالهوا وضحكت ورجعت تعشينة يم بيت عمو عامر

عدنة هذا شي طبيعي بيناتنة احنة العمام ماكو عرايك وكره بالعكس كلنا واحد يحب اللاخ وعادي اروح لبيت عمو اتعشى او اتغدة بس البيتوتة بيتنة لازم بس بالفواتح ومرات نبات لان البيت مايكفي

تونست هواي يمهم كلها ضحك وسوالف لان امين بعمري   وامير هماتت وويانة سرى وحوراء نفس خبالنة لهذا من نجتمع يصير تصنيف

ورا العشا طلعنة احنة صايرين بيتنة بصفة بيت عمو عامر بصفة بيت عمو عبدالله فرشنة اني وحوراء ووسرى وكعدنة بالكاع امين جابلنة اكل وكعد ويانة يسولف على بطولاتة بالكلية

جان يفوتون اسلام وعقيل

اسلام ؛ شنو هالكعدة الصاكة دعزمونة بالجذب

ملاك : هههه تفضل تفضل  _ كعدو ويستمعون لامين

امين : شني فتت امشي بقميصي الابيض وبنطروني البيجي وحذاء جوزي شعري ومناضري البنات نحولن علية وحدة تخربطت بالكاع

ملاك ؛ انتي جنت منتجية على الشجرة من سمعت سالفتة تقدمت ومركزة واكرز حب

اما اسلام وعقيل جانو كاعدين رفعين رجل والثانية عاكسيهة ويكرزون ومسوين روحهم عود مركزين من خلص حجة اسلام

اسلام : اي ماوحدة نجلطت من شافتك

امين؛ لا لا مو لهالدرجة

عقيل : زين لحضة ححاول اصدكك زين انتة منيلك بنطرون بيجي وحذاء جوزي ومن شوكت تلبس هيج

امين : يعني شنو منشتري

اسلام؛ ههههههه والله تضحكون وخصوصا انتن الزواج المصدكاتة انتن شايفاتة من يروح للكلية وجهة ميغسلة  وكفشتة هلكدها ويلبس تشيرتة الاسود الاجلح اللي مكلوب اخضر وبنطرون الكابوي المشكك  ونعالة ويروح ولك ابو الكمل شعر ونضارة وبنمطؤون امشي بيع كلاواتك على غيرنا

ملاك؛ ياااا يعني جذب

اسلام : ايييي جذببب  صدوككك

ملاك : شمرت الجبس علي _ لتقلدددددد

اسلام ؛ ههههه بكيفي

ملاك : مديت ايدي اريد اخذ الجبس جان يجرة اسلام  _ نطينيا احبة هذا

اسلام : بوسي ايدي

ملاك؛ يااااا اسلاام نطينياه هوة الييي

اسلام؛ بس اني اخذتة

ملاك؛ تحركت وكمت حتى اخذة ضليت امد ايدي منا وننا وهوة يرفعة ويضحك علية دنضحك واني اعيط علي محسينة  غير فاتو علينة نور وجراح  وجاسر وعمة مريم ووياهم نغم وعمو علي

باوع علية جراح وخزرني لان جنت قريبة على اسلام

هوة باوع عليهم واني جريتة منة ورجعت لمكاني

ضحك ورفع حاجبة

اسلام : خوش حركة

نور : خونة ملتمين بدونة

ملاك : وسعو وسعو الدائرة شباب _  كعد يمي جاسر ومنا جراح وبصفة نور وحوراء واسلام وسرى وعقيل واالباقين صرنة دائرة
واني كاعدة كبالهم كلهم

_ اسلام شوف.شوف الجبس يخبللل طعمةةة ممممم يموتت

اسلام ؛ باع هي ام نص عقل عبالها حنقهر ترا جنت اضحك عليج بهذا طولج

جاسر؛ شنو ولك مسوي اختي مضحكة

اسلام : ااصراحة تريد اي مضحكة

سرى : خالي نلعببب

امين؛ اييي اييي تعالو نلعب صراحة لو تحدي

علي؛ بلة اني عمري 34 العب صراحة لو تحدي

اسلام : نغم خوية شوفي شغلج

ملاك؛ نغم ضحكت وشاورتة  جان يباوع علينة ويحجي سريع

علي : اي نلعب ليش لا نطيني اني افرهة

اسلام : كفو منج

نغم : تدللل

ملاك؛ طبعا نغم واسلام صايرين  يموتون ضحك اي شي اسلام عمو علي ميحبة يكول لنغم تشاورة لعمو   علي فجا يكوم يحبة واحنة نموت ضحك

فرو البطل _ ها ها لحضة باعو هية صراحة لو تحدي التدي  يصير بي تنازل مثلا اني اطلع تنطوني تحدي اذا مكدرت واحد بيكم يكدر يعوض عني يعني وانتو وضميركم هيج

اسلام : خوش الحمد الله ماعندي ضمير اني لعبي

ملاك : ههههه شكد حيوان يلة فروها _ فروها وبدينا نلعب طلعت نغم وسرى

نغم : هممم صراحة لو تحدي

سرى : نحدي

نغم : ضربي واحد راشدي من الكاعدين

اسلام : انة اتبرع انة ضميري صحة

ملاك : لا ميصير اذا هية تكدر تسوي تسوي واذا متريدة نشوف

سرى : لا اريدة اختااار   هسة اضربكم كلكم تكومولي والله اخاف

علي : تعاي ضربيني انة خطية صفرت تخاف

سرى : اسفة عمو سوري

ملاك : تقربت ضربتة على كيف وباستة بخدة _ ها نغم راضية

عقيل : طبعا ترضى وكعت برجلهة هية خطية

نغم : هههه اي خلاص

ملاك : فريناها طلعت جراح لنغم

ملاك : يلا صراحة لو تحدي

نغم : صراحة

جراح : شنو الانطباع اللي اخذتي اول مرة من شفتيني

نغم : لحضة هذا يرادلة شرح

ملاك؛ هههههههه

نغم : باوع اول شي شفتك مغرور متكبر متنجرع ومتنطاق كلت الله يعين اهلة علي شون متحملي بس لا طلعت غير شكل يعني  بداخل البيت وية اهلك تختلف عن برة

اسلام : صفكة لمرت عمي اللي طلعت جراح من احم احم الجلب

جراح : اسلااااام

اسلام : العب محينطيني راتب لا نغم صدك جذب عيب عليج تسوين هيج وتحجين على جراح

جراح : عفية جر عدل احسنلك

ملاك : يلة كملووو _ فروها طلعت علية اني واسلام  _ يلا تحدي ولان اعرف اسئلتك شنو

اسلام : ههههه خوش   لعد اكلي حشيش

ملاك : شنووو مااا والله ما اكل

اسلام : لا تاكلين

ملاك؛ اسلااااااام حباب غيرة

اسلام : ماغير

ملاك : باوعت عليهم محد تنازل ياكل عني مديت ايدي ضايجة واحس حبجي شون اكلة وهوة كلة تراب اخذت وحدة حشيشاية نضفتهة بايدي وبالمي كلت يلة اعتبرة خضرة

مديت ايدي اريد اكلهة جان يجرها جراح واكلهة ضليت مصدومة شون اكلها بكل اريحية

اسلام : ليش ولك هاي عود غمزتلك

جراح : اي حتى تتسمم علينة بالليل وتوكع براسنة وانتتة نايم

جاسر : منطق  صحيح ههههه

ملاك :بتسمت على حجية تونسنا هواااي ضلينة لل12 سهرانين حسيت صدك تغيرت نفسيتي

رجعنة لبيتنة ونمنة ثاني يوم صحينة بقة يومين  لراس السنة  يعني عيد ميلاد نور حيجي باللطريق  يوم 2 / 1

بالعادة منحتفل براس السنة بس نجتمع كلنة جدو يكول نبدي السنة الجديدة بلمة حتة نضل طول العمر بهاللمة

ومرات احنة نسوي كيكة ونحتفل اني ونور والبنات

اجة راس السنة  وبالليل مجتمعين وجدو  يحجي وية عمامي ولد العم يحجون سوة نسوان عمامي وبيبي سسوةة نور وسرى وحوراء سوة واني كاعدة صافنة ماعرف ليش جاني شعور للبجي ضميت دموعي

وطلعت لزمت موبايلي  طلعت صورهم  وصفنتت جانت ماما شايلتني عمري سنتين صغيرة كلش وبابا لازم جاسر ونور همات ناطة واكفة ويانة  وضاحكة  اما اني مبوزة جنت احبهة كلش بابا مباوع علية وضاحك لان مغندبة وماما مركزة جاسر واكف ونافخ عضلاتة  عود هوة رجال هههه

كبرت الصورة واني دموعي كامت تنزل بتسمت وغمضت عيني احاول استرجع ذكرياتنة ماتذكر بس شي واحد  من شفتهم كبالي مددين بالكاع وايدهم بمكان ووجهم كلة دمممم 

كلبي كام ياذيني  اتخيلهم عايشين ياترا شنو حيصير  رح يكونون ويانة بهاللمة اكون حاضنة ماما وبابا يسولف ويضحك حيكون النة بيت وحد عايشين وويانة طفل صغير نلعب وياه

   _ اااااااه  اتمناكم هنا ونحتفل سوة ياريت جنتو هنا  شفتوني وين صرت اني دكتورة وجاسر صيدلاني  والة اسمة ومعروف واني رفعت راسكم طلعت الاولى على الدفعة

ياترى تشوفونة انتو هسة  يمكن تشوفونة مشتاقتلكم هواي هواي مارحتو عن بالي ولا لحضة   كل ما افرح اتذكركم وكل ما احزن هم اتذكركم

كل اذية عشتهة جنتو وياي بكل لحضة عذاب تعذبتهة جنتو يمي واملي بيكمم حتى لو مموجودين

_ شهكت بخنكة _ اريدكم يمي محتاجتكم  محتاجتج ماما محتاجة حنانج يمي  ونصايحج

محتاجتك بابا محتاجة الامان واللراحة اللي بحضنك

_ حجيت اخر شي وشهكت اكثر وحطيت ايدي على وجهي ابجي قوي   مسحت دموعي باوعت للكاع رجلين رفعت راسي باوعت جاسر واكف وعيونة مدمعة وصايرا حمرا وايدة قابضهة قوي وحتى دماراتة مبينة

تقرب يمي واني دنجت درت وجهي  كعد بصفي 

جاسر : بيوم الضربناج رحت نمت وانة حاقد عليج  جاني بالحلم ابوية يحجي علية ويعتب يكلي تناديني ومدتنام حتى ازورهة بالحلم كالي دتتلوع من الالم 

كعدت اشكيلة واكلة شسويتي كلي بكلمة وحدة( هاي اخيتك جاسر ) هاي الكلمة عرفتها بعد ما نتحرتي وعيت عبالك جنت غايب عن الوعي  وبنفس اليوم اللي زارني بي زار جراح بس هوة ماهتم  يمكن لان هوة مو اخوج ومشاعرة مو مثل مشاعري تجاهج 

اعرف منسيتي ولحد هاللحضة تتلوعين بداخلج  وكل متدخلين الغرفة اعرفج تبجين تالي الليل من الالم اللي يعصر داخلج

اريد اجي اواسيج واعتذر بس ماكدر احس العب على اوجاعج اذا جيت  ملاك اسف والله ولو يرجع بية الزمن لحضة جان غيرت بس هاالشي وجان صدكتج ورحمتج وانتي تصرخين بين ايدي

احس جمرة بكلبي تغلي وتحركني كلما اتذكر اس.........

ملاك : كمت حضنتة واني ابجي ماتحمل الحجي هذا ماريد اوجاعي تهيج اني كوة مصبرة روحي احس صار بية ممرض نفسي من هاللشي

ضليت ابجي واني دافنة وجهي بركبتة ادور على الامان والراحة  بحضنة 

جاسر هوة الشخص الوحيد الي لو شكد ميغلط يحقي ماكدر ابعدة عني احسة ابني واني بنتة بنفس الوقت

اني اكملة وهوة يكملني وبدون بعض احنة ناقصين

وخرت منة وحضنت وجهة بايدي _ لتحجي شي انتة روحي ووجودك يمي يكفي عوف ذاك الموضوع

بس احضني جاسر محتاجة الامان بحضنك

ملاك : جرني لصدرة وهوة حاضني قوي واني غمضت عيني اريد اهدء اريد امحي الذكريات طلها من بالي

جاسر : مابردتي

ملاك : هزيت وراسي صدك ثلجت بس مجنت حاسة  نزع  جاكيتة ولفني بي بتسمت وبستة بخدة

جاسر :  يلا تعاي نفوت

ملاك : خلاني بحضنة ومشينة فتنة جوة

فتنة سنة جديدة  واني اتمنة بداخلي تكون احسن من القبلهة

رحت نمت

ثاني يوم لحيت على  بيبي نطلع للسوك حتى اشتري هدية لنور طلعنة وفتنة لمحل دببة نور تعشق شي اسمة دببة  تتمنى تترس غرفتها دبب هلكد متحبهم

جنت لامة مبلغ زين  خصوصي لعيد ميلادها واريد افرحها فرحة كبيرة خليت الحارس يوصلنة بسيارة جاسر الرانج  ونزلنة لمقاعد الورة بحيث بيبي كعدت كدام واني ورا متربعة على المقاعد بدون ضهر

وصلنة بمحل دبب فتت شتريت  دببة من لحجم الصغير للكبير  صارو بال20   دب

غلفهن بجياس  شفافة بحيث اباوع شكلهم يخبل نور حتكمز من وراهم

خلصنة والمقاعد الورا نترست  رجعنا للبيت

خليتهم بالسيارة منزلتهم وحجيت وية جاسر كتلة خليهم باجر اطلعهم

صار الليل وب12 سحبناها وحتفلنة بيهة

جبنة كيكة وبيناتنة احنة اللي بالبيت حتفلنة بيهة وهية تريد تبجي من الفرح

بدو ينطوهة هدايا جدو وبيبي لبسوهة كلادة ذهب هاي كل سنة بعيد ميلادنة اني ونور وعمة مريم يجيبلنة كلادة ذهب  حضنتة وهية تبجي

عمو وعمة فاطمة  همات مشتريلهة تراجي ذهب عائلة تتعامل بس بالذهب واني الفطيرة جايبتلها دببة ههههههه

عمة مريم جايبة بوكس بي مكياج  واكسسورات وسوالف للشعر تخبل ونغم وعلي نطوها حمرة  ههههههه خليل ومصطفى هم نطوهة حمرات 2  وجراح حضنهة وعايدها وطلع علبة فتحتها وطلع موبايل ايفون احدث اصدار هية ضلت صافنة ومصدومة

خربنة ضحك عليهة ضلت تكمز وتحضن بي

ملاك : ايي اجة دوري  تعالو للديوان شوفيهة_ جريتهة وطلعنة طبعا رتبتهم بالديوان  اول مفاتت شهكت اني من شهكت كلت هاي ماتت خلاص

نور : فرحتي بعيد ميلادي متنوصف احب هاليوم لان همة موجودين بي

باوعت للديوان متروس دببة ضليت صافنة اعشق ذن الدببة اللي يصيرن على شكل جزرة وخيارة واكو على شكل ارنب واكو بقرة واكو مثل الحية والدودة وكل شي كلشييي  كمزت حضنت ملاك

واني ابجي احس حتى لو جان عندي اخت مرح تحبني بكدها   محد يفكر بهالشي غير هية صح قيمتهم المادية مو هواي واللبعض يعتبرة شي تافه بس اني  احبة وتعنيلي اكثر من الذهب وكلشي

تقربت اشوفهم واني بكل واحد اتخيل شون اصفطهم واهتم بيهم

_ ماعرف شحجي والله خليتوني اسعد انسانة اليوم 

ملاك : جا شنو هية هينة نونة تكبر سنة

الجد : والله تحجين صدك جدو جايبة كل ذني

نور : جدو دشوفهن ينكرطن

ملاك : اي وةالنبي نص الج ونص الي عود  ههههه _  دنحجي وفات الحارس شايل دبدوب كبير 

على شكل فيل بس كاعد ووياه ابنة عود صغير الدبدوب كبير كولششش يعني تقريبا بكدنة اني ونور

نور ضلت فاتحة حلكهة هية تحب الفيلة هواي وعدها هواي مجسمات عليهم ورسومات وحتى دباديب

حسيتهة حتنجلط اليوم من المفاجآت

الحارس : حجي هذا جاسر كال فوتة لنور

نور : جنت مصدومة بكل معنى الكلمة يعني دبدوووب وهم على شكللل فيلللل وهالكبرةةةة يعني
حنجلط اني تقربت اتلمسة

خليل: باع ذاك اجة يكحلهة عماها يعني ماكفن دباديب اختة اجة هوة كملها

جراح؛ : خليهة معليك بيهة المهم فرحتها

نور : يمكن مفرحت على الدبدوب ولو شوية فرحت على الجابة حسيت هاي خطوة جبيرة منة خلتني ابني امل كبير بداخلي  اني كلت محيذكرني ولا يعبرني بس لا ذكرني  وجابة

تمنيت بهاليوم نرجع مثل قبل وينهدم الجدار الللي صار بيناتنة

يتبع.....

__________________

اتمنى يعجبكم البارت 💕

انتضروني بارت جديد 💕

#الكاتبة : yaqeen. Hassan
#مـلاك _ الـشيـخ _ جـراح