إبتسميِ ياجميلة أنتيِ وحدكِ تزرعين الدنيا زهر .
لتنسون النجمة وعلقو على الفقرات 💕
#الكاتبة : yaqeen. Hassan
#مـلاك _ الـشيـخ _ جـراح
#البارت _الثامن عشر
جراح : منو هذا اليعبدج ومحبس بايدج
طببت راسي بالغرفة وهية ضلت واكفة لا راحت لبست شي ولا سترت روحهة وهية فستانها قصييييير
جراح : ها ست نوران مكلتيلي منو ال اليعبدج
نوران : ا اني مقصدت احد
جراح : شوفي لج لا عبالج حسكت من تكعدين توزعين خبر خطوبتنة اللي ماموجود للرايح والجاي
علمود عمي علي هاليوم رح اسكت لان ماريد اخرب فرحتة بس ورا العرس الي حجي وية ابوج لان شكلهم نسو يربوج
امشي طلعي هسة واذا سمعت نطقتي بهالخبر بنص الحنة وحق الخلقج تصرفي يصير غير شكل وياج
طلعييي برة يلةةة
ملاك : جان هادء بحجية لحد الاخير عاط بس بصوت بين سنونة مبين كوة مسيطر على اعصابة
طلعت.اني بعد ما لبست صايتي فستاني جان هذا
خليت الشال هيج شون مجان باوعلي توة ديحجي جان يسكت وصفن بوجهي
واني اعدل الشال
ضجت من نضرات خزرتة _ شبيك تباوع دير وجهك
حسيتة صحة وعقدد حاجبة وتقرب مني
جراح : انة شكتلج مو كتلج ماريد احد يدخل غرفتي
ملاك : هية كالت انتة كايللهة
جراح : وانتي ثولة شوكت انة شفتهة حتى اكللهة
ملاك : لتغلططط
جراح : شو ثولة وحمارة هم يلة شسوين
ملاك : دنجت راسي شسوين يعني ثولة
جراح : بهمس _ هاي انتي هيج حتروحين للحفلة
ملاك : رفعت راسي اي شون لععد
جراح؛ من شوكت انتي تسوين بروحج هيج
ملاك : هسة هية حفلة نسوان شعليك انتة بعدين شكو تباوع دير وجهك
جراح : اي مو انتي من جمالج حتى اضل اباوع عليج مكيفة بروحهة البلكة
ملاك : فتحت عيوني على وسعهة من كلامة شو هذا خنزر بالزايد
جراح : لتفتحيييين عيونججج ههيججج طلعيي يلةةة
ملاك : كمزت بمكاني شبي هذا اني همات مالي مالي خلكةطلعت ونزلت جوة
طلعت برة داركب بالسيارة دنروح للقاعة
باوعت نوران وامهة متجهات ليم جراح كلت بكلبي شبساع هذا وصل للسيارة بس تذكرت شربت مي من المطبخ يلة طلعت كلت والله مافوت هاي الفرصة
مشيت قبلهن لجراح وكفت يمة
_ جراح جاسر كال اركب وياك لان اختنك من الكوستر
جراح : ركبي وصيحي نور
ملاك : هية هسة تجي
_ باوعت تقربن ديحجن وياه وواني رحت ركبت كدام ومبتسمة بنصر باوعتلي نوران وتريد تنفجر
ركبن ورا
وجتي نور تركض بس سبقتهة سارة همات بت خالتة وركبت ورا مبقة مجال
نور : وين اركب جراح مبقة مكان هناك
جراح : ركبي هنا يم ملاك هوة انتن جنجن جف ايدي
نور : مشكور خوية مشكور هذا رفع للمعنويات مالتنة
جراح : تدللين بعد اخوج
ملاك : فتحت الباب دانزل حتة هية تفوت تكعد من يمة شو هاي ركبت ركض وسدت الباب صرت صرت كاعدة على هذا الصندوك اللي يم الكير
خزرتهة وعدلت كعدتي
جراح : ها اتحرك
نوران : اذا تريدين تعاي ورا واني اكعد بمكانج
ملاك : لا يروحي رتاحي كعدت عدل يلة تحرك
_ وين العدل بالموضوع رح اوكع بحضنة الله ياخذج يانور
نور : مكتلي جوجو شطالعة
جراح : عيديي الجملة بدون جوجو ييلة اجاوبج
نور : تمام جراح حبيبي شطالعة اني
جراح : تخبلين يبعد اخوج
ملاك : مكدرت اتوازن احس رح اوكع ورا مديت وايدي اريد احطة على جتافة الزمة بعدين رجعتهة كلت شيكول علية
جان يدوس بريك فجاه تقدمت كدام ورجعت ورة ردت اوكع لا اراديا حاوطت ركبتة وخليت راسي بيهة بخوف
جراح : ياحمااااار يا كو....... اثوللل متشوففف
ملاك : عاط على ابو السيارة وحسيتة تشنج من حركتي وخرت راسي وداسحب ايدي
جراح : خليهة يمعودة لتوكعين
ملاك : ضليت لازمتة من ركبتة فتح دكم الدشداشة وعلة التبريد اباوع علي عرك يا هذا شجاه نور دايرة وجهة وتضحك
الخبيثة
الطريق كلة هيج وضعي وكلما يدوس بريك الزمة اقوة لان اخااف اوكع بالكوة يلة وصلنة للقاعة
نزلنة واباوع علي نضراتة غريبة علية اول مرا اشوفهة
نزلت وضلت نضراتة بالي شنو يقصد بيهة حسيتهة بيهة حجي
فتت للقاعة بالي مشغول
سلمت على نغم وامهة وبدت الحفلة
__________
نغم : وصلنة للقاعة محد ماكو جان همزين اخذتلي المصورة صور مدام فارغة لقطات هواي
لحد موصلو وبدت الحفلة شتغل الركص من اول مفاتو
الحفلة جانت روعةةة كلشي صار مثل ما تخيلت وتمنيت ردحنة ردح مصاير
حتى نسيت علي بس اركص بكل قوتي وية ملاك اللي ماوكفت هية ونور
اخذنة استراحة الكيك واني رحت ابدل البدلة الثاني جان تنفتح والباب فات علي ضليو مصدومة وخجلانة بنفس الوقت مستحية منة هواي
علي : والله كلمتج مشت علية وجيت
نغم : عبالي محتجي
علي : افا انة ماجي اشوفج
نغم : بتسمت تقرب رفع وجهي بايدي
علي: هذا الجمال كلة الي
نغم : شتكول انتة
علي؛ انة اكول اي كلة الي
نغم : لعد اللي تكولة صح
علي : زين منكدر نضوك شوية
نغم : علييي اطلت حببااب دابدل
علي : صبري بوية غير استمتع شوية
نغم : شنو خلصت حنتك
علي : لا بعدهة اصلا مبدت بس جيت حتى لتزعلين
نغم : بتسمت ورفعت راسي بستة بخدة وحجيت يم اذنة _ احبك
علي : كد هالحركة انتي
نغم : ههههه
علي : تعاي لعد
نغم: تقرب باسني بشفتي بوسة طويلة خلاني اذوب بيهة ستمر لحد محسيت نفسي نكطع بتعد وهوة يتنفس سريع
علي : يصير نخلي العرس اليوم
نغم : دنجت راسي _ لا
علي : تمام نتحمل يابة ليش منتحمل شو صبرت 32 سنة ماصبر يوم نصبر شورانة
نغم؛ ههههههههه
علي : تضحكين علية انتي شنو مضحكة كدامج
نغم : ههههههههه بس شوف روحك
علي : لا ياللله لج شنو هذا
نغم : شسويلك انتة مصبرت يلة وخر للون هاذا انتة بطل _ كام يستغفر وراح يمسح بالحمرة وكفت اعدل حمرتي
علي : يلة شنو شوكت احنيج
نغم : هسة بس ابدل ونطلع سوة
علب : ماشي انتضرج برا
نغم : تمام _ طلت واني اضحك فرحانة هواي علي تغير عن اول اتمنى يدوم هالتغيرر للاحسن
بدلت ولبست بدلتي الحمرة
وطلعت
حبيتهة كلش وية التسريحة والمكياج طبينة سوة للقاعة بدخول ملكي وكلة جان يتصور حناني وطصينة اكيك وركصنة سلو وركص وية امة وعماتة وكرايبة
وراها من طلع رجع الردح بحيث القاعة هترزت بينة ههههه
تعشينة وراها همات ركصنة لل10 خلصت الحفلة رجعنا للبيت واني هلكانة من التعب رجلية شوية توجعني لان بنص الحفلة ذبيت الحذاء وكمت اردح
كلها نامت وذبت روحهة رحت نزعت البدلة ولبست تراك نزلت جوة بمكياجي وتسريحتي لكيت فاروق بالمطبخ باوعلي وبتسم رحت يمة كعدت بصفة احنة حاطين قنفة
بالمطبخ صغيرة كعدت بصفة وحضنتة من خصرة
فاروق : طالعة تخبلين ماما شوفتني صورج
نغم : انت هم طالع عريس ناقصتك عروسة
فاروق : ههههه بعد تبقة يمج شوفيلي عروسة
نغم؛ من عيوني اجيبه اوكفهن سرة وانتة تختار
فاروق : كفو منج والله
نغم : شونة شغلك صدك
فاروق : عوفج من شغلي تعاي اشوفج رجلج
نغم : صورت صدكك اي شوفني
فاروق : رجلج خبلنة ميركص تالي بالاخير سحلنا اني وجاسر بالدبكة ويانا
نغم : هوة ميحب الركص كالي
فاروق : شوفي هاي هنا كلها ركصت دبكة ابو واخوانة وعمامة
نغم : بتسمت واني اشوفة واكف هوة وابو ومنا اخوانة وجراح وجاسر يركصون دبكة وهوة لازم راسها ويهز بسبحتة
منضرة يخبل جان لابس دشداشة لان حنتة بصراوية
ظل ايوب يشوفني الفديوهات اصدقائة من بغداد همات جايبيلة شاعر وصايرا شون منافسة من اصدقائة اللي بغداد واللي بالبصرة
فاروق : التصوير كامل يمة لان جاب واحد يصور صور كل الحفلة
نغم : ههه احنة هم مقصرنة هزينة القاعة
فاروق : اي كالت ماما تسودنن هاي عود انتي المفروض متركصين
نغم : اسكت فاروق عوف عاداتكم وتقاليدكم حتة ماما ركصتهة اني هوة يوم بالعمر شكو داستحي واكعد
فاروق : بعدني مصدوم شوكت كبرتي شوكت صرتي وحتزوجين
نغم؛ بتسمت بحزن _ اني كوة دانسي روحي هالموضوع لتذكرني ماعرف شون حعيش بدونكم
فاروق : ام خشم لتنسينة
نغم : شون انساكم تلكوني كل يومين يمكم
فاروق : اي حتة علي يرجعج النة هية هاي الناقصة ههههه
نغم : ههههههه
___________________
نور : رجعنا هلكانييييين تعببب اول مفتنا صعدت للغرفة اريد ابدل كعدت شوية على التبريد توني كمت دافتح السحاب جان تنفتح الباب
جاسر : ملاك وي....
نور : ضليت متصنمة بمكاني وهوة نضراتة صارت تنتقل على طولي فستاني جان هذا
ركضت فتحت باب الكنتور وختلت وراها
_ م ملاك مو هنا
جاسر : استغفر الله وينها لعد
نور : بغرفتا يمكن
جاسر : ماشي
نور : طلع واني خليت راسي على باب الكنتور ونزلت دموعي يالله شكد مشتاقتلة اتمنى يباوع علية مثل قبل ويصفن بوجهي واني هم اصفن بوجهة
بس كلشي راح وضلت امنية بعد
سبحت ووطلعت لبست الشال ونزلت جانن سارة ونوران كاعدات بالمطبخ وملاك واكفة تعصر ليمونة ويمهة جاسر
فاتن ماما وخالة صفاء اللي هية ام سارة
رحت للمطبخ وكفت يم ملاك
_ المن هذا
ملاك : لجدو يمكن هابط مدري صاعد ضغطة
نور : اخاف من الهوسة
جراح : اي من الديجي يلة ستعجلي
ملاك : يعني شون شسويي علي سرعتي اذا تكدر
جراح : لسانج صميي شوية
ملاك : ليش داصمة عيني اني ماعوف حقي
جراح؛ ام حقوق كامت تحجي
جاسر : كافي ولكم سطرتوني
سارة : تريد اعصرلك ليمون خاف ضغطك صاعد
نور : رفعت حاجبي وجتفت ايدي تشوفهة شون عود مهتمة بي
جاسر؛ لا مشكورة مابية شي
صفاء : ليش عامة خلي تسويلك لتستحي
جاسر : لا عمة مشكورة والله مابية شي واذا بية هاي ملاك اكلها تعصرلي
نور : لا عوزك استاذ جاسر تعصرلك ذبيت كلاص المي قوي على الكاونتر باوعلي ورفع حاجبة خزرتة ودرت وجهي
سمعتة يضحك
جراح : شبيك تضحك وية روحك تسودنت
ملاك : شدتشوف ضحكني حباب
جاسر؛ خرب بيكم واحد يبتلي يضحك وخري مني ريحة عطاب صارت بالمطبخ مدري منو حترك
نور : يالله بدي اروح اخنكة بهاالحضة بس فرحت من شفتة يضحك يالله شكد حلو من يضحك
نوران : صدك جراح شوكت تجي لديالى مو كلت اجي عن قريب
جراح : عندي شغل
نوران : اي من تجي لبغداد مرلنة تذكر شجرة الرمان اللي ذيج المرة زرعناها سوة كبرت صارت صارت تخبل من تجي نشوفهة
نور؛ حجت حجايتها وسمعنا ملاك عاطت وكمزت ولازمة ايدة الاخت شكت ايدهة بالسجينة وهية تثرم اباوع جراح نخبص بيهة ركض يجيب علبة الاسعافات وهية تبجي وتعيط
ملاك : دمييي دمييي راححححح جاسررر دمييي
جراح : هاك هاك اضغط علي
ملاك : اهي اهييي دميييي
جراح : خرب دمججج شنو هوة بطل عصير حتة تبجين علي
ملاك : لعد شنووو مو هذا كلة رواح هسة حيصير بية جفاف واموت اهييي
نور : متتت ضحك عليهة وهيةة تحجي وجراح احسة يريد يكفخهة بس محترم وجود جاسر لفهة جاسر وااباوع عليهة صارت حمرة حمرة من البجي
جاسر : خلاص لتبجين وكف الدم خلاص هسة جسمج يسوي دم جديد جا انتي مو دكتورة وتعرفين بهلشي
ملاك : اني دمي قليللل انتو عدكم هواي مالتي شويونة
نور : باوعت جراح صافن عليه صفنة اعرف معناها هاي وراها مصايب هالصفنة نتبه علية اباوعلة عافنة وطاع وهاي تبجي على دمها اللي راح
كلت بكلبي اهخخ ياجراح لو اعرف اللي بعيونك شنو جان رتاحيت
مريم : وينجن يلة خلي نجيب فرش
نور : رحت حضنتهة _ حبيبي اللي تعب اليوم روحي اني انزلهن انتي على وكفة من الصبح
مريم : اهخخ يا نونة والله محد يحس بية غيرج
نور : شعندي غيرج اني يلة روحي اني افرش
نزلنا الفرش اني وبنات عمي سرى وحوراء وعمة مريم واكفة يمنة
حوراء : شفت فديو خليل مال الحنة شنو هذا اخو نغم غير يموتت خرب
مريم؛ ها هاااا شكو ولج زعطوطة شكد عمرج
حوراء : 18 عمة18 والله كبرنا
سرى : لا الحقيقة نحجي عمة صدك صاكك
ملاك : لايكين هوة وعمة مريم
نور : فاتتت ملاك مثل الفارة من الباب كالت قمبلتهة وطفرت ركضت وراها عمة مريم تريد تكتلهة
رجعت ورا شوية.
مريم : الادبسزز نسينة نربيهة يمكن
نور : هههههههه هوة شيشتغل
مريم : شمدريني هاي الثولة كتلتني بي يلوكلج ويلوكلج تريد تزوجني الة
نور : ههههه الي يجمع راسين بالحلال الة بيت بالجنة شكلها ملااك تدور بيوت بالجنة
مريم : لتخليني ابتلش بيج انتي الثانية
نور : كملنة تنزيل الفرش والكل راح بنوم عميق نتتضر باجر يزيد نفر جديد بعائلتنة وبحياتنة
______________
ملاك ؛ الصبح تحديدا ب11 ناسة واكفة تطبخ وناس تضف واني واكفة اتلمس بايدي واتذكر الموقف احس بدي الزم نوران وادجهة بالسجينة هية وجراح عدهم شجرة خاصة ام الوصخ
كيفت بالشجرة كبر لفج اي والله
وذاك الاخ يرزلهة بالغرفة وبالمطبخ دك سواالف
ولو ياسوالف انتي هوة مو جان لابسهة
بس ميخالف هوة منطيهة مجال اي منطيهة
فزيت على صوتة عبالك حس جنت احجي علي
جراح : شون صارت ايدج
ملاك : احسن
جراح : بدلتي الشاش
ملاك : ترا اني دكتورة اعرف ماكو داعي تعلمني
جراح : وانتي منو معلمج جاي اسئلج انة
ملاك : اهخخ حسيت بالفشلة والله بس سكتت
جراح : مو صوجج صوج اليسال عليج
ملاك : باوعتلة مخنزرة
جراح : لتخزرين
ملاك : والله حيرة وياك افتح عيوني تلكي لتفتحيهن اباوع تكلي لتباوعين اخزر تكلي لتخزرين شسوي يعني اغمض
جراح : ايي المكان الاني بي عيونج لتفتحيهة ماشييي
ملاك ؛ راح واني اريد اخنكة موتني والله
صار الغدة والمواعين والجاي عاد صعدنا نبدل لبست فستان كحلي
لبست وياه شال ابيض حطيت شوية كحل ومسكارا وحمرة وردية واحمر خدود صبغت اضافري وجنطة بيضة وحذاء كعب ابيض جنة نبدل اني ونور بغرفة جراح ايضا
كعدت البس الكسسوارات جان يفوت جراح نور جانت تخلي مسكارا جان تشمرها بساع الثولة من الخوف صارت على المراية وتلوصت بالاسود
جراح : خل.......
ملاك : باوع علية وجان ياخذلة صفنة على طولي واني احس صخنت من الخجل عزا هذا شبي
جراح : اه احممم خلصتن يلة
ملاك : بس نور تلف الشال
جراح ؛ ها خوش ويامن حتركبن
ملاك : وية امير وعمو عبدالله وحوراء وسرى
جراح : لتروحين وياهم تعاي وياي انتي ونور
ملاك : عود ليش بعدين عمو كالي تعااي ويانة ذيج المرا تجعصتي
جراح : جاييي اكولللل تجييين وياي لتخليني اطلع من طوري خلي مزاجي متعدل وانتي نور مسحي المراية ترا امسحهة بوجهج
ملاك : طلع واني ضرب رجلي بالكاع من الغيض يالله شكد مكروه بس اني اعلمة بالحفلة خل يصبرلي
_ شكد غثيث اخوج
نور : دعوفي غثاثتة انتي بس كليلي شون شاف المراية وهوة بس يباوع عليج
ملاك : اخوج عندة عيون يكل مكان
نور : يمة وكف كلبي كلت رح يخليني اغسل
ملاك؛ دمشي عساس احنة شحاطين _ اباوع عليهة هية هم لابسو نفس فستاني بس غير لو نسقناهن سوا
_ باع باع فكج شون طلع يخبل بهالشال
نور : بغرور_ عمي تكساس طبيعي
ملاك : هههههه كبر لعد اني زجهي بس خدود ماعندي تكساس
نور : انتي وين اكو مثل وجهج الصاك دباع العيون عمييي غير تسطررر
ملاك : فدوا اروحلككك يحليوةة انتة يلة تعال نتصور
_ ثبتنة الموبايل على الميز وشغلنة المؤقت وكمنة نطك صور تقريبا ربع ساعة ونزلنة كلها تعجبت بينة وتمدح
الجدة : ولجن تعالن اقرة عليجن رح تجيبن العيون لنفسجن
ملاك : اي بيبي اقري اقري شكد متكدرين ههههه
نور؛ كبر لفج
فاطمة : روحن يلة يم جراح ركبن وحجزن قبل لتصير مجاعص
ملاك : اي رايحين _ طلعنة برا جانو واكفين عمامي وولد عمي وجدو وجاسر وجراح وحتى عمو علي
حيدر : صوفر _ شني عمي انتن العرايس
الجد ؛ نجب لك لتتغزل بناتي
ملاك : رحنة يم جدو حضنة حدة منا وحدة منا
عبدالله : هاي شطالعات تخبلن
ملاك : اوييي لتخجلونةة __ علاوييييي شنو هلصككوككك
علي : شوني بلة
نور : تموتتت تطك بالطاع والله
علي : باع باع الجمال بالحجي وبالوجه فدوة اروحلجن انة هم صاكات وهم لسانجن ينكط عسال
عقيل : اليوم الخطابة تركع ركع
ملاك : هههههه خطابتيش هوة بس هاليومين استراحتي رح ارجع للضيم سبوع اللاخ
عقيل : الله يعينج صدك صعب
جراح : يلة روحن ركبن بالسيارة بين ميخلصون
ملاك؛ مشينة ورحنة يم السايرة مركبنة ضلينة نصور
تالي ركبنة وطلعنة للزفة
___________
نغم : واكفة كدام المراية مبتسمة اباوع بدلتي وتسريحتي كلشي مثل ماردتة وتمنيتة
منتضرة حبيبي يجي ياخذني بالحصان الابيض لا اشاقة يجي ياخذني بالرانج هههههههه
مريم واكفة يمي
مريم : تخبلين والنبي طالعة اميرة هنيال اخوية بيج
نغم : يروحي انتي يلة خلي ادك على فاروق يجي
اجة فاروق ورجعنا للبيت جانت لحضات ماعرف شنو شعوري بيهة خوف على قلقل توتر على فرح
اباوع على البيت صح معشنة بي هواي بس يضل بي ذكريات كعدتنة وشغلنة اول ماسكنة بي هواي اشياء حلوة
اجوي وصوت السيارات علت غمضت عيني اسيطر على رجفتي
جاني شعور اريد وابجي ماعرف شبية خايفة من حياتي الجاية
فاتو النسوان وفات هوة بينهم لابس قاط طبعا بعد ملحة ومني لان جان ابو يريد يلبسة دشداشة بس اني توسلت بي يلة لبس
قاط اسود وقميص اسود رباط احمر مثل باقة الورد مالتي الساعة الذهبية مزينة ايدة وشعرة مرفوع بطريقة مرتبة لحية محددة وعيونة تلمع ماعرف فرح او شنو من شعور يحس بي هوة تقرب مني باس راسي
لزم ايدي كامن يهوسن ويركصن كلها تركص واني ايدي ترجف بين ايدة اباوع ماما واكفة صفح تباوع مبتسمة عيوني دمعت وكوة حصرت الدموع بيهن
بدلنة الحلقات وفاتو بابا وفاروق وعمامي ووياهم ابو علي تقرب فاوق باس راسي وحضني واني هنا ومكدرت ما ابجي عفت ايد علي وحضنتة قوي رفع راسي وباوعت حتى هوة باجي مسح دموعي وباس خدي وهمس باذني
فاروق : اني يمج وسندج لتخافين بيوم اللي ياذيج بس كليلي والله اطلع حقج من عيونة تمام يروح اخوج
نغم : هزيت راسي باي وخر وتقرب بابا حضني وباس راسي سلمت عمامي همات سلمو علية سلمني بابا الة ووصاه علية تقربت ماما حضنتني شبعت بجي بحضنهة لحد ما جرني علي
لبست البركع على راسي وتغطيت كليا وطلعنة حسيت شعور كلبي يدك سريع واحس حيطلع من مكانة
ركبت السيارة وهوة جماعتة يركصون وية للمزيقة بالشارع شالو على جتافهم وهوة يضحك
فات فاروق بنصهم وحجة
فاروق؛ خلاص نطيتك اختي هسة صرت صديق العريس وداركص بعرس اخوي
نغم : كام يركص واني مبتسمة واصور بيهم شوية واجة ركب السيارة ونطلقنة
علي : نكول مبروك
نغم : مبرووك عليك وجودي بحياتك
علي : الله يبارك بيج شنو ماعرفتج هاي انتي نغم لو مبدليج
نغم : شنو موحلوة
علي : حلوة بس بعد لو لابخيج جان طلعتي توبب
نغم :علييييي
علي : اشاقة بوية طالعة كمر احس رووحي اجكم يمج
نغم : لزمت ايدة _ انتة طالع صاك
علي : ههههه لو تشوفين وابوية من لبست القاط كال هاي بعدهة مجاية وكلمتهة مشت على كلمتي اذا جتي شسوي ههههه
نغم : يااا عزا عيب والنبي مقصدي ان احجي فوك كلمتة
علي : يشاقة بوية عدنا حس فكاهي احنة
نغم: هههههه صراحة اخاف من ابوك اني ماعرف احسة يلزمني يكتلني اذا شافني
علي : ابوية احن انسان شفتة يحياتي من تعاشري حتعرفي
نغم : ضل يسولف لو يحشش علية واني اصور صح مصارت مثل اللي بالي من يضل يتغزل ويكلي احبج بس اني كلمة منة تفرحني وصلنة للمصور صورنة وخلصنة وراها زفونة زفة شطولها ويمكن 5 مرات نزلو يركصون بالشارع بالاخير وصلنة للبيت
ضليت جوة كاعدة وملاك ونور يركصن ووياهن مريم واني اضحك عليهن شون يدبجن مثل الرياجيل
ويهوسن هوسات
لحد ما صعدوني للغرفة وبنات خالتي يمي اني ارجف وهنة كاعدات معجبات بالغرفة يباوعن عليهة وصافنات لان جانت صالة وغرفة بنفس الوقت جبيرة واسعة وتصميمهة حديث لحد ما صعد هوة
كلبي صار طبللل احسة حيطلع من مكانة تقرب مني رفعني من جتافي وكفت كبالة تقرب حط شفايفة على كصتي بوسة طويلة وحجة
علي : الله يقدرني واسعدج ومابيوم اضلمج
نغم : بتسمت على حجية واحس اريد ابوسة على هالحجي
علي : نصلي رطكعتين لوجه الله حتى الله يوفقنة بهالحياه وتكون بداية مباركة
نغم : ت تمام
علي : يلة لعد بدلي
نغم : رحت اخذت السيت وطبيت للحمام نزعت البدلة واني اهدي بروحي اشش ريلاكسس ريلاكس
مسحت المكياج وفليت شعري وتوضيت وطلعت كوة امشي من السيت هلكد ماةقصير لبست بساع ازار الصلاه وهوة فات جان متوضي تقرب باس راسي
علي : هسة صرتي احلا والله
نغم : بتسمت _ شكرا
علي : العفو يلة تعاي
نغم : فرشنة السجادة وصلينة وقرا دعاء بصوت مسموع دعاء يخبل يمكن خاص بهيج يوم من خلصتة سئلتة علي
علي : هذا الدعاء ابوية كالي اقرو هوة قرا بيوم عرسة وعاشو احسن عيشة هوة وامي
نغم : يعني حنعيش هيج احنة
علي : لا اكيد مو هيج هية بيد اللع بس ان هوة يحسن الحياه ويبث المودة والاحترام بينة
نغم: حلو معناه
علي : تعاي نتعشى يلة
نغم : تعشينة وهوة يحجي وياي عادي الحمد الله لان لو تغزل بية هلكد اوكع من التوتر والخوف اللي احس بي من خلصنة شالة وحطة على الميز غسلت واني هدي روحي لازم تمر هالليلة تمام اهدي مرح ياذيج هوة خوش ولد مياذيج حباب علي حباب
لو جنت بغير وضع جان خربت ضحك على حالي واني احاجي روحي بس وضعي ميسمح للضحك
طلعت وهوة تقرب مني حط ايدة بركبتي وتقرب همس
علي : سلميني نفسج ولتخافين ما ااذيج
نغم : هزيت راسي وغمضت وبدت ليلتنة من هاللحضة ماتاذيت مثل ومكال جان هادء ومراعي الي بشكل كلسع يسالني اذا تاذيت او لا
خلصنة ونمت على ايدة بدون ما احس
___________________
نرجع شوية بالزمن اثناء الزفة
مريم : وواكفة مبتسمة اباوع عليهم شون يركصون واني داصور بيهم بالموبايل درت وجهي دامشي جان انضرب بواحد وكع الموبايل من ايدي ووكع سلاح من خصرة ضليت صافنة على السلاح وهوة شالة بساع وضمة ويباوع اخاف احد شافة رفع راسة باوعلي هذا فاروق اخو نغم
صفن بوجهي مصدوم احسة
دنجت راسي مرتبكة دانزل اجيب الموبايل جان ينزل هوة يجيبة كلبة يشوفة شبي
فاروق : اسف خوية منتبهت
مريم : لا عادي مصار شي _ اخذتة ورحت يم السيارة بساع احس كلبي يدكك قوييي
مدري شبية وصلنة للبيت فاتو ال زلم للديوان اول شي بعدين احنة فتنة باوعت علي شفتة واكف برة مبتسم ويمسح بدموعة يباوع على نغم وعلي اللي ديمشون للاستقبال بتسمت علي شكد يحبهة لعد خطية
باوعت علي يدور بجيوبة مدري على شنو بعدين صحيت هاي شبية شكو صافنة علي كبر لفني
درت وجهي دافوت جان اسمع احد يصيح خوية لحضة درت وجهي اباوع جان اشوفة جاي باتجاهي ندمت عزا شيريد هذا
فاروق : خوية بس عندج كلينس
مريم : ل لحضة _ طلعت من الجنطة واني ايدي ترجف خايفة احد يشوفنة ويفهم غلط نطيتة ومشيت سمعتة يكول
فاروق : مشكورة واسف وعلى الازعاج
مريم : بتسمت واني امشي ذواق الاخ
فتت جوة ضل افكيري كلة بي شكد حلو ومرتب وعيونة مثل عيون نغ تلمع ولونها مميز
شكد ثكيل ورزن نتبهت علي مباوع على اي بنية بالزفة وبس تفوت وحدة من يمة يدنج ويبتعد مثل علي احسة يشبهة كلشش.......
يتبع.......
________________
هسة مدام البارت طويل كلش كلت نكملة بتشبيه
ملاحظة : اني قصصي خيال لهذا التشبيه يكون على خيالي يعني الاتخيلة اقرب وصف جبتة الكم
نبدي باول شي ملاك
..بس الشعر طويل والعيون افتح لونها..
هسة جراح ..
خخليتلكم 3 صور ستمتعو بي 😂😂💕.
نور...
بالشعر القصير بالبارتات الجاية تفهمون ليش.....
جاسررر......
علييييييييي.......
نغمممم........
واكو بعد ثنين ابطال بس البارت ميكفي صور بعد بالمستقبل احطلكم
وهااااا البارتت اطول من حياتي كلها 😂😂💕
هالمرة ماعدكم عذر
اتمنى يعجبكم البارت 💕
انتضروني بارت جديد 💕
#الكاتبة : yaqeen. Hassan
#مـلاك _ الـشيـخ _ جـراح
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!