رواية ملاك الشيخ جراح الفصل التاسع والخمسون 59 - بقلم ~yaqeen.hassan~

جميعهم مرّوا مرور الكرام ، إلا أنت لم تكن عادياً مثلهم مررّت وسرقت قلبي وأستقريت بداخلي إلى يومك هذا ، وحتى شعور المرة الأولى لم يتغير بعد 🤍

ملاك : هاي اني
رجعت احجي بعد ماعرف شكد
شهر
شهرين
ثلاث اشهر
اربعة اشهر
فترة طويلة مرت
فترة مجنت واعية بيها
فترة لو شكد متنحجي متنوصف

بيوم من الايام
جنت صغيرة
فتنا من يم بيت مسكون
لمحت خيال من البيت
صرخت وبجيت وختلت بحضنة الوحيد اللي يروح خوفي يمة
مجرد خيال ويمكن جان هوة
بس رعبني وخلاني ايام اني ما انام
ايام اصرخ بجي وخوف

فما بالكم ب3 اشهر من حياتي 3اشهر عشتها بينهم هههه شي يضحك صح بينهم
ماعرف اسميهم جن او شياطين او شنو بس اي اني عشت وياهم ونمت
عشت واني كل يوم احلم بيهم واصحى الكاهم كبالي

الفرق بين هاي المرحلتين بحياتي
جان اماني الحضن اللي جنت اختل بي حتة يروح خوفي

بس كبرت صار هوة مصدر خوفي ورعبي بكل نفس اتنفسة بالبيت ارجف خوف
من انو اشم ريحتة ويجيني
جان يجيني بهيئة جلاد بكل خطوة يتقربها مني يضربني بسوطة والوجع االي احس بيي
مجان ينوصف
بكل خطوة بكل نفس اتنفسة او اخطي بنفس المكان يكون ثمنة عذابي
اتعذب لحد ما اتعب
تعذيب محد جان يحس بي بس اني
صوت الضرب بس اني اسمعة
صوتهم بس اني اسمعة
اشوف الدم ينزل من مكان الضربة وواصحى الكة ماكو شي
ماكو اي اثر
بس اي لمسة جانت تشوغني للسما

تذكرون الغرفة اللي اول ما حلمت بيها
تتذكرون الشخص اللي يفوت يخنكهم
هذا الشخص جان جراح
اي هوة وغريبة واني انطق هذا الاسم بعد فترة طويلة
بس جان هوة بكل يوم تغمض عيني الكاه كبالي يخنكني ويعذبني
اصرخ وما اصحى كاني نايمة طبيعي
اتعذب ومو عذاب سهل
عذاب صعب حيلل ومو اي جسم يتحملة
كل شي جان حقيقي كلشي
كل شي شفتة
كل الم حسيت بي
كل دمعة حارة نزلت على خدي
كل شي جان حقيقي

بتسمت واني ال هوا يضرب بوجهي
بطريق بغداد دموعي تنزل واني اراجع هالذكريات
بس كافي هالعذاب لنفسي اليوم
اي وصل بية الحال انو التفكير عذاب بالنسبة الية

جاسر : تحبين نروح دكتورة نفسية
ملاك : هزيت راسي بلا
اريد اتعالج بس حتى اشكيلة لان محد يفهمني بكدة ومحد يعرف يواسيني مثل ميواسيني هوة
وصلنا لبغداد تحديدا شقتهم
نزلت وهوة نزل الغراض
عبرنا دنصعد الشقة طلع بوجهنا فاروق ضليت مصدومة جاسر سلم علي عادي عبالك يعرف
فاروق : شلونج ملاك شون صرتي
ملاك : تمام الحمد الله
جاسر : وين رايح
فاروق : عندي شغلة بالمركز شنو حتضلون هنا
جاسر : اي سالفة طويلة باجر امرلك حاخذ اكل من شقتك
فاروق : اي براحتك...يلة مع السلامة
جاسر : الله وياك
ملاك : هواي تساؤلات ببالي شنو هالعلاقة القوية اللي بينهم ويعني عايشين بالعمارة نفسها
شون ممكن هيج تكون علاقتهم وهوة طليق عمتهم
محجيت ضليت ساكتة لان اي شي بهاي الفترة ديصير داسكت مالي طاقة احجي
فتنا للشقة اتذكرها من جنت صغيرة جنة نجي هنا هوة وجراح يجيبونا اني ونور ويونسونا صارلهم كومة من ماجريهة لان لو جاسر يجي بشغله لو جراح لو عمو علي وخليل دائما لازم واحد هنا
فتت للغرفة بيها غرفتين وهول وصاير بي مطبخ بس يعني مفتوح على الهول
بدلت ملابسي ونمت
مجان بية اي حيل يخليني اكعد افكر ردت بس انام وارتاح
نسيت اسوي الاشياء اللي الشيخ كالي عليهم وجان ثمنن نسياني غالي
الاحلام مفارقتني لحضة وحدة اصرخ واني اشوفهم يتقربون علية وهوة وياهم
محد يسمعني شهكت واني افتح عيني
نزلت دمعة حارة توصف اللي اني بي واذيتي
تنفست بعمق شغلت قران
بدت الذكريات تهاجمني شلون جنت اكفر بداخلي
جنت مايسة من الحياه وكرهتها وتخيلت الله هوة هيج يسوي بية حتى يعذبني
هواي افكار واني اتذكرها تاذيني مجنت اتحمل اسمع اسمة ينطق يمي

خطين جانن حمر جراح والله مجنت اتحملهم بحياتي
وهسة متاذية على اللي سويتة
مجان بيدي شي يمننعني من انو هيج اكفر لو ااذي جراح
بس صار اللي صار ومجان
بيدي شي والله
كمت توضيت وصليت ركعتين ركعتين جنت تعبانة ومريضة بعدني ممتشافية لان الصار مو بس اخذ حيلي اخذ صحتي وعافيتي كلشي
بس استمريت اصلي عبالك اعاقب نفسي وابجي
وكعتت بالكاع بعد ما تعبت سويت بال20 ركعة
سجدت للكاع ابجي واشهك بقوة
حسيت الله هوة الوحيد الي حاس بية ويفهمني ضليت هيج لماعرف شكد
بس طولت هواي
بحيث من كمت اكو راحة جبيرة بكلبي نمت بسرعة لثاني يوم
كعدت ب11 غسلت وبدلت ملابسي لان عركانة بالليل
طلعت لكيت جاسر يكلب بموبايلة وكاعد على الميز خال الاكل وينتضرني

_ صباح الخير
جاسر : صباح النور بعد وكت من ال9 خال هالكيمرات وكاعد
ملاك : ليش ما اكلت اني ماريد
جاسر : اي والله خوش هاي اللناقصة
ملاك : ماريد جاسر تلعب نفسي
جاسر : كعدي بابا كعدي خمطتهن من فاروق بالكوة كعدي
ملاك : بتسمت وكعدت مردت اكسر خاطرة _ اكلت شوية وياه
جان تندك الباب
كام فتحها وسمعتة يكول هلابيكم
جاسر : ملاك يابة لبسي حجاب
ملاك : لبست شالي وطلعت لكيت نغم بوجهي تضحك اول مشفتها كمت ابجي وهية وياي حاضنتني واني اشهك
جاسر: شحيسكتهن بعد
نغم : شونج ملاكي شونج
ملاك : كالت ملاكي وزادتني بجي
جاسر : فوتن للغرفة فوتن
ملاك : جرتني للغرفة فتنا ورجعت حضنتتني صارلي شكد مشايفتها ولا حاجية وياها
نغم: كافي بجي حضربج تافهة هاي لان شفتيني كمتي تبجين
ملاك :لا بس مشتاقتلج هوااييييي
نغم؛ اني هم متتخيلي شكد فرحت من عرفت انتي هنا طرت فرح وجيتج بسرعة
ملاك : مسحت دموعي _ شسوين هنا انتي مو دوام عندج بالبصرة
نغم : لا نقلت لهنا لمدينة الطب فاروق شغل معارفة ونقلوني استقر هنا اني وياه
ملاك : ليش
نغم : مابقالي شي بلبصرة واصلا بابا كال اكو فكرة انو نرجع لبغداد مدام فاروق يشتغل هنا
ملاك : كلنا انكسرنا من البصرة ومبقت بينا حيل
نغم : الحمد الله على كلشي جراح وينة هسة
ملاك : ضل هناك بعدني من يتقرب مني اختنك وجابني هنا جاسر ارتاح فترة ونرجع
نعم : وهوة شونة
ملاك : مو زين كلش مو زين
كل ماتذكر نضراتة وخوفة
كل ماتذكر صراخة بيوم لللي عرف خالاتة مسويات سحر
نغم صرخ بحركة كلب
متخيلت بيوم هيج اشوفة بهالضعف
كلامة يدك بكلبي
يكول لامة هية اغلى شي بحياتي ويحلف بعيوني
دا اتوجع لان مداكدر اتقربلة
مريض واني مو يمة
واني بعيدة تركتة وهوة يتحسر على شوفتي
والله تعبت وتعبتة وياي
نغم : اللي صار امتحان وتجاوزتو والي سواها تندم نور كلتلي على اللي صار بخالاتة
وحيتنازلن صدكيني ويروحن بلرجلين ويتعذبن مثل معذبنكم
بس احمدي الله واشكري لانج تشافيتي منو جان يتوقع ملاك
كلها ايست منج
الله نقذج من حلك الموت
لتايسين فترة ترتااحين وترجعيلة يرتاح وترتاحين وبوكتها خلي ياخذج وهجو لغير دولة
ملاك : ماريد بس احضنة وانام هذا الشي الاريدة
نغم : تحضني وتشبعين وياه ههههههههه
ملاك : احبج
نغم : لا لا رجاء لتبجيني ماتحمل رومانسية اني عندي جفاف عاطفي
ملاك : ههههه عساس اني ماعندي يعني جفاف
نغم : لا اني جفافي ابدي
ملاك : يعني بعد منلتقي هناك
نغم : نلتقي معليج احنا مثابتين على الفكرة وحتى لو اجيج والله
ملاك : حضنتها وضحكت و
كمنا طلعنا
فاروق : يلة الغدة بيتنا جاهز
جاسر : صاير تعرف الاصول
فاروق : تعلمتها منك
جاسر : والنعم. مني
فاروق : امشي كو****
ملاك : ضحكت على تصرفاتهم عبالك بيستات كلش قوية علاقتهم
رحنا لشقتهم اللي هية كبال شقتنا
لكينا محضرين الاكل على الميز كعدنا ناكل تغيرت نفسيتي شوية وية سوالفهم وضحكهم
بس موقف يضحك
كاعدين وية طليقة عمي وطليق عمتي هههههههه

نور: وضع البيت مينوصف كئابة فولل
محد يحجي ويسولف ماما ضايجة وخجلانة واغلب الوقت ساكتة بسبب موقف خالاتي
بيبي هم ساكتة اغلب الوقت
جراح رجع لدوامة يداوم حتى مياكل يرجع ب5 من الدوام بحيث يرجع هلكان ويستلمو جدو وبابا رزايل وهوة يسكت ويرجع يسوي نفس لشي
جنت بالمطبخ
الساعة ب4 واكفة اغسل مواعين

وافكر بوضع البيت من كل الجهات
فجا حسيت ايدين حاوطت خصري وشخص حضني من ورا وراسة بكتفي
كل ضني جاسر واجيت اعيط بي
بس سكنت من سمعت صوتة
مصطفى : روح اخوهاا وعمرة وگلبة رجعلج اخيج
نور : رجفت شفتي وسكنت بعد فترة طويلة حيللل رجعت سمعت صوتة بالحقيقة شهكت باللبجي ودرت وجهي وحضنتة واني ابجي
فرحتي متنوصف ومجنت مستوعبة اللي صار
كل ضني انو بعد شهر يلة يرجع
_ مصطفى صدك صدك رجعت
مصطفى : اي يروحة لاخوج ايي اهخخخ شكد مشتاقلجج
نور : بعد وجهي ويبوس بية واني مجلبة بي
وابجييي
مصطفى : ههههه كافي كافي بجي ليحسون وين امي وابوية
نور : بابا وجدو طالعين وماما وبيبي بالاستقبال
مصطفى :خوش خلي اسلم عليهن
مشيت ورا وهوة راح يركض باوعت على طولة شون ضعفان حتى عضلاتة رايحة
دخل للاستقبال فاتح ايدة ويضحك
مصطفى : فطوممممة وليدججج رجععع صوففي ابو الوصخخ رجععع
نور : لحضات متنوصف ركض يحضنها وماما تعيط وتبجي وهوة يبوس بيها حتى نزل باس رجلها بيبي تبجي وتنتضرة يجيها لان مدتكدر تكوم
جريت موبايلي اصورهم واضحك وابجي
شكد طول بحضن ماما هية تبجي وهوة هم يبجي ومتعلق بيها عبالك طفل
جان اكثر واحد متعلق بيها وفارقها فترة طويلة مو شي سهل ابدد
ولا هية اللي مرت عليها بسهولة
وخر منها وراح حضن بيبي ونعاد كلشي هم
ضلو هيج لحد مانزلت مريم مستغربة الصوت
باوعتلة ونصدمت وعاطت وراحت حضنته كضوها احضان وبجي
بالاخير كعد
فاطمة : يمة بيان وين شونها هسة
مصطفى : يمسح عيونة_ زينة يمة الحمد الله ضلت يم اهلها وصلنا ب4 الفجر ورحنالهم واصرو اضل للغدة عاد بس تغديت خليتها يمهم واجيت متحملت وين الباقين
فاطمة : خليل بدوامة وجراح هم وجدك وابوك راحو لكعدة وعلي راح لبغداد
مصطفى : ماعرف شون الشعور ناسي والله ومشتاقلكم كومة
نور : رجع يحضن بيبي وماما
فرحتة غير شكل والله غير عن كلشي صارلنا بهالفترة
ضل يسئل عن البيت وملاك وسالفتها
ضلت ماما تسولفلة على خوالي وتبجي وهوة يمسح دموعها
مصطفى : تبجين عليهم ليش يستاهلن يمة موتنها شبقن بيها وصلت للموت
والله الحمد الله نكطعت علاقتهن خوفج لا يسون انوب الج كلشي اتوقع منهن
فاطمة : اخوك شبقة بحالهن حتى يسون كعدهن على البساط كلشي باعو وصار باسمي
مصطفى : وهذا احسن شي وصدك اذا فكرتي بيوم ترجعين حصتهن او تساعديهم فحتخسرين جراح للابد من هسة اكلج لان على اللي شافة والله مو بس افلسهن اذبهن بالسجن
نور : غيرت لموضوع كلت احسن من البحي _ شجبتلنااااا هدايا
مصطفى : جبتلكم بس من نلتم كلنا اطلعهن
نور : شيلمهم
مصطفى : صوفي رجع ومينلمون صبري حبي صبرت صبر ايوب
وهياتني رجعت والله عندي نذور كومة واولهن المهر والعرس مستحيل افوتهن
ينلمون غصب عنهم
نور : ضحكت والفرحة مسايعتني ممصدكة رجع...

___________________________

نغم : اول يوم بمدينة الطب
مجنت متخيلة روحي اداوم بيها ضخمة وجبيرة كلش

بس بديت اتاقلم شوية شوية يومين تعرفت على اللي وياي وصارت زين صداقة بيناتنا
بيوم جنت واكفة بالطوارئ احجي وية ولد ويانة جان يناقشني بالادوية
جنت منايمة الليل
وكوة مفتحة عيني محسيت غير غمضت دخت وراسي صدع فجا صرت ما اكدر اسيطر على روحي
وكعت بالكاع واخر شي حسيت بي وسمعتة هوة
_ دكتورر علي دكتور علي تخربطت الحك
ريحتة دخلت لكلبي فززت كل خلية بي
حركت وتين الذكريات
رحت بضلام
صحيت بغرفة
باوعت داير مدايري ماكو احد
كمت شوية تعدلت سترجعت ذاكرتي اني تخربطت واخر شي سمعتة اسمة
ممعقولة مستحيل هوة شجابة هنا
كمت دامشي وصلت للباب فتحتها وصار بوجهي
سكنت وبلعت ريكي
حسيت رجعت دخت فقدت توازني ردت اوكع لو ما ايدة سندتني من خصري ورفعتني
علي : ليش كمتيي بعدج مصاحية
نغم : سندني للجرباية كعدت ولازمة راسي
علي : ليش تخربطتي ماكلة شي الصبح
نغم : لا
علي : نايمة
نغم : لا
علي : شعندج مداومة لعد اذا متخافين على روحج فكري بالناس اللي دتنطيهم علاج بلا غلطتي وانطيتي علاج غلط للناس ذمتهم حتكون بركبتج
نغم : ماكو داعي تعلمني اعرف ترا ومو صغيرة اني حتى ما اعرف مسؤلية شغلي
علي : مجاي اعلمج جاي انبهج مو عيب ولا حرام بعدين انتي شسوين هنا شجابج لبغداد
نغم: معليك انتة شدخلك
علي : نغممم لا تلعبييين باعصابي جاي احجي وياج مثل البشرر
نغم : نقلت هنا ورح اضل اداوم هنا
علي : شون ليش يعني حترجعون لبغداد
نغم : لا بس اني وفاروق حنعيش هنا واذا خلصت تحقيقك اريد اروح
علي : ليش سويتي هيج
نغم : باوعتلة نضراتة كلها حيرة وعتب حسيتة مقهورر حيلل جنت احس بي من نبرة صوتة بس هسة عيونة تحجي كلشي
نغم : لانو مبقالي شي بالبصرة كرهتها وكرهت كلشي بيها
علي: هه صح حقج تكرهيها على اللعموم اخذتلج اجازة ارجعي ارتاحي اليوم لتعبين نفسج لان توكعين فد مرة ترا ونتبهي لاكلج وجهج ذبلان
نغم : حجاهن وطلع واني نسالت دمعة حارة على خدي دمعة جانت رافضة تنزل طول وجودة
مشاعري رفضت تضل ساكتة حجت وصرخت
فتح كل جرح جنت سادتة
دخلت بنوبة بكاء قوية
ابجي واحاول اكتم صوتي بس مكدرت
ضليت ابجي وابجي لحد ما تعبت
مسحت دموعي وكمت اخذت غراضي وطلعت للبيت بتكسي
فتتت للشقة غسلت وجهي
اجيت اكل نسدت نفسي
رحت نمت عسى ولعل انسى
كعدت على صوت فاروق يعيط ويحجي بقوة كمت مخروعة طلعت
لكيت وجه احمرررر وعصبي صاير نار
فاروق : لكككك لتكفرنييي شوصلهممم اللهمممممم ولككك عليييي ادفنكمممم والله ادفنكممممم اذا تقربووو لاهليي..... انيي جايي هسةةة ... طززز بروحيي لككك ذولةة اهلييي ... خوش اني جاي وكلة للي بصفك حسابةة وياي عسييييير
نغم : سدة وركض يلبس _ شصايرر فاروقق شبيهن بابا وماما
فاروق : عارفين بموقع البيت باي لحضة يرحون الهم اني رايح للبصرة اصفي حسابي واجيي
نغم : واني
فاروق : نغم ارجع لتخافين حوصي ملاك وجاسر عليج ماطول واللله ما اطول احتمال اجيبهم واجي لتبجين
نغم : روح لعد روح بسرعة لتتاخر ودير بالك على نفسك من اللطريق
_ تقرب باس راسي وحضني وطلع سمعتة يحجي وية جاسر ويوصي بي علية
كعدت بالكاع حيلي نهد والله شوكت نرتاح ماعرف
ندكت الباب لبست شالي جانو جاسر وملاك
جاسر : شصاير نغم شبي فاروق ركض هيج مفهمت منة شي
نغم : عارفين بموقع بيتنا ويكول باي لحضة يرحون
جاسر : شونن منين عارفين
نغم : ماعرف مفهمت من عندة شي بس ركض وراح مفهمني اي شي_ دنجت راسي وابجي من الخوف تقربت ملاك تحضني
جاسر : استغفر الله كولي يالله نشالله ماكو شي واكيد دز جماعة يحمون بيتكم لتخافين
ملاك حتضل يمج واني بالشقة اي شي تريدنة صيحني خوش
ملاك : تمام
نغم : طلع واني كعدت ملاك جابتلي مي ادعي بكل كلبي ميصيرلهم شي مو زين خايفة عليهم خوف مو طبيعي
_______

نور : واكفة ابجي واني اشوف مصطفى حاضن خليل ويشهك بالبجي وخليل هم نفس حالة
خليل مجلب بي ميريد يعوفة
خليل : لك عار لك جلب كتلي 6 اشهر وارجع وضحكت علية ضليت شكد زوج كبالك انة
مصطفى : بيدي قابل بيدي هسة رجعتلك اشبع مني ههههه
نور : بتعدو ويمسحون بدموعهم كلسع لو يرجع يحضن بي لو بجراح اللي مكتفي ببتسامة
اجة جرني ورجع يحضن بية
مصطفى : والعباس مداشبع منكم
نور : كعدنا واني حاضنتة واضحك شكد فرحتنا كبيرة الليوم بس ناقصتها ملاك وعمو علي وجاسر
اللي ميعرفون بجيتة لحد هسة
ضلينة بهاي السوالف والضحك للعصر طلعت برا لكيتة كاعد وية جراح ويسولف وياه باوعلي وضحك واشرلي اجي يمة
كعدني بنصهم وحضني
مصطفى : هاي من عفتها جانت كصيرة هسة كصرانة اكثر
نور : ياااا مصطففففى كبر عبالي حتمدحني
مصطفى : غير نحجي صراحة
جراح : هية كل يوم تصحى بي من النوم تزيد جمال انتة اللي مدري شونك صاير
نور : فدوة لهالكلام لحلووو اسمععع وتعلم
مصطفى : ليش هوة باللي شفتة وعشتة بقى حيل والله والله بكل مرة تضرب كيمياوي لوتتخربط حيلي يروح والله عبالك انة اللي وكعت وياها شفت اللي ماينشاف وبس جراح يحس بي لان هوة هم طاح حضة مثل اخية
جراح : خليها سكتة خوية خليها سكتة
نور : سودة علية مهمومين واني مووجودة اشكولي اني امتص همومكم
مصطفى : اهههخ لج نويرة تدرين احس هسة ماعرف شنو اسوي شنو اشتغل منين الفلوس مال المهر والعرس كلشي حاير فوك همي زاد هسة هم
جراح : كو***واحنا وين رحنا
مصطفى : انتة اسكت بالذات ليش شبقة جوة ايدك بعدني ممخلص فلوس الكاك دازلي
نور: اني هم دزيتلك 5 الاف
جراح : ههههههههههه اي صح حطيتهن تذكر من دزيتلك مليون وخمستالاف وسئلتني هية هاي مالتها
مصطفى : هاي مالتها ال 5مي متجيب بامريكا
نور : المهم شاركت
مصطفى : ايي يابة المهم
جراح : وراها من دا ادزلك نطتني الفين ههههههه تكلي دزهن ياكلون بيهن لفة
نور : هههههههه
مصطفى : والله هاي على نياتها اني نقطيت بملايين وهية تدزلي الفين
نور : شكد كلف العلاج
مصطفى: خير من الله
نور :شكد يعني 10 ملايين
مصطفى: هههههه عوفي السالفة لتنجلطين
جراح : كلشي فدوة المهم كامت بالسلامة وبحيلها
مصطفى: اي والله لو يكلولي ضل للابد عالج بيها جان عالجت وضليت وستمريت
نور : شكد حلو حبكم ووفائكم
مصطفى : تدرون شنو
نور : شنو
مصطفى : بدت تصلي ودخلت الاسلام
نور : صدككككك
مصطفى: اول ماسافرنا بدينا نصلي سوة واعلمها لحد ما صارت مثلي واقوة بالصلاة
هسة كالت تكول لاهلها
نور : فدوة الله يحفضها الك _ ضلينا شوية نسولف
وراها صعدت لغرفتي ندكك الباب
_ تفضل
جراح : نمتي
نور : لا كاعدة
جراح : دكيتي على ملاك
نور : تعال فوت شبيك واكف بالباب
جراح : دحجي دكيتي
نور : لا تريد ادك هسة
جراح : اي
نور _ بتسمت من اجة بلهفة متحمس وكعد باوعلي
جراح : يلة شبيج تبتسمين
نور ة تمام _دكيت وانتضرتها تجاوب وهوة يباوع ينتضر
ملاك : الو
نور : هلو ملاك شونج
ملاك : زينة حبيبي انتي شونج
نور : زينة مدام انتي زينة
شون صرتي هسة
ملاك : تنهدت_ احسن بشوية يعني لان تغير لجو راحت الخنكة
نور : من ترجعون اكو مفاجاه جبيرة الكم
ملاك : شنو
نور : شكو لعد اسمها مفاجاه
ملاك : والله مبقالي اي حيل اتحمس تدرين اني وين هسة
نور : وين
ملاك : يم نغم بالشقة مالتهم هية وفاروق
نور :ليش شجابها وانتي شسوين ويمها
ملاك : مسوية نقل لمدينة الطب وهسة قبل شوية خابرو فاروق كايلين ععارفين موقع بيتة
يعني عصابة ماعرف شنو شون سالفة مريم فهسة اجة للبصرة حتى يتصرف و نغم ميتة خوف عليهم بلكت يلحك عليهم
نور : يا عزا الله ويستر بس لا ياذوهم _ جراح اشرلي رح اطلع طلع يركض
ملاك : شلونة
نور : بتسمت وحجيت _ نفس حالة متغير شي بس كام يداوم
ملاك :بعدة مريض
نور : لا صار زين بس هم مياكل ويومية متعاركين هوة وبابا على هاي السالفة
ملاك : نور ديري بالج علي حبابة
نور : حجتها بخنكة ومبينة تريد تبجي كوة لزمت دموعي وحجيت بضحكة _ معلية اني انتي تصيرين زينة وتجين تشافي لان علاجة يمج
ملاك : اهخخخ حسببي الله ونعم الوكيل باللي سواه والله دمرني دمار
نور : اخذو حقج منهن لتخافين وجراح مرح يتركهن الة يشوفهن يتعذبن مثل عذابج
ملاك : ههه محد حيتعذب ومحد حيشوف اللي اني تعذبتة وشفتة لو شما صار
نور : صارت سوالف نشالله ترجعيلنا باحسن حال
ملاك : انشالله يلة خلي اروح اشوف جاسر
نور : تمام سلميلي على نغم
ملاك؛ يوصل احبج
نور : اموت عليج_ سديتة وكمت نزلت جوة
ساعدت ماما بالعشة جانت ممبقية شي ممسويتة علمود مصطفى نترس الطباخ مبقة بي مكان
واكفين نكلي نفتح باب البرة ودخلو من عندة جراح ووياه ابو نغم وامها ضلينة مصدومين شجابهم
صاح علينة جراح اخذ ابو نغم وراحو للديوان واني وامي وبيبي رحنة يم امها خطية متعرف بعدها باللي صار
دنحجي جان تفوت مريم بتسمت وتقربت حضنتها وخطية ام نغم حضنتها قوي وتسال عليها بلهفة وكعدتها بصفها
ام نغم : شونج هسة صحتج
مريم : الحمد الله عمة نغم شونها وعمو
ام نغم : زينين الحمد الله
فاطمة : جا نغم وين
ام نغم : والله ببغداد طلع نقلها وكعدت يم فاروق
الحجية : حتضلون وحدكم انتو هنا
ام نغم : ماعرف ابو فاروق يكول نرجع بس فاروق يكول ضلو لتجون يخهاف علينا
نور : اكتشفت انو ميدرون بالسالفة ومحد يدري يعني جراح بس جايبهم وجاي

كمنا صبينا عشا وتعشينا
ب8 تقريبا وية الجاي ندك الباب وصوت فاروق برا جان واضح وعالي مريم رتبكت حيلل خطية واكفين جنة لابسين شالاتنة لان ابو نغم فات يشوف بيبي ويسلم عليها فات فاروق للصالة
تقرب لامة حضنها وهية مستغربة وجودة وهوة يحضن بيها ويكول الحمد الله والحمد الله
ام نغم : يمة فاروق شجابك ونغم وين
فاروق : يمة ال ناس اللي حجيتلكم عنهم هذاك اليوم و كلتلج داراقبهم عرفو موقع البيت وخابرني العقيد كالي انو لازم اجي نغم ضلت وية ملاك وجاسر باجر بحيل الله اخذكم وونروح لبغداد
هناك نرجع نعيش
مريم : مثل البالع الموس لا داكدر اتحرك حتى لينتبه ولا كادرة اضل واكفة
على اعصابي واكفة وخوفة ولهفتة على امة ردت بس ابجي عليهم كوة صبرت روحي ودموعي متنزل
من اول محجة ل سالفة كلبي رجفف خوف علي خايفة ياذو مثل ماذوني ماريد هلشي يصير
دخلو بابا والولد
فاروق : مشكور جراح وكفتك ما انساها لطول عمري
جراح : صدك جذب شون تحجي هيج اصلا اريد اعاتبك من يصير هيج وياك متدك متخابر احنا اهل واهلك مثل اهلي شون تتصرف هيج
فاروق : والله مبقى براسي عقل اجيت رك.... دك موبايلة ... من رخصتكم
طلع برا
_ الو ها حازم شصار.. شون شدتحجي انتة .... لك لتخبلني شون حترككك منين وصلو وشون دخلو للمنطقة .... خلي يصبرلي اطلع كو***اذا ما زوعتة حليب امة اللي جابتة وحسابي وياكم غير شكل هالمرة
ابو نغم : شصار ابني
فاروق : حركو البيت يابة حركو تعب ال سنين

نور : هية عيطة من ام نغم وهنا اغمى عليها مكدرت تتحرك وتصبر
تقربنا عليها نهدي بيها ونكعدها
صحت وكعدت تبجي وتلوم بروحها
وابو فاروق كعد على القنفة ولا زم راسة وفاروق طلع ولحكة جراح
متتنا قهر عليهم من جانت نغم تسولف على البيت وشون تعبو بي لحد محصلو
وبنو جديد مصارلة هواي
رجعنا للمطبخ اني ومريم وهية ساكتة بس محجت شي
ضلو بالاستقبال يحجون ويصبرون بيهم بالاخير سمعت صوتهم علة رحت وسمعت انو فاروق يريد ياخذهم ويرحون لفندق وجراح وجدو مقابلين
جراح ضل يصيح علي لحد ما مكال هاهية نضل
فرشنالهم بالديوان عدنا عادة اذا اجوي زلم باتو الولد ينامون يمه يعني جراح وخليل ومصطفى لازم ينامون يمة واحنا هم ننام وية النسوان حتى لو وحدة
فرشنا بالاستقبال وضلت ماما وام نغم يسولفن
مريم : جنت بالمطبخ واكفة اغسل الكلاصات باوعت علي طلع وكف بعد عن الديوان ووخابر ماعرف شنو من فضول خلاني اروح واسمع حسيتة ميريد احد يسمع
بس وكفت بعيد عنة
فاروق : شون يعني باجر حطلع لبغداد .... وين اولي هسة اضل ببيت العالم .... لك لتخبلنيي انة من طلعتت موو همة بالبصرة شوصلهن لبغداد لتخبلني حسيننن لتخبلنيي وين اهججج بروحييي انييي الناس بتلشت بية وانتة تعرف البيت بيت منوو هم طليقتي وهم طليق اختي.... يعني شون هسة.... ماكدر اجيب نغم وين اجيبها ولك وللله ماكدر عيبب
... اي انتة ضل خوف بية ذولة مو مثل ذاك الجلب ذاك حسابة شخص هذا يريد اذيتي الي مو لاختي ....خلاص كافي خلاص نغم متجي هنا عسما اني اروحلها بس ما جيبها هنا مستحيل.. روح هسة يلة مع السلامة
مريم : ماعرف شنو الدفعني وخلاني اتقدم واحجي واني دموعي تنزل _ لتضيعها مثل ما ضيعتني اني عشت وشفت اللي صار بية بسبب عصاباتك لتعيد الغلط مرتين روح جيبها وامنها لتخليها تعيش اللي عشتة
_ جنت احجي وارجف ودموعي تنزل عباللك الماضي نعاد علية بسرعة درت ضهري ومشيت مسمعتلة
رحت لغرفتي ابجي واشهك
ونفس الريحة دخلت لخشمي نفس اللمسات رجعتلي
الساعة ب12 دكيت علي محد يكدر يهديني غيرة
جنت ابجي واشهك بدون ماحجي شهكاتي جانت كفيلة تخلي يفهم اللي بية
طولت هواي ابجي
لحد ما سكتت وهمس بصوت ناصي
الدكتور : رجعنا لنقطة الصفر
مريم : شهكت وبديت احجيلة اللي صاير ووجودة بالبيت ومكالمتة وخوفي على نغم
الدكتور : اكيد هوة حيتصرف الصح ويعرف مصلحة اختة انتي فكرييلي بروحج سيطري على نفسج ذكري نفسج بحجينا شجنة نكول من جنا نتعالج
مريم : همست وياه على نفس الثانية ونححي سوة _ احنة كدها مهما شتدت بينا الصعاب احنة كدها _
الدكتور : عفية عليج هسة كومي طلعي روحي نامي يم والدج او والدتج لتنامين وحدج المهم يمج شخص
مريم : حروح يم بيبي.
الدكتور : زين تسوين يلة كولي ياللله مسحي دموعج
مريم : هدئت وسديتة منة اخذت فراشي ورحت يم بيبي وجدو نمت باللكاع مجرد نفسهم يمي يريحني ماريد اضل وحدي وتهاجمني الذكريات

نغم : بنص الليل صحيت مفزوعة على ملاك
ملاك : كومي خلي نبدل نروح للبصرة
نغم : شنو شنسوي شدتحجين
ملاك : كومي وجاسر يفهمج
نغم : كمت لبست ملابسي وشالي وطلعت بوجهي صار جاسر وعلي كاعد على القنفة يهز برجلي ومبين عصبي حيل
جاسر : يلة بوية ليش ممبدلة امشينا بسرعة
نغم : شصاير جاسر ليش داروح مو فاروق كال اجيبهم واجي
جاسر : نغم بيتكم حاركي وباي لحضة يهجمون هنا امشي للبصرة هناك نتفاهم
نغم : دموعي نزلت بصدمة حترك كلمة صعبة حيل نزلت على مسامعي
هذا اللي حترك بيتنا تعب سنييين تعب بابا وفاروق وهما ياثثو ويرممون ويبنون بي
بي كلة راح
كعدت بالكاع ابجي واشهك الي بية ماكدر اتحملة والله وماكدر صعبة حيل علية وين نروح اهلي شصارلهم
جاسر : كولي يالله بوية بالبيت ولا بيهم حمدي الله وشكري انو مابيهم شي لتصيرين ضعيفة بهيج وقت
نغم : جاسر محد يعرفي شكد هالبيت عزيز علينا هذا البيت ذبينا بي دم كلبنا بابا سنينن يشتغل وتالي ضاع كلشي بلحضة هسة لا اثاث بقة لا حايط كلشي مبقى
جاسر : وهاي انتي تفكيرج بهالكرويتة والثلاجة وصبغ الحايط بوية صدك تحجين احتة وين رحنا نرجعلج البيت جديد انتي فكري بروحج وباهلج بدلي بساع خلي نطلع
علي : شتطلع بهاليلل تخبلتتت بطريق جولل ووياك نسوان 2 شدسويييي بيهن وبروحكك
جاسر : يبوية البنية بخطر
نغم : شديصير منو بخطر ليش حنطلع فهمنيي
جاسر : بوية باي لحضة يعرفون موقع الشقة وضعج خطر اذا ما تلاحكنالج تروحين بيها وتروحين مثل روحة مريم كومي رحمة لاهلج كومي
علي : انة اجي وياكم
جاسر : وين تجي زفة ام سلاح لتخبلني فاروق كال جيبها انتةة وتعال بلا حجي زايد
علي : وانة مو غبي حتى اسلمهن بيدك طريق 7 ساعات مطي انتةةة اجي وياك ونتبادل لسياقة تصير مطي اذا بس انتة سقت امشي يلة بدلن بساع
نغم : جنت ابدل بلا وعي الافكار تتضارب براسي دموعي تنزل بيوم وليلة وساعة نكلب كلشي بعد ما فكرنا انو الحياه ستقرت رجعنا نجمعنا فاروق نجمع بعذابة بنفس البيت واني جتمعتت همين بدماري ورح نقضي 7 ساعات سوية بالسيارة
اخذت غراضي وطلعنا الساعة ب2
الشوارع فارغة تخوف طلعنا وبكل سيطرة نوكفها ندك على فاروق ويحجي وياهم اغلبهم يعرفو من كثرة روحاتة لبغداد ورجعتة
مرت فترة طويلة بالسيارة كلسع يتبادلون جاسر وعلي واني راسي على الشباك وصافنة ساعة ابجي ساعة اسكت عيني مغمضت ابد
ملاك نامت وجاسر هم نام من التعب
طلع الضوة وهوة يسوق
علي : متنامين شعندج كاعدة
نغم : شون انام واني واهلي باي لحضة يهجمون علينا
علي : انتو بامان هسة منهو يكدر يتقربلكم وانتو بيتنا
نغم : ولشوكت حنضل بيتكم
علي : لحد ما تعدي هالازمة البيت بيتكم ولتنسين بيوم من الايام احنة جنة اهل
نغم : سكتت محجيت مر اللطريق لحد ال9 ونص يلة وصلنا للبيت نزلت وجسمي مكسر احس تعب الدنيا كلة بية
باوعت للبيت وهاجمتني الذكريات
نصها حلوة ونصها سيئة
اول منفتحت الباب تلكانة فاروق تقرب حضني بقوة واني نتهيت من البجي بحضنة لحد محسيت الدنيا تسود بعيني
مكدرت اسند نفسي محطيت شي بحلكي من البارحة الضهر وكعت بدون ماحس بشي

نور : واحنا جوة ننتضرهم يفوتون محسينا غير على عيطة ام نغم
ثواني وفات فاروق شايلها وراه علي خلاها على القنفة وعلي تقرب يفتح بعينها ويشوف نفسه
رش على وجها مي بدت تصحى
اول مفتحت رجعت تبجي تقربت امها حضنتها ويبجن سوة
طلعنة كلنا من الاستقبال والشي اللي جانو ممتوقعي لا ملاك ولا جاسر ولا عمو علي
اللي هوة مصطفى من نزل من لدرج بخطوات سريعة
مصطفى : حي اللله باللي زارنااااا نورر البيتتت واللله
نور : كالها بضحكة ندارو علي ملاك صرخت مصدومة جاسر فاتح عيونة يضحك ومصدوم وعمو علي مبتسم وعيونة مدمعة
ركضت ملاك حضنتة وتبجي
محد علق على حضنتها لان تربينا احنة وياها وخليل اخوة اكثر من ولد عم
ملاك : حيواننن شوكتتت رجعتتت
مصطفى : اهخخ لج كوكةةة مشتاقلجج
ملاك : اني اكثررررر
نور : حاضنتة وتبجي تقرب جاسر بعدها وحضنة قوي وشالة ويفر بي وذاك يضحك
وراها هم علي
حضنة
جاسر : عار من شوكت جيت
مصطفى : البارحة
جاسر : مرتك شونها
مصطفى : والله الحمد الله ببيت اهلها
ملاك : حيوان ناسية شكلكك احس مستغربتك
مصطفى : رجعتلج بويةة رجعت الة ازهكم بعيشتكم
نور : كلها ضحكت رغم الضيم اللي احنا بي
وكعت عيني على ملاك تقربت حضنتتها مصارلها كم يوم من طلعت ورجعتلنا
سلمو عليها وصعدو حجيت واني اتقرب من عندة
_ شلونك جاسر
جاسر : هلة بخير انتي شونج
نور : تمام

___________

ملاك: نفس الخطوات صعدتها على الدرج وكبالي تنرسم الاشكال اللي جنت اشوفها والحايط اللي ناس معلكة بس ودم يجري من عندة
غمضت عيني دخلت بغرفة نور تمددت اتهرب من واقعي اللي محد ديتقبلة
كلهم يردون اتشافة واحس بس
بس محد ديحس بية
اذيتة بكون واذيتي بكون
صراع بداخلي تعبنيي حيل
نفسي ضاق لزمت راسي اريد انام ابجي واتوسل بروحي حتى انام ماريد اضل افكر اتعب والله من التفكير
نفتح الباب شكلهم سمعو صوتي فات عمو علي مبين توة صاعد
علي؛ ملاك شبيج تونين مريضة
ملاك : هزيت راسي بلا ودنجت تقرب علية
علي؛ بيج شي
ملاك؛ عمو حتنام
علي : اي الطريق هد حيلي
ملاك؛ : عادي تضل يمي لحد ما اغفة مرح اكدر انام
علي : تمام هياتني يمج يلة نامي
ملاك : مددت وبس فكرة انو هوة يمي تريحني وتبعد عني الافكار والتخيلات عني لحد ما غفيت

نغم : كاعدين اربعتنة ماما تبجي واني اباوع لبابا وفاروق
فاروق : تمر فترة بس ويردولي خبر شوكت نكدر نطلع
الاب : وين نروح هسة نضل ببيت العالم وانتة طليق بتهم ونغم طليقة ابنهم وين صايرة هاي
فاروق : يابة ماعندي غير حل عاجبني قابل اني الوضع فرحان بي هالكدني صاير كبالهم بس خطرر عليكم تردون تنعاد السالفة من اول جديد والله يعلم هالمرة منو اخسر
اصبرولي بس سبوع واحد
نغم : زين منكدر ابد نطلع
فاروق : ماكدر اخاطر بيكم هاي المخاطرة لان يجوز اتبعو رقم موبايلي اني دزيت حماية هسة حيوصلون كسرت السيم كارت بعد الله اليستر
نغم : ضلينا هيج احس تشردنا تعبت حيل متحملت تمددت ونمت ويم راسي ماما
ماعرف شكد. مر الوقت بس اصوات هواي يم راسي فتحت عيني جانن البنات كاعدات وامي وام ملاك وبيبيتهم يعني ملمومات
كمت باوعت الساعة ب3 لزمت راسي يوجعني شكدد نمتت
غسلت وجهي وجتي ملاك وياي للمطبخ صبتلي اكل
كعدنا على الميز اني اكل وهية تسولف وياي من الباب فات جراح باوع علية وبالاخص على ملاك هية باوعتلة ودنجت وهوة هز راسة باسى وتقرب علينا
جراح : شونج نغم
نغم : هلو جراح الحمد الله انتة شونك
جراح : عايش شون صرتي هسة فاروق يريد يشوفج
نغم : لا زينة رتااحيت هسة اطلعلة
جراح : خوش سلامتج
نغم : تسلم _ حسيت يريد يسوي حديث بيناتنة بس حتى يباوع عليها باوعتلها _ ماختنكتي
ملاك : لا زين شوية بس بعد شوية خوف بداخلي ماكدر اقاومة
نغم : الله كريم نشالله تنسين
ملاك : بتسمت _ مشة اليوم بين عصر وليل تعشينا جنة شلون العائلة وياهم محد تضايق بلعكس تونسنا ومصطفى يسولف النة ومتخلص سوالفة من الصبح لليل
الساعة ب 12 فتت لغرفتي تمددت على الجررباية
رجع بية اللزمن وينن ذكرياتي بهالغرفة لحد ما تزوجنا
شريط طويل مر علية خلاني ابجي واشهك بكل قوة عندي
حياتي تمر كدامي عبالك واقع وبكل لحضة ضحكت بيها وبكل لحضة بجيت بيها
وكعت عيني على شهادة التقدير الي على الميز حتى حلمي خسرتةوضاع بسبب هالشي

عدلت كعدتي ماعرف شنو اللي صار بس كلبي حيل احتاجة
غمضت عيني وفتت لمحادثتنا ضليت صافنة استرجع المحادثات اخر ضهور قبل 4 اشهر حاجين
ضليت ارجع المحادثة واقرة ودموعي تنزل
ملاك : اريد هذا الفستان
جراح : ليش
ملاك : عجبنيييييي
جراح : لتعيطين
ملاك : ممعيطة ههههه
جراح : كولي احبك
ملاك : احبك
جراح : كولي اعشكك
ملاك : اعشكك
جراح : كولي حبي وحياتي وروحي انتة
ملاك : انتة حبي وحياتتي وروحي وعمري وكبدي وكلبي
جراح : خوش وصي واني انطي الفلوس
ملاك : احبككككككك

_ ضحكت ودموعي تنزل محسيت غير صار نشط سكنت ووصلت رسال جوة بس لان اني صاعدة فوك متبين
ايدي ترجف نزلتها لحد ما شفتها

جراح :‏ليشهد الله أنني احببتهُا اكثرُ من حالي...

ملاك : شهكت اكثر كمت من مكاني
طلعت من الغرفة وبعد فترة طويلة شفت باب غرفتي طبيعية
لزمت يدة الباب واني اشهك
فتحتها على كيف وفتت
مشفتت الدم مشفت السلاسل واهم شي مشفتة وحش
شفتة حبيبي
شفتة روحي اللي جانت مترتاح الة بشوفتة
بس شافني وكف جانت الدمعة بعيونة ومبللة رمشة
سديت الباب
وركضت بشتياق
حضنتة وتعلقت بركبتة واشهك بكل قوتي
حسيت هنا اماني وراحتي
هنا شفائي
حضنة من بعد 4 اشهر كدر ينسيني اللي عشتة كلة
ابجي وهوة شايلي وحاضني بكل قوتة ويشهك بالنفس ويشمني
بعد وجهي ويباوع بعيوني ودموعة تنزل تحجي شعورة
جراح : ملاكي
ملاك : رجعت حضنتة اقوة واقوة
ضلينة فترة ماعرف شكد هيج ضليت حاضنتة وحاضني نعوض كل اللي فات
راحت الخنكة والغصة وراح كلشي
جراح : جنت ميت وهسة حتييت
اهخخخ ياحضنج وعطرج ردولي روحي الراحت بغيابج عني
ملاك : تاذيييت جراح تاذيييت حيللللللل اريد اضل حاضنتك للابد ولطول العمر بدون ما اتركك
جراح : مرح اتركج والله مرح اتركج
ملاك : جرني للجرباية كعد وخلاني بحضنة دفنت روحي بركبتة وهوة يبوس بشعري
جراح : بعدج مختنكة
ملاك : كتشفت انو علاجي جان بحضنك بس جنت غافلة عنة
جراح : والله مجاي اصدك والله داحس روحي بحلم
ملاك : رفعت راسي باوعت لملامحة التعبانة ولحيتة الطولانة تلمست خصلات شعرة اللي مزينها الشيب بصورة مو طبيعية _ تعذبت هواي
جراح : بكل صرخة جنتي تصرخيها جانت كلبي يصرخ وياج وبكل يوم جانت تطلعلي شيبة واكول هانت مبقة شي ترجعلي وبيومها هية تصبغلي شعري
ملاك : بالعكس لايكلك
جراح : ملاك
ملاك : روحها
جراح : كومي
ملاك : وين
جراح : نروح
ملاك : هسة وين نروح
جراح : اريد ابتعد عن العالم كلة اريد نضل وحدنا محد يقاطعنا اريد احجييي وياج حجي وتحجيلي ومحد يتدخل بينا
ملاك : مكدرت اقاطعة لان صدك جنة محتاجين هالشي بلمح البصر
ب2 بالليل طلعنا من البيت وجدو واكف بكلبيتة ويودعنا
الجد : الكم عطلة عسا ما سنة وانسو كلشي عوضو اللي فات بوية

ملاك :طلعنا بالسيارة وتوجهنا لبيت المزرعة يبعد تقريبا نص ساعة عن بيتنا جنت نعساتة غفيت بالسيارة بسرعة لحد موصلنا جان واكف بصفي والباب مفتوحة بتسم ودنج باس شفايفي بسرعة
جراح : وصلنا
ملاك : كمت وهوة دنج شالني تعلقت بركبتة وضحكت
جراح : ضحكي هواي مشتاق لضحكتج
ملاك :يدري عمو حمزة جايين
جراح : لا باجر الصبح هوة يشوف لسيارة ويعرف ماردت اكعدهم هسة ينخبصون
ملاك : وصلنا للغرفة الجوة جانت متربة شوية بدلت الفرشة واللحاف بفرشة جديدة بالكنتور وذبيت الصاية ومددت فات هوة بيدة كلاص عصير
جراح : هاج شربي
ملاك :هسةةة....اريد اانام
جراح : شربي ونامي منا وغاد متعوفين صحتج
ملاك : اشرب وياي
جراح : ما اريد شي بس شوفتج شبعتني
ملاك : بتسمت وتقربت بستة بخدة شربت نص وهوة هم نص لان ماكدر كلة طفة الاضوية تقرب بصفي نام حضنت خصرة وراسي بركبتة _ حتنام
جراح : لا
ملاك : ليش
جراح : عيني مدتغمض مداكدر استوعب نامي انتي معليج
ملاك :جراح
جراح : ها
ملاك : شصار على خالاتك
جراح : اششش نامي باجر نسولف
ملاك : تمام بس اكلك شغلة
جراح : شنو
ملاك : اني احبك هواي
جراح : واني اموت بيج
ملاك : بتسمت وحضنتة اقوة ونمت
نومة بعمق نومة كدرت انسى بيها كل كوابيسي
ونسيت كلشي فترة طويلة مرت اغفى احلم وارجع اصحى الكة روحي بحضنة اباوعلة ابتسم وارجع انام بعمق
لحد ما فتحت عيني شبعانة نوم مبتسمة
كمت ملكيتة بصفي باوعت للساعة ب1 الضهر ضحكت وكمت جنت انام ساعة لو ساعتين واكضي الوكت كلة ارق
كمت لبست دشداشة طويلة وشال لان سمعت صوت البنات بالمطبخ طبعا بيت المزرعة هوة بالبستان مالتنا يعني صاير ببدايتة جبير كلش ويلمنا كعائلة كلنا يكفينا
وبيت عمو حمزة هوة بيت بصفنا هم بنا جدو وسكنو بي جان يشتغل بالحراثة بس تعب و وماعندة رزق فجدو لان عندة خير من الله بنة بيت بصف بيت المزرعة وسكنو بي
بوكت اللي نجي بس ينضفو ويعني يسقون الزرع حتى ليتلف والهم راتب شهري
طلعت تلكتني خالة والبنات بوستهن وكعدو يتحمدولي بالسلامة جانو ينضفون بالبيت
ام نرجس : عذريني بنيتي والله مجنة ندري جايين سودة علية نامين والتراب كاتل الغرفة
ملاك : لا خالة احنا اجينا فجا وبدلت الفرشة عادي احنا اهل ما بيناتنا هالسوالف
ام نرجس : سويتلكم دولمة تاكلون اصابعكم وراها
ملاك : فدوة اروحلج عاشت ايدج _ ضليت اسولف وية البنات واضحك
وطلعت برا جان كاعد وية عمو حمزة سلمت علي وهم ضل يسال على صحتي الضاهر اللي صار مبقى شخص معرف بي
كام من يمنا جنت كاعدة على المرجوحة وهوة بصفي باوعلي وبتسم

جراح : صح النوم نمتي وعفتيني
ملاك : نمت بدون ما احس
جراح : ضليت مفتح عيني يمكن ب5 يلة غفيت وكلسع افز اتاكد انتي موجودة وارجع انام
ملاك : بتسمت وخليت راسي على كتفة _ ويين موبايلي
جراح : ماكو موبايل قفلتهن
ملاك : ليشش
جراح : ماريد شي يزعجنا خلينا وحدنا
ملاك : هممم شتريد تسوي ليش
جراح : كل خير
ملاك : ضحك وغمزلي _ منحرف
ام نرجس : حضرتلكم الغدا يمة فوتو تغدو
جراح : شنو متاكلون ويانة
ام نرجس : لا عيوني سويت والله النا غدا هذا مالتكم
ملاك : لا خالة تعالو نتغدة سوة
تم نرجس : لا يمة رتاحو ضلو وحدكم
جراح : تسلم ايدج تعبناج ويانة
ام نرجس : يرخصلكم التعب
ملاك : طلعو وسدو الباب كمنا فتنا جوة كعدنا نتغدة وكلسع موكلني لو بصل لو خضرة
جراح : اكليي عاد لتنقشين
ملاك :ترا انتة هم مريض مو بس اني
جراح : مابية شي اني
ملاك : ايييي مبين تذكر من وكعت هية الوكعة شسويت بية بوكتها
جراح : جا هية هينة السوو بيج اشش اسكتي سدي هالموضوع ماريدة ينفتح
ملاك : سكتت لان حسيتة ضاج كملنا اكل ساكتين ماعرف ليش من الفترة اللي كضيناها سوة احس حتى مداعرف شنو احجي وياه او هوة يحجي وياي خلصنا وكمت سويت جاي وغسلت مواعين لحد مصار الجاي اخذتةوكعدت بصفة صبيت وكمنا نشرب سكتنا شوية بعدين من خلصت مالتي ذبيتة وبدون مقدمات حضنتة واني كاعدة
جراح : هاي شكو
ملاك : ضليت هيج محاوطة ركبتة بدت الافكار تتزاحم براسي شنو عشت وشفت قويت على حضنة ودموعي بدت تنزل على ركبتة
جراح : تردين تحجين
ملاك : هزيت راسي باي ذب كوب الجاي رفع وجهي ومسح دموعي
جراح :كومي للحديقة
ملاك :شالني بين ايدة ورحنا للحديقة جان فارش قماش على الثيل كعدنا حضني لصدرة ويلعب بشعري بديت احجي ودموعي تنزل وية كل كلمة
حجيت هواييي هوايي شكو شي جنت كاتمتة بداخلي
احجي واشهك وموكفت ولا سكتت لحد موصلت مرحلة لشهكة متخليني احجي
جراح : اشش كافي كافي
ملاك :تعبت حيل والله
جراح : حاس بكل الاذية اللي حاسة بيها بكل تعب جنتي تحسين بي جنت احس بي صدكيني انتي قطعة مني بكل صرخة تطلع منج جان كلبي يصرخ وياج
ملاك : مابية بعد مابية اتحمل طاقتي خلصتتتت اريد طول العمر اكون هنا يمك وبس
جراح : انة يمج للابد على اللي عشتة وشفتة ماكدر بعد اعوفج لحضة
ملاك : جانت كعدة كلها عتب وفضفضة مبقة شي بيناتنا ينحجي كلشي حجينا لل9 بلليل نفس الكعدة احنا وبهللوقت يلة خلصنا كلام ورتاحينا وصة اكل من برا رحنا صلينة ووصل الاكل كعدنا ناكل وكلسع يضحكني يعوضني عن كمية الدموع اللي خسرتها
جراح : تدرين
ملاك : شنو
جراح : نذرت نذر بيوم اللي قررت ازوجج كلت اذا صارت زينة اخذج ونزور كل الائمة اللي بللعراق
ملاك :بتسمت _تدري شكد اتمنى ازورهم كلهم
جراح : عكب باجر نطلع نرتاح شوية ونروح
ملاك : عشنا الليلة بحب مفترقنا عن بعض عوضنا كل الايام اللي فاتت محسينا بشي ولا فكرنا نفتح موبايل ونشوف خاف احد يسئل
عتزلنا الدنيا كلها ومفكرنا بس بروحنا
همسلي واني بحضنة اغفي من التعب
جراح : كل التعب يهون الة تعب عيونج
ملاك : احبك اكثر من كلشي بهالدنيا

__________

نور : بيوم وليلة صحينا لا جراح ولا ملاك وين راحو وشكو محد يعرف واللي نعرفة بس جدو كال لحد يتصل عليهم عوفوهم وهذا دليل على رجعتهم
متت فرح بيومها
وحمدت الله وشكرتة كلشي رجع لطبيعتة مصطفى وبيان جراح وملاك
بس بقن 3 قلوب مكسورة
قلبي وقلب مريم وقلب نغم اللي ماعتقد بيوم رح يتداون

يومين مرن وبيت فاروق يمنا
حرفيا ابد متحسسنا منهم او تضايقنا بالعكس مرتااحين وياهم
ومتونسين

وبهذا اليوم اجتي بيان
جابها اخوها صدفة وهنا جانت صدمة للكل
جانت متحجبة لدرجة حتى مصطفى ميعرف بيها ضل مصدوم
سلمنا عليها باشتياق
بس تقريبا اني وملاك ومريم اكثر شي علاقتنا بيها لان دوممم نتواصل وياها بس الباقين تواصلهم قليل واصلا ملحكنا نشوفها ركض سافرو

علاقتها هي ومصطفى تخبل
ماكو مثلها ضحك وشقة وكلسع حاضنها لو يبوسها كبالنا احنا البنات
بحيث كلسع بيبي تعيط بي
قرر بيومها مصطفى الحنة والعرس
وكال يسوي الحنة بالقاعة حتى تصير مهر وحنا سوية لان مسوو مهر
شكد مجان وضعة صعب بس سندو كلهم وكدر يشتري ذهب
صرف فلوس يابو فلوس عليها حتى قطعة الكاع اللي من جدو الة باعها
وهاي ماعدا جراح اللي كل شهر يدزلة

تحمسنا كلش وحسيت الروح بدت ترجع لبيتنا
تونسنا بهاليوم للنهاية
بالليل
نزلت اجيب مي للبنات
جنت لابسة حجاب
داصب بالدولكة بالمطبخ
سمعت صوت اغاني
مشيت ليم الباب لكيتها مفتوحة فتحتها على كيف
مشيت وصوت شخص يغني يقترب
جان كاعد بمكان ضلمة محد يشوفة عطرة هوة اللي جذبني وعرفتة من ورا
سمعت صوتة يغني
جاسر : حكيتلك خلي.. نروح احنا بعيد
وننسى كلشي.. ونبدا من جديد
نادييتك مشتاق.. وناجيت ارجعي
ليش الفراق مش حبيتك احكي..
لو يرجع زماني بتمنى ماشوفك
انسى الاغاني وكل لحظة من دونك
كل الاذاني كان كذبك ووعودك
خلصت الاغاني اللي نكتبت لعيونك....
نور : صوتة وبحة صوتة
خلتني انهار دموعي تنزل واعرف بكل كلمة كالها يقصدني
جاسر : تعالي نور تعالي لتضلين خاتلة
نور : فزيت من صاحني ردت انهزم
جاسر : تعالي بس احجي وياج
نور : مشيت باتجاهة مدنجة دموعي بعيني
جاسر : كعدي
نور : اريد اروح البنات ينتضروني_ لتفتت دامشي بس نبرة صوتة وكفتني
جاسر : نور تعبت
نور : منداريت علي دموعي تنزل وبداخلي اريد اصرخ
جاسر : صارلنا سنينن سنييين مرت من عمرنا ولا احنا الطايلين السما ولا احنا بالكاع
كل الصار كل اللي عشنا مكافي
بكل مصيبة جنة اول الضحايا وبسرعة يخرب كلشي
علاقتنا عمرها ما نعدلت
انة تعبت هواي تعبت
كلها مرتاحة الة انة كلها تستقر وتطلك وتنفصل ويرجعون بقينة بس احنا
كبرنا انة راايد استقر نور
رايد ارتاح
ساعديني فدوة اروحلج
خلي ننسى كل اللي صار ونبدي من جديد حياه جديدة نبتعد بيها عن كل شيي
نور : شهكت بصوت مكتوم ماريد ابجي
_ اني هم معاجبني الوضع بس الزمن مو ويانة كل ما نجتمع يصير شي يخرب كلشي
_ حسيت بي كام
دارني علي رفع ووجهي خلاني اباوع بعينة صارلي شكد ممباوعة علي هيج نضرة
عيونة غركانة بالدموع وبيها نضرات عتب
جاسر : ما اسمح لاي شي يخرب فرحتنا بعد
بس وافقي باجر نعقد ومننطي مجال لاي احد يخرب بيناتنا
نور : جاسر مو وقتها هسة_ حضن وجهي بايدة وخلة كصتة على كصتي
جاسر : مابقة بية صبر خلصت طاقتي ماتحمل بعد نور خلاص سنييين مرت سنين مو هينة راحت كلها واحنةا نتعذب على البطيئ
نور : شهكت وكمت ابجي قوي جرني حضني لصدرة تمسكت بي ابجي
شكم سنة مرت واحنا هيج مداصدك
_ تعبت هواي جاسر طاقتي خلصت ووالله ماتحمل صدمات بعدد فدوة لتتركنيي
جاسر : بس ثقي بية ماتركج وروح ابوية وامي ما اتركج بس تعدي سالفة بيت فاروق على خير نسوي عقد ورا بسبوع المهر ما انتضر اكثر من هيج اني
نور : هزيت راسي وبتعدت امسح بدموعي لزم ايدي ميريدني ابتعد
هزيت راسي وحجيت _ لا جاسر لتخلي الحرام يدخل بيناتنا
جاسر : هانتتت هانت مبقى شي نشالله
نور : تحركت اريد اروح لزم ايدي
جاسر : احبج ياصبر روحي
نور : احبك ياصبر سنين عمري _ بعد فترة طويلة رجعت رتاحيت كانو الشمس شرقت بداخلي بعد فترة مضلمة
مرت ايام من حياتنا جراح وملاك محد يدري وين همة حاليا وين صارو وين عايشين بس اللي نعرفة انو همة مرتاحين وهذا اهم شي
سكنو بيت فاروق ونغم يمنا وضلو بالاستقبال ضل فاروق يومية رايح جاي للمراكز ويروح لبغداد ويرجع
ضلو يحققون بسالفة الحرك مال بيتهم لحد ما فاروق لزم راس الخيط وبهدوء كدرو يلزمون هالعصابة
بس خطية نتهة من التعب
ورا ما لزمو العصابة بدو يرممون بيتهم ويصبغو ويشترون اغراض جديدة علمود يرجعون يسكنون بي
نغم بهاي الفترة اخذت اجازة سوالها علي اجازة تقريبا شهر مرضية بواسطة وضلت بالبصرة
واني وجاسر كاضيها نضرات منحجي بالموبايل على كد الابتسامة والنضرة مردت اتعمق علاقتنا لان اخذت عبرة من هذيج التجربة
وكلت خلي كلشي سطحي لحد ما نعقد
عسى ولعل هالمرة يكعد حضنا وتصير حقيقة وننجمع

ملاك : فتحت عيني مبتسمة بعد حلم يجنن باوعت علي شلون نايم تمنيت اكرطة كدما حلو مديت ايدي اتلمس ملامح وجه ومبتسمة رفعت نفسي بستة بخدة وكمت غسلت وبدلت
حاليا احنا بكربلاء صارلنا 4 ايام طالعين رحنا سامراء وبغداد ونجف واخر مقر هوة كربلاء بكل امام جنة نفوتة جراح يتبرع بمبلغ للعتبة حتى يساعدون الفقراء واني اباوعلة وابتسم واشوف الحب والفرحة طالعة من عينة كمت غسلت و
خلصت تبديل وهوة بعدة نايم رحت اتحارش بي
_ جوجوو رورو حبيبييي كلبييي شنو هاي تنبل نوم شجاكك يلة صححصحح بدلت وخلصت وانتة بعدك
جراح : عوفيني بابا اريد انام
ملاك : يعني شون كتلني الجوع يول شوكت ناكل ونزور ونروح لبيتنا
جراح : ورا الغدا

ملاك : ياااااا حروح ووحدي اتريك ترا
جراح : فتح تك عين _ صلفة كلشي اتوقع منج
ملاك : هههههههههه
كمنا وزرنا وخلصنا طلعنا بالسيارة
ملاك : هسة وين مقرنا
جراح : للبصرة لبيتنا
ملاك : اييي عفية كلش شتاقيتلهم
جراح : تدرين ملاك هسة يلة ستوعبت انو رجعت حياتنا طبيعية رح ارجع لشغلي ترجعين لكليتج ارجع من الشغل تتلكيني نتعارك بالليل على اللابتوب وانتي تبجين وتكليلي حرسب
تعرفين حتى اللابتوب شامرة مفتحتة
ملاك : كلتلي نور مشتغلت ابد بهالفترة
جراح : خسرت هواي بس ماكو شي مثل خسارتي بيج كلت الفلوس تتعوض بس انتي منو يعوضني بيج
ملاك : لزمت ايدة وبستها_اني عندي اب ماعندي زوج حنيتك هاي عندي بالدنيا واتمنة اسعدك واعوضك عن كل اللي فات
تدري من بهذاك اليوم كمت تصرخ لامك تدري برغم خنكتي واني جنت توني متعالجة ردت اجيك واحضنك حتى لو اني مختنكة حسيت شكد انتة محتاجني واني مو يمك وانتة جنت دومك يمي من احتاجك
جراح : ماريد اتذكر هذا اليوم والمشاعر اللي حسيت بيهن والشعور اللي عشتة ما عشت ولا رح اعيش مثل ذاك اليوم
ملاك : تقربت بستة بخدة وحضنت ايدة
جراح : ملاك صارلج شكد مسامعة اغاني
ملاك : اوووو من قبل الحادثة المأساوية
جراح : شرايج نشغل ساجدة عبيد
ملاك : وجهي فتح وضحكتت صفكت ايدي بفرحة _ اييي اييي ونردحححح
جراح : هههههههههه خوش جا هاج طلعيه
ملاك : اخذتة وطلعت ساجدة عبيد سيارة جراح جاماتها مضللة وجنة بطريق يصير السيارات ترمش رمش بي من السرعة وردححححححح نزعت الحذاء ورجعت الكرسي ليورة وتربعت واهز وهوة يهز وياي
_ شكلللل لامي من اروحح نكسرت الشيشةةةةة
وهوة يهز هز مصاير
بعدين طلعلتة اغنية العب بيها واغني واشر علي
_ العببب بيهااا يابووو سميرةةةة
الضحكة هاي تلوك الك
لو بيدي اخطفك من هلككك
جراح : شعرر حبيبتي شعرررر
ملاك : شلت الشال وكمت اسوي بي مثل الجوبيي ههههه
وهوة طلع موبايلة ويصور بيية بعدت طلعت اغنية حب وكعدت وللزمة ايدة واعيط من كلبي واصور
_ انتة النفس العايش بية اتركةةةةة شلوننننن
اني وعدتك اضل وياك ومهما يكونننن
باوعت بالموبايل شون يباوعلي باوعتلة وصفنة ونسسينة ام الطريق هههه لحد ما دك هورن فززنا وهوة بسرعة خفف
جراح : هذي اسرع استجابة بالحياه شكلة وعدج حيكون بالكبر
ملاك : متتت ضحكك علي ضلينا نغني طول الطريق مبقينا اغنية مسمعناها نزل جابلنا اكل وبطريقنا شفنة منتزه ودكيت رجل الة اركب ديلاب الهوة اللي بي
وهوة صاير حباب اي شي اريدة يسوي
نزلنا وصدك ركبنا والمنضر جان يجننن اني مكيفة شكد صارلي مفرحانة هيج فرحة وهوة صافن علية مبتسم_ها خوية حتكضيها صفنات
جراح : ههههههه لا ضلعي صافن بجمالك شون يسحر
ملاك : مو بس جمالي يسحر اني كلني مسحورة
جراح : ههههههههههههاااااييي قوييية
ملاك : ضحكتة من كل كلبة وصدك جتي ع الجرح _ والله رح استلم روحي وروحك تصنيف على هاي الفترة الراحت واضل اضحك علينا
جراح؛ ههههههه خبلة
ملاك؛ جراحييي
جراح : عيونة
ملاك : اريد بزونة
جراح : شسوين بيها
ملاك : اربيها قابل شسوي بيها
جراح : دخل نربيج احنة اول شي وبعدين نربي بزونة
ملاك :هههههههههه لا صدك والله كلش بنفسي تكون هيج صغيرة عمرها سبوعين واربيها بايدي ولونها يكون رصاصي على ابيض وعيونها رصاصي فاتح وتباوعلي بنضرات كيوت واني اكرطها والله كلش بنفسي
جراح :نرجع للبصرة الله كريم
ملاك :يعني تجيبلي
جراح :اشوف حسب مزاجي
ملاك : ضربتة بصدرة -تضحك علية
جراح : هههه لا حبيبي انتي الله كريم
ملاك : حضنتة لحد مخلصت ونزلنا شترينا شعر بنات وموطة كلها مقومات للطريق وشفت هاي العاب اللي تضرب طوبة وتوكع كل الكلاصات وتربح دبدوب
باوعت وعيوني تلمع على الدبدوب اللي معلكك على شكل فراولة واحمر يجننننننن
جراح :عيونج حتطلع من مكانها امشي يلة
ملاك :اخذنا ولعبت مرا مصارت مرتين مصارت الثالثة هم مصارت بالاخير جراح كلة نطيني يابة وضرب ضربة وحدة وكعهن كلهن والا شوية يوكع الرجال وياهن ههههههه
الرجال : بس ميصير كلتلكم لازم من اول كيم تفوزون حتى تربحون هاي
جراح : ياعمي ياخوية نطيني واني ادفعلك بس خل نطلع مو روحي طلعت
ملاك : الرجال خرب ضحك ونطانياه وماقبل ياخذ اخذتة وطايرة فرح بي جبير شون الجهال بعمر 3 سنين تقريبا نفس حجمهم
جراح : باعو حضي ننسوان الباقية تروح تشتري سيتات نوم ومكياج اني مرتي تشتري دباديب
ملاك : مو احسن شيفيدن سيتات النوم
جراح : لا منو كلج اصلن كلهن فائدة
ملاك : فتحت عيني وداحجي كلمتي المعروفة سبقني وكالها بنعوصة
جراح : مونحرف
ملاك : يااا هههههههه
جراح : امشي وجيبيها هاي حتوكعين انتي وياها
ملاك : رجعنا للسيارة صارت دنيا ليل حضنت الفراولاية ونمت وهوة متخبل يكول بدلتيني بدبدوب ههههههه وصلنا للبصرة ب 2ونص وحايرين شون نفوت للبيت
جراح : منو كاعد بهالوقت بلة كلة من ورة فراولة تاخرنا
ملاك :لتحجيي على فوفو
جراح :انوب علية فوفو خل اشوف اكدر اطفر على الباب
ملاك : فطست ضحك علي شون طفر على لسياج وفتح الباب على كيف فوتنا السيارة ونزلت
جراح : بدون صوت امشي اذا شافنا احد كلها تكعد وميفكونة
ملاك :تمام صعدنا صدك علكيففف لغرفتنا وسدينا الباب بدلت ومددت جانت ايام تجنن اجة مدد يمي ولزم ايدي يشم بيها
جراح : ملاك
ملاك :همم
جراح :اريد اعرس
ملاك : والله بوضعي هذا ما اكلك لا روح تزوج
جراح : چ مفهمتي قصدي
ملاك :شنو لعد
جراح :اريد اعرس وياج
ملاك :يااا جراح تعبانينن
جراح :ماكو تعببب اشششش ........

________

ملاك : كعدت الصبح مبتسمة باوعتلة نايم بعمق
بستة بخدة وكمت سمعت صوتهم جوة
رحت سبحت وبدلت واكفة اخلي حمرة فتح عينة ورفع تك حاجب
_سوييت كل هالاصواتت وماكعدتت ع الحمرة صحصحت شيخنا
جراح : ذبيها لا اكوملج هسة وينن مولية انتي نازلة جوة
ملاك : كام تقرب ب اتجاهي _ شفتي صاير ة كلشش ناشفة وبيها سواد من فقر الدم
جراح: اخذلج تحاليل باجر نروح لعلي نسوي
ملاك : تمامم _ فات للحمام زوغلت وخليت ضحكت ع حركاتي
كمت انتضرة يخلص حتى ننزل سوية
طلع ولبس دشداشتة عبالك عريس
بتسمت ولزمتة من ياختة وشميت عطرة _ افييششش شون ريحة طيبة طالعة من زوجيي قرة
عيني
جراح : ههههههه شبيج بوية تشمشمين بية
ملاك ؛ بتسمت وغمزتلة _ ريحتك طيبة حبيبي
جراح ؛ ستهترتي عمري طلعتي عن الطريق
ملاك : ههههههه امشي يلة _ لزمت ايدة وطلعنا أول منزلنا ع الدرج كلها نصدمت وما نسمع غير هلهولة عمة ونور طكوها بوجهنا شون عاليا
عبالك عرسان
نزلنا سلمنا عليهم وجاسر طلع يم الولد واني ضليت بالمطبخ يمهم
الحجية : وجهج فتح بيبي
ملاك : ايي والله بيبي رتاحييت حيلل بالزيارة واحس كل خنكة راحت
نور : يمااا قلبوشييي رجعععع عااااا
ملاك : تقربت حضنتني ربع ساعة وفاتت نغم مبين جانت بالدوام شافتني وعاطت وحضنتني وبيبي كلسع عايطة بوحدة بينة
نغم : اويليي شكد مشتاقتلج نهزمتي انتي ورجلج وقفلتو كلشي شون لوتية
ملاك ؛ سبوو مو طاح حضنا اني ورجليي
نغم : الحمد الله رجعتو هسةةة
ملاك : البيت جان يجنن بوجود نغم وامها سوالفهن تجنن بس حرامات جان هذا اليوم آخر يوم الهم لان مكملين بيتهم وحيرجعون ...

يتبع .....

البارت 7862 كلمة أتمنى ستمتعتو بي وتنطوني لايك حق تعبي 🫶🩷