رواية ملاك الشيخ جراح الفصل السابع والخمسون 57 - بقلم ~yaqeen.hassan~

أغـفـو كُـل ليــله وأنـا أُحـبـك
وهـذا أعظم مـا يَغـفـو المــرء عليهِ
أن يُخــبئك في صـدره

(لنا في الله ضنُّ لا يخيب )
هذي جانت واجهة موبايلي
فتحتة اشوف الساعة وعيني وكعت عليها
حسيت براحة واني اقراها وحسيت الله ساندني باللي جاي اسوي ورح تصير بخير
معجزات هواي قريت صايرة بكل ضريح امام
زين اذا فريته كل الاضرحة معقولة تصير معجزة تشيل هالسحر منها
نفتحت الباب مال البيت طلعو كلهم ونور وامي كايداتها ركبو السيارة كلهم ومشو ضليت امشي وراهم
طريق طويل كضيتة كلة قران
لنص الطريق وكفت السيارة وكفت بعيد عنهم وكلبي من الخوف وكف
طلعوها من السيارة غسلو وجهها
ومبين التعب بعيونها وهاي مرت بس ساعة طريق
تندمت وحسيت رح ااذيها هواي اذا اخذتها
بس عقيل ركب وتحرك
دكيت علي
عقيل : ها سلام شكو
جراح : شبيها شصار اذا تعبانة خلي نرجع
عقيل : لا ماكو شي شبيك هاي ديشكل شوية من الاستخدام هسة عوفة شوية يرتاح ويصير مثل الوردة
جراح : لتضغطون عليها خليها ترتاح
عقيل : اي اي خوش يلة فيمالا
جراح : سدة وكملنا الطريق
هواي ذكريات راودتني بالطريق من جانت طفلة لحد هسة
جتي بالي كليتها اخر روحة حجيت وية العميد وكال منكدر نجحها  اللي وياها متحنو وهية رسبت
نار بكلبي شبت بيوم شفت شهادتها كلها رسوب
تذكرت العام من نطوها شهادة التقدير تذكرت فرحتها اللي متوسع الدنيا شون جانت
رغم جانت متحجي وياي بس شلون ضحكت ولمعت عينها بفرح
مرت بالي ذكرى من جانت تقرا

جراح : كاعدة كبالي على الجرباية لابسة دشداشة قصيرة وربع ردن شعرها مفلول مغطي ضهرها وايدها بتسمت على ملامح وجها شون مركزة وكلسع غمت نفسها من تحل غلط وانة اضحك على خبالها
كمت عبرت من يمها كرصتها من زندها
ملاك : اهخخخخخ جراحححح شبيككك
جراح : مشكلتج والله تسويلي اغرائات بهذا اللبس القصير والشعر المفلول ترديني ما اتحرش
ملاك : اي شبيك مجلوب بس تكرص وتعضعض
جراح : هاي عليمن ولج
ملاك : ها مو عليك حبيبي
جراح : انة مجلوب
ملاك : لا لا والعباس لا
جراح: تعاي اشوفج الجلابة على  اصولها 
ملاك : دراستييي مستقبلييي ماااا
جراح؛ حضنتهااا وانة خربان ضحك عليها
ملاك : احبك جوجو
جراح : احبج مومو

صحيت على صوت الهورن سيارة وراي
ختفت بتسامتي
غمضت عيني اهخخ
ادفع نص عمري هسة بس ارجع احضنها
وصلنا اول شي لبغداد
جنت حاجز بفندق الهم كلهم طابق اول واني طابق ثاني
همة فاتو واني رحت للامام جان قريب من الفندق دخلت توضيت وزرت اخذت العلك وياي ومسحت بي الشباك  مرتين  قريت علي قران وضليت كاعد شوية بالضريح
وراها طلعت اكلت لفة من برة ورجعت
للفندق
دكيت على عقيل يجيبلي نور
شوية وصعدو ثنينهم
عقيل : ملاك نامت عود انتة نزلها لنور  اريد انام
جراح : خوش _ طلع وهية كعدت
_ شلونها
نور : زينة هية بس بالسيارة لعبت نفسها وتقيات
وراها رتاحت ونامت الطريق كلة
جراح: حاير شلون ازورها
نور : هية هسة هادءة حتى لو بس تكعد برا
جراح : لا نور لازم ازورها اريدها تلزم الشباك وهناك تصرخ بلكت الله وبجاه الامامين تصير زينة
نور: ماعرف بعد لو جاي جاسر
جراح : شغلة وشغلي وين يروح هوة هم
نور : هسة من تكعد اكللها نروح نزور بلكت الله شوية تهدء
جراح : ماشي يابة طمنيني عليها عود
نور : انشالله
جراح : يلة كومي انزلج
نور : اكلت شي
جراح : اي اكلت لفة صدك هاج هذا العلك خلي يمها لو يم راسها ومن تروحون همين مسحي بي الشبابيك وخلي على راسها
نور : اوكي يلة
_ نزلني جوة رجعت للغرفة كلهم نامو بس مريم كاعدة يم الشباك وصافنة رحت يمها
_ مانمتي
مريم : مداكدر..جراح وين
نور : بالطابق الثالث سال عليها ونزلني
مريم : الله يرحم بحالهم  تعذبو هوايي
نور : هذا المكتوبلهم كلة امتحان  .. انتي شبيج هموم الدنيا تارستج كون يشوفج دكتورج
مريم : هههه متارستني بعدني على النص.... حاسة بشعور راحة ماعرف ليش
نور : او تعرفين ليش وتغلسين
مريم : تمام اسكتي
نور : دكتورج علمج تواجهين كلشي الة هالشي
مريم : لان اني مردت اواجه هالشي وليش دا اواجه اذا احنا مبيناتنة شي
نور : تضحكين على روحج
مريم : مثل ما تضحكين على روحج انتي وتكابرين ومثل ما نغم تضحك على روحها وايضا تكابر نفس الشي ومابيناتنا فرق
نور : دنجت راسي والدمعة بعيني _ لا اكو فرق انتي ما اذيتي فاروق اما اني بكل مرة نتصالح بيها يتاذة هوة هواي لهذا ماريد هالشي يصير بي ويتاذة طول عمرة
مريم : وهسة يعني من تركتي مديتاذة هوة
نور : يتعود
مريم: لا ميتعود مدام اكو بالسالفة حب انسي التعود والنسيان
نور؛ سدي الموضوع خلاص اني صوجي سالتج
مريم : اني مداتهرب من علاقتنا اي اني مشتاقتلة وبعدني احبة بس اني اللي لازمني اللي شفتة وعشتة رح يرجع نفس الشي من اشوفة او بس يتقرب مني اني ماكدر اتحمل قرب اي شخص من عندي لحد هاللحضة فما بالج انو نرجع مجرد اذية الي والة حتكون
اما انتو فماكو شي يمنعكم غير المشاكل واللي اغلبها تكون بسبب تاخيراتكم وتاجيل خطبتكم
لو بسرعة تحددون وتخطبون مرح يعيق طريقكم شي
بس انتو بعد اللي صار سديتو هالطريق بايديكم واحد ينتضر الثاني يتنازل ومع الاسف هوة عنيد وعندة كبرياء ورباج على نفس اطباعة لدرجة صرتي مثلة لهذا مرح تتنازلون ورح تضلون هيج لحد ما كل هوة يشوفج تنزفين لغيرة وانتي تشوفي ينزف لغيرج وهنا حتشوفون انو مافادكم لا الكبرياء ولا العناد

نور : عفتها ورحت شنو احجي وشنو اكول كل كلامها صحيح بس جيب اللي ينفذة

صارت ب6  كعدت ملاك وكلهم تعشينا وحجة عقيل
عقيل : يلة نروح نزور
ملاك : اني ماروح ماروح ماريد  هناك يطلعون يخنكوني
عقيل : ملاك يابة منفوت جوة بس برة نكعد
ملاك؛ هم يكولون  اسمة ويضربوني
عقيل : حتى تتشافين مو احسنلج
ملاك : ماريد يضربوني تعبت عوفوني هنا
نور : كلنا نريد نزور  شلون انتي تضلين هيج وحدج
ملاك  : اي ميخاالف بس عوفونيي
نور : كامت راحت للغرفة وسدت الباب
بين صوت شهكاتها اني لا اراديا وياها دموعي كامت تنزل  لحالها
الشيخ كال جزء منها يريد هالشي وجزء خايف من الاذية1ط واللي دتشوفة
الي ديصير بيها حقيقي واكثر من مرة شفنا طكع بجسمها  ازرك واحمر ومايل للبنفسجي دليل على ضرب
حجة عقيل وية جراح وكال تركوها وروحو زورو واني اضل يم الغرفة
خليت المكالمة مفتوحة  وخليت الموبايل بالغرفة بالجرار حتى خاف يصير شي يسمعها جراح اخذت العلك وياي ازورة وطلعنا كلنا
جراح : السماعة باذني صوت انفاسها وشهكاتها يدكن بكلبي اهخخ وياصوتها الهادء شكد مشتاقلة
ضلت تبجي هواي
شوية وهمست بصوت ناصي
ملاك : ي يا ا لل الله 
جراح : ضليت مصدوم منها همستها وفجا عاطت وكامت تصرخ
ملاك : لا لاااا اسفةةة لاا والله ماعيدهاا لااا لااااا اهخخخخ لااااا
جراح : فتحت الباب بسرعة وفتت للغرفة شافتني وتصركعت اكثر  وكامت تضرب روحها بالحايط جانت اكو ابرة مهدءة بجيبي خالها دائما من تفقد اضربلهيا
ضربتها بزندها شوية شوية سكتت
ووكعت بحضني
هنا فكرت اي هاي احسن فرصة
جريت الجبة مالتها لبستها الها ولفيت الشال على راسها  ولبستها عباية  وشلتها  ونزلت بالفندق وانة شايلهة من عمال الفندق شافني واحد وجابلي كرسي عبالة متخربطة

كعدت على الكرسي ونزلت الشال على وجها ومشيت بيها بنص الشارع بخوف بطئت سرعتي من صرنة كبال القبة  لازم العربانة بقوةة عصرت يدتها عصر غمضت عيني وبديت اسلم وادعي بكل خطوة جنتت امشيها جان الامل يزيد بداخلي
وصوت يكلي هنا علاجها
عبرت التفتيش من يم الزلم حجيتلة مختصر حالتها
ووصلنا يم الباب منين افوت ماعرف ماكدر ادخل من النسوان ولا يدخلوها  من يم الرياجيل
هنا خطر فاروق على بالي
هوة هنا شقتة بهالمنطقة قريبة على  الامام
دكيت علي
_ محتاجك بخدمة اذا سويتها تكون مديونلي العمر كلة
فاروق : شصاير جراح شكو  كول
جراح؛ جيب هويتك مال الشرطة وتعال للامام اني واكف كبال الباب مال الضريح
فاروق  : ابشر جايك هسة
جراح : سدة واني وكفت على صفحة كعدت على كرسي وهية بصفي لازم كرسيها لزمت ايدها باردة رغم حرارة الجو جان شهر ال7
تذكرت عيد ميلادها يوم 23  بالشهر باوعت للقبة وعيني دمعت رصيت على  ايدها وغمضت عيني ادعي وادعي
ربع ساعة وفاروق شفتة دخل من الباب وكفت تقرب مني حضني
فاروق : شلونك ولك  شصاير خبلتني
جراح:  رايدك بخدمة  ملاك تعرف بوضعها
فاروق : اي كالتلي نغم شبيها هية متخربطة
جراح : لا انة ضربتها مهدء اريد افوت ازورها فاروق ولا اكدر افوت للنسوان ولا اكدر من جهة الزلم شوفلي حل خوية رحمة لاهلك
مخطر على بالي احد غيرك اريد ازورها واخليها يم الشباك بلكت الله يرحم بحالها
فاروق : سهلة سهلة اني احجي وية الحارس ونحجي وية شيخ هنا ونزورها من جهة الزلم لان النسوان ميصير
جراح : سوي اللي تكدر علي
فاروق : هسة شوية واجيك
جراح : ماشي _ راح شوية ورجع وياه من الحرس خلانة نفوت من ضريح الزلم  والحرس راح يم شيخ. اجة الشيخ يمنا حجيتلة عن حالتها وفاروق واكف يمي
الشيخ : سهلة ابني  انتة مسترها يجوز تفوت هسة جيبها خلي نزورها واقرا عليها يم الشباك
جراح : شلتها من العربانة وفتنا  كفخت بوجهنا ريحة الضريح اللي متنوصف وية برود الكاع  جنت مغطيها من كل الجهات ممبين منها غير السواد
قبل لا افوت صاح الشيخ بصوت عالي بالصلاة على محمد وال محمد وحجة وياهم وكاللهم  عليها
يمكن لو جنت بغير وضع وياهة جان شبيت نار من الغيرة عليها بوسط كل هالزلم  حتى لو ممبين منها شي بس كدرت اتجاوز هالشي بس لخاطر سلامتها
جابو مثل الحاجز فصلو بي وخلو تقريبا شباكين فارغات وسدو صار مثل المستطيل مسدود من كل النواحي دخلت بي اني وياها والشيخ سندتها على الشباك شلت الشال من وجها الشيخ استغفر الله ودنج راسة
الشيخ :  البيها مو هين
جراح : اي شيخ مو هين حيل بس املي بيهم جبير وهاي اخر امل اللي بيها يمهم همة اللي اريدهم يشافوها
الشيخ : هاك غسل وجها بهالمي والزم هالقران وواكعد اقرة يم راسها بلكت الله يرحمها وترجعلك سالمة
جراح : امين مشكور شيخ وكفتك وياي ماانسها
الشيخ : ولو وليدي جا المن خالين هالضريح غير حتى كل الناس المرضة والمهمومة  يكون علاجها هنا

جراح: طلع هوة وسد الحاجز رغم الصوت والهوسة بس حسيت بس انو وياها بالمكان رجفت ايدي مكدرت اوكفها ومكدرت اسيطر على دموعي
خليت راسي على راسها وساند راسي ووراسها على الشباك وابجي ابجي بحركة كلب واشهك
اول مرة هيج ابجي وبهالضعف هذا  بس فرغت كل البكلبي هنا دموعي توكع على وجهها جريت جزء من شالها امسح بي الشباك وامسح بوجهة مسحت دموعي ولزمت القران وورجفة ايدي ماوكفت
بديت اقرة واقرة بالساعة انة بس اقرة لحد ما حسيت ريكي نشف سندت راسي على الشباك ونذرت نذر اذا صارت زينة اتبرع كل شهر من راتبي بمبلغ للعتبة
جريت من جيبي هم مبلغ وخليتة بالشباك
كمت لحيلي وسندتها غطيتها ولكيت فاروق بالكاع كاعد يم الحاجز اول مشافني كام لحيلة  وبصفة جان عقيل الضاهر شايفة
فاروق : ها كعدت
جراح  : لا بس اريد ارجعها قبل لتكعد لان من تكعد تكوم تصرخ متتحمل
فاروق : يلة لعد امشينا 
جراح : شلتها وحاضنها مثل الطفلة طلعنا برا
شفنا البنات واكفات ينتضرن
ركضت نور وامي عليها
جراح : اشش اشش بس لتحركنها هواي لتكعد لان المهدء حيخلص
نور : هذا العلك زورتة مرتين
جراح : لفي على ركبتها
مريم : كلهم ملتهين بيها وكاعدين داير مدايرها
واني واكفة وكبالي هوة نتبادل النضرات نضرات شوق نضرات عتب ووجع بتسم ومبين من ابتسامتة بداخلة غصة جبيرة حفضتة حفظ من نضرات عينة
وصار بهاللحضة عكس اللي توقعتة واللي كلتة لنور
رتاحيتتت راحة بشوفتة جنت مفتقدتها من يوم الخطف حسيت بعيونة رتويت بنضراتة
ماتذكرت اي شي ومخطر على بالي شي غير انو اريد احضنة وابجي واكلة شكد تاذيت وبجيت وشون تعالجت ونسيت كلشي وشكد فراكة اذاني
على صفنتي حسيت بي حرك شفايفة غمضت عيني ماريد اسمع صوتة واضعف ماريد تصير بيناتنة محادثة وتهدم كل البنيتة
فاروق : شلونج فرحتي
مريم : مكدرت اقاوم نزلت دمعة من عيني مسحتها بسرعة وتركتة ورحت يمهم لزمت يدة الكرسي قوي وعصرتها نتبهتلي نور وعقدت حاجبها بتساؤل بس صوت فاروق خلاها تنتبه انو هوة هنا لان محد نتبه لوجودة كلهم ملتهين
فاروق : شلونكم يابة
مريم: سلمو علي نور وامها ومرت عقيل
بس اني جنت مدنجة ومرفعت عيني
فاروق : يلة امشو اوصلكم
جراح : عقيل جايب سيارتة متقصر بس تعال بكلمة رايدك
فاروق : خوش يلة مع السلامة سلمولنا على  الاهل
عقيل:  يوصل  نشالله جراح رح اخذها ونروح
جراح : روحو انة ارجع وحدي
فاروق : امشي بالسيارة نحجي لعد هناا هوسة
جراح : قبل لنطلع وباوعت للقبة وتمنيت ارجعلها وانة لازم ايدها وهية تضحك فرح مو حزن
طلعنا عقيل اخذهم وراح وانة ركبت وية فاروق
فاروق : شرايك تجي لبيتي اعشيك وارجعك  ترا كاتلني الملل  اريد احد احجي ويا احد رح يطكني توحد
جراح : يابة امشينا لبيتك يلة  صدك ردت اكلك شكرا على كل اللي سويتة لولاك مكدرت افوتها
فاروق : انجب بلة احنة اهل واصدقاء وين بيناتنة هالحجي .. يحجي بادب عود هوة خوش ولد
جراح : ليش شايفني  ولك كو***
فاروق : اي
جراح : هههه طاحضك
فاروق : وين حترحون بعد
جراح : اخذها لكربلاء وراها للنجف ونرجع
فاروق : لعد اجي وياكم  حتى هم اكدر افوتك
جراح : لا فاروق مالة داعي انة احجي وي الحرس انة حتاجيتك هنا لان شوية متشددين بس كربلاء والنجف اهون
فاروق : اني اريد ازور والله وصارلي هواي وماعندي فرصة واريد اخذ اجازة هم صارلي 4 اشهر على نفس الروتين
جراح : جا شنو وازاك ونقلت هنا
فاروق : الدنيا خوية الدنيا وازتني
جراح : الدنيا لو غير شي
فاروق : الحمدلله انتة حاس باللي حاس بي وشابع من عندة
جراح :  هو اصلا ماكو مكان حتى احس بعد قبط المكان كل الناس تحب وتتهنى الة انة حبيتها من الصغر لحد ما صارت بالعشرين يلة خطبتها وبعد مصايب كومة رجعنا عشنا سنة وحدة زواج وصارت هالسالفة 3 اشهر اني ماسامع صوتها محاجية وياي ولا متقربلها
فاروق : الله يعينك البيك مو هين نشالله مايردوك خوية خلي ايمانك بيهم قوي ومايردوك
جراح : وصلنا لبيتة جان صغير على كدة مرتب وهادء والمنطقة اصلا هادءة محد بيها بالشارع بس البزازين  طلب عشا تعشينا غيرلي مزاجي شوية
فاروق : دبات يمي
جراح : لا فاروق مارتاح هناك ارتاح اكثر واريد اسبح وحتى باجر نطلع واشوفها شونهعا من صحت
فاروق : كاشي لعد براحتك باجر اني الصبح اجيكم للفندق بس الساعة الله تطلعون بيها امشي هسة اوصلك 
جراح : لا ميحتاج ضل انة اخذ تكسي يلة مع السلامة
طلعت اخذت تكسي ورحت للفندق وكفت يم غرفتهم اسمع سوالفهم مبين صوت عالي
دكيت الباب
فتحها عقيل
جراح :ها شلونها
عقيل : سد الباب_ زينة احسن ضحكت وية البنات ودتسولف
جراح : صددك يالله بلكت
عقيل : باجر وين نروح
جراح : لكربلاء ومناك نطلع للنجف نبات بصحن الامام علي
عقيل : انشالله يلة لعد روح خلي افوت انة
جراح : ديرو بالكم عليها
عقيل : بعيوني
جراح : رحت للغرفتي وانا طاير فرح ممصدك يربي توضيت وصليت شكر هاي تضحك اول مرة من ورة شهر يمكن
خلصت صلاة وراها كمت نمت
________

مريم : جوة الفراش دموعي تنزل تمر على بالي  عيونة المدمعة
رجفة صوتة وهوة يحجي
كلمة فرحتي من شفافة
انفاسة المرتاحة بشوفتي
غصتة وهوة يحجي
كلشي بي كلشي بي دياذيني وديزيدني شوق شكد تمنيت احجي واكلة زينة
بس مطلعت الكلمة من حلكي مكدرت نضرات عينة سبقتني واني اروح يمهم
ختنكت مكدرت طلعت صوت بجيتي جانت وياي بالغرفة نور وملاك نايمة
نور : مريم
مريم : حجيت واني امسح دموعي_ ها
نور : ديري وجهج علية
مريم : نور عوفيني
نور : دباوعيلي
مريم : درت وجهي عليها باوعتلي وصفنت بوجهي وكامت كعدت
نور : شحسيتي من شفتي
مريم : محسيت شي
نور : ها ترا اقرا عيونج
مريم : نور نجبي
نور : دحجي يعني اني غريبة 
مريم : الكلتة الج الصبح مصار
نور : شنوو
مريم : الحجي من كتلج اذا شفتة
نور : صار عكسة
مريم : اي
نور : شون يعني
مريم : ماعرف اني مداعرف شبية كل الخوف راح تمنيت بس احجي وياه شكد جتت مشتاقتلة
نور : حجة وياج
مريم : اي بس مجاوبتة
نور : ليش هيج جاي تسوين
مريم : شسوي لعد هوة طليقي يعني جاوبتة شحيصير حنرجع نتزوج مثلا تضل الذكريات تلاحكنة لا هوة حيتقبلني ولا اني
نور : نضراتة الج ممبينة انو هوةة ممتقبلج
مريم : خلي انام
نور : براحتج بس ترا هوةة حيجي ويانة لكربلا والنجف
مريم : شيسويي
نور : بهويتة يكدر يدخل جراح وملاك حتى يزورها
مريم : استغفر الله
نور : خلنشوف شون حتتلاقون يلة تصبحين على  خير

جراح : كعدت الصبح ب6 بدلت ودكيت على عقيل ودكيت على فاروق شوية ونزلو همة ركبو السيارة ومباشرة وراهم ركبت وية فاروق ومشينة وراهم جنت هادء وساكت افكر
الليل البارحة منمتة فاض شوكي الها من حضنتها وتقربت لوجها شميت عطرها
عذبت نفسي بنفسي
ودادفع الثمن هسة 
فاروق : شو ساكت ماكو اي حجي
جراح : شحجي اللي صار خلة حجي براسي
فاروق : الله يعينك مو هين لا البيك ولا البيها
جراح : ولا البيك
فاروق: الحمد الله على كلشي
جراح: شون عايش
فاروق : مرتاح
جراح : جذاب
فاروق: هسة شلك بهالحجي والهوسة هاي
جراح : والله على اللي عشتة وشفتة ماتمنة احد يحس بهالشعور
فاروق : حسينا بي خوية وعشنا بداخلنة همين
جراح : هية بخير لتخاف تعالجت وكدرت تتخلى عن كوابيسها وصارت اقوة
فاروق : بتسم _ هية هيج من يوم العرفتها
جراح : شبيها
فاروق : قوية
جراح : كدرت تتخطى انتة
فاروق: من طلعت من البصرة كدرت اتخطى غير اشياء بس مو حبها
جراح : انة شلون احجي وياك على عمتي ههه
فاروق : هههه والله اسئل نفسك زائد انة حبيتها وجانت نعم الزوجة بس الدنيا مرادتنا نكمل شنو نسوي
جراح : يجوز يجي يوم المي ترجع لمجاريها وكلشي يصير طبيعي
فاروق : ماتوقع خوية ماتوقع برايك شننسة وحدة ثنين لا جراح مو كلشي ينسي ويرجع مثل اول
جراح : حقكم والله _ سكتنا و كمل الطريق   هم تخربطت بنص الطريق بس كملنا موكفنا وصلنا هم لفندق جنت حاجز بي من الليل صعدو فوك
واني وفاروق بالغرفة هم رحنة
فاروق : هسة نطلع
جراح  : ماعرف اني اولها وتاليها رح اشربها منوم فخليها لليل
فاروق: اي ماشي لعد انة اروح اجيب غدا
جراح : خوش

بدلت ونمت من تعب الطريق جريتها للمغرب كعدت اكلت ورحنة انة وفاروق زرنة وصلينة وخلصنا وورجعنا تعشينا وتقريبا ب11
وصيت مريم تنطيها المنوم واول مغفت لبسنها واني اخذتها
فاروق سبقني وحجة وية الناس اللي هناك والشيخ
فمن وديتها بسرعة فوتونة بس هنا الشيخ كعد يقرة عليها ويمسح على راسها
واني كاعد خالها بحضني قرة هواي بضريح الامام العباس وراها رحنة بلامام الحسين
هناك هم زورتها

وصليت نيابة عنها
من طلعنا اخذوها همة بالسيارة وانة وية فاروق ضليت

مريم : اول موصلنا لبين الحرمين تقربو من عدنا فاروق وجراح نزلت راسي ماريد اباوع علي 
راح جراح اخذ ملاك ووياه راح عقيل 
كعدت مرت عقيل وماما يصلون ومتجهين للقبة واني ومريم صرنة بضهرهم منتجين على الحايط
تقرب فاروق وحجة وية نور
فاروق   : شلونج نور
نور: زينة انتة شلونك
فاروق: عايشين مبروك التخرج نشالله يوم التعيين
نور : الله يبارك بيك لا يمعود هية مال تعيين جدو ميقبل
فاروق: حرامات شهادتج تروح هيج
نور : هذة اللي اتفقنا بي وياه احنة ردنا ندرس ودرسنا والحمد الله تدري جدو ميتقبل سالفة الشغل للبنات
فاروق : حتى واذا اشتغلي وية جاسر وحيدر همة مو ولد عمج يعني مو غربة
نور : هسة ملتهين بهالسالفة  بابا كال يجوز اشتغل وياهم وبعد ماعرف شيصير
فاروق : الله كريم
نور : مريم اني رح اصلي اوكي
مريم : اعرف غايتها وغرضها يربي اني كوة صابرة صارلي ساعتين وهوة يحجي ويايها عينة علية
فاروق : اذا اسئلج شونج تجاوبين لو هم تنهزمين
مريم : زينة الحمد الله
فاروق : اني هم زين شكرا لسؤالج
مريم : دنجت راسي متفشلة منة باوعت لنور تاشرلي احجي بعيونها سكتت مكدرت احجي وانطق كل ماتذكر شون صرخت بي بيوم اللي طلبت منة الطلاك اتندم مجنت بوعيي
فاروق : مشتاقلج حيل صح ميصير احجي هالحجي بس صدكيني مشتاقلج اكثر مما تتصورين
مريم : باوعتلة مصدومة شديحجي شبي
فاروق : فرحتي لتباوعين هيج
مريم : كافي
فاروق : اوكي اني اسف عذريني
مريم : راح وكف بعيد رفع ايدة لوجهة منتبهت شديسوي بس يمكن ديمسح دموعة اعرف فاروق مو من نوع الزلم اللي متبجي وتتاثر لا يتاثر ويدمع وميستحي اذا دمع
دنجت راسي وكمت ابجي باوعت للقبة وبجيت ازيد هوة راح كعد يصلي او يمكن يلهي روحة عني
واني ابجي بسكوت اريد حل لهالشي لا اني اللي نسيت ولا هوة شلون حنكمل باقي حياتنة بهالشكل ماريد ااذي ولا ااذي روحي بس بنفس الوقت مداكدر اسيطر على روحي مداكدر اتاذة
طلعو ملاك وجراح اخذنا ملاك وطلعنا واني عيني تمشي على خطواتة كبالنة بعد مباوعلي ابد
جانت دنيا عصر صارت
جراح كال نطلع للنجف ونبات بضريح الامام
رحنا للسيارة وركبنا وهية نايمة مكعدت
لنص الطريق كعدت قشمرنا عليها بكم جذبة وسكتت
وانطلقنا لامير المؤمنين
يتبع .....