رواية ملاك الشيخ جراح الفصل الحادي والستون بقلم ~yaqeen.hassan~

رُبما في حياة أخرى
سنجلس سويًا تحت النجوم
نتحدث طويلًا عن جَمال و غرابة
الصُدفة التي جمعتنا معًا 🤍

نور : واكفة ارتب بالحلويات ومخبوصة فات جاسر شايل اللبن
جاسر : ها بوية كلشي كامل
نور : ايي بس شو تاخرو دك ع فاروق
راح يدك واني باوعت نضرة اخيرة رتاحيت
اليوم بعد شهرين من زواجنا فجا خطر ع بال جاسر يعزم بيت فاروق كال كلها نعزمت ببيتنا الة همة
فعزمهم ع العشا
صارت ب6 جان يفوتون سلمنا وستقبلناهم
وكعدنا
جاسر : اعترفو منو التاخر فاروق لو نغم
نغم : اني معليةة فاروق ب5 ونص فات للبيت ونص ساعة هوة بس يسوي بشعرة حتى ما سبح
جاسر : جيتنا بوصخك
فاروق : اسكت طاح حضي وعلي شصار بية من البارحة اني مشايف النوم
نور : اكعد صير ربة بيت
فاروق : شرايحلج انتي كاعدة ع سبلت وتشتغلين والراتب يجيج للبيت
نور : هههههه شعبالك واسطاتي قوية
فاروق : وهاي انتة تزوعلها راتب وهم مصرف
جاسر : أي وعلي هوة كلة مني ويكلولها راتب وراتب
نغم : مسيطررة صديقتي هههههه
نور : كمت أصب بالعشا ويمي نغم وامها
صبينا العشا وكلشش تونسنا
ورا العشا كعدنا بالصالة اني ونغم وخالة
ام نغم : اسكتي عيوني لو تشوفيين الولد اللي اجاها وردة مال الله هم جمال وهم وياها بالمستشفى وهم اخلاق
نور : شنو دكتور
نغم : لا صيدلاني
نور : أي وافقتي
ام نغم : من اهمداها متقبل الولد يتوسل بيها وهية متقبل
نور : شايفة علي شي انتي؟
نغم : لا الولد كلشش حباب ورايدني بس اني ما رايدة
نور : شنو تضلين هيج دافنة نفسج انتي صغيرة وشابة شنو حتضلين هيج للأبد
ام نغم : غبرة والله غبرة
نغم : خوب ماما باعتني فدنوب حجة وياها الولد كلمتين سوتة امام
نور : هههههه غير تفكر بيج
ام نغم : يايمة أريد امنها ومدام الولد شاريها بعد شنو العذر
نغم : هسة كتلج اصبري دافكر انتي بساع عبالج رفضت
نور : عوفيها خالة عوفيهاا تفكرر ع راحتهااا
نغم : شبيج تتموعين ترا احنا مووجاسر
نور : حيوانة هههههه _ خلصنا سوالف لل10 طلعو
لملمت المطبخ ورحت للغرفة لكيتة مدد رحت كمزت ع ايدة
جاسر : بت الحلو ايدي حتنكسر فديوم
نور : فدوة الي
جاسر : خوش
نور : تدري حبيبي
جاسر: لا مادري
نور : أي اعرف لهذا حخليك تدري
جاسر : احجي بابا
نور : نغم يمكن حتزوج
جاسر: لا بشرفج
نور :والله
جاسر : هاي شون شغلة
نور : ليش
جاسر: عمج راد يحجي وياها هالايام
نور : كمت مصدومة_ يعني شنو يرجعها
جاسر : يمكن أي
نور : احاااا
جاسر: عمج تغيررر حيلللل
نور :اييي احسة ذبلان حبيبي
جاسر : اذا جان نصيبهم سوة لو تنكلب الدنيا يجتمعون يجتمعون
نور : أي والله صدكت
جاسر: اكلج هسة احنة صافنين ع سكف نفكر بعمج ومرتة شعلينة
نور :ههههه مادري والله
جاسر :تعاي زوجتيي اشتقت لكي كثيرااااااا

_______________

نغم : مر كم يوم ورا عزيمة نور وجاسر
قررت التقي وية الولد احجي وياه للمرة الاخيرة وانطي الجواب لان ماما حارت وياي ساعة اوافق ساعة ارفض
اجاني لمكان شغلي طلعنا سوية للكافتريا كعدنا
بدة يحجي عن نفسة اطباعة اهلة
جان انسان منفتح سبورتي عندة اشياء هواي عادي
عندة بيت سيارة يعني مكون نفسة لابعد درجة

نغم : شنو الجابرك تتزوج وحدة منفصلة
ابراهيم : ماكو شي جابرني اني ماعتبر هالشي فرق كبير
يعني اني خطبت وفصخت اكثر من مرة لان ما اتفاهم يجوز انتي نفس السبب
نغم : لا مو نفس السبب
ابراهيم : اكدر اعرف السبب
نغم : خيانة
ابراهيم : هذا بس الناقص رجولة هيج يتصرف
علي : ايي حبيبي انة ناقص وانتة رجولتك حاجيني عنها
نغم ؛ كمزني من مكاني من فات وضرب الميز ووكف كبال الولد يحجي بعصبية
هذا شجابة شعرفة
ابراهيم : عفووا منو انتة
علي : انة الناقص اللي جاي تحجي عنة
ابراهيم : نغمم هذا طليقج
نغم : كمت واحاول اتمالك اعصابي واريد اهدي الوضع لان ماريد احد ينتبه
_ ابراهيم عادي نحجي باجر مشكلة عائلية اصلحها واحجي وياك
ابراهيم : تمام اذا صارلج شي بس دكي علية
علي : لا تخاف حبيبي اكو اللي يحميها
نغم : علييي امشي كباليي للحديقةةة
علي : ها معجبتج شوفتيي
نغم : علييي لتخبلني امشييي _ جريت جنطتي ومشيت وهوة ستسلم ومشة وراي
ماعرف ليش لثواني بتسمت بتسامة وخفيتها من شفت شكلة صارلي شهرين مشايفتة
محيت الابتسامة وجريتة للحديقة بمكان فارغ
درت وجهي علي _ خيرر علي خيرر شتريد
علي : انتي اللي كليلي خيرر صايرة تتواعدين
نغم : عفواا تواعدت او ما تواعدتتت ليش شنو الك علاقة
علي : تردين تزوجين؟
نغم : والله مثل ما تزوجتت انتة اني هم أرد اتزوج
علي : ها هيج صارت
نغم : ايي هيجج بس ع الاقل اني اتزوج بعد ما انفصل مو مثلك
علي : بلا بسامير
نغم : كتفت ايدي وعقدت حواجبي واباوعلة بتركيز هوا حسيتة ارتبك شوية وعاط كمزني
علي : ليشش هيج طالعة حلووة انتيييي
نغم : هوا كالها واني متت ضحك ماعرف شبية بس توترة وارتباكة ضحكني
علي : شبيج ركبج جني
نغم : مسحت عيني اللي دمعت من الضحك _ هاي انتة سويت كل هالهوسة لان طالعة حلوة
علي : لا ع غير موضوع
نغم : سكتت ووكفت انتضرة يحجي
علي : أريد نرجع
نغم : عليي مو حجينا بهالموضوع
علي : أي وارجع احجي بي
نغم : ليش تلح علية
علي : لان تعبتت رايد ارتاح
نغم : مترتاحح الكة وحدة غيري ما بقت بالدنيا بس نغم انتة لكيت الاحسن من قبلها تلكة هسة هم
علي : مالكة ما الكةة ولا أريد الكة
نغم : اني أريد الكة أريد اتزوج شخص يحبني قبل لا اني احبة هوة اللي يهتم هوا اللي يعبر وفعلا من كالو اخذ اللي يحبك مو اللي تحبة لان الحياه حتكون بس مذلة
علي : وانة احبج ومستعد اعبرلج منا لسنين بدون لتحجين أي شي وما أريد منج شي
نغم : خسرت فرصتك علي روح منا
علي : ماروح الة ترجعين وياي
نغم : ماروحح ما ارجعع ادمرر نفسي افهممم
علي : نغم
نغم : علي روحح كافي تعبتني حيل روح _ حجيتها بقلة صبر واعرف هوة مرح يروح ويتحرك منا من نضراتة
علي :فرصة وحدة
نغم : ماكدر مو لان انتة ما تستاهل بس اني ما متقبلتك ما أريد ارجع
علي : نرجع ننخطب فترة طويلة واعودج علية من جديد انتي ما نسيتيني نغم
نغم : نزلت دمعتي وباوعتلة _ اييي وشتريدد انتة اذا ما نسيتتت تريد ارجع ادمر نفسيي ارجع اذب نفسي عليك واقدملك الحب وانتة باردد اني اذا رجعت وياك مجرد دمار لنفسي
علي : ما اندمج
نغم : لا اندمم اني اعرف بروحي رح اندم
علي :وداعة عيونج
نغم : باوعت بعينة مغرغرة وحزينة توني داحجي سمعت صوت أخر شخص اتمنى اسمعة بهاللحضة
فاروق : نغم !!
نغم : مسحت دموعي وباوعتلة عقد حاجبة بعصبية واتجه لعلي لزمة من ياختة
فاروق : انتةة شرايددد شرايدددد لتخبلنيي
علي :أريد. احجي وياهة
نغم :فاروق عوفة الناس دتباوع
فاروق : علييي لتخليني احطك براسي وانهيكك كافيي اللي سويتة بيهاا مكفاككك
علي : جاي احجيي وياها انتة شبيكك معصببب
فاروق : ب أي حق تحجي وياها وانتة مطلكها ب اييي حققق ترضة اني هسةة اخذذ مريمم واحجييي وياها بمكانن وحدهاا كلييي غيرتكك ترضاهاااا
من يوممم اللي هية طلبببت الطلاكك انييي ما حاولتتت اتقربلهاا لان انيي اذيتهاا اني دمرتهااااا حسيت ع نفسيي خليتها تعيشش حياتهااا ولو هسةة اشوفها كبالي متزوجة ومخلفة اهم شي تكون هيةة مرتاحة ما اضوج ولا اعصببب اهم شي عندي هيةة تكون مرتاحة
انتة حتى راحة مخليتها ترتاحح لك لاحكها من مكان لمكان الله اكبرر عليكك شنو من بشر انتةة
نغم : حسيت فاروق ما ركز بينة بكد ما حجة ع مريم حسيتة ديحجي معاناتة يحجيها بغصة وحركة كلببب خلتني اشتعل بنار ع وضعة علي بهت وجه كبالة وفعلا شاف كلامة صح فاروق ولا مرا تقرب لمريم لان يحترم انو هوة طلكها بس علي دوم يلاحكني
فاروق : علي لو رايدة تنطيك فرصة جان انطتها الك بوقت اللي طلكت شمس بسس الكلب من ينكسر صعب واحد يصلحة اسئلني الي بهالشي
لو اعيش عمري كلة اني بحسرتهاا
ما اتقربلها اذا اني ممكن اكون اذيه الها
عوف اختي علي لتخليني اوصل هالحجي لابوك ووقتها منضرك يكون محلو كبالة
نغم : جرني من ايدي وطلعنا ما حجة شي كانو بهاللحضة هاي هاجت علي كل مواجعة اللي كاتمها
تركيزي كلة صار يمة
ايدة لازمة الستيرن بقوة بحيث الاوردة بارزة
احسة صاك ع اسنانة بحيث فكة بارز كلش
باوعت لحالنا ليش هيج مجبورين نعيش ليشش
رجعنا للبيت بدون كلام
هوا بدل وطلع واني كملت غداية وياهم ماريد احسسهم بشي
اجة فاروق بالليل جنة كاعدين نشرب جاي
_ ايي ايييييي لنصاص الليالي يلة يفوت
_ ضحك بتعب وكعد بصف ابوية
_ وين جنت
فاروق : العب يعني وين غير بالشغل
نغم ؛ ماما من هسة اكلج هذا ابنج شغلتة مو خالية
فاروق : أي يوم خطبيلي النقيب عاجبني
الأب : ادبسز شهالحجي
فاروق : اني اكوم انام احسنلي
نغم : اسفة فوفووو _ حجيتها وهوة بتسم وهز راسة بقلة صبر وراح
صعدت اني لغرفتي
ب10 ندكت الباب باوعت من الشباك طلع فاروق فتحها ونصدمت من لكيتة علي
حجة ويا بالباب شوية بعدين فات فاروق وهوة ضل بالباب
ثواني ورجع طلع لبس سترتة وسد الباب وراح
فضول كتلني وين راحو وهمة مو تعاركو الصبح شنو شصار

_______

تمشينا وكعدنا بمكان يم الشط ع الحجر

علي : شكرا لان طلعت وسمعتني
فاروق : ردت أنهي كلشي وياك
علي : خلينة نعوف التعصب ونحجي مثل قبل
فاروق : شون يعني
علي : ميل راسة _ ك اخوان
فاروق : هة كتلي اخوان ..علي اني من يوم اللي رجعت اختي للبيت تبجي دم اني عتبرتك عدوي
علي : وانة ماسويتلك شي من نخطفت اختي
فاروق :اني اللي صار مو بيدي واذا ب ايدي ف اكطعها قبل لا اخليها تتاذة بس انتة ب ايدك اذيتها وبجيتها
علي : فاروق انتة من طلكت مريم شنو حسيت
فاروق : هذا موضوعك صدك تحجي
علي : تنهد _ اريد اشوف اذا حسيت نفس مشاعري
فاروق : ههههه ضحكتني بوية انتة من طلكتها جنت حاير بمصايبك والدنيا ماخذتك شحسيت من طلكتها
علي : تاذيت كلبي جعني ...حسيت بهتت الدنيا بعيوني
فاروق : بس ؟
علي : ليش اكو اكثر من هيج ؟
فاروق : اكو هواييي حيل هوايي
علي : شنو مثلا؟_ صفن ع الشط وحجة بدون ليلتفت حتى
فاروق : 3اسابيع اني ادور عليها وجنت بس اريد اشوفها بخير
رحت وشفتها ب اسوء وضع
وضع صعب حيللل عليةة حيللل صعبب
وراها نحرمت من شوفتها بسبب خوفكم
جان عقاب نفسي
جنت اتسلل بالليل من ابوك ينام اروح للغرفة بس اباوعلها واطلع
حبيتها بصمت
خفت عليها بصمت
كلشي سويتة بصمت
بس هية ماعرفت أي شي من هذا كل ضنها اني تاركها وما رايدها
ما تدري اني شفت الموت بين عيوني اني اذيت نفسي ع اذيتها اني ما غمضت عيني لحضة بوقت خطفها
جنت بس اغمض اريح جسمي حتى اكوم ثاني يوم بية حيل اركض عليها
اخذتوها ورحتو وتركتو وراكم شخص كاعد يتعذب
بوقت اللي رادت تحجي وياي
صرخت هواي وعيطت وضربتني وطلعت كل اللي بكلبها
بس اني ما سويت شي
مثل الشخص اللي فقد كلشي واول شي فرحتة
بذيج اللحضات واني اشوف صراخها ستوعبت انو اني ما استاهلها اني بس اذيتها.
كل حبي الها ما جابلها غير الضرر
كلشي سويتة لخاطرها نكلب ضدها
حاولت احميها بس اذيتها
جنت مصدر اذية الها
ومن حبي الها تركتها حتى ترتاح حتى ترجع تعيش
ودست ع كلبي وحياتي نفسي بس في سبيل هية تعيش مطمئنة
من رحت للشيخ اخذة تمنيت بلحضتها اروح للمقبرة كبل وشكد تمنيت بكلبي سيارة تجي تاخذني
وتريحني
كدما فكرت بيها
نسيت نفسي نسيت اني شنو حسيت وشنو حعيش
لهذا بوقت الطلاك حسيت بلحضتها روحي دتطلع ع البطيئ
دموعي جانت بعيني وجنت ع لحضة أريد ابجي واكللها لا ما أريد اطلك
بس كلت مجرد حتكرهني
طلكتها وبكلمة انتي طالك طلعت وياها الف غصة
محد حس بيها
اللي عشتة محد عاشة قبل
عشت ذنب مو ذنبي وضليت الوم نفسي باليوم الف مرا
لو ما متزوجها جان عاشت طبيعي وما خليتها تحس بذاك الشعور
بس حبي عماني عن كلشي وهاي نتيجتة دمرتها
وعشت حياتي الباقية بدمار
علي : ضليت صافن ع كلامة شنو عاش وشنو شاف والغصة اللي جط
بصوتة خلتني استوعب مشاعري البسيطة ولا شي يم مشاعرة
فاروق : شو سكتت
علي : صدمتني
فاروق : بشنو
علي : بكلشي
فاروق : انتة جبرتني احجي هيج حجي أريد تستوعب انو اللي يحب ما ياذي ما يعذب
علي : فركت راسي وباوعتلة _ حسستني بتفاهة تفكيري
فاروق : علي انتة اناني حيلل
علي : شون يعني
فاروق : اني اعرفك الشي من تحبة تتمنى يصير بس الك مثل اني تذكر من جنت احجي وية ولد تتخبل وتجي تحجي علي حتى تخليني اكره
وشغلك متحب احد يتدخل بي وتتخبل اذا احد حجة علي نفس الشي دتسوي بنغم انتة حتى لو ماذيها عندك عادي اهم شي متروح من ايدك
علي : اذا نخطبت مريم انتة تسكت
فاروق : ب أي حق احجي و اتدخل منو. اللي رح يرضة ابوها لو ولد اخوها لو انتة اكللكم والله احبها لا تزوجوها
علي : يمكن انتة كبر تفكيرك وياك بس انة ما كبر تفكيري
فاروق : الحب تغلب عليك وخلة حتى تفكيرك الواقعي يتغير
علي : مو بيدي والله مو بيدي لك والقران تغيرت وحيل متاذي
فاروق : شتريد يعني اكلك امشي ازوجك اختي مرا لخ هية كلتلك ما ريدك
علي : يمكن تكدر انتة تأثر ع قرارها
فاروق : صدك تحجي
علي : لخاطر خوتنة
فاروق : علي ما تفكر انو انتة حيل زودتها اللي دنحجي عليها اختي اللي هية طليقتك وميربطك وياها أي شي اني ليش صابر لحد هسة ع كلامك ماعرف
علي : لان دتحس بية فاروق انتة اكثر شخص يعرفني ليش مو انتة من جانت تصير وياي سالفة انتة تعرف شريد اسوي حتى قبل لا احجي

فاروق :شسويلك علي بشرفك اروح اكعد اكللها ارجعيلة
علي : يمكن هية خايفة من ردة فعلك يمكن تخاف انو متوافقون بس بينلها انو انتة الموضوع عندك عادي وواكف وياها
فاروق : اني ما طايقك تدري
علي : ادري بس من خارجك بداخلك تموت علييةةة
فاروق : ههههه باع ثقتة نغريتت هواي عيوني
علي : اذا عليك ما انغر جا عليمن
فاروق : هواي تماديت شو دكوم لزكت هية اللزكة
علي : اصبر يمعود صارلنا شكد ما حاجين
فاروق :غير من ورة دكاتك الناقصة
علي : عساس انتة ملاك بريئ
فاروق : ماكو افقر مني
علي : سودة علية
فاروق : اكلك
علي : همم
فاروق :جا مدام تريد اختي اني هم أريد اختك
علي : هههههههههههههه عود شنو تلعب ع وتر الحساس من تكول اختك واختي
فاروق: هية خربت خربت متحاجيها انتة هم
علي : اسمحلك انتة تحاجيها مرة وحدة لان ماريدها تتاذة تعرف مريم جرحها اكبر من نغم وكوة تعالجت
فاروق :لك وعلي انتة كفووو
علي : باجر نروح للمطعم اني احجي وية نغم وانتة
احجي وية مريم ونشوف وين تصفة بس ها
فاروق : شنو
علي : نعتبرها آخر فرصة بعدها ماكو فرص اذا مصارت متصير بعد وكل واحد بطريقة
فاروق : هاهية تم

______________

مريم : كاعدة متوترة كبالة ماعرف شنو احجي حسيت نفسي ضاق وصختت من التوتر
افرك ب ايدي وابلع ريكي شكو حركة تدل ع توتر سويتها
فاروق : شلونج
مريم : زينة
فاروق : شبيج ترجفين تحبين ارجعج
مريم : لا لا عادي بس متوترة
فاروقط : مني؟
مريم : لا
فاروق : همم متاكدة
مريم : ليش اجينا اهنا ؟
فاروق : أريد نحجي
مريم : بشنو
فاروق : بعلاقتنا
مريم : علاقتنا!! ... ياعلاقة هاي
فاروق : اوكي علاقتي اني أريد احجي بيها تسمعيني
مريم : شنو رح تحجي
فاروق : انتي فرغتي اللي بكلبج بية صرختي وضربتيني بس اني محد سمعني احس أريد احجيلج حتى ارتاح واكون بريت ذمتي ورضيت مشاعري اللي دتعذبني كل يوم
مريم : تمام احجي
فاروق : نبدي من أول مكالمة من نغم بلغتني ....
مريم : حجة هواي هواي ماسكت يمكن بالنص ساعة هوا يحجي واني استمع بكل جوارحي شبعت عيوني بشوفتة وبنفس الوقت جان كلبي يحترك واني اتخيل شون حس وشلون تاذة وهوة كلة كتمة بداخلة
ختمها ب آخر شي
فاروق : طول هالفترة عشتها اجلد بنفسي والومها وافكر واكول ياريت وهواية احتمالات وعشت هاي الفترة هيج وصدكيني من اصعب الفترات هية هاي اللي متكدرين بيها تريحين نفسج من نفسج
اني بزواجي منج اذيتج واذيت نفسي
لان اللوم كلة وكع بية وخلوني اكره نفسي لان من وراها اذيتج
عشت هاي الفترة كلها واني أتمنى يجي هذا اليوم اللي احجي كل هالحجي كبالج واريح نفسي
اني اسف اسف ع كلشيي ما رح يصلح شي هالاعتذار بس يستاهل انو اكولة
مريم : سكت وعيونة تباوعلي بحب واني عيوني تطفر دموع من كيفها
مسحت دموعي وعدلت كعدتي
_ اللي صار مو ذنبك مجرد. ابتلاء الي مو يكولون المؤمن مبتلى واني امنت بهالشي
وحدة مثلي جان نتحرت بس اني فضلت اتعالج واعيش وارضى بقضاء ربي
لأن اعرف لو ممتعرفة عليك وما تزوجتك جان بيوم من الأيام هم نخطفت وهم صار بية نفس الشي بس الله خلاك بطريقي وجنت سبب بهذا الاختبار واني ممعترضة وعرفت شلون اتخطى اللي صار
بس انتة ما تخطيت
فاروق : شون اتخطى واني كل يوم انام بذنب دموعج
مريم : تكدر تنسى فاروق تكدر تنسى كلشي صدكني رضيت بكلشي وما صار ياثر بية شي من الحادثة
فاروق : الحمد الله والشكر
مريم : بتسمت ودنجت راسي سكتنا فترة وحجيت اكسر الصمت
_ شلونة شغلك
فاروق : ماشي الحمد الله
مريم : هم بي خطورة
فاروق : لا ما ارجع اغلط ذيج الغلطة ما اخذ قضايا جبيرة حتى لو تأثر علية
مريم : شون تأثر عليك
فاروق : يكطعون من للراتب أحصل عقوبة المهم ما اخذها
مريم : هزيت راسي ورجعنا سكتنا لحد ما هوا حجة
فاروق : اذا فترضنا هسة انو احنا رجعنا تزوجنا
شون حتتخيلين حياتج وياي ..نفس قبل ؟؟
مريم : باوعت علي وارمش بهدوء فعلا كعدت اتخيل
نرجع لحياتنا اكعد الصبح اكفش بشعرة وهوة يكوملي واني اختل بالحمام
ننزل نتريك وهوة يضل يكرص بية من جوة الميز
نطلع سوية ويفرني بالبصرة
نشغل اغاني وهوة يهز واني اشمرلة رباعة
بتسمت واني بنص خيالاتي ونسيت انو اني صافنة علي لكيتة مبتسم وعيونة تلمع بفرحة حسيت شكد مرتاح وفرحان محيت بتسامتي وعدلت كعدتي
فاروق : ههههههههه
مريم : باوعتلة ورافعة حاجبي _ شكو ع شنو تضحك
فاروق : ماكو شي خطر ع بالي شي
مريم : ضحكنا وياك
فاروق : عندي بزونة تحبني بس رافعة خشمها علية
مريم : بتسمت وحجيت اريد اغير الموضوع
_ عطشت أريد مي
فاروق : انتضريني لحضة
مريم : راح شوية ورجع جايب مي شربت وهوة اجتة مكالمة
كام يخابر
بهالاثناء اجة النادل شايل صينية بيها كيكة فراولة وككو وكرواسون
وياها كهوة اثنين
_ العفو احنة مطالبين
النادل : شلون مطالبين الطلب للطاولة 5
_ ما طالبين والله
فاروق: لا حبيبي طالبين خليها تسلم
مريم : خلاها ع طاولة وراح حجة فاروق وهوة يشرب رشفة من الكهوة
فاروق : كتلنا الجوع خل ناكل شوية انتي تحبين الفراولة والكرواسون اكلي اكلي ترا مستلم راتب جديد
مريم : ضحكت ع تصرفاتة بلش ياكل طبيعي اني هم شو شتهيتها وكمت أكل
بدة يحجي مواضيع عامة عن شغلة وبيتهم
حتى خلاني انسى انو احنة تطلكنا
لحدما خلصنا
اكل
سكت ثواني وحجة
فاروق : مريم يعني شوفي وضعنا مابي شي بعدنة نتفاهم ونسولف ما تغيرنا ع بعض
نفسها علاقتنا
ليش ما ننطي فرصة لهالشي ونرجع
مريم : بهتت بوجه وسكتت محجيت شي
فاروق : نضل أصدقاء صدكيني ما اتقربلج ولا المسج بس وجودج بالبيت يريحني حيل صدكيني
نتعرف من جديد ننسى كلشي وصدكيني عمري ما راح افكر بالتفكير اللي انتي تفكرين بي لان اني مو هيج
مريم :اعرفك أي بس الخلل بية
فاروق: الخلل بينا ثنينة وواحد رح يصلح الثاني
اذا الله كتبلنا عمر شورانة حياتنا كدامنة نجرب ونجرب لحد آخر نفس
وصدكيني مستحيل بيوم امل منج

اني احبج حيللل يافرحتي

مريم : بتسمت وحسيت الروح رجعت بداخلي
حسيت فعلا هاي ابتسامة نابعة من قلبي
رتاحيت هوايي
فعلا رتاحيت
وحسيت بكلامة طمني ومحة كل خوف بداخلي
كل تساؤلاتي جاوب عليهن
وفعلا بهاللحضة اني ردت احارب ويا
ونرجع نبني علاقتنا
من أول
وجديد

______________

نغم : شنو حيصير هسة همة حيرجعون اني شكو جبتني هنا
علي : ما حجة وياج فاروق
نغم : سكتت وتذكرت كلام فاروق البارحة دخل علية ب1 بالليل توة جان راجع
وكفت بالباب وحجة كلامة
فاروق: علي متمسك بيج واني أول مرة اشوفة هيج يتمسك ببنية لان اعرفة واعرف اطباعة
اللي ميريدة ميريدة بحياتة
بس هوا ديحاول هواي وحتى نطاني فرصة احجي وية مريم لاخر مرة
باجر نروح اني وياج
انتي تحجين ويا واني احجي وية مريم
ونعتبرة قرار نهائي
بعدها اذا مصار شي لا اني اتقرب لمريم ولا هوة يتقربلج
اني ما اكلج ارجعي بس اكلج فكري بنفسج عوفينا احنا بالنهاية هاي حياتج وانتي حبيتي واني اكثر شخص اعرف انو اذا حبيتي احد مستحيل تتقبلين شخص غيرة
ف اذا تحبي ومستمرة بهالحب ارجعي بس اذا مرايدة الرجعة ف لازم تنسيي حتى تكملين حياتج
تصبحين ع خير
_ كلامة اثر بية وخلاني اتخطى حاجز الخوف منهم وخصوصا من فاروق لان جنت عبالي ميوافق
بقى القرار يمي
باوعتلة وتنهدت
_ حجة بس شعليك بي انتة
علي :نغم هوة سؤال رح اسئلة من بعدة كلشي يخلص
نغم : اسئل
علي :تتزوجيني؟
نغم :هههه شنو هاي عرض زواج صار
علي : انة رايد ابدي حياه جديدة بعيدة كل البعد عن الماضي
واذا وافقتي ف بوقتها اعتبر نفسي انة ماعرفج اتعرف عليج من جديد واحبج من جديد
وانة اللي اعبرلج
لان تعلمت من الدرس ومدام تعلمت منة ف هاهية اعتبرة شي راح
نغم : واني شلون اتخطى الصار عبالك سهل اعتبرة ماضي
علي : رح اعالج كلشي صدكيني رح اعوضج ورح انسيج كلشي
بس نطيني فرصة وحدة
نغم : سكتت دقايق صفنت واستوعب واتخذ قراري وهوة نضراتة ما نزلت مني
حسيت نفسي ضايعة أريد وما أريد
باوعت لحضات لمريم وفاروق جانو كبالنا نتبهلي فاروق وبتسم براحة
مبينة امورة ماشية
باوعت لعلي وقررت بسرعة
_ موافقة بس عندي شروط
حسيتة فز لان جان صافن بهت بوجهي بعدين ضحك
شكلة جان عبالك مراهق هههههه
علي : عليج الحسين
نغم : أي
علي : اللهم صلي ع محمد وال محمد دخيلج يالزهرة
نغم : شبيك
علي : هيج هيج سلامتج احجي احجي شروطج
نغم : اني ما اعرف مشاعري تجاهك حاليا احسها بردت وماعرف شوكت رح احس بشي تجاهك اصلا ف لتتوقع مني ردات فعل احتمال اكون وياك مملة
علي : كتلج ماريد منج شي بس وجودج
نغم : بتسمت _ هاهية
علي : عليج الحسين يعني هاهية
نغم : هههههه أي
علي : اويلي يابة هاي يرادلها بوسة لفاروق
نغم : متت ضحك علي كام من مكانة وراح لفاروق باسة قوي
كمت ورا وفاروق يمسح بخدة قرفان
فاروق : ويععع شمالك ولكك
علي : باركلي حتزوج
فاروق : وافقتي ع هذا السرسري ولجج
نغم : ضحكت وهزيت راسي
علي : جا مو منطيك اختي
فاروق : يابة احنة هم باركولنا لعد
علي : لو نعرف هاللقاء يليين الحديد جان من زماننن سوينا
فاروق : كلشي بوقتة حلو واجى هالوقت

ملاك : جذاباتتت يعنيييي هسة حترجعوننن
مريم : اييي
نور : عزااا يمااااااا كلللللوووششششششششش
مريم : ولججج غضببب فضحتينااا الله يفضحج وين جاسر
نور : طالع طالع يمة فرحتتت وهاي العوبة نغم تبيع ثكل براسنة لعد
مريم : هههههه من جوة لجوة
ملاك : حبي مو كتلج ذني جذابات
نور: زييين شوكت تجيبون الشيخ
مريم: ماعرف علي بالطريق كال اني احجي وية بابا وفاروق هم كال احجي وية اهلي
ملاك : يمة متتت فرح والقران
ضلينا نسولف ونضمت بالمكالمة اللي وية نور نغم وضلينا نعيط
وراها مر كم يوم
ومنحس غير اجوي فاروق وابو كعدو بالديوان لا ساعة ولا ساعتين وجان بس علي وجدو يمهم كلهم طردوهم هههههه
حجو هواي
وطلعو وهمة مرتاحين
وثاني يوم اجوي جايبين الشيخ
عقدت مريم أول شي
وراها نغم
وسوينا تبديل
اخذنا بتهم ونطيناهم بتنا
بس شنو متنا فرح وكلها فرحتتت
وخصوصا العرسان مثل عمو علي عبالك مراهق
وفاروق احسة شوية ويبجي من الفرحة

______________

مريم : رجعنا للبيت وفاروق معاف ايدي لازمها ومتمسك بيها حيلل
واني الفرحة تارستني
صعدنا للغرفة لكيتة مسوي مكان لملابسي شايل نص ملابسة
والميز مفرغة خال عطورة ع صفحة
أول ما فتنا كعد يرتب بغراضي ومكياجي واني ارتب لبسي
خلص هوة واني بعدني
تقرب حضني من ورة ويشم بشعري
فاروق : مثل الميت من تردلة الروح
هيج ترد روحي بشوفتج
مريم : ميلت راسي ومسحت ع شعرة _ فرحان؟
فاروق : فوك متتصورين ويمكن ماكدر اوصفلج
مريم ؛ حاسة بيك لان فرحتي نفس فرحتك
فاروق ؛ اهخخخ شكثر فرحان بيج
مريم ؛ هممم كلمة جديدة لقاموسك (شكثر )
فاروق ؛ ماعرف شفتها بفديو وعجبتني
مريم : ههههههههه والله عليك سوالف
فاروق : مشتاقة لسوالفي
مريم ؛ اييي هوايي
فاروق ؛ اليوم اشبعنج سوالففف يبعد الجلاويي
مريم ؛ هههههههههه _ نمت بحضنة واني اتناسى كلشي عشنا
نمت واني مرتاحة من تعب هاي الدنيا
نمت واني احس العوض دك بابي بفاروق

_______________

نغم : دخلت للغرفة
مغيرها لونها والاثاث
احس رتاحيت
بتسمت واني اباوع لكل ركن واتذكر ايامنا بيها وممصدكة انو كلها حتنعاد هنا
تنفست براحة فتت سبحت طلعت لكيتة واكف يم اللابتوب
من شافني سدة وكام
علي : نعيما
نغم : الله ينعم عليك
علي : مرتاحة اطفي السبلت
نغم : لا عوفة
علي : تمام
نغم : ماعرف ليش حسيتة مستحي ضحكت بصوت ورحت امشط
علي : شبيج تضحكين
نغم : شبي مستحي عبالك ديخطبوك
علي : خايف منج
نغم : منيي؟!
علي : ايي
نغم : يا ليش
علي : شفتي انتي عرامتج بهاي الفترة وعياطج وضربج الي سويتي بية خوفة
نغم : يمة كالها واني متتت ضحك علي ضليت شكد اضحك
وهوة مبتسم تقرب مني ودنج راسة
علي : بس انتهى وقت العرامة والصلافة اجة وقت الحب وعلي
نغم : تؤ دكتور علي مينتهي وقت العرامة
علي : ينتهي ينتهي لتخافين اعرف شون أنهي
نغم : ضحكت ورجعت امشط وهوة دخل يسبح
مددت ع الجرباية وخليت مخدة بالنص
هوا باوعلها ورفع حاجبة
علي : خوب جيبي امي تنام بنصنا
نغم : هم صدك خل اروح اصيحها انتة مو أمان _ كمت داروح للباب لزمني وشالني ع جتافة واني اضحك
علي : شو دتعاي اني نطيتج عين زايدة انتي مو مال احترام
نغم : ضحكت من كل كلبي بهالليلة وفرحت هواي
كضينا شقة وسوالف وحرشة شعوطتة تشعوط لحد ما نمنة وهوى متمسك بية
دعيت الله هالمرة تكون خير
وما تنتهي بكسرة

__________________

بعد 3سنين

ملاك : كاعدة وخالة ايدي ع خدي صافنة عليهم
ولا كانو اني موجودة معتبريني شفافة
من الصبح احاول اقنع بيهن يلبسن وما يقبلن
بس اجة ابوهن لبسن وكعد يمشط ويحط قراصات وماشات ويسولف مندمج ع الاخر الأخ
بعدين بتسمت من خلص وحضنهن ويشم بيهن
شكد احب هاللقطة ارتاح من اشوفة هيج حنين عليهن
روان وريان
بناتي
وروحي من هاي الدنيا
حملت بيهم قبل 3سنين وهسة هنة عمرهن سنتين وكم شهر
بس شنو مووبناتي عبالك ضرايري ماخذات ابوهن يمهن ووعايفيني وحدي
حجيت بقلة صبر _ خلصتو يابة مسرحيتكم لو لااا أريد ابدل والملم الغرفة
جراح : شبيج حبي ليش حاركة روحج
ملاك : باوعتلة مضيقة عيوني ومعصبة وهوة يضحك
روان ؛ ماما دودو
ملاك : يااا ولج هاي انييي
جراح ؛ عيب بابا لتعيديها
روان ؛ ادلل عبيبي
ملاك ؛ هية كالتها وهوة تخبل عليها يبوس ويعضعض بيها
ضحكت وكمت رحت اسبح ادري ميخلصون منا لساعتين لان من يعطل ميعوفهن بعد
سبحت وطلعت انشف بشعري
إجتي ريان يمي
ريان : ماما هذا بابا سوة شعري معلو
ملاك : معلو مرة وحدة وج ماما كولي محلوو اححح احح
ريان : اععع اععع
ملاك : تعاي تعاي انتو عفتو كل الاحرف نضربتو بالحاء _ ضحكت وهية مكيفة مدري شبيهن وية الحاء هنة حتى لسين يلفضنة صح بس الحاء يلفضنة عين بحيث جراح يكللة جراع

لميت شعرها ورتبتة باستني وراحت لحضن ابوها
يباوعون كارتون
لميت الغرفة
وهنة بحضنة نامن
شلت روان وهوة شال ريان لجربايتهن
جراح ؛ تعاي ام زعاطيطي
ملاك : عشتو هسة تذكرت انتة ام زعاطيطك
جراح ؛ تعاي يولي تعاي
ملاك : ما اجي اللي يريدني هوا اللي يجي_ كلت هيج جان يخزرني
رحتلة مثل الحبابة وهوة مات ضحك ضربتة بصدرة
_ هوا كدرة أبوي ع امي ما تكدر لبناتك تطلع سوالفك بية
جراح : جنج بزونة
ملاك : بزونة حلوة
جراح : تخبلل
ملاك : اعرف
جراح : تموت
ملاك : اعرف
جراح : تشللل
ملاك : اعرف
جراح :ثولة
ملاك :اعرف... عاااا اني ثولةةة
جراح : هههه اشاقة وياك حبيبي
ملاك : صاير ادبسوزز حبيبي
جراح : صاير صلف وليدي
ملاك :اتعلم منك
جراح : شني الصلافة
ملاك : لا الجلافة هاهاااهااااا
جراح : شكد سخيفة خرب يومج
ملاك :ههههههههه والله حلوة تعلمتها من جاسر
جراح : سبحان الله نفس الطباكات انتي واخوج
ملاك : بعد روحي اخوية تاج راسي
جراح : هسة احجي حجاية
ملاك :ما تحجي ما تحجي
جراح : لا حبيبي انتي شعندي غيرج
ملاك : عبالي
جراح :تعاي لج انتي عليمن منغرة
ملاك :ههههه ع نفسي والعباس مو عليك
جراح :امشي ننزل لا يكعدن ويهرجنج
ملاك : والله حبيبي انتة اليوم اجازة انتة تتحملهن مو بناتك ذني
جراح :مو بناتج انتي عساس
ملاك :لا ضرايري هههههههههه
جراح : دكومي كومي الله يهديج
ملاك : ويهديك حبيبي _ كمزت ورحت اركض منة وهوة يتحلفلي ضحكت علي ونزلته جوة لكيت مرتجى وحدة بالصالة
_يمة حبيبي وحدك عايفيك
مرتجى : ابا آكو
ملاك : هئ بابا ماكو وين راح
مرتجى : بئيد
ملاك : وين بعيد
مرتجى : دكتول
ملاك : يا يضرب ابرة
مرتجى : اي اي ني هاف من الابلة
ملاك : اني يمك ماخليك تخاف تعال العبك لعبة تخبل _ شلتة وابوس بي
مرتجى أبن نغم وعمو عمرة سنة ونص ويجنن فد فطير وفقير حسة مينسمع بس بناتي صاكراتة خطية وهوة يسكت
فاتت نغم شايلة الأكل مالتة
نغم : هاي شنوو ماخذيين بنيتي مني
ملاك : ضحك ورفع ايدة يريد يروح يمها اخذتة وكعدت توكلة
نغم : وين البنات
ملاك : نامن
نغم : شعجب هلوقت
ملاك : سبحن وجراح لعبهن وتعبن ونامن
نغم : خوش مربية جراح بيش اجار الشهر
ملاك : ههههههه والله هوة مكيف بيهن بعد خل يستلم
نغم : الله يحفضهن الة ..صدك نور شوكت تجي هاي الخاينة تذكرين من تزوجت تكلي يومية اني يمكم وهسة صارلها سبوع مجاية جاسر يجي وهية متجي
ملاك : ليش متدرين بنسر شيسوي بالبنات يتمالخون عبالك ضراير والنبي مدري شبيهم ينجلبون سوية
نغم : هذا نسر جنة جراح والله مو يكولون ثلثين الولد ع الخال هوا كلة ع جراح
ملاك : اييي ولج فد يشبه وانوب ثكيل مثلة ولا عبالك طفل ذاك اليوم دتسولفلي تكلي جاسر بايسها ب ايدها كبالها عايط بي يكلة عيببب عيبب اشبيكمم
نغم : يمةة حموت حتى همة صكرهم
ملاك : فدوة اروحلة عاقل ورزن خما مثل بناتي مستهترات
نغم : عليمن يطلعن ع امهن
ملاك : ويين اكو مني انيي افقر مني ماكو
جراح : أي سودة عليج يكتلوج وتكليلهم الله يسامحكم
نغم :ههههههههه تسجيل دخول قوييي من جراح
جراح : لك ها ابن عمي تطلع وياي نفتر
ملاك : مرتجى بس شافة كام يركص ويرفع ايدة شالة ويشمر بي وذاك مكيف يموت على جراح
حتى يحبة اكثر من عمو علي
جراح : يلة استودعناكم اطلع اني وابن عمي شيال همي
نغم : هوة ابن عمك دخل يشيل روحة ويشيل همك انوب
جراح :ليش العتب علي لو ع عمي اللي خلف وياي كام يراهق تالي وكت
ملاك : ههههههههه_ طلع هوا ويا مستحيلل فديوم ميذكر هاي الكليشة ذلة لعمو مذلة كل ميشوفة يكلة متستحي تخلف ابنك وياي
ومن يأخذ مرتجى ويطلع والناس يكلولة هذا منو من كل عقلة يكلهم ابن عمي هههههههه

_______________

نور : ماماتيييي نسرر وينككك
نسر : هناية ماماااا
نور : باوعتلة بحضن ابو وجاسر يشتغل ع الابتوب وهوة لازم موبايلة
_ اني شنو كلت مو ماكو موبايل هسة
نسر : مو اني مو انيي بابا نطانيي
نور : جاسرررررر
جاسر : حبيبي سططرنييي بس خ اكمل شغلي وربي عود
نسر : اني مربى
جاسر : مربى توت لو مشمش
نور : اباوعلهم خربو ضحك ثنينهن واني اضحك عليهن شون منضرهم هزيت راسي بياس ورحت جاسر من اجة نسر خرب فدنوب
جاسر : يولييييي لتضوجييين انعل ابو مربى لمشمش اللي ما اجيبها الجج
نور : خليهاااا الك انتةةة وابنكككك سفيهينننن
نور : كملت المواعين وداصب اجة شالني وكعدني ع الكاونتر
جاسر : عود ضجتي
نور : لا بس صافنة عليك شون ضحكت علية جنت مسوي العاقل لرزن بداية الزواج هسة صاير تافه حبيبي مع احترامي الك
جاسر : ههههههههه خرب يومج غير اونس ابنج هذا مخبلنيي اتمنى اكرطة
نور : حاوطت ركبتة _واني اريد اضمكم بكلبي
جاسر : اروح فدوة لكلبج اليوم نروح لبيت جدي
نور : ايي والله ضايجة كلش
جاسر : ليش متكليلي واوديج اني انسى من ورا الشغل
نور : ماعرف اشوفك تعبان اكول خطية
جاسر : معليج بية من تضوجين كليلي
نور : احبك
جسر : عاشكج انة
نسر : اهووو شونن بيككم انتووو شوكت تخلصون سواللفكم
نور : يا يا ولكك فصعون
نسر : نريد ناكل ديلةةةة
نور : دار ضهرة ويمشي صح عمرة سنتين ونص بس لسان دلالة شايل
جاسر : هذا عليمن طالع هيج جنة دلالة
نور : عليمن برايك _ رفعت حاجبي ومبتسمة ماحس غير كفخني
جاسر : انجبي ادبسزز انة مجنت هيج جنت هادء هذا اتوقع ع فاروق
نور : جاسر شجابة ع فاروق
جاسر : مو هوة فاروق دلالة
نور : ههههههههه انوب حولت ع فاروق وخر خل نصب
صبينا اكل وهوة كعد ياكل بهدوء حجة جاسر شو هذا عاط
نسر : اش اشش بابا ميصيررر تحجي ع المائدة
نور : اروح فدوة للمؤدب
جاسر : هذا اضطهاد ضدي م تحجي وية امك
نسر : انتة حجيت هية ماحجت
جاسر؛ ولك ابو لساننن اكوملك
نسر : اسمييي نسرر لتكول ابو لسان
جاسر؛ اي نسيت اسمك نثر
نسر : بابااااااا
نور : كام ضايج هوة صح يلفضها نسر بس بعدة سنونة بيها فراغات فتطلع لا هية سين لا هية ثاء وجاسر يقلد علي
كام ورا يجيبة وهوة راسة راس ابو بالعناد
كرة قنعة وكعدة بحضنة يوكلة منضرهم يجنن

ورا الغدا رحت ابدل لنسر واسولف ويا
_ ماما نسر حبيبي من نروح لبيت جدو ميصير تضرب روان وريان هنة صغار
نسر : أريد اسويهن عقال
نور : شعليك يا ماما خالو جراح هوة يسويهن عقال اذا ضربنك كلة الة وهوة يمنعهن
نسر : بس هوا ما يضربهن بس يبجن يحضنهن ويبوسهن
نور : بتسمت ع تفكيرة صدك جراح اذا يعيط بيهن نحسبلة 5ثواني ويرجع يصالحهن
_ هسة انتة بابا يضربك
نسر : لا
نور : زين انتة تكوم تحبة اذا يضربك
نسر : لا
نور : لعد هوا هم خالو يحب بناتة مثل ما اابوك يحبك وميكدر يضربهن حتى ميكرهنة
انتة من يضربنك عوفهن لتلعب وياهن وهنة يحبنك يرجعن يراضنك
نسر : تمام حبيبتي
نور : يروح حبيبتك انتة_ بوستة وخلصت تلبيسة رشيتلة عطر _ روح اكعد بين ما ابدل ولتوصخ نفسك
نسر : تمامم
نور : راح كعد وصدك صوتة ما سمعتة شكد احب ادبة واخلاقة نفس جراح كلشش هادء وثكيل
بدلت ملابسي ورحنا لبيت جدو

ملاك : كاعدين بالهول نسولف جاسر يحجي ع نور ونور تحجي ع جاسر يموتون ضحك
نور : جدو يرجع ب11 بالليلل
جاسر : اويليي عليج سندس ع كولة فاروق ليش هية تحجي وياي حايرة بنسر وعايفتني
نور : لعد نسر مو ابنك شنو نعوفة بدون تربية للشوارع
جراح : بسسس بسس شبيكم
علي : جهال وعليي
جاسر : هاي شبيكم وياي شوفو بتكم نطيتونياها مجلوبة
نور : هاييي عليةةةةة
نسر : ماما كافيي عيبب اكعدوا عقال
ملاك : هوا كالها وكلها خربت ضحك حرفيا هوا اللي مربيهم مو همة اللي يربو
الجد : لك جدو والعباس انتة الوحيد اللي متربي بيهم
نسر: حبيبي
ملاك : دزلة بوسة بالهوة وطلع يمة ينكرط مو جاهل عسل
سولفنا هواي لحد ما فات نسر وجه مشخط كلة جهة خدة ومطلعة دم
فات محتقن راح لحضن امة ويبجي بدون صوت
نور : شبيكك ماما منو وكعكك وكفت كلبي
نسر : روان وريان دفعوني
ملاك : جراح من شافة هيج ساكت ويبجي بخنسة حتى ما ضربهن كام بعصبية
طلع شوية وفات وهوة يعت بيهن وهنة يعيطن
باوعلهن وخزرهن خزرة تخلس هنة سكتن اجة دفعهن علية
جراح: صعديهن فوك
جاسر : عوفهن بوية لعب جهال قابل شصار
جراح : ملاك كتلج صعديهنن
ملاك : جريتهن وصعدتهن وهنة يبجن
سديت باب الغرفة وكابلتهن وكعدت
بجن لحد ما تعبن وسكتن
روان : بعد ما اعبة بابا
ملاك : ليش متحبي عيوني كولي هوة بعد ميحبجن
ريان : عورنيي هنااا _ تاشر ع ايدها
ملاك : وانتن ليش عورتن نسر مو خطية هوة يحبجن ويلعبجن وتالي تدفعنة وخدة يطلع دم
وشفتن شون حباب صاير حتى مضربجن
روان : هوة هوة ميعرف يلعب
ريان : أي اي وهوة ياخذ الطوبة بس الة
ملاك : حتى لو ميصير هيج تدفعنة يا ماما
هوا مو يجي مرا بالاسبوع هوا يوم يلعب وياجن ليش دائما ترجعنة يبجي لامة هوا هم ترا يكدر يضربجن ويبجيجن بس هوة مؤدب ميضرب
_ ضلن يطلعن اعذار لروحهن اعرفهن مستحيل يقتنعن انو هنة غلط
ضليت انوب محبوسة يمهن
لحد ما ندكت الباب
رحت فتحتها شفتها نور ونسر ومرتجى واكفين _ يمة هلاا بالحلوين نورت الغرفة
نور : تسمحولنا نفوتت
ملاك : تفضلو تفضلو
_ فاتو وذني بعدهن مغندبات معاجبهن عود
دنجت لنسر بستة بخدة المتعور
_ يروح عمتك توجعك
نسر: لا متوجعني خالو باسني وراح الوجع
ملاك : أي حبيبي شعبالك بوسة خالك سحرية
نور : شكلج شبعانة منها هههههه
ملاك : ههههههه أي طبعااا
نور : خطية اخذة وراح اشترالة علاكة متروسة من كلشي العاب واكل
ملاك : طبعا جا هاي يرادلها فصل يمعودة ضربو شيخنا اليوم نهزلة الدواويين
_ ضليت أبوس بي واضحكة
مرتجى راح يمهن يجر بيهن يريد يلعب وياهن بس هنة بعدهن ضايجات جان يروحلهن نسر واني ونور صافنين عليهم
تقرب منهن ومد اصبعة الصغير عود ديتصالحون
وهنة ما ردن
_ ياا باع الصلفات فوك ما هوا رجع يصالحهن ميقبلن هههه
نور : كيدهنن عضيممممم
ملاك : بالاخير مدري شون وكامو تحاضنو وتصالحو ورجعو يلعبون بس بدون عنف هالمرة
لليل راحو بيت نور

____________

نور : لملمت البيت ورحت للغرفة لكيتهم يلعبون مصارعة بتسمت ورحت سبحت
طلعت مشطت ودرت وجهي عليهم _ يلة عيني شنو اليوم منام
نسر : لا مناممم
جاسر : ايييي لعب للصبححح
نسر : هيييييي
نور : ياااا جاسررر صدك تحجي
جاسر : ههههه يول خليني اشبع منة هسة يجي الدوام ويبعدني عنة
نور : هزيت راسي بياس وكعدت ع جرباية يمهم وهمة لا ملو ولا تعبو بالساعة يلعبون
نسر : كافي كافيي تعببتت شبيك متصدك احد يلعب وياك
نور : يمة متتتت ضحك عليي وجاسر نصدم بي
_ هههههههههههههه يماااااا حموتتتتت هههههههه
جاسر : ولك ادبسز تحجي هيج وياي تعال يمي الة افعصك
نسر : ماماااا
نور : يمةةة ابنييييي _ حضنتة واضحك وجاسر يهجم علينا ويجعص بينا

لمعت عيوني بفرحة من شفت منضرهم حسيت نفسي رتاحيت هواي حضنت نسر لكلبي وبوستة
احسة روحي من الدنيا قطعة مني
جاسر غار منة واجة من الجهة الثانية
حضني
نور : احبكم هوايي انيي هوايي
نسر : واني احبج نونة
نور : روحها لنونة انتة
جاسر : نور دنياي احبنج
نور : واني احبنك أبو نسريي

نمنا هاي الليلة سوية واحد بحضن اللاخ نمناها واحنا مرتاحين ونحاوب نغلس ع كل ذكرى سيئة تفوت بيناتنا

____________________

مريم : عمو ويين راح والله حيموتني ع يوم
أبو نغم : شمعرفني يا بابا كل مرة يدزلي رسالة اذا هوة حتى رقم الشغل قافلة منين نحصلة
مريم : لزمت كلبي واقرة ب الايات
أريد بس خبر يطمني علي
تذكرت بسرعة عندي رقم حيدر صديقة اكيد هوة ويا
ركضت فوك دكيت علي
رن. رنتين ورد
حيدر : تفضل
مريم : سلام عليكم خوية
حيدر : عليكم السلام اختي منو بلا زحمة
مريم : اني اني زوجة فاروق
حيدر : هلة بيج خوية اامري
مريم : بس ماعندك خبر عنة من الصبح طلع ولحد هسة ما رجع ماكو مدز أي شي ومتنا خوف علي فدوة بس طمني عنة هوة بخير
حيدر : بخير خوية بخير بس جانو بالمركز واجاهم أمر طارئ طلعو حتى بدون اجهزتهم وتاخرو بي همة بالطريق راجعين بس يرجع ابلغة
مريم : تسلم خوية تعبتك
حيدر : بالخدمة
مريم : سديتة ورتاحيت نزلت طمنتهم
وصدك نص ساعة وفات
يمة مي بارد ونزلو علي
باوع بوجهنة صفن ورفع حاجبة وهز راسة وهوة خافي ضحكتة
فاروق : حلوو اعرف هاي الوكفة والنضرة يعني نصبتو الجادر وخبرتو الدفان يسويلي كبر
بس كلولي الفاتحة كم يوم وشنو الغدة
مريم : تقربت امة تضرب بي واني ضحكت وهزيت راسي بياس منة
أبو نغم : يعني حتى عيب ارزلك كبال مرتك بس هم تستاهل
فاروق : حجي يعني جديدة عليكم شبيكم خابصين الدنيا
ام نغم : امشي امشي اصعد اني صوجي خايفة عليك وانتة بطول العامود اهمداك
مريم : ضميت ضحكتي من غمتة وراحت وابو هم راح وراها اشر ع امة وهية طالعة
فاروق : شفتي شون مضطهد اني
مريم : من راحو ركضت حضنتة
فاروق : يا عيون فاروق خفتي علية
مريم : متتتت خوف
فاروق : اشتعلت صفحتك فاروق
مريم : ضحكت وحضنت خدة _ شون بيك اني وين اضمك من العصابات
تقرب علية وهمس
فاروق : مافيا اني مافيا ..اني الاروحلهم مو همة اللي يجوني
مريم : واني متعذبة هنا وانتة مكيف
فاروق : هههه تعاي تعاي اليوم فصال مربع لخوفتج هاي ما نطلع الة الحك وياج
مريم : ضحكت وصعدنا فات سبح وطلع مدد
كعدت بصفة وصفنت علي
فاروق : بسم الله خير سندس صفنتي علية
مريم : تشبه ممثل ايطالي
فاروق : اويلي صرتت ايطالي النوب مو ذاك اليوم جنت فرنسي
مريم : لا لا غيرت هسة
فاروق : كومنسيامو ساسيتو بيتزا ايتاليانو باستا بارميجانو
مريم : لا لاااا خليك ع العراقي هههههههههههههههه
فاروق : امداج شبية بس انتي تحبين الاجانب
مريم : ضحكت علي وهوة تقرب مني
فاروق : اويلي شني قشطة عسل من شنو مصنوع
مريم : طين
فاروق : اصطناعي ههههههههههههه
مريم : متنا ضحك اني ويا حرفيا مخابيل والنبي
_ اللي يشوفنا يكول ذولة عقال بس محد يدري شديصير هنا
فاروق : سندس ومافيا ميتغيرون للابددد
مريم : احبك فاروق المافيا
فاروق : يافرحتي بيج وبحبج

_____________________

نغم : مددة ع جرباية اباوع مسلسل وعلي ومرتجي ع المكتب علي يشتغل بالحاسبة ومرتجى حاطتلة اللهاية بحلكة
كلسع يشيلها من حلكة يحطها بحلك علي لازم يمص بيها ويرجع ياخذها
شكلهم يجننن
واحلى شي محد يطلع صوت يدرون مسلسلتي خط احمر هههههه
خلصت المسلسلة كمت شلت مرتجى بدلتلة للنوم اخذة علي
واني رحت احضر ملابسي وملابسة لدوام باجر
استمريت اداوم ويا بنفس المستشفى ومرتجى يضل يم ملاك والبنات
ملاك ما شتغلت بمجالها لان اذا تريد تشتغل فلازم تداوم بالمستشفى
بينما نور شتغلت وية جاسر وحيدر بالبيت تسوي بحسابات الادوية والوارد وهاي الاشياء وهم تساعدهم
بس مع هذا علي دائما يحب يتناقش وياها بالمرضى مالتة وياخذ رايها ويقوي معلوماتها
وشكو واحد يتمرض بالبيت هية تسعفة هههههه
خلصت الملابس ورحت يمهم لكيت مرتجى نايم ع صدر علي وعلي يمسح ع شعرة ويبوس بي
نغم: غفى
علي : أي
نغم : اشيلة اني لو انتة
علي : خلي هنا اليوم مشتاقلة
نغم : بتسمت علي من حجاها بتوسل
هزيت راسي ب أي جبتلة مخدتة خليتها بالنص خلا عليها
واني مددت منا وهوة مناك ومرتجى بنصنا
مديت ايدي لعلي لزمها وباسها
علي : حيل احبج وحيللل اهواجج
نغم : ضحكت ومديت ايدي كرصت خدة
_ أبو خشم اليابس اللي مبجيني ومعذبني احبك اكثر
علي : نسيتي
نغم : تعرف شوكت نسيت
علي :شوكت
نغم : لمن اجة مرتجى للدنيا ولمن حضنتة ودموعك نزلت وجبتة يمي وحجيت كلمة ما انساها
علي : ضايع عمري العشتة بدونج
نغم : أي بوقتها رجعت نغم الاولى اللي حبتك وانتة لاحضت تغيري وياك بعد ما اجة مرتجى
علي : يكولون الطفل يكون ثمرة بين الاب والام ويربطنا سوية
نغم : روحي من الدنيا انتو
علي : مستعد اترك الدنيا هاي كلها وما تركج انتي ومرتجى ...شفت الحياه بيكم
نغم : هنيالنا بيك
علي : احبج يا فرصة عمري
نغم : احبك اكثرر

_______________________

ملاك : صعدنا فوك اني والبنات
لحكنة جراح
اللي بعدة يخزر بيهن وهنة يخزرن بي واني بالنص
كعدت الملم بالغراض
وهنة يلعبن ب العابهن وكلسع يضحكن بصوت عالي وهوة يباوعلهن يبتسم ويرجع يغندب يتذكر واني بداخلي ميتة ضحك علي
من خلصت رحت تربعت يمهن وحجيت وياهن بهدوء وكعدت اقنعهن انو اللي سونة غلط وميصير
نور علمتني ع هاي الطريقة
وشفتها تاثيرها بنسر شلون هادء فداحاول شكد ما اكدر اخليهن هادئات
ضليت اسولف وياهن بالاخير من شفتهن قتنعن
_هسة نروح تعتذر من بابا ونبوسة
ريان : بس هوا سواني اوا هنا ب ايدي
ملاك : لانو سويتن وكاحة وبعدين هوا ما ضربجن بس جرجن من ايدجن
روان : بس صارت اوا
ملاك : ميصير تضوجين من بابا رب العالمين كال لازم متضوجون من امكم وابوكم لان الله يضوج منكم ويعاقبكم اذا تخلوهم زعلانين
فهسة احنة نحب رب العالمين ونحب بابا ونكوم نراضي يلة يلة _ كامن وراحن يركضن مثل البطاريق
كمزن علي يبوسن بي وعاد من يلطشن بواحد ميعوفنة بعد. الة يزهك منهن
هوا هم زهك بالاخير وباسهن وتراضو ورجعو يلعبون سوية ويضحكون
واني مرتاحة واني اباوعلهم
بعدين شفتهم مصحصين حجيت بحماس واني اصفك _ منو يريد يشوف ربانزللل
روان : انييي انيييي
ريان : ايييي ماماااا
جراح : دخيلك ياعلي هاي مو المرة ال10اللي نشوفة بيها
ملاك : هههه اييي بس يضل حلو
_ رحت شغلتة وجبت حلويات خليتهن بالكاع البنات بساع راحن عليهن واني رحت كعدت بصفة بالكاع حاوطني ب ايدة
خليت راسي ع كتفة وهوة سند راسة ع راسي
بدة الفلم وهنة بعالم ثاني صافنات ومندمجات ويا
همس جراح ب أذني
جراح : اني هم مثلت هالفلم وياج بس بغير طريقة
ملاك : شوكت
جراح ؛ لمن جنتي مريضة واخذتج زورتج بوقتها سندت راسي ع راسج وابجي حيل ودموعي تنزل ع وجهج وشالج
وبذيج اللحضة تذكرت هالفلم وشكد انتي تحبي
تمنيت صدك دمعتي تحييج من جديد لان جانت تنزل وياها تنزل الف حسرة وتعب
ملاك : باوعتلة وتنهدت _ شكد صارت مواقف وشكد
بتعدنا ورجعنا بس الله راسم طريقنا سوة ورغم كلشي
هياتنة احنة كاعدين سوية وكبالنا بناتنة
جراح : عمري ما اعترضت ع حكم رب العالمين وجبتها من شبابي انة انتضرج وانة واثق انو مرح يكسر كلبي ويبعدج عني

ملاك : احبك جلاحي

جراح :احبج ملاكي

ملاك : نختمت هاي الليلة ونختمت وياها حياتنا
وقصتنا
شكد ما عشنا مواقف تاذي بس بالنهاية اجة العوض ع هيئة انسان عوضنا عن كلشي صار

هنا واكدر اكول " مِــسـكُ الـخِـتام "

__________________

خلصت ملاك الشيخ جراح
وخلص وياها انتضاركم وحبكم
كلش عزيزة علية هاي القصة لان لمن تركتها لاجل مستقبلي وجنت اكول اذا ماكدرت احقق حلمي
ما ارجعلها بيوم
بس رجعتلها واني محققة حلمي ومطلعة المعدل اللي يرضيني ويفرح اهلي

اني اعتذر ع كل لحضة خليتكم تنتضرون بيها بدون تبرير كلشي جان غصبن عني والله

واني لوما حبكم وتعليقاتكم الها مستحيل ارجعها بيوم

القصة خيال بس علمتني هواي دروس واولها
انو ما اتخلى عن مستقبلي ودراستي حتى لو جانو الاهل ضدي
ملاك شكد تاذت وشكد تحملت اذية بس بالنهاية خلصت دراستها وحققت حلمها وما ضيعت تعبها

ونور اللي فضلت مستقبلها ع حبها وهذا احسن شي سوتة لان اللي يحب يشجع ويدعم مو يحطم

جراح واللي هواي كرهو واني أول الناس كرهتة من كتبت
وما ننسى اللي سوا والاذية اللي قدمها لملاك واني مستحيل اشجع ع هذا الشي
جراح غلط وغلطة جبير واني ذكرت همة 3سنين ميتحاجون وهم بنفس البيت
وعقاب ملاك الة جان نفسي لان جان يحبها وتندم هواي ع فعلة بس كبرياء جان عندة مخلا يعترف بس جانت سنين دمار بالنسبة الة
وتضحيتة الها بوقت حركة البيت جانت كافية انو تخليها تنسى
الانسان مينسى بس يتناسى وملاك تناست لان الماضي مرح يجيب الها غير الاذية فقط

سالفة السحر واللي منتشر بحياتنا هواي واني شهدت هالشي ع بنية اعرفها
السحر مو مجرد موضوع بكل قصة ينحط حتى يجيب مشاهدات السحر شي موجود بحياتنا وشي يدمر الانسان بكل معنى الكلمة
بس الله واهل البيت اقوى من كلشي

كل هذا مرو بي بس بالاخير جان نصيبهم سوة

ليش
لان طريقهم مرسوم ومكتوبلهم انو يكونون سوة طول عمرهم

نور وجاسر
الحب الصامت حرفيا ينطبق عليهم
كضو كل حياتهم واحد يكابر ع اللاخ وميريد يعترف
قرار نور جان بمحلة وحقها لمن اختارت مستقبلها
بس يمكن تسرعها ب سالفة شمس. اذة جاسر اكثر وخلا يكتشف انو هية متثق بي
تعذبو بالكتمان اكثر من الحب
كتمو بداخلهم حبهم وهذا شي كلش صعب
بس تجاوزو
وكدرو يبتعدون وياسسون حياتهم
ويمكن مرات البعد عن الاهل يكون من الايجابيات مو من السلبيات
لان لمن انتقلو حياتهم هدئت وكلشي صار يمشي تمام عدهم

نغم وعلي

الثنائي المفضلل
بوقتها كتبت قصتهم اثناء نشر البارتات ومجنت اصلا مقررة اضيف اكثر من قصة ردت بس نور وملاك
بس خطر ع بالي وما عرف ليش حبيت الفكرة

وجنت كلش احب اكتب عنهم لان شخصية نغم تعجبني هوايي

اللي تعلمتة منها انو. الفرصة الثانية ما انطيها بسهولة انطيها بس للشخص اللي يبين الي انو هوة يتسحقها

مريم وفاروق
اهدء ثنائي واكيتهم
اضافتهم للقصة جانت احلى شي واني تونست بكتابة قصتهم
وفاروق يا فاروق شكد احبة واحب كلمة سندس من. عندة هههههه

لهنا واكدر اكول هاي النهاية ماكدر اقدملكم شي اكثر من هذا
طولت بالنهاية اكثر من يوم لان جنت كاتبة نهاية وما اقتنعت بيها ف غيرتها وكتبت هاي ورضيت عنها
اتمنة عجبتكم
شكرا لدعمكم
وشكرا لكلشي قدمتو الي
احبكم هواي
كاتبتكم يــ قِ ــين حَــسن🤍