رواية ملاك الشيخ جراح الفصل الثاني 2 - بقلم ~yaqeen.hassan~

عِندما أراها سأضع الورد خلف ظهري لأفاجئها به .. لكن لا أعلم أيهما سيندهش من الآخر حينها...

قبل لتبدون دوسو النجمة ولتنسون التعليق على الفقرات💕

#الكاتبة : yaqeen. Hassan
#مـلاك _ الـشيـخ _ جـراح

_ الــبــارت الاول _

يمشي بالكلية بكل هيبة ووقار ..

رغم صغر سنة بس اللي يشوفة يكول هذا يحكم الدنيا بعقلة وتفكيرة

تعلم من صغرة لرزانة والثكل وقرر يمشي بطريق ابو وجدة

مثلة الاعلى جان جدة وجان يتمنة يصير مثلة وصدك من كبر صار مثلة وكل الناس اللي تشوفة يكوله هذا الشيخ عزام

السبحة تفتر بايدة وتطلع صوت تخلي الكل يوكف يستمع الهة

عييون البنات كلها علي بس هوة مامهتم عندة اللي مالي عينة

دخل للمحاضرة وكعد وطلع موبايلة يكلب وعاقد حاوجبة

سراج : هلو ياحلو يامعذب قلوب البنات

جراح : هلة اخيرا شرفت

سراج : تعودت على العطلة شسوي

جراح : دكعد عدل واثكل شوية

سراج : لخاطر الله هذا ثكلك كلش داقني ماريدة

جراح : من تكبر تعرف معناه

سراج : اكول ملوكة شلونهة

جراح : عقد حواجبة بعصبية _ شعليك بيهة

سراج : شبيك عمي شحجينة داكلك شلونهة

جراح : لا تسئل عليهة لعد ومعليك بيهة

سراج : عمي سكتنة منحجي شي انتة شلون صاحب والله طلعت روحي كلشي ميعجبك

جراح : معاجبك كوم ولتشوفني خلقتك

سراج : اسفين عمي اسفين

جراح : اجة الدكتور هسة احجي اذا بيك خير هههه

سراج : هههههه لتخليني اغرد عليك

جراح : نجب احسلك _ سكتنة وبدت المحاضرة وخلص اليوم مثل كل يوم رجعت للبيت مريت للمحل شتريت حلويات وبتسمت
اذا رجعت للبيت فارغ متفوتني للبيت

رجعت للسيارة وتحركت للبيت

وصلت دكيت هورن فتحت الشباك واجاني عطرهة

شوية شوية نفتحت الباب واباوع بينت خصلات شعرها الذهبية من ورا الباب

وطلعت مبتسمة وشعرهة يطير وية الهوة

فوتت السيارة للبيت ركنتهة ونزلت جتي تركض علية كمزت لحضني رفعتة وحضنتهة

ملاك : اشتاقيتلك هوااااي

جراح : واني هم

ملاك : ليش تاخلت

جراح: عدنة محاضرة تعالي شوفي شنو جبتلج

ملاك : لمعن عيونهة فرح _ صدوك شنو

جراح : لحضة _ نزلتهة ورحت للسيارة طلعت العلاكة شافتهة وضلت تكمز

ملاك : احبككككك هواااااي هواييييييي

جراح : واني هم احبج يلة خلي نفوت _ فتت جوة _ سلام عليكم

الجدة : عليكم السلام هلة يمة ولج ملاك نزلي عنة الوليد تعبان

جراح : حضنتني وهية لازمة الجبس وتهز راسة بلا _ ههههه خليهة بيبي

الجدة : بيج البلة والله

جراح : جاسر ما اجة

الجدة : هسة خابر كال شوية واجي

جراح : رجع تفكيري لبارحه وغمضت عيوني بتعب

قبل يوم الساعة 12 بالليل :

ملاك : نول لتعوفيني

نور : ملاك خايفة الوح يم بابا وماما وخلي

ملاك : تركتني وراحت واني كرفصت بين الدرج والحايط وابجي واشهك شهكة طفل وصوت الرعد كلسع يدك بكلبي

لحد نفتحت الباب مال جراح اني جنت كاعدة كبالهة دنج علية ومسح دموعي

جراح : ملاكي حبيبتي شبيج ليش تبجين

ملاك : خايفةةةة

جراح : ليش حبيبتي

ملاك : اللعد يخوفني صوتة (الرعد) ونول لاحت يم عمو وعمة تنام واني ماعندي بابا وماما

جراح : افااا لعد اني شنو تعالي يمي نامي

ملاك : صدكك عادي

جراح : طبعا عادي تعالي يلة

ملاك : كومني ولزمني من ايدي وفتنة باوعت للجرباية ام النفر

جراح : ها شو تباوعين

ملاك : وين انام

جراح : على الجرباية غير

ملاك : وانت

جراح : اني بصفج هم

ملاك : يعني متضوج مني

جراح : هههه شكو داضوج تعالي يلة روحي دفي بين ماروح للحمام وارجع

ملاك : رحت للفراش تغطيت ونتضرتة يجي اجة لابس فانيلة تعلاكة وبجامة وخر الغطة وتغطة وياي ونام بصفي

جراح : ها نجعصتي

ملاك : اي

جراح : تعالي بحضني

ملاك : تقربت ونمت على صدرة وهوة حضني
_ جلاح وين بابا وماما وجاسل وين لاحو

جراح : شهالسؤال ليش تسئلين

ملاك : جاسل لاح وية بابا وماما موو

جراح : لا ملوكة جاسر موجود حبيبتي بس هوة هسة عندة شغل شكم يوم ويجي

ملاك : بس هوة لاح وية بابا وماما وما اجة شافني بعد

جراح : ملوكتي جاسر موجود ونشالله باجر اكلة واخلي يجي

ملاك : ليجي اني ما احبة هوة عافني ولاح

جراح : تمام يجي ونكتلة كتلة من هاي التمام زين هيج اميرتي

ملاك : اي _ صفنت شوية وحجيت _ جلاح بابا وماما وين لاحو

جراح : همة فوك بالسمة يشوفوج دائما

ملاك : اني اشوفهم

جراح : لا متكدرين

ملاك : وين همة ليش لاحو

جراح : ملوكة الله اخذهم لان يحبهم

ملك : يعني الله ميحبنة احنة

جراح : لا مو هيج يحبنة بس الله خلقنة واول وتالي نرجع لخالقنة

ملاك : يعني اني هم اموت

جراح : اني وانت ونور وجاسر كلنة نموت بس من الله يقرر

ملاك : اني ماليد اموت

جراح : اي مرح تموتين الة تكبرين ومن تكبرين تفتهمين هالشي

ملاك : زين......

جراح : يلة كافي اسئلة نامي باجر نككمل

ملاك : تمام بس انت لتموت اني احبك

جراح : تدللين ما اموت ههههه

صحيت على الوقع وتنفست قوي نزلت ملاك _ اروحح ابدل واجي تمام يمة اريد غدة

فاطمة( ام جراح ): تدلل حبيبي

جراح : صعدت تلكتني نور همات كمزت لحضني

نور : شوكت اجيت

جراح : توني وين جنتي

نور : يم مليم

جراح : جم كتلج كولي عمة

نور : هية متقبل

جراح : هههه اروحلج فدوا نطيني بوسة

نور : مواح

جراح : اللله تخبل مثلج يلة روحي يم ملاك اكلي حلويات

نور : تمام احبككككك

جراتح : اني هم احبج يلة ركضي _ نزلت من حضني وركضت رحت لغرفتي سبحت وبدلت ونزلت كعدت بالاستقبال يم بيبي اتغذة

_ يمة وين خليل ومصطفى مرجعو

ملاك : خليل لاححح

جراح : اوف وين راح

ملاك : مصطفى يكول لاح يدول بنات

جراح: ياطايح الحض يامصطفى عيببب تحجين هالحجي لتعيدي

ملاك : هوة كال

جراح : اي انت لتعيدي معليج بمصطفى

ملاك : اوكي ماحجي

جراح : ههههه ام الاوكي

الجدة : ولك هذا علي يكللهة لتكولين صار كولي اوكي

جراح: ههههه لو ما عمي جانت حجيت غير شي

كملت اكل غسلت ورجعت لكيت جاسر بوجهي سلم وفات كمزتلة ملاك تبجي بحضنة قوي رغم كالتلي ماريدة بس من شافتة تاثرت اخخخ شحتشوفين بعد بهذا عمرج

جاسر : كافي بجي يروحي كافي اني هياتني

ملاك : ليش عفتني

جاسر : ماعفتج بس جان عندي امتحان شوفي شنو جبتلج وياي

جراح : طلع من ورة ضهرى جنطة وردية مال باربي تصير ام التايرات تنسحب مثل جنطة السفر لمعت عيونهة من الفرح وبسرعة راحت وحضنتة وضلت تعيط من الفرح بتسمت على فرحتهة باوعت على نور مبرطمة

جاسر : باوعت عليهة مطنكرة ومبرطمة مكتفة ايدهة وشعرهة الاسود صاير على وجهة
بتسمت واشرتلهة _ تعالي شنو متسلمين على جاسل

نور : ماحبك اني

جاسر : شوفي شنو جبتلج الج _ طلعت الجنطة مالتها من ورة ضهر لونهة همات وردي وهمات ام التايرات بس الاميرة تختلف

لمعت عيونهة فرح وكمزت

نور : هاي مالتيييي

جاسر : اي مالتج ههه

نور : احبكككككك هوااااااي عاااااااااااا

جاسر : كمزت تحضن بية وتصرخ

الجدة : ههههه خبال اي والله

جراح : يلة هاي حضرت الجنط بقت الكتب

ملاك : اي نلوح للمدسة نجيب كتب

جراح: اي لمدسة

جاسر : شلونك جلال

جراح : حضنتة _ بخير وانت

نور : وخل لتحضنة

الجدة : يا دهر كون ولج عيب

نور : ماااا جاسل مالتيييي

جاسر : ههههههه اروح فدوا لبنتتي اني

ملاك : وانيييي

جراح : انت بنتي معليج

ملاك : بتسمت

الجد : يالللله سلام عليكم

الكل : عليكم ال سلام

جاسر : شلونك جدو _ تقربت بست ايدة وراسة

الجد : هلة وليدي هلة شلونك عساك بخير

جاسر : الحمد الله

ملاك : جدو جدو شوف شوف جاسل شنو جابلنة

نور : اي جدو شوف مالتييي

الجد : الللله لك هاي شنو يخبلن

الجدة : عاد اليوم راسنة حينسطر

جراح : ههههه خليهن براحتهن

الجد : احم احم جلال جاسر تعالو وراي للديوان

جراح : مشينة وراه وفتنة كعدنة

الجد : وين اخوانك

جراح : طالعين يمكن وية اصدقائهم

الجد :ها خوش

جاسر : خير جدي شصاير

الجد : شوكت ناوي ترد للبيت مو جن طولت روحتك

جاسر : منين اجة هالموضوع

الجد : اجة اليوم انة ماعترضت على روحتك لان كلت كم يوم ويصحى على روحة بس انتة طولت واريد اشوف نهايتهة وياك شنو

جاسر : جدي انة مالي رجعة للبيت

جراح : وملاك

جاسر : انتو موجودين ومتقصرون وياها

جرراح : جاسر البارحة ملاك الساعة ب12 بالليل لكيتهة تبجي كبال غرفتي كتلهة شبيج تكلي اخاف من الرعد وونور راحت لبوهة وامهة واني ماعندي بابا ومااما

اخذتهة نومتهة يمي تدري شتكلي همة ليش راحو بابا ومااما وجاسر ليش عافوني

وراهة تكلي همة وين هسة كتلهة بالسما والله يحبهم واخذهم
كالتلي يعني الله ميحبنة

هذا حجي طفلة عمرها 6 سنين جاسر هاااا جاوبني
ملاك مدتفرق بينك وبين عمو وعمة اللي توفو صارلهم 5 اشهررر عبالهةة انت متوفييي

اذا انتت تعبان فطبك مرضض انت جبيررر تكدر اتسيطر على المك بس هاي طفلةة طفلةةةةة متعرف شي بهالدنيا بلحظة وحدة شافت اهلهة كلهم ماكو
مو المفروض تكون ام واب الهة مو هذا اااي مفروض يصير مو المفروض تكرس حياتك كلها لهة

اما انت فكرت بس بروحك عفت الدنيا وراك ودرت ضهرك ورحت ومهتميت اذا الدنيا طشت رشت متهتم اذا ملاك تمرضت اذا صخنت اذا بجت

كل اللي تفكر بس ان انة مااكدر اعيش بالبيت وهمة ماكو بلة ما تستحي شطولك شعرضك تحجي هالحجي

جاسر : جراح لتفكرر بوجهة نضرك انتت محاس بالشعور حتى تحجي انت متدري شنو معناه ان تفقد امك وابوك متعرررف

لهذا لتحجي رجاء

الجد : انة حاس بين تعال احجي وياي انة ابوية وامي توفو من جنتت بكدك لو اصغر همات وبما ان انة الجبير قررت اكون سند لاخواني بدال ما اعتزل مثلك

انت المفروض ملاك هية الباقيتلك من اهلك لا تخسرهة بتصرفاتك بعدها طفلة بس اذا كبرت وبدت توعى لا عبالك رح تضل تضحك عليهاا بهالكلمات ترا ذاكرتهة قوية وحتذكر كل كلمة وكل حرف صدكني

وبوكتهة من تجي تحجيهن كبالك شحتجاوبهة

جاسر : جدي دخيلك لا تضغط علية

الجد : جاسر كلمة ومتنعاد من باجر تجيب غراضك وترجع للبيت والة قسم بالله متشوف وجه ملاك للمووووت وتدري اذا احجي كلمة انفذهة متشوف وجهة

جاسر : تهددني. باختي

لجد : اي اريدلهة مصلحتهة لو تضل وياهة وتكونلهة اب وام لو تختفي من حياتهة وهية مثل ما نست ابوهة وامهة حتنساك وروح داوي جروحك مرح اسمحلك تضل تعلقهة بيك وتروح انت شفت شكد فرحانة بيك هسة انت حتروح وهسة شنو حيصير بيهة وراك

رح.تسجل بعد اسبوعين وانت ما موجود يمهة محتسئل عليك من حتشوف مرت عمك تلبس نور محتكول وين اهلي لش ماعندي احد يلبسني
لك جلال حنين عليهة اكثر منك وهوة ديصيرلهة اب وام وسند وانت اخوهة مبتعد عنهة شلون هيج انت تسوي

جاسر : جدي خلص افكر بالموضوع

الجد : متفكر حجايتي كلتها بعد وقرر بهاللحضة

جراح : طلع جدي من الديوان اباوع علي حط ايدة على راسة ررحت يمة شفتة يبجي

_ صدك تحجي شكو الببجي

جاسر : جلال تعبان تعباااان احس الدنيا دتضغط علية هواي

جراح : نجب ولتحجي هالحجي عيب يطلع منك انت رجال

جاسر : جلال هذولة اهلي ذولة سندي مداكدر اعيش مخنوك احس مسؤلية جبيرة وكعت على راسي

جراح : هاي اختك مو مسؤولية هاي انت المفروض تتمسك بيهة مو تعتبرهة مسؤليه المفروض انت تتعلق بيهه

جاسر : اخخخ اخخخخ

جراح : كوم خوية كوم عوف اليجي ترحملهم واقرالهم قران احسن من بجيك

جاسر : حروح اجيب غراضي وباجر اجي

جراح : خوش اجي وياك اساعدك

جاسر : لا هنة قليلات

جراح :خوش روح يلة _ طلع واني تنفست قوي من اليوم التوفو عني وعمتي وهوة مكسور جاسر اقرب شخص علية ماكدر اشوفة هية رجعت ذاكرتي لذاك اليوم

قبل 5 اشهر

صارت الفاجعة بيتنة توفو عمي ومرتة جانت مرت عمي محللة وطلعت حامل عمي ماخذهة والسيارة جان بيهة عطل ومحد يدري اخذهة وراحو للدكتورة من راجعين صاير الحادث الفرامل عطلانة والسيارة كلها متخربط حالهة ومكلوبة بيهم 5 كلبات

اني وملاك وجاسر ونور بوكتهة جنة طالعين للملاعيب جانت ملاك مريضة

وردت اونسهة لحد ما دكو علينة ورحنة لمكان الحادث جان منضر صعب ان العين تتحملة جانو متدمرين يطلعوهم اجزاء مو كاملين ملاك شافت المنضر وصرخت رحت حضنتهة هية ونور المنضر اني متحملتة شلون هنة

بدت الصعوبات هنا صارت الفاتحة وملاك تمرضت بالزايد صارت تحلم بالحادث

جاسر اعتزل الدنيا كلها وبقى الحمل علية هنا الفاتحة اللي وكفت اني بمكانة ومنا ملاك اللي كلب جان يتكطع وي كل صرخة تصرخهة

صح جانت طفلة بس جانت ذكية وتلكط الكلمة بسرعة

صارت هية مسؤليتي وكدرت انسيهة شوية شوية لحد ما تاقلمت وية اللوضع بس بقى جاسر

صحيت للواقع وفتت للبيت

ثاني يوم رجع جاسر للبيت ومثل ما تخيلت تعلق بملاك هوة كانت هية حتنقذة من البي

ورجعت الحياه تمشي طبيعي والكل تماشة وية الوضع لخاطر ملاك مرة من المرات طلعت برة للحديقة

لكيت ملاك كاعدة على المرجوحة برة ومبرطمة مشيت يمهة

جراح : شبي الحلو زعلان

ملاك : هاي صديقتي اليوم تكلي اني بابا ياخذني للملاعيب وماما تمشطلي كتلهة اني هم جدو وجلاح وجاسل همة ابوية وام نور هية هم امي جان تكلي لا ذولة مو اهلج اهلج ماتو انتي

جراح : تعالي تعاي يمي خلي اسولفلج سالفة

ملاك : ليششش كل صديقاتي عدهم اب وام واني ماعندي ليش بابا وماما ماتو

جراح : معليج بالصديقات شعليج بيهن انتي مميزة عندج كم اب اني وجدو وجاسر وابوية هم ابوج وامج هية ببيبي وامي ومريم كلنة منكفي

ملاك : اييي ليشش بس انييي عندي هواي بابا وماما

جراح : لان انتي تختلفين عنهن لهذا تغار منج وتكول هيج انتي الكل يحبج ويجيبلج حلويات وملاعيب هية بس يجيبوله لعبة وحدة اما انتي مو كل ماطلع اجيبلج

ملاك : اي

جراح : لعد بعد شكو هاي صديقتج عوفيهة وانتي لعبي وية نور تمام

ملاك : بس اني ماريد اعوفهة وهية صحيح تحجي اني ماعندي اب وام _ عفته وركضت لغرفة بيبي ابجي وهية حاضنتني وتريد تعرف شبية

بوكتهة ضليت بالغرفة مال بيبي ابجي جوة الفراش حتى اكل ما اكلت لليل فاتو للغرفة دينامون تقرب جدو حضني واني ابجي

الجد : منو مبجي بنيتي

ملاك : جدوو

الجدة : من الضهر ليهسة تبجي ومتقبل تحجي

الجد : افا عيون الغزال تبجي واني موجود كليلي يروح جدج شبيج

ملاك : هئ اني ليش ماعندج اب وام

الجد : شجاب هالسالفة بالج يا حبيبتي احنة مو كايلين اني ابوج وبيبيتج هية امج

ملاك : بس اني اريد ابوية وامي الصدكيين

جراح : احم احم اكدر افوت

ملاك : لااااا

جراح : هااا هاي علية

الجد : لا عيب جدو ميصير تطردي

جراح : ها مو ازعل وبعد ماجيب حلويات

ملاك : لا فوت

جراح : اي عفية هيج صيري

ملاك : تقرب مني وجرني من جدو كعدني بحضنة وباسني بخدي

جراح : ايعععع خدج مالح هاي شنو من البجي بيبي جيبيلنة شكر نحط علي حتى يصير حلو

ملاك : مااا انت المالحححح

جراح : ههههه غير نحطلة حتى يصير حلو

ملاك : اني حلو

جراح : ههههههه طبعا انتي تخبلين

ملاك : اييي

الجد : تعاي يمي تعاي عوفي هذا

ملاك : ركضت لحضن جدو بارني براسي وتنهد

الجد : هذا الموضوع متحجين بي بعد ماشي اني ابوج وبيبي امج ماشي بوية

ملاك : اوكي

جراح : باع الاوكي شون تطلع من حلكها

الجدة : هههه اي جنها اجنبية

ملاك : بتسمت ونمت يم جدو وبيبي ثاني يوم اجة جاسر وكعدت اشكيلة

جاسر : اذا تعيدين هالحجي مرا ثانية ازعل عليج لعد اني شنو

ملاك : لا خلاص ماعيدوة والله لتزعل

جاسر : فدوا اروح لبنيتي المتضوجني

ملاك : بتسمت وهوة تقرب حضني ويبوس بية

ثاني يوم جنة نلعب بالحديقة اني ونور ويانة امين ابن عمي لعبنة سباق اني وكفت من جهة الحديقة اللي هوة الزرع وهمة وكفو على الصبة بلشنة وركضت قوي وماحس غير رجلية زلكت بالطين ونكلبت كلني وونضرب راسي بالصبة

اخر شي حسيت بي هوة شي حار نزل على وجهي ......

يتبع......

___________________

اتمنة يعجبكم البارت 💕

شنو رايكم بداية القصة ؟

ونشالله باجر انشر البارت الثاني انتضروني💕💕

احبكم هواي 💕

#الكاتبة : yaqeen. Hassan
#مـلاك _ الـشيـخ _ جـراح