رواية ملاك الشيخ جراح الفصل الرابع 4 - بقلم ~yaqeen.hassan~

سلام عليكم 💕

#الكاتبة : yaqeen. Hassan
#مـلاك _ الـشيـخ _ جـراح

وحـين تـرڪتها أصبحت أجـمل من أي وقت مضى وڪأن جـمالهها ينتقهم 🫀🤍.

_البارت الثالث _

الجد : ولكككك شصايررر خرعتنةةة

حيدر :: كوممم جاسررر كوممممم المذخررر مبيوك بساععع بدللل والحكنييييي

جاسر : شدتحجييي انتةةة شنوووو مبيوك

حيدر : مو وكتة اني رايح الحكنيي بسااااع

ملاك : طلع وجاسر راح بساع اخذ سويجة وجراح وخليل راحو ويا وضل البيت عايش بقلق كلنا ندري شكد جاسر وحيدر تعبو لحد ما فتحو هالمذخر وحطو كل فلوسسهم بي حتة ينبني

وتعبو بي هواي بيبي ضلت تدعي واحنة كاعدين وندك محد يجاوب عاد جدو وعمو همات طلعو راحو وياهم واحنا ضلينة بقلق لحد ما رجعو مبينين كلهم اعصاب وجاسر ذب روحة على القنفة ولزم راسة

الجدة : احجو شصار

جراح : مبيوك ورايحه نص البضاعة اللي بالمذخر باقي الرخيص

الجدة : ياخوية بن امي من هو البايكة ولك وية منو عندك عداوة

جاسر : ويةةة منو بيببيي يعني ويامنننن لو ادرييي جاننن انةةةة هسةةة كاعدددد كبالكممممم اهخخخخخ بس خلي الزمة والله لازوعة حليب امة

ملاك : صعد فوك وهوة اعصاب واني نقهرت علي ورحت وراه فتت للغرفتة ورحت يمة على الجرباية كعدت ولزمنت ايدة باوعلي بتسمتلة _ كول الحمد الله

جاسر : على شنو الحمدلله ماكو كلشي رايح مباقي شي

ملاك : ميخالف الحمد الله لان ممسوين شي وممكسرين اشياء ماكو شي يصير اذا ما وراه شي الله مياذي بشر

جاسر : مملاك راح تعبنة كلة

ملاك : ماكو تعب يروح كول يالله وتنحل نشالله يجوز الله يريد يبينلك ناس انتة غلط وجودهم يمك

جاسر : نشالله ادعيلي الزمهم لان مرح ارتاح اذا مالزمتهم

ملاك : نشالله تلزمهم احضرلك هدومك تسبح

جاسر : لا اريد انام تعاي فركيلي راسي

ملاك : تمام تعال _ رحت مددت خلة راسة على رجلي واني اسويلة مساج لراسة على كيف واقرة ايات جاسر هوة كل حياتي يعني اذا تمرض او تاذة احس الدنيا كلها توكف ماطيق ولا لحضة تمر وهوة مو موجود بحياتي

غفة بسرعة وخرن علكيف حطيت راسة على المخدة وغطيتة وطلعت لكيتهم متجمعين بالاستقبال يحجون بهالموضوع صارلي اكتئاب طلعت للحديقة اكلب بموبايلي وكعدت اتابع مسلسلتي ومكرفصة على المرجوحة

لليل سمعت صوت جاسر كاعد يعيط محسيت غير طلع مثل النارر من الاستقبال ووراه جراح وعمو وجدو يصيح علي لان ميكدر يمشي سريع وهوة ماهتم طلع واني رحت يم جدو سندتة _ جدو شبي جاسر

الجد : هذا الجلب جاسم بايك المعمل ومتفق وية كم واحد من اليشتغلون وبايكي ولاكفتهم الكاميرا هسة حجو الشرطة وهسة اخوج رح يدمي وعلي خلييييلل تعاللل بساع

ملاك : بساع اجة خليل سندة وطلعو واني صافنة شكد جلب هذا جاسم يصير ابن خالهم الجبير لبيت خوال نور وابو بوكتهة اجة يتوسل بجراح يشغلة بس جراح مكدر يشغل لان شغلة صعب ومو سهل فجاسر شغلة وجان ممطن من ناحيتة بس لخاطر خال جراح شغلة

اههه اللله ياخذك يا جاسم كون شكد ادبسزز

طبيت جوة وبيبي تلوب رحت يمهة وطمنتهة

لليل مارجعو بس يمنة مصطفى كلسع يدك عليهم ومحد يجاوب لل9 بالليل يلة رجعو محد بينة تعشى لان نفسنة جانت مسدودة فاتو واباوع جاسر راسة كلة دم ولازم وصلة بيضة حاطهة عليهة اني شهكت بقوة كلها نتبهت علية حطيت ايدي على حلكي ودموعي نزلت تقرب جاسر علية حضني

جاسر : مابية شي مابية باعيني

ملاك : حضنتة واني اشهك منضرة رعبني

جاسر : ملاك يروحي مابية شي جرح بسيط باعي باعي هياتني

ملاك : مكدرت ارفع راسي واباوع عندي ررهبة من الدم من ذاك اليوم بيوم وفاه بابا وماما والصورة نطبعت بعقلي واي دم احس يرجعني لذيج اللحضة

جاسر : نور جيبي مي بساع

ملاك : وخرت واني مغطية وجهي اريد اشوف شي وهوة مجلب بية كلها نخبصت بية

تالي جدو عاط بين وكام من يمي اجة هوة حضني ويمسح على شعري ويقرة ايات بصوت عالي

حسيت شوية شوية بديت اهدء وخرت راسي وحجيت بهمس وشهكة _ ه هوة ح حي روح مثلهم و ويعوفني

جاسر : روحي ماروح والله هياتني يمج باعي والله بس شخط صغير

ملاك : ماريدد اباوعع اكرههه الدمممم وخررر من يمييي

جراح : امشي غسل ولف راسك وتعال احجي امشي يلة

ملاك : راح واني لابدة بحضن جدو وهوة راح غسل ولفو راسة واجة حضني

جاسر : خلاص راح الدم باعي مابية شي بس

ملاك : رفعت راسي والله وباوعتلة وحضنتة

جاسر : كافي يلة بلة دلع باوعيلي يلة مسحي دموعج باعي عيونج شلون صارن

ملاك : كومنني ورحنة غسلي وجهي شربني مي ورجعنة وبدة يحجي الصار رايح وهاجم علي وضاربة لحمد ما مغمى علي وباجر رح يجون خوال جراح وشيخهم ويتفقون على اللي صار

خطية عمة مدنجة راسهة يضل ابن اخوهة

فاطمة : اعذرني يمة والله لو ادري بي هيج نذل جان ولا خليتك تشغله الله لايوفقة كون والله ماعرف شحجي

جاسر : صدك تحجين عمة انتي شعليج _ كمت بست راسهة _ اذا هوة نذل وخسيس انتو شعليكم لتنقهرين اني اخذ حقي منة هوة مو منكم

ملاك : بتسمت وكمنة سوينة عشة حسيت هدا الوضع اكلو وكلمن راح لغرفتة رحت يم جاسر جان يبدل بالشاش واني دايرة وجهي ما اباوع _ تاذييك

جاسر : لا ضربة مال مزعطة

ملاك : كذاب

جاسر : ههههه حلوة هاي مال كذاب جا بوية انتي ويامن مترباية شو متحجين مثلي

ملاك : ههههه يعني تريدني اكول جذاب

جاسر : اييي هيج خشني حجيج

ملاك : ياااا جاسر شنو اني ولد حتى اخشن حجي

جاسر : هههه فدوا اروح لهالتنعوص

ملاك : ممنعوصة

جاسر : لا يابوي ابد

ملاك : ههههههه هسة شحسوي بي

جاسر : هههه سمعي يابة اول شي رح يجون باجر نحجي مثل الناس واني شرطي ان يبيع بيتة اللي مشتري وينطيني فلوسة وكل النباك يترجع

ملاك : يا ليش عندة بيت عوة

جاسر : يي الكو.... عندة ويبجي بوجه الحسين والله لاخلي على الحديدة بس خل يصبرلي

ملاك : زين يعني متطالب فلوس من للعشيرة

جاسر : لا عيب من خوال جراح واصلا همة معليهم ابو خوش رجال والله ذهب بس ابنة عار وانة هذا شرطي وماريد اي فلس من عمامة بس منة

ملاك : يي يستاهل والله

جاسر : يلة تدعبلي اريد انام

ملاك : هههه والله متستحي انتة كبر

جاسر : اليكبرج يلة كومي

ملاك : ماشي بسيطة انتي صوجي ابجي على هالراس شكبرة _ تقدمت علي رفعت نفسي ولزمت راسة ضربت كصتي بكصتة وضحكت _ تصبح على خير

جاسر : شوكت تبطلين هالحالة

ملاك ؛ ما ابطلها احبهة يلة بيباي _ طلعت واني اضحك هاي الحالة من اني وصغيرة اسويهة الة اتقرب اضربة كلة بكصتة واروح انام ما ارتاح اذا ما اسويهة

سديت الباب وطلع بوجهي جراح ختفت بتسامتي هوة خزرني ونزل هذا شبي يالله رحت لغرفتي لكيت نور كاعدة

نور : ملاك شون صار جاسر

ملاك : هههه شبيج هيج خايفة مابي شي زين هسة

نور : والله

ملاك : والله عشر مرات هههه

نور : كبر لتضحكين علية خلاص حروح انام

ملاك :  روحي روحي ههه_ مددت ونمت

ثاني يوم صارت الكعدة وساعة صياح وساعة ضحك مدري شكو واحتة بس ننكل جايات وكهوة بحيث ضليت بصف الطباخ صافنة من طلعو باوعت من شباك المطبخ جاسر حضن خال جراح الجبير ومدري شحجة باذنة وضحك وباس راسة وخالهم ضحك وطبطب على جتافة من شفت ضحكة جاسر عرفت نحلت السالفة بدون مصايب فاتو ومثل متوقعت نحل كلشي

وصدك رجع كلشي لجاسر وحيدر وزيادة هماات وصارو حريصين هواي على شغلهم ميدخلون ياهو الجان لا بس اللي يامنونهم

لحد ما مر شهر وجتييي النتائج جنت ارجف بقوة واني اشوف جراح كاعد. على الحاسبة ويطلع بيهن بالنص ساعة هنة ديطلعن واني افتر وارجف

ونور كاعدة بهيج مواقف تصير هادئة واني اكب نار

_ شصار فدوة مطلعت

جراح: صاير ازدحام بالموقع مديحمل شي طفو النت من موبايلاتكم

ملاك : نزلت دموعي وكمت ابجي مكدرت اتحمل

جاسر : حبيبي اهدي لتجين نشالله  خير

ملاك : ضليت افتر لحد ما حجة جلال دفعة وحدة

جراح: نور 95 ملاك 99

ملاك : شايفين من يوكف الوقت بالمسلسلات هيج كلنة صفنة على جلال اللي حجاهة مرة وحدة وهلانة صافنين بلعت ريكي واريد استوعب شنو 99 لحضة شنو 99 قصدة  اول درجة لو شنو

نور : شنو 95 جلال شنو احجي

جراح  : معدلجن ولجن انت 95 وملاك 99

ملاك : نور عاطت وكمزت حضنت جلال واني صافنة واحس الزمن وكف بية شنو صار ومنو معدلة 99

جاسر : ملاك حبيبي شبيج

ملاك : حسيت جسمي كلة رجف ودموعي بدت تنزل قوي رفعت ايدي وحضنت جاسر واني ابجي قوي واشهك هذا الرقم جان حلم بالنسبة الي حلمممم

حلمممم مجنت بيوم اتخيل ان يصير هيج مجنت متخيله بحييث من الصدمة ضليت ابجي وهمة يضحكون عملية وفرحانين

بعدين بديت اصحى على الواقع وباوعت على الكل فرحانين ضحكت وضليت اكمز واحضن الكل ونور تكمز وياي فاتو عمو علي وعمة مريم

علي : ها ولجن

مريم : شصار شو دتبجون

ملاك : معدلييييي 99 كمزت حضنت عمو علي وراحت نور حضنت عمة مريم

علي : الف مبروك يروحي

ملاك : عمو معدلي شوف شوف 99

نور : وانيييي 95

علي : تعالي تعاللي انت لثانية

ملاك : حضن نور واني كمزت حضنت عمة مريم

مريم : خبلة مبروك

ملاك : عزااا مو مصدكة

جاسر : عفية بالحلوات رفعتن راسنة

ملاك : وامين شكد معدلة

علي : توة خابرني معدلة 88

ملاك : يا خطية ليش

علي : هوة مكيف يكول جنت اريد هيج

جراح  : يلة هوة راد هيج

جاسر : الله يوفقة

ملاك : تنفست براحة وباوعت لجراح بتسمت بفرح شفت منة ابتسامة خفيفة خالية  من المشاعر شالت شكو فرحة بداخلي

فاتو جدو وعمامي وباركولنة وصار هذا اليوم من احلى الايام بحياتي يعني صدك فرحت

رحت نمت واني مرتاحة هواااي بس بلحضة بالليل اجة الشي الي جنت اجبر روحي حتى ما افكر بي الشي الي يشيل الفرحة من جذورهة واني صافنة فاتت نور تبجي نصدمت شبيهة هاي بنص الليل

نور : كاعدة وصافنة بالحديقة ومبتسمة على معدلي الساعة تقريبا بال11 احب هالوقت اطلع هنا لان الهوا يصير يخبل واني صافنة شفت خيال يتقرب مني شوية شوية بين وطلع جاسر

جاسر : مبروك

نور : الله يبارك بيك

جاسر : شعندج كاعدة هنا

نور : يومية اني اكعد هنا

جاسر : شسوين

نور : اشتم هوا

جاسر : هسة رتاحيتن ورح تكعدن بالبيت

نور : باوعت علي _ ليش نكعد بالبيت

جاسر : ليش بعد شنو شعدجن

نور : ك كلية

جاسر : هههههه من كل عقلجن انتن كلية ليش منو بنية بعائلتنة او بعشيرتنة كلها دخلت كلية

نور : ب بس

جاسر : بلا بس ترا انتن من البداية جنتن تدرن ان مرح تدخلن كلية ومن سابع المستحيلات  ان تدخلن كلية

نور : دموعي نزلت ودنجت راسي

جاسر : شكو البجي هسو من الثالث اني كلتلجن لتكملن تنقهرن

نور : احنة غير عن بنات عمنة اني انقبل صيدلة وملاك تنقبل طب

جاسر : يعني ترا الموضوع هذا مقفول علي من زمانننن من زمن جدي هوة معروف ماعدنة بنية تكمل

نور : ركضت وعفتة واني وابجي رحت لملاك

ملاك : بتسمت ولزمت ايدها _ معليج نحجي وية جدو واذا جدو وافق محد الة يحجي صدكيني هسة عوفي الموضوع من تطلع الاستمارة اني احجي وية جدو ونشالله يوافق

نور : يعني نداوم مو

ملاك : اي نشالله نداوم يلة روحي نامي _ راحت واني بتسمت وغمضت عيوني ربي دخيلك اذا جان عندي امنية وحدة بهالدنيا فهية دراستي ربي بجاه محمد وال محمد خليهم يوافقون تعبنة كل هالسنين وماريد تعبنة يضيع

نمت بيومهة وثاني يوم كلها اجت تباركلنا ونخبصنة ومحد جاب سيرة الكلية لان كلهم يعرفون ان مرح يرضون بس اني جنت مصرة على مستقبلي ومستحيل اخلي يضيع

كاعدة ودك موبايلي خالو محمد

رحت لغرفة فارغة وجاوبت _ الو خالو

محمد : ملوكةةة مبروووك يروحي

ملاك : الله يبارك بيك حبيبي

محمد : ولج رفعتي راس امج وابوج والله

ملاك : طول العم  هم راسهم مرفوع

محمد : االله يرحمهم والله لو عايشين جان كيفو بيج

ملاك : الله برحمهم شلونك انت وخالو والبنات شلونهم

محمد : بخير يسلمون عليج جاسر شلونج

ملاك : زين

محمد : سلميلي علي وعلى جلال وجدج اني رح اروح ونشالله اجي اباركلج وهديتج موجودة

ملاك : يوصل و ترا هديتك منتضرتهة ما انساها

محمد : هههههه تدللين يلة مع السلامة

ملاك : بيباي حبيبي _ سديتة درت وجهي وجان يطلع بوجهي جراح شهكت قوي وحطيت ايدي على حلكي
تقرب بعصبية جر الموبايل مني وكلب بي

جراح : منو جنت تحاجين

ملاك : خالو محمد 

جراح  : وتكوليلة حبيبي

ملاك : شبيك والله خالو شوف للمكالمات

جراح  : انة مو داجذبج بس  هاي الالفاض مال حبيبي وعمري بطليهة عيب تكولين لان اليسمعج حيفهمج غلط

ملاك : ا اسفة

جراح  : هاجر مو بايلج

ملاك : اخذتة وهوة دار وجهة ديروح _ جراح

جراح : ها

ملاك : _وكف ومدار وجهة علية  _ هديتي ترا اريدهة مو تغلس، عليهة

جراح :  هاج

ملاك : رفع علبة نطانياها

جراح : هاي هديتج

ملاك : صدك

جراح : شوكت مشاقي وياج انة

ملاك : ها احم شكرا _ بتسمت

جراح : العفو

ملاك : طلع واني فتحتهة جان سوار  ذهب وبنصة مكتوب اسمي ويمة قلب بتسمت وطرت بي ضليت اكمز وحدي بالغرفة وفرحانة

ضميتهة  وطلعت وطلع جايب لنور هم نفسي بس اسمها فرحت هواي بيهة

وراها صارت الدنيا تمطر علينة هدايا وفلوس صرنة زناكين وجنت اضم الفلوس واكول اجهز بيهن للكلية

لحد ما اجو اليوم اللي خابرتني بي صديقتي وكالتلي التقديم نفتح ولازم تقدمين

ضليت ذاك اليوم كاعدة وعقلي يشتغل شرح احجي وشنو رح اكول مستقبلي معتمد على هاللحضات

يمكن ختمت القران بهاي  االيلة هلكد. ماقريت ودعيت وكعدت اسفط حجي واحفض واتدرب لحد ما هلكت

ثاني يوم

حجيت وية نور وكلتلهة على الموضوع نور جبانة كلش وخوافة اعرفه مرح تكدر تحجي فكل الحجي اني ححجي  وهية بس تجي وياي

نتضرت البيت شوية يهدي الضهر رحت للديوان جانو كاعدين جدو وعمو ابو جراح  وجاسر وجلال وخليل ومصطفى رجف كلبي اول ما فتت حسيت فايتة للموت برجلية

_ جدو نريد نحجي وياك

يتبع......

___________________

اتمنى يعجبكم البارت 💕

رايكم بي؟

وانتضروني بارت جديد  💕💕

احبكم هواي 💕

#الكاتبة : yaqeen. Hassan
#مـلاك _ الـشيـخ _ جـراح