رواية ملاك الشيخ جراح الفصل الرابع والأربعون 44 - بقلم ~yaqeen.hassan~

‏مُره گ قهوتي لكني مُدمِنُن على إرتِشاآفِها ووَاقِعن فِي غرام مرآرتِها..

.لتنسون النجمة وعلقو على الفقرات 💕

#الكاتبة : yaqeen. Hassan 

#مـلاك _ الـشيـخ _ جـراح 

#الجزءالثاني 10

مريم : محسيت غير صوت طلقة قريبة من عدنة وفجاا فقد سيطرة على لسيارة 

لافت بينة واني صرختت وهوة يحاول يعدلها وهية تفتر  

لزمتتت ايدة واصرخخخ من الرعب اللي حاوطنا 

فجا وكفها وكدر يسيطر عليهة 

بس بعصبية فتح الصندوك اللي كبالي صاير جر مسدس ونزل بس اسمع وصوت طلق ما افتهم شي 

بين الصدمة وبين ان مدافهم شديصير ماعرف اخاف لو اصرخ علي واني اسمع صوت الطلق من كل مكان 

برعب صرخت بعد ما ستوعبت _ فااااااااررررررووووووق 

فارووووققق فوتتتت فدواااا فارووووووووقققق 

فجا سكن الشارع وصار هدوء اني ضليت فاتحة عيوني ودموع تنزل اخاف اخاف انزل بس شنو جسمي كلة يرجف من الرعب 

حتة وجهي اخاف اديرة اخاف ما الكاه 

فجا نفتحت الباب مالتي باوعت لكيتة هوةة حسيت الروح ردتلي 

تقرب جر راسي لصدرة واني تمسكت بي وكمت ابجي من الرعب 

وهوة يتنفس بقوة وحاضني 

فاروق : خلصت خلص مر كلشي اهدي لترجفين  

مريم : خ خايفةة خايفةة فاروقق 

فاروق: روحة وعمرة خلص. راحو باعيلي تنفسي وياي ةتنفسي 

مريم : رفع وراسي بس اني مرضيت خليت راسي بحضنة وارجف وكلبي احسة يرجف وياي ضلينة هيج لحد ما هدئت شوية_ م منو ذولة

فاروق : اني الهم الكو...... لو هم رياجيل ما جان جوي من ضهري وهاجمو 

مريم :هجوميش فاروق شديصير منو ذولة

فاروق : ناس عدهم عداوة وياي اني اعرف شون اربيهم هالعارات

مريم : يعني يعني حاولو يقتلوك هم قبل 

فاروق :لا جبناء ذولة عبالهم وياج رح اضعف معليج لتفكرين خلي نرجع عدلي روحج اهدي

 مريم :عافني وسد الباب واجة ركب بعصبية حسيتة هسة يلة ضهرت علي واني ماعرف شسوي الموقف بعدة ماثر بية اجذب عليكم اذا اكللك هدئت لا والله ايددي لحد هسة ترجف واحس الهبطة بية جر موبايلة ودك وحجة بعصبية 

فاروق: ثواني والكاهم يمك .... سعدددددد كلمتي مااثنيهاا اني جاي الكاهم هناك ومثل ما متفقين تمام.... خوش يلة شوف شغلك 

مريم : جاني شعور خوف ورجفة وخفت علي هواي حسيت هوة بخطر لزمت ايدي وحجيت _ عوفهم فدوة فاروق لياذوك ذولة يتعاملون بالسلاح وانتة انسان بسيط لتندك بيهم 

فاروق : انة بسيط ووياج بس وية هيج حثالة لا مو بسيط ووماعاش اللي يندك بية 

مريم : يعني شوننن حيكتلوكك

فاروق : انة مو جبان حتى اخافف من الموتت بعدين انة اعرف متعود

مريم :على شنو متعود اشو انتة حياتك كلها سحب دم وابر شجابك على الاسلحة والعصابات والعداوات والله خبلتني

فاروق : مريممم كافييي شييي مالج دخللل بيي بسس كافيج حجيي اني اعرف شسويي وشتصرفف مو زعطوط اني 

مريم : والله واعرف بس اخاف عليك زين كول لبابا وسووها عشاير 

فاروق:ديريييي بالججج اي شييي يمر بيناتنة ميوصل لاي شخص كتلج شي يخصني اني احلة فلتضلين تحجين خلاص سدي هالسيرة

مريم : بجيت ودرت وجهي كلشي ميحجي وكلشي سدي الموضوع شكو متزوجني وشنو دوري بحياتة اني لايرضى يسمعلي كلمة ولا يرضى يحجيلي صدك ضجت من عندة بذيج اللحضة وفوك خوفي هوة زيد هالخوف 

فاروق :كافي بجي هسة اني شحجيت مو كتلج لتخافين اني اكيد ماريد اذية لروحي بعدين انتي شعرفتي عن السالفة وخفتي هيج اني مداحجي عن ذولة الجلاب داحجي عن غيرهم 

مريم :يعني اكو غيرهمم

فاروق : مرضى ذولة مرضى حالتهم حرجة حاجوني قبل لتصير السالفة هاي

مريم : ايي جان حجيت خليتني اشب بنار لعد

فاروق : هههه انتي تنطين ومجال

مريم : تضحك فاروق صدككك ولا كان تونا تعرضنا لاطلاق ناري وجنة رح نموتت وانتة تضحك 

فاروق: اهدي بابا اشبيج تنفسي 

مريم : والله انتة بس القهر يجي منك

فاروق :هااااا هسة انة صرت مصدر قهر 

مريم :اييييي

فاروق :خوشش 

مريم :سكت واني سكتتت تنفست بقوة اهدي نفسي لان قربنا على البيت شحسوي والله والهبطات بية لحد هسة وصلنا قبل لا انزل لزم ايدي

فاروق : مدامج وياي ومسجلة على اسمي ميمسج ضر او اذية صدكيني انتي روحي ومن بعدج ماكو روح لتخافين علية واني اذا مو لخاطر نفسي لخاطرج ادير بالي على نفسي 

مريم : دمعت عيوني وحجيت _ احبك فاروق لتفجعني بيك فدوا ولتتقرب لذولة لخاطري

فاروق : تدللين يابة بعد تامرين بشي 

مريم : تؤ سلامتك 

فاروق : يلة سلميلي 

مريم : يوصل بيباي _ نزلت واشرتلة بايدي وباوعتلة وهمست _ الله ويحفضك بجاه محمد وال محمد

بتسمت _ وفتت سلمت وصعدت بسرعة فتت لغرفة ذبيت روحي على الجرباية 

ومجرد ما اتذكر رجفة تسري بجسمي ماعرف شيصيرلي  

ضلت هالسالفة تدك بكلبي بهاليوم مدك بعد ومراسلني متت خوف بس ثاني يوم دزلي اني ببغداد عندي كم شغلة 

تطمنت شوية وحاجيتة وراح 

رجع الوضع طبيعي وجنت احجي وياه واسئلة يكول راحو ماكو بعد محد يتعرضلنة 

رتاحيت هواي ورجعت حياتنا لمجراها وبقة سبوع واحد بس للعرس ومتحمسة هواي هواي الة 

____________

نغم : بطني كبرت وبرزت وبديت ابين ان حامل 

بتعدت ملاك بالكلية وكمت اطلع قبل لتطلع هية واجي متاخرة حتى لا اشوفها 

اعرف شي سخيف ومرح يمننعها تشوفني تكدر تجيني بس احاول قدر الامكان ما احسسها بهالشي 

ومريم هم نفس الحالة من تجي البس اعرض شي عندي وتضل تضحك علية واني اكللها كرشي فضيحة واضم الموضوع 

بس بالعرس ياترا شنو حيصير وشون ما احضر 

عماتتي وخالاتي الي حيجون شلبس واكيد حيبين علية 

حاليا فتت بشهرين ونص 

العرس ما احضر بس كرايبي شنو اللي يسكتهم 

ختنكت كلش رحت دكيت الباب على فاروق سمعت صوت ضحكتة عرفتة يخابر مريم 

تندمت لان دكيتة كام فتحها وهوة مبتسم _ ها نغم صاير شي

نغم : ها لا بس رجلي ضربتها بالباب 

قاروق : صوت دكة ايد مو رجلج 

نغم : لا رجلي انتة ملتهي وسمعتها دكة ايد يلة خلي انزل جعت 

فاروق : خوش 

نغم : نزلت جوة فتحت الباب وكعدت بالطرمة صح طرمتنا مو جبيرة بس احبها لان بيتنة اللي ببغداد مبي طرمة بساع تفوتين للاستقبال وجان صغير حيل وتعبان 

هذا حسيتة شي جديد تعلقت وبي وبوكتها كلتلها لماما اضل يومية اغسل بي واجلف من فرحتي

جنت مصدومة هم منين جابو هالامكانية فاروق وبابا لان بيتنة مجاب مبلغ كبير حتة يجيب هالبيت والمنطقة هم زينة يعني مو تعبانة 

بتسمت واتذكر اول يوم سكنا بي تعبانة جنت من الجلف 

ثاني يوم كمت اغسل الطرمة الصبح والضهر وبالليل وافرححح واضل امسح وامسح بحيث اغرك الشارع بالمي 

كلت بوكتها ما اتزوج اضل بهالبيت لحلو 

بس تزوجت ورجعت تنهدت وكمت جريت الصوندة فتحت المي جان بارد ثلج بس ستمريت وبديت اغسلها 

وفرحانة حسيت رجعت ذيج نغم الاولى غير نغم اللي هسة 

غسلتها ووضليت ارشرش وصافنة بالمي قطرة قطرة وهوة ينزل 

وبدت تخيلات تجي على بالي 

اذا علي عرف معقولة يرجعني للبيت 

ياخذ ابني ويرجعني لاهلي يطلكني

وشمس تكره ابني بية ويكوم يصيحلها ماما 

مجرد التفكير هسترني 

كمت ابجي وشمرت المي 

خووفف جبير بداخلي مينوصف بكلمة ومحد يحس بي 

بابا اعرفة مستحيل يرجعني لعلي وحتى اذا اخذ ابني اتوقعة يسكت بس اهم شي عندة اني 

واني ابني ماكدر افارقة 

رجعت اشهك واريد ابطل تفكير كم شهر مر واني هاي حياتي كل شي سيئ يمر بالي تعبت والله تعبت ومتت قهر ماريد افكر اريد ابطل تفكير 

حسيت بالباب نفتح باوعت وفاروق طلع باوعلي مستغرب وباوع وللمي ونصدم 

فاروق : ولج انتي من كل عقلج بهاليل تغسلين الطرمة 

نغم : مسحت ودموعي وهوة راح سد المي واجة يمي حضني وهوة واكف 

فاروق : عرفتج من عيونج بيج شي ليش مكلتيلي جان سديتة وحجيت وياج 

نغم : كافي القهر البية عيش حياتك انتة واضحك ماريد انغص عليك حياتك

فاروق: نجبي شهالحجي من شوكت بينة هالحجي بوكت ال حزن اني يمج وبالفرح هم 

نغم : رفعت راسي باوعتلة ودموعي تنزل اريد منة وعد يكلي ابنج يضل بحضنج خايفة من علي هواي 

فاروق: كليلي شبيج

نغم : ابنيي

فاروق : شبي مو محد يدري بي

نغم : خايفة ياخذو فاروق داموت خوف

فاروق: منيلج هالحجي بعدين انتي امة والقانون يمشي وياج مو وياه

نغم : فاروق ميمشون بالقانون همة عشاير

فاروق:لعد واني وين ورحت عبالج اخلي يمسج لو يمس ابنج والله ويحلم اكسر شكو زاد وملح وبيناتنة ويصير عدوي واذا خليتة براسي محد يخلصة مني باعيلي نغم بطلي بجي ولتخافين من الناس ومن علي اني واخوج امشي وانتي مسنودة ومحد حيتقربلج و يتقرب لابنج واخذيها وعد مني

نغم : دنجت راسي وكوة كعد بصفي ولزم وايدي يدفيها بايدة 

فاروق : ادري هوة انتي مسَلوعة وطالعة بالبرد شيصير بيج

نغم : اني مسَلوعة

فاروق: ههههه لا لا هسة تبجين علية اشاقة وياج

نغم :فاروق شلون بالعرس وكرايبنة شلون 

فاروق: يعرفون شسويلهم يعني بابا كال يكللهم ان اهل علي يدرون بحملج ومحد يحجي او يفتح حلكة بكلمة والعرس اذا حابة اخذج وياي وحتى ان درة علي مرح يكدر يتقربلج

نغم : والله اريد اكلة واخلص لان احسة هم بداخلي حتى ملاك مداتقربلهة بسببة تعبت من هالشي

فاروق :رح يعرف هوة اولها وتاليها بس انتتي بطلي خوفف تمامم لتبجين ولتخافين واللي بطنج ديري بالج علي 

نغم : هزيت راسي _ فرحان وية مريم 

فاروق: اي هوايي

نغم : دوم نشالله والله يبعد عنكم كل مكروه وشر

فاروق: اميين يول مكتيلي ماحجيتي وياها اريد اشوف البدلة احسها حتسوي مصيبة بية وتجلطني

نغم : ههههههه لا لا لتخاف مابيه شي بس هية مو البدلة اللي تجلطك اللي لابسة لان مختارة مكياج يخبل وتسريحة يعني احضرلك انعاش بيوم الزفة خاف تحتاج

فاروق: اههخ اي حضري لتنسي

 نغم : هههههه يلة روح نام باجر وراك شغل

فاروق: امشي كبالي وهاي الحالة لتعيديها 

نغم : تمام _ صعدت فوك نمت وشوية رتاحيت من كلامة ححسيت طمني 

__________

ملاك : متحمسة لجيتة راح سبوع واجة ومشتاقتلة هواي 

اول مفات كمزت حضنتة قوي 

وهوة ضحك ورفعني عن الكاع وحاضني بقوة 

جراح : افييش ياريحة هلي هسة يلة ردتلي روحي 

ملاك : مشتاقتلككككك موتتت ولنبي البيت فارغ بدونك ومتت من الملل

جراح : وانة احس ونفسي تايه بدون عطرج وحضنج

ملاك :وخرت راسي وبتسة بخدة قويي 

جراح: تعالي ياكطعة كلبي نطلع الاشتياق 

ملاك : ضحكت واخذني للجرباية ورها غفينا واني بالحلم

لكيت نفسي بمكان ضيق غرفة سودا بيهة ضوء خفيف كلش على الحايط خالين صور ناس وياي وصورتي يمهن وعليهن شي مثل الدبدوب وبس دنابيس وقفل ولمحت واحد من ملابسي الداخلية ودشداشة الي هم معلكة ضليت مصدومة هاي ذني منين اجني هنا درت وجهي ورا باوعت بس توابيت وبصفي

اكو بنية وجها شاحب عبالك مومياء كلشش كلششش ضعيفة يمكن وزنها 35 من ضعفها 

باوعتلي وبجت نفتحت الباب وفات لهيب نار على هيئة انسان جرها من ركبتها واخذها وطلع واني كل هذا صافنة 

وماعرف شحجي او ماعندي قدرة للكلام 

نسد الباب بقوة وهنا فزيت 

فتحت عيوني برعب واحس كلبي دكتة تاذيني من كدما قوية بلعت ريكي  

وممن حضن جراح كمت بهدوء ضليت خايفة ماعرف شسوي 

يمكن لان نمت بدون ما اسبح بس اني دائما هيج انام اذا مابية حيل 

كمت سبحت وطلعت على موبايلي طلعت قران قريت كم ورقة مردت اشغل الضوة وافزز جراح 

خلصت وقريت ايات ونمت 

ثاني يوم صحيت طبيعي مصار شي نسيت السالفة ومتذكرتها كلت هوة السبب لان مسبحت 

حضرنا لعرس مريم 

بحماس مينوصف وهية وخطية وتركض منا ومنا اما نغم مشايفتها صارلي كومة مدري شبيها تتهرب مني عبالي زعلاانة بس من احاجيها تراسلني عادي مابيها شي وتضحك 

كلت يلة بالعرس اعرف شبيها 

________

نور : دامشي من غرفة عمو علي سمعت صوت صياحهم نصدمت ولا مرة متعاركين همة سمعتة يكللها

علي : شلوننن يعنييي نضللل بهالمزبلةةةة هاييي لشوكتتتت يومية تكوليين باجر لعبت نفسي من الغرفة ومداطيقهااا شمي الريحة مال الاكلل والمللابسسس متروسة الغسالة وكتج ويين ديروحح ولتكليلي شغلل شكدد شغلج انتيي قابل كل الشغل عليج انة اعرف تقسيم الشغل شنوو وامي كلتلي نهار كلة كاعدةة وملابسسس مابيج تشغلين الغسالة عليهننن 

يعني صبرتت عليج مو توصل لهالدرجةةة ميصيرر هاللحال ترديني اغسل انةةة هدومييي المنن تزوجتج انةةة جا غير تتهتميين بية مثل ما انة اهتمم بيج 

شمس : شبيكك تعيططط يعني تعيرني باهتمامك محد كالك تزوجنيي اي واني عجوزية كسلانة والشغل والندارة كلها يم مرتككك المصونة نغممم رجعهاا وخلي تخدمككك لعد 

علي : ارجعها اي ارجعهااا واكسرر راسجججج واصبري وتعاي توسلي عود بيومهاا 

نور : حسيتة نهة كلامة رحت لغرفتي مصدومة شوية وندك بابي

فتحتها جان هوة

علي؛ نونة حبيبي ولو اتعبج بس غسليلي ملابسي اذا غسلتي ملابسج شمس شوية مريضة 

نور : لا ولو عمو ماكو زحمة اتني اصلا حغسل مالات خليل 

علي : فدوا اروحلج بعد عمج 

نور : احبك انيي 

علي : اموت بيج انة يلة انة طالع 

نور : الله وياك _ طلع ونقهرت علي تندم ومبين الندم بعيونة شمس متوصل لاضفر نغم بالشطارة والمعاملة الحلوة وطيبة الكلب 

شمس تفكر بس بنفسها مكضية الوكت كلة لو بالسسوك وتشتري ملابس ومكياج وهاملة عمو علي فدمرة 

فتت لغرفتهم قبل كم يوم نصدمت من الوصاخهة الميوز متروسة تراب والاكل صواني ضالة والملابس مطشرة بالكاع وبكل مكانن 

يعني متنعاش بيهة والله خوب الصالة مسويتها كنتور تشتري وتذب بيها لان الكنتور ممرتبتة وكلة مخربط فميكفي اي لبس 

تذكرت نغم جانت الغرفة تلمع يمها من النضافة متتحمل تضل ووصخاية وحدة 

تنهدت ورحت غسلت ملابسة ورحت للغرفة فتت جان مددة وتكلب الموبايل 

_ ملابس عمو علي الوصخة وين 

شمس : بالغسالة واخذي ذني ملاتي بدربج غسليهن 

نور : اني كلت بس ملات عمو علي انتي تغسلين ملاتج عندج ايد

شمس : شنو شنو هاي طولة اللسان بكدج اني 

نور : ليش شكد عمرج انتي فرق سنتين بينتاتنة بس الحمد الله فرق بالعقل هواي 

شمس : يجي عمج وانة اكلة 

نور : اي عود صيحني حتى استمتع واجيب شامية من تحجيلة _ رحت للحمام اخذت ملابس عمو علي كومة كلهن وصخات خطية وحتى صدراي المستشفى هوة عندة 3 يبادل بيهن هسة كلهن هنا يعني ميلبس هناك 

خليتهن بالسلة ورحت غسلتهن كلهن 

وشريتهن 

لليل نشفن كويتهن واحد واحد ورتبتهم بتعلاكات ورحت دكيت باب الغرفة 

طلعلي هوة 

علي : ها نونة 

نور : هذني هدومك غسلتهن وكويتهن 

علي : انة نطيتج بس قميص وبنطرون ذني منين اخذتيهن 

نور : شفتهن وصخات فغسلتهن وكويتهن _ صف بوجهي وحسيت نحرج وعصب بنفس الوقت 

لطفت الجو 

_ هااا بس ترا اريد كروة الكوي 5 قطع بالف شوف سويتلك تخفيضات

علي؛ تدللين هاج يلة 

نور : نطاني خمستالاف اخذتها وبستة بخدة _ منا وغاد يومية جيب هدومك

علي : هههه امشي حيوانة 

نور : احبككككك _ ضحكت ورحت 

علي : سديت والباب وتحولت ملامحي لغضب رحت ليمها وشمرت لملابس على الجرباية ككبالها _ شنووو هااي

شمس : شنو ملابسك 

علي: وانةة ماعرف بيهنن ملابسييي بس شوداهنن يم نوررر انةةةة ملابسييي منو المفروض يغسلهننن غيرجج هية شعليهة انتييي متوبينننن يعني رزلتججج الضهررر وتردين هسة هم رزالةةة شبيججججج انتييي 

شمس؛ كافييي تصرخخخخ مو خدامة عندك انييي مليت منك بس تريدني للخدمة مصارت سالفة هايي كلسع مرزل ترا متايهلتلك انييي 

علي : باعيي قسما بذات اللهههه اذاا مرااا ثانية جيت ولكيت هدمة من هدومي وصخة وممغسولة لو وحدة من البنات غاسلتهة ياشمسسس حسابج يكون عسيررر وياي لا عبالج احبج يعني اتغاضة عن سوالفج الطايح حضها لااا لهنا وكافي لو تجرين عدل لو ترجعين من وين ما جيتيني 

_ عفتها وطلعت رحت للحديقة مخنوك وحاير شسوي مدالكة الراحة ابد عشتها ووياها بس اول اسبوع وبدة وراها النك والنكد واهلك واهلك وامك وابوك طكت روحي ولعبت نفسيي 

مجنت مجرب هالشي وية نغم وبديت احس بكمية وفائها وحبها الي بهاللحضات هايي 

مابيوم كالتلي امك لو ابوك سوو هيج او شتكت 

اهتمامها وحبها جانت محاوطتني بكل مكان ومابيوم قصرت وياي 

ماقدرت هالشي 

جراح : الله بالخير عمي 

علي : الله بالخير 

جراح : سهران الليل برا ليش شصاير

علي : انتة شكو سهران مو تزوجت

جراح : تنهد _ نامت 

علي : اوفف هالتنهيدة ليش متعاركين

جراح : ههه لا بس اضوج من تنام  

علي : يول شكد تحبها انتة شون جنت مقاوم ابد مجان مبين عليك

جراح : قاومنة عمي اليحب يصبر وهوة اساس الحب الصبر  

علي : الله يعينك كلها علمود ملاك القردة 

جراح : اذا هية قردة انة شنو 

علي : هههه عتوي

جراح : متقصر 

علي : تدلل

جراح : انتة شعندك نازل جا انتة مرتك كاعدة

علي : ختنكت ونزلت مليت من الوضع هذا

جراح؛ بعدك مشاكل وياها

علي : اي كلشي ماتغير لو اروح اقنع بنات عقيل هم يسمععن الحجي ويسونة 

جراح : مو كل اصابعك سوة عمي هاي النسوان مو عبالك كلها مثل نغم تصونك وتحبك لا كل واحد والة شخصية شكل وتربية شكل تربة علية

علي : عوف هالموضوع ماريد افتحة 

جراتح : لتتهرب من هالواقع عمي اعترف انتة متندم ولتضل تمثل دور القوي اللي ماتاثرت لا انتة تاثرت بغياب نغم 

وهواي هم 

علي : لحد يتدخل رجاء انة متدخلت بحياه احد ماريد احد يتدخل بية خوش

جراح؛ براحتك يلة تصبح على خير 

علي : وانتة بخير _ راح وانةتنهدت عترفت جراح معترف لنفسي بس كلبي شوكت يرضة يعترف بيها شوكت يرضى بنغم مادري 

............

تنهيدة واحِدة 

‏تُطيل عُمر اللحظة!

يتبع..... 

_________________

اتمنى يعجبكم البارت 💕

انتضروني بارت جديد 💕

#الكاتبة : yaqeen. Hassan 

#مـلاك _ الـشيـخ _ جـراح