قال لي يوماً :
"في بحرِ عينيكِ هانت كل أشواقي
ياربة الحُسّن هل تنوين إغراقي ؟"
مممم فشنو التنزيل بين يوم ويوم 🌚🌚💕
وبعد ماكو يومية حتى بعد لتلحون علية ترا اجيكم بالتفكك 🔫🔫🔫🔫
يلة ستمتعو بالبارت وادعموني ونطوني لايك وتعليق حتة احبكم 💕💕
#الكاتبة : yaqeen. Hassan
#مـلاك _ الـشيـخ _ جـراح
#البارت السادس
ملاك : جلاح جلاح
جراح : ها كولي
ملاك : عوف الشغل حباب العب وياي
جراح : ماكدر حبيبتي بعدين العب وياج
ملاك : حباااااب حبااااااب
جراح : اباوع عليهة برطمت وعيونهة دمعت ركض بتسمت وكمت من المكتب شلتها على ضهري
_ شتردين تلعبين كولي
ملاك : نلعب بالحديقة اني وياك ونول
جراح : ههههه يعني شمعنة حرفالراء متلفضي
ملاك : حلف الاء صعب
جراح : كولي همبررررركررر
ملاك : همبلكل
جراح : ههههههه اروزح فدوا اني للبلكل
ملاك : هههههه وين تلوح اني همات الوح فدوة
جراح : ههههه وين تلوحين
ملاك : انت مو تكول الوح اني الوح وياك حباب اخذني
جراح : ههههههههههههههههه تددللين اخذج وياي وين ماوح
ملاك : احبببك هوااااي هواييي
جراح : وانة هم امووت عليج
____________
جراح: بدلت وداريد اطلع فتحت الباب دامشي عبرت يم الدرج باوعت على حذائي بي دم وحذائي ابيض بين بي درت وجهي وباوعت منين اجة ونصدمت من شفتة طالع من غرفة ملاك
ركضت بساع للغرفة اريد المفتاح اخذتة وطلعت فتحتهة
نفتحت الباب وشفت منضرهة جانت متمددة والسجينة بطنهة والددم مغرك الغرفة دنجت لزمت ايدهة اريد اكومهة بس مجنت اكدر اتصرف اي تصرف ولا اسوي اي شي
_ نوووووووووورررر مريممممممممممم تعالنننننننننننننن بساععععععع.... ملاك ملاك تسمعيني كعدي بوية كعدي
مديت ايددي اعرف هالشي غلط بس لازم احاول جريت السجنية وشمرتهة شلتهة وجني جان تصرخ نور
_ مووووكتتت صراخجججج جيبييي صصايةةةة وشالللل بسااااااااااع
شلتهة ولبستهة الصاية وحطيت الشال نزلت جوة اركض والكل خترع من منضرهة وكامو يعيطون ونرو تركض وراي واني طلعت حطيتهة بالسيارة ونطلقت للمستشفى
علي : وصلت للبصرة اخيرا وجنت اريد ارجع للبيت بس انام حتى مالحكت اخابر اهلي وصلت للبيت
دكيت هورن نفتحت للباب صفيت للسيارة بالكراج واسمع صوت صياح
نصدمت كلت شكو رحت للبيت فتت لكيت نور وامهة يبجن ومريم وامي همات يبجن _ ياستاررر شصاير
نور : عموووو عموووو فدوا وديني للمستشفى فدواااا دخيلككك
علي : شصايررر يا مستشفى منوو بالمستشفى
نور : ملاككك نتحرت ضربت نفسهة بالسجينة
علي : شجاااي تحجييين انتتت شلوون نتحرتتتت شصايررر لتخبلينيي
مريم : اكعد خلي احجيلك
علي : كعدت واسمع حجيهة واحس عقلي وكف يعني صح عصبت بس كلشي ختفة من كالت نتحرت ومدخلة السجينة بطنهة وغركانة بدمهة انة دكتور واعرف مستحيل تعيش اذا طول الاغماء اكثر من نص ساعة
كمت بساع وركضت للسيارة وطلعت للمستشفى وطول الطريق احاول استوعب اللي ديصير شلون نهزمت زين مو اكو كامرات بالحديقة ليس مشتفوهم حتى يتاكدون
كل هالاشياء تجمعت براسي
واحس عقلي حيوكف باي لحضة جد عقلي حيوكف
وصلت للمستشفى نزلت ركض
الممرض : حمدالله على السلامة دكتور
علي : الشيخ جراح جاي هنا بسرعة روح شوف وكلي بيا غرفة
الممرض : اي اي موجودة يم غرفة العمليات
علي : ركضت بساع وصعدت للطابق الثاني واحس حيلي نهد وصلت للغرفة لكيتة كاعد برة على الكرس وراسة على الكاع ويمة جاسر وابوية باوع علية جاسر اللي عيونة مدمعة وتقرب يمي من شوغتي وعصبيتي ضربتة بوكس وكع بالكاع
الجد : عليييييي
علي : كاعدددد تبجيييي ومقهوووور عليهةةةةةةةة ليششششش منوووووو السببببب بالليييي صايررررر وياهااااا هسةةةةةةةة هااااا منوووو السببببب اروح اشوفهة وراجعلكم _ رحت بدلت ملابسي ورحت للغرفة اريد اشوف وضعهة
: شلونههة
الدكتور : دكتور شوكت اجيت
علي : هسة كلي شلونهة
الدكتور : تعرفهة
علي : اي بنت اخوية شلونة وضعهة
الدكتور : ماعرف شكلك خيطنة مكان العملية ومنعرف شنضمد من جمسها االي صاير فد مرة وايدهة بيها التهاب وضلعهة مرضوض
علي : شوكت حتخلص العملية
الدكتور : يعد نص ساعة
علي : باوعت عليهة من وحسيت كلبي رجف مكان الضرية كاشفي وداير مدايرة كلة احمر مبيين ضرب مال حزام وايدهة اللي على الجرباية اللي منضرهة يرعب الصخر يمكن لو ما كالولي هية جان معرفتهة عبرت من ذيج الجهة انتضرهم يخلصون من خلصو طلع الدكتور المشرف على عمليتهة
_ ها دكتور بشر
الدكتور : حمد الله على السلامة دكتور
علي : الله يسلمك بس كلي شلون حالتهة
الدكتور : والله دخلت غيبوبة
علي : شلون يعني غيبوبة
الدكتور : مغمى عليهة صارله نص ساعة تقريبا لان الجرح ملتهب هواي وبالقدرة يلة كدرت تعيش ماعرف شلون يعني عاشت بس الحمد الله بس همات وضعهة مامضمون ماكدر انطيك امل
علي : بس ضربة السجينة متسبب غيبوبة
الدكتور : اي بس مناعتها مصفرة واضح صارله اكثر من يوم مماكلة وجسمهة مدمر وايدهة مرضوضة ومحروكة يعني كل هاي كافية ان تدخلهة بغيبوبة
علي : انة حفوت اشوفهة بالعناية
الدكتور : اي شوفهة وانة اغسل واروح عندي عملية ثانية
علي : مشكور _ راح واني لزمت الحايط دايخ عقلي واكف طلعوهة ودوهة للعناية ورحت وراها دخلوهة رحت لبست كمامة واشياء الوقاية لان وضعهة حرج بهاللحضة
دخلت فحصتهة وفحصت مكان العملية وعقلي وكف ابواع علة وجهة االي مشوه خدهة صاير ازرك وعلي طبع اصابع وشفتهة مشكوكة وكصتهة مضروبة
ولافين راسهة نزلت عيوني لجسمة نزلت شوية من ركبتهة باوعت لجتفه وغمضت عيوني بساع ودرت وجهي
حطيت ايدي على راسي واحس رحح اتخبل هاي مو ملاك مستحيل جلدها متشكك وصاير ازرك على احمر ولافين جتافهة نزلت عيوني لايدهة لافيهة ومتيبسة رفعت شوية من اللبس عن رجلهة وشفت الاسوء نار وصارت تغلي بجسمي
يمكن الشافتة هذا محد شايفة واللي اني شفتة هسة هم مشايفة بحياتي هذا اجرام اصلا زين منهة كدرت تعيش وتصبر باوعت على ملامحهة مختفية ماكو ملاك ام ضحكة حلوة وابتسامة تخبل
ماكو مختفية بهاللحضة فاتت الممرضة تضمد ايدهة والحرك بدت تشلع بالجلد اللي بايدهة وحمدت الله هسة هية متدري جان ماتت طلعت بساع ومتحملت الموقف لكيتهم بوجهي
جاسر : ها عمو شلونها
علي : كعدت على الكرسي وراسي بيدي واعصر قوي ومنضرهة ميروح من راسي
لحد ما اجة بالي ايدهة ووجهة كمت وبكل قوتي ضربت جاسر ضربة نومتة بالكاع ورحت على جراح ضربتة اقوووووى بس موكع مدافعو عن روحهم لان يعرفون ان همة الغلط
علي : شلونهةة مووو ترديني اكلك شلونهة هياتهةةة دخلتتت غيبوبةةة بسببببمن هااا بسبب منوووو منو السووةة بيهة هيججج لك انتوووووو كفاررررر لكككك حتى داعشششش مسووو هيج بالناسسس همممم رحمووو اكثرررر منكمممم شسويتووووو بيهةةةة وليشششش شعرفتوووا نتوووو يجوزززز حجيهة صددككك يجوزززززز جانت برةةةة تفترررر هية يوميةةةةة تفتررر برة شفتوووو الكاميراتتت شفتووووو صخامممم بوجهكمممممم
وانت يابةة ويننن جنتتت وينننن جنتتتتت من كلتلهمممم ربوهااا ماكلتتت يجوز تطلع مضلومة مكلت يجوز دنضلمهةة محددددد بيكمممم فكرررر ما اجةةة على بالللك ابنككك اللي امنها بيدك
اللللللللللله اكبررررررررررر عليكممممممممم لكممممممم حتتتتتتى الكح ..... اذاااااا لزموهنننن بيبيوتتتت ميسووون بيهن هيججججج
شنوووو ذنبهةةةة هيةة لان رادتتتتتت تدرس وتكملللللل دراستهاااااا هذااااااا ذنبهةةةةة هذااا السوتة
لان رادت مستقبلهةةة اللي تعبتتتت علييي ورفعتتتت راسنةةةة بييي
هذا الطالبت وستحقتتت كل هذاااا
ماعرف شحجي وشكللكم والله يعني جنت اكول احنة شيوخ بس مو مثل باقي الشيوخ اللي يكتلون بناتهم طلعتو نفس الشي ماكو فرق
الجد : علييييي لا تحجيييي وانتتتتت ماتعرففف شنو الصايررررر هيةةة رادت تنهزمممم لو منهزمة ورايحةةةة وينننن نودي وجهنة من العالم
علي : يعني هسة بعدك رافع راسك وتباوع للناس بعد السويتة تباوع للناس وما باوعتت لالله ماخفت الله بهاليتيمة ماباوعت لعبدالرحمن ومرتة مكلت هاي وصيتهم هيج وسويت بيهة مو جنت تكول هية اعز وحدة عندي وين المعزة وينة
جاسر: عمو يعني هية حتصحى هسة
علي : واله بعد تريد تدعي حتة تموت مو هذا الردتة
جراح : ليش جاي تدافعلهة وانت مامفتهم شي شفت انت انة بعيوني شفتهة يم الباب مالبيت تتختل وتصيح بالحارس ولابسة جنطتهة يعني كل هالاشياء وتدافعلهة
علي : هسة نشوف اذا حجيك صح او اغلط ....
نور : كعدت اشهك والطم واحسهة حتروح من ايدي ومحد يجاوب بالتلفون
يمكن ساعة او اكثر نفتحت الباب وفاتت سياراتهم اني طلعت اركض وواكفة وخايفة من اللي حيجيني خايفةةة وارجفف خايفة يكولولي راحت
نزلو ورككض عمو علي لغرفة الحارس ركضت لزمتة عمو ملاك ملاككك بيهة
علي : عايشة عمو عايشة وخري
فتت للغرفة مال الحارس بيهة الكامرات اخذت الابتوب اللي مربوط بين الكاميرات وفتت للبيت يمهم وسمعت شهكت نور من كالولهة دخلت غيبوبة غمضت عيوني وماريد اللي بالي يطلع غلط بيضي وجهي ملاك لا تسودي
طلعت التسجيل وبدة يتحرك مشيته لحد ما وصل من طلعت ملاك كلهم صفنو وركزو مشت للمرجوحة وضلت تفتر فجا فزت وبين صوت بالكاميرا لبست شال وضلت تدور وطلعت تصيح الحارس لان الصوت تكرر
باوعت عليهم جاسر صافن وعينة حمرةةة وجراح ولا كان جامد وجدو همات صافن ومصدوم وكلهم مصدومين صفكت بايدي وابتسمت _ عفية عليكم وعفية على السويتو
بالعافية عليكم شرفكم وسمعتكم خسرتوها وهية مالها اي ذنب شنو اللي سوتة هسة شنوووو لذنبببب اللليل تستحققق علييييي كلللللل هالعذااااااااب رححححح تموووووت دمهةةةةةة بركبةةةةةةةة منوووووووووو
ماعرف حجييي واللهههه ماعرفففففف هالتخلففففف منينننن جبتووووووو
الجد : علييييييييي الزممممم السانككككك وكافييييييي
علي : خلاص مثل متكول كافي كافي بس وحق من نزل القران اللي المحة بالمستشفى والللللله اخلي مكانة بمكان ملاك واني نبهتكم بعد وخصيصا انتو الثنين
نور : ضلو كلهم مصدومين وجاسر رجع يباوع للابتوب ويركز وعيونة حمرة جدو كعد واحسهم كلهم نهدو الة جراج جان نفس نضراتة ما تغيرت حسيتة للحضة بدون احساس
صعدت فوك واني واشهك وادعي بكلبي وروحي احسهة صايرا نار لزمت القران وضليت مكابلتة واقرا ودموعي تنزل وكلسع ادعي
مريم : جلال طلع ونور صعدت وواني وواكفة ودموعي تنزل باوعت لبابا راد يوكع لزمة حسين واني رحت سندتة _ بابا بابا شبيك
حسين : بوية اكعد اكعد خليللل جيب دواه
مريم : جاب خليل دواه شربة وباوعت لجاسر كاعد ومدنج راسة وكلهم احسهم مو بوعيهم
يعني مداعرف شوصف حالتهم
علي : وصلت للمستشفى وكلبي صاير نار وصلت للغرفة مالتهة فتت خاليها بالعناية المركزة
باوعت لوجهة ودموعي صارت بعيني كوة واكفة وين ام ضحكة الحلوة تقربت عليهة اباوع وجهة كلة زراكات وجوة عيونهة اسود نزلت عيوني لايدهة اللي متشوهة من باطنهة ونصعد للمعصم وفوك كلة احمر ومتجرح مبين
حامية روحهة بايدهة لان صايرا قطعة حمرااا كعدت يمهة وراسي بين ايدي واتخيل
اخوية لو جان عايش جان هسة رضة اتخيل نضرة امهة شيصير بيهة لو شافتها هيج اهخخ ياروح عمج اهخخخ والله لو جنتت موجود جان ماخليت احد يمسج بشعراية
كما طلعت واني كلبي موجر رحت شفت التقارير والتحاليل واني كدكتور عندي هيج حالة مستحيل تعيش
نور : ضليت حابسة روحي بالغرفة وابجي واريد بس لحضة وحدة يرجع بية الزمن والله اكل اني الضرب بدالهة بس لو يجرع الزمن لحضة
وهيج بدت الايام تمشي ووضع البيت صاير فد مرة
عمو علي يضل بالمستشفى يمهة ويجي بس يبدل ويروح وحاقد على الكل
جراح اللي فجا راح لبغداد كال عندي شغل وبدون تانيب ضمير راح ومرجع جاسر اللي ديلوب على المستشفى وعمو علي ميخلي يروح ويشوفهة يطردنة مناك
جدو اللي كلسع ضغطة مرتفع لو يهبط وهمات حارو بي وكل واحد جان بعالم واني اللي الدعاء ما وكف من حلكي واقرة قران وادعي
وتوسلت بابا يوديني للمستشفى مرضة وكال ميدخلون احد الهة لان وضعها حرج
وهيج ومر سبوعين وكلشي ماتغير نفس الحال بس الفرق البيت راحت روحة مابي احد يضحك مابي لمة السفرة كلنة من نلتم
عمامي كلهم درو بس محد عرف بسالفة ان جراح وجاسر ضربوهة كالو واكعة من الدرج وايدهة محروكة قبل يوم ومحد ستفسر او شك فالموضوع لان كلها جانت حزينة عليه
كعدت برة صافنة وابجي جان تفوت سيارة جراح ونزل واجة علية
جراح : سلام عليكم
نور : هلو
جراح : شلون صارت
نور : والك عين تسال
جراح : نور بلا لغوة زايدة متحسنت
نور : لا جلال لاااا ودتصيرررر اسوء بكل لحضة تمررر
جراح : اني رايح لمستشفى
نور : اخذني وياك فدوا والله بس اشوفهة
جراح : مرح اكول لاحد عمج ميرضة احد يتقربلهة اشوفة من الدكتور اسئلة واجي
نور : ليشش انتتتت ببلاااااا احسااااااااس مديئنبككككك ضميرككككككككك لككككك هايييي ملاككككك جرااااححح ملاكككككك بنتتككككك لكككك ليش مخايف ليشششش متكلب الدنيااا ليششش هاللبرود الليييي عندكككك
_ صرخت بوجهة صفن بوجهي وباوعلي بنضرة يمكن لو شيصير ماكدر افسرهة لان مو واضحة دار وجهة وراح واباوع قابض ايدة قوي معقولة نساها معقولة بطل يحبهة
علي : مر سبوعين ونفس وضعهة ومرات تصير اسوء حرت شسويلهة ووين اوديهة توصالت وية دكاترة هواي كالو ماكو امل عتمدت على الله ودعيت هواي
ومبقيت شي مسويتة بس متغير شي
نفس وضعها
جنة يم والغرفة كاعدين اخواني وولدهم ويحجون واني عقلي واكف
فات جراح
جراح : سلام عليكم
علي : شعدك جاي انة شحجيييت
جراح : انة ما جاي على حضرة جنابها جاي على صاحبي وكلت امر
علي : شكد شفت نذالة بحياتي بس متوصل الك ولك انت جهنم متكفيك
جراح : عمييي لا تثكل بالكلامم ترا انة ماتجاوزتتت
علي : شو اثكل واتجاوز واذا انت رجال شوفني شحتسوي
حسين : عليي كافي لخاطر الللله وكتتت عرايكك هسة
الدكتور : دكتور علي ممكن تجي لحضة
علي : يي جاي
خليل : جراح لخاطر اللله هوة صايرر نار انتة جاي تزيدهة علي
جراح : انة ماحجيت شي غلط لا تجي تحاسبني وانة اصللا صوجي جيت
نور : طبيت للبيت رحت يم بيبي نمت بحضنهة وكمت ابجي
الجدة :كافي يا بيبي نشالله مابيهة شي
نور : بيبي ليش هيج صار بيهة وهية مالها ذنب ليش
الجدة : اهخخخ هذا الصار بعد شبيدنة عليهة
نور : ادعيلهة بيبي ادعيلهة
الجدة : والله الدعاء مديوكع من حلكي
جاسر : سلام عليكم
نور : كمت من حضن بيبي وعدلت التشيرت فات كعد يمهة واني داطلع سمعت شهكتة درت وجهي باوعتلة حضن بيبي وكام يشهك ضليت متصنمة اول مرة اشوف جاسر بهالوضع بيوم اللي ضربوهة
عيونهم جانت مبيهة اي رحمة شنو صار هسة ضل يشهك وبيببي تهدي بين محجة اي شي صارلة سبوعين يطلع ويرجع تالي الليل لو يروح يضل بالمستشفى برة حتى ميشوفة عمو علي ويرجع الصبح يروح لغرفتة
طلعت وصعدت لغرفتي ضليت كاعدة واكلب بصوري اني ووياهة وساعة ابتسم ساعة ابجي
شوية ونفتحت الباب وفات
نصدمت وكمت
جاسر : اكدر افوت اريد منج طلب
نور : رغم حقدي تجاهة بس مكدرت ارفضة واطردة دنجت راسي ورحت كبالة _ كول شنو تريد
جاسر : بس دكي على عمو علي كوليله شنو وضعها توسلي بين لان ميرضة يحجيلي ولا لاحد ميقبل بلكت يحجيلج
نور : تمام _ رحت جريت موبايلي دكيت على عمو علي وهوةة اجة كعد على الجرباية بصفي
رن ورن جان يجاوب _ الو
علي : تنهد _ هلو نونة
نور : شلونك عمو ملاك شلونهة
علي : على الله وملاك نفس وضعهة
نور : عمو امانة كلي شبيهة خوما حالتهة خطرة فدوة
علي : نور هية غيبوبة لو تطلع لو لا سامح الله متطلع يعني ماكو حل وسطي بس الدعاء
نور : عمو يعني يعني ت موت
علي : اسم الله لا تحجين هيج نشالله تصحى نشالله
نور : نشالله
علي : يلة رح اروح عندي شغل
نور : اوكي بيباي _ سديتة وشهكت حطيت ايدي على وجهي وكمت ابجي ضليت شوية ابجي وهوة
ماكام ورة شوية نزلت ايدي ومسحت دموعي باوعت علي صافن بالكاع باوع بعيوني وتقرب بدون ما استوعب حضني
ضليت متصنمة حط راسة على كتفي واحس بحركة خفيفة مبين ديبجي ماعرف سكتت ومتحركت ضليت صافنة
المفروض ادفعة المفروض ان هذا الشي حرام ميصير بس منطيت اي ردة فعل ضل هيج تقريبا ربع ساعة يبجي واني عطرة تغلغل لاعماق كلبي وحسيت تنفستة بكل اعماق كلبيي
وخر بعد منا شبع بجي
جاسر : ا ا سف
نور : حجة هيج وكام طلع يمسح بدموعة متوقعت يعتذر متوقعت اي حركة سواها اليوم كلي صدمني......
يتبع.....
__________________
اتمنى يعجبكم البارت 💕
دك حزن البارتات هاي 😂
المهم باعو القصة بيها احداث هواي لهذا اذا تشوفون تسريع بالاحداث فهذا شي طبيعي
وها صدك كولولي شون تشوفون القصة برايكم اني ماعرف احس ماعرف اشوفها مثل نضرت القارء
كلولي شونها لان يعجبني اعرف رايكم 💕
وانتضروني بارت جديد
احبكم 💕
#الكاتبة : yaqeen. Hassan
#مـلاك _ الـشيـخ _ جـراح
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!