وجهكِ
فكرة مثالية جداً لتكون آخر ما تراه عيني قبل أن تُسدل الجفون...
لتنسون النجمة وعلقو على الفقرات 💕
#الكاتبة : yaqeen. Hassan
#مـلاك _ الـشيـخ _ جـراح
#الجزء الثاني 11
مريم : دخل بطولة الحلو لابس القاط وعطرة يسبقة
من اوصف جمالة احير بشنو ابدي بس هوة جميل لابعد درجة
كلشي بي مثالي وكلشي بي حلو
احسد نفسي لان رح ارتبط بشخص مثلة شخص متكامل ويحبني هذا شي مو سهل ان نلكاه
وكفت اني والبدلة مالي نضرلي باعجاب والحب والاشتياق يطلع من داخل عينة كأن يكلي يافرحتي شسويتي بية
بتسمت وهوة بتسم تقرب مني باس راسي ولزم ايدي بقوةة وميريد يتركها
لحضات جانت اجمل وياه وكملها هوة لحضات تنطبع بالذاكرة ومتروح لان جنت بيها فرحانة
عمري وحياتي تمر كلها وما اكدر اوصف الاحساس بهاليوم جان احساس يخبل
يخليني بكل لحضة اباوع علي ابتسم واكول هنيالي بيك
بدلنا الحلقات وهمة يصورون واحنة لحد هاللحضة بس عيونة اللي تتلاكة
وتحجي وتعبر عن الحب
جرونا نركص وياهم واني مبتسمة وخجلانة
وهوة محرج لان النسوان محاوطاتة من كل مكان
ركصنا شوية وهوسن هواي
وراها دخلو اهلي ودعتهم بالبجي الدموع
بعد كل هاللحضات الحلوة جانت لحضات مؤلمة انو افارقهم وجنت طول هالفترة اوهم نفسي وانسيها حتى لا ابجي
بابا جان كوة ضام دموعة حضني وهمس باذني
الجد : اهخخ ياتعبي ويااخر ثمرة مني الله يسعدج بحياتج وكون البسمة ماتفارك وجهج الحلو انة بضهرج وسندج واي شي تحتاجينة انة يمج بس اشري
مريم : جاوبتة بدموعي وهزيت راسي
طلعنا من البيت ركبنا السيارة واني امسح بدموعي
فاروق؛ كل هالبجي لانج جاية وياي وين ماخذج بوية للمريخ
مريم : رغم بجيي بس ضحكت وخليت ايدي على حلكي من طريقة حجية
فاروق : اييي هنا ترد الروح والعافية
مريم : باوعتلة بابتسامة خجولة حرك السيارة وشغل اغاني وهنا راح وحاجز الغزل كمت اصور واضحك حرفيا الونسة بالسيارة ماعرف وين رحنا اصلا بس جنت ومندمجة ويا
ساعة من رومانسيتة وساعة ضحك وتحشيش
وصلنا للفندق نزلنا وصعدوني للغرفة وهوة جوة يم جماعتة
نتضرتة شوية وصعد والبنات نزلو وهوة سد الباب مبتسم واني جاني مغص بطني حسيتة عصرني عصر
كومني وباسني براسي وشم جزء من شعري
فاروق: مبروك يافرحة فاروق وعمرة
مريم : الله يبارك بيك
فاروق : باوعيلي شو اشوف هالعيون الحلوة
مريم : رفعت عيوني وباوعتلة مبتسمة تنهد وباسني بخدي
فاروق : اووف بوية شنو هاي صار طعم طحين بحلكي شخالة لوجهج
مريم : فتحت عيوني مصدومة من حجية _ عزاا شحاطة مكياج غير
فاروق : ابوية هذا طحين مو مكياج مسوية وجهج شنكة مال خبز
مريم : فارووووووق
فاروق : ههههههههه اشاقة يروحة لفاروق لتاخذين بحجي
مريم : هاي انتة دائما تحجي وتخبلني وتكول ااشاقة
فاروق : جا منو عندي غيرج اشاقة وياه
مريم : دنجت راسي وهوة همس
فاروق : نداري افتحلج السحاب
مريم : احم اني افتحها ميحتاج
فاروق :خوش براحتج
مريم : بتسم واني مشيت رحت للحمام فتت ونزعت البدلة لبست السيت وطلعت واول مطلعت لكيتة بوجهي مبتسم
فاروق : جوعانة
مريم : ايي حييل
فاروق :تعاي جابو العشا
مريم : لزمني من ايدي وكعدنا ناكل بهدوء حجيت شوية اكسر الصمت _ نغم وين ليش مجتي
فاروق : حامل
مريم : هااا
فاروق : اي حامل بشهرين ونص
مريم : عزااا منينن_ باوعلي وخزرني
فاروق : شبيج يعني منيين غير من اخوج المصون
مريم : وليش مكالت يعني يعني علي ميدري هوة حيصير اب
فاروق : ولا رح يدري محد يعرف بالسالفة
مريم : اذا درة علي يرجعها
فاروق : لهذا السبب انتي مرح تحجين ماشي من تولد يلة يعرفون بوكتها ويطلكها
مريم : ضليت مصدومة وصافنة متوقعت هيج السالفة هية وحتة بالحنة ما جتي كالت متخربطة يعني هذا السبب
فاروق : عوفي الموضوع هذا تعاي نرجع لموضوعنا
مريم : بغباء_ ياموضوع
فاروق : موضوع ابوية تعاي ندرسة سوية
مريم : ضليت صافنة افكر بحجية جان ويتقدم يبوسني فجا ضليت مصدومة هنا وبدت ليلتنا اللي نتهت بكوني مرتة شرعا وقانونا
__________
نور : من ورا عرس عمة مريم رجعنا للبيت
صعدت لغرفتي ابدل ونزلنا نفرش للخطار
بنهاية الليلة تقريبا ب11 كلها نامت وبفراشها من التعب
وصلتني رسالة من ملاك
_ تعالي للمخرن بسرعة عندي موضوع وياج
نور : ستغربت منها شبيها هاي
مشيت ورحت للمخزن فتحت الباب بهدوء اباوع ضلمة اول مشغلت الضوة
نصدمت صدمة تسوة عمري كلة
لكيت جاسررر واكف بعدة بملابس العرس القاط الاسود وية الرباط الاحمر وشايل بيدة ورد احمر
والمخزن بي ضوة احمر مثل النشرة ضليت مصدومة وجامدة بمكاني حسيت الباب نسدت وراية باوعت من الشباك ملاك نهزمت يعني سدتها رجعت باوعت علي بتسم وتقرب مني
واني رجعت ورا خايفة يمكن اي خايفة مدري شبية ولا كان هذا جاسر اللي رباني السنين اللي مر سوة بينة حاجز كبير وصار حالة حال ولد عمي الباقين
جاسر : هواي حجي عندي ماعرف من وين ابدي بس اول شي ابدي ب مشتاقلججججج حييييييييييل يانور دنياي
نور : همسها بهدوء وية بحة صوتة صارت خيال عبالك حسيت كلبي يدك قويييي من الرجفة والحب
تقرب مني اكثر مدلي الورد
جاسر : اللي اعرفة عنج من عشاق اللون الاحمر ف تقبلين مني هاللورد اللي يشبهج
نور : جانت تنطبق علية مقولة مصدومة بكد ومش بنطق
جنت ارمش واكول معقولة هذا حلم لو صدك واقع مستحيل يكون واقع هذا مو جاسر
جاسر : لتصفنين انة حقيقة تعاي كعدي خلي احجي وياج
نور : جرني من ايدي وكعدنة على القنفة خلة الورد بحضني وجهة كدام وبدة يحجي
جاسر : منين ابدي اعرف اعرف كلشي نور اعرف شكد تاذيتي مني وبجيتي ونقهرتي وكرهتيني اعرف هالشي
انة غلطان من السما للكاع واعترفلج بغلطي جنت واعمى وماعرف شسوي جنت اثول كولي اي شي
وانة راضي لان كل انواع الغباء مرتبطة بية
غلطت بحقج هواي وهواي ومو هين غلطي ضيعت سنين من عمرنا باغلاطي وحملتج ذنب كلشي واذيتج بحجيي
ماكو كلمة توصف ندمي بعد حجيج اخر شي بيناتنة صحيتيني لواقع
كان ضربة انقذتني من سبات عميق
نور كلشي جان اضلم بحياتي جنت اضن النور اللي جان مضويها راح وقنعت نفسي ان خلاص ماعندي شي وياج من يوم اللي فضلتي كليتج علية
فحقدت عليج وكرهتج
تنهد _ اسفة هواي غلطان وندمان بكد شعر راسي حاولت هواي احجي وياج بس مكدرت بكل مرة يضيع الكلام بس من شفت اليوم زواج عمة مريم تحسفت على ورحي وعليج ليش دنكضي حياتنة بهالزعل وبهالكره
ليش منضحي لحبنا ... وهاي انة جاي اضحي نور انة جاي اعترف انة غلطان
اتمنة تسامحيني ونبدي بداية جديدة انسيج بيهة كل اذية خليتج تعيشي بسببي
نور : وكعت دموعي وبدت شهكاتي تعلى _ اني مجنت انقهر وابجي بسببك ولا انتة سبب اذيتي
بكل السنوات المرت جنت الوم بنفسي واكول اني غلطانة اني اذيتة
كل هذا باللي جنت اعيشة جنت اني السبب بي
خليتني اذب كل الندم لنفسي وابرئك من كلشي
باوعتلة وشهكت وكملت _ دائما جنت انتة مضلوم بالنسبة الي واني ضلمتك
من حجيك واللي شفتة منك جنت اكول اي اني اللي اذيتة هوة ما اذاني هوة بس جان يحبني ويخاف علية
اصعب الاحاسيس هية لوم النفس ضليت سنين الوم بنفسي وكل ماعيني تلتقي بيك احسها تطعني الف طعنة وتكلي ضيعتي من ايديج ككسرتي وهوة حبج
بس باخر فترة وكفت وية نفسي وكلت هوة الغلط لان لو شكد ما جان غلطي مرح استاهل السويتة بية والبعد اللي عيشتنياه
جنت دائما اتمنى اجي واعترفلك بكلشي واحجيلك بكلبي بس بنضراتك جنت تخوفني
تدري بيوم الوكعت من الدرج وصحيت شكد جانت فرحتي جبيرة من شفتك بجيت علمودي
لو من جبتلي الككو وصرت قريب مني
لو الدبدوب مال عيد ميلادي كل ذني الاشياء جانن املل يتجدد بداخلي بس ورة فترا الكاك نفسك عبالك جنت منوم مغناطيسيا وسويت هالاشياء وراها صحيت للواقع
ليش جنت تسوي هيج رغم ان مراتت عيونك تفضحك هواي
جاسر : كرامتي هية الي تسوي هيج بس اتذكر ان انتي رفضتيني اصحة للواقع واتذكر حجيج وكلاامج
نور عوفي كلشي مضى خلينة بهالايام محد ضامن عمرة وانة ماريد اموت وانتي بحسرتي اريد اعيش وياج احلى الايام اخذج واطلع بيج قهر سنيني واشتياقي مكان بي اني وانتي بس ونكعد نشكي همومنا واحد للاخ نعتب ونبجي سوة ومنستحي
_ مد ايدة _ خلي ايدج بايدي اذا تردينة نرجع مثل قبل نرجع هاي السبوعين اللي عشناها براحة سوة
نرجعها ونرجع نعيشها بايام احلى واحلى
نور : باوعت لايدة والة وعيوني حابسة الدموع بيهة كوة خيار صعب
مدري شبية ضليت وصافنة ولج هذا جاسر اللي سنين تمنيتي يسامحج وترجعون سوة وهوة هسة عتذر منج ومدلج ايد العون
مديهة ونجبي
باوعتلة بعينة وتعمقت بيها شفت الصدق ولاول مرة وهيج اتعمق بعين شخص
جان جدو يعلمني هواي على هاي الشغلة انضر لمكان محدد بالعين ويجيني احساسة
شفت الندم والحب والخوف
واهم شي الصدق
شعور حلو مر بداخلي شعور نساني كلشي وخلاني ارفع ايدي
واعانق ركبتة قوي حضنتة واني بحجةالتنفس استنشق عطرة
حسيت نفسي طرت وفرحة تسللت لداخلي
مسحت شكو بقايا حزن ووجع بداخلي
بكلبي
نبنة
حلم
وامل
جديد
خلاني احيى من البداية.... لف ايدي علية وحضني اقوة بحيث عضاميي شوية واسمع طكطكتها هههه
بس شكد جانت لحضات حلوة
سكتنا بيها ودكات كلبنة هية التحجي
هيج ضلينة تقريبا دقائق
بعدين فتحت عيني واني مبتسمة شوية وصحيت للواقع
فتحت عيوني بقوة ودفعتة من صدرة
هوة فز عباللك جان نايم
جاسر : شبيج يول
نور : كمت وكفت واعدل بشعري _ احم رح اروح اه شكرا اه اقصد باي
جاسر : ول ابوية اهدي هيةحضنة جا البوسة شتسوي بيج
نور : نصدمت وركضت برا الغرفة
ركض لغرفتي طايرة
وكلبي يدككككك عبالك مسوية مكسورة باوعت من الباب طلع ويضحك
ويمسح بلحيتة سديت الباب وضحكت ممصدكة
كمت اكمز وكاتمة عيطتي كوة عيوني دمعت من الفرحة
فرحانة هواي حسيت هيج هم ونزاح عن كلبي من سننيييين
رحت نمت بالفراش فرحانة ولاول مرة من سنين نمت فرحانة ومرتاحة
_______________
ملاك : طلعت من الحمام انشف شعري
وميتة تعب
رحت ركض كمزت للجرباية بصفة
جراح : علكيفج بوية علكيفج هالجرباية حتنكسر من ورة كمزج
ملاك : فدوة اليييييي
جراح : ذراعج يجيب ويخلي ويشكلها
ملاك : هااا تستخسر بية جرباية
جراح : اي مو هية كاروك
ملاك : جرااااح
جراح: ههههههه جيبي المشط وتعاي
ملاك : ماااا _ كمت مطنكرة رحت امشط كام علكيف تقرب بهدوء
جرني من خصري
جراح: بوية اشاقة وياج بساع تطنكرين شبيج
ملاك : انتة صاير متحبني
جراح: ملاكككك رجعنا للنكد شكلتلج انة
ملاك: هوففف الحياه ملل بدون عرايك ونكد
جراح : هههههه تعاي ام راس هوة انتي بالعرايك بس لسان ماكو اي شي لا قوة ولا طول
ملاك : لساني بميت رشاشة
جراح: بهاي صدكتي
ملاك : شنو قصدك اني لساني طويل
جراح: هييي هييي علينة اليوم سهرة صباحي
ملاك: كلي شنو قصدك
جراح : مقصدي شي تعاي بلة
ملاك : شالني واني حضنتة _ حباب خليني انكد عليك
جراح: ماكووو اطلكج هسة اذا نكدتي
ملاك : هئ وانتة من اول نكداية تريد تطلكنييي وسفةة
جراح: بوية شبيج انتي اليوم شماكلة سطرتيني راسي ياذيني وعلي كافي سكتي
ملاك: داحجي توني ذبني على الجرباية وباسني خلاني انسى السالفة وابوها وامها
جراح : هاي احسن طريقة تسكتج يلة خليي ننام تعبان
ملاك : ههههه تعال _ فتحتلة ايدي نام عليهة وامسح على شعرة خطية غفة بساع واني هم
غفيت
بس ريتني مغفيت
نفس الغرفة ونفس مكاني
باوعت لهيب النار فات مرة ثانية وبيدة البنية اللي ذيج المرة
جانت ضعفانة اكثر وروحها رايحة بين ايديه
فات واكو تابوت نفتح وشمرها بي
وسدة وصارت حالها حال اللي باقين اللي بالتابوت اني جنت بدون شعور عبالك اباوع مسرحية وما احس باي شي
راح من يمها للجدار لمس الصورة حتركت وضلت نارها تاكل بالصورة اكل
محسيت غير ندار علية وجانت عيونة مرعبة لدرجة متنوصف ولا تنكتب بنضرة شهكت مرعوبة من وراها وهالمرة كمت على حيلي عبالك انهزم من الحلم
ايدي وكلبي وجسمي كلة ويرجف وحتى شفايفي
جراح فز وياي
واني باوعتلة وشهكت بالبجي وكمت ابجي بهستريا
من الحلم حضني ويمسح على شعري
جراح: اشش شش كابوس يروحي مر مر وراح لتبجين كافي
ملاك : مهتميت ولا سمعتة نضرة عيونة وكبالي بعدها خلتني اعيش انذار
حار شيسوي وياي واني ابجي بهستريا ومداسكت
جراح: شسويلج ياعيني باعيليي ملاككك
ملاك: غطيت وجهي وابجي وارجع ليورة محسيت غير راح من الغرفة حسيت رتاحيت وجزء من خنكتي راح
مسحت دموعي واني اشهك وجسمي يختض شربت شوية مي
محسيت غير فاتت ووياه بيبي وعمة فاطمة
اني شفتهم ورجعت ابجي جتي بيبي حضنتني وتمسح على راسي واني حضنتهة قوي وعمة تقرة ايات بصوت علي وتصلي على محمد
الجدة : كليلي يمة شفتي كليلي
جراح :ملاكي كليلنة حتى نساعدج بعد متخافين فدوة اروحلج احجي
ملاك : حجيت الحلم واني اشهك واتأتأ بيبي باوعتلي بنضرة متطمن بعدين ستغفرت بصوت ناصي وكالت _ قارية شي رعب شايفة فلم
ملاك : ا اي ششفت فلم رعب
الجدة : جا لتخافين هاي صارت بيج رهبة من الفلم جراح روح جيب بطل المي بكنتوري مقري علي
جراح: ماشي
ملاك : راح يجيبة وهية ضلت تقرة ايات على راسي شوية واجة فتحت البطل وغسلتلي وجهي وشربتني منة مددت وكامت تمسح على شعري وحلكها موكف من الايات تعبت ووبديت اغفى لحد ما نمت تماما
___________
مريم: صحيت الصبح نايمة جوة ايدة بحيث المخدة الة واني على ايدة مدحوسة شكلي يضحك
بتسمت وكمت على كيف لبست الروب واني اتذكر الليلة مال البارحة
واموت وخجل واكول شون سويت هيج
غسلت ولبست دشداشة طلعت انشف بشعري بالخاولي
باوعت الساعة ب10
من صوتي وتحركي كعد عقج وجهة وغطة راسة
فاروق : طفي الغضب دانام
مريم : ساعة بالعشرة اكعد خلي نروح
فاروق : طفي لا اكوم اكتلجج شعندي من الصبح معرس
مريم : فاروق حباب كوم جعت والله خلي نرجع
فاروق : اخذج نروح للمحكمة اطلكج وادزج لاهلج تاكلين هناك
مريم؛ : اوكي موافقة _ رفع اللحاف من راسة رافع حاجبة بعدين خزرني يمة نخلست من خزرتة
فاروق : عيديها وحتة اكوم اسويج نصين طايحة الحض موافقة ماصدكتت عبالك لازملها الطبر
مريم : كام وهوةة يدردم واني صافنة علية فات للحمام وكعدت اضحك يمة متت ضحك على وجهة شون متنرفز
فاروق : جاي اسمعججج ترااا مو حطلععع مرح اعيش بالحمام حضري روحج
مريم : ضحكت ولملمت الجرباية عدلتها وهوة طلع بس بالبجامة وخازرني وينشف بوجهة
مريم : ركضت حضنتة من ضههرة _ شنو زعلت
فاروق : على طياح حضج اي ازعل
مريم : جا انتة مو كلت اطلكج سهلة عندك
فاروق : انة اشاقة
مريم : يااا عساس اني صدك شبيك والله مو قصد اني هم اشاقة
فاروق : دنج راسة _ راضيني يلة
مريم؛ شسويلك
فاروق : مراضات المزوجين ماتعرفيها
مريم : لا شنو _ ضحك ووجهة بوجهي لزمني قوي من وجهي حسيتة جعص وجهي جعص ويبوس بية
فاروق : وج شون بيج شونن وية فهاوتج
مريم: جعصني جعص يلة عافني _ اوييي وجهي فاروق شهالعنف
فاروق : اوييي حسنية ضاجت
مريم : ضحكت ودرت وجهي مأيسة منة عندة سوالف تموت ضحك مرات احسة معاشر حجيات بغداديات ولان هاي سوالفهن
بدلنة وطلعنا رحنة لبيتهم تلكونا بالهلاهل واهلي جانو موجودين وجايبين ريوك
تريكنا سوة وراها راحو بقوة كرايبة
رحت يم نغم متحلفتلها
نغم : شبيج يمة جاية هدادة
مريم : كباللييي كبالييي للغرفة
نغم : ترا حامل هااا طفل
مريم : امشييي _ سحلتها للغرفة وسديت والباب _ ياكلبة ياحيوانةةةة ياحقيرة لج انييي تضميننن عنييي
نغم : مريم بربج لتجيبين هالطاري فرحانين واللله وضميت لان خفت يسمع علي بالغلط لو شي واله مو شغلة ما اثق بيجن
مريم : وشون نطاج كلبج تسكتين
نغم : جنت احوص واكول خلي اكللهن بس اتراجع نجبي وهسة عرفتي خلاص
مريم : يمااااا حصيررر عمة
نغم : عمة عفطية ههههههههه
مريم : حيوانةةةة
نغم : امشي يلة روحي لاخوية هسة مفتقدج
مريم : هههه تماام _ عفتها ودافوت للغرفة للغرفة سمعتة يحجي بالموبايل وجذبني كلامة
_ لا ياباشة محد يندك بيك.... خلي امرك يمي ومعليك باي شي
. ايي يفداني الكون واهلوو كلهوم..... هههههههههع لاع يابة شساللفة ييي عموو خلاص كلشي سويتو انا محد حيسوي ولا يخطر على بال احد ييي عجل انا هين.... يلة استودعك فيمالا
مريم : الحديث غريب ولهجتة اغررب جان يحجي انباري ويحجي بطريقة مدري شلونها
فتتت واني مبينة علامات التعجب على وجهي
باوعلي ومتاثر وجهة طبيعي
فاروق: تعاي حبيبي
مريم : منو هذا اللي حجيت وياه
فاروق :صاحبي
مريم : حجيت وياه بلهجة غريبة
فاروق : اي مو هوة انباري وميفهم هواي بلهجتي فتعلمت منة وصرت احجي مثلة
هسة عوفينة منة تعاي اكلج شي
مريم : اجة جرني من خصري ويشم بشعري بعد ما وخر الشال
فاروق : راحتيي
مريم : روحها
فاروق : شتاقيتت حيل
مريم : بعدني متاذية والله
فاروق : زين ماكو مقبلات منا منا شون مطعم بدون مقبلات
مريم : هههه عدنا منيو متوفر شتريد كلي واني اكلك اذا اكو لو لا
فاروق : مممم حضن
مريم : متوفر
فاروق :لعد سجليلي منة وجبتين
مريم : تمم ههههه
فاروق : وبوسة
مريم : حدد وين
فاروق : شفة
مريم : للاسف ممتوفر
فاروق : ركبة
مريم : نووو
فاروق :خد
مريم : اخر طلب متوفر هههه
فاروق : جا شمتوفر بوسة رجل
مريم : هههه لا بوسة راس
فاروق : وشحتسويلي بوسة راس بلة
مريم : تزيد الحوووب
فاروق : الحوووب مرة وحدة
مريم : ايي الحوب ههههه
فاروق : دتعاييي ماخذج على كد عقلج ومسايرج انتي مو مال عيني واغاتي
مريم : ههههه لا حبااببب
فاروق : تعايي تعايي يلة
مريم : شمرني على الجرباية ويضحك ويحضن ويبوس بية
فاروق : واللله لطلع القضة والمضة عليج صبريلي
مريم : هههههه اخذ مقبلاتة بعد ما زوركني من العض
كعدت مطنكرة
فاروق : شبيج عود يعني زعلانة
مريم : اييي شنو هايي ايدي ماحس بيهااا
فاروق : جا غير اكزكز شسوييي
مريم : لعد اني هم منا وغاد اكزكز عليك
فاروق :افيشش نيالي اذا تكزكزين علية جا متكزكزين يلة انتضرج
مريم : مااااكووو مستهتررر تفكيرككك شاطححح
فاروق :هههههههههههههه انتي حجيتي شعلية اني
مريم : وانتةة تصددكنييي بساااع مااا انتة تفكيرككك سيئ
فاروق :اوووي سيئ سندسسس
مريم : ههههههههه يمةةة فاروققق كافيي هههههههههه
فاروق : شبيج
مريم : لهجتك هاي تضحكك
فاروق : هههههه ترا اني ماحجي ابد بهاي السوالف كبال احد لتحجين لاحد
مريم : لا لا ههههههههه
فاروق : يلة امشي ننزل
مريم : يلة _ لزمني بايدي ونزلنا سووة
نغم:ورا زواج فاروق ومريم ب3 ايام داومت وكفت انتضر الخط وميتة برد لبست الكنتور كلة وبردانة
خشمي صاير احمر ومدري شبي بس هوةة يبرد من وجهي احسة يجمد هههه
باوعت بالشارع الثاني بياع لبلبي فاتت ريحتة لخشمي متحملت متتت علي
عبرت شتريت بكاسة ورجعت لمكاني اكل واني فرحانة اكثر شي مفرح بهاي الفترة هوة من اتوحم علي شي واكلة احس راحة نفسية
اني اكل واستمتع حسيت بخيال
فوك راسي
من العطر حسيت بي هوةة رفعت راسي وشفتة صافن علية مصدوم وعينة على بطني
لان لبسي مبين بي الحمل ممشترية اشياء عريضة هواي
هنا رجف كلبي خفت من اللي حيصير وخفت من اللقاء خايفة لا شوقي يخليني احن واضعف
علي : ح حاملل
نغم : كمت وكفت واني دموعي كوة حابستها مشيت من يمة لزم ايدي
نترته بقوة بحيث انصدمت منين جتني هالقوة
علي : هايي شبيججج
نغم :لتلمسنييي ودير بالككك تتقرب منيي
علي : تعاي امشي. كبالي لا افضحج فضيحة حامللل نغمممم شوكت جنت ناوية تحجيين
نغم : لتعيطط نصيي صوتكك
علي :اعلييي وغصبا عليججج مرح اخاف منججج انة
نغم : علي حسك بعيد عني لتجيبلي شبهة رجاء
علي : ليش شايلة الحلقة لهالدرجة مستخفة بللزواج مالتنة
نغم :اي زواج تحجي عنة شبيك انتة اني ميربطني بيك شيي ومستحيل يربطني شي ثاني
علي :نغم امشي. كبالي للسيارة امشييي
نغم:ما امشيي لتخليني اعيط والم عليك العالم
علي : اي واطلع العقد هياتة بجيبي ترا لتحاولين
نغم : عوفنيي مكفاك السويتة وبية عوفني بحالي
علي : امشي كبالي
نغم :جرني من ايدي بهدوء عكس العصبية اللي بوجهة ركبت وهوة ركب تحرك بالسيارة وساق سريع _ علكييفكككك شبيكككك ادوخخ
علي : اي هذا وحام لو شنو
نغم :معليكك انتة علييي معليكككك انتة ختتاريت وتعيشش حياتكك وية مرتككك خلي هية تخلفلك ابنيي محد ياخذة منييي واذا تاخذة على جثتيي بسسس
علي : اذااااا حاجيةةةة جان اخذتةةة انةةةةة ليش انة لهالدرجة كو..... واخذة منجججج بس ضامة السالفة تجيبيننن وتسجلي على اسممم منوووو كليليييي
نغم : عل اسم ابو اللي ماقدر امة وخانها
علي :لتربطين سالفة بسالفة
نغم :انتة هسة شتريد ماخذنييي ي يلة انييي حامللل رجعني لاهلي
علي : اي مو هية سهلة ابني ينولد ببيتييي وانة اكون اول الناس اللي الزمة مستحيل اخلي بعيد عنييي
نغم: علييي بلااااا خباللل مارجعععع لذاك البيتتتتت بابااا اذا درةةةة والله يرفععع عليك دعوةةةةة
علي :خلي يرفع ماخايف انة ابني ومرتي اريدهم بيتي لا عيب ولا حرام
نغم : عوفني اعيش حياتي لتسوي هيج بيةة والله مالي طاقة ليش تاذي الطفل وهوة بطني
علي : بشنو ااذي بلة ابنيي ورايدة يمي
نغم : والانسانةةة اليي شايلتة انييي شنووو شعوريييي وانتةةة تريدددد تكعدنييي وياهاااا ولا هم خلينة بنفس الغرفةةة ةاذا تحبب
علي : صمييي حلكججج وكافييي عياططط ساكتلج لان حامل
نغم : لا والله سويت فضل علية ما انساه
علي :نغمممممممممم كافيييييييييي
نغم : نخرست من عياطة لا هنا خفت سكتت واعصابي ترجف من القهر والعصبية محسيت غير احنة بباب بيتهم غير تخبلت وتوني اعيط بي نزل وفتر فتح الباب وجرني
علي :امشيي
نغم :ما افوتتتت لهالبييييت علييي متسحيللللل
علي : تمشينننن غصبننن ماعليييج لتخلينييي ارتكببب بيج جريمةةة امشيييي
نغم: جرني من ايدي واني او دفع بي ومستمرة ومقاومتة فوتني للحديقة واني ادفع وبايدة وهوة ايدية نابتها بايدي
ديفتوني للبيت وعطت _ عمووووو جاسررررر جرااااح عمووووو لحكولللييي
علي : نغممممممممم
نغم؛ سكتتت وايدي لازمتها وفوك ايدة بوجع على صوتي طلعو من الديوان جراح وعمو
الجد : ولكككك علييي شبيكم فضحتوناا
علي : ماكو شي يابة
نغم : اريد افلت وايدة مني باوعت لجراح
جراح؛ عمي ايدها شبيكك حتفصخها
نغم : عافني واني ركضت يم ابوه _ عمو ترضاها كبال الكلية واجاني يعيط ويصيح فضحني وحسيوي علية شبهة وفوكاه يكلي تضلين يمي وجابني سحل
الجد : امشو للاستقبال جراح روح يم الناس
جراح : نشالله
نغم : مشيت وعلي يخزر بية فتنة للاستقبال بساع عمو طردهم جانو الجهال سرى وحوراء بتسمتلهم وهنة طلعن
كعدد عمو واني وين وميروح وراه بالاخير عاط بية
الجد : ول بوية ثبتي جنج بزر قابل حياكلج اوكفي بصفة اشوف
نغم : دنجت راسي ووكفت يمة
الجد : بلة متستحون شطولكم انتة حتطك الاربعين وانتي فوك ال25 بهاي سوالفكم لو احجيها لللجهال يضحكون
انتة شبيك هوة هيج مثل المهتلف رحت بنص الجامعة تعيط وتصيح شبيكك منوو يمككك
علي : يابةة حامللل ومتحجييي
الجد : اييي حامللل وحجتليي اليي لان انتة مو ادمييي جان جبرتها ترجع ومستحيل اخليك ترجعها لان انة ما ارضاها على بنتي فمارضاها عليها ولا ابوها اليرضة بهاي الحالة شحتسوي
علي : وتضممم عليةةةة يعنيي انتة مشجعهااا ونشاللله جانتت ناوية تسميي بغيررر اسمييي
الجد : لتجفصصص ابنكككك محد يحرمك منة بس انتة تزوجت وهاي عايش حياتك وية مرتككك هية منو الهةة غير هذا الطفللل هذاا سندهااا
تريد تشوفهة تروحلها تشوف ابنكك بس مدام اهلها ولا هية الراضية مرح ترجع
علي : يابةةة تشجعها انتةة مرتييي اريدهااا يمييي
نغم : دك موبايلي باوعلي بخزرة خزرتة ودرت وجهي جاوبتة
فاروق : وينج نغم الخط جايج وانتي ماكو
نغم : يم علي ببيتهم
فاروق : شسوووين هناكك
نغم : فاروق لتعيط اذني
فاروق : جايج انة انتضريني
نغم : سدة وراح
الجد : نرجع لموضوعنا
نغم : عمو ماعدنا موضوع والله هوة تهجم علية بنص الكلية وضل يصيح ويعيط ويكلي امشي للبيت حتى لا اجيبلج سمعة وهوة حتى الاعمى نتبهلنة
ميصير هيج اني عندي اهل والله واكدر احجيلهم وتصير مثل ماعدكم كعدة عشاير بس لخاطر الزاد والملح اليي بينة رح اسكت
واتمنة يبتعد عن حياتي
اللي صارلي كافي وماعندي طاقة للاذية اكثر
الجد : حقج بوية يجرالج التردي ميتعرضلج بعد
علي : يابة
الجد : علييي كافي بوية كافي نغم فوتي سلمي على عمتج ذاك اليوم تحجي بيج
نغم : تمام عمو _ خزرتة وهوة هم وفتت فتحت الباب ولكيتهن بالمطبخ بتسمت وحجيت _ سلام عليكم ياحلوين
الجدة : يمة نغم بنيتيي هلة بيج يبعدي تعاي تعاي
نغم : رحت حضنتة وهية شافت بطني ونصدمت وكلهم نصدمو شمس كلبت خلقتها وعصبت
فاطمة : يمة حامل
نغم : اي خالة
الجدة : شكد صارلج
نغم : من يوم الطلعت من البيت خالة
الجدة : ليش محجيتي
نغم : عمو جان يعرف
نور : حترجعين
نغم : ما ارجع اولد وابني يضل يمي
شمس : وعلي شكال
نغم : شيكول هوة عندة عائلة ميحتاج بعد لا اني ولا ابني
شمس : يي الحمد الله
الجدة : شمسس كافي تعاي يمة كعدي
نغم : لا خالة فاروق حيجي والله مالة داعي
الجدة : دضلي يمنا والله مشتاقيلج
نغم : غير مرة خالة وعد اجي واضل يمج _ سمعت صوت الهورن طلعت وباوعت نضرة للبيت
كلت مرح افوتلة وفتتلة شوكت ابتعد عنا
شكد ما ابتعد ارجع ادخلة غمضت عيني وجتني لوية قوية بطني عيوني دمعت وحسيتة يكلي لتطلعين منا لزمت بطني وهمست بوجع _ محد يريدنا ماما هذا مو مكانا .........
يتبع.....
__________________
اتمنى يعجبكم البارت 💕
حشبعكم بارتات ههههه عندي جمعة وسبت واحد وثنين وثلاثاء عطلة فانتضرونييي 😂💕💕💃💃
#الكاتبة : yaqeen. Hassan
#مـلاك _ الـشيـخ _ جـراح
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!