وأنا برفقتك توجد شمسٌ في صدري لا تتوقفُ عن الإشراق 🖤💕
لتنسون النجمة وعلقو على الفقرات 💕
#الكاتبة : yaqeen. Hassan
#مـلاك _ الـشيـخ _ جـراح
#الجزء الثاني 6
ملاك : وكعت على الجرباية وحسيت نارر ناار بخدي متنوصف واذني تطلع وشة
دموعي نزلت بقوة وشهكت واني منزلة راسي ولازمة خدي
جراح : منوووو كلججج تطلعييين منووووو عسماااا اموتتتتتت متطلعيييين طالعة تفترييين بنصصص الفندققق بصايتجججج والرايححح والجاييي يباوعلجججج انةةة جبتججج حتى اونسجج بس مو مال تتماديين ما اتنازللل عن عاداتنة وتقالليدنةةة لو رحتتت لاخر الدنياااا
هالمرةةة سويتيها مرا الثانية اذا نعادت ماوصفلج اللي يصيررر فاهمةةةةةة
ملاك :كمت وحجيت بعصبية _ شسويييت انييي شسويييت لان خفتتت عليك تضربنييي هذا السببب
جراح؛ لتعلييين حسججججج ترااااا تصيررر مو زينةةةةة
ملاك : بعدنااا باولهااا وتلكيتني بالضرببب لعد اذا ستمرينة شتسوييي بس ولو انة شترجة منك والصار قبل المفروض اخذ عبرة بس اني ثولة
_ باوعلي مصدوم خزرني قويي اعرفة يكره طاري هالموضوع واني جنت انقهر اذا جبتة حتى ليضوج بس هسة من حرك كلبي حجيتهة
جراح : هاي انة هيج بنضرج
ملاك؛ اييي هيجج والة شترجة منك وانتتة بس خفت عليك ضربتني كفرتت من نزلتت يعنييي
انتة جنت عصبي وطلعت عصبيتك بية
انيي شنو ذنبييي
جراح : كافييييييييي حسججج ماسمعةةةةة مدامممم انةةةة همجييي وطايححح حض وكو..... لمييي غراضججج يلةةة لحضةةة منضل هناااا بسرعةةةةةة
ملاك : حسيت طاقتي خلصت وتعبت درت وجهي جريت الجنطة واني اشهك بقوة وابجي
كوة اخلي الغراض والشهكة متفاركني
نهضمت حيل منة
داسد الجنطة محسيت غير حضني من ضهري ووجهة دافنة بركبتي ردت اوخر ايدة بس مكدرت جان حاضني قوي واني هم ستسلمت وحضنت ايدة وابجي
ماعرف شسويت بس جنت ضايجة منة بس ماعندي غير حضنة اشكيلة
يعني جان بالي مثل قاعدة هوة ابوية ورجلي اذا تعاركت وية رجلي اركض لحضن ابوية اشكيلة
وهوة جان ماخذ هالمكانين
دارني علي وضمني لصدرة واني دموعي موكفت
ضربتة بصدرة وحجيت _ ليشش ليشش هيج تسوييي ليشش تخليني اكرهككك ماريدد اكرهك مارييدد
جراح : اسف والله اسف طلعت عصبيتي وحركتي بيج
ملاك : واني شنو ذنبي
جراح؛ اسف والله واعتذلج منا لباجر بس لا تبجين والله عيونج راحت كافي يروحة لجراح وكلبة
ملاك : هذا هوة جراح بوقت العصبية ميشوف دربة اما من يهدء يصير ماكو منة
ضلينة هيج بالربع ساعة تالي كعد ورجعني. لحضنة ويشم بشعري ويتنفس قوي
جراح؛ ملاك انة غلطت ضميري ديانبني
ملاك : على شنو قصدك
جراح : عمي علي خابرني قبل فترة يمكن سبوع قبل العرس حجة وياي بموضوع وكالي صاحبة متزوج ويحب وحدة وهوة كلبة مو يم مرتة
وكالي انة اللي يحبها صارت يمة وميمنعة شي عنها
انة كل ضني ان صديقة مرتة مقصرة وياه لان هوة كلي ان ممرتاحين سوية
فايدتة وكتلة خلي يزوجها ليضحي بحبة الهة
نصدمت ملاك توة جاسر كلي
عمي علي متزوج ونغم ببيت اهلهة ورايدة الطلاك
ملاك : فتحت عيوني على وسعهن مصدومة ممصدكة
_ شنو شدتحجي انتة عزا جراح عمو علي ميسويهة
جراح : سواها ملاك سواها
ملاك : ليش زين هية نغم بشنو مقصرة وياه بالعكس اصلا تكول عايشين احلى عيشة وكاللها احبج بيوم الحنة مالتنا
جراح : مداعرف والله شسوي تصرفات عمج لا تطاق صايرة تخبلت بس سمعتا وانة الغبي ايدتة
ملاك : ضليت مصدومة وممستوعبة شحال نغم هسة شصاير بيهة سودة علية
جراح : طلعت عصبيتي بيج اسسف بس والله جانت طالعة روحي لان نضلمت نغم بسسبي لان ايدت عمي علي
ملاك : انتة شعليك قابل هوة بدونك او وية حجيك جان تزوجها + هم هذا مو مبرر لضربك ولاعبالك رضيت النكسر ميتصلح
_ كمت رحت للحممام غسلت وجهي باوعت للمراية اثر الراشدي صاير زراك خفيف دمعت عيوني كوة اتخلص من ذنيج يطلعلي هذا
خليت مي بارد علي وطلعت اخذت بطل بارد خليتة على خدي بس حتى يروح الزراك شوية
واني مقهورة مدري على الراشدي مدري على نغم
هوة جان صافن بالكاع و ومخنزر
كام رفع موبايل الفندق وكاللهم يجيبون عشة
رحت ذبيت البطل ولفيت راسي ونمت اسمعة يتنهد وصل الاكل مسمعتة فتحة اصلا
بس شالة و ضمة بالثلاجة طفة الضوة وفتح البالكون وطلع بيهة
اسمعة دك على مصطفى يتناقش ويا على البيت
جراح : متبيعة انة ادزلك... لتلح جاي اكلك بيتكم هذا مستقبلكمم.... انة اخوك موش شخص غريب حتى تستحي مني... لتخليني احجي حجاية هسةة .... جا منو الساعدني بشغلي .. اي اي نجب.. مصطفى اسمعع.. ياكو... سدة اني اعلمك ياطايح الاحظ
ملاك؛ جتني الضحكة واني جوة الفراش كمت اهتز بسكوت يالله برد كلبي ابو الصوف
فدوا اروحلة
بعدين ضل ساكت وكلسع اسمع طكة الجداحة اني من يمي عطبت شون هوة
ردت اكوم بس عفتة كبريائيي ميسمحلي
عاد هوة اجة سد الباب نزع تيشيرتة ومدد بصفي وكلسع يتقرب لحد مصارت انفاسة يم ركبتي
شوية شوية ايدة تسللت لخصري وسحبني الة وراسي بشعري محجيت ولا هوة حجة
مكدرت انام وتعودت علي لهذا سكتت وسكنت وبساع غفيت
_________________
نور : جنة كاعدين نتعشة الوضع نفسة متازم مرت هاي يومين نفس الشي
كل واحد كاعد بجهة وياكل بسكوت وهدوء اول مرا تكون سفرتنا هيج دائما سوالف وضحك بس اليوم كئابة
قطع السكوت جدو وهوة يكول
الجد : ليوم تروح لبيت عمك ابو فاروق تكعد تحجي وية مرتك وتردها
علي : مترضة
الجد : تعتذر منها وترجعها
علي : يابة رجاء لحد يدخل بحياتي
الجد؛ مكيف بحياتك يعني هاي حياة
علي : الحمد الله والشكر راضي بيها
الجد : اخر مرا اكلك علي تروح اليوم وترد مرتك
شمس : ممجبور يرجعها هوا
الجد : محاجي وياج انة لهذا سكتي
علي : يابة
الجد : العندي كلتة وبكيفك بعد
علي : اخر مرا اروح اليوم ان ماردت تضل يم اهلها
نور : حجاها وصعد وشمس لحكتة بسرعة جدو ضاج وعصب وحتى ما اكل
جاسر : لتضل تحرك بروحك انة اروح وياه ونشالله ترجع ويانا
الجد: ان ما رجعت كلة بعد لا يحجي وياية
نور : راح جدو للغرفة وتفرقو كالعادة بقينة بس اني وجاسر وخليل ومريم
خليل : مستحيل ترجع من هسة اكلكم البنية عددها كرامة ونضلمت بدون سبب شنو اهلها بايعيها
مريم : والله البيت بدونها فارغ
_______________
نغم : وهاي مرت يومين عشتها بفراشي متغير شي ابجي واحضن بطني وانام وماما تجبرني اكل كوة
جنت العصر نايمة
جتي صحتني ماما وكالت علي وجاسر هنا
تنفست بقوة وتلمست بطني
خلص ماما لازم انهي كلشي بعد
حياه بدونة ولا ان تشاركني وحدة بي
بس صفنت شلون ماكدر اطلك الة اولد
طلعت وكلت بابا يتفاهم وياه
لبست الشال وطلعت فتت وكلت _ سلام عليكم
علي وجاسر : عليكم السلام
جاسر : شونج نغم
نغم : بخير وانتة
جاسر : الحمد الله
علي : شونج نغم عساج بخير
نغم : كل الخير بية _ باوعتلة بنضرة حقد وكعدت يم بابا وفاروق وهمة كبالنا نكلب وجهة وعصب بس ايد جاسر نخلت على ايدة عبالك يهدي
بكلبي كلت كوة مفارك روحة يمكن ومجبور
الاب : اي علي ماعندك تفسير ماعندك حجي تحجي كلي بنيتي شنو المقصرة بي وياك وانة بيدي ارجعها وياك اذا مسوية شي خطا او طالعة عن شورك
علي : ممقصرة عمي والنعم منها بس هذا اختياري وانة مو اول شخص يتزوج الشرع حللي اربعة ونغم مو اول وحدة تنزل عليهة ضرة وشمس بنية نقية وبريئة متاذيهة ونشالله اعدل بينهن وماقصر
فاروق : حلم بليس بجهنم ترجعلك على هذا حجيك وعلي متتقرب منها ولا تمسها بعد وتطلكها باقرب وقت
الاب : فاروق خليني احجي باع ابني انة رجال بغدادي بسيط ماعرف عادات العشاير تنص بهالشي يعنيي عادي ان رجال يتزوج على مرتة وهية ممقصرة بشي هلي تبقى يمكم
بس اني ميصرفلي هالشي وليدي ولا يصرف لاهلك اصلا لا ابوك السواها ولا اخوانك كلهم قدرو نسوانهم وما بيوم كسروهن
وانة من نطيتك بنيتي امنت ونمت مرتاح
متوقعتك هيج تتصرف بيوم وهاي انتة المثقف الدارس البعيد عن سوالف العشاير اللي كلت من سابع المستحيلات يسويهة
بس سويتها وصدمتني وانة ما ارضا بنيتي تعيش على ضرة اذا ترضاها على اخيتك وعلى بنت اخوك وعلى بنتككك تعالي كلي اي اقبل وارجعلك بنتي
بس انتة مترضة لهذا انة ما ارضة هم بنيتي وحيدتي ماعندي غيرها وانة عايش لاجل سعادتها تمنيتك تسعدها بس انت كسرتها وانة ما ارضة على كسرة ولدي
لهذا اعذرني اي اعتذار او اي شي تسوي ولو تجيب العشاير كلها انة ما ارجع بنتي وحتة ان رضت الة تطلك ذيج يلة ترجع
علي : عمي طلاك ماطلك مرتي ذيج ولا نغم
فاروق : المحكمة موجودة والحق وياها تطلك منك غصب عنك
علي : نشوف فاروق نشوف يلة اترخص انة امشينة جاسر
جاسر : تنهد_ مع السلامة عمي
الاب :الله وياك وليدي
نغم : طلع واني كمت بسرعة بدون ماسامع حجيهم للغرفة ذبيت روحي على الجرباية وبجيت بقهرر
حركة كلببي خانكتني مداكدر اتحمل
طلعت من الغرفة ورحت للسطح كعدت ونتجيت على الحايط وكمت ابجي بكل قوتي
متحسفة على كل لحضة حبيتة بيهة
كل لحضة حضنتة وشتاقيتلة
كل اللي قدمتة الة تالي جازاني بهللمعاملة حتى ماكلف روحة يلح وية بابا
ضليت هيج لحد مصار المغرب واذن
مسحت دموعي ونطيت وعد لنفسي خلاص من هاللحضة امحي من كلبي واكمل حياتي
ارجه لكليتي وواهتم بطفلي وورا ما اولد اخلي يطلكني واخذ الطفل
_______
ملاك : صحيت الصبح لكيت روحي بحضنة بعدت نفسي وكمت على كيف
لميت شعري وباوعتلة وتنهدت شنو حضل زعلانة علي ماتحمل اني
زين ثول لعد ضربج البارحة
مادري والله كلبي مينطيني ازعل علي
بس لا خلي يحترك كلبة مثل محترك كلبي
كمت غسلت ولبست برمودا وخليت شوية مكياج وعطر وفليت شعري
وكعدت بالهول دكيت على نغم حجيت وياها شوية بدون ما اكللها
_ مناوية تكليلي شي
نغم : شكول
ملاك : نغم اعرف جراح كلي
نغم : ملاك شي صار واتتة ماريد تفتحون هالموضوع كبالي
ملاك : حتطلكين
نغم : اي
ملاك : تنهدت _ وكلبج
نغم : هوة محد طيح حضي غيرة ادوس علي وامشي وميوكفني لا علي ولا حبة
ملاك : براحتج المهم اللي تسوي انتي مرتاحة بي
نغم : عوفج مني انتي شونج شونة شهر العسل ولو هسة طلع من خشمكم ورانة
ملاك : طلع من ورا خشمنة بس بسبب جراح مو علمودكم
نغم : ليش شصار
ملاك : اوف باعي...... وهاذا الصار انوب هسة اني مثل المطي مقهورة مدري شبية
نغم : مقهورة لان تحبي اذا عتذر منج ومتندم مو عيب اذا ترجعون عادي وانتو هاي ايام من العمر ليش تضيعوهة باللزعل
هسة يكعد يعتذر منج وانتي لتلحين وياه شوية تدللي وارضي وكليلة طلعني وهاي السوالف والله تتندمين اذا تضيعيهن
ملاك : هففف ماشي هسة اشوف
نغم؛ يلة لعد اروح اني وية ماما اساعدها واجي
ملاك : تمام حبيبي بيباي
سديتة وصفنت توني اكوم جان يفوت للصالة يفرك بعيونة
كلبت وجهي جان يجي ينام على رجلية وجر غطة على القنفة وغطة راسة نصدمت ياا شهالميانة هاي احنة مو متعاركين
جراح؛ ليش كمتي من الصبح شعندج
ملاك؛ الساعة ب12
جراح : يومية لل2 كوة اسحلج
ملاك : اي اليوم من وكت كعدت بعدين وخر شعرك ينغز برجلي
جراح : هسة صاير ينغز جا منو يومية ينومني على رجلة
ملاك : انتة لزكة تلزك بية وتجي
جراح : ها صرت انة اللزكة
ملاك : اي ورجاء كوم جيب اكل جوعانة
_ طلع راسة مبتسم محسيت غير كام ودفعني ونام فوكاية نصدمت ثواني سواني جواه بتسم وتقرب يشم بشعري
جراح؛ بعدج زعلانة
ملاك : قرب راسة يم ركبتي حسيت دخت ماكدر بعد تحركت متضايقة
_ شوية شوية وخر كوم شكبرك
جراح؛ هاا جا انتي من تنامين علية علية ما اكلج شكبرج
ملاك؛ اني خفيفة انتة شكبرك
جراح : اشش كافي يلة شكد حجيتي
ملاك: خلة راسة بركبتي واني حسيت حيغمى علية
بس صحيت بسرعة وكمت بساع
من وكمت ضربت ايدي بخشمة قوي
جراح : اههخخخخخخ
ملاك : كمت عبالي جذب اعرف بسوالفة
بس نتبهت دم بايدة غير تخبلت بساع وخرت ايدة وشفتة ينزل دم
شهكت بقوة وخليت ايدي على وجهي وماعرف الدموع منين تنزل منا الدم اتخبل مني اني اصلا وانوب صار على جراح
كعدت اشهك بقوة واباوع علي
هوة كام جر كلينسة ثبتها على خشمة وتقرب حضني بقوة ويحجي ويهديني
جراح : اششش يعمرة وروحة لجراح اشش فدوا اروحلج انة عيوني انتي كافي مابية شي هياتني كبالج مابية
ملاك : اني السببب انييي
جراح : معليج انتي معليج اني اصلاا خشمي ضربتة البارحة ونزف بدون متدرين
ملاك : رفعت وايدي اتلمسة برطمت ورفعت نفسي بستة بصف خشمة
بتسم وباسني براسي
جراح : مسحي دموعج تحتاجيهن غير يوم
ملاك ء: ضربتة بصدرة وضحكت
جراح؛ فكت الجبسة جا لو ادري من البداية ضارب نفسي حتى ترضين
ملاك؛ بتسمت وحجيت _ بعد تضربني
جراح : تنكسر ايدي اذا نمدت عليج
ملاك : عفية واني هم اسفة البارحة هواي خربطت وحجيت حجي اذيتك بي
جراح؛ محجيتي الة الحق وماغلطتي بشي كل الاغلاط مني
ملاك : لتضل تفكر تدري بية احجي الكلام واضل الوم نفسي واتندم علي والله ومو بقصدي
جراح : اعرفج اعرفج اكثر من نفسج هالكلب الشفاف ميشيل على احدد
ملاك : بتسمت وبستة بخدة
مرت احلى ايام ايام شهر العسل 12 يوم ورجعنا رحنا لديالى لخوالة وراها نرجع للبصرة
تخبلت من كالي شون اتحمل مادري وحجيهن السم شون اجرعة هم مادري
بس كالي متكومين من مكانج تضلين يمي نبات ليلة ونرجع
تلكانة بالمطار مال بغداد ابن خالتة واخذنة ورحنة لديالى لل6 العصر يلة وصلنا واني مكيفة يعني بساع نتغدة وننام وباجر نطلع للبصرة
فتنا تلكونا خوالة 2 وولدهم وجوة فتنة سلمنة على خالاتة تثلاثتهن موجودات وبنات خالة وخالاتة
سلمن كلهن من ورة خشمهن الة خالتة الصغيرة هية الوحيدة الحبابة وياي
كعدنة وهوة لزم ايدي وكعدني بصفة ضلينة هيج شونكم وشخباركم وهاي ااسوالف
سمية؛ شونة شهر العسل تونستو
ملاك؛ اي والله كلش تونسنا والشمال يخبل
روان : بس مو طولتو جا اخذتي من اهلة 12 يوم
ملاك : مو اني الحددت الايام هوة اللي حددهن وجان يريد يرتاح شوية من الديوان وطلايبة
سمية : عشنا وشفنة مابيوم رحنا هذا شهر عسلكم
ملاك : دنجت راسي وسكتت شحجي قابل اردها وهية مرة كبيرة
ضلو يسولفون وجابو العشة
كعدنا ناكل وبس جراح اليحجي اني لتزمت السكوت
شربنا الجاي وصارت ب11
متت تعب ونعس نتهيت دغيتة من خصرة
فتهمني وبدة يسكت يعني ميتفاعل بالحديث وبين ان تعبنة عاد كالو جيبو الفرش
جان كل ضني ان ننام بغرفة بس فصلونة النسوان بللاستقبال ورياجيل بالديوان حسيت حيرتفع ضغطي والله اخاف انام يمهن
وهوة مكدر يسوي شي لان غرفهم قليلة يمكن متكفينة
رحت بدلت ورجعت مددت توني اكلب بموبايلي جتي روان
نامت بصفي بتسمت باستهزاء واني رفعتلهة حاجبي بمعنى شكو
روان : شكد صارلكم متزوجين
ملاك : ليش
روان : ممم 13 يوم وية يووم العرس حسبيلج بعد كم اسبوع وتطلكون ويرجع جراح اليية
ملاك : بعدج على هالامل اصحي بابا تزوجنا وعايشين احسن عيشة وانتي بعدج تهددين وتخططين
روان : اني كتلج وبقت يمج
ملاك : شحسوين قابل_ تقربت علية وهمست باذني
روان : كلشي تتصوري
ملاك؛ نبرتها جانت جدية ومن وجهة جانت واثقة من كلامها خفتت وهوااي وكلبي رجف شنو قصدها بهااكلام كالتة بيوم الحنة واليوم هم
كمت بسرعة لبست شالي وطلعت وهنةيسئلن وين ووين دكيت باب الديوان طلعلي ابن خالة لجراح _ صيحلي جراح بلا امر عليك
فات يصيحة ضليت انتضر شوية وطلع عاكد حاجبة مستغرب اول مطلع نزلت دموعي جرني للحديقة بركن
جراح : شبيج ملاك شبيج ليش تبجين
ملاك : اريدد اروح ماريد اضل هنا
جراح؛ اي شصار دحجي ابوية انتي
ملاك : ماريددد جراححح ماكدر اضل فدوا اروحلك خلي نرجع ابيتنة والله ماكدر ابات والله اموت
جراح : ملاك باوعيلي فهميني شصار
ملاك؛ بالسيارة اكلك بس خلي نرجع كللهم اي شي كللهم صديقي مات او ندعمم ولازم نروح فدوا خلي نروح
جراح : ماشي امشي يلة بدلي وانة احجي وياهم
ملاك : هزيت راسي مسحت دموعي ورحت جوة وهوة صاحهم بدلت وفاتت روان تضحك
روان : يعني عود عبالج تنهزمين من سويتي هيج ... رح اطلكج منة يعني اطلكج منة واصلا انتي اللي حتدورين الطلاك انتضرييني قريبا نلتقي
ملاك؛ جريت الجنطة وكفت كبالهة وحجيت بعصبية _ بطلي ترخصين نفسج لشخص لابسج وسوي اللي تكدرين تسوييي ماخايفة اني وسالفة الروحة لان ماكدر اطيق شكلج وانام يمج اتقزز من الناس الرخيصة
وعود ضلي ركضي ورا مثل الجلب وانتضري كلمة منة
ما امنعج مو عيب اذا نطينة للجلاب اكل
_ طلعت واني مفورة بدي اخنكها ركبنة السيارة ودعناهم ومشينة
واني كمت ابجي صدك خفت من كلامها
جراح : رح تحجين لو شلون ترا خبلتيني وطلعتينة بهاليل شصار احجي
ملاك : حجيتلة حجيهة كلة لان ماكدر اضم علي
جراح: وانتي صدكتيهاا من كل عقلج
ملاك : ايي صدكتها لان كلامهاا جان جدي وواثقة من نفستا مشفتها انتة عبالك ضامننة هالشي ومراهنة علي هم
جراح: ملاااك ابوية انتي بطلي بجي اول شي اهدي لتصدكيها هاي بوخة وتمثل الثقة شون يعني تطلكنا انتتي مثلا بيوم من الايام حتجين تطلبين من الطلاك تتوقعين روحج تسويها
ملاك: لا
جراح : وانة بعد صبر 23 سنة تتوقعين رح اطلب منج الطلاك
ملاك : لا
جراح: جا عليمن هالبجي وخابصة روحج وخبصيتين وياج اذا انة احبج وانتي هم شون تفرقنا يعني
ملاك : مادري والله بس خفت _ باوعتلة مبرطمة وكف السيارة وتقرب باس ايدي ومسح دموعي
جراح: ما عاش اللي يخوفج وانة موجود مسحي دموعج وامني انة نطيتج وعد احميج ولحد هسة الوعد موجود وعمرة مرح يروح ومحد يفرقنا غير الموت
ملاك: احبك اني
جراح : اعشكج انة
ملاك؛ بتسمت وهوة رجع يسوق_ رح نرجع للبصرة
جراح : جا شنسوي
ملاك : ماعرف عبالي نروح لفندق او شي
جراح: لا هوة احنة الصبح طالعين طالعين نطلع هسة مياثر
ملاك : خاف طريق خطر
جراح: لا انة اعرف طريق امان نامي انتي
ملاك: تمام _ رجعلي الكرسي ونمت من ال12 احنة طلعنة لل5 يلة وصلنا
حرفيا جراح هلكك من السياقة خطية نهد حيلة وكلسع يوكف يرتاح ويرجع يسوق وصلنا للبيت
نزل فتح الباب فوت السيارة نزلنا ودنفوت جان نشوف.......
يتبع.....
______________
اتمنى يعجبكم البارت 💕
انتضروني بارت جديد 💕
#الكاتبة : yaqeen. Hassan
#مـلاك _ الـشيـخ _ جـراح
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!