اريد أن أحتفظ بكِ ، أبقيكِ لي وحدي وكأنكِ أخر الاشياء التي سأحصل عليها في هذه الحياة ،
🤍لتنسون النجمة وعلقو على الفقرات 💕
#الكاتبة : yaqeen. Hassan
#مـلاك _ الـشيـخ _ جـراح
#الجزء الثاني 2
نغم : سبوع مر ومشفتة
رجعت للبيت قبل يومين من العرس لان ستحيت اضل واني الجنة مال لبيت وبهيج مناسبة
رجعت ومتواصلت وية علي ابدااا ولا هوة الي دك وتنازل
جان حيرجع بيوم الحنة
شي بداخلي فرح وشي خاف مدري ليش
جنت لابسة فستاني هذا
وخالة مكياج طوخ طالعة اخبل
ورا الحفلة ب11 تقريبا صعدت فوك كلت اكيد رح يصعد ضليت انتضرة وصدك سمعت صوت المفتاح لان جنت قافلتها حتة اسمع الصوت من يجيي
كمت وسويت روحي افتح السحاب
فات وسسد الباب منتبهلي من ندار يلة باوعلي واني مدري شبية من شفتة حسيت قهر العالم كلة نجمع بية بس اريد ابجي
هوة ضل مصدوم وصافن واني درت وجهي ونزلت دموعي بهدوء حسيت بخطواتة
تتقرب مني دارني علي وشاف دموعي
حضني لصدرة واني كل القوة اللي جنت اريد امثلها ختفت وتبخرت
بحضنة كمت اشكي منة هوة حضنتة قوي واطلع شتياقي بحضنة يالله شكد مشتاقتلة ولعطرة
علي : اسف حكج علية اعرف هواي ضجتي مني بس والله جنت عصبي من التعب وانتي زدتيها علية
نغم : حجيت بهدوء يصاحبها شهكاتي المتقطعة _ 3 اسابيع اني مشايفتك وعود كتلي اسبوع احل كلشي وارجع
علي : صدكيني نجبرت هواي حالات جتني وحتى دعوة للخارج اجتني حتة اسوي عملية
نغم : صدك
علي : اي وداعتج يمكن بعد شهر او هيج افكر واذا اكدر اخذج ونروح
نغم : يعني لخارج العرااق متاكد
علي : يي متاكد
نغم : بتسمت وبستة بخدة قويي
علي : نغم بوية شهالجمال سطرتيني
نغم : مابدلت ونتضرتك تشوفني.
علي : همم يعني هذا كلة الي
نغم : شتكول انتة
علي : هسة اجاوبج
نغم : تقرب وجاوبني بجاوبة الخاص
وبنص هاللحضات البينة همسلي بكلمة مستحيل انساها بيوم
علي : احبج
نغم : كلبي جان صحراء هالكلمة جتها وكلبتها حديقة بايام الربيع
ت طرتت من الفرحة ممصدكة واخيرا بعد صبر ومعاناه وية برودة اخيرا حنعيش مثل باقي للناس حضنتة قوي وهوة هم
علي : بهالبعد كتشفت ان انة ماكدر بدونج ولا اكدر على فراكج
نغم : حسيت روحي بحلم مجاي اصحى منة
من خلصنة حضني قوي لصدرة عبالك رح اختفي ويردد بكلمة احبج بصوت خافت لحد ماغفينة
صحيت الصبح باوعت لوجهة اتاملة واكول سبحان اللي زرع الحب اللي بكلبي الك
صارلي 3 اسابيع ابجي وانوح وزعلانة بس شفتة تبخر كل الزعل وراح كلشي
بستة بشفتة على كيف ورحت سبحت ولبست ملابسي ونزلت مردت اكعدة و
واني احضر الريوك كعد ونزل واجة للمطبخ باسني براسي وبتسم
علي : ليش مكعدتيني اساعد الولد
نغم : توهم كعدو بالدفرات من عمو
علي : تكسرنة البارحة يلة انة رايح حتروحين للصالون وياهن مو
نغم : اي
علي : لتخلين مكياج قوي ماوصيج
نغم : تماام ههه _ طلع وكلت بكلبي فدوة ونذر لهالطول
الفرحة اللي بهاليوم جانت مسايعتني
رحنة للصالون ولبسنة الفساتين خليت مكياج اني لروحي لان مكياج الصالون ثكيل تخلي متخلي خفيف
وصدك تونسنة على رومانسيات جراح وملاك وعلى الركص
بالزفة ركبت وية البنات بالكية لان ونسة اكثر وويانة خليل صدك جان عرس ميتكرر بتاريخ البشرية هههه
احلى من عرسنا بقاطات لان اصدقاء جراح بدعو
ونزلاتهم بالطريق واحنا نركص بالكوستر ههههه صدك ونسة صارت و
ودنياهم للفندق ورجعنا بالبيت بللطريق هم وحدة من سيارة اصدقائة عكست علينة ونزل يركص ععلىصوت الاغاني العالي نزل جاسر الة
جاسر : يوللللل زفيناهممم زفيناهممممم خلصنةةةةة
رائد: بوية خللللل نتونسسسس بعد حيخلصنن الاعراسس كلكم تزوجتو
جاسر : رح اجيكك وعليي الجهاللل كامو يصرخون من التعبببب امشي بالبيت اركص
نغم : متنة ضحك عليهم ذاك طلع من الشباك يركص ويحرك حواجبة لجاسر عود يغورة
وصلنا للبيت وهم صدك نزلو يركصون وجرو عمو وياهم وهوة يضحك وياهم
جامو لطيفين كلش حتة من فتنا جوة باوعنة جانو يحضنون بعمو ويبوسون بي وواحد يكلة لكيتلك عروسة
بتسمت وفتت جوة ضلينة جوة نقدم العشة وهاي السوالف
بدو يروحون ويفرغ البيت والبياتة فرشنالهم ولل12 يلة كمل كلشي واخيرا صعدنة للغرف متت تعب
رحت بدلت رغم تعبانة بس حبيت اكشخلة
حضرت تفسي واني بالحمام هوة فات
علي : وينج بوية
_ هياتني بالحمااام
علي : ماشي ستعجلي اريد اسبح ميت تعب
نغم : تمام _ رشيت عطر وبتسمت راضية عن شكلي طلعت من الحمام باوعلي وبتسم تقرب مني وفرني
علي : بوية انتة ناوية تجلطيني صارحيني ما اكتلج
نغم : ههههه لا مو جلطة ناوية اخطف كلبك
علي : خطفتي من زمااان انتي
نغم : عود صدك تحبني
علي : جاا اشاقة وياج ثاري جنت معمي على عيوني من ما اتغزل بيج يابة انتي الغزل نخلق الج
نغم : بتسمت ورفعت نفسي حضنتة ممصدكة كلامة هذا فرحني من اعماق كلبي
علي : يابة هية بقت سبح اانعل ابو السبح والتعب تعاي اشوف
نغم : شالني واني اضحك وهوة يبوس بخدي
_ _____________
ملاك : باوعلي مصدوم وعبالك بعدةة ممستوعب ايدي رجفت وخفت يضربني
لميت نفسي وكمت ابجي _ ا اسفة اسفة والله والله مو مو قصدي اسفة لتضربني
_ حسيت بي كام ثواني وصرت بحضنة يمسح على شعري
جراح : اشش اشش شجرالج بوية ليش اضربج ملاك باعيلي شبيج ليش دفعتيني
ملاك : باوعت بعينة حيرة يمكن جان خايف اكول هيج قريت عيونة وفهمت نضرتة محجيت لان واعرف بي رح ينقهر ويجوز اصلا ميتقربلي
_ م مابية شي ب بس خ خفت والله وبدون وعي دفعتك اسفة خوما تاذيت
جراح : ملاك باعيلي
ملاك : حاولت اتهرب من نضراتة بس مكدرت لزمنني من خدي وخلاني اباوعلة غصب ضل صافن بعيني شوية ونزل نضرة لجسمي الروب مال السيت جان واكع وباقي بس الفستان القصير الستن اللي هوة مبين كلشي باوعت عيونة تركزت على مكان نزلت عيني لتجسمي وباوعت اثر ضربة بعدة لون اخضر على ازرك
غمضت عيني وتذكرت ان اني نسيت اخفي هذني
من سالتني ام الصالون كالتلي كتلهة هاي وراثة عندي من جنت طفلة ودبرتها وخفتهن با ساس قوي ومن سويت جسمي هم رحت للصالون
سوتلي بحجة اسرع وهم كلتلة
وهية الاثار اغلبهن راحن بهذا الزيت الي من وصديقتي بس بقت كم وحدة بطني وبصدري وجتفي.
عقد حواجبة واحسة رجفي من العصبية
باوعلي واحسة يتمنة اكلة هاي مو اثار الضرب
جراح : ه هاي شنو الاثار مال شنو
ملاك : دنجت راسي مكدرت احجي بس شلت الروب ولبستة وضليت ساكتة هوة تركني وكام لبس قميصة وطلع
ماعرف وين راح بس جان عصبي لان شرايين كصتة بينت حسيتة ضاغط على اسنانة بكل قوتة
نزلت دموعي وبدت اثار الماضي تلحكني
اول شي كلامة شون خلاني ادفعة وهسة هاي الاثار
مسحت دموعي وكمت كلت اني سامحتة خلاص ننسة الصار سوة
كمت لزمت الموبايل دكيت علي همزين ضال بجيب البنطرون
ضل يرن يرن وماكو متت خوف كتبتلة رسالة لان صدك خفت وتخيلات كتلتني
_ ارجع حباب والله اخاف وحدي باللغرفة جراااح ارجع
دزيتلة وكعدت انتضرة
دقايق وسمعت صوت الباب نفتح ركضت اول مفات كمزت حاوطت وركبتة وابجي حضني بايدة ورفعني عن الكاع مشة بية واني اقوي بحضنة
_ لتزعل مني والله نسيت اخفيهن والله ناسية حباب لتضوج نفسك اسفة كلش اسفة حباب لتنقهر وتزعل
جراح : مزعلان لتبجين كافي يلة
ملاك : وخرت من حضنة رفع كف ايدة يمسح دموعي باوعتلة ايدة ملفوفة وطالع دم منها
تخبلت الة شوية _ شبيها ايدك جراح وين تعورتت
جراح : مابيها شي لتخافين
ملاك : اذيت نفسك مووو ليشش سويت هيجج ليششش تدريي بية ماتحمل اشوفكك متاذي
جراح : انة تحملت اشوفج متاذية وما رحمتج خليني اعاقب نفسي على الاقل
ملاك : لاااا لاااا والله ازعل عليك اني سامحتك ونسيت خلاص هذا الكاتبة اللي الله ويمكن لوما الصار مجنت رح ادخل كلية ولا رح يصير كل هذا ويمكن مجان رح ننجمع مثل هسة
فدوة انسة ولتضل تسوي هيج ترا تقعهرني وتزعلني وانتة متتحمل زعلي مو
جراح : انة اسف على كلشي ووعد اعوضج عن كل اللحضات السيئة العشتيهة
ملاك : احبكك _ تقرب باسي بخدي بشمة
جراح : اعشكج
ملاك : شالتني ونومنني على الجرباية ونعاد كلشي من جديد
بس هالمرة بداية جديدة وصفحة جديدة
صفحة ننسى بيهة كل الصار وبعد منذكرة
خلصنة وغفيت بحضنة بسرعة
ونمت هية النومة لثاني يوم ب11صحيت على بوستة بخدي ويشم بشعري دفعتة مزعوجة ونداريت لذيج الجهة
رجع فوكاية ويبوس وايدة الوكحة يحطهة باماكن كوة يخليني اكعد
جراااح حباب تعبانة كولش خليني انام
جراح؛ كومي بدلي يلة ب11 صارت وطيارتنة ب5 شنلحك نحضر يلة كومي كسولة
ملاك؛ فتحت عيني كوة من النعاس باوعت علي لابس دشداشة بيضة ورافع شعرة يعني ميلبس شماغ بتسمت ومديت ايدي اتلمس لحيتة
_ طالع حلو بدون شماغ
جراح : كدامج يابة انة ولحيتي وشعري
ملاك : لتلبسة بعد
جراح : اي وافوت للديوان بشعري المرفوع هيج تريدين
ملاك؛ اي عادي كللهم مرتي تحبني هيج
جراح : ههههه دكومي يلة اخرتينة
ملاك : مليت راسي وحجيت بزعل _ تعبانة كولش خليني انام
جراح : تؤ ماكو نوم تعاي اشوف
ملاك : شالني واني لزمت الجرجرف واحرك برجلية حتى ينزلني
نزلني بالحمام ورفع ايدة بتهديد ويحجي
جراح : هالمرة فوتتها الج مرا الثانية اسبحج بيدي فاهمة
ملاك : تمام بس اطلع _ دفعتة من ضهرة وسديت الباب وحجيت _ ترا طالع كيوت وانتة عصبي ومخفت من تهديدك
جراح :هاااا تسبعتي بالحمام طلعي وانة اعلمج
ملاك : احبكككككك انيييييي
جراح : طلعي طلعي وانة اعلمج
ملاك. : ضحكت وغسلت بس مجايبة هدوم لبست البرنص بالحمام مخلي
لفيت شعري وطلعت
هوة جان كاعد يكلب بموبايلة
باوعلي ونضراتة الوكحة تباوعلي كل ما اروح عينة علية بالاخير متحملت
باوعتلة _ كافيي شيلل عيونننك خجلتنيي
جراح : منوو يمج انتي
ملاك : لا بريئ انتة اني اتهمك
جراح : امشي بدلي لا اكوم استلمج امشيي
ملاك : اخذت هدومي رحت بدلت لبست فستان ااوف وايت وبي ورد صغار ماروني
لبست شال ماروني وخليت بس مسكارا وحمرة هادئة لان ادري نتعارك واني وجهي ابيض فاذا اخليشي لوجهي يبين ويستلمني
رشيت عطر وطلع باوعلي من فوك لجوة ضحكتنني نضراتة عبالك داخلة بتفتيش
_ ها راضي
جراح : شوكت الله ياخذ اللون الماروني وارتاح
ملاك : هههه ليش مو حلو
جراح : لج بوية هذا يبرز لون بشرتج وطالعة تضوين
ملاك : عرفت حيصير عرايك رحت كعدت بحضتة وحاوطتة بايدي_ حباب جلاحيي والله اني علوسة ولازم اطلع حلوة
جراح: لف ايدة على خصرهة _ والعليس شون يتحمل العلوسة تطلع هيج
ملاك : حبابب حبيبي فدوا اروحلك اني _ بستة بخدة كومة بوسات بعدين ضحك
جراح؛ خلاص امشي لا هسة اخلج تسبحين مرا ثانية
ملاك : ضحكت كمت خليت البدلة بالعلاكة اتمنا احتفض بيهة بس تضل بالكنتتور وتعفن خلي غيري يتونس بيه
لان هية صدك جانت حلوة
لميت ملابسنا واخذنة الجنط وطلعنا
تريكنة بمطعم بالفندق وراها
توجهنا للبيت من وصلنا تلكونا بالطلق جنت متعودة لازم بصباحية كل عريس يتلكوهم بطلق
سلمنة على جدو وجاسر حجة وهوة يضحك
جاسم : المفروض نذبحلكم خروف بس انتو تاخرتو فالخروف نسلك وصار تشريب
ملاك : ضحكت ورحت حضنتة وراها فتنة جوة هم هلاهل وسلام وهاي السوالف
والنسوان تبارك وفلوس كومة حصلت بهالساعتين لان الجيران اجو واصلا اكو فلوس يم بيبي مخليهن مال فضل
لل12 بدو يصبون صعدت ابدل لحكني البنات
نغم : ها ولججج وجهج مورد
نور : شصارر كليلي
ملاك : شصارر يعني متعرفين انتي
نغم : يعني مر بسلام بدون اكشن
ملاك : لا افا جان متنة لو مرت بدون اكشن
مريم : شنو رجعتي زعطوطة الماضي وخبلتي ابن اخوي
ملاك : هوة هذا الاكشن الصار راجعنة شوية ذكريات ونسيناها
نغم : ذكريات شنو
ملاك : نور تحجليج اريد بس احضر للغراض لان ب5 الطيارة
طلعن نور ونغم ومريم ضلت يمي
مريم : علمود اثار جسمج
ملاكك : هزيت راسي واني اسفط _ وماعرف من تقربلي اول شي اجة كلامة بذاك اليوم باذني ودفعتة قوي
بس هوة تتفهم
مريم : يعني ماتمت الشغلة
ملاك : لا تمت بس كتلج قبلها اكشن هههه
مريم : الله يسعدكم رح نشتاقلكم شكد انتو حتطولون
ملاك : يمكن 10 ايام لان مبقى شي للكلية
مريم : اي نتحملها زين
ملاك : اي يابة مشاعركم فاضت
مريم : ملاك
ملاك : هاا.
مريم : احم فاروق اخو نغم
ملاك: شبي
مريم : برايح شلونة
ملاك : خوش ولد مبين حباب واحسة هادئ وصاك هاي اهم شي،
مريم : رح اكلج شي بس لتكولين لاحد
ملاك : شنو
مريم : بيوم الزفة مو طلعنة من البيت ف اني اخر وحدة طلعت لكيتهم واكفين هوة وجاسر عاد جاسررر صاحو بقة هوة مشيت تجاهلتة جاسن يصيحني درت وجهي علي وكال
فاروق : تزوجيني
_ اني ضليت صافنة بوجهة معرف شحجي بعدين تذكرت احنة وين عفته ومشيت
ملاك : احاااا يعني عرض عليج الزواج يمةةة عزاا رومانسيتة فوللل
مريم : ملاك نجبي عاد وكليلي شسوي
ملاك : شسوين يعني وافقي ترا ولد مناقصة شي وصاك بعد شتريدين
مريم : مو هيج بس، ماعرف بعدي عن اهلي وهاي الاشياء احسها صعبة
ملاك : شوفي هية من هاي، الناحية اي صعبةة اني مجربتها بس احس بيها بس مريوم شنو النهاية نزوج كلنا صدكيني وهوة للولد مناقصة شي
مريم : ملاك اني احبة
ملاك : هااااا
مريم : اي عنندي مشاعر الة بداخلي من التقائنة بعرس نغم وعلي ومن وصلنة للبيت وراها من شافني بالدشداشة القصيرة هية نظرات بس، جانت شي يفرحني واضل فرحانة طول اليوم
ملاك : عمتي واكعة ومحدش مسمي عليهة هههههه لج مريوم شمنتضرة لعد يول
مريم : ماادري
ملاك : كبر لفجج اي والله ثولة بعد شكو لعدد دتفكرين
مري : مو اني مفتهمت يعني شنو تزوجيني يريدني انطي خبر لو اراسلة واكلة يعني مفتهمت
ملاك : انتي ضمي الموافقة بكلبج وهسة يجوز هوة يدز اهلة
مريم : اي الله كريم
ملاك : نفتحت الباب وفات جراح كامت مريم راحت حضنتة
مريم : مبروك حبيبي الله يسعدكم
جراح؛ الله يبارك بيج عمتي العزيزة هههه
مريم : حبييببي حبيبي ههههه يلة اني رايحة عود نزلو تغدو
ملاك : راحت هية وسديت الباب درت وجهي اكمل الغراض تقرب حضني ويشم بشعري وركبتي
جراح : افيشش يابة ريحة الجنة هنا
ملاك : وخر جراح خلي ننزل عيب
جراح : العيب بالجيب مزوجين والبارحة عرسنة شنسوي قابل
ملاك : يااا بس وخر _ دفعتة ورحت للميز _ شوكت نطلع بيش الساعة
جراح : ب4 طالعين احنة يلاا امشي ننزل
ملاك : تمام _ خلصت كلشي نزلنة سوة وهوة طلع راح يم الزلم يتغدة واني هم تغديت يم النسوان وسواللف واغلبهن غيبة ونميمة
ورة الغدة ردت احجي وية نور بس ملحكت لان غسلن المواعين وصارت ب2 فبدلنة بسرعة وودعناهم وطلعنة وجهتنا الشمال تحديدا اربيل
نور : راحو جراح وملاك وللبيت من هسة احسة فرغ بدونهم حاولت الهي نفسي خلصنة كلشي وللعصر راحو كلهم محد بقة واخيرا صفينة احنة اهل البيت
نغم : وين علي شو تاخر
نور : داحجي جاني فوت جاسر ويسمعها وحجة
جاسر : احم راح يجيب صديقة يشوفة بالليل يجي اعتقد
نغم : مكلي شو وادك علي مغلق
جاسر : اي مو تلفونة مابي شحن اه انة اروح ل غرفتي
نور : راح وهوة عينة علية طول ميحجي صبرت نفسي وتنفست بمعق وكالعادة بلعت الالم لداخلي وبتسمت ابتسامتي المعتادة
جان يدك موبايلي مصطفى رحت لغرفتي فتحتة وفتحت كامرة_ هلووووو
مصطفى : لككك هلا بخيتيي وروحيي شونج حبيبتي
نور : دمعت _ موزينة انتة رحت وجراح وملاك راحو ضجت وحدي
مصطفى : صدك جذب لعد ابو الخل وينة
نور : هذا ملتهي بصاحباتة
مصطفى : هههه دومة عار شونة العرس
نور : يخبلللللللل صوفييي يموتت والله صار من احلى الاعراسسس والنبي يموتتتتتتتتتتت مكانك خالي _ حجيت هيج وهوة حسيتة نقهر تنهد وعينة لمعت بين بالشاشة تندمت لان حجيت
مصطفى : الله يسعدهم نشالله راسلت جراح بس كال طلعو من يوصلون يخابرني
نور : اي هسة ورة ساعتين خابرهم يوصلون
مصطفى : اي نشالله
نور : باووعت الدنيا يمة ليل ستغربت هيج وقت عدهم همة نص الليل وميدك ابد علينة بهيج وقت
_ صوفي شعجب دكيت بهيج وقت وليش ما نايم شنو ماعدكم جرعة
مصطفى : لا عدنة بس احم لحضة نور سدي الكامرة غوشت
نور : مصطفى ما اسدها باوعلي لتجذب شصاير _ باوعلي ونزلت دموعة ودار وجهة حجة بخنكة
مصطفى : البارحة بالليل جنة مقررين ننتضركم حتى نفتح مكالمة ونحضر الزفة
و فجاااا ختنكت ووصلت للموووت _ تنهد _ نور مجاي تكدر تتحرك من الفراش صايرا ريشة يمكن الريشة اثكل منها عمي حتى الطفل اول مينولد اثكل
وشعرها كلة وكعع وحتة حاجبها وتكعد تبجي علي ليل نهار والله انة من يمي اموتتت قهررر
روحي شابة بنار تمنيت اجي واشمر روحي بحضن امي وابوية
ردت ادك بس مكدرت اخرب فرحتكم بس نور مخنوك اكثر منها
حتى مانمت من البارحة عيني ماجاي ترمش خايف ارمش لحضة وافقدها بهاللحضة
شعور يوجععع حييييل من اشوفها هيج بس ماكول غير الحمد الله
نور : يحجي ودموعة تطيح ولازم شهكتة كوة واني ابجي وياه متوقعت هيحج متحمل من اشوفة يخابر يضحك اكول اكيد دتتحسن بس وضعة هسة غيير
مصطفى : الدكتور كال الكيماوي يجوز ياثر على الحمل ومتكدر تخلف بعد
كالها كبالها وانة اريد اترجم الها بس هية فهمتها ردت اكللها غير معنى بس فهمتها وضلت تبجي لحد ما ختنكت ووديتها للمستشفى وهم نعاد نفس الالم
الدكتور كلي من تدخل مستشفى واوكسجين وتختنك كالي انتضرها تموت يعني
وانة يومية جاي اعيش هاللشعوررر وساكت وصابر بس وحق الله داموتتت كل يومم وماحجي اطلع هنا ابجي بجي مصاير وارجعلها اضحك بس انة داخلي يتمعن بيهة وكاعد يعد لحضات ف فقدانهاااا
نور : شمر الموبايل على الصبة وبس اسمع صوت شهكاتة وبجية اني هم متحملت كمت ابجي واشهك وياه
صوتة كطع كلبي
بس قويت نفسي ومسحت دموعي وحجيت _ مصطفى احنة مسلمين نعبد الله ومومنين بقدرة وكلشي يسوي
هوة الدكتور من يكولك هيج معتمد على الاشعة والتحاليل ماعدهم شي اسمةقضاء وقدر ميعرفون ان اكو معجزات والله الوحيد اللي يكدر يحققها انتة مامن بي وتحمدة وتشكرة وحتة بيان نفس الشي بعد شكو.
لتسوي هيج بروحك والله ميخيبك لتضعف
مصطفى : انة ماضعف ومن ابجي بس على حالتهة انة راضي بكلشي الله يسوي والف الحمد الله والشكر الف مرة
بس انة ابجي حتى افرغ البداخلي لان ماتحمل كلشي يتكوم بداخلي
نور : الله يشافيها يارب ويحفضها الك بحق محمد وال محمد ونشالله ترجعون وانتو ايد بايد
مصطفى : امين يلة خلي اصعد دزيلي الفديوها والصور حتى اشوفهن الهة بلكي تتونس
نور : تمام ورح اخلي جاسر يدزلك ملات الحنة الشبابية واني ادزلها النسائية
سديتة منة ورفعت ايدي وادعي الهي ثنينهم طيبين وميستاهلون اللي ديصير بيهم
دزيت لبيان فديوهات الحنة مالتنة وصورنة وية ملاك وهنا تذكرت اني كتلة جاسر يدزلك خرب شون غباء
كمت وتنفست خلي اواجهة احسن حتى اتعود
صعدت لغرفتة ودكيت الباب سمعتة يكول تفضل
فتحت الباب ووكفت خايفة مدري شبية......
يتبع.....
__________________
اتمنى يعجبكم البارت 💕
انتضروني بارت جديد 💕
+النشر بين يوم ويوم
#الكاتبة : yaqeen. Hassan
#مـلاك _ الـشيـخ _ جـراح
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!