رواية ملاك الشيخ جراح الفصل الخامس والثلاثون 35 - بقلم ~yaqeen.hassan~

أعرف امرأة 

صُنِفت ضحكتها 

كإغاثة إنسانية 

عاجلة...

لتنسون النجمة وعلقو على الفقرات 💕

#الكاتبة : yaqeen. Hassan 

#مـلاك _ الـشيـخ _ جـراح 

#جزء الثاني 1 

ملاك : واكفة كبال المراية اباوع لروحي كلشي مثل ماتمنيت وردت كلشي مضبوط

مكياجي وتسريحتي وبدلتي اللي فرحانة بيهة اكثر من العرس نفسة هههه

شلت البدلة وطلعت الهن برا

صفنن ونضرات الاعجاب بعيونهن

نور : طالعة تموتيييين والله يمةةة ما تحمل جمالج انيي

نغم : عزا بعينج على هالجمال الله يعينك جراح ماكول غير شي

ملاك : فتريت كبالهن _ امانة حلوة صدك

ام الصالون : عيوني تخبلين والله انتي من الحالات النادرة اللي تمر علية الله يحرسج ويوفقج ويسعدج وية حبيبج

ملاك : مشكورةة حبيبتي انتي يلة نغم دكي على جاسر

نور : ثواني هسة

ملاك : راحت تدك ونغم بعدها بالمكياج تخلي

رحت كعدت واني اتذكر البارحة شون جان حلو

جان يوم الحنة من احلى الايام وصفنت تذكرت من دخل للقاعة شون صفن علية مصدوم

مكياجي جان اثكل من المهر وجنت لابسة اكيد اللون المقدس ههههه

ماروني ومكياجي وية الحمرة

وتسريحتي اللي هم نازل بيهة شعري نصة تقرب باس راسي وهمس

جراح : اللهم صلي على محمد وال محمد

ملاك : بتسمت بخجل وشتغلن ركص كبالة نور وعمة مريم وبيبي وعمة وهوة فاصل عنهم بس صافن علية

بتسم وررجع باسنيي براسي وهمس

جراح : عيوني حتحسدج شسويلهة بهالحالة اقري المعوذات من عندي

ملاك : ضحكت وباوعتلة _ عيوني حسدتك من زمان طالع تخبل حبيبي مثل ما تخيلتك

جان لابس قاط اني ختاريتة  

_بس  بدون  الفيونكة نصدم من حجيي لان ما اكولة هاي الالقاب دنج باسني بخشمي وراح لخدي بس فززنة صوت الموسيقى صار افكت قوي يعني تاثير بالصوت

خلاه يصحة باوعنة الكل مبحلقة علينة وتصور

يمة متت خجل وهوة هم ميكدر يباوع مدنج ويضحك

الجدة : جا يمة مدامك مستعجل نزفهة الك من هسة

جراح : علواه بيبب الج مني حج وعمرة

الجدة: ولج نويرة جيبي عباتي كوم يبعدي كوم كببع واخذ.

ملاك : يااا بيبي تخليتي عني _ طنكرت وهية جتي تبوس بية بتسمت وبستها بخدها

بهاي الفترة هية اقرب شخص الي لان وكفت وياي كانها امي صدك ابد محسيت بنقص او حزن جانت تمشي وتصيح بين النسوان انة امهة

رجعت من صفنتي على اغنية سلو كمنة ركصنا سلو وهوة ضليت مصدومة منة شون يعرف يركص

جراح : اهخخ بوية هاز الدواوين كلها وتاليني اركص سلو

ملاك : عادي لخاطري تسوي كلشي

جراح : صدقتي

ملاك : نضراتة جانت تحجي البداخلة صافن بنص عيني ويتامل بية

خلصنا وحناني من رجعت للبيت

رحت لغرفتي بدلت وخلصت نزلت جوة جانو خالو محمد وجاسر يحجون وية جراح وهوة مبتسم ومدنج يستمع

محمد : وحق الله اذا بيوم سمعت ضايجة او متاذية اجيك بطلقة واخلصك

جراح : عمي حجيك على عيني وراسي بس اكلك شغلة تذكرها اذا بيوم انة اذيتها بوكتها اخلي انة طلقة بكلبي واموت نفسي

لان كلتها لجاسر والهة ورح ارجع اكولها الك

صبر السنين الراحت وامتناعي عنها خلاني اقدس كل لحضة تكون هية يمي

صدكني اخاف عليهة اكثر من روحي وهية بنتي قبل لاتكون مرتي

لتخاف امانتك محفوظة ورح اصونها لاخر نفس يدخل لريتي

ملاك : بتسمت وعيني دمعت على حجية فتت وضحكت _ ها شنو خاليك تحت التهديد

جاسر : اي طبعا جا هية هينة ياخذ ملاكي

جراح : هجم بيت الوصخ من شوكت ملاكك لو من كلتها انة غرت

جاسر : نجب والله مازوجك اختي

محمد : يابة هذا الاب والام والاخ والاخت ميصير تزعلة بهيج وقت

جاسر : ها شوف

جراح : لو تطلع نخلة براسك باجر عرسنا ورح اتزوج اختك

جاسر : سكتي لرجلج ترا اهج بيج هسة

ملاك : هههه اني معلية حلو عرايكم سوة عوفوني بحالي

_ جرني عمو محمد ورحنا بالهول كعدت وهوة كبالي

محمد : مثل ما وصيتة عليج لازم اوصيج علي هوة

جراح انسان عضيم وهوة يعتبرج حياتة كلها وواضحة من عيونة
وكفتة ويانة من وفاه اهلج واحتوائة الج وشون رباج وحبج

مينسي لهذا صوني وكوني سند الة مثل ما هوة سندج

ووافقي بينة وبين دراستج لتفظلين دراستج عن زوجج وبيتج ماشي

وهاي هديتج لان باجر ماطول هواي تدرين بعمتج شون مريضة ماكدر اعوفها اكثر،

ملاك : كلامك حيضل بكلبي وحمشي علي كلمة بكلمة
والله مالة داعي للهدية انتة جيتك ووكفتك ويااي احلى هدية

محمد : لا شون لعد جا هية هينة ملوكة تزوج

ملاك : طلع سنسال ذهب مكتوب علي اسم بابا وماما مدموجات سوية اول مشفتهن نزلت دموعي

رفعت ايدية وحضنتة وطكيت بجي صدك هاي احلى هدية وصلتني من قبل اتمنى اسوي كلادة من اسمهم

محمد : كافي ولج بجيتيني

_ وخرت منة صدك جان مدمع

بتسمت وحضنتها

_ هاي من احلى الهديا اللي حتضل وياي لاخر لحضة بحياتي

محمد : الله يوفقج ويسعدج ونشالله البسمة متفارك وجهج الحلو

ملاك : باسني براسي وكام طلع كمت داطلع جان يصير جراح كبالي بتسمت وشوفتة الكلادة _ تخبل مو

جراح : باك فكرتي جنت اريد اسويهة

ملاك : صدكك تحجي صار عندي كومة ذهب والله كافي

جراح : اقرب طريقة لقلب الرجل معدتة واقرب طريقة لكلبج هية الهدايا فكل متصيرلي فرصة اجيبلج هدية

ملاك : احبككك هواااي والله

جراح : وانة اعشكج يلة روحي ليقبضون علينة القوات الامنية

ملاك : ضحكت ورحت دزيتلة بوسة بالهوة وصعدت رحت لغرفتي

تمددت باوعت البدلة كبالي متحمسة لباجر وعكس الناس اني فرحانة بدال ماخايفة

توني اغفة نفتحت الباب وفات جاسر

كمت كوة مفتحة عيني

باوعت لوجهة ضلمة ومداركز

تقرب مني وحضني واني كاعدة نص كعدة خلة راسي على جتفي وحسيت بدموعة على ركبتي تنزل حضنتة

_ شبيك جاسر صاير شي

جاسر : لشوكت امثل لشوكتت تعب اخيج تعب تعب من هالحياه العوجة الي ديعيشهة
اريد اتقرب منهة بس، اابتعد بدال هالقرب الف خطوة

ليش هيج اسوي ااذيهة وااذي نفسي وياها

واسئل روحي ليش مالكة جواب

ملاك : همست بصوت ناصي _ نور

جاسر : ليش اكو غيرهة دخلت حياتي ساعة تنورها وساعة تضلمها تعبت والله

ملاك : شنو الصار بينكم ليش هيج بتعدتو رغم جنتو اقرب من عدنة اني وجراح

جاسر : هية مكالتلج

ملاك : لا جنت شاكة بس مضغطت عليها كلت تكلي من كيفها هية

_كام من حضني وكعد يحجيلي من يوم اللي راحلها للغرفة ولليوم واخر حديث بينهم

جاسر : كلشي سويتة من حبي الها والله ماتخيلت حتعوفني كلت اذا ختارتني اخليهة تداوم بس هية كسرتني

ملاك : جاسر انتة متدري بينة شكد نحب دراستنا وجان هذا حلم بالنسبة النة شلون تردهة تتخلة عنها

انتة غلطت لان جيتهة بوقت هية تمنت ان تفرح وياها وبذاك الوقت جانت هية مشاعرها مثابتة تتغير

خليتهة تكبر وتنساك وتكرهك ليش ضيعت سنين عمركم بالحب البعيد ماكدرت تتنازل

جاسر : لحد اخر يوم حجينة بي جنت اضن هية غلطانة بس كتشفت بعد الحجتة ان انة الغلطان

ملاك : شرح تسوي بعد اللي صار بعد ماكتشفت ان انتة غلطان

جاسر : اريد احاول بس مدتنطيني فرصة نطتني بلوك من كلشي وبالواقع تصدني ووتبتعد كل ماتشوفني اتقرب

ملاك : باوع خلي هالايام تمر اكيد هية بعدها ضايجة ومقهورة منك بعد اللي حجيتة بذاك اليوم

انتضر يصير العرس وحتى لو من نسافر هم احجي اني وياها بالموبايل وماعوفك بس انتة لتتحرك خطوة بهالايام تمام

جاسر : تمام.. هاي تالي عمري اجي اخذ نصايح منج

ملاك : جا غير انة امك _ بتسم وتقرب خليت راسي على راسة ودموعنة تنزل.

جاسر : وانة ابوج

ملاك : وانة اخوك

جاسر : بعد مترهم اكلج اختي ههههه

ملاك : ضحكنة بين دموعنة تقربت حضنتة قوي وغمضت

اتخيلة بابا ويحضني بهاليوم وبهاللحضة

جاسر : ترا انة مو جراح هاي معلومة تفيدج

ملاك : ضحكت وضربتة _ عابتت ترا داحضنك الك لاعبالك

جاسر : هاي عباللي جراح لان خنستي

ملاك : ههههه كافي

جاسر : يلة تعاي ننام سوة اليوم

ملاك : هلة بيككك _ فتحتلة ايدي واجة نام عليهة ضليت العب بشعرة وساعة نتذكر طفولتنا ونضحك وساعة ندمع ونتذكر ذكريات حزينة

صحيت على الواقع على صوت نغم

نغم : وين رحتي يمعودة صارلي ساعتين واكفة كبالج

ملاك : سوري شردت

نغم : باعيني حلوة

ملاك : تخبلييين والله _ جانت لابسة فستان نفش سمائي وخالة مكياج هادئ طالعة تخبل

جتي نور هم نسقت وياها لابسة لون احمر طبعا لونها المفضل

وهم خالة شوية مكياج

دك علينة جراح ووصل

فتت للغرفة وفاتت مصورتنا سمورة طبعا بكل مكان وزمان

سمر : فدوة لالله تخبلين طالعة

ملاك : حبيبتي انتي شكرا

سمر : يلة اوكفي وديري وجهج وجيبي الباقة حيفوت هوة ويلمس كتفج تديرين وجهج علي تمام

ملاك : تمام _ بتسمت ودرت وجهي واسمع خطواتة والمصورة تصورة لحضات وحسيت على لمستة على كتفي

نداريت بهدوء واني مدنجة خجلت هواي منة ماعرف ليش وخدودي احسها حتطك من الحرارة

لمحت ركبتة شون بلع ريكة مد ايدة ورفع وجهي من حنجي

لتقت نضراتنة...

وجان احلى لتقاء .... ابتسامة مافارقت شفايفنة

بلهفة عينة يشرحلي حبة وبكل رمشة يهمسلي بعينة احبج

واني بكل نفس اتنفسة اكلة احبك

تقرب مني اكثر واني عيني مفارق عينة

عيني الصفرة الممزوجة بالخضار لتقت بعينة البنية

وصار بيناتنة تماس عجيب حسيت صارت مثل الكهرباء تجذبنة لبعض

جان لابس دشداشة بيضة وشماغ وعكال وعباية سودة مطرزة بذهبي جانت محطوطة على كتافة

لزمهة باطراف اصابيعة وتقرب حضني وصرت بداخل العباية وهوة دافن وجهة بركبتي

غمضت عيني من الهدوء وكمية المشاعر الحلوة الجتاحتني لفيت ايدي وحتضنت ضهرة وراسي سندتة على كتفة ضل هيج لدقايق

واني اسمع دكات كلبة المضطربة اللي تعلن عن حبة

بتعد وجان بعدة لافني مجرد شال راسة

سند جبينة على جبيني وغمض

كأن يتامل اللحظات هاي

بتسمت وهمست _ جراح

جراح : عيونة

ملاك : احنة بالصالون _ حسيتة فز وغمض عينة محرج

بتعد وتحمحم البنات صارن طشار لان حتى العرايس وكفت بباب الغرفة يباوعن

والمصورة واكفة مبتسمة

جراح : احم خلاص

سمر : خلص من زماان ههههه

نغم : فضحتونة بين الناس هدي شيخ روحت هيبت العباية

نور : والله كون اشوف هالفديو للولد يسووك تصنيف

جراح : وحق الله اندمج على اليوم الي جيتي بي

كلمة متطلع فاهميين)  نغم : لا عمي منحجي شي

سمر : يلة لعد نروح الاستوديو نصور الصور وحتى تكملون زفتكم

جراح : اي يابة هم يلة نلحك نغم عباية جيبي

ملاك : لبسني الكبوس وجاب عباية غطاني كمت ماشوف على وعلى الاحساس

ههههه

طلعنا ومكدر يسوي شي بالسيارة لان نغم ونور والمصورة كاعدات ورا

وصلنا الاستوديو فتنة جوة

الديكور جان يخبل صاير مثل القاعة الملكية هيج شي ودرج طويل متت بي ومصدكت هاذا استوديو

سمر : هاي قاعة اني اشتغل مصورة هنا بيهة

جراح : اي صديقي سوة بيهة وكلتلهة اريد التصوير هنا لان يطلع حلو

سمر :هواي نصور هنا والصور تطلع تحفة يلة نبلش

ملاك : بدينة واللقطات جان كولهااا احرااااج فووول

اني متت مستحة وهية تكولي استندي علي حضني بوسي

وتكلة باوع عليهة بحب احضنها

واني شبيت بنار بالاخير اللقطة المنتضرة من قبل جراح ههههه

لقطة البوسة

جراح بتسم وتقرب مني واني بدي اختفي حضن ركبتي بايدة الدافية

وباسني واحس تخردلت من هالبوسة محسيت بعد بالي حوالية

ندمج هواي محسينة غير صوت طبة فزيت باوعت نور شمرت بطل المي

نور : احم احمم اخوان ترا اكو ناس فضحتونااا يالكعبة وين اخوي الثكيل الرزن

ملاك : جانت تحجي بصوت ناصي تموت ضحك

جراح : بوية كبال هالجمال يبقة ثكل تبقة رزانة

ملاك : بتسمت بخجل بعدها رحنة للبيت كعدت على الكوشة وبدن النسوان يركصن

لاحظت ان الكل منتضر هاليوم ماعرف البنات منتضرات زواجي بس الاغلبية منتضرين عرس جراح

لهذا للكل ركص بي ركص مو طبيعي

بخيث كسرو الكاشية من صدك

خصوصا عمة فاطمة ومريم ونور ونغم ومن كرايب امة بعيدا عن خالاتة

كلهم ذبو لحم وهاي ماعدا نسوان الشيوخ من العشيرة وغير، عشاير ماشالله البيت مابي مكان الكعدة

والديوان ماكفة فصارت كعدة الزلم بل الحديقة

بعد ركص وتعب وضحك شتغل صوت المزيقة وبين صوت هوسات اصدقائة وهم نصهم هوسات بغدادية ونص بصراوية وحتى جاسر نطاه هوسة

وبعدين بس نسمع صوت الدبج والركض والنسوان على الواهس يركصن ونغم ونور ومريم تكابلن ساعة جوبي يركصن ساعة دبكة ساعة هز يموتن ضحك

شوية وبدت تقترب فاتو اي فاتو جتي بيبي وكفت يمي ولزمت ايدي

بتسمت بفرح وكفت بالمكان المفروض توكف بي ماما

مجنت حزينة بهاللحضة ولا بجيت لان جنت رح اضل يمهم وهذا المفرحني وزايد سعادتي

فاتو عمامي وجراح وجدو وجاسر

تقربو عمامي حضنوني وباسو راسي وكل واحد لبسني شي ذهب عمو عامر زنجيل يصير طويل كلش ينزل جوة الخصر ماعرف شنو يسموو

وعمو عبدالله لبسني محبس وسوارين

وعمو حسين لبسني هم كلادة بس ثكيلة تصير

وعمو علي لبسني سوار وكلادة نازكة اعرف هذا ختيار نغم لان هوة ميعرفف بالذهب

وجدو تقرب ولبسني سلاح وهذا من الهدايا الي تكون فخر للبنية من اهلها يلبسوهيا لان يرفعون من شانها بيت عيالها بس

اني همة عيالي اهلي مفرق شي هههه

حضنتة وبست ايدة وراسة

تقرب وحضن جراح وباركلة وهمس باذنة حجي بهالاثناء اجة جاسر حضني وباس راسي وهم لبسني كلادة باسمي

وخالو محمد هم حضني وكفو كل واحد من جهة منا خالو ومنا جاسر

سلموني الة وحجو حجي هواي الة وساعة تهديد وساعة ضحك تقرب نزع عباتة وخلاهة على جتفي باسني براسي وحاوط كتفي

وكفنة نتصور وية جدو وعمامي وخالو

بالاخير من طلعو وهوة ضل

كومونة سوة ونركص هوة بس مبتسم وواكف واني بديت اتمايل وية نور بس بخجل لان توصيات بيبي هاي

عاد بدلنة الحلقات ومتحملت نزعت الذهب وخليتة يم بيبي لان ثكيل خصوصا السلاح

(السلاح نوع من الذهب يصير مثل الجنطة الصفح هذا اقرب تشبيه الة 🌝🌝😂😂😂😂)

بدلنة الحلقات وراها طلعنا حتى يزفونة

ركبت باللصدر وهوة توة ركب اجة خليل سحلة يركص وياهم

ادري بي ميركص ويكره الركص لان يقلل من شانة بين الشيوخ عاد واحد من اصدقائة كال غيرو النغمة يابة شعلولنة دبكةةةة

وهوة هنا ضحك وطلع سبحتة نصفو كلهم وبدايتهة بجراح ونهايتهة بجاسر يمة بدو واني احسة حيوكع هلكد ما مركزة بي يخبلللل وهوة يدبك ومن ينزل للكاع كلبي ينزل وياه

جانو يركصون كبال السيارة وهية مضللة فماخذة راحتي بالنضر خلصو وتشكر منهم ركب وهمة سبقو والمزيقة ترعد وكل الفرع طلعو بسياراتهم ويانة

جراح : اخذوني منج عذريني بوية

ملاك : ههه ولا يهمك شيخ _ حرك السيارة ومشينة شغل اغاني ولزم ايدي ويبوس ويشم بيهة

جراح : نفس اللحضة هاي قبل سنين بعرس صاحبي من اخذتج وياي هم جنتي هنا واني ابوس بايدج واشمها
ودعيت الله بذاك اليوم تكونين مرتي وعروستي والله ستجابلي

ملاك : شنو سويت حتى استحق شخص مثلك

جراح : انة اللي ماعرف شمسوي حتى الله نطاج الي

ملاك : احبك جراح صدكني رح احبك لاخر يوم بعمري

جراح : من عمري على عمرج كون فدوا ونذر اروحلج انة. 

ملاك : مستحيل ان اختم اني الكلام لازم يفوقني

  جنة سايحين بمشاعرنة ومنحس بشي بس هوة ماعرف شون مركز بالسياقة وبية واني بنضرة من عندة دخت

فجا سدو الشارع وهم نزلو يركصون

جراح : خرب باليوم اللي عزمتهم بي كو.... خليي نوصللل للفندقق عاددد حتصيررر هناا

ملاك : يااااا جراااح

جراح : شكو بوية جا هالجمال كبالي وترديني اسكت لا وسفة علية اذا سكتت

ملاك : ضحكت وهم نزل وهمة يركصون ويجرو بالاخير شالو ويشمرون بي متت ضحك

راد يكتلهم والله لوما عرسة

رجع ركب ورجعو وكفو هم ويمكن بال5 مرات وكفو بالشارع يركصون

جانت من احلى اللحضات صدك حلوة

طريق الفندق عن بيتنة نص ساعة احنة طولنة بي 3 ساعات لل9 يلة وصلنة للفندق بعد ما جراح طكت حوصلتة هم دبجو شوية كبال الفندق عاد بعدين سكتو نزلوني واني ماشوف شي ساعدني البنات وصعدنة بالمصعد للغرفة

جانت من ارقى الفنادق بالبصرة

غرفة ملكية وفخمة

نزل هوة واحنة ضلينة ذبيت عباتي وعدلتلي نور التسريحة ورشتلي عطر ضلت بيبي تحجي وياي وتهديني

بهاللحضة حسيت اريد انهزم من صارت صدك

بعد هالونسة كلها ردت انهزم هههه

بعد ما خلصو مزيقة وركص ونهدو كلهم راحو وهوة صعد باركنلة ونزلن سد الباب واجة بتجاهي وكفني

وباسني براسي

واني شفتي كامت ترجف

جراح : شبيج كمتي ترجفين من شنو خايفة

ملاك : احم مخ مخايفة بس ت تعبت خلي ننام

جرراح : بعد سنييين صبر تريدني انام يهون عليج كلبي تخليني بحسرة عليج

ملاك : برطمت وحسيت روحي حبجي _ حباب بس اصبر

جراح : هههه اشاقيج بوية قابل غاصبج انة تعاي كعدي خلي افل تسريحة شعرج

ملاك : كعد يفتح بالماشاات شعري مخليتهة تحطلة سبري ومثبت ردتة ناعم حتى من افلة يضل ناعم مو يخشب
فلة كلة ونزل على ضهري صار كيرلي حلو هواي كمت اريد اروح للحمام لزمني

دنج راسة لركبتي يشم بركبتي وبشعري حسيت روحي رح اوكع

مشاعر غريبة اول مرا احسهة صار بجسمي

لزمتة من كتفة لان احس حوكع هوة نتبه ورف راسة بتسم وعيونة احسة كوة مفتحن

باسني بخدي بمشة

جراح : روحي بدلي يلة

ملاك : هزيت راسي واخذت السيت ورحت بالحمام اهفي على وجهي يمة متت شجاني ثكل شوية ملاكك

لميت شعري وسبحت بس جسمي بدون شعري ووجهي لبست السيت بعد خليت مرطب وعطر جسم وراها طوخت الحمرة ورشيت عطري عدلت شعري وطلعت ماعرف شبية خجلانة احس حموت خجل

لكيتة كاعد صافن بالكاع وفاتح دكم الدشداشة الاولى

باوعلي وبتسم وكام تقربت كعدت بسرعة لان السيت بي جاكات طويلة كلش

هوة حس بتوتري

جراح : اروح اسبح انة انتضريني مو تاكلين

ملاك : هزيت راسي وبتسمت فات هوة واني رجعت نفسي على الجرباية عبالك واحد جان خانكني

صراحة تصرفاتي جانت تضحكك هواي والله مدري شبية فجا تخبلت على روحي

بعدين رتبت نفسي وكعدت على القنفة يم العشة فتحتة جان جايب ريزو ودجاج ولفات بتسمت على يدري بية احبهن زوغلت واخذت لكمة من الريزو

وحضي الاكشر توني امضغها نفتحت الباب وطلع لابس برمودة وفانيلة ينشف بشعرة باوعلي وضيق عينة واني كوة بلعت اللكمة وعبالك لزمني ابوك

_ احم والله توني توني خليتها بحلكي

جراح : هههههههههههههه خرب شبيج حتموتين بوية اكلي قابل لازملج العكال

ملاك : برطمت _ انتة نضراتك تخوف

جراح : ههه احبج من تزعلين تصيرين مال كرط

ملاك : بتسمت بخجل وهوة اجة كع بصفي حاوطني من كتافي وجر لفة ياكل

بديت اكل وتوترت من قربة احسة دياكلني بنضراتة

خلصنة اكل وهوة لمة وذب الاكياس بالزبل والبقايا خلاها بالثلاجة

تقرب من واني مدري شبية رجعت ورا نتبه وحسيتة ضاج مدلي ايدة لزمتها راح للفراش مدد وخلاني على صدرة

جراح : شبيج خايفة تحسسيني رح اكلج

ملاك : لا مو هيج بس لان اول مرا خايفة

جراح : لتخافين من تضوجين او تتاذين بس همسي باذني جراح وابتعد عنج ترا اذيتج هية اذيتي لتخافين وانتي بحضني ياروحي انتي

ملاك : هزيت راسي وهوة بدة يتقرب مني

بدة يتجراء وهناك وبوسط هاللحضات الحلوة

جتي جملة على بالي

_ والللي نزل القران لخليج تتمنين الموت وماتلكي الايد هاي الي ربيتج بيه من جنتي صغيرة رح ارجع اربيج بيهة هسة اخليج تشهكين وتكولين ارحمني ومارحمج واللللللللله

من الخوف والرهبة الي جتاحني بهاللحضة هاي

محسيت بروحي الة واني ادفعة من صدرة قوي بحيث وكع بالكاع مصدوم ........

يتبع..... 

__________________

اتمنى يعجبكم البارت 💕

اسفة البارحة داومت ورجعت مريضة فمكدرت انشر 

انتضروني بارت جديد 💕

#الكاتبة : yaqeen. Hassan 

#مـلاك _ الـشيـخ _ جـراح