رواية ملاك الشيخ جراح الفصل الثاني والعشرون 22 - بقلم ~yaqeen.hassan~

‏وجهكِ غيمة .. وأنا طفل يعشق اللعب تحت المطر
أنتظر هطولكِ بفارغ الصبر..

.لتنسون النجمة وعلقو على الفقرات 💕

#الكاتبة : yaqeen. Hassan
#مـلاك _ الـشيـخ _ جـراح
#البارت _واحد وعشرون

نغم : صحيت الصبح على صوت طكطكة  تحركت  وصحت _ اههخخخ

جسمي كلة ياذيني من هاي لنومة كمت على كيفي باوعت واكف يمشط على المراية  باوعلي  ورجع يكمل

كمت  وكفت جسمي كلة ياذيني
رحت غسلت  ورجعت باوعت علي يلبس بحذائة

: اريد اروح لاهلي

علي : هسة

نغم : اي

علي : بدلي بين ما اتريك

نغم : رحت بدلت اخذت ملابس وياي اريد اضل فترة ارتاح هنا لان مخنوكة هنا

بدلت وكملت نزلت صبحت عليهم  

الجدة :  خير يمة وين مبدلة

نغم : اروح لاهلي _ بس  حجيتهة  عمو باوع لعلي وخزرة

علي : كام  ونفض ايدة _ روحي للسيارة

نغم : مشيت للسيارة مرح يحجي شي شتتوقعين منة نغم هذا هوة انتي ختاريتي تتحملين اختيارج

اجة ركب وساق محجينة شي

وصلنة لبيت اهلي طلع فلوس من جيبة خلاهن بايدي

علي : باللي اجي اخذج

نغم : خليني اريد اضل كم يوم

علي : شكد يعني

نغم : لحد ما ارتاح

علي : خوش من ترتاحين دكي علية

نغم : فتحت الباب ونزلت بدون حجي  دكيت الباب نفتحت طلع فاروق نصدم بية سمعت وراية بس صوت شخطة تاسيتارة

فاروق : نغم شصاير

نغم : حاولت امنع دموعي وتنزل من تصرفة عبالك خلص مني بتسمت وتقربت حضنتة _ شونك حبيبي

فاروق :  زين حبيبتي انتي شونج  باعيلي شو  صاير شي

نغم : مصاير شبيك بس مشتاقتلكم وجيتكم

فاروق : عبالي متعاركين

نغم؛ لا مصاير شي بس يرجع متاخر كتلة جيبني الصبح

فاروق : هلة بيج فوتي

نغم : فتت سلمت على ماما وبابا وكلهم مستغربين وجودي يمهم لان الساعة ب7ونص  بس ضليت اضحك واسولف ماريد ابينلهم راحو بابا وفاروق للشغل واني  وكفت يم ماما بالمطبخ نلملم

الام : شصاير نغم متعاركة انتي ووعلي

نغم ؛ لا مصايب شي ماما شبيكم ثبرتوني

الام : لاتجذبين علية نغم

نغم : تنهد _ وحجيتلهة بس قبل لتجاوبني حجيت _ ماما اعرف هسة تكليلي هاي حياتنة وشيلي هالاحلام من راسج وهاي سوالف القصص بس شسوي والله موبيدي

الام : متندمة

نغم : لا لا ابد اني احبة لعلي والله ويعني ماكدر اعيش بدونة بس معايشة وياه الحياه اللي اتمناها يعني حتة اذا اني مثلا احلامي كبيرة وهيج اني هم اريد مثلا نطلع سوة نسولف يعني يرجع ينام واني اضل كاعدة يعني خم ازهك واضوج

الام : تتعودين يمة تتعودين وبلكت هو هم يتغير وياج بعد حجيج وجيتج هاي

نغم : ماتوقع هوة كالها اني اقل شي هسة جاي اشتغل يعني ضاغط على روحة بما فيه الكفاية ميكدر يضغط اكثر
_ غيرت الموضوع لان ماريد اضوج وبساع ابجي 

مشة اليوم طبيعي وهوة ما اتصل ولا سال وقررت اني همات ما اتصل لان اريد اشوف وين توصل وياه

نور : من بعد ما شفتة شلون فرحان  بملاك تمنيت افوت واكلة شوف شهاادتي بس تذكرت شتكليلة

هوة تركج علمود الشهادة

صعدت لغرفتي ابجي البية محد حاس بي البية شي مو سهل

سنين واني اتعذب هاي مرت 4 اسنين واني اتعذب 4 اسنين وهوة محاجي وياي كلمة ليش هيج ليش لهالدرجة قاسي والله تعبت

احبة وبنفس الوقت ماكدر كرامتي ماكدر اتنازل شسويلة والله تعبت اتمنى يرجع هذا اليوم اللي عترفلي بي واني اعترفلة واكلة اتحبك اتمنةةةة

اتمنى ترجع لحضة وحدة من ذيج الايام

ابتسامة وحدة بس تحييني

نزلت بالليل برا كالعادة رحت لمكاني  كعدت واني ابجي واشهك بهدوء وبدون صوت

مشفت غير ضل فوكاية رفعت راسي شفتة واكف اي واكف يمي وعيونة اهخخ ياعيونة تلمع بنص الضلام

عبالك يكلي مانسيتج ولا لحضة 

همس بصوت ناصي

جاسر : شسوين هنا

نور :  اهخخ احس كلبي صحراء وفجا صار بيهة فيضان من المي ونحييت  _ ماسوي شي

جاسر : شعندج بهااليل وبهالمكان ما تخافين

نور : اني دائما اضل هنا

جاسر : دكومي كومي يروح يطلعلج جريذي وتكومين تكمزين

نور : اني سمعتة جان اكمز بساع وراسي نلطخ بخشمة لزم خشمة

جاسر : اهخخ اخخ نعلعلا شبيج وادري ماشوفيين

نور : مادري  والله اسفة اشوف تاذيت

جاسر : ششوفين

نور :  حجاهت وهوة صافن بعيني احسةةة خدر _اه خ خشمك _ حجيتها ورجعت وراه لان نضراتة نكلبت ماعرف ليش خفت

جاسر : اه مابي شي خلاص فوتي جوة

نور : متاكد

جاسر : متاكد بوية فوتي

نور : تمام _ مشيت داعبر جان يوكفني صوتة

جاسر : مبروك النجاح تستاهلين

نور : ختنك صوتي وهوة جاوبتة اعرف شنو روا نبرة صوتة هاي _ الله يبارك بيك

جاسر : فرحانة مو

نور : دنجت راسي واني ماريد ادير وجهي واباوعلة بيا عين اباوع

جاسر : انة فرحان تدرين ليش لان طلع الشي اللي ختاريني بدالي زين ونجحتي بي

نور : طلعت شهكة صغيرة مني بعد ما حبست دموعي كوة

جاسر : لا تبجين افرحي حتتخرجين وخلاص وراها تكعدين بالبيت لو همات رح تقنعن جدو بشغلة وتشتغلن

نور : عفنة ومشيت حجية شكد ما هوة عادي بس يدري بية اعرف معناه ديحاول يكلي دراستج اهم مني

تخليتي عني لاجلها اني الربيتج واللي عشت كل عمري وياج تالي تخليتي عني بسسببها

هوا وصلني لهالمرحلة وهوة اللي سهر ليالي حتى ينجحني واني تركتة لاجلها

مشاعر جبيرة بداخلي ماكدر اوصفها بس الشي الوحيد اللي اكدرلة هوة البجي على مخدتي

صارت عندي قابلية للبجي فضيعة اكدر اسهر الليل كلة ابجي لان نار كلبي مو سهلة

وحتى البجي ميطفيهة ....

_ _____________

نغم : مرن 5 ايام اني ببيت اهلي رحت جبت نتيجتي ونجحت  حجيت لملاك وباركولي كلهم وعلي  لا شفتة واالشك سمعت صوتة 

هنا وبدة الشك بعيون بابا تجاهي وحتى فاروق لحد ما كاعدين نتغدة جان يسئلي

االاب:  بوية صاير شي بينج وبين رجلج

نغم :   ل لا بابا مصاير شي

الاب : متاكده  شو اول مرة تطولين هلكد شنو جيتج زعلة

نغم : لا بابا بس جنت شوية مختنكة من البيت وكتلة اريد ارتاح

الاب : همم

نغم : دنجت راسي اعرف ميصدك وحيسال ماما   ورا الغدا طلعت برا
كعدت على الزرع واني اتنفس قوي

فاروق : هممم اكو هم بكلبج

نغم : يمة خرعتني

فاروق : هههه بعبع واني مادري

نغم : اي يمكن

فاروق : حيوانة

نغم : هههه مشتاقة لعركاتنة تذكر

فاروق : اي شون ماتذكر جنتي دائما تختلين ورا بابا وماما حتى ما اكتلج

نغم : ممم اني اخر العنقود

فاروق : هوة وين اكو عنقود من الاصل هوة انتي الصغيرة واني الجبيرة

نغم : ههههههه صحيح بس اني المدللة

فاروق : نغم باعيلي بلة

نغم : باوعتلة

فاروق : احجيلي  لتخافين ماسوي شي بس اسمعج

نغم : شنو احجي

فاروق : اللي بكلبج  لا عبالج اني زوج وتضحكين علية من اول يوم جيتي لليوم اني ادري صايرا مشكلة بينج وبين علي بس سكتت لان كلت ما اتدخل بينهم همة يحلون مشاكلهم   بس صارلج سبوع ونص لازم افهم لهالدرجة الشي جبير

نغم : لا فاروق لا احنة ممتعاركين على شي جبير بس اني ضايجة  

فاروق : من شنو

نغم : انتة شعليك

فاروق : ها هاي علية خوش  جا هسة اروح اكول لابوية منو حرك قميصة الاسود الغالي علي

نغم : لا لا لا تعال اكعد والله اكلك

فاروق : اي هيج من البداية امشي عدل

نغم : باوع  يعني هوة شي شوية تعتبرة انتو تافه بس اني ماعتبرا هيج _ حجيتلة الصار باوعتلة صافن كدام ويهزم براسة

فاروق : لا مو شي تافه بلعكس انتي زوجتة واهم من شغلة لازم يتفرغ لاجلج

نغم : ماما تكلي تتعودين وهذا واقع

فاروق : باعي علي ميعرفج وماما تفكيرها مو مثل تفكيرج اني اعرفج وحافضج اعرف شنو تريدين واعرف شنو ديدور براسج هذا اني رابي وياج وحافضج انتي تردين واحد يهتم بيج واحد رومانسي بس نغم علي مو هيج علي من نولد لليوم هدفة ان يكون غير عن ابو واخوانة يعني يريد يصير غير عنهم

مو يندفن بالديوان بين الشيوخ  وهذا تفكيرة من جان صغير ومن يوم العرفتة 

ماعاش حياتة كضاها بالكتاب ومن قرر يتزوج ميعرف هاي الاشياء اللي انتي تتمنيهة علي ممعاشر بنات قبل انتي اول بنية تدخل حياتة  لهذا رح تلكي حدي وياج لان يتخيلج مثل اختة او بناتت اخو

نغم : واني شنو ذنبي لعد ليش خليتني استمر وياه مدام تدري مو مثل اللي اريدة

فاروق : لان ببساطة يا حبيبتي مو سهل انو تلكين مثل علي بهالدنيا صدكيني انتي من طيبت كلبج ونيتج الله رزقج شخص مثل علي  لتتمنين ان مموافقة علي لان لو مموافقة منو يجيج كليلي واحد من كرابتنا الطايح حضهم لو من الكلية مالتج اللي نصهم ملطلطين

باعي نغم هاي الاشياء مو اساسية بالزواج  انتي من شخص يجي يتقدملج لتباوعين علي اذا هوة حلو او رومانسي  لا باوعي اخلاقة واذا زين يصير رومانسي صدكيني

حيتغير وميضل هيج بس يحس ان انتي حتضيعين من ايدة رح يرجع ويتممسك بيج بس هوة هسة بفترة ديريد يحدد موقفة وانتي كذالك لازم تحددين موقفج

نغم : كلام فاروق احس فتحلي ابواب هواي وخلاني اشوف الواقع 

اي صح يجوز يحس بية ويتغير اكيد حس بفراقي هسة  اكيددد

صحيت على تلفون فاروق رفعة قرة الاسم واحسة توتر  تحمحم

ورد بصوت خشن كلش ويحجي احس الغاز صفنت علي شبي هذا ردت احجي صم حلكي بايدة ويخزر بية
كمل وسدة

_ عود ليش هيج تحجي

فاروق : مدخلج حبيبي انتي فكري بحجيج

نغم : فاروقق

فاروق : ها

نغم : انتة منو

فاروق : الجني الاسود

نغم : ههههه سخيف

________________

ملاك : سبوع ونص مرن ونغم مارجعت وعمو علي تغيرت احوالة

يرجع بالليل  حتى مياكل لا يكعد يمنة ودائما اشوفة يصيح باسم نغم ويتراجع بساع كان يتذكر انو هية ماكو حسيتة ضايع بدونها

الوضع بالبيت هادئ احسة هيج سكون وهدوء محد يسوي مشاكل ماكو عركة   ولو هوة محد يتعارك بينة بس المهم

جان الملل يقتل مدري ليش احير وين اروح يمكن من الدراسة تعودت ان حياتي تصير كلها دراسة وزحمة
بحيث هسة الملل ديقتلني

فاتت لنور لغرفتي

نور : ملوكة تعاي باعي هذا الروب شكد حلو حموتتت علي

ملاك : وها هاي خبصة ثانية نور من هسة بدت تدور روبات تخرج كتلتني كلسع كامزة علية بروب

نور : شوفي بربج مو يخبل خرب عرضة شون جمال

ملاك : اي كلش حلو

نور :  انوب حرت يالله يخبلن كلهن

ملاك :  حبيبتي انتي بعدج مداخلة المرحلة ال5 ومن هسة تقررين الروب والله مالي خلكك

نور :  هففف يعنيي شسويي ويامن احجي

ملاك : مريم وين

نور : كاعدة تشوف مسلسلهة ومتقبل احد يزعجها اهخخ وين نغم التنقذني منكم

ملاك :  اي والنبي مكانها خالي

__________

نغم :  مر يومين لخ العصر جان تندك الباب بابا وفاروق جانو طالعين لبست شال وطلعت كلت واني البس برجلية _ منوووو

محد جاوب مشيت فتحتهة ووكفت ورا الباب _ منو 

علي : طلعي راسج وتعرفين منو

نغم : باوعت وفتحت عيوني بصدمة لحضة معقولة هذا علي لو اني دا احلم لا والله هياتة هوة واكف بطولة عزا  هوة والنبي

علي : شوكت ناوية تخلصين صفنتج

نغم : هاا احم تفضل

علي : الحمد الله

نغم : فات وسديت الباب دار وجهةة علية وديحجي جان يباوع على طولي جنت لابسة دشداشة للركبة وشعري مفلول لان جنت توني كاويتة من الكئابة 

تقرب لازمني من زندي وحجة بعصبية بين سنونة

علي :  هاي انتي هييج تطلعين كبال فاروق وابوج

نغم : ا اي ليش شبي لبسي

علي : ولج غضب الله على راسج كون هذا لبس

نغم : دفعت ايدة من زندي _ ايي شو وخر الحمد الله لا تسئل شوني ولا شخباري ركض رزايل

علي : ولج انتي ليش تردين تطلعيني من طوري انة كم مرا حاجي على لبسج شون وياجج انتي

نغم :   اييي علي مصارت سالفة والله زهكتني

علي : هاي عليمن ول.....

الام : هلة يمة علي ليش واكف هنا فوتو جوة

علي : هلة بيج خالة شونج نشالله بخير

الام : الحمد يمة شونك انتة

علي : بخير الحمدلله

نغم : حجاها ورفع حاجبة وباوعلي بدي اكفشة من شعرة الحلو هذا فات جوة واني فتت رحت لميت شعري وخليت عطر اني اعلمك علي اصبرلي  خليت تنت ومسكارا وطلعت وديت الضيافة جان يحجي وية ماما ويشرب مي باوعلي وغصب بالميه

كوة ضميت ضحكتي رحت يمة  اضرب على ضهرة _ اسمالله شبيك على كيفج

علي : باوعلي ووجهة احمر وهمس بين سنونة _ من غضب الله عليج كون 

نغم :  كلت بدلع ومبرطمة _ ليششش شسوييت اني  _ ددار وجهة ويمسح بوجهة باوعت لماما مبتسمة شوية ونسحبت كلت اي فرغلي الساحة اني اعلمك علاوي  كمت من يمة واني امشي واميل بجسمي بدلع وافر بشعري وصلت يم التلفزيون جريت اللريمونت وباوعت علي يمسح بكصتة ويستغفر بهدوء

كعدت خليت رجل على رجل اكلب بالتلفزيون

علي :  منحجي

نغم : شنحجي ليش عدنة حجي

علي : نغممم صارلج سبوعين مكافي

نغم : لا مو سبوعين سبوع و4 ايام

علي : لا اله الا الله داحجي وياج جد كافي تصرفات مزعطة ورجعي

نغم : يعني انتة جاي ترزلني لو تراضيني

علي :الاثنين

نغم : واني ما اقبل ترزلني راجع روحك بالاول

علي : شنسوي اني اشو شغلي وكتلج هذا اقصى شي تسوي الج

نغم: علي انتة تعرف كولش زين اني شنو اريد

علي :نغم فهميني بوية انة اتعب بشغله وينهد حيلي والله رجلية ارجع خيوط ومن تتعينين تحسين بية ولو انتي هم حتصيرين بس بمكان انة صاعد نازل والركض منا ومنا يعني لو تشوفين شغلي تبجين على  حالي

انة رغم كل هذا ارجع اسولف وياج واضحك وابين طبيعي بس صدكيني انة تعبان وتعبت وواصل لمرحلة اتمنى اعتزل الطب واكعد بالبيت انتي مرتي لزم تحسين بية بس انتي ماخذة بس وجهة نضرج مسمعتيني

شسويلج يعني تردين تطلعين اطلعج نسهر اسهر وياج بس رجعي لان البيت فارغ بدونج والله
و انة هم عندي احتياجات يعني انة ومتزوج واطلب من ملاك ونور يغسلن هدومي

روحتج طولت كلش واني تعبان والله

نغم :  يحجي واني مدنجة  يعني ليش هيج ياثر بية حجية  احس بكلمة منة انسة كلشي

علي : ها شكلتي ترجعين

نعم : هزيت راسي باي _ بس بشرط

علي : كولي شنوو

نغم : نروح لبغداد ونضل سبوع هناك ومتشتغل نروح اجازة مثل شهر العسل 

علي : اسبوع هواي

نغم : مااا شنو هاي الناس تروح شهر وانتة سبوع ممتكدر

علي : خلاص بوية يجرالج  

نغم : صدككككككك

علي : هههه اي صدك

نغم :  والله والله احلف احلف بلة

علي : شبيج تسودنتي والله

نغم : احم لا مو ممصدكة يعني مستغربة ان انتة تاخذ اجازة

علي : هذه شايفتني

نغم : اكلك شايفتك بس بيني وبينك

علي : اي بلة كولي  

نغم : تقربت منة ودنجت علي شعري وكع على ايدة همست يم اذنة _ شايفتك شخص كوووولش تحب شغلك ومخلص ومجنت اعرف ان بيوم ممكن تاخذ اجازة _ نزلت عيني علي جان مغمض ويستنشق عطري وبالة ولا يم حجيي  جرني بهدوء وكعدني بحضنة صار راسة بركبتي ويتنفس قوي

علي :  شسم عطرج

نغم :  هااا _ حجيت بفهاوة

علي : نغم

نغم :همم

علي : مشتاقلج

نغم : سجلها يا تاريخ اول كلمة رومانسية تطلع من حلكة الحلو ضليت مصدومة وصافنة بوجهة وبالي اكول هذذا علي لو احلم لا اكيد حلم متاكدرة لان كل هالاحداث تصير ممعقولة حقيقة

علي : نغممم

نغم : هااا

علي : هذي حقيقة ترة

نغم: ييمااهذا شنو قرا افكاري شسالفتة باوعلتة وتحركت مضايقة من الكعدة المونضامية

علي :كافي تتحركين ومجاوبتيني شنو عطرج شسمة

نغم :   احم اه انا الابيض

علي : هممم انة شامة قبل  مريم تستخدمة شو مو هيج ريحتة

نغم : اي مو اني اخبطة وية عندي زيت عطري اخلي لركبتي ولشعري همات ادهنة فسوة هيج يصير ريحتة

علي :  شنو هذا الزيت

نغم :  فاروق جابة من السعودية عندة صديق هناك وجابلي منة

علي : ريحتة عليج تسكر

نغم : احم _ حسيتة فقد كلش كمت بساع ووكفت كبالة اعدل بشعري

علي؛ ليش قطعتي  علية اللحضة

نغم : ياا علي يا لحضة

علي :  تعاي بربج بس بوسة تعاي شو

نغم : جرني وتوة تقرب مني نفتحت الباب ووفاتو بابا وفاروق اني باوعتهم حسيت روحي متت بمكاني دفعتة وكمت اركض رحت ورا بابا وفاروق حسيت روحي عبالك لاكفيني وية صاحبي انوب همة ضلو صافنين على علي وهوة خازرني

الاب : احم هلا وليدي شونك

علي : هلا بيك عمي الحمد الله انتة شونك

فاروق : ههههه شونك ابو النسب

نغم :متت من الفشلة هاذا شبي يضحك

علي : هلا فاروق خير شكو  ضحكنة وياك

فاروق : ههههههههه لا سلامتك

نغم : نضرات فاروق ابد مو راحة وبابا يخزر بي وعلي خطية بموقف لا يحسد علي واني واكفة وراهم _ اه اسويلكم غدا

فاروق : اي والله وانتة علي تغدة ويانة ولو شكلك متغدي

نغم : يابوووية على لفشلة طلعت ووسمعت علي يكلة

علي : تغديت نفس الغدا اللي انتة تغديتة 

نغم: رحت سويتلهم غدا وكاعدين بين متغدوا لميت ملابسي وبدلت ونزلت دنروح

علي : ها خلصتي

نغم :   اي

علي : يلا عمي مع السلامة

الاب : الله وياكم ابني

نغم : ودعتهم وركبنة السيارة اول ما تحركنة  باوعلي ويخزر بية

علي : عود شنو هاي تصرفج شنو صاحبج انة ابتعدي اي بس كمزتي رحتي ورا ابوج وخليتيني بهالموقف وهذا الطايح حضة يضحك علية

ننغم: ما اسمحلك  تحجي علة اخوية

علي : اي والله تالي وكت اكعد احترم فاروق

نغم : ليش عيني شبي اخوية ومتحترمة شو يخبل هوة وهيبتة

علي : اذا نحجي عالهيبة فهوة هيبة ورفعة راس همات بس شوية عندة خلل بدماغةو يمكن مضروب على راسة هالولد

نغم : يعني تعترف انو هوة هيبة ورفعة راس

علي : على  اللي بالي اي بس اللي بالج تافه مو هيج

نغم : وشنو اللي باللك اخوية واني اعرفة اكثر منج

علي : هسة عوفينة من اخوج  باجر نطلع لبغداد مدام ماعندي شغل هذا الاسبوع اخذ اجازة

نغم : بحماس _ ايييي تمام

علي : على فرحتج هاي عبالك ساجنج انة

نغم : السجن قليل بحق الي سويتة

علي : افاا هاي هيج انة طلعت ومادري

نغم : اي لعد شعبالك

عالي : سكتي سكتي احسن ترا ابطل

نغم : لا لا عمي سكتت ههههه_ سكتنة وبنص الطريق دك موبايلة جراح فتحة وتوة ديحجي جان مبتسم جان بلحضة

تختفي ابتسامتة وضل مركز

علي : جايكم جايكم لتخلييي احد يفوتتتت انةةة اسوييي العمليةة.... اي ااي ميدبروهة.. انة هسة قريب  .. على الجسر.... ماشي يلة.. الله وياك

سدة ومشة بساع

نغم ؛ شصاير

علي : نور واكعة من الطابق الثاني ..........

___________

يتبع.....

__________________

اتمنى يعجبكم البارت 💕

انتضروني بارت جديد 💕

#الكاتبة : yaqeen. Hassan
#مـلاك _ الـشيـخ _ جـراح