رواية ملاك الشيخ جراح الفصل الستون 60 - بقلم ~yaqeen.hassan~

نظرات العيون اختصرت نُص الحَچي"

نغم : كاعدة بالحديقة وحدي كل الولد راحو للبييت مالتنا يرتبون غراضنا لان باجر حنرجع للبيت
واكو ناس بالديوان طابة طالعة
اني كعدت بالحديقة الخلفية تصير سكوت ومابيها هواي اصوات وفارغة
صفنت على حياتنا اني وفاروق
جبناها من صغرنا متعوبين
نكسر ضهرة من العمالة ببغداد لحد ما ستقر وضعة هسة هم نكسر مرا ثانية
اهخخخ يادنيا وين حتروحين بينا بعد

تعبت  واني اشوفة كل يوم كبالي واحتركك حيل تعبت
كلبي يرجف ببكل مرا اسمع صوتة واشوف ضحكتة
نظراته الي تخليني ارجع اعيش ذاك الشعور
اللي عشتة قبل لتجي شمس من كلي احبج
غمضت عيني وتذكرتها وترددت باذني كانو هوة بصفي يكولها
احبج..
شكد جانت بالنسبة الي شي جبير
وتحطم بلحضات قليلة
خليت ايدي على  وجهي وابجي على كلشي
على حياتنا وعلى وضعي وعلى ابني اللي ما لحضة مرت ونسيتة ولحد هسة احس بشعورة وهوة جان بداخلي
جنت مطية ضهري للباب مال الحديقة سمعتها نفتحت مسحت دموعي ولتفتت شفتة فات منتبهلي بس ايدة تنزف
كلبي وكف واني اشوف الدم اللي بايدة
مبين ميريد احد يعرف لانو ديلفها شون مجان
كمت لحيلي ومشيت نتبهلي وصفن علية
_ علي شبيها ايدك ليش تنزف
علي : شبيج انتي ليش تبجين
نغم : معليك بية هسة كلي شبيها ايدك نطيني اني الفها _ جريت القطن منة وبديت امسح بالدم واعقمها وهوة نضراتة علية
لفيتها بالباندج وخلصت وبتعدت خطوتين
علي : شكرا
نغم : العفو _  مشيت دارجع لمكاني
علي : بعدج تحبين هالمكان
نغم : بتسمت وهزيت راسي ب اي _ احلى مكان بالبيت هوة هذا _ حسيت بي يمشي وياي
علي : طول هالفترة اني عايش بي اشتغل ومرات انام بي
نغم : ايدي رجفت من قصدة فهمتة
علي : ليش جنتي تبجين؟
نغم : شعجب مرحت وية الولد ؟
علي : سؤال بسؤال
نغم : ....
علي : خوش اني حجاوب لان توني رجعت من المستشفى جانت عندي عملية
نغم : نجحت
علي : اي الحمد الله
نغم : ليش ايدك مجروحة
علي : ضربتها بالباب لان جنت مستعجل
نغم : سكتتت وهوة ضل يمشي وياي وصلت للكرويتة اللي خاليها بالحديقة كعدت عليها اباوع للكاع وكلبي ينبض بقوة من عطرة وصوتة  وهيئتة
خطر على  بالي سؤال وكتلني الفضول اعرفة _ علي
علي : ها
نغم : صالحتو جاسر
علي : اي ابوية صالحة  واني البارحة حجيت ويا
نغم :  هزيت راسي  وهوة حجة
علي : رح ترجعين للبصرة
نغم : ماعرف بس ع الاغلب اي لانو يفصلوني اذا اضل اغيب واخذ اجايز
علي : تردين اساعدج بالنقل اني عندي معارف 
نغم : حسيتة كيف من كتلة حرجع _ السالفة يم فاروق يرجع اليوم واشوفة
علي : اذا حتاجيتي شي كليلي عود
نغم : متقصر _ سكت وتنهد وكام مشة خطوتين ووكف باوعت لايدة قبضها بقوة وخلاها بجيبة وراح عيني ورا ودموعي نزلت شيصير لو كل هالاشياء ما صارت شيصير لو شمس مدخلت حياتنا ودمرتها
جان هسة احنا كاعدين هنا وابنا يلعب كبالنا
لزمت كلبي احس ختنكت 
كمت ورجعت للبيت الهي نفسي وية البنات بس هوة لاحضتة ضل كاعد بالهول يشتغل بالاوراق وضليت مصدومة هوة مو من عوايدة يشتغل بمكان هوسة جان دائما يحب هدوء
ملاك : شبيج صافنة على  عمي شنو دتسوين خطة حتى تتحرشين بي
نغم : باع حضي هوة اني شصاير بية حتى اتحارشش بي بس شعجب يشتغل هنا هوة ميحب يشتغل بنص الهوسة
ملاك: من يوم الطلكج هوة ميضل  بالغرفة بس يبدل ويطلع شغلة وكل سوالفة بالهول 
نغم : عصرت كلبي كلمتها
معقولة يحبها لهالدرجة  ومن راحت مطايق يشوف الغرفة

مشة اليوم طبيعي لحد الليل
دكت علية صديقتي وطلعت احاجيها بالحديقة نفس المكان اللي كعدت بي الصبح
حجينا هواي لان صارلي فترة مشايفتها
من خلصت ضليت اكلب شوية سمعت صوت خطوات باوعت لكيتة هوة
كلت بكلبي ادري لاحكني بعربانة مكسرة مصارت حديقة عبالك خال كامرات ويراقبني
هوة فات اني كمت اريد اطلع
لزمني من ايدي وجرني كبالة توني دا اريد اجر ايدي هوة تركها

علي : اريد احجي وياج ممكن
نغم : لا مو ممكن الساعة ب10 شيكولون اذا شافونة
علي : الولد طلعو واخواني وابوية ميطلعون للحديقة هاي اصلا وكلت لملاك اذا سئلو عليج تكللهم نايمة
نغم : شتريد
علي : اريدج
نغم : غمضت عيني اصبر نفسي  _ علي اذا عندك موضوع مهم احجي ماعندك عوفني ماعندي حجي وياك اني
علي : نغم
نغم :باوعلي وعيونة تلمع من الدموع دار عينة وبطرف اصبعة مسحها ورجع باوعلي ملامحي سكنت وصفنت بعيونة عيونة اللي وكعتني من اول ما شفتة عيونة اللي جانت ملجا بالنسبة الي
علي :اني اعرف غلطت هواي والكسرة اللي عشتيها بسببي ماتتصلح
بس اني اسف اسف على  كلشي
نغم محتاجج بحياتي
كلشي باهت بدونج
والله من يوم اللي رحتي واني احس نقص بداخلي
من بعد اللي صار عرفت اني حبيت منو من صدك
بكل شي جانت تسوي شمس جنت اقارنة بتصرفاتج
بكلشييي وحق هذا الليل
وبكل مرا جنتي انتي تفوزين عليها
ماتوقعت  بيوم اغلط هيج غلط بحياتي بس اني غلطت وغلطيي جبيررر هواييي
حاس باللي عشتي والله
بس حسي باللي جاي اعيشة هسة
نغم : اريد اسئلك سؤال واحد وجاوبني علي
علي : سئلي
نغم : كلمة احبج من كلتها قبل لتجيبها بيوم جنت دتضحك علية بيها مو
علي : لا والقران لا
نغم : لعد اذا انتة هيج تحبني شون كلتها وشون كدرتت تكولها وانتةةة متزوج علية ومرتك خالها ببيتك
علي : للحضة نسيت وياج جنت انسى كلشيي واضل بس اصفن بيج ما انكر اني تزوجت شمس قبل شهر من جبتها للبيت بس بكل مرا اشوفج اشوف اهتمامج اشوفج حبج تصرفاتج انعجب بيج اكثر
نغم اني ما شفت منج تقصير حتى تزوجت عليج
اني جنت صدك اعزج واحترمج وبداية حبي الج ولو ما طالعة شمس بحياتي جان ما فكرت لحضة وحدة اتزوج عليج لان بلشت احبج والله
بس شمس ضهرت بحياتي فجا بدون سابق انذار ذكرتني بالايام اللي حبيتها بيها وجانت خالة املها بيه ماعرف من اتذكر هسة شنو سويت اتعجب من نفسيي
لانو لو علي العاقل اللي هسة واكف كبالج  صار بهيج موقف مستحيل افكر  واسويها بس نعميت على  عيني
اني جنت مثل الطفل اللي عندة لعبة  يهتم بيها دوم وعزيزة على كلبة
بس راح شاف لعبة جديدة وعجبتة واصر ياخذها
بس بالنهاية اكتشف انو ماكو مثل اللعبة الاصلية مالتة
محد رح يتحملة بكد لعبتة الاصلية
نغم : شنو تريد علي لشنو تريد توصلل
علي : اريد فرصة وحدة اصلح بيها كلشي مر
نغم : شنو تصلح  ياكسرة منهن
كسرت كلبي من كتلي احبج وتزوجت علية
لو كسرتي كبال الكل وانتة جايب مرتك وجاي بكل فخر تكول اني احبها
لو كسرتي بطفلي اللي عاش بداخلي وبالنهاية راح وتركني
علي : نغم تعبت والله تعبت صدكيني حيلي رايح لا شغلي جاي اسوي مثل الاوادم ولا حياتي جاي اعيشها
فرصة وحدة بس فرصة
نغم : تعبانة اني علي تعبانة اكثر منككك محد يحس باللي داعيشة
اني كسرتيي مو مثل كسرتكك انتة نكسرت من  شمس وانتة كلتها جانت مجرد حب عابر
بس اني  انكسرت منك واني حياتي خليتها كلها بايدك شنو تريد شنو تكول اني اسوي صرت اشوف الدنيا بيكك مامرت لحضة وانتة ماجاي على بالي تعبت اكثرر من التفكيررر 
اني بشنو  غلطت
بشنو قصرتت وياك
هذا اللي تعبنيي هذا
ولحددد هاليوم ولحد هاللحضة اني اكرر هالسؤال
شسويت حتى استاهل هذا الشيي
_ ما حجة شي ميل راسة يباوعلي بتعب
_ علي اني ماعشت هذاك الشعور يوم واحد
لا عشتة كللل يوم من هذاك اليوم لليوم
ومابيوم نسيتة
شون انتة تريد تنسيني شونن تعوضنييي عن كل هذااا جاوبني
ماحجة شي مشة لحد القنفة كعد وغطى وجهة بايدة نفسة عالي واحسة كوة يتنفس
ضليت واكفة بمكاني ودموعي تنزل مداعرف شنو اسويي
رغم اني بداخلي اتمنى نرجع بس كلبي ياذيني واتذكر اللي عشتة بس اشوفة

_ إنساني وعيش حياتك اني رايحة وما راح ارجع ورح اطلع من حياتك هالمرة من صدك وصدكني مرح تشوفوني لا اني ولا اخوية

مشيت بتعب واني اجر خيبات الامل وراي
مشيت واني حسيت الدنيا كلها واكفة ع صدري
فتت للبيت جبت الفراش فرشتة ومددت غطيت راسي ودموعي تنزل رغم الحر والخنكة بس خنكة روحي اقوة
بجيت هواي جوة الفراش بدون صوت
بس دموعي تجري  ضليت ابجي فترة طويلة حيل
تذكرت كلشي عشتة
حيلل تعبت بهالليلة حيللل
بلحضتها فتحت موبايلي قريت قران ونمت وقبل لا اغمض همست بداخلي

{يارب اذا جان بي خير الي قدمة واذا بي شر ابعدة عندي}
وراها غفيت

__________________

ملاك : مر أسبوع
بيت نغم رجعو لبيتهم  وكلش جانت لحضات وداعهم تقهر
لان تعودنا عليهم هواييي
بنفس اليوم اللي طلعو بي حجة جاسر وخطب نور
وصار حجي طول بعرض نختم ب انو المهر مالتهم يصير سوة وية مهر مصطفى وبيان
حتى الفرحة فرحتين
وصدك بلشت تجهيزاتهم لهاليوم
البيت نكلب كلاب لان بعتبار زواج 3 من العائلة هم جاسر ومصطفى ونور
بس جانت لحضات حيلل حلوة وتونسنا بيها هواي اجوي كرابتنا ولتمينا

وهاي اني اليوم

واكفة مبتسمة كبالها اختي هاي  واعز الناس على  كلبي واكفة تلبس قفطانها اليوم عقدها على ابوية وسندي
اكثر شخص فرحان بهاليوم انيي هم اخوية حيتزوج وهم اختي
ههههه ياهوة اللي سئلني منو ديتزوج اكلة اخوية ديتزوج اختيي لتفتت علية تعدل بالحزام
نور : حلو
ملاك : يجننن تعالي اعدل شعرج _ وكفت اعدل شعرها  واعدل القفطان تونة رجعنا من الصالون ودتلبس  ومقبلت احد يفوت بس اني خلصنا ورشيتلها عطر وطلعت يم النسوان واني رحت لغرفة بيان شفت امها يمها ومريم هم يساعدوها
عاد صعدت لغرفة جاسر دكيتة لكيتة هوة وجراح مخبوصين يسوون شعرة
جاسر : ها خلصت
ملاك : اي كلشي تمام
جاسر : جا متبدلين
ملاك : لبست اختي وهسة جاية البس اخوية اذا ما اوكفلك اني بهاليوم منو يوكفلك لعد
جاسر : اروح فدوة لطولج اني تعالي
ملاك  : تقربت منة حضني وهوة كاعد اول مرا اصير بطولة وحضنتة عدل ماحسيت غير جرني جراح وذب الشسوار من ايدة
جراح : عوفهة ولك ترا وابو فاضل اعوفك انتة وعطوبك واخذها واطلع
جاسر : ههههه لا يابة اليوم شنو تكول اسمع كلامك بكلبي احطك حماتي
ملاك : ههههههه ضربة بالمشط وكمل شسوار شعرة رفعة بتسريحة تجنن عاد جراح والشعر قصة اخرى  بدل بالحمام وطلع اني ربطتلة الرباط ولبستة السترة ورشيتلة عطر حضنتة وعيوني فخورة بي باوعلي وكانو حس باللي حسيت بي تمنيتهم يمنة ويفرحون ويانة حضني واني دموعي نطلقت
جراح : كافي يبوية كافي لتخربون فرحتكم الله يرحمهم
ملاك : بتسمت وبتعدت عنة  وحجيت اغير الموضوع_ راح مكياجك لتبجي
ضحك وكفخي
_ وين صوفي
جاسر  : بدل وطلع
جراح : يلة امشي بقيت اني لبسيني
ملاك  :دفرة جاسر برجلة
جاسر : كواد متحترمني
جراح : ديلا بيناتنة نطيتك اختي اليوم الة اذلك
جاسر؛ اروح فدوة لاختككك
ملاك : يبووو مرح تخلصون امشي جراح امشي زوجيي نبدل _ جريتة من ايدة وصدك بدل واني البسة الساعة
_ جراح
جراح : ها حبيبي
ملاك :اذا شفنة بنية شنسوي
جراح :ندنج ومنحجي وياها
ملاك :ومن نفوت على النسوان شنكول
جراح : نسلم بس على الكبار وكل البنات نجمعهن بكلمة شونكم
ملاك : واذا لزموك سوالف
جراح : اكللهم مرتي شرقية تغار علية
ملاك :مسحت على القاط مالتة _ عفية حبيبي حافظ درسك _ ضحك وتقرب مني لحد ما لزكني بالكنتور
جراح :اذا خلينة مكياج شنسوي حبيبي
ملاك : منطلع كبال الولد
جراح : ومن يطبون مصطفى وجاسر شنلبس
ملاك :  صاية فوك الفستان
جراح : ومن يشغلون ديجي
ملاك : نركص بس شوية
جراح : ومن نسلم على الكرابة
ملاك :من بعيد ومندك ميانة ونضحك
جراح : عفية ببنيتي الشطورة
ملاك : هههههه يلة  ماماتي خلصت تبديلك روح
جراح : خل ابدلج انة
ملاك :لااا شكراا ما احتاجج
جراح :لا تعبتي انتي تحتاجين
ملاك :جراحححح ماريد اطلع _ يضحك وومن كل عقلة يريد يبدلي دفعتة كوة ونزل باوعت لروحي بالمراية وتنهدت عندي نص ساعة مكياج وربع ساعة لبس ويجي الشيخ
فتت سبحت  بس جسمي لان شعري كاويتة
طلعت بالبرنص كعدت اخلي مكياج رسمت عيني بكحل اسود وسحبتة ليبرة صار يجننن سموكي ناررر  خليت مسكارا لان رموشي كافية برز الاسود لون عيني خليت باقي مكياج وجهي وختمتها بحمرة حمرة لبست فستان اسود طويل ومخصر بي جهة ردن وحدة والثانية مابيها كلش بسيط وبي جاكة لنص الفخذ
لبست كلادة فضي نازكة وسوارات فضية ملبست ذهب وياهن 
شعري مفلول وسرح عفتة ومن كدام جريت الخصلات الامامية ثبتتهن ورا اذني صار يجنن وانيقق
رشيت عطرر ولبست كعب احمر
طلعت ناررر ههههههه
صورت صورة على المراية الطويلة ودزيتها لجراح وكتلة افتحها بمكان انتة وحدك بي
ونزلت
شغلو الديجي ونغم ومريم يركصن  فرحانات ونور وبيان كاعدات عبالك اميرات 
رحت كعدت بنصهن لان هنة كوشة وحدة
_ شلجن بهالطلابة ضلن معنسات احسن
بيان : اني احس روحي داجيب مداعقد
نور : اني احس روحي دا شتغل عمالة كدما كلبي ديدك بقوة
ملاك ؛ ضحكت ضحكة طالعة من كل كلبي ع تشبيهن عبالك مغصوبات
كمت بخطوات بطيئة 
واهز بخصري وكفت بنص الاستقبال واركص نضمت الي مريم ونغم وراها البنات وجانت لحضات تجننن
يمكن من اللي عشتة وشفتة
صرت  أريد اعيش كل لحضة بلحضتها وما افكر بشي
أريد افرح وانسى
واتخطى
وفعلا الركص كلش يريحني ويطلع طاقتي السلبية

وراها  اجة الشيخ كامو يعقدون وكفت يمها عمة ومريم واني واكفة على  الدرج دموعي تنزل فرحانة واتذكر كلمة جاسر من اجاني طاير يركض
جاسر : لجج ملاك اخذتهااا اخذتهاا من عيونهمم صارتت اللي ورح تنور حياتي اللي صارلها سنين مضلمة
ما كو شي يعبر عن فرحتهم واني فرحانتلهم اكثر
خلصو عقد وضليت اهلهل وابجي من الفرح صح واكفة بعيد عنها بس كلبي يمها وهية هم تبجي
تقربت مني نغم حضنتني
كامت نور رجعت لمكانها باوعتلي  و اني دزيتلها بوسة بالهوة وهية لتهت بالنسوان تباركلها
وراها سمعنا صوت مصطفى يكلة للشيخ بس اعقدلنا
الشيخ : بويةة مو عاقدلك انة شنو هية لعبة
مصطفى: شيخنا لخاطر الخوة هية بس كول هاي السوالف خل نعيش الشعور
ملاك : يمة نتهينا من الضحك علي واللي بالديوان كلها تضحك وصدك كعدة الشيخ وسوالهم. الكليشة كلها وعيشوهم نفس الشعور
وراها فات أول شي مصطفى المهتلف اللي ما صبر هههههه
لبسها وكصو كيكتهم وركصو سلو واني خالة نور واركص وياها عبالك  رجلي
من خلصو اخذها وراحو لغرفة وحدهم
وهناك فات جاسر
تلكتة ببيبي تهوس وتركص واني فتت بالنص اركص ويا
بس احسة جان مو ع بعضة
حسيتة خجل كلش من النسوان اللي محاوطاتة
فراح يمهة
كصو كيكتهم همة ولبسها الذهب ركصوهم سوية وكمنا كلنا نركص وياهم طولنا هواي وياهم لان مصطفى جان بس يريد ياخذها وينهزم
وراها جاسر شاورني
جاسر : كافي بوية متت حر طلعينا عاد
ملاك  : عاد اني بتعدت وهوة ابتعد وقلو شوية شوية
عاد رحت وخليتهم بغرفة همة هم باوعت لمريم ونغم ايديهن شابكاتها وواكفات صافنات ع الحايط
تقربت منهن _ والعباس شكلجن فعلا مال مطلقات
كلتها وركضت لان ححصل كتلة هههههه
___________

جاسر : وعلي لو اكدر اهلهل جان هلهلت ولج ممصدك هاي صدك لو جذبب
نور : لا صدكك
جاسر : اهخخ ياتعببب السنين اهخخ لو اخليج كبالي منا لباجر ماشبع منجج
نور :  ضحكت ودنجت راسي تقرب رفعة
جاسر : نور انة  احبج   ... صح كل ما اكولها تصير مصيبة وراها بس هالمرة هاهية بعد اني احبج
نور : بتسمت وحضنتة _ اني احبك اكثرر والله محد يعرف شكد احبك جاسرر كل اللي عشتة وتاذيت بسببة من حبي الك متدري شجنت احس من اشوفك تسولف وية بنية او وية كرابتنة جنت اشتعلل بنارر
جاسر : مو بكدي واني اشوفج كل يوم تروحين للكلية واشتعل بنار
نور :  ضحكت _ هسة حنضل نعتب
جاسر : هههه ماعرف حتى شيحجون بهاليوم كلشي مداعرف اتصرف
نور : بتسمت وباوعتلة حسيت روحي طايرة من الفرحة ضلينا نسولف شوية  وما خلصنا من حركاتة ههههههه لحد ما ملاك شحتتة من ورا الخطار والهوسة
_________________

ملاك : للمغرب خلصت الحفلة وكعدو بالاستقبال يتعشون
كعدت بالمطبخ بين ميخلصون راسي كام ياذيني من الصوت العالي
سمعت صوت
جراح : كلي يحلو منين الله جابك
ملاك : واني مدنجة ضحكت ورفعت راسة لكيتة واكف منتجي  على الباب
_ همم خل اتذكر  من عسل ويا جوز وفراولة وتوت وويا شكر شوية وكازو وفستق هواي بالخلاط نخلطن طببب طلعت ملاك

جراح : خوش سموذي طلعلي
ملاك :فطست ضحكك من كالها تقرب باسني بخدي واني اضحك
جراح :فدوة لهالضحكة
ملاك : عجبتنيي هاي هههههههه
جراح : تعشيتي كلبي
ملاك : لا والله دانتضرهم يكملون
جراح : افااا ومتكولين خل اجيب الي والج وناكل سوية
ملاك :تمامم انتضرك  _ راح ورا دخلت وحدة من جوارينة كعدت تكلب شوية بالفون  وتحجي شوية وياي 
_ حبيبتي ترا جراح هسة حيجي اذا تردين لبسي حجابج
شو هاي بس خلتلي الشال على راسها وكعدت والصاية مفتوحة من فوك ودلعة الفستان مبينة ردت اكوم اخبزها
جراح : ها حبيبي جي..... احم سلام عليكم 
ملاك : خطية تبنج وهية سلمت علي وضلت كاعدة اشرلي وراها كومي بس كلت والله ماكوم الة هية تكوم _ تعال حبيبي يلة خل ناكل
كعد وخزرني اشرتلة بعيني شكو واني متنرفزة كمت اكل وهية كلسع تباوعلنا
تمنيت افكس عينها
_ جاسر وين حبيبي
جراح : يم اصدقائة
ملاك : مصورتو ردة فعلهم
جراح : لاا صورة فاروق
ملاك :اشوففف _ طلعة اباوع شون الضحكة تارسة وجهة ومن وافقت ضحك ودنج مسح وجهة ويهمس بكلام دمعت عيني عل  شكلة
جراح :طبعا يكيف جا غير ماخذ اختي
ملاك :ههههههه هنيال اختك بي
جراح : هنيالة هوة با ختي
ملاك : كامت اخيرا بس راحت سديت الباب وباوعت هوة ضحك _ لطشةة لطشةةة
جراح : ههههههه عوفج منها بوية تعاي شنو هالجمال شنو هالحسن
ملاك : ههههههه مو وكتك خل اكمل الفديو _ رجعت اباوع شفتة حضن جراح وحجة شي باذنة _ شكلككك هناا
جراح :لتذكريني
ملاك :هههه لا كولل
جراح :يكلي اخذتها من عينك
ملاك : هههههههههههههههه
جراح :وجع نفس اخوها
ملاك :هههههه هاي اللبوة اخت ذاك الاسد
جراح :والنعم
ملاك : كملو عشة واغلبهم راحو ونص ضلو لل11 يلة فض الوكت طلعت ادور على نور لكيتها يم جاسر بالحديقة بفترون و يسولفون دافوت صار بوجهي جراح وباوعلهم
جراح :خوش والله اخوج لكاها حجة
ملاك : ياحبيبي دعوفهم بحالهم عقدو شعليك بيهم لاحكهم بعربانة مكسرة
جراح : هايي انةةة
ملاك :امشي ننام تعبانة كلش والله _ جريتة كوة ورحنا لغرفتنا سبحت وتحررت من الفستان والمكياج
كعدت على  الجرباية بصفة وصفنت على كتبي _ حبيبي
جراح :عيونة
ملاك : شصار على كليتي شوكت اكدر اداوم _ ذب موبايلة وكعد عدل
جراح : اني اخذتلج اجازة بوكتها شهر بس خلص الشهر ومكدرتي تداومين فعتبروها رسوب يعني تعيدين السنة
ملاك : دنجت راسي بحزن صديقاتي عبرو واني بعدني
جراح :لتضوجين انتي كدها مو من اول محطة نوكف
ملاك : لا بس نقهرت على  صديقاتي وحضل وحيدة هم نغم تخرجت وخلصت بقيت اني وحدي
جراح : اني يمج
ملاك : اروحلك فدوة انتة
جراح : هسة فترة عطلة بالسنة الجديدة ترجعين اقوة واريد هالمرة  الاولى على الكلية مو بس على شعبتج
ملاك : بوجودك اكون ناجحة وثقتك هاي مرح اكسرها بيوم
جراح : وانة واثق بيج
ملاك : تقربت حضنتة واني احس بامان الدنيا كلها بحضنة
______________

نور :مشينا اني ويا لورا البيت حاوط كتافي واني ميلت راسي ع كتفة
جاسر : جان يوم يجنن
نور : اييي كلش حلو من كل النواحي
جاسر : فرحانة نور ؟
نور : باوعت بعينة وهزيت راسي _كلششش
جاسر : جنت تخجلين حيلل هسة  قل خجلج
نور : ضحكت وحجيت _ بعد اللي عشنا والعذاب اللي شفنا مابقى خجل يمنعني من انو اعبرلك واحبك
جاسر : اويلييي اللههه هسة كون اهج بيج
نور : وين _همس وهوة يتقري مني
جاسر : لمكان .. بس..انة... وانتي ..بي
نور : شنسوي
جاسر : نلعب ختيلان
نور : عههههههههه خوش فكرة
جاسر : همم عندي مفاجأة الج بس هية مكاملة يعني ردت اكلج عليها من تكمل بس مداتحمل واريد تكتمل فرحتنا اليوم بيها
نور : شنية؟
جاسر : نروح نشوفها
نور :  خارج البيت هي
جاسر : أي قريبة بالمنطقة يعني
نور : تمام يلة تحمستتت
جاسر : كومي بس جيبي عباية بيبي خليها ع راسج ماكو احد الشارع فارغ
نور :  هههههه تمام _ كمت رحت جبت العباية لكيتة يحجي وية جدو يبلغة
جانت الساعة ب12بالليل كلها نامت
جاسر : حجي بس نشوفة ونرجع وعليي
الجد :  استجنن ولكك شو انتة صرت سرسري
جاسر ؛ لخاطري. والله ارجعها صاغ سليمم
الجد : هههه لا اله الا الله روح بابا روح هية مرتك شعلي ة بس حجيك وية جراح اذا درة انة معلية
جاسر :لا تاج راسي انتة تطلع منها صاغ سليمم ميمسك شي يلة اودعناكم
نور : تقرب مني سريع وجرني
جاسر : امشي بساعع لا جدج  يغير راية
نور : ههههههه صدك ركضني للسيارة ركبنا وطلعنا من البيت وجدو يهز راسة ب قلة صبر
شكلة مراضي بس اباوع لجاسر حيللل فرحان
مشينا بالفرع لنهايتة وفتنا بلفرع اللي ورانة للبيت الركن طبك يمة نزل هوة واني نزلت ملفلفة بالعباية شكلي يضحك فتح باب البيت بساع وفتنا
ضليت صافنة احنة ليش فتنا بيتمن هذا
باوعت الطرمة واسعة مطشر بيها ادوات بناء وسطولة مال صبغ
الكاع  كاشي أبيض واكو ركن ضال تراب بعتبار حديقة بس ممزروع بيها شي
باوعتلة وبوجهي الف سؤال شنو الديصير وبيتمن هذا  بتسم وبدة يحجي
جاسر : من زمان جان حلمي يصير عندي بيت  ابني بايدي وع ذوقي ودوم جنت اتخيل هاليوم واضم فلوس
من أول يوم شتغلت بي. واني عندي حساب بالبنك اضم بي كل شهر محد يدري بي وسنين صارلي اضم بي  وجنت مقرر بي اتزوج لان مردت مساعدة احد بس الفلوس صارت اكثر فقررت بوقتها اشتري بيت
القطعة هاي شتريتها صارلي 3سنين
شتريتها ك كاع فارغة انتو أكيد شايفيها من ترحون خط
ضلت كاع ومجنت اكدر ابنيها لان مجنت مسدد دينها تعرفين منطقتنا حيل غالية وسعرها يزيد يوم عن يوم
لحد ما جدو وزع النا القطع مالتنا
وقبل متصير سالفة شمس من اعترفت ورجعنا نحجي سوية
بعت قطعتي اللي نطانياها جدو وبديت ابني بي
صارت بعدها سالفة شمس وقفت البناء
ورجعت تقريبا قبل شهرين لان بعد اللي صار ردت استقر بي
بنيتة طابوكة طابوكة واني جنت  ابتسم واتخيل شون نعيش بي انة وانتي
وهذا بيتنا نور اللي حنعيش بي احلى الايام
نور : عيوني تجري وية كلامة جان يحجي بفرحة  والدنيا ما سايعتة
ضحكت وتقربت رفعت روحي وحضنت وهوة شدد ع حضني
نور : احبك هوايي هوايي احب شجاعتك واعتمادك ع نفسك احب طموحك واصرارك ونجاحك كلشيي احب بيك جاسر اني حيلل محضوضة بيك
حيللل
جاسر : هنيالي بيج
نور :  برطمت  وحجيت بصوت ناصي _ اوفف حبجيي اكثر لا تصير هيج حباب فدنوبب
جاسر : هههههه مسحي دموعج يا حيلي وتعاي اخذج جولة  ببيتج
نور :  ضحكت وهوة حضن ايدي  فتنا أول شي من باب المطبخ جان واسع والسيراميك بيجي ع أوف وايت وبنقشة كلشش خفيفة  شغل الاضائة كلش عالية طلعتة يجنن
مشينا للداخل صالة  منها الحمام اللي جانت مساحتة مقاصرة
جان كامل بي غربية وبي مراية وميز وحتى بي شاور هذا الحايط الزجاجي
عبالك حمام اوربي
يم الحمام اكو درج يصير أبو الفرة 
بصف الدرج اكو باب الغرفة مالتنا جانت كبيرة حيلل وطويلة مساحتها تجنن وسقوف ثانوية  وبالحايط اكو مرايات وكلة باللون البيجي الفاتح
الكاع جانت مرمر هم بيجي
طلعنا من الغرفة للاستقبال اللي هية ماخذة اكبر مساحة بالبيت
جانت تجنن بكل معنى الكلمة
نفس الغرفة السقوف والالوان والكاع  ومشتري تخم
بيجي   متوزع  ع طولها وبالنص طبلة طويلة كزاز شفافة وارجلها باللون الذهبي
الذهبي طاغي جان ع المكان والبردات لون مثل النسكافي طوخ شوية ومنسق ويا الكوشات مال التخم صاير توازنن رهيببب
حسيت هاي المفروض نخليها بس شكل مو مال كعدة
باوعتلة مبتسم ينتضر ردة فعلي
_ جاسر يجننن البيتت يجنننن مدتتخيل شكد حلوو يعني هذا فعلا بيت الاحلام

جاسر : ماكو شي اسمة أحلام يمي اني شكو حلم تتمني احققة
نور :  انتة ليششش هيج تجننننن
جاسر :  تعاي اشوفج الفوك بعد
نور : بتسمت ولزمتة ب ايدة قبل ليمشي
رفعت نفسي بستة بخدة وهمست _ اني فخورة بيك هواييييي
لمعت عينة  ماعرف فرح او حزن بس حسيتها اثرت بي هالكلمة
جاسر : أريد اعيشج عيشة ما عاشتها بنية
أريد ادللج هواي لحد ميكولون طلعت عينها ب دلالك
أريد اوفي وعدي الج لمن كتلج ماريد أنزل دموعج
اليوم اثناء العقد قسمت قسم انو. مابيوم أمد ايدي عليج وما بيوم اقهرج او اضوجج
أريد اريحج  أريد انسيج وانسى الفترة اللي عشناها واللي اخذت حيلنا
أريد اوفي بوعدي لجراح لمن سلمج الي وكلي خليها بعيونك
أريد اخليج بعيوني نور وما اقصر يوم بشي

نور : نزلت دموعي وحضنتة واني ابجي من كل كلبي ع كلامة وهوة حضني اكثر وبس انفاسة العالية تنسمع
بتسمت  ووخرت من عندة
مشينا لفوك
ميقل جمالةةةة عن الجوة نفس التصميم والغرف بي 3 أول مفتت نصدمت بأول غرفة باللون الوردي الفاتح اللي بصفة بلون ازرق فاتح هم
بتسمت وباوعتلة باستغراب
جاسر: هاي لبنوتتنا. وهاي لوليدنة
نور : هههههه من هسة مفكر بيهم
جاسر : ماعرف شون خطر ع بالي اصلا بس من صبغت سويتها وهذيج ضلت بيضة للخطار او يجوز لابنا الثالث
نور : هوبب هوب جاسر انتة خلفت البنية والولد حتى تخلف الثالث
جاسر : تؤ مخلفتهم انتي تخلفيهم حبيبي
نور : والله عندك سوالف بس حبيتها يجوز اني اخذها الوردية واشمرك بالزركة
جاسر : مو هية هيتة شو دتعاي
نور : شالني بين ايدة ويفر بية واني اضحك والبيت فارغ فالصدى يطلع قوي سديت حلكي واضحك واحس حوكع ع وجهي نزلني واني دايخة تمسكت بي وبتسمت
باوعت بعيونة
_ زرعت بداخلي فرحة محاسة بيها من قبل
جاسر : وهذا هدفي وهسة ك نضرة عامة شنو رايج
نور : يجننن يجننن من كل النواحي الالوان والتصميم والخريطة كلة حلو والله
جاسر  : بس نعقد  محكمة هالايام  ونبدي نجهز بي اني كملت شكو شي يسوو عمال وهاي السوالف بس بقى الأثاث نجهزة سوة
نور : متحمسة _ صفكت واني تضحك وهوة يضحك وياي نزلنا جوة للاستقبال كعدت وهوة جابلي بطل مي
جاسر: البيت بيتج عيوني احنة الخطار
نور : هههه يلوكلك دور بيبي
جاسر : يا حيوانة هههه
نور : تعال يمي _ كعد بصفي صفنت بعيونة شوية حسيت بيهن حجي وحزن مديتي ايدي لخدة وهمست _ عيونك بيها حزن شبيك
جاسر : قريتي الفنجان وعرفتي ههههه
نور : لا جاسر صدك حتى ملاك لاحضتك كالت جنت ضايج
جاسر : لتشغلين بالج ماكو شي
نور : يعني اليوم عقدنا وكاعدين بيتنا ونضم ع بعض
جاسر : ماريد اضوجج خلاص
نور : جاسر والله ازعل سولفلي شبيك
سكا شوية وتحمحم
همس بصوت  ضعيف ومبحوح
جاسر : اجوني بالحلم و و سئلو عليج
نور :  منو
جاسر : ابوية وامي
نور : بتسم بتعب ودنج يمسح بعيونة
جاسر : البارحة بالليل تذكرتهم وكمت صليت الهم وقريت قران
نمت واجوني بالحلم سئلو عليج وابوية بتسم بوجهي وامي مسحت ع كلبي
نور : كالها ودنج وغطى وجه ب ايدة ميتحرك بس ساكن وصدرة يصعد وينزل بقوة   مديت ايدي أبعد ايدة جان متمسك بيها   تقربت اكثر حضنت راسة صار بركبتي  دموعي نزلت ويا وحسيت بي يحاوطني ويحجي بخنكة
جاسر :  شكدد رتاحيت ب الحلم بس ما تتخيلين شكد من كعدت جنت مخنوك والغصة واكفة بزردومي
حيللل اذتني جيتهم ورغم انة جنت اتمنة يزوروني بالحلم
الصبح كلة انة كوة اتحرك وبالي كلة مو صافي تمنيت بس ارتاحح بس ارتاحح واكعد وحدي تمنيت بس مالكيت الهدوء ورغم كل هذا رتاحيت من شفتج وبوجودج بس حيل تعبان نور خنكة دتاكل بية من الداخل تاكل بية اكللل
نور : شددت ع حضنة _ ليش مكتلي ليش ضميتها بداخلك
جاسر : مردت اخرب هاليوم واخرب فرحتج
نور : فرحتي متكمل وانتة. ضايج ومقهور لتحجي هيج
جاسر : اهخخخ اهخخ يمكن هلشي سخيف بس ما تتخيلين داخلي شنو  لمن عمي بدة يحجي بالخطوبة ويخطبج صفنت ع حالي كلت انة ليش عمري كلة عمامي همة اللي يحجون بشكو شي يخصني ليش ماعندي أب اللي يفرحلي ويحجي
حيل حازة بداخلي وررغم جدي ماقصر بس تضل حسرة بالكلب متروح
لو من دخلنا وشفت ملاك تركص وعيونها تلمع نفس اللي بالها ببالي وثنيناتنا تمنينا امنا تفرح بينا وتهلهل وتركص وثنيناتنة بيوم العقد بالليل بجينا
نور لو شكد مجان جدو ساندني مثل ابوية وبيبي  تعاملني عبالك ابنها
بس تضل ذكراهم غير ومنضرهم كبالي غير

نور : مسحت دموعي واني ماعرف شنو اجاوبة ماكدر اصبر علي لان فعلا منو يكدر ينسى اهلة
ولا احد يكدر يتخطاهم وهمة فقدوهم بعمر كلش صغير جانو اطفال
_ الله يرحمهم  برحمتة الواسعة
مسح دموعة وحجة وهوة عينة ليكدام
جاسر : مرح تحجين شي
نور : شكلك قابل  اعرف الاهل مستحيل احد يعوض مكانهم او يتخطاهم شون من الأم تكول انتة قطعة مني
الاولاد هم نفس الشي يعني اني احس اخواني وامي وابوية قطعة مني ماكدرر استغني عنهم
ولا اكدر أعيش يوم بدون ما اسمع صوتهم
جاسر : مرات التفهم يكون اعضم من أي مواساه
نور : لزمت ايدة وبستها _ اني يمك بكل وقت واسمعك بوقت اللي تريد اواسسيك اواسيك وبوقت اللي تريد بس شخص يسمعك اسمعك

جاسر : انتي الصح الوحيد بحياتي

نور :  وانتة نور عيني

نختمت هاي الليلة بحضن دافي
رجعنا للبيت ب 1ونص يمكن محد كاعد كلها نايمة
فتت لغرفتي واني فرحانة ونايمة بهمق واتخيل وارسم حياتنا بهالبيت وشنو رح نعيش بي

مرت الأيام الباقية بدينا نحضر للزواج
أول شي عقدنا محكمة اني وجاسر
بعدها بدينا نجهز البيت ونكملة وكلها فرحت ع البيت ونعجبو بي ومحد عارض الفكرة وحتى اني ماضجت من هاي النقلة لان هم البيت قريب وهم حسيت احسن النة اني ويا  نضل وحدنا
مصطفى بهاي الأيام راد يكبر غرفتة وهية جانت بصف غرفتي ف فلشو الحايط اللي بيناتهن وصارن غرفة وحدة جبيرة واني غراضي اغلبهن نقلتهن للبيت 
ورا ما خلصنا الاثاث اني وجاسر
طلعنا اني وبيان نحضر للعرس
تجهيزات وصالون بدلات وهواي اشياء
تقريبا شهر نخبصنا بي خبص بالتجهيزات

نختم بالنهاية كل هذا بالزواج
واللي جان من احلى الايام
من ناحية كلشي

نسد باب بيتنا علينا وصارت حياتنا صافية
ماخلت من المكافش بيناتنا بس يضل الحب هوة اللي متصدر المركز الاول بحياتنا

يتبع ......

هاي مو النهاية بس هاي نهاية قصة نور وجاسر 🩷

البارت الجاي هوة الأخير