رواية ملاك الشيخ جراح الفصل الثالث 3 - بقلم ~yaqeen.hassan~

‏بكِ شيءٌ دعاني إليه بشدة .. أشعرني بأن السنوات كانت كذبة .. قبل أن نلتقي وأحببتُكِ...

قبل لتقرون دوسو النجمة وعلقو على الفقرات 💕💕

#الكاتبة : yaqeen. Hassan
#مـلاك _ الـشيـخ _ جـراح

_البارت الثاني _

ملاك : فتحت عيني ووجع براسي قوي باوعت داير مدايري واكفين عمو علي وجدو وجاسر وجراح وبيبي فوك راسي

كمت ابجي من وجع راسي لان فقوي هواي باوعت لافين راسي كلة

جراح : بنيتي انتي قوية لتبجين هسو حتصيرين زينة تمام

جاسر : عمري انتي لتبجين هسة يروح الوجع هسة باعي تعاي نحسب لل100 وهوة يروح

ملاك : بدينة نحسب سوية ومن دنحسب جتي الممرضة ضربتني ابرة بالكانونة وراها بديت اغفى شوية شوية

من بعد هالحادث كلها صارت تخاف علية من الطلعة واخذت فترة لحد ما تعالجت اني ما اتحرك

مرت فترة وجتي فترة

جنت بوكتهة دبدوبة شوية وخدودي ناطات بس يعضون بية ولحد هسة اتذكر حيدر ابن عمي شلون جان يتحارش بية ويعض بخدودي

ملاك : اهخخخخ وخلللل عوفنيييي

حيدر : ههههه بس بوسة يولي ماكلج

ملاك : وخلللل الةةةة ادوللل لجلالللل عليكككك

حيدر : هههه ماعوفج الة اعضج

ملاك : عضني من خدي ونزلني من حضنة ورحت اركض صعدت لغرفتة فتحت الباب جانت ضلمة رفعت رجلية وشغلت الضوة رح يمة باصبعي نزيتة من كتفة

جراح : ههههممممم شكووو

ملاك : اكعدددد

جراح : شبيججج يولي شصاير

ملاك : حيدل حضني ويعض بية ويبوسني ويكلص خدودي كوممم ضلبة

جراح: تعالي شو اشوف وين عضج

ملاك : صعدت على الجرباية ورحت كعدت بصفة مديت خدي يم وجهة وااشر عالى خدي _ شوف شوف هنا يوجعني _ قرب وجهة باسني بخدي

جراح : هسة راح الوجع

ملاك : ببتسامة هزيت راسي باي

جراح : خوش كومي نكتلة

ملاك : كام شالني واني حاضنة ركبتة ونزلنة جوة

جراح : وينة هذا الحيوان

ملاك : بلا

جراح : ههههه برااااا مو بلا

ملاك : لتقلد علييييية

جراح : ههههه ماقلد داعلمج

ملاك : طلعنة ورحنة كتلنة حيدر ورجعنة للبيت

........

نور : اششش اششش لتحجي شي تشوفنة ملاك

جاسر : يولي ختنكت هههه

نور : اشش اشش

جاسر : اباوع عليهة حابستنة بالكنتور وتباوع بحذر واصبعة على شفايفهة تكلي اش وشعرهة صاير بحضني كل هذا علمود ملاك متشوفنة

جاسر : زين فهميني ليش خاتلة من ملاك

نور : برطمت _ تضلبني

جاسر : ليش تضربج

نور : كسرت الملاية مالتها الجديدة

جاسر : كل هذا علمود مراية يا ابوية امشي نشتريلهة وحدة جديدة

نور : هئئ صدوووك

جاسر : ايي صدوووك يلة كمزي _ كمزت لحضني وطلعنة رحنة شترينة مراية لملاك واخذتهة للمحل تشتري جبوسة واخذت لكل العائلة هذا ملاك هذا جاسل هذا جلاح وهذا بيبي وهذا جدو لحد ما ترست العلاكة وطلعنة شايلهة

_ نورايتي باجر اني رح اروح

نور : هئئ ليش تلوح

جاسر : عندي شغل حبيبي باعي تكعدين عاقلة متسوين وكاحة واذا جوي امين وامير لتطلعين تماممم لتلعبين جراح هوة يجي ويلعب وياج انتي وملاك

نور : لا لتلوح ماليد تلوح اضوج والله

جاسر : اروح فدوا لليضوج انة ميخالف بنيتي اروح بساع اخلص شغلي وارجع تمام

نور : هوووففف اوكي

جاسر : هههههههه اشوف غمازاتج الحلوة يلةة

نور : ضحكت

جاسر : فدوا اروح للحفر هاي اني

ملاك : هاي جانت حياتنة عايشة بدلال جراح وجاسر وفرحانة بيهم وادلل عليهم

ورة فترة بدة داومنا اول يوم كعدنة من الصبح جنة مصفطين ملابسنا بصفنا ونايمين من الحماس كمنة غسلنة وعمة جتي تلبسنة واحنا طايرين لبسنة القميص والصدرية بهالوقت كعد جراح

جراح : يمة لتعوفين شعرهن مفلول ضفري وشيلي

فاطمة : ابني صدك تحجي شلم منة بعدهن اول يوم روح تريك

جراح : يمة لا تخبليني صدك جذب

فاطمة : روح لتخليني ابتلي بيك روح بعد تعال لبسهن حجاب

جراح : والله ياريت

ملاك : شالت المشط وضربتة واني كمت وكفت كبالة واكللهة_ لا لا لتضلبي هوة حباب ميسوي وكاحة بعد

جراح : يمة اروح فدوا للي يدافعلي لج تعاييي اكرطج اني تعاي

ملاك : شالني وباسني واني بستة وعمة تضحك علينة نزلني وراح وعمة شدتلي شعري كرون منا ومنا ولفت الشريط علي وحطتلي طباكات جنت طايرة بيهن

ونور هم نفسي سوتلهة رشتلنة ريحة واخذت اجنطة ولبست الحذاء ونزلت اكمز فتتت للهول كلها باوعت علية وضحكت رحت بوستهم واحد واجت وراية نور همات واني كعدت بحضن جراح ونور بحضن جاسر

الجد : ههههههه والله هذن بيهن البلة

جراح : شنو هالجمال هذا

ملاك : انتة الجمال

جاسر : يلة منو يوصلجن اني لو جراح

ملاك : ثنينكم

جراح : هههه شلون بلة نعوف شغلهنة ونوديجن

ملاك : اييي

علي : هههههه والله صكارتكم هاي

جراح : امشي عمي امشي هسة اذا زعلت شيفكهة

ملاك : لبسنة المطارة وجدو انطانا فلوس وكلهم ربع ربع لمينة الفين كل وحدة وطلعهنة رحنة للمدرسة واني مكيفة بالجنطة افتر بيهة وصلنة ونور جانت خايفة بيس اني لزمتهة

جنت شجاعة وقوية هواي ماخاف من شي بوسونة وراحو فتنة كعدنة بالرحلة الاولى

وهنا بدة شغفنة وحبنة للدراسة جنت شاطرة كولش وماعندي شي اسمة 9 من 10 كلة 10 من 10

ونور همات مثلي جنة بكولشي سوة اكلنة قرايتنة كتابتنا وجاسر جان هوة يدرسنة دائما اما جراح فلتهة بشغلة اللي بدة ياسسة وهوة بالكلية

طلعت بيوم جنت جايبة 10 من 10 وكالعادة لازم اشوفيالة وينطيني هديتي جان كاعد برة يدرس كمزت كبالة مبتسمة وضامة الدفتر وراية

جراح : هوة شعندج شضامة

ملاك : شوف _ مديتلة الدفتر كبالة فتحة وباوع وضحك وفتحللي ايدة ضحكت وحضنتة

جراح : فدوا اني لبنييتي الشطورة

ملاك : شنو هديتي

جراح : شنو تريدين

ملاك : فلوس

جراح : يجرالج هاج

ملاك : طلع من جيبة 25 الف مجنت اعرف شنو بوكتهة غير ان هية شي عضيممممم ضليت صافنة

جراح : تستاهليهة

ملاك : هاي كولهة الييييي

جراح : هههه اي كولهة

ملاك : عاااااااا احبكككككككككك

جراح : ههههه وانى اموت بيج

ملاك : وهيج جانت حياتنا

تمشي بسعادة جبيرة يمكن لان جنت طفلة هيج جنت افرح واحب حياتنا

وراها صارت الامتحانات وجاسر معافنة بس يدرس بينة وممل ابد لحد ما متحنة وطلعنة اوائل وجان اول هدية هية بايسكلات وردية

جنة بوكتهة طايرييييييين فرح بيهننن جانت يخبل من ذني بيهن شراشيب من اليدة وبيهة صندوق ولونهن وردي ضلينة اغلب العطلة بيهن

نفتر بالحديقة واذا ردنة نروح لبيت عمو نروح قبل الكل بيهن ونفوت للبيت وعود نركنهن بمكان السيارات وعمو يحضنة ويضحك

وراها بدينة مسيرتنة من ثاني لثالث وهنا تحجبنة وهواي اشياء تغيرت اولها صرنة منطلع بالشارع وولد عمة همات قل لعبنة وياهم بس ضلو جاسر وجراح معوضينة يودونة للملاعيب لو نلعب اربعتنة برة بذاك الوكت همة تخرجو وبدو يشتغلوون ولحد هسة اتذكر لحضة من نفتح موضوع زواجهم

جنة كاعدين بالهول كلنة واني ونور نلعب بالموبايل مال جاسر لعبة لحد ما كالت بيبي

الجدة : ابو حسين انة لكيت بنيات لجراح وجاسر

ملاك : بس سمعت عيج رفعت راسي وكمت بسرعة رحت كمزت بحضن جراح وحضنتة وكمت ابجي
وهوة نخبص بية

جراح : شبيج بنييتي ليش تبجين

ملاك : انتة حتزوج وتعوفني وتكوم متحبني وتحب مرتك

علي : هههههههه هاي حاكمتك

جراح : ههههه ولج منهو يتزوج ماتزوج لتبجين

ملاك : بيبي حتزوجك

الجدة : يااااا اني ناقصني هاي الفصعونة همات

ملاك : انيييي مو فصعونةةةة

جراح : اي بيبي هية مو فصعونة

الجد : كملي ام حسين كملي خلنشوف

الجدة : اي البنيات يخبلن حليوات وهالجسم وال.....

الجد : يمرة لا توصفين مو زلم كاعدو حرام عليج تحجين بعرض البنية احجي اهلهن منو

الجدة : ذولة بنهاية الفرع ناس طيبين على اللله عايشين وبناتهم درر مال الله

جاسر : بيبي متزوجين جهالج اول شي

نور : مااااا جاسر مالتي ميتزوج

جاسر : هههه احنة محجوزين لتعبين نفسج ويانا

الجدة : لكم بيبي تردون تشيبون راسي مثل عمكم

علي : شبي عمهم يخبل هياتة

الجدو : اي حيطب ال40 وهوة بعدة

علي : االلللله اكبررر حجيةةة بعدني بالعشرينات اي اربعين صدك جذب

جراح : اي ضلو هيج بعد تحسن اني ماريد زواج بيبي وداعتج من ارد ازوج عود اجي اكلج وبيدج هاي تخطبيلي انتي

الجدة : والله اذا عليكم بكد جدكم يلة تزوجون

جاسر : ههههههه الله يسمع منج

ملاك : جانو يضحكون بس اني ضايجة و كاعدة حاضنة جراح ومخنزرة وضايجة لان جنت اعرف ان اذا تزوج يعني ينامون سوة بنفس الغرفة وتاخذة مترجعة النة هيج جان تفكيري للزواج وجنت مقتنعة بي

وراها نسد الموضوع ومحد جاب سيرتة وبدت هنا حياتنة تتغير كبرنة للرابع وبيبي صارت تعلمنة ان نخفف قرب وية جراح وجاسر جنت استمع واضوج ليش ابتعد عن جراح بس نور جان تسمع الكلمة بساع واني من اشوفه همات انجبر اسوي مثلهة

وصارت حدود بينا لازم نتبعهة بس علاقتنا متغيرت بدينة وراها نشب ونكبر وهنا اصعب مرحلة بدت غيرة جراح وجاسر علينة صارت ممنوع علينة اللعب بالحديقة والركض وهاي الاشياء وبدو يحجون على اللبس وصرنة نلبس طويل بس بالبيت منتقيد

طبينة السادس ابتدائي وهنا تغير كلشي

يوم من الايام جنت مريضة كلش وداومت علمود الامتحان فجنت واكفة بباب الشعبة انتضر المدرسة محسيت غير على دفعة قوية على اثرها وكعت بالكاع وصارت الضربة على خشمي وما شفت غير الدم ينزل جتني نور تركض والمدرسات وانتي صافنة على الدم واتلمس بخشمي وارجف

كوموني دموعي كامت تنزل وكمت ابجي

رحنة لغرفة المعاونات وهناك خابرو ولي امري ونور يمي تبجي وياي تقريبا 10 دقايق شفت جراح فوك راسنة اول ما اجة تقربت حضنتة واني ابجي بقوة وهوة يمسح على شعري ويتلمس وجهي بخوف وقلق

بذيج اللحضة نكلبت لمدرسة من عياطة يم الادارة صارت سينما جراح خلاهم يتراجفون من الخوف واللعياط تالي طلعنة اني ونور واني حاضنتة قوي وهوة لازمني ويضمني

اخذني للبيت بالطريق وكف الدم وهوة يكلي لتبجين كافي ويهدي بية ونور لازمتني واني مستمرة ابجي نزلنة بالكراج مال البيت اجة فتح الباب مال السيارة ونزلني لمني لصدرة ومشينة وهناك تلكانة جاسر تقرب بخوف علية ويسئل شبية هنا اني مدري دخت كلشي ومكدرت اوكف واغمى علية بدون ما احس باي شي

هوة هذا اليوم الي بوكتهة محدد عافني بي بس خلا جراح يعوفني

من ذاك اليوم وهوة يبتعدددد عني واني اتقرب وهوة يبتعد

ضلينة هيج لحد ما بتعدنة للاخير صارت علاقتنة مجرد سلاام او من احتاج شي اكولة ماعرف شنو التغير وضليت فترة طويلة افكر واكول شنو سويت اني

اخاف غلطت بشي جنت اسهررر اللللليل بطولة افكر بكلشي تصرفاتة بذاك اليوم ومالكيت اي خطا سويتة اني لحد ما مليت

وهنا صارت حياتي تمشي طبيعي بعد جراح يمكن سببلي ثغرة بكلبي جبيرة جنت افتقدة بهواي اشياء من انحجح من اجيب 100 بالامتحان اتمنة اروحلة وينطيني 25 واطير فرح بيهة بس مجنت اكدر

والسبب محد يعرفة غير جراح بنفسي وبذاك الوقت حتة نور همات قلت علاقتهة بجاسر

يمكن الكل لاحض وبيبب انت تكول كبرتن ماعدتن صغار واني اتذكر حجي جراح من يكول لو تكبرين وتشيبين تضلين بنيتي المدللة

بس اقنع نفسي صدك كبرنة وميصير هيج نقرب منهم لحد ما وصلنا لحال صرنة مثل علاقتنة بولد عمنة اني وجراح ونور وجاسر بس ضليت اني وجاسر علاقتنة نفسهة ونور وجراح همات

ماعرف ليش جنت قبل اني متعلقة بجراح رغم جاسر اخوية بس يمكن لان هوة الوحيد اللي يفهمني ويمكن جاسر بوفاه ماما وبابا مجان موجود من حتاجيت شخص يكون يمي ملكيتة لكيت جراح وهالشي خلاني اتعلق بجراح اكثر

جانت هواي تساؤلات تجيني طول ما عمري يمشي لحد ما وصلت لمرحلة من عمري هنا صدك بدت حياتي الجديدة.......

ملاك : نزلت على الدرج بعد يومين من النوم المتواصل بعد اخر امتحان الي بالسادس
نمت بعمق وتعب ومادري بالدنيا طشت ورشت اسمع بس صوت بيبي تكول شوفوهة خاف مية اطلعلهم ونة صغيرة يعرفون اني عايشة ويروحون

طبيت للاستقبال جانو يتريكون _ صباحوووو

الجد : اللهم صلي على محمد وال محمد اخيرا صحيتي؟

الجدة : ولج يمكموعة صارلج يومين مخمودة ما متي

ملاك: لا ما اموت عايشة على كلبج

علي :هههه تعالي مشتاقيلج

ملاك : رحت كعدت بينة وبين جاسر حضنتة _ اني هم شتاقيتلك بلة كولي شلونهة حياتك بدوني مو متسوة

خليل : تخبلللل اصلا لو تشوفي طاير

علي : نجب انت معليك اي طبعا متسوة

نور : يااا وانيي

علي : انتن ثنينجن بكلبي اذا تروح وحدة ازعل يعني اذا انت رحتي وبس ملاك ضلت هم حياتي متسوة بدونج

خليل : وانيييي عموووو

علي : ههههههه انت نجب بطولي صرت

مصطفى : خلي عمي خلي يمااا وين صارت ممية خيللي كام يبجي

خليل : شمرت لي الخاشوكة _ رح اكوملك ياعار

جلال : كافييييييي شنو هالتصرفاتتتت مزعطة انتوووو احترموووو التعمةةةة

خليل : شبيك تعيط خوية دنشاقة

جلال : اكللل وانتتت ساكتتتت

ملاك : خنسو كلهم وجاسر حجة بصوت ناصي

جاسر: وانة مالي حضنة بوسة جا انة اخوج

ملاك : انت الروح والرية_ حضنتة قوي

جاسر: بعد متنامين هالنوهنة البيت كئابة بدونج

جلال : انة طالع يلة مع السلامة

ملاك : عيوني راحت وراه وبكلبي كلت الله وياك

نور : كملنة ريوك وكمنة اني وملاك نغسل مواعين وماما تلملم المطبخ

ملاك : اكولكم هاي هدى شوكت تعرس ترا مليت اريد عرس

نور : شمدريني كالت اريد اطول الخطوبة سنتين تلاثة

ملاك : هههههه هسو يجيهة جدو يكللهة باجر العرس

فاطمة ( ام جراح ونور) : والله حجيج صدك ههههه

ملاك : شوفي والله اني ذكية

نور : بيج البلة ام لسان

الجدة : يي اجاجن السرة وحزوجن

ملاك : يبي روحي زوجي جهالج اول شي وتعاليلي عمو علي حيفوت ال40 وهوة ممتزوج

نور : يا ولج يا 40 هوة 32

ملاك : نفس الشي لو بتج المعنسة فوك

الجدة : ولج احترمي شوية واحجي عدل

ملاك : اني احجي الحقيقة مابيهة عيب

فاطمة : عمة هاي محتسكت بعد

ملاك : : ههههه فديت اليعرفني

نور : ههههه بعد بعد تلوكي

الجدة : بعد كلبي نويرة الحلوة بس هاي اني احبهة والله

ملاك : اي اي حبيهة اني احب فطومة

الجدة : انت زايعة المستحة فد مرة

فاطنة : بعد كلبي خليهة تحجي التريدة

ملاك : اوووي خجلت انييي

نور : بعد بعد لحي ههههههه

________________

جاسر : حيدر وصلت البضاعة لو لا

حيدر : لا بعدهة اجلوهة على باجر

جاسر : شلون اجلووهة شلبيييك انتتتت والبضاعة اللي يردوهة اليوممممم

حيدر : جاسر لا تعيط شعبية انة همة كالو تاجلت لان المندوب مريض

جاسر : امشي روح بسرعة خابرة وكلة خلي بضاعتة لنفسة وروح خابر محمد خلي يدزلنة لبضاعة بسرعةةةةةةةة

حيدر : ماشي ماشي

جاسر : طلع وكعدت على الكرسي ودكيت على جراح _ الو

جراح : ها جاسر احجي شوية مشغول

جاسر : رح اسحب مبلغ منك لان محتاجة وهذولة مرح يجيبون البضاعة اليوم لهذا اضطريت اشتري واسلمهة اليوم

جراح : جم مرة كايلك اخذ الفلوس مقسومة بيني وبينك ولتعيدهة لهاي الحركة ترا تنكتل يلة ولي

جاسر : سدة بوجهي ضحكت والله يحترمني هالولد_ رجعت اكمل شغلي

_______________

ملاك : صارت الساعة بال1 طلعت برا انتضر جدو وجاسر وجلال يجون كعدت بالمرجوحة اتحرك بيهة وصافنة بحديقتنة كلها خضار وورد واشجار تريح النفس

فجاء نفتحت الباب وفاتت سيارة جراح كمت بساع باوع علية ودار وجهة يركنهة رحت يم السيارة طفاها ونزل

_ الله يساعدك

جراح : ويساعدج

ملاك : شلونك

جراح : بخير شعندج طالعة برة

ملاك : انتضركم

جراح : ومتخافين احد يشوفج بطليعة لهالحالة ومن تطلعين حطي ال على راسح

ملاك : تمام

جراح : يلة تمشي كبالي فوتي

ملاك : فتتوياه للبيت صعد يبدل واني صفنت ليش هيج صار تعاملة وياي من بديت اكبر تغير جذريا معقولة نساني لان كبرت لو جان يشفق علية ويحتويني ويحبني وهسة شتغير

دنجت راسي متنفسة ورحت للمطبخ ضايجة صبينة غدة من جوي جدو وجاسر وبقى عمو علي منتضرنا لان يتاخر

كعدنة نتغدة وكل واحد يحجي بموضوع واني لاول مرة افكر هلكد بموضوع جراح

واني اكلب اخذتني الصفنة

الجد : جدو وين صافنة اكلي

ملاك : ها ماصفنت

جاسر : ههههه هية صارلهى ساعة صافنة وتكول مو صافنة

ملاك : ههههه _ دنجت راسي وباوعت من جوة علي لكيته يباوعلي بس باوعت عليي شال نصراتة عني

تناسيت الموضوع وكملنة اكل خلصنة ودنشرب جاي جان

تنركع الباب قوي وفات حيدر ابن عمي.........

يتبع........

_________________

اتمنى يعجبكم البارت 💕

ونطوني رايكم بي؟

انتضروني عكب باجر ببارت جديد 💕

احبكم هواي 💕

#الكاتبة : yaqeen. Hassan
#مـلاك _ الـشيـخ _ جـراح