رواية ملاك الشيخ جراح الفصل السادس والخمسون 56 - بقلم ~yaqeen.hassan~

سلام عليكم 🤍
بعد غياب رجعت
مالي حق احجي شي بس اني جنت سادس ومستقبلي اهم من كلشي
الحمد الله نجحت وبمعدل اني راضية بي والحمد الله ع كلشي
القصة حتنختم هاي الأيام البارتات جاهزة كلها للنهاية
بس تعديل بسيط وتنزل كلها
واني اسفة ع كل تقصير واسفة لان عفتكم بدون تبرير لان هم جان تلفوني كلش تعبان وميفتح بي واتباد
هسة كلشي تغير ونشالله ارضيكم بالنهاية
اعتذر ع كلشي 🤍

#الكاتبة : yaqeen. Hassan
#مـلاك _ الـشيـخ _ جـراح
#الجزء الثاني 19

نور : يوم جمعة كل الكرايب جتمعو وخطار على رجعة مريم ملتمين
مريم بغرفتها نزلت سلمت بشكل سريع وصعدت متريد تشوف احد خصوصا من بدت تروح دكتور نفسي محد يتقربلها بس جدو هوة يوديها ويجيبها
حتى اكلها وحد
بس دتتحسن شوية شوية
اخبار نغم بس اني احجي. وياها ومرات مشغولة بالبيت ومالحك اجاوبها اصلا

ملاك وهاي همها هم كاعدة بالغرفة وحدها
متتحرك كوة يوكلها جاسر بدت يوم عن يوم تذبل ومكامت تحجي شي
واكثر شخص متاثر بغيابها هوة جراح
يركض من مكان لمكان ومنشوفة بس بوكت النومة ينام بالاستقبال
ويحاول يدورلها علاج وماكو لحد هسة الشيخ اللي راحلة نطاه اشياء ومي مقري علي واشياء هواي بس مدتجيب نتيجة وياها تضل بس تشم ريحة جراح بالطابق الثاني تكوم تصرخ وتتحول بشر ثاني

جنت بالمطبخ احضر الغدة كومة عالم وناس بحيث هلكت لان وحدي
صبينة الغدة خلصت اول وحدة لان ماشتهي رحت للمطبخ
لكيت جراح واكف
عاصر ليمون وديشربة
نور : جراح شوكت جيت
جراح : توني
نور : تتغدى
جراح : لا
نور: البارحة متعشيت
جراح : ماريد اكلت هناك بالدوام
نور : ما اكلت جذاب
جراح : شوكت يروحون
نور : ماعرف يمكن يباتون
جراح : استغفر الله
نور : روح نام بغرفتي وسد الباب محد يوصلك
جراح : لتكولين رجعت مالي خلكهم
نور : تمام _ صعد فوك واني نقهرت على وضعة ضعفان ومياكل
عبالك فقد الامل باللحياه
تنفست بعمق ودعيت الله يشافيها

خلصو الغدا ضليت اني اغسل مواعين وحدي حيلي راح
شوية وفات جاسر
جاسر : كاعدة ملاك
نور : لا نايمة
جاسر : حضريلها غدة حتى اكعدها تاكل
نور : اوكي
نور : رحت احمي الاكل
جاسر : جراح اجة
نور : اي راح نام
جاسر : مسلم عليهم
نور : كال مابي حيل
جاسر : هسة اروح احجي وياه اريد اشوف شسوة
_ صعدت فوك رحت لغرفة نور فتحت الباب جان مدد على الجرباية
دخل بخشمي عطرها اول مافتت ستغفرت الله وفتت جان مغمض عينة
جراح : شتريد جاسر ترا ميت تعب
جاسر؛ نايم جراح صدك تحجي شصار على الشيخ
جراح : حاجيتة وكال باجر
جاسر : وشهالبرود اللي تحجي بي شبيك مماخذ الموضوع بجدية متشوفها مدت........
محسيت غير كام وهجم علية من ياختي ويحجي بعصبية
جراح : سويي كلشيي بالدنياا بس لتتهمني بتقصيري عليهاا
لا شغلي الجاي اشوفة ولا بيتي
اركض من مكان لمكان وانتو هنا بس تحجوون بدون متدرووون
متدرونن العالم شعدها مصايب كل واحد همة شكل تريدني اضلمهممم واخذ سراهمم وكلهم فقرة
فرحانن اني على اللي بيها هسةة صارليي سبوعيين مدا شوفف وجههاا
تتوقعع عايش بخيرر
اذا جنت ممجرب الحبب لتتهمني بالتقصيررر ولتحجوون وتتقربوون علية اصلااا انة اعالجهااا بس تركونيي براحتيي
جاسر: نفضت ايدة مني وعفتة وطلعت اعرف وحاس بشنو ديمر لان نفس الشعور حسيت بي من نور وكعت
رحت لغرفة ملاك فتحتها
فزت بساع وباوعتلي

ملاك : خما اجة كلي خلي اختل خما اجة يجويني والله بي نارر
جاسر : محد اجة حبيبي محد لتخافين اشش _ رحت حضنتها وهية تبجي
ملاك : تعبت من الخوف تعبت شوكت يروح
جاسر: الله موجود وهوةة يباوع لحالج
ملاك : مديباوععع مديباوووع ديعذبنيي
جاسر : كامت تصرخ كالعادة وتكوم ترجف مثل السعفة وتشمر روحها على الجرباية وتكوم
لزمت ركبتها وكامت تخنك نفسها
بعدت ايدها وقيدتهاا بقوة واقرة ايات يم راسها واحاول اسكتها واهديها
بس كلها سمعت صوتها ونصهم صعدو فوك
جنة نحاول نخفي السالفة بس نكشفت
كلها عرفت ودرت ووكل واحد انطة راي شكل وهوة واكف كبالها
الة شخص واحد واكف بعيد يخاف يقتربب لا تتاذة عيونة بيها حجي هواي هوايي
بس شيحجي قابل شنو البيدة ومسواه
اصعب حالة بعد ملاك هية جراح جان متدمر من كل النواحي وصدك مابي روح بعدها
طلع كالعادة منعرف وين
جراح : اي اي اجيبها يعني اكدر... رحم الله والديك الله يوفقك ويرزقك
اني ربع ساعة يمك
مشكور حبيبي مع السلامة _ سديتة وطرت للبيت
خليتهم يبدلولها جانت نايمة و نزلها جاسر شايلها
حتركت بداخلي حرك هاي روحي المفروض انة اللي اشيلها بيدي مو هوة
تنهدت صعدت للغرفة ابدل الغرفة تخنكك حيلل تخنك
اخذت مناضر وجفوف واخذت لفاف لبست الجفوف بيدي والمناضر لفيت اللفاف علي باقي وجهي حتى متعرفني
نزلت حتى عطر مرشيت
ركبت اسوق وهية ورا نايمة متدري
ويانة جاسر وامي وجدي
طول الطريق ادعي بداخلي يخلصها من اللي بيها
نفسي افهم السبب
ليش شوكت ماذية احد هية منو هيج حاقد عليها حتى يوصلها لهالدرجة
راحت عيني عليها عيونها جواها سواد
تذكرت مرة شون جانت ثابرتني بالماسكات
..........

ملاك : اريد فلوس
جراح: شسوين بيهن
ملاك: اريد اشتري ماسكات وكريمات ومقشرات ومرطبات
جراح : كلهن آت زين انتي نفر واحد
ملاك : مو حتى يكفني يعني ترضاها تطلعلي هالات سوداء وتصبغات ترضاها
جراح: لا مارضاها يابة هاج
ملاك :فدوة اروححح لرجليي وزوجي وماي وايف اني
جراح: ماي وايف ماي وايف يا طايحة الحظ
ملاك:ههههههه احبكككك
جراح : اموت عليج
ملاك : شوكت تكلي لا شو كلشي اكولة تكلي اي
جراح: همم من تردين تطلكين اكلج لا
ملاك : زين طلكنيي يجاسمم طلكنيي
جراح: هههههه ماطلكج سليمة ماطلكج انة احبنج
ملاك: واني احبكك ابو زعاطيطي
جراح :ملاك
ملاك : هااا
جراح: وجعا كولي نعم
ملاك : نعمات يابة يلة احجي
جراح:معاجبج شو
ملاك:جراححح احجيي
جراح : شو تصيحين
ملاك : ممصيحةةة
جراح: شو تنترين
ملاك : مناترةةة حباب احجي
جراح: شحجي
ملاك:انتة مو تريد تحجي
جراح : ماعندي شي عندج انتي حجي
ملاك : جرااااح
جراح: ههههههههههههههههههه
ملاك : اني اعلمك الة اعضكككككك
__________
جراح: شعور مؤذي هواي من تتذكر ذكرى حلوة واللي مشاركك بيها كبالك بس متكدر تتقربلة
وصلنا للبيت نزلت واكف انبه بي شون يشيلها ويحطها
جاسر : جراح شبيك انة اعرف
جراح: ميخالف على كيفك وياها
جاسر : سكتت مقدر وضعة فتنا للبيت ريحة البخور تعط منة
الرجال جان كاعد وفراش كبالة
الشيخ : خليها هنا ابني
جاسر : نومتها على الفراش وهية محاسة بشي
الشيخ : طلعو كلكم بس زوجها خلي يضل
جراح : طلعو كلهم بدة يقرة ويمسح على راسها بدت تتحرك منزعجة وهوة علة صوتة
فزت بسرعة وتباوع ب الارجاء مصدومة تتعرف على اللي بالغرفة
جنت شايل اللفاف وشافتني تصركعت بتعدت وكامت تبجي وتتصرخ
_ اطلع انة شيخ
الشيخ : لا بابة ظل
جراح : ظل يقرة ويقرة وهية تصرخ وحدها باللزاوية وتبجي وتدفر بالفراش وسادة اذنها وهوة يعلي بصوتتة بالقران اكثر
عيني عليها منشالت تمنيت اروح اخذ وجعها كلة
بالساعة هوةة يقرة لحد ما تعب لان رجال كبير وهية على صرخة الوحدة
الشيخ : ممعقولة شنو الاجرام اللي مسوي بيها
جراح : شيخ شون هسة
الشيخ : اخذها اخذها خلي تطلع
جراح : طلعت صحت جاسر اجة اخذها وهية تشهك وتناشغ ووجها احمر تمسكت بي وطلعت
باوعت للشيخ اريد امل بعيونة ماكو
طلعت واجر خيبات املي وراية

" ماكو امل "
كلمة ترددت هواي بمسامعي بعد 3 اشهر
كل شخص اروحلة يردد نفس الكلمات
"ماكو امل "
" انتضرها تموت"
الموت بس اللي يرحمها"
شكو كلمة يائسة شكو كلمة تحطم كالوها الي الكل كالها
كلها ايست وملت
الة انة ضليت افتر وافتر
اريد ارجع حبيبتي
3اشهر وانة محاضنها ومشام عطرها
كل يوم تسوء حالتها وتوصل للموت وانة اتحمل واروح ادور
واوديها وارجع وانة خايبة امالي
كلشي توقف بحياتي من ختفت ضحكتها كلشي تغير
ومبقى شي مثل اول

________

مريم : متحسنة هوايي هواي
الدكتور :جدا سعيد بفرحتج
مريم :تغير كلشي وراحت الكوابيس
الدكتور :الحمد الله والشكر يعني بعد متحتاجيني
مريم :شنو ليش
الدكتور :شنو ليش مرح اظل وياج طول العمر انتي خلص صرتي بخير وتعلمتي شون تحاربين كوابيسج
مريم :بس اني بعدني ممتشافية بشكل كامل
الدكتور :هههههه شنو تضحكين علية توج كلتي راحت الكوابيس وتحسنت
مريم :ميخالف محتاجتك بعد
الدكتور :اني موجود شوكت متحتاجيني خابريني بس ماكو بعد جلسات عالجتج حتى تكدرين تحاربين وحدج
مريم :بس اني اخاف
الدكتور :من شنو
مريم : من حياتي وخاف ترجع كوابيسي
الدكتور :مريم بابا مترجع اذا انتي اصريتي على التعليمات اللي نطيتهن الج
مريم :متوقعت هاي اخر جلسة لو ادري محاجية وكايلتلك زينة
الدكتور : اني عارفج اصلا ميحتاج تكولي باعيلي انة موجود اذا بيوم سائت حالتج بس دكيلي خوش
مريم :تمام زين نكدر نحجي اخر مرة
الدكتور :طبعا يابة وبكل رحابة صدر
مريم : حجينة شوية عن حياتي وراها خلصت سوالفنا
الدكتور :يلة نتهت الجلسة
مريم :شكرا على كلشي بفضلك اني رجعت. طبيعية بعد ما ايست من الحياه وضنيت انو اني تخبلت بفضلك كدرت احارب كلشي وانسى واشمر كلشي وراية بفضلك كدرت اواجه حجي الناس علمود الطلاك بفضلك سويت كلشي مجنت اتخيل بيوم انو اسوي
الدكتور : مو بفضلي مريم باصرارج وعزيمتج وصبرج كدري تحققين هالاشياء اني مجرد علمتج على المشي مرة وحدة وانتي كملتي ال طريق
مريم :بتسمت وعيوني بدت تجري
الدكتور : شنو هاي هسة ابجي اني هم وياج ترا عندي تراكمات هواي
مريم : لا لا ما ابجي تجي ويانة اعزمك على العشة على حسابي من يجي بابا نروح
الدكتور : هههههه خوش يابة مارد العزيمة لخاطر هالدموع
مريم : دكيت على بابا اجة وطلعنا تعشينة واني دفعت لحساب
ورجعنا للبيت
جانت فترة صعبة حيل علية ماكدر اوصفها بس بسببة كدرت اتخطى كلشي
بعد ما وصلت ورقة الطلاك كلها حجت واذتني
هواي لاموني
وهواي ذبو السبب بية
لان محد حس باللي صار بية
ويمكن شما احجي محد حيحس
بس كدرت انسى وادوس على كلبي
صرت اقوة واكثر صبر
وكدرت اتخطى كلشي وارجع طبيعية
بس بقت نغزة بكلبي انتو تعرفوها واني اعرفها
لهذا خلوها بالكلب مضمومة ماريدها تطلع

بغرفتي كاعدة سمعت صوت صراخ ملاك
صار مثل الروتين بحياتنا
يومية نفس الاسطوانة تنعاد
طلعت لكيت جراح كاعد بللكاع بصف باب الغرفة ولازم راسة بايدية الثنين
ردت افوت للغرفة
جراح : عوفيها
مريم :حتموت روحها فتتت للغرفة كلشي جان متدمر الغراض بالكاع وهية على الجرباية هالسة شعرها هلس
وتصرخ وتتحرك من مكان لمكان رحت بسرعة حضنتتها وابجي
مابيوم تخيلنا ويصير هيج بيها
وضعها صعب حيللل هدءت شوية بحضني
ملاك : ه هوة هنا اني اني حاسة بي خلي يروح اقتلة والله اقتلةةة خليي يروححح
مريم : مو هنا حبيبتي راح جدو طردة من البيت
ملاك : والله يعني راح بعد ميرجع
مريم : اي راح يلة تعاي اسبحج
ملاك: اي
مريم : مشيتها للحمام غسلتلها صارلها شكد مغاسلة متوقعت تهدي هيج يمي
طلعتها مشطت شعرها
وكع من عندي المشط
همست بضوجة _ استغفر الله شون وياك
ملاك : شنوووو اششش اششش لتكولييين اششش اكرههه اككرهة لتكوللييين اكتلججج اذا تكوليييين
مريم : شنو اكول شبيج
ملاك : لتكولييين هالكلمةةة لتكولييين اطلعييي انتييي تريديهمم يجونيي يضربونييي وخرييي طلعيييي
مريم : دفعتني بكل قوتها برا وسدت ال باب ضليت مصدومة باوعلي جراح وهز راسة بياس
مجنت اروحلها لان اني جنت اتعالج واللدكتور من عرف كال خليج بعيدة جنت اسمعها بس ممتقربة الها ابد
اكثر شي جاسر ونور متوليها
ايدي كامت ترجف
جراح : روحي يابة لتتقربين انتي بعد مصدكنة صرتي زينة
مريم :جراح متقبل اذكر اسم الله يمها
جراح: هذا السحر وما يفعل ربي ينتقمم من الي سوا بيها
مريم : شحسوي هسة
جراح : حاجيت اكثر من شيخ وهم رح اوديها الهم
مريم : انشالله ربي يشافيها
جراح : امين
راحت وتركتني واني هموم الدنيا فوك راسي
احس النفس من اذبة ثكيل
كلشي ضايق بية حياتي ونفسي وكلشي

كمت طلعت
تركتها رحت للشط
ضليت هناك ادخن واحرك بروحي حرك
داخلي يشتعل نار بس خارج ابرد من الثلج
تنفست بقوة
غمضت عيني كلام الشيخ اول شي يتردد ببالي هاليومين
من كالي هذا مالة علاج
اما الموت او بفضل الله واهل البيت
مفكرت اوديها
لان طريق حيل طويل وهية متتحملة بساع تتخربط
بس
مبقة غير حل مبقة امل باي شي
خلصو كل شيوخ العراق المن اوديها بعد
كمت على حيلي وحلفت الة ازورها موسى ابن جعفر وكربلاء والنجف

رجعت للبيت
سمعت صوتها منزليها جوة
باوعت من الشباك بدون روح كاعدة تاكل تمناية تمناية على كيف
ضليت فترة واكف صافن عليها اتاملها وين وردتي راحت
ذبلت وراحت واخذت كلبي وروحي وياها
ضليت كاعد برة وافكر بيها مشتاقلها حيلل شكد مشتاق اسمع اسمي منها
مشتاق تتلكاني من ارجع من الدوام
مشتاق اشوف ضحكتها بالبيت
رفعت راسي للسمة ودعيت
ياربي هذا اخر امل اللي اذا متشافت اخذ روحي كبل روحها لتعذبني بيها امتحني بكلشي بهالدنيا الة بيها
كلشي ولا هية

قاطعني صوت الموبايل جان مصطفى
صارلي تقريبا شهر محاجي وياه لتهيت بسالفة ملاك ونسيتة

_ الو
مصطفى: هلا وغلا يابة هلا بالبذات

جراح : حقك خوية اعذرني الصاير مبقة براسي عقل
مصطفى: الله يساعدك خوية والله حاس بيك انة اكثر شخص حاس بيك ربي يفرجها عليك مثل مافرجها علية
جراح : امين انشالله شلونها مرتك شون صارت
مصطفى : والله الحمد الله بخير هسة مبقة هواي شهر بالاكثر احنة هنا
جراح : ينور العراق والبصرة بيكم
مصطفى : الله يعلم بس شكد مشتاقلكم ومشتاق للبيت وللديرة ولكلشي
جراح : ترجع وتشبع شوف من عدها
مصطفى : شلونها هسة ملاك
جراح : نفس الشي
مصطفى: وشحتسوي
جراح : باجر رح اخذها واوديها للأئمة ازورها
مصطفى: تتحمل هية
جراح : ماعرف والله بس انة مصر على هالروحة املي بقة بالله وبيهم ماعندي غيرهم رح انخاهم واحد واحد
مصطفى: انشالله يارب بجاهم تصير زينة اخذ البنات كلهم وياها باعتبار سفرة وانتة اركب وحدك بالسيارة

جراح : اي هوة هسة احجي وية سلام لو عقيل واحد يسوق السيارة لان خليل خليتة بمكاني بالشغل
مصطفى : الله كريم يلة حبيبي انة اروح
جراح : الله ووياك_ سديتة وبتسمت تذكرت فرحتة قبل شهر من دك علينة مكالمة جماعية ويصرخ ويعيط بعد ما اخذو تحاليل طلعت متشافية وصايرة زينة جانت الفرحة الوحيدة بعد الحزن الي استولى بيتنة
تمددت على الكرويتة اللي برا من التعب شفت سالفتهم مطولة لحد مغفيت

نور : كمنا نلم المواعين كامت ملاك اول وحدة رحت وراها لكيتها واكفة وحاضنة نفسها بالباب مال المطبخ اللي على الحديقة ودموعها تنزل سريع
وكفت يمها داحجي جان اباوع نضرها وين
نصدمت شون واكفة بهدوء وتباوعلة كل مرا تصرخ صراخ مو طبيعي
باوعتلي وجتي حضنتني وتبجي حضنتها قوي واهدي بيها
ملاك : اني رح اروح فوك
نور : عافتني وصعدت بطلعتها فات جاسر
جاسر : وين راحت شبيها تبجي
نور : شافت جراح
جاسر : وين ها لحضة بس بجت
نور : اي اني هم نصدمت بس جانت تبجي
جاسر : خلي اروحلها وكعدي جراح خطية خلي يفوت ينام جوة
نور : تمام
رحت كعدتة فز بسرعة وحجة
جراح: ملاك بيها شي
نور : لا مابيها بس كعدت تنام بالديوان راحت للغرفة
جراح : فركت وجهي واتنفس سريع _ بعدهم كاعدين بالاستقبال
نور : اي ديشربون جاي
جراح : ماشي اني رايح يمهم
_ فتت للاستقبال حجيتلهم على السالفة وعقيل كال انة اوديهم
اتفقو يرحون مريم ومرتة ونور وامي وسرى واني الحكهم بالسيارة
سيارتة جانت هوة 7 مقاعد فتكفيهم
رحت للديوان مددت احاول انام
نفتحت الباب على كيف
باوعت جانت بيبي كمت كعدت واخذت منها الغراض جانت جايبة ملابسي _ تسلمين يالغالية ليش جبتيهم انتي وين نور
الجدة : كاعدة وية البنيات جيت احجي وياك
جراح : كعدت على القنفة كمت بصفها كعدت
الجدة : هذا علك ضامتة جنت من رحنا لمكة انة وجدك ورحنا لسوريا وايران زورتة الكعبة واللي داير مدايرها كلة وزورتة السيدة زينب والرضا علية السلام تاخذة وبكل ضريح تمسح بي كل الشبابيك وتلبسهيا وبالضريح الثاني هم تمسحة وتلبسة الها لحد ميكمل كون تضل لابستة حتى الله واهل البيت نشالله يشافوها
وعلاجها يكون يمهم
جراح : انشالله _ حجيت ودنجت راسي
الجدة : شجاك يا بيبي وين ايمانك شو فد مرة يئست
جراح : ما يئست حجية ما يئست بس التعب اكل حيلي
الجدة : سودة بوجهي يا وليدي
جراح : ادعيلي حجية بس ادعيلي
الجدة : لساني ليل نهار يلهج بالدعاء ثنينكم ولدي والله يبرد كلبكم
جراح : تسلمينن يالحنينة
الجدة : يلة ارتاح وراك طريق طويل
جراح : الله يخليج النا وميحرمنا منج
الجدة : ويخليك يبعد روحي
جراح : كامت طلعت واني مددت ماعرف ليش نولد امل بداخلي وهذا اول مرا احس بي
من يوم مرضتها لحد هسة
نمت وغمضت عيني وانة كلي امل بباجر
__________

نور : متغير شي نفس الوضع
نغم : اريد احجي وياها مترضة
نور : متحجي شي نغم ساكتة اغلب الوقت لان تتعب من الصراخ
نغم : سودة علية والله ميتة قهر عليها امشي بالكلية واتلفت ادور عليها
نور : ذكرتيني بالكلية راحت عليها سنة
نغم : رحتي للتخرج
نور : رحت بس للصورة لا حنة ولا حفلة قاعة
بيا حال اني وانتي رحتي
نغم : اي ماما وبابا جوي وياية
نور : حتى مفرحانة بالتخرج واللله تمنيتها وياي شكد جنة نخطط على الحفلات وحافضة كومة فساتين للحفلة
نغم : كلشي يتعوض ال مهم هية تصير زينة
علي : نورر
نور : ها عمو لحضة هسة ارجعلج
نغم : براحتحج
كمت رحت للباب _ ها عمو
علي : وين صدريتي مو غسلتيها
نور : هياتها مو حتى اكويها
علي : تسلمين حبيبي تعبتج
نور : اكول عمو روح روح حتبدي بسوالف التعب هاي مابية اجاملك
علي : حيوانة انة صوجي والله
نور : ههه اي صوجك _ راح سديت الباب ورجعت لكيتها صافنة بالحايط
_ الصفنة مو الك حبيبي
نغم : ها شجنة نحجي
نور : على ماساه التخرج
نغم : دعوفيها هسة شحتسوون لملاك
نور : جراح كال ازورها الأئمة كلهم وباجر حنطلع وية عقيل ومرتة وماما وسرى ومريم واني وهية وجحراح يلحكنا بسيارتة
نغم : وتتحمل هية الطريق
نور : بعد شسوي كالولة بس هوة مصر نروح
نغم : الله كريم نشالله تصير زينة
نور : صدك نغم فاروق شلونة
نغم : وين شايفي احنا صارلة اسبوع ببغداد يجينا يومين ويروح
نور : بعدة يشتغل بالاستخبارات
نغم : اي يكرب على نفسة بس حتى يلتهي وينسى ومريم شلونها
نور : صارت احسن الحمد الله اليوم اخر جلسة جانت الها يم الدكتور بعد متروح هايهية
نغم : صدككك لحمد الله يعني صارت احسن ومتحلم وكوابيس
نور : اي تسمع قران قبل لتنام وماعرف نطاها هواي طرق حتى تتعافى وتكدر تستمر وحدها
نغم : الحمد الله بعد الصار وياها كدرت تسترجع نفسها
نور : اي والله الحمد الله
نغم : يلة روحي نامي وراج كعدة باجر عود طمنيني اذا يصير شي اوكي
نور : انشالله يلة بيباي _ سديتة وحضرت غراضي لباجر ونمت.....

يتبع ....