رواية ملاك الشيخ جراح الفصل الخامس عشر 15 - بقلم ~yaqeen.hassan~

‏إنها من ذلك النوع الذي لا يمكن أن تُحب بعدها أبدًا، إنها تأتي لتكون الأخيرة .

لتنسون النجمة وعلقو على الفقرات 💕

#الكاتبة : yaqeen. Hassan
#مـلاك _ الـشيـخ _ جـراح
#البارت _الرابع عشر

ملاك :  صحيت باوعت مكالمة من نغم فتحت الموبايل وحطيتة على اذني _ هممم

نغم : يولي ضايجة وانتي نايمة

ملاك : شسويلج لخاطر الله اجي اركصلج

نغم : هفففف ياللهههه فاروق ميرضة يطلعني مليت

ملاك : ههههه لو بيدي جان طلعتج بس شسوي

نغم : انتي العكرة تطلعيني

ملاك : مو اسدة بوجهج عار ولي يلة خلي انزل

_ نزلت جوة تنفست اليوم اول يوم عطلة بعد ما خلصت الفاينل وهيج نجحت للمرحلة الرابعة وبقتلي سنتين

نزلت جوة كعدت اسولف وية بيبي وعمة ونور فوك جانت

فات جراح سلم وكعد مادري شنو شعوري تجاهة بس بدة يتلاشى احسة يعني رجعت علاقتنة مثل قبل يعني ماتغير شي جنة قبل على كد السلام هسة هم على كد الصخرة او يجي يكول كلمة ويروح
اني مرتاحة لهالوضع ماعرف شعوري شنو
احس من افكر بهالموضوع غصة تصير بكلبي ماكدر افكر وبساع انساه يمكن ماريد ارجحع احن ماعرف شريد

جراح :  يمة وين نور

فاطمة :فوك نايمة

جراح : انة كتلهة تكويلي قميصي عندي طلعة

فاطمة : شمدريني نامت يمكن اكوي انتة

جراح : اي هية هاي صارت شغلتي تالي وكت فوك تعبي وطيحان حضي اجي اكوي هدومي

ملاك : كال هيج وصعد عمة ستغفرت _ عمة اني هيسة اكويالة

فاطمة : الله يرضة عليج يمة والله تسوين فضل

ملاك : بتسمتلهة وصعدت حسيت كلبي يدك سريع دكيت ال باب

جراح :  فوتي

ملاك : فتحتهة وحجيت _ ووين قميصك نطيني اكوي

جراح :  هياتتة على الجرباية

ملاك؛ فتت جريتة بساع وطلعت رحت كويتة ومدري شجاني قربت راسي علي وشميتة حسيت جتي طاقة غريبة بية بتسمت ورجعت اكمل كوي

مدريي حسيت روحي غريبة اليوم كل تصرفاتي غريبة كملتة ورحت دكيت الباب اخذة بدون حتى ميتشكرني

هسة عاد كول شكرا اصول

عفتة ومشيت رحت  لللغرفة

_____________________

جاسر : انة لو الكلية

نور : ضليت فاتحة حلكي ومصدومة من حجية يخيرني بينة وبين الكلية يمكن هذا اصعب موقف شفتة وواجهتة بحياتي كلها

ضليت صافنة  بوجهة

جاسر : جاوبيييي

نور : ج جاسر لتسوي هيج

جاسر : لااااا اسويييي كولييييي يا انة يا الكلية

نور : غمضت عيني ونزلت دموعي _ دخيلك دخليك لتحجي هيج جاسسر فدوا لتحجي هيج
_ تقرب مني اكثر وصار راسة يم اذني يهمس بين سنونة وتحسة كوة ضابط اعصابة

جاسر : جاوبيني ترا وحق الله اكتلج واكتل روحي هنا

نور : شهكت ببجي واني اريد احجي اكول انتة اريدك انتة بس شي وكف بعيني مستقبلي ياترا حصير مثل بنات عمي بس اتزوج واجيب جهال واخدم مادري

شنو الخلاني افكر هيج بذيج اللحضة بس كلت زعل جاسر اكدر اصلحة بس اذا تركت الكلية ماكدر ارجعلهة بعد

نطقتهة واني شفايفيي ترجف ومجنت اعرف اللي حضيعة بعد هالكلمة
_ ا ال ك كلية

نور : انفاسة هدئت وايدة رخت عن ايدي شهكت ورجعت ابجي ماريد اشوف نضراتة

نزل ايدة اللي لازمة الحايط ومحاوطتني جر ايدي اللي على عيوني ونزلهة ورفع وجهي من حنجي خلاني غصب اباوع علي جانت عيونة نار وصايرا دمم وايدة ترجف وهية لازمة حنجي

حجة بصوت مقهور على مخنوك على عصبي كل هالاشياء نجمعت بصوتة

جاسر : بهالسهولة هاي نهيتي قصتنا اللي توهة بدت بهالسهولة تخليتي تدرين

متندم على كل لحضة عيني باوعت عليج وعلى كل لحضة كلبي شافج ودك الج

بس الصوج مو بيج الصوج بية انة حبيج وانتي متستاهلين ولو نقطة من حبي الج .. ....

وروووووح ابوييية وامييي الي ما احلف بروحهم على اي شييي رح اندمججج على هالكلمةة ورح اخليج تتوسلين انتتي البية مو انة ورح اشوفج جاسر بوجهة الثاتي صبري والايام تثبتلج يا نور جاسر

نور : ضرب الحايط بقوة وطلع واني وكعت بالكاع ابجي منهارة _ لاتروووح لااااا لاتروووح

ضليت اضرب راسي بالحايط واشهك بخنكة يمكن جانت اصعب لحضات مرت علية حسيت كلبي ديحترككك اريد اصرخ اني هم احبككككك بس ماكدر

كلشي نتهة ...

هية سبوعين عشنة حبنا بس رح ندفع  ثمنة سنين طويلة ...

صخنت  الليل كلة وحسيت  روحي تطلع دموعي موكفت احس بالاذية احس حبة خنجر بكلبي يضربني ماعرف شوكت غفيت الفجر يلة صحيت الصبح

واني مددة واحس جسمي نار

نفتحت الباب باوعت جان واكف ويباوعلي بحقددد حسيت عيونة تريد تقتلني نطاني هاي النضرة وراح وراها

راح لبغداد حسيت ديسحب روحي على البطيئ تمنيت اوكفة واكلة احبك بس فات الاوان مبينة قصتنة هاي نهايتها

من ذاك اليوم لليوم مشافت منة نضرة مرت 3سنين بطولها وعرضها

حسيت الدنيا جانت ضلمة بهاي السنين حياتي حتى وهوة ما معترفلي احسهة ضوة لان هوة بيهة

شكد بجيت وشكد تمنيتة يمي بس ما اجة وهاي اني كاعدة وعيونة تلاقت بعد 3 سنين اباوع نضرتة اللي مليانة شوق بس مغطي عليها الجفاء كان يحاول يكرهني كوة

خانتني الدمعة ونولت دنجت راسي ومسحتهة بطرف اصبعي بس سمعت صوتة كام واستاذن  اني همات متحملت حسيت رح ابجي كمت صعدت فوك كعدت بغرفتي طلعت كل اللي بداخلي

شكد نفسي احجي واشكي بس احس اني الغلط بكل هالقصة اني  تخلييت عنة

ماحجيت وياه ما خليتة يفهمني بساع ختاريت دراستي وتخليني عنة  عصرني كلبي من الذكريات

كمت غسلت ونزلت جوة جان جدو مسوي عزيمة  كالعادة كل يوم جمعة الكل ملتمين طبيت للمطبخ شفتة واكف يضحك وية سرى و اني شبت بية نار اباوع علية يضحك بكل قوتة ولا كان اني واكفة كبالة مشيت اخذت السجينة وركعتهة بالسنك نتبه علية وبتسم بتسامة جانبية

طلعت واني افور بداخلي  احس اريد افوت اجرة من شعرة واطلع

ملاك : كاعدين كلنا ورا الغدة نسولف كل مجموعة بصفحة جنت كاعدة بصف عمو علي وبصفي بيبي والباقين

جان تحجي بيبي بصوت عالي

الجدة :  سمعونييي

الجد: كولي ام عبدالله

الجدة: لكيت عروس لعلي

ملاك : علي راسن باوعلي وعض شفتة بتوعد ضحكت ودنيت من يمة

مصطفى : اي منووو بربج كولي.

الجدة : صديقةة ملاك  وباجر انشالله نروح نخطبهة

ملاك : والله لو نغم تدري هسة صايرا حديث الساعة بيتنة غير تنتحر

طبعا صارتت القصة من جتي نغم للبيت يمي بيبي استلمتهة تحقيق وحجت وياها اكثر ما اني حجيت وياها وضلت تباوع وتفحصهة عبالك دتشتري ملابس هههه

وكالت نخطبهة  حجت وية عمو علي جان يكول صغيرة ومرح ترضة لا تفشلون نفسكم

الجدة : ولويش مترضة شفايتلها تزوج واحد مثلك

علي : يمة هية مو شغلة نيالها وهاي الاشياء البنية صغيرة بعدها مرح تقتنع بية

الجدة : معليك انتة لتدخل

علي : يااا شنو مادخل جا منهو اللي حيزوج

الجدة : انتة كلتلي اذا لكيتي مرة بالشروط اللي خليتها زوجينياها وانة لكيت وحزوجك معليك انتة

علي : لا اله الة الله هوة صار الزواج عناد

ملاك : راح ويدردم واني خربانة ضحك علي بيبي متحلفتلة

وصدك ثاني يوم طلعنة ورحنة لبيت نغم امي وبيبي وعمة فاطمة  وعمة مريم

نغم : كاعدة اقرة قصة ومددة على القنفة ومبتسمة

ام نغم : ولججج كومييي لعبتيي نفسي بهالقصص كومي من خفة لهالوجه عايشة احلام  _ رفعت ايدهة للسماء _ باربييي كون تنطيهه واحد لا يودي ولا يجيب يعيشهة مثل الصنم بغرفتهة

نغم : هههههههههههههه ومنو كالج اني ارضة بهذا اللي دتحجين عنة  _ داحجي حان يندك الجرص

_اجة العريس يمة هلهلي هههههههههههههه

طلعت عدلت شعري وباوعت من الزرف نسوان فتحتهة نتبهت عليهن هاي ملاك وبيبيتهة وعمتها ومرت عمها بلعت رييكي وبتسمت عليهم فاتو  كعدت امي يمهم واني رحت احضر الضيافة واعرف سالفتهم شنو خطبة اكيد بس المن معقولة لاخوها بس هوة مو يحب بنت عمة نور كملت ورحت نطيتهم وفتحت الموضوع

الجد طة : والله يام نغم احنة جايين نطلب ايد نغم لوليدي علاوي  انتو هم تعرفو يمكن

ام نغم : والله نشترف ام علي وين نلكة احسن منكم وعلاوي اي فاروق يعرفة من بغداد جان هناك هوة وياه يشتغلون

الجدة : والنعم  منكم اي يعيوني علاوي اخاف نغم متعرفة دكتور عمرة 34

نغم : هزيت راشي مبتسمة احس احراااج متوقعت ولا واحد بالمية انخطب لعمهة علي

بس الصراحة هوة ضجان حلو من صدك  صحيت عليه ماما دتحجي وياهم بالكليشة العادية مال نشوف ابوهة واني اباوت لملاك بتوعد الحقيرة متحجي متكول

ضلو شوية وراحو واني تنفست براحة احس جنت مخنوكة

_ شكلها دعوتج جتي بمكانها

الام : والله خوش ناس ميتفوتون

نغم : ماما ترا كبير

الام : شنو الكبير شكبرة توة 34

نغم : ستغفر الله هسة شلون بلة كوة تريدين تزوجيني

الام : هاي قسمة اذا راحت متجي مثلهة بعد

نغم : الله كريم هسة هلي يجون بابا وفاروق وراها نحجي

ملاك : رجعنا للبيت وبيبي مكيفة وبس تبتسم

فات عمو علي على العشة وكلها تباوع بوجه وتبتسم

وكف صافن ويتلمس بوجه

علي : شبية وجهي بس شي

ملاك : جا غير اليوم خطبنالك

علي : هاا هيج الحجي اي بيهة الخير

الحدة : جا بيبي ماتريد تشوف مرتك

علي : الله كريم اشوفهة اشوفهة بس مو هسة

نور : لعد شوكت عمو بيوم العرس

علي : هسة انتو خطبتولي خلاص كعدو على صفحة وعوفني اني اهتم بالباقي

ملاك : الله اليستر ههههههه

خليل : صدك لسانج الله اليستر

مصطفى:  بيبي ديري بالج منة اخاف يروح يفركش الخطبة

الجدة : والله هاي الخطبة حتصير ورجلة فوك راسة مو هية بكيفة يفركش

علي : يعني حتى اذا واحد جان الة واهس بحجيكم هذا تخربون ام الواهس

ملاك : ضحكنة على حجية مادري ليش احسة مو من كلبة الخطبة مفرحان مدري ليش رغم هوة بارادتة كال  اريد اخطب

صعدنة فوك ننام تمددت وكعدت افكر بجراح ماعرف ليش اخذني التفكير الة بس فكرت

هاجت علية ذكرياتنة بطفولتي ليش هيج تغير ليش صرنة غربة من كبرنةزين ليش ليش ما تزوج لحد هاللحضة زين اني احبة لو لا

كل هالاسئلة جتي بالي ضليت افكر واسئل لحد ما راسي نسطر بس بالاخير نزلت مني دمعة غدر وية ابتسامة من رجعتلي ذيج الذكرى

ملاك : جلاح تحبنيي

جراح : ههههه من تكولين اسمي صح احبج

ملاك : ماعلف والله حباب حبني

جراح : زين كولي همبررررررركررررر

ملاك : همبلللللللكلللللل

جراح  : عهههههههههههههاي فدوا اروح لهالسان لج شسوي بيج اني

ملاك؛ لتسوي شي بس كولي احبج

جراح : احبججججج احبججج ام لسان

ملاك : اني هم احبك وابوسك من خدك

جراح : وهوة يمد خدة _ اريد بوسة قوية

ملاك : بستة قوييي _ احببك هواي

جراح : وانا اموتن بيج

ملاك : مسحت دمعتي وضحكت مددت واني اريد انام على اثر هالضحكة ماريد اتذكر اي شي

وصدك غفيت على اثرها

________

نغم : رجعو بابا وفاروق للبيت وفتحت ماما الموضوع

فاروق : واللله علي ذهب ماكو منة اني عرفتة صارلي سنة ماشفت منة اي شي موزين كل الناس تحمد بي وباخلاقة

الاب : وجدهم هم سمعتهم زينة اصلا ماكو داعي نسئل يعني يبقى الشور يم صاحبة القرار شتكولين بابا

نغم : بس بابا مو كبير

فاروق : يولي صاكككك والنبي لو تشوفي تنصهرين ههههه

نغم : هههه كبر

فاروق : وعلي الدكتورات بس يحومن داير مدايرة مثل الذبان

نغم : هسة اني شفتهمت

فاروق : اني دانطيج رايي يعني الولد جمال واخلاق وحالتهم كلش زينة يعد شعندج

نغم : سكتت ودنجت

الاب : خليهة تفكر بالموضوع فكري بابا عندج كل الوقت

نغم : تنفست براحة احس فاروق ضغط علية تعشينة وصعدنة اتمنى اكعد ويا واشوفة احس هالشي الة تاثير على الاقل  اعرفة شنو هوة

بس ماعتقد يرضون

علي : مددت على الجرباية ومر طيفهة كبالي ماعرف شنو الخلاني هيج اتعلق بيهة بس احس مو بيدي

رجعت ذاكرتي لملمس ايدهة وبياضها  وخزرتهة  بتسمت واني ارجع اتذكر رزالتها ماعرف شنو الخلاني اتعلق بيهة لهالدرجة  يمكن حبيتهة اي حبيتهة بتسمت وغمضت عيوني واني اراجع صورتهة بالي

بس فجا صحيت على الواقع وشفت نغم  ختفت بتسامتي ماعرف ليش  اتخذت هالقرار بس ملحت امي وضغطهم حتة اتزوج هوة اللي جبرني ياترى راح انسعد وياها

البنية حلوة هواي  ومناقصها شي بس اني مدري شجاني

حبيت هالبنية اللي ماعرف شي عنهة

غفيت واني اكول يارب  اكدر انساها واعيش واكمل حياتي وية نغم

___________

ملاك : ورا اسبوع تقريبا ردو اهل نغم موافقة واتني طرت من الفرح اول ما اجة عمو علي من الشغل وكفتلة بالباب مبتسمة

علي : خير شنو سر هالابتسامة

ملاك : وافقوووو
_ ملامحو بهتت وختفت بتسامتة بس حاول يعدل وجهة وكال

علي : بيها الخير شو شوية افوت

ملاك : ضليت مصدومة من ردت فعلة   شبي هيج ضاج احسة ابد مفرحان ضلت هالشغلة بالي وتاكدت منهة من ضل عمو علي اليوم كلة ضايج رغم شقة خليل وشلون يداهر بي بي هوةة بس يبتسم

جدو كال الجمعة نروح مشية ونقرا الفاتحة ونحدد موعد للعقد

راحو الجمعة مشية عمامي ونص العشيرة راحت حجت وتفقو على المهر وقروا الفاتحة ورجعو اول مفاتو  عمة هلهلت باوعت على عمو علي اللي جان لابس بنطرون كحلي وقميص ابيض  بتسم وكعد

_ هااا شصارر

خليل : ولج اسكتي عمج رفعلي ضغطي  اكلةةة كوم اركص حتزوج وهوة كاعدة وصافن

جراح : اي مو هوة ملطلط مثلك

خليل : اني وجاري شدخل حماري

جراح : بخزرة هاي عليمن

خليل : على مصطفى حجة هواي بالكعدة

مصطفى :  اي واضح علية

جراح؛ عيدهة مرة ثانية حتى العب حزاتم ابوية على عضامك

ملاك : كالها وراح وخليل واكف خايف ضحكتت قوي على شكلة _ ها يالسبع احجي

خليل : ربي اني ضمسوي و وخليت  اخوية جراح اشو حتى طلعت من بطن امي بسرعة لا عذبتهة ولا سويت شي ليش صرت اخو

علي : هههههههههه طيح الله حضك

خليل : هلهلي ضحك عمج

علي : شكد عار انتة وخر من وجهي

ملاك : صعد فوك واني لحكتة

علي : شكو

ملاك : شبيك علاوي

علي :شبية

ملاك : شو ضايج شنو مفرحان

علي : ليش لازم اهز جتف يلة تشوفوني فرحان

ملاك: لا بس احسك مضايق كوة تضحك

علي: متوهمة بس ضغط الشغل شوية

ملاك: هممم يلة يروح ضغط الشغل من تشوف حبيبة الكلب

علي: هههه منين متعلمة هالسوالف ولج شو صايرا مستهترة انتي

ملاك: رفعت ايدي باستسلام _ معلية اني هاذا حجي خليل ههههههههه

علي: ادري بسوالفة هههههه

ملاك: مو تزوج وتنساني

علي: انتي هنا مكانج _ اشر على كلبة

ملاك: فدوا اروح اني لكلبك الحلو

علي : هههههه روحي يلة اريد ارتاح

ملاك : اوكي عادي واذا نطردت عادي مو شي مهم ههههه

علي : امشي ام لسان طلعي ههههه

ملاك : طلعت واني اضحك صعد جراح صار كبالي دنجت راسي ومشيت جان يحجي

جراح : هاي صديقتج منين من يا كلية

ملاك : ردت اكلة انت وين عايش  بس تذكرت هوة جان بغداد طول موضوع الخطبة والبارحة يلة رجع   صايرين منشوفة ابد حتى جاسر همات نضم الة وصارو نص وكتهم يكضو بغداد

صحيت من صفنتي وهوة يحرك ايدة كبال وجهي

جراح : وين رحتي شكتلج اني وصفنتي

ملاك : لا لا نسيت اه من كلية الصيدلة

جراح؛ وية نور

ملاك : لا وياي بالجامعة بس بغير كلية

جراح : رفع حاجبة _ وانتي وين شفتيهة

ملاك خ؛ شفتها بحديقة الجامعة

جراح : اها كتيلي الحديقة وشمطلعج للحديقة مو عندج كلية

ملاك : طلعت اشتم هوا لو ميصير اشتم

جراح : يابوي شتمي ليش متشتمين بس لتعيديهة بعد ماشي لان لا عبالج ناسيج وشايل عيوني عنج كعدي بكليتج اسكتي وبتعدي عن هذا حازم  ترا تصير مو زينة وياه ووياج

ملاك : فات للغرفة واني ضليت فاتحة حلكي مصدومة هذا شمدري بحازم  عزا يعني صدك يراقبني مشيت لغرفتي واني مسطورة يمة هذا جراح داهية والنبي  نمت واني اضحك على حجية   هية رزالة بس مدري ليش ضحكت عليهة .......

يتبع.....

__________________

اتمنى يعجبكم البارت 💕

انتضروني بارت جديد 💕

#الكاتبة : yaqeen. Hassan
#مـلاك _ الـشيـخ _ جـراح