رواية ملاك الشيخ جراح الفصل التاسع والثلاثون 39 - بقلم ~yaqeen.hassan~

اريد أن أحتفظ بكِ ، أبقيكِ لي وحدي وكأنكِ أخر الاشياء التي سأحصل عليها في هذه الحياة ،🤍💗

اريد انوه على شي  اعرف مقصرة بحق القصة هواي وهواي مو شوية بس اني اول شي مريضة وخلكي ضايك هوااي 

والله نفسيتي مصفرة  اني اكتب بالمحفوضات وكوةة اسوي البارت  يعني شوية تقدير وهم دراسة عندي

ترا الكتابة صعبة هوااي يعني مو سهلة ابد تكتبين 2000 كلمة واني ايدي والله تموتني لحد ما اكمل البارت وخصوصا اني  عندي ايباد الكيبورد كبير واصابيعي تروح لحد ما اخلص

وهواي بنات يكولون نحذف القصة ونحذفها  ترا اني من نزلت وكتبت مو شهرة ابد اني هوايةعندي احب اكتبها واضهرها ويكفيني كم بنية يقروها  واصلا ماعتقد استمر على هالوضع  القصة جانت ببالي اكتبها باحسن ما يكون بس هالايام هواي ديصير علية ضغط وماريد اكتب واني واهسي خربان 

حسو بية شوية  وكل انسان عندة ضروف مو اني جماد ماعندي شي بس كتابة القصة وكلتلكم اني البارتات الجنت كاتبتهن خلصن وحاليا داكتب كل بارت بيومة 

اتمنى تعذروني و+ الواتباد لحد هسة ميفتح يمي واني فاتحة من كروم ويشكل ويتعب كلش يعني تعديل البارت بي ياخذ ساعتين والله ويتلف الاعصاب وكوة متحملة لخاطر القصة ولخاطركم 

اعذروني للمرة الثانية ونشالله ما اقصر وياكم بس صبرولي 💕

#الكاتبة : yaqeen. Hassan 

#مـلاك _ الـشيـخ _ جـراح 

#الجزء الثاني 5 

نغم : صحيت لكيت روحي بالمستشفى راسي يوجعني ومعدتي تاذيني 

ونيت بوجع نتبهتلي ماما وجتني ركض

الام : ها حبيبتي شون صرتي

نغم : بطني تاذيني ماما وراسي مسطور

الام : هسة فاروق راح يجيب الدكتورة ويجي 

نغم : شصار شجابني هنا

الام : وكف كلبي والله جيت اكعدج مكعدتي وجنتي مثل الجثة جبناج صارلج ساعة فاقدة  

نغم : اريد مي _ جابتلي مي شربت شوية وجاني شعور ماعرف شوصفة برودة خفيفة ححسيت بشي بداخلي حسيت بحركة مو حركة قوية انما شي نبض خفيف خلة دموعي تنزل باوعت لماما والشعور حسيت بي 

صارت دموعي تنزل مثل الشلال لا لا ماريد ماريد

فاتت الدكتورة هية وفاروق بتسمت وحجت 

_ شلون صرتي

نغم : معدتي وراسي ياذوني_ هزت راسها وباوعت للتحاليل 

غمضت عيني ودموعي نزلت ماريد هالشي ماريد اتعلق بي اكثر ماريد

الدكتور : مبروك ماما حامل 

نغم : شهكت وخليت ايدي ايدي على وجهي وابجي بقوة 

اني اريد امحي من حياتي يجي شي يربطني بي ليش 

لليش مصار الحمل الة اليوم ليشش 

اجوي فاروق وماما يهدوني بس اني مخنوكة خنكة بس الله يعلم بيهة 

الدكتور : شبيج ماما شنو صارلج شكد متزوجة ليش تبجين 

نغم : نزلت ايدي ومسحت دموعي بس وين امسح وينزلن غيرهن حجيت بصوت مخنوك _ دكتورة اكدر انزلة

فاروق : نغمممم شهالحجييي هذااا 

الدكتورة : ماما يهون عليج تنزلي الناس تتمنة الطفل وانتي تنزلي حرام عليج تقتلين روح هذاققطعة منج زائد لازم زوجج يوافق وتتنازلون ثنينكم يلة اوافق انزلة بس فكري زين حرام عليج 

نغم : حجت وطلعت واني رجعت ابجي 

فاروق : كافيي بجيي شجاجج تخبلتيي على شنو تبجييين هايهية صارالي صار لا عبالج بهذا الحمل ترجعين لعلي لا غلطانة مترجعيلة ابنج يضل بحضنج والقانون وياج مدامة متزوج غيرج ابنج يضل بحضنج كافي انوب تريد تنزلة هية هاي الناقصة 

بلة صارلج شي ومحملتي بعد بوكتها يفيدج علي لو منو اصحي نغممم اصحيي 

نغم : علي ميدري متكولولة 

الام : يمة شون هوة ابو

نغم : معليةة ماما ميدري ترا والله اكتل روحي واكتلة وياي وماهتم الدنيا طالعة من عيني فدمرة اذا علي درة رح يجبرني ارجع وياخدة مني لهذا ما اكلة 

فاروق : الله كريم هسة خلي نطلع ونشوف شيصير 

نغم : مسحت دموعي توني اكوم جان تندك الباب راح فاروق فتحها فاتو علي وجاسر وعمو نصدمت من شفتة وتمنيت اكوم اخنكة  

دنجت راسي هوة تقرب مني لزم كتفي بساع بعدتة من ايدة 

علي : شون صرتي شبيج

الجد : حمد الله على السلامة بوية

نغم : الله يسلمك عمو 

علي : فاروق شبيهة

نغم؛ فاروق مبين عصيبة البارحة ضهرت هسة ورجعتلة خفت من اللي حيسوو

فاروق : كل خير بيهة بس انتة عوفها هية ترتاح

علي : اله داعي هالحجيي هسة

فاروق : عمي من رخصتك بس كلة لابنك خلي يطلع وجودة غير مرحب بي هنا

علي : مجاي انة عليك جاي على مرتي

فاروق : قصدك طليقتك بعد كم يوم

علي : هذ الشي بيني وبينها مالك حق تدخل

فاروق : انة كتلك اذا اذيت اختي بيوم تلكاني بالمرصاد وهاي انة كبالك بالمرصاد ومستحيل ترجع وياك بس على جثتي 

الام : فاروق يمة صلي على النبي 

فاروق : اللهم صلي على محمد وال محمد توكل علي توكل روح لمرتك ماعندك مرة يمنة 

نغم : باوعت لجاسر حسيت حيتعاركون فهمتة بنضراتي هوة هز راسة وراح جر علي وطلعو 

الجد؛ يصير نضل وحدنا اريد احجي وياها كلمتين

نغم : طلعو ماما وفاروق اجة عمو كعد كبالي 

الجد؛ اعرف السوا مو سهل وانة مراضي علي وحقج من تسوين هيج مو هين يجيب عليج ضرة وانتي ممقصرة بس.. 

نغم : عمو اني حامل

الجد : شنو 

نغم : هزيت راسي _ توها الدكتورة كالت بس فدوة اذا تعزني وتعتبرني بنتك متكولة لعلي اكيد حيجبرني ترجع واني مااكدر والله

الجد؛ اهخخخ ياعلي لو ما السويتة جانت انتة هسة اسعد الناس وصرت اب بس شحجي ربي يثبتة بطنج وتكومين انتي وياه بالسلامة ولتخافين ماكول لاحد لان انتي مثل بنتي ولو مريم صار بيهة هيج هم اسوي نفس اللي سويتي هسة ضلي بيت اهلج فترة ونشوف شيصير 

انة كلبي ممرتاح لهالبنية وحاس شنو النهاية 

نغم : ماريد شي اني بس اجيب ويطلكني ويروح براحتة يعيشارك حياتة واني اعيش وية طفلي وبس 

الجد؛ منعرف باجر شضامنلة للله كريم انة موجود باي لحضة تحتاجين ببيع شي اعتبرنيني ابوج الثاني ولتترددين تطلبين مني شي عيني الج 

نغم : متقصر عمو شكرا هواي على وكفتك وياي

الجد : العفو بوية واجبي هذا 

نغم : كام وطلع فاتو فاروق وماما فاروق مخنزر مبين مفول من العصبية لزمني من ايدي قوي بحيث عصرها عبالك يطلع عصبيتة بية _ اهخخ ايدي فاروق

فاروق : اسف اسف ماقصدي

نغم :محجيت شي اعرف كوة مصبر روحة على علي رجعنا للبيت وحجزولي العصر يم دكتورة 

رحت وسوتلي سونار وصارلي اسبوع على الحمل 

الدكتورة : وضع الطفل زين بس انتي وضعج مو زين وهذا ياثر علي بس يبدا يكبر لان هوة دينمو باحشائج 

نتبهي لاكلج رح اسجلج فيتامينات مشكلة واكلج كثري نتبهي لروحج لتشيلين ثكل عالي وهاي الاشياء نتبهي لروحج من هسة اكلج حتى مومن لاسامح االه يصير شي بوكتها نتذكر لهذا حافضي على روحج من هسة  

نغم : تمام دكتورة بس شوك اعرف جنسة

الدكتورة : اووه بعد هواي بعدنا بالبداية بال3 لو 4 نشالله ينعرف

نغم : شكرا دكتورة 

الدكتورة : العفو هاذا العللاج 

نغم : اخذت الراجيتة وطلعت نطيته لفاروق جاب العلاج ورجعنا للبيت رحت للغرفة تمددت ودموعي تنزلت تلمست بطني 

ورجعت تمر كبالي ايامي وياه ليش محسيت ان كلبة مو يمي ليش منتبهت 

كل برودة تتجاهي ليش محسيت 

تذكرت ليلة الحنة مال ملاك شكد فرحت وطرت شكد تمنيت بداخلي نعيش بسعادة ونشيل طفلنة بين ايدنة 

بس شنو صار .... 

اجة طفلنا واحنة فترقنا 

ضلبيت ابجي بسكون وهدوء مديت ايدي للجرار الميز بصفي طلعت دفتري 

قريت ذكرياتي بيوم العقد كتبت " حياه جديدة ماعرف اذا حتكون حلوة او لا بس نشالله انسعد بيها " 

جريت قلم وخليت جواها كلمة 'تعيسة' 

ذبيتة وتوني اغفة دك موبايلي باوعتة نور

فتحتة وحجيت بتعب _ هلو نونة

نور : نغم يروحي شونج وكع كلبنا والله شبيج 

نغم؛ فقر دم وتعب بجسمي هسة تحسن 

نور : يروحي انتي اكلي ولتضلين تحركين بروحج محد يستاهل

 لاعمي ولا غيرة

نغم ؛ حبيبتي انتي تسلمين بسس حبابة لتجيبين طاري كبالي ماريد اتذكر

نور : البيت بدونج فارغ والله

نغم : اجة اللي ياخذ مكاني نور حبيبتي اسفة والله بس اريد انام تعبانة

نور : لا يروحي لتعتذرين رتاحي احاجيج بعدين يلة بيباي

سديتة وتنهدت على وضعها من صوتها مبينة الخنكة 

صعب اللي دتعيشة والله ماكو اصعب منة 

طلعت من الغرفة صارت بوجهي شمس بتسمت بلطف بس مدري شبية حاقدة عليهة من اشوف نغم شون مقهورة

شمس : اتنتي نور صح

نور : اي 

شميس : كلش حلوة انتي

نور : شكرا 

شمس : ممكن سؤال

نور : كولي 

شمس : غرفة جاسر وين ممكن اعرف لان علي يريد منة شغلة ودزني

نور :عقدت حواجبي مستغربة اشرتلهة على الباب مال غرفة جاسر

شمس : شكرا حبيبتي بالمناسبة شعرج كولش حلوو 

نور : بتسمت وراحت نوعا ما لطيفة تنحب لوما جاية على نغم 

 نزلنة جوة وهية وكفت تساعدنا ومريم تحجي وياها 

شمس : اني بابا توفى جنت عايشة وياه وحدنة ماما توفت بولادتي وهوة رباني جان مريض قلب قبل سنة لتقيت بعلي بوكتها جان متخربط بابا فحصة وكالي سوي تحاليل رحن سويتهن ورجعت لكيتة داخل عملية رحت لغير دكتور يكلي مالة داعي التحاليل ضجت منة وحقدت علي

نسيت بمرور الايام بس ضل بالي وحبيتة ورا وفاه بابا عمامي اذوني هواي اخذوني وياهم للانبار بس نهزمت ورجعت لبغداد والله خلا علي بطريقي 

ضليت يمة سبوعين تقريبا وعقدنا

مريم : يعني بيوم الحنة مال جراح انتي جنتي مرتة

شمس : اي بيومها ضلينة بالفندق 

مريم : ضحكت بقهر _ يعني عمو كاللها لنغم احبج وضحك عليهة ابد متوقعتها منة 

نور : حجت وهية تباوعلي 

شمس : علي ميحبها هوة نجبر يتزوجها

مريم : حبيبي منجبر هوة اجة وكال اريد اتزوج وخلة شروط وماما جابتلة على شروطة 

شمس :براحتج بس هوة كلي بلسانة انة تزوجتها مجبور

مريم : كل البيت يحب نغم جيتي اخذتي مكانها ليش 

شمس : اني هم من حقي اعيش حياتي لعد اضل متعذبة هناك يم عمامي

نور : مريم كافي تعاي نروح يم بيبي _ جريتهة وحرت عليمن انقهر 

كلهعا متعذبة بحياتها 

____________

ملاك : جنت كاعدة بالغرفة وجراح راح يجيب عشة 

دكت علية بيان بتسمت وجاوبت باخر فترة صارت صديقتي كلش ودائما نحجي

_ هلو يا حلو 

بيان : بشهكة_ ملاك ك

ملاك : بيان شبيج 

بيان : اريد اموت تعبت

ملاك؛ اسم الله لتحجين هيج نجبي شصاير. كليلي

بيان : مصطفى حيبيع قطعة الارض الي جدة منطيهة الة ويريد يبيع ورثة بالبيت لجراح لخاطر علاجي 

ملاك : صدك تحجين ليش شنو خلصت الفلوس الجوة ايدكم

بيان : اي خلصت وهسة داموتت والله هذا البيت والورث مستقبللة ليش يريد يبيعة لخاطري واني اولها تاليها اموتت 

والله محعيش اني احس بروحي دانتهي

ملاك : بيان نجبيييي لتحجين هيج بعدين انتي شمدريج لو هوة بس حجي سكتي + مستقبل مصطفى الدتحجين بي هوة انتي والله مصطفى بدونج ماعندة حياه لتسوين هيج مثل مدايتعبلج انتي هم تعبيلة تفائلي وضحكي الله موجود عيشي ايامج يوم بيومها وتركي الموت حبابة 

ترا مصطفى اذا سمعج يتخبل والله 

_ دتحجي تفتحت الباب وفات يمكن مصطفى 

مصطفى : شكو شبيج يو جعج شي بياننن كوليي

بيان : لا مبية شي داحجي ويا ملاك 

مصطفى : وملاك شمسويتلج حتى تبجين 

بيان : ممسوية شي بجيت وحدي 

مصطفى : ملاك شبيها احجيلي 

ملاك : ضايجة لان دتصرف عليه 

مصطفى : اللهم طولج ياروح حجتلج على سالفة البيت 

ملاك؛ يس يا اخوي

مصطفى : ا ني طالع اجيب اكل شوية وارجع 

ملاك : طلع طبيعي وسد الباب 

بيان؛ شوفي هوة عصب مني بس ميطلع عصبيتة بية والله اموت قهر

ملاك : بيان تدرين انتي شنو يرادلج بحياتج 

يرادلج واحد من كرابتنا اسمة جمعة هذا لازم مرتة تكفخ ولا يفكر بمشاعر ولا شي اهم شي هوة يرتاح انتي تريدين مصطفى مثل جمعة وشنو السبب محد يدري

بيان : ماريدة يكتم بداخلة خلي يفرغ عصبيتة بية ليكتمها بداخلة ما تحمل والله

ملاك : هاي فوكاها لج نجبي وكومي روحي خابري وطيحيلة بكم بوسة وعلى كولة بيبي مطكة وهوة يرضة يوللل مصطفى يحبج ويريدج يمة بكل الطرق لهذا لتضلين تبجين كافي يلة اششش سكتي يلة مسحي دموعج وكافي بجي والله ازعلج عليج زعلة ما ارضة الة تجيني وتبوسيني 

بيان؛ هههه كلشي ولا زعلج هاي بس علية هيج الزعلات 

ملاك : ضحكت اي وعلى ذولاك الناس هم 

بيان : الله يعينهم ذولاك الناس والله 

ملاك؛ فديتهم اي والله 

بيان : الله يخليكم لبعض يلة اروح اشوفة وين راح

ملاك : تمام حبيبي يلة بيباي

_ سديتة دعيتلهة من كل كلبي تتشافة 

تنهدت وضليت الوب وين راح مصار عشة 

يمكن مرت ساعتين صارت 9ونص وهوة طالع من ال7ونص متت خوف وادك علي مغلق 

متحملت لبست صاية وشال اخذت موبايلي ونزلت يم الريسبشن 

باوعت وينة يالله دورتة شوية ولمحتة جاي من بعيد جان مبين عصبي كلش 

باوعلي وحسيت عيونة طلعت من مكانها منت العصبية خفت خوف مو طبيعي من نضراتة تقرب مني خازرني وعينة صارت حمرة من العصبية 

جرني من ايدي وضغط عليهة قوي وهمس بعصبية مكتومة

جراح؛ شتصخمين هناااااا

ملاك؛ ن نزلت اشوفك تاخرت هواي

جراح : امشيي حسابج بالغرفة

ملاك : كلبي رجف من الخوف حسيت نفس ذيج الليلة نفس العصبية 

ردت احجي خزرني خزرة حسيت يبس كلبي من الدم 

سكتت ومنتضرة شحيصير 

وصلنة للغرفة فتحها واول مفتنة دامشي جان يجرني من ايدي قوي فرني علي ومحسيت غير نار صارت بخدي واذني صفرت اثر الراشدي اللي ضربنياه ...........

يتبع..... 

__________________

اتمنى يعجبكم البارت 💕

انتضروني بارت جديد 💕

#الكاتبة : yaqeen. Hassan 

#مـلاك _ الـشيـخ _ جـراح