رواية ملاك الشيخ جراح الفصل الثامن 8 - بقلم ~yaqeen.hassan~

‏وأعشقُ الصّبحَ في أنوارِ بسمَتهِا
‏تأتي فتُورِقُ في قلــبي الأزاهـيرُ .

هلا شونكم شخباركم طبعا فرحانةةة هواااي القصة دخلت 1.72الف  يعنييي قربنة للالفين ممصدكة هالتفاعل بالمشهادات الحلوة الصاكة اللي مثلكم شكرا كلش هواي  💕💕

قبل لتقرون دوسو النجمة وستمتعو بالقرائة 💕

#الكاتبة : yaqeen. Hassan
#مـلاك _ الـشيـخ _ جـراح
البارت السابع......

ملاك : فتحت عيني وضربتني الشمس القوية سديتهة وفتحتهة شوية باوعت بغرفة بيضة ريحة المعقمات تخنك واصوات الاجهزة هية الوحيدة بالغرفة

بديت افتح وتوضح الصورة عندي ماكدر احرك اي جزء بجسمي احس بيني شلل باوعت لارجاء الغرفة ماكو احد

رفعت ايدي على كيف وهنا بدة يتسلل الوجع لارجاء جسمي رفعتها ومن شفتهة شلون ملفوفة ومبين الحمار اللي داير مداير الشاش هنا، جعت ذاكرتي رجعت بية لذاك اليوم ورجع الوجع يزيد ويزيييد ويزيييد لحد ماااا نزلت دموعي وبديت اصحى على الواقع ومن حركتي هاج علية الم بطني صار فضيع تذكرت ذيج اللحضة من دخلت السجينة بطني

حسيت توني طببتهة من الوجع اللي صار

تنفست قوي ونزلت دموعي بقوة وطلعت اول شهكة مني وكمت ابجي وابجي وابجي والامي تزيد وتزيد واحس جسمي يصلللل من الالم

باوعت كبالي ووجهي غركان من الدموع وعيوني غوشت الساعة ب3 الضهر اريد احجي ماكدر احس حلكي متيبس اريد مي ميتة عطشش مرت تقريبا نص ساعة واني بس اريد الباب تنفتح اريد احد اريد مي وعيوني راحت من البجي والالم موتني

شوية ونفتحت الباب وفاتت بنية لابسة الزي مال دكاترة لونة وردي باوعتلي ونصدمت وطلعت ركض

طولت ورجعت نفتحت الباب وفات عمو علي يركض بصدريتة ولابس ككمامة وجفوف تقرب مني بساع وشاف الاجهزة واني بشوفتة رجعت كل جروح اللي بجسمي تاذيني كمت اشهك قوي وابجي تقرب مسح على شعري

علي : ملوكة حبيبي لتبجين حتتاذين فدوة اروحلج لتتحركين باعيلي اني هنا يمج ماخلي احد ياذيج والله محد ياذيج ملاك عمري كافي

ملاك : هوة يحجي واني ازيد بجي وكلامة  خلاني ازيد اكثر مال اني يمج ماخلي احد ياذيج تمنيتة موجود بذيج اللحضة تمنيتة موجودة بذاك اليوم رفعت راسي ليفوك اريد هوة مداكدر اتنفس

جاب قناع اللوكسجين وحطة على وجهي ومن وجعي والمي احس الاوكسجين خدرني بديت اغمض وفقدت

علي : جانت فرحتي متنوصف بعد ما مر شهر كامل احس بديت افقد الامل ان تصحى بس ضليت متوكل على الله والحمد الله مخيب ضني

باوعت عليهة نامت لان شكلتلهة مغذي وضربتهة منوم لحد ما تسكن الامهة الجروح بوجهة بدت تخف وايدهة احسن صارت يبست وبدة يلتئم الجرح الحمدلله بس بقى جسمهة بعدة على وضعة

لان منكدر نتقرب منة عمليتهة تااذة

طلعت وطمنتهم برا وربع ساعة واجة جاسر وابوية وكلهم لتمو بالمستشفى

الجد : ها بوية صحت خليني احجي وياها

علي : يابة محد حيدخل وضعهة صاير فد مرة صحت بس تبجي وتشهك وكامت تاذيهة العملية لازم نخليهة ترتاح ومحد يتقرب منهة

جاسر : خليني اشوفهة عمو اني احجي وياها دخيلك

علي : انت وذاك بالذات متشوفوهة وضعهة مو زين انوب احطكم بوجهة ماريد ترجع لنفس الوضع بوية روحو كلكم للبيت انة يمهة يرادلهة عناية خاصة واني يمهة مابية حيل احجي بعد روحو للبيت وطمنو البنات

الجد : ماشي وليدي بس دك علينة من يصير شي

علي : نشالله يلة جاسر روح _ مشو وجاسر تقرب يمي

جاسر : بس اشوفهة عمو واله بس اشوفهة مدام هية هسة نايمة بس خليني اشوفهة واروح والله

علي : تنهدت _ امشي يلة بس بساع

جاسر : اي

علي : فوتة الغرفة تقرب يمهة وضل واكف صعب علية اشوفهم بهالموقف يمكن لو جنت موجود مجان صار و لي صار بس الله الة ارادة بكلشي

_هسة حسيت بالندم جاسر

جاسر : جنت اعمى ومفكرت بشي غير الحقد مرح تسامحني عمو محتسامحني مرح تنسة السويتة حيضل اثر بكلبهة لطول العمر ورح تضل حاقدة علية

علي : يجي يوم وتنسى بس انتة لا تتصرف تصرفات سريعة وهية ترضة واني موجود اصلح بينكم لتشيل هم

جاسر : عمو تعبان

علي : ندار علية وحضني تنهدت وحضنتة واربت على ضهرة_ كول يالله وكلشي ينحل يلة روح للبيت ارتاح وطمنهم ولتخلي احد يجي انة من تصير زينة اجيبهة واجي للبيت

جاسر : ماشي عود. طمني من تكعد

علي : نشالله _ طلع واني هم طلعت اكمل شغلي

جاسر : طلعت ورجعت للبيت واحس هموم الدنيا فوك راسي صلت وتلكتني نور دتبجي

_ شبيج شكو البجي مابيهة شي

نور : اروح اشوفهة وديني حباب والله اني اعرف احجي وياها واهديهة

جاسر : وين تروحين عمو علي ميقبل وهية نطوهة منوم هسة لحد متهدا والمستشفى كلها شباب كعدي وسكتي

نور؛ مرح تهدة والله اني اعرف اهدئهة والله _ تقرب دفن ايدة بركبتي وحضن وجهي بيهة

جاسر : هسة نطاها منوم لحد باجر لان تاذت عمليتهة من تسوء حالتها اوديج بس كعدي هسة بالبيت

نور : يعني انتة شفتهة زينة

جاسر : احسن شوية

نور : دنجت راسي ومسحت دموعي وفتت للبيت

احس البيت ردتلة الروح بهالخبر وروحي اني خصيصا رجعت

حسيت النشاط كلة رجعلي وبس اريد اروح اني اداريهة واعوضهة اباوع جدو صار زين وضحك وكلهم فرحو وحتى كامو ياكلون بعد ما محد اكل طول فترة غيبوبتهة

اخذتلي صفنة على جراح  لازم اوراق وكاعد يكلب بيهن بدون اهتمام لاول مرة اشوفة بهالحقد والقسوة عمري ماشفت هالنضرات بعيونة بطبعيتي اقرة العيون واعرف شنو بيهن بس هوةة الوحيد اللي ماعرف نضرات عيونة  ميتفسر

جراح : جدي انة رايح للمصنع ومناك امر للشركة عندي شغل لتنتضروني عود

الجدد : روح بوية روح الله وياك.

جراح : في امان الله

خليل : شبي كالب خلقتة شنو يرديهة تموت

فاطمة : شنو هالحجي يمة مو عيب

خليل : دشوفي خلقتة بس سمع بيهة طلعت ضاج فوك اللي سواه عود ضايج

فاطمة : خليللللل كافييي بلا حجي زايد

نور : صعدت لغرفتي دافوت  لمحت باب غرفة ملاك مفتوح رحت باوعت من الفتحة الصغيرة لكيتة لازم صورتهة ومبتسم ويتلمس بيهة من نضرة عيونة جان مبين مقهور ومتندم هواي يمكن جاسر من شخص يشوفة يكول هاذا متندم ونكدر نعذرة بس جراح ماحس يجي يوم وملاك تسامحة

ملاك : فتحت عيوني مرة ثانية وهنا جان الالم احسة احسن بدت توضح عندي الصورة باوعتت الغرفة ضلمة باوعت للساعة ب4 الفجر

غمضت وفتحت بتعب رفعت راسي شوية شفت عمو علي نايم على الكرسي وهوة كاعد خطية مبين ممرتاح

حسيت بعطش قوي تحركت شوية وونيت بالم فز عمو علي مخروع من مكانة

اني بس شفتة اجة على باللي اني ليش هنا غرغرت بساع عيوني بالدموع

تقرب مني ومسح على شعري

علي : لا تبجين فدوا اروحلج ملوكة يروحي والله تتاذيت لا تبجين محد يفوتلج بس اني يمج شوفي محد اكو

ملاك : م م مي

علي : اي لحضة

ملاك : راح ركض جاب مي وبالقصبة يشربتي متتت عطش شربت تقريبا 3 اربااع البطل من العطش وخرت راسي وهوة خلاه وتقرب يمي

علي : بشنو تحسين حبيبي كوليلي بالم

ملاد : ا ايد ي

علي : تنهدت _ لتحركيهة هسة هية تهدي

ملاك : ا اريد ا ك وم

علي : لحضة

ملاك : خلة المخد وراية احس جسمي متخدر ماحس باي شي، حتى اذا يلزمني خلاني انهض شوية

علي : ميصير تكعدين هذا اقصى شي حتى جرحج ميتاثر

ملاك : غمضت عيني حسيت بالم شوية من تحركت فتحتهة وباوعت لعمو علي ودموعي نزلت بهدوء و

علي :اني يمج لتبجين

ملاك : هئ عموووو _ شهكت ودنجت راسي تقرب علية وحضني على كيف حتى ما اتئذة واني كمت ابجي بكل قوة عندي واشهك واناشغ بجيت بحركة وهوة يمسح على شعري بهدوء طلعت كل البداخلي
تقريبا نص ساعة واني بس ابجي حتى عيوني كامت تحركني

_ ما ما نهزم مت و والله والله

علي : اعرف شفنة الكامرات

ملاك : رفعت راسيي وباوعت علي مصدومة باوعلي ومسح دموتي

علي : بيوم الضربتي روحج انة رجعت للبصرة ودريت باللي صار وبيومهة دخلتي الغيبوبة اخذتهم كلهم وشفنة كامرات المراقبة وبينت الحقيقة

ملاك : بع بعد و وكت

علي : كلها تندمت

ملاك : ما ماريد ماريددد ا شو فهم

علي : مرح تشوفيهم ماخليهم يتقربولج

ملاك : ض ربو ني ضربونييي هواي هوااااي هئ ت تاذيتتت

علي : اششش اشش كافي كافي بجي صارلج كومة تبجين عيونج راحت

ملاك : عمو جنت  اموتتتتتتت اموتتتت

علي؛ اهدي شوية اهدي

ملاك :  هزرت راسي ودنجت يمكن لو شكد ما ابجي ما اصير زينة الجرح اللي نبنة بكلبي جبير ويمكن مرح يرجع مثل قبل كلبي تاذة هواي منهم كلهم

علي : باوعيلي ملاك الصار صار وهذا قدر الله اعرف انتي مالج ذنب بكلشي بس صار بعد والحمد الله طلعت الحقيقة وبين كلشي لهذا اريدج تصيرن قوية ومتبجين مارح اطلب منج تسامحيهم هذا بينج وبينهم بس ماريدج هيج تضعفين وتضلين وتبجين وتذكرين

انسي االي صار وعتبري ما مر وركزي بروحج وبحياتج وضعج متاذي واذا تضلين تبجين حتتاذين وتقربي من الله اللي سويتي حرام  ملاك متوقعت بيوم انتي تسوين هيج

ملاك : شنو تر تريدني ا ةسوي ح بسوني 3 ايام مثل الحيوان بالغرفة لا اكل ولا يدخلون يادوب اشرب المي من المغسلة بالحمام هئ جنت ماكدر احرك اصبع ايدي من الوجع جنت غركانة بدمي وايدي تنزف وجسمي كلة ينزف مبقة مكان ماضربوني بي

كلة هذا بدون ذنب شنو ذنبي اعيش كل هذا

ذنبي ان طلعت للحديقة كعدت اشتم هواي وسمعت صوت وخفت وصحت الحارس بس هذا ذنبي

عمو الدنيا وكفت بعيني من الوجع صرت اخنك روحي اريد اموت واخلص وبالاخير ضعفت ونتحرت هئ البية مو سهل واللي شفتة مو اي شخص يتحمل يشوفة

دنجت واني دموعي ناررر على خدي احسهة درت وجهي واحس هيجت جرحي ورجعت اتذكر الوجع والم كل ضربة نزل علية نفتحت الباب وفاتت ممرضة شايلة اكل

للممرضة : دكتور الاكل

علي : جيبي وحطي هنا

ملاك : حط الاكل وطلعت تقرب اخذ شوربة بلخاشوكة وقربهة من حلكي بعدت روحي

علي : ملاك لازم تاكلين

ملاك : ماريد

علي : لخاطريييي

ملاك : ما اشتهي

علي : ملاك انتي محتاجة غذاء لازم تاكلين يلة لخاطري فتحي حلكج

ملاك : فتحت حلكي واكلت شوية ومكدرت اكمل بديت انعس ومادري شوكت نمت

نور : مر اسبوع وملاك ضلت بالمستشفى رحنة اني وماما شفناها وضليت يمهة كم يوم ورجعت عمو علي جان مكرس وكتة كلة الهة مخلة احد يتقربهلة من جدو وجراح  وجاسر وبابا وحتى بيبي هم مرضة تروح وعمامي رادو يروحون كاللهم وضعهة تعبان من ترجع للبيت

من مر الاسبوع وضعهة تحسن وعمليتهة صارت احسن سوولهة ورقة الخروج وراحو حيدر وعقيل يجيبوهم من المستشفى

كمت حضرت غرفة الجوة خاليها للخطار اليجي رتبتهة وحطيت اغراضها وخايفة عليها خايفة جاسر او جراح يتقربولهة خايفة كولش عليهة اخاف تتازم حالتهة لان عمو علي من حجة وياي كالي ليل نهار تبجي

ملاك : فاتو عقيل وحيدر للغرفة واني مدنجة راسي ماريد يشوفون اثار وجهي رغم خفن بس احس وجهي مشوه بعدة

حيدر : حمد الله على السلامة ملوكة

عقيل : حمد الله على السلامة

ملاك : الله يسلملكم

عقيل : شون صرتي هسة عمي والله هبطتي كلوبنة

ملاك : دنجت راسي واحس دموعي بعيوني واحجي بخنكة _ احسن

علي : اباوع عليهة حتبجي الة شوية _ اه حيدوري جيب الكرسي بنهاية الطابق وانتة عقيل روح لمكتبي اكو اوراق عليه جيبهة حتى نطلع

حيدر وعقيل  ماشي

ملاك : طلعو واني عبالك فتحو القفص نزلت دموعي بغزارة وصرت ابجي بقوة تقرب عمو علي حضني
علي : احنة شحجينة ها البارحة شتفقنة

ملاك : متفقنة على شيي ماكوو شي حيتصلحح اني متتتت مستحيل ارجع اعيش مثل اول لتحاولون وياي لان مستحيل _درت وجهي وهوة احسة ايس صارلة سبوع يحجي وياي بس ميفيد وياي لان المريت بي مستحيل احد يحس بي

جابو الكرسي وشالني عمو علي حطني بي ومشينة ركبوني السيارة ورحنة للبيت واني اباوع لايدي ترجف رجف مو طبيعي وحيلي كلة يرجف ماريد اشوف احد بيهن ماريد التقي وماريد ارجع للبيت وترجعلي كل الذكريات السودة اللي عشتهة

مشينة طريق تقريبا ربع ساعة ووصلنة لزمت الجبة قوي وغمضت عيني و رجعت ذاكرتي تعيد اللي صار لحضة بلحضة

نفتحت باب الكراج وشفت عمامي وولد عمي كلهم واكفين واكو طليان هواي اول منزلوني ذبحوهن تقريبا 5 ذبايح صارن تقرب جدو باس راسي وهمس

الجد : سامحيني بوية

ملاك؛ رفعت راسي وبتسمت ودموعي نزلت ردت اكلة على شنو اسامحك على الضرب لو الضلم لو الاهاين ولو الحبس بالغرفة على شنو

تقربو عمامي همات باسو راسي وتحمدولي بالسلامة وولد عمي همات الحمد الله ماشفت لا جاسر ولا جراح  لان لو شايفتهم جان نهاريت

فتنة جوة ونفس الاسطوانة نعادت كلها تبوس وتتحمد بالسلامة واني روحي طالعة وداني عمو علي بالغرفة نمت على الجرباية ونداريت على ذيج الجهة ابجي بسكوت عمو علي غطاني وفتهم طلعهم كلهم بقة هوة ونور

علي : جيبيلهة عصير

ملاك : اريد انام عوفوني

علي : تنهدت _ ماشي حبيبي براحتج امشي نور _ جريت نور وطلعنة سديت الباب

نور : عمو شلون نعوفهة حتموت بجي

علي : خليهة نور خلية تبجي وترتاح لتضمة بكلبهة هسة بين ميصير الغدة نفوتلهة ولتخلين اي احد يوصللهة ماشييي

نور : تمام _ طلع برة واني دامشي دك موبايلي باوعت جاسر رحت على صفحة جاوبتة

جاسر : نور تعالي فوك اريدج

نور : ت تمام _ سديتة وصعدت خايفة صوتة بي خنكة وصلت للباب مال غرفتة دكيتهة وفتت باوعت الغرفة ضلمة بس ضوة اللي ورة البرد مبي ولان لون البردة ماروني منطي لون احمر للغرفة باوعت على الجرباية شفتة كاعد وايدة بين شعرة
_ جاسر

جاسر : تعالي نور

نور : ماعرف ليش خفت هواي اتقرب منة بس مشيت صرت كبالة رفع راسة باوعلي وعيونة مغرغرة بالدموع

ماحسيت غير جرني من خصري وحضني شهكت وحطيت ايدي على حلكي جان حاضني من خصري وراسة بين ركبتي وكتفي وهوة كاعد على الجرباية وحاضني ضليت متصنمة حتة النفس كطعتة الخوف اللي مر بداخلي جان قوي يمكن لان اول مرة امر بهيج شعور او يمكن لان خايفة احد يدخل يشوفنة ويصير بية مثل االي صار بملاك او يمكن كلبي رجف من لمستة

قربني الي ودفن راسة بركبتي صار يتنفس ويستنشق الهوا حسيتة مخنوك ضليت واكفة وماعرف شسوي مااكدر اتحرك

همست بصوت كوة كوة ينسمع _ ج جا سر ر

جاسر: خليني نور ماعندي غيرج والله خليني افرغ البداخلي

نور : غمضت عيني قوي وبعقلي اكول لااااا لااااا لتفتحيننن كلبججج لتفتحي مستحيل ترجعين تتعذبين بس بلحضة وحدة شهك وهوة حاضني نفتح كلبي وطلع حبي الة ودموعي نزل مديت اييدي ومترددة حطيتهة على شعرة وكتفة وحضنتة واني دموعي تجري وياه اي احبة احبة وبعمري ولا حيجي يوم واكدر اشيلة من عقلي

جاسر : نور لا تعوفيني اني ماعندي غيرج بهالدنيا

نور : م ما توفك بس بس لا تب تبجي

جاسر : رفعت راسي واباوع لدموعهة اللي نازلة احسهة هية منقذي من هالدنيا هية روحي اللي مستحيل اتخلة عنهة شفتهة تكبر كبال عيني لحضة بلحضة ومعفتهة ويمكن اجة االيوم اللي هية محتعوفني بي وصارت سند الي

_ نوررر انة........

________________

اتمنى يعجبكم البارت 💕

انتضروني ببارت جديد 💕

#الكاتبة : yaqeen. Hassan
#مـلاك _ الـشيـخ _ جـراح