رواية ملاك الشيخ جراح الفصل الخامس 5 - بقلم ~yaqeen.hassan~

- وكيف ستعرفيه ؟!
- سأطمئن 💛
سيكون شخصًا أستطيعُ برفقته حقًا أن أكُون مُطمَئِنة

طبعا هلو اول شي ثاني شي البارحة التعليقات كلها تريد بارت لهذا نشرت هالبارت واللي يكولون بارتين باليوم تعالو   🔫🔫🔫 واللي يكول بارت قصير هم تعال🔫🔫🔫 

اني كلتلكم انشر يومية وبين يوم ويوم  حسب الوضع اللي اني بي لهذا قدرو الضروف اللي امر بيهة وتعليقاتكم مابيهة مدح بس بارت وبارت شنو هاي نطوني مدح وتشجيع ترا ازعل عليكم وابطل 🌚💕

دوسو النجمة وفجرولي البارت بالتعليقات اللي يعلق اكثر شي احطة بالبارت  الجاي 🌚😏
💕💕💕

يلة قرائة ممتعة 💕

#الكاتبة : yaqeen. Hassan
#مـلاك _ الـشيـخ _ جـراح
# الـبـارت الـرابـع

الجد : تعالن بنياتي احجن

ملاك : كعدت بصفة ونور بصفي حط ايدة على جتافي تنفست قوي وقويت نفسي _ جدو اريد احجي بس فدوا خليني اكمل للاخير

حسين (ابو جراح ): شصاير بابا شبيجن

ملاك : احنة صارلنة 12 سنة ندرس ونتعب حتى نرفع راسكم وصدك رفعنا راسكم

جدو اذا تحبني وتحب ماما وبابا وعدهم خاطر يمك خلينة نكمل كلية التقديم
انفتح وكل صديقاتنة قدمو

وصديقتي كالتلي تنقبلين طب ونور صيدلة
جدو حباب خلينة  نكمل والله نسوي كلشي  تريدةبس اريد نكمل شهادتنا وراه  نكعد. بالبيت لا نريد شغل ولا شي

بس نريد شهادتنا بايدنة وتعبنة يضيع

جاسر : شنو هالح.....

الجد : اوكف جاسر  ... ملاك احنة من شوكت عدنة البنات يدخلن كلية من زمن امي وخواتي يعني قبل شكم سنة  محد ببنات العشيرة دخلت  كلية محد دخل بعد شنو فائدة فتح الموضوع وانتن تدرن ان مستحيل اوافق

ملاك : جدو اعرف والله بس محد طلع مثل معدلاتنة كلهن رسبن متتوقع ان احنة تعبنة ونستحق ان نداوم

جراح : الشغلة مو شغلة استحقاق بس هالشي معروف من زمان وهاي عادة صارلهة سنين تريدين  ست ملاك تكسريهة

ملاك : ما اكسرها بس لشوكت رح نضل بهالعادة

الجد : جدو هالموضوع منتهين منة رووحي فوتي جوة

ملاك : لا جدو ممنتهين منة تذكر ماما كالت اني ملاك تكمل دراستها هاي جانت وصيتهة مو جاسر  هية وصتك هيج

جاسر : مو وصية هية جانت رايدة هالشي وتعرفين ان ماما جانت تختلف بيئتهة عن بيئتنة

ملاك : ليش لان من بغداد تختلف بس احنة جهالهة بيئتنة نفس بيئتهة

جراح : هذا الموضوع مسدود لا تعبين روحج وتحجين حجي زايد

ملاك : اني داحجي وية جدو... جدو فدوة وافق والله ايشي اريدة اسوي والله حتى نقاب البس بس وافق والله ما اختلط حتة لبنات وخلي مراقب علينة فدوة جدو اني خالة املي بيك لا ترجعني مكسورة

الجد : روحي فوتي جوة وخلاص هالموضوع ينسد

ملاك : لا جدو فدواا  دخيلك

الجد : كلت فوتي جوة ولتلحين

ملاك : جدو فدوااا لااااا دخيلك

الجد : شداكوول انةةة

ملاك : معلية  ماااا دراستي حكملهة حتى اذا مرضيتو ولو وصل الامر حتى لو انهزم

جراح : اي تجرأي وسويه واعتبري اخر يوم بحياتج ورح توصلج بس الرحمة

ملاك : طلعت ابجي واشهك واحس روحي دتطلع شغلة ان اتخيل ماكو ماداوم تخليني افقد عقلي
صعدت لغرفتي وصعدت ورانة عمة مريم

نور :كتلج مرح يرضون

مريم : شسويتن ولجن

ملاك : واذا مرضووو رح ادااومم لو تنكلب الدنيا مرح اضل طول عمري كاعدة بالبيت واضل مدفونة بحجة عاداتهم وتقاليدهم

مريم : ملاك ليش تأذين روحج انت تدرين هالموضوع منهتي

ملاك : ليش ينتهي ليششش مالنة حق احنة نعيششش لو بس همةةة يطلعون يعيشون حياتهم واحنا ليش مضلومين ليشششش

مريم  : كافي كافي يروحي

ملاك : حضنتني واني ابجي واتذكر بابا وماما شلون جانو يحفزوني ويكولولي تكملين دراستج وتعالجينة وهسة كل احلامي رح تندفن

طلعن من عندي ونور مسحت دموعهة

نور  : هذا المكتوب النة وجاسر من حجة نفذ حجية ومستحيل يخليني اكمل واذا خلاج فاني ثنينهم عليهة جاسر وجراح على  الاقل انت خلصتي من جراح

ملاك : طلعت وعافتني واني ضليت مركزة بكلمة خلصت من جراح مخلصت منة لا نور مخلصت منة  بعدة يتحكم بكلشي يصير بحياتي والله يعلم هسة يطلع هوة اللي تارس راس جاسر حجي عن الكليات ومرضة يدخلنة كعدت بخيبة امل واني اتحسر على كلى لحضة تعبت ودرست بيهة

ضليت حابسة روحي بالغرفة ابجي محد جاني بس نور صاحتني على العشة وماعرف شلون هية مستحملة ان تكعد كبالهم

اني مطايقة اشوفهم ضليت هيج لحد الليل اسمع صوتهم كلهم صعدوا لغرفهم ومحد اهتملي زدت بجي
اني ماحب احد يتجاهلني من اكون دا ابجي وزعلانه  احب احد يجي يراضيني ويهتم بية

وهمة ماعدهم هالشي حتى جاسر ليش ما اهتملي نمت واني دموعي على خدي

ثاني يوم حسيت باحد يوخر خصلات شعري عن وجهي غمضت وفتحت لمحت جراح بس غمضت مرة ثانية وفتحت مالكيت احد كلت اكيد خيالي راح زايد وزايد كلششش

كمت ضايجة وهمات ضليت بالغرفة ماطلعت لحد ما نفتحت الباب وفات جاسر جان مبدل يريد يروح للشغل

جاسر  : صباح الخير ياحلو

ملاك : كمت اريد افوت للحمام ركض لزمني وهوة يضحك

جاسر : هوب هوب وين رايحة تعاي اريد احجي وياج

ملاك : ماريد وخر عوفني

جاسر : تعاي خلي احجي وياج

ملاك : ماريييد عوفني _ نزلت دموعي ودفعتة ورحت على   الجرباية ابجي

جاسر : هسة شكو البجي كوليلي يعني انت من البداية تعرفن الموضوع ليش البجي هسة

ملاك : جنت عبالي حتوكف وياية عود انت اخوي وماعندك غيري

جاسر : عود انت اخوي يعني انة مو اخوج

ملاك : لا مو اخوي وماريد هيج اخ اني

جاسر : خوش لعد انة عبلي اجي اكلج ان تداومين بس بشرط

ملاك : رفعت راسي مصدومه ومتفاجاه

جاسر : ها شو باوعتي علية

ملاك : صدوك تخليني اداوم

جاسر : اي بس بشرط

ملاك : شنو

جاسر : نور متداوم

ملاك : شلون يعني مفهمت

جاسر : يعني انت تداومين بس نور متداوم

ملاك : ليش

جاسر : معليج بس هذا العندي

ملاك : جاسر انت شجاي تحجي نور اختي شلون اداوم وهية لا 

جاسر : هذا العندي

ملاك : ليش هيج صرت اناني وليش تريد نور تكعد

جاسر : كتلج معليج موافقة لو لا

ملاك : صفنت شوية واني افكر واقارن بين مستقبلي وعلاقتي وية نور اللي حتدمر اذا عرفت

جاسر : اوكي اعوفج تفكرين

ملاك : نزل هوة واني دموعي صبت بقوة مستقبلي واختي شنو الاهم ليش ياربي تخليني بهالموقف ليش 
نزلت جوة وباوعت واني واكفة على  الدرج على  نور الي جانت بالمطبخ تضحك وية امها وعمة مريم

كلت عادي هية مهتمة مثل ما اني مهتمة  بموضوع الدراسة ومصرة علي رجعت صعدت لغرفتي

وقررت اختار مستقبلي نور مو مثلي عدهة طموح واني داحجي نفتحت الباب

وفاتت شايلة صينية ومبتسمة

نور : اعرف مسوية حداد بس ماكدر اتريك اذا انت متاكلين وياي

ملاك : كعدت كبالي  _ ليش هيج ممهتمة

نور : دنجت راسي وبتسمت بهدوء  _ عادي خلي تروح الدراسة

ملاك : شبيج انت شنو هالحجي

نور : عادي ملاك هاي حياتنة قابل نعترض ههههه يلة اكلي

ملاك : حسيتهة مو طبيعية وتحجي وتضحك وعيونهة يلمعن_ نوررر شبيججج

نور : مابية ملاك مابية شبيج

ملاك : ليش حتبجين

نور : لان ضايجة من هالموضوع واصلا ماريد اكمل كلية ولا دراسة تعبانة واحس واهسي خربان واريد اكعد بالبيت

ملاك : ليش غيرتي فجا شبيج احنة مو كلنة نحارب لاخر لحضة

نور : واني ماريد احارب حاربي وحدج وانت من تحاربين حتحصلين بسرعة على التريدي

ملاك : للحضة حسيتهة تعرف باللي صار ماعرف ليش بس احسهة تمثل عدم الاهتمام _ نور اني مرح اداوم ومستحيل اخطي خطوة داخل الكلية وانت مو ياي

نور : ماريد ملاك ماريد

ملاك : دنجت راسي وتاكدت ان هية سمعتنة

نور : يلة اكلي واني حروح اريد اسبح

ملاك : عافتني وطلعت واني دموعي نزلت شكد حسيت بحقارة اني دافكر بروحي وهية دتفكر بية وتريدني اخلص كلية مستحيل اوافق مستحيل ولو نداوم سوة لو ما اداوم

اكلت شوية ونزلت جوة نضفت البيت وجوي يمنة بنات عمو ضلينة نسولف ونضحك

وتناسيت الموضوع شوية

سرى : اني مالة كلش من البيت ومخنوكة ملاك ماتقنعين جاسر يطلعنة

ملاك : سكتي وضع البيت حاليا متازم شوية لهذا ماكدر

حوراء : شصاير ليش

ملاك : عوفو الموضوع بعدين نحجي يي

جراح : سلام عليكم اليوم المزعطة يمنة

سرى : شنو هاي يعني لان انت جبير لازم نسكتلك

جراح : غصبن عليج

حوراء :  الحجي ميقصدني مو

جلال : لا يقصدج ليش انت على  راسج ريش

حوراء : جراحح

جراح : ههه وخرن عز طريقي اريد افوت

سرى : ماكو متفوت يلة روح افتر مناك

جراح : مو هسة ادفرج اوصلج لبيتكم وخري يلة

ملاك : ما وخرت ضلت كاعدة عاد اني كمت وخليتة يفوت جنة كاعدين بباب الاستقبال باوع علية ورفع حاجبة وفات شكد مستفز

صفنت لحضة على معاملتة وية سرى و حوراء هنة ثنينهم عمرهن 16 وتاركات الدراسة  ليش يعاملهن هيج واني  يعاملني بجفا ليش تغير

تنفست قوي وصفنت بالحديقة اذا تركت وتخليت عن  حلمي رح اضل محبوسة هنا طول حياتي ومرات اطلع الة واني عروسة واذا درست  حياتي كلها حتتغير كمت من مكاني ورحت كعدت بالمرجوحة افتر بيهة وصافنة جنت ب حالة هدوء جبيرة

فجا حسيت خيال فوك راسي رفعت راسي وشفتة واكف وعاقد حاجبة تقرب كعد يمي واني مدنجة وساكتة

جراح  : شبيج مطنكرة كل هذا  علمود الكلية

ملاك : درت وجهي عنة وبتسمت يكولهة برود اعصاب

جراح : من احجي وياج جاوبيني

ملاك : شنو تريد اكلك لو ما الكلية اللي دتستهزاء بيهة انت وصلت هنا جان عندك هسة مصنع جان كدرت توصل لهاي الاشياء اللي انت واصل لها

جراح : اني ولد والفرق بيني وبينج جبير

ملاك : ليش انتو منو خلقكم واني منو خلقني مو الله هوة خلفنة ومو ذكر بالقران العدل يعني مابينة فرق ابد بس انتو وفكيركم هيج

جراح  : هه تردين تجين بيوم وليلة تكسرين عادة نبنت صارلهة سنين

ملاك  : شنو ذنبنة ان نمشي ورة هالعادة بشنو غلطنة حتى  يصير بينة هيج

جراح  : ما غلطتي بس انت اولها وتاليها كاعدة باليت لو تريديين تشتغلين حضرت جنابج

ملاك : ليش جاي تستهزء بحجيي وليش، تحسسني ان داحجي شي سخيف ترا هذا مستقبلي

جراح : يعني شنو مستقبلج شتردين ننصبلج تمثال

ملاك : باوعتلة بنضرات قهر وحزن نضرات اني لو اشوفهة بوجه شخص اشبع بجي  بس هوة يا جبل مايهزك ريح مايتحرك بس صفن بوجهي ونضراتة ثبتت على عيوني دنجت ووكعت دموعي هوة حس على  روحة وكام بساع طلع باوعت وراه يمشي ونضراتي تتبعى لحد ما ختفة

دعمت دخلت للبيت لكيت بيبي كاعد ونور حوراء وسرى كاعدات يسولفن رحت نمت بحضن بيبي  ودرت وجهي للحايط كامت تمسح على راسي واني دموعي لا اراديا بدت تنزل بسكوت واني رجعت بية الذاكرة لماما وبابا شلون جانو يكولولي تكبرين وتصيرين دكتورة  وتلبسين صدرية بيضة

جانو متعلقين بية هواي لان جيت بعد وقت طويل

غمضت عيوني واني كل لحضة وياهم ترجع لذاكرتي احس بالخنكة بصدري خنكة جبيررررة كلش متنوصف اريد بس اشهك وابجي بس متطلع ضليت هيج لحد ماعرف شوكت غفيت

صحيت لكيت روحي نايمة ومغطيني بالاستقبال ومحد اكو باوعت كمت وراسي ياذيني هواي وركبتي همات لان نايمة على جهة وحدة كمت افرك ركبتي

تحركت وسمعت اصوات حيدر وعقيل وخليل ومصطفى ملتمين بالهول افف هسة منو يجيبلي شال دكيت باب الاستقبال بلكت احد يسمعني محد عبرني رجعت دكيتهة اقوة جان تنفتح

جراح  : شبيج

ملاك : ماعرف اتوهم مدري اتخيل بس شفت الخوف بعيونة  بس ختفة بساع

جراح  : ملاااك

ملاك : هاااا

جراح  : شبيج صفنتي شرايدة

ملاك : اريد شال اريد اطلع

جراح : هسة اجيبلج ضلي هنا

ملاك : تمام   طلع هوة  واني صفنت معقولة خايف علية اني ابد مشفت خوف بعيونة من ذاك اليوم من وكعت بالامدرسة بالسادس ابتدائي لحد هسه مشفت بيوم نضرة خوف بعيونة تجاهي

نفضت الافكار السخيفة من راسي وفتح الباب نطاني شال وطلع لبست الشال طبعا اني محجبة من ولد عمامي كلهم ماعد جلال وخليل ومصطفى   لان عايش ويانة وحتى نور همات مقيدوهة بحجاب واصلا همة ربونة ثنينة

طلعت ومريت من الهول

_ هلاو شلونكم ولد عمي العزيزين

حيدر  : هلة بيج  شلونج

ملاك : تمام وانت عقيل شلونك

عقيل   : هلو ملوكة شلونج

ملاك : بخير مجبت البنات وياك

عقيل : لا ضلن  وية امهن

ملاك : حرامات

جاسر  : جدي يريدج بالديوان روحيلة

ملاك : تمام_  تقربت يمة ودنجت شاورتة _ بالنسبة للحجيتة الصبح اني مموافقة واني مو انانية مثلك حتى افكر بس بنفسي ولاعبالك ستسلمت ماعوف دراستي لو شيصير

كما منة باوعتلة خزرني ومبين ضاج طلعت رحت للديوان لكيت جدو وعمو حسين_ سلام

الجد : عليكم السلام تعالي جدو

ملاك : رحت يمة حط ايدو على ركبتي تحركت متوجعة

حسين  : شبيج بابا

ملاك : نمت على جهة وحدةة وركبتي دتاذيني

الجد : دنجي خلي افركهة الج

ملاك : بتسمت وكعدت بالكاع حط ايدة على ركبتي ووخر الشال بدة يفركلي

حسين : والله عمي زمن  الجد يفرك لحفيدتة

ملاك : ههههه ها عمو غرت لان ميسويلك هيج

حسين : والله انة لو كايلة هيج جان تبرة مني يا عمو

ملاك  : هههههههه اني حالة خاصة

الجد : انتي ونور صدك حالة خاصة

ملاك : بتسمت ودنجت

الجد : انسي السالفة بوية ليش تريدين تخرب علاقتنة  انة وباج  احنة يمج ليش  تحتاجين شهادة واحنة موجودين

من تعتازين اي شي يوصلج ليم رجلج ومنقصر وياج بشي والله لو تجين تكوليلي اريد قصر انطياج بنفس لوقت  بس انا اخاف عليجن انتن مشايفات شكو برة مشايفات النماذج الطايح حضهة انة شون امنجن هناك منو يدري فجا احد يجي ياخذج وويروح بوكتهة شنسوي احنة شنتصرف
حجي صح لو غلط

ملاك : توني داحجي فاتو عمو علي وعمة مريم

مريم : هئئئئئ خيانة علني بااااباااا

علي : سلام عليكم

الجد : وينك ابني من الصبح ماكو

علي : اعذرني يالغالي بس دوامت اليوم كلة لان طالع لبغداد 

حسين : ليش

علي : اكو عملية هناك يردوني بيهة وحضل 3 ايام

مريم : علاوي حتعوفني

علي : نجبي ولتكولين علاوي

ملاك : طبعا عمو علي دكتور قلبية عمرة 32 ولحد هسة ممزوج وعمة مريم عمرهة 24 تاركة الدراسة من السادس

مريم : بابا شدسوي شنو ملاك اخذت مكاني

علي : بالله هاي لو انة كايلك ركبتي توجعني جان سويتلي هيج

ملاك : شعليكم انتو ليش تغارون لان جدو يحبني اكثر منكم

علي   : ولج ام لسان احجي عدل

ملاك  : داحجي عدل ليش قابل شبية

علي : حجي راضي عليهة

الجد : معليك بيهة انت الجاي تتحارش بيهة

علي : والله عمي هاي تاليتي فخر العشيرة انة تجي وحدة زعطوطة تحجي وياي هيج

ملاك : ترا اني هم طلعت معدل عالي

علي : يعني جاية تنافسيني

ملاك : اي انافسك

الجد  :كافي مناكر ولكم يلة طلعو حيجون خطار

ملاك  : كمت وضيقت عيوني وباوعت لعمو علي ضحك وكرص خشمي وطلع

طلعت اني وراها رحنة نحضر بالعشة واني افكر بحجي جدو يمكن خلاني اصحة شوية على الواقع صحيت من احلامي اللي زادت عن حدهة وصفنت وبتسمت  العادة اللي اصرلهة سنين تمشي على كل عشيرتنة تجي ملاك فجا تكسرهة واعرف بعد هذا الكسر رح اخسر شكو شخص بهالبيت محد رح يبقالي

ياترى اهلي لو الدراسة اهلي الي حتووني طول هالسنين اللي ماقصرو بشي وياي نطوني امان وحب رح اجي اكسر كلامهم بس علمود شهادتي اللي مرح استفاد منهة ومرح اشتغل بيهة

هذا جان الحجي اللي يدور بعقلي فجا صحيت وكلت شبية ليش تحجين هيج شديصيرر وياي مو هاي ملاك اللي طموحاتها متخلص رح احارب علمود شهادتي لو  يصير موتي على ايدهم

كملنة العشة وكعدنة نتعشة ناكل ويسولفون كلهم ويضحكون واني احس اكو شي ناقص وينغص بكلبي فرحتي ما مكتملة

ونورالي وضعهة معاجبني مدنجة وتاكل وكلسع تباوع لجاسر اللي عيونة متشخصة عليها

بتسمت واني مدنجة اعرف  بجاسر شنو مشاعرة تجاه نور من الصغر هوة رايدها ويحبهة بس يضم هالشي

عفتهم ونضراتي راحت للي كاعد كبالي اكدر اسمي ابو هيبة لان صدك هيبة ركزت وتمعنت

جراح  طويل طولة بال185 تقريبا ضخم وعندة عضلات متناسقة وية جسمة كتافة عريضة بس تباوعين على بطنة ومنطقة خصرة ضعيفة اتسائل اكول وين الاكل يروح عنة

لابس دشداشة نيلي ولاف الشماغ بصراوية بدون العكال

اغلب الاوقات هاي طريقتة من يلف الشماغ بس بالمناسبات يلفهة بطريقة مرتبة

ركزت على وجهة ياكل بهدوء بدون اي صوت ولا حس وتحسي من ياكل نضيف مو مثل باوعت على عقيل وباقي ولد عمي من ياكلون يطلعون صوت مرات بس هوة هادء حتى بهاي

باوعت لملامح وجهة فكة محدد بطريقة تخبل

بياض وجهة وية لحيتة السودة مطلعتة مو بس حلو  صاك اصلي

عقدة حواحبة هاي مستحيل يشيلهة دائما عاقد حواجبة

صحيت من لكيتة صافن بوجهي دنجت بساع هسة شيكول علية صارلي ساعتين اباوع بوجهة خرب حضج ملاك

كملت عشا

وكمتة غسلنة اامواعين
وفات خليل

خليل : نونة اني حطلع بربج غسلي ملابسي باجر عندي دوام

ملاك : وين رايح هاااا

خليل : شعليج انتي

نور : لصاحبتة رايح

خليل : كون يسمعج جلال يشويج على  الفحم

نور : هههههه لا يحبني ميسويهة

ملاك : دروح يلة ولي داسولف  _ راح هوة  وراها اجانة مصطفى  هم طلع طبعا مايوم كعدو بالبيت

خلصنة ونور صعدت فوك واني كملت غسل

وصعدت لغرفتي  ضليت اكلب بموبايلي لحد الساعة ب 12 كلها يمكن نامو نزلت ضايجة  اخذت جنطة

صغيرة حطيت بيهة موبايلي ولبست السماعات وضليت اتمشى بالحديقة تعودت دائما اسوي هيج

دامشي وحسيت بخيال  وراي نزعت السماعة ورحت جريت شال جان على  المرجوحة عبالي الحارس موجود تقربت يم الباب

_ عمووو عموو انت هنا

_ وكفت يم الباب اصيح الحارس رجال  كبير وضليت اتلفت اباوع اذا اكو احد

فرحت ماحسيت غير نجريت من ايدي قوي وسمعت صوت طكة عضامي من هلكد ما السحبة قوية درت وجهي وشفت جراح وجاسر بصفة وعيونهم تطلع شراررررر من صدكككك نضراتهم ترجف وتخوف

جراح : وكعتي بيدي يا بت عمي وهسة اشوفج دراستج بشنو حتفيدج

ملاك : رجف كلبي من كلامة وحسيت من نضراتهم موتي حيكون على ايدهم............

يتبع.......

___________________

اتمنى يعجبكم البارت 💕

اللي يحجي علية ويكولي البارت قصير اجي بالتفك 🔫🔫

شرح يصير تتوقعون اللي يجاوب صح انطي بارت هدية 😏🌚💕

لا جذب اكلة شكرا 😂😂

المهم نطوني توقاعتكم؟

وانتضروني عكببب باجررر ماكو باجر 😂😂🌚🌚🌚

عكب باجر البارت وماكو امل باجر  😂😂🌚🌚💕💕💕💕💕

يلة باييي واحبكم كومة 💕💕💕

#الكاتبة : yaqeen. Hassan
#مـلاك _ الـشيـخ _ جـراح