رواية ملاك الشيخ جراح الفصل الثالث والعشرون 23 - بقلم ~yaqeen.hassan~

"كم هي جميلة ودافئة تلك اللحظة التي تكتشف فيها أنك أنت المقصود بنص كُتِب بطريقةٍ مبهرة، وأنك الشخص الوحيد الذي يستطيع إدراك ذلك."

لتنسون النجمة وعلقو على الفقرات 💕

#الكاتبة : yaqeen. Hassan
#مـلاك _ الـشيـخ _ جـراح
#البارت _الثاني  العشرون

ملاك : شي صعب اوصفة وصدمة دمرتني

نور توأمي اذا تاذيت اني هية تتاذة

واذا هية تاذت اني اتاذة ...

منضرهة مديروح من بالي وصوت جاسر وهوة خالها بحضنة ويصرخ علية يريد الحكلهة بعباية نطبع باذني  جان مثل الطير المذبوح  يهزهة وهية غركتنة بدمها

وكعتهة مو طبيعية

الطابق الثاني بي مثل الصالة اول متكملين الدرج وصاير داير مدايرها البوب ما الغرف

  جهة منها محجر متصل وية الدرج

وهية واكعة منا وكعتهة صارت كبال عيني اي شفتهة وكعت على  المحجر ورجعت وكعت للكاع بدون نفس وبدون صرخة بسرعة اغمى عليهة كان  روحها بساع راحت من الهبطة

تلاحكنالها بشال واني شون مجان لبست الصاية والشال وطلعت ركبت بالسيارة

جاسر : شسوووين نزلييي

ملاك : ما انزللل وما اتحرككك خطوة بدونها بساعع امشييي

_ حرك السيارة بساع ومشة واني خالة راسها بحضني واشهك بالبجي وامسح بوجهة اباوع خشمهة ينزف وراسها ضاغطة علي حتى يوكف دم يربي كلشي ولا راسها دخيلك

ضليت اقرة ايات وهوة يسوق  ويريد يتصل

جاسر : لزمي لزمي بساع تصلي بجراح وجدو وعمو و كليلهم خلي يجون

ملاك :  البيت جان فارغ بس اني وهية بي لان صارت فاتحة وراحن بيبي وعمة فاطمة ومريم وجدو وجراح وعمو راحو همات فكالو جاسر علة جية يضل يمجن هوة اجة وشوية وصار الحادث

دكيت على جراح واني ايدي تختض خض من الخوف والرجفة فتح الخط

جراح : ها جاسر صاير شي

ملاك : ن نور ج جراح ن نوووور

جراح ؛ ملاك؟ شبيهعااا نوررر احجييي

ملاك :  وكعت من الطابق الثاني للكاععع احنة هسة للمستشفى رايحين تعالو 

جراح : شوننن وكعتتت شدتحجيييين انتييي

ملاك؛ صرخ صرخة طبلة اذني حسيتهة نشكت وكامت توصوص حتة جاسر سمعها

جاسر : جراححح مو وكتةةةةةة  تعالوو لمستشفى ودككك علي عمو علييي خلي يجي

جراح : اي اي جايين

ملاك : جراحح

جراح : ها

ملاك : لتكول لعمة وبيبي هسة يتخبلن فدوا كللهن وديناهن لنغم

جراح : اي ماشي يلة مع السلامة

ملاك : سديتة ورجعت امسح بوجهة وحلكي موكف من الايات اخاف اقرب ايدي لنبضها اشوفة ماريد انصدم 

المفروض اني دكتورة وبعدلي سنتين اتخرج بس احس كلشي طار من عقلي كلشييي تبخررر رجعت طفلة ترد اختهة وبس

وصلنة بسرعة واخذوهة بالسدية واني واكفة ابجي تقرب جاسر حضني

جاسر : اشش اشش نشالله مابيهة شي ادعيلهة

ملاك : اعرف بي جذاب لان اني شفت جرحها راسها ينزف دم ومشكوك واكيد جسمهة متكسر من الوكعة

بس هوة كوة مصبر روحه احسة يلوب يروح ويرجع شوية وصارو جراح وعمو وجدو ومصطفى وحتى عمامي جايين

يسالون شصار حجالهم كلشي وطلع الدكتور

الدكتور : لازم ندخلهة عمليةة فورا

جراح : عمو علي وييين صارر دكيتت علييي

الدكتور : انة اسويلهة

جراح؛ لا هوة دكتور علي يسويلهة

الدكتور : بكيفكم بس التاخير مو بصالحكم

جاسر : وييييين صارررر لخاطرالله

ملاك : توهم يحجون اجة عمو علي ركض حتة محجة ويانة  بس نغم جتي لونها نخطوف اني شفتهة لو الله ذب علية البجي حضنتهة وكامت تبجي وياي عبالك تريد حجة تبجي 

شهكت قوي وحسيت دخت ووكعت

نغم : حاضنة ملاك وماحس غير شهكت ووكعت علية صرخت اجة جراح ركض عليهة سندهة على الكرسي وجاسر يفرك بايدهة واني واكفة ابجي ووارجف عاط جراح بمصطفى

جراح : ورححح صيحححح دكتوورررر

مصطفى  : اي اي  هسة

نغم؛ شوية واجة دكتور ودوها لغرفة وشكلولها مغذي ضغطها هابط جاسر كعد وايدة على راسة تقرب مني وحجة بصوت ناصي

جاسر: فدوة نغم ضلي يمها ماكدر اتحمل بعد لتعوفيهة روحي واختي  ثنينهن هنا  ماعرف  وين اروح ضلي يمهة وهديهة

نغم ؛ هزيت راسي وهوة راح ضل يمنة عبدالله اخو  علي هوة وابنة

رحت يمهة ولزمت ايدهة باردة ثلج رجعت كلمة جاسر ترن باذني روحي واختي  نور روحة

ملاحضة علي هواي هالشي بس هسة يلة اثبتلي البالي صح اباوع حالتة تبجي العدو

ضليت يم ملاك لحد ما صحت وعلي ما شفتة بعد

بدة الشك يصير بعمة وامهة لنور ومريم نخبصت موبايلاتنة بالاتصال  بالاخير رديت على موبايلي جانت امها لنور

_ الو ها عمة

فاطمة ؛ هايمة صدك جذب وينجن تخبلت والله شصاير شنو الدم اللي تارس البيت ووين جاسر

نغم : ها عمة ماكو شي بس بس باوعت لجراح اريدة ينطيني عذر اشرلي اسدة

سديتة

جراح : كليلهة دجاجة مذبوحة لاكيات بالبيت ومخترعات وجاسر جايبهن يمج

نغم ؛ هسة تسالني على الدجاجة شكللهة

جراح : كليلهة جراح ديفتهم الموضوع من يرجع

نغم : رجعت دكيت عليهة مدري شون قتنعت لان العذر مدري شونة بس قتنعت نوعا ما  سديتة وسمعت شهكة ملاك

ملاك  : غ غركت البيت بدمها  شوفي ملابسي كلها دم وجاسر هم 

_ تقرب مني جراح وكعدت على الكرسي

جراح : شون صار الحادث سولفيلي

حلاتك؛ هئ جنت واكفة بالمطبخ انتضرها صصعدت تجيب موبايلهة شوية وسمعت صرخة وباوعت للدرجة وكعت من الجهة مال المحجر اللي على الصالة ووكعت على محجر الدرج ورجعت وكعت بالكاع مطلعت صوت بساع سكتت والدم جرى منها

نغم : اني من يمي التخيل حسيتة كطعني مو هية شافتة كبالها جراح كام وهوة احسة كوة  متحمل وواكف

طلع  وضلينة متاملين بالعملية وننتضر علي يطلع باوعت على ابوها شوية داخ وراد يوكع

_ عمو عمو انتة بخير جراح لزمة

جراح : يابة شبيك

حسين  :  مابية شي لتخافون

الجد : بوية ودي ابوك خلي يقيسون ضغطة انوب هوة يوكع

جراح ؛ تعال بوية تعال خليل اسندة وياي

نغم : الوضع جان صعب ملاك كاعدة ووجهة اصفر وتبجي بهدوء جاسر واكف باللباب يروح ويرجع

عشنة بقلق ضلينة ندعي بال3 ساعات نفتحت الباب وطلع علي يركض لزمة جاسر

علي : مو وكتة جاسر ابد مو وكتة

نغم : ركض قوي ورجعو وويا دكاترة كبار مبينين قديمين بالمستشفى دخلو وساعة ثانية طولو

اخر شي طلعو الدكاترة راحو وعلي كعد

جراح : عمي احجي وااله نهبطنة

علي : وضعه حرج راسهه مضروب ضربة قوية سوينة كلشي نكدر علي   ضلت هسة بالعناية المشددة 

ملاك : يي يعني تصير زينة

علي : ادعولهة وتصير زينة كولو لفاطمة هية امها دعاء الام مستجاب

جراح : انة رايح للبيت اكللهم

علي : يابة روح وياهم وانتو هم مالة داعي وجودكم هية حتضل هواي هنا

جاسر : روحو انتو اني وجراح نضل هنا

ملك؛ : اني ماروح والللله ماروححح لو اعرف اموت هنا ماعوفهة

علي؛ ملاك لتعاندين وجودج ميفيدهة بشي

ملاك : ما اروح والله اذا رحت للبيت احرك نفسي ماروح

جراح : لتتخبلين علينة شعندج تضلين هنا باع لبسج

ملاك : ماروووح اكلكك ماروحححح

الجد : خلااص جراح خليهة هسة ندزلهة ملابس بيدك وانتي بوية نغم تضلين يمهة

نغم : اي عمو اضل يمها _ طلعو وبقينة اني وجاسر وعلي وملاك

رحت يم علي جان كاعد ويضرب اصابعة بنطرونة بحركات سريعة مبين قلقان وجاسر كالعادة رايح جاي ما كعد وملاك مرجعة راسها على الحايط ومغمضة

لزمت ايدة باوعلي وتنهد

علي : زينت شعرها الحلو بايدي

جاسر : شعرها شش شنو ز زينتة

علي : اي زينة مكان العميلة صارت دائرة كبيرة اهخخ  احس حيلي يرجف وانى اسويلهة العملية اول مرا اسوي عملية لشخص قريبب مني واول مرا اعجز وماعرف اتصرف

ملاك : جانت مشتهية كيكة كالتلي اجيب موبايلي واجي وصعدت ونزلتلي بدمها المنضر مديرح من بالي حموت والله

نغم  : كامت تشهك راح جاسر حضنهة ويبوس براسها

علي : لتبجين بس ادعيلهة عوفي البجي ادعيلهة اقري قران هسة من المكتب اجيبلكم

نغم : من ابشع الليالي اللي مرت علينة بنص الليل وجوي خليل ومصطفى جايبين امهم لان خطية متخربطة جراح ضل يلوم بيهم بس هية ضلت تبجي تعيط علي حقهة تضل امها

كضينة الليلة هاي على امل الانتضار وعلي رايح جاي للغرفة ما كعد

ملاك : اريد اطلع للحديقة ختنكت

جاسر : كومي وياي

ملاك : لزمني وطلعنة تنفست قوي ودموعي نزلت بحرارة اخخخخ ياروحي انتي شصار بيج ريتني بمكانج

جاسر : كافي  تبجين هية قوية نشالله تكوم بالسلامة

ملاك : نشالله _ ضليت برا شوية ورجعنا دخلنا

نغم : ضلينة بالمستشفى  على هالحال  دخلنة لغرفة

عمة فاطمة نامت على الجرباية واكو ثانية ملاك نامت عليهة والقنفات خليل نام عليهن وجراح ضل بس متمدد وجاسر بالحديقة ضل ماشفتة واني ضليت برا يم علي

علي : نغم  تدرين ماريد احجي هالحجي بس مداكدر اضمة بكلبي لان مختنك 

نغم : احجي

علي : نسبة شفائها قليلة

نغم : شكد يعني

علي : 40 بالمية

نغم :  شهكت قوي وخليت ايدي على حلكي وعيوني نترست دموع

علي :  اي نغم اي 40 بالمية داحاول امحي هالشي من بالي بس مدينمحي ماريد اعيشهم بخوف ماريد اخليهم ينرعبون اذا كلتلهم وصار عليهة شي يروحون بيهة ونخسر كم شخص وياها لا فاطمة التتحمل ولا حسين لو  حتى امي وابوية يعتبروهن قطعة من روحهم يحبوهن اكثر من احنة جهالهم
صعب علية اجي اكللهم والله بنتكم وطفلتكم الربيتوهة وكبرتوهة مرح تعيش
صعبة كلشش صعبةةة

نغم :  دموعي تنزل بهدوء واني اسمع حجية  نور مثل النسمة الباردة اذا مرت من يمك متحس بيهة كلشي بيهة هادء بحيث كلها تحبها واخوانها متعلقين بيهة هواي واولهم جراح ومبين الخوف بعيونة ويتامل نضرة وحدة من علي ياملة بيهة بس علي مابيدة شي

علي : باجر يتحدد مصيرها يا اما تعيش او........ تودعنا

نغم : لا علي لا لتحجي هيج فدوا نشالله تكوم والله موجود ميعوفهة

علي : الله موجود نغم اي الله بكل مكان بس مرح تعيش الة بمعجزة 

وماعتقد بحياتنة اكو معجزة ......

____________________

.... : سجد للكاع   برودة السيراميك دخلت لعضامة

وية برودة الجو بس ما تاثر ضل ساجد نزلت دمعة حارة متروسة الم وقهر وكعت على الكاع

سمع صوتهة من كثر الهدوء اللي بي وبالمكان همس بصوت ودموعة تنزل وية كلمة يلفضها

_ الهي   سلمتها بايدك روحي نايمة بين الحياه والموت لتاخذ روحها لتاخذها

لتحرمني من عيونها ومن صوتها خليتها بامانتك وماكو اامن منك بهالدنيا

بجاه كل امام وكل نبي رجعها الي سالمة

اني ماعندي غيرها بهالدنيا و ماعندي غيرك اشكيلة البية

اذا راحت اخذني وياها لتعوفني بهالدنيا 

دنيا وهية مو بيهة متسوة

يا مشافي شافيها وعافيها بحق كل امام ونبي

سلمتها بيدك   وانتضرها منك

معجزة وحدة تكومها واسوي  كلشي اتبرع واتكفل عوائل واسوي كلشي  زين بهالدنيا بس كومها بالسلامة

اتكفل 5 عوائل بس كومها بالسلامة

الهي انتة ارحم الراحمين.... ارحم روحي النايمة جوة ورجعها الي  ..

يتبع.....

__________________

اتمنى يعجبكم البارت 💕

المقطع الاخير اكتبة وعيوني مدمعة لحد هاللحضة اجمل مقطع بالقصة 💔

انتضروني بارت جديد 💕

#الكاتبة : yaqeen. Hassan
#مـلاك _ الـشيـخ _ جـراح